: تازہ ترین

تازہ ترین ویڈیو

حاجی حنیف طیب عمرہ کی ادائیگی، زیارت حرمین شریفین کے لئے سعودیہ عرب روانہ


nizam mustafa party news March 17, 2019 | 9:53 PM

کراچی:(نیوزآن لائن )نظام مصطفی پارٹی کے سربراہ سابق وفاقی وزیرڈاکٹرحاجی محمدحنیف طیب عمرہ کی ادائیگی اور زیارت حرمین شریفین کیلئے سعودیہ عرب روانہ ہوگئے۔ روانگی سے قبل نظام مصطفی پارٹی کے کارکنان سے بات چیت کرتے ہوئے انہوں نے کہاکہ دنیا بھر میں مسلمانوں کے ساتھ ظلم وزیادتی کا سلسلہ جاری ہے اورمسلمانوں کی نسل کشی،قتل وغارت گری ،ظلم وزیادتی کرکے تاریخ کی بدترین مثال قائم کی جارہی ہے ۔یہ پوری دنیا کے امن کے علمبرداروں ،انسانی حقوق کی تنظیموں کے لئے سوالیہ نشان ہے کہ کبھی قرآن مجیدکو جلایاجاتاہے ،اس پر فائرنگ کی جاتی ہے ،کبھی نبی کریم ۖاورصحابہ کرام کے خاکے بنائے جاتے ہیں ،کبھی مساجد پرحملے کرکے ،نمازیوں کو شہید کردیاجاتاہے ،کبھی مسلمان بچیوں پر اسکارف کی پابند ی لگادی جاتی ہے۔کبھی داڑھی رکھنے والوں پر حملہ کردیاجاتاہے ،داڑھی کے بال ہر مذہب کے ماننے والوں کے چہرے پر نکلتے ہیں،یہ ایک قدرتی عمل ہے۔ اسلام کی بنیادپراگر کوئی داڑھی رکھتا ہے تو اس کے ساتھ اچھا سلوک نہیں کیاجاتا ۔اسی طرح برمامیں مسلمانوں ہی کوظلم وتشددکا نشانہ بنایاجارہاہے ۔اقوام متحدہ 70سال گزرجانے کے باوجوداپنی ہی قراردادوپر عمل نہیں کراسکا۔ ایک لاکھ کے قریب کشمیری مسلمان شہید کردیئے گئے ۔انہوںنے کہاکہ پوری دنیا میں مسلمانوں ہی کو تختہ مشق کیوں بنایاہواہے؟انہوںنے کہاکہ عالم اسلام ایک مشکل ترین دور سے گزررہا ہے۔اس وقت عالم اسلام کو اتحادواتفاق یکجہتی کی ضرورت ہے۔ حاجی محمدحنیف طیب پاکستان کی خوشحالی ترقی سمیت عالم اسلام کے مسلمانوںکی یکجہتی ،امن وامان کے لئے خصوصی دعائیں بھی کریں گے ۔

غربت،جہالت اور امراض کا مقابلہ صرف سرکاری وسائل سے نہیں کیا جاسکتا،عون عباس


al mustafa welfare March 17, 2019 | 9:48 PM

کراچی:(نیوزآ لائن )مینجنگ ڈائریکٹر پاکستان بیت المال عون عباس نے کہاکہ پاکستان ایک غریب اور کثیر آبادی والا ملک ہے۔غربت،جہالت اور امراض کا مقابلہ صرف سرکاری وسائل سے نہیں کیا جاسکتا ۔انہوںنے المصطفیٰ میڈیکل سینٹر گلشن اقبال کے مختلف شعبوں کا معائنہ کرنے کے بعد المصطفیٰ مائی ہو م میں زیر تعلیم یتیم بچوں اور تھیلی سیمیاسے متاثرہ بچوں سے ملاقات کی ۔اس موقع پر منعقدہ تقریب میں المصطفیٰ ویلفیئر سوسائٹی کے سرپرست اعلیٰ سابق وفاقی وزیرڈاکٹر حاجی محمدحنیف طیب،ڈائریکٹر پاکستان بیت المال سندھ ڈاکٹر عدنان مجید ، معین خان،احمد رضا طیب،عبدالغفارسعیدی ،امین آدم جی ،معین احمدودیگر بھی موجودتھے۔مینجنگ ڈائریکٹر پاکستان بیت المال عون عباس نے کہا کہ المصطفیٰ جیسے سماجی ادارے ہماری معاشرتی ضرورت اور دنیا کے سامنے اسلام اور پاکستان کا روشن چہرہ ہے۔مجھے المصطفیٰ میڈیکل سینٹرگلشن اقبال کادورہ اور یہاں کے شعبہ جات کا معائنہ اورمعیارکودیکھ کر بہت خوشی ہوئی۔ انہوںنے کہاکہ المصطفیٰ کاوجوداس بات کی علامت ہے کہ ہمارے معاشرے میں غریبوں،یتیموں،مسکینوں،بیواؤںاور دکھی انسانیت کی خدمت اخلاص ودیانت داری سے یہ ادارہ اپنافریضہ سرانجام دے رہاہے۔یقینا عوام ان ہی پر بھروساکرتے ہیں جواپنی دیانت داری،ایمانت داری کا لوہامنوائے ۔انہوںنے کہاکہ چاہیے عمران خان ہو ،یاحنیف طیب یا کوئی دوسری اہم شخصیات ،لوگوں کے اعتمادکا رویہ ہمارے لئے بڑے حوصلے کاسبب ہے۔مجھے اس بات کی بھی خوشی ہے کہ میں اپنے بطورمنیجنگ ڈائریکٹربیت المال کی ذمہ داریوں کا آغازسب سے پہلے بطورفلاحی تنظیم المصطفیٰ کا دورہ کیا۔ انہوںنے کہاکہ حاجی صاحب کا سیاسی،سماجی،فلاحی کام کو تمام طبقات لوگ بڑے ادب واحترام سے دیکھتے ہیں۔مہمان کا خیر مقدم کرتے ہوئے ڈاکٹر حاجی محمدحنیف طیب نے بتایا کہ المصطفیٰ سماجی خدمت کا عالمی نیٹ ورک ہے۔زلزلہ، سیلاب،دہشت گردی سمیت تمام قدرتی آفات میں المصطفیٰ نے ہمیشہ مثالی کرداراداکیا ہے۔ شام،برما،فلسطین،انڈونیشیاسمیت دنیا بھر میں المصطفیٰ امدادی اوربحالی کی سرگرمیوں پیش پیش ہے۔ملک کے اندرہسپتال، اسکولز،کالجز،یتیم خانے،اولڈہومز،آنکھوں آپریشنزکی ملک گیرمہم،ہونٹ اور تالوکٹے افرادکی فری سرجریز،یتیم وغریب بچیو ںکی شادیاں،بیوہ خواتین کے لئے ماہانہ راشن،ہرسال آٹھ لاکھ کلوچاول بیگس کی غریبوں میں تقسیم،ایمبولینس او رمیت بس سروسزالمصطفیٰ کی کارکردگی کا حصہ ہیں۔مہمانوں کوپروجیکٹر کے ذریعہ المصطفیٰ کی کارکردگی رپورٹ بھی دکھائی گئی ۔معین خان،احمدرضاطیب، عبدالغفارسعیدی نے مینجنگ ڈائریکٹر پاکستان بیت المال عون عباس کی آمدکا خیر مقدم اور انکاشکریہ اداکیا۔

آئی ایس او کے زیر اہتمام جعفرِ طیار سوسائٹی میں یادِ شہدا سیمینار کا انعقاد


iso news March 17, 2019 | 9:41 PM

شہیدڈاکٹرمحمد علی نقوی نے اپنی جان کا نذرانہ دے کر پاکستان کی نظریاتی و جغرافیائی سرحدوں کی حفاظت کی،زہرا نقوی ممبر پنجاب اسمبلی
شہدا کی زندگی ہمارے لیے ایک عظیم مشعلِ راہ ہے،مولانا نسیم حیدر زیدی
ہم نے ہمیشہ پاکستان زندہ باد کا نعرہ بلند کیا اور ہمیشہ کرتی رہیں گے، مولانا شبیر بخاری
کراچی :( نیوزآن لائن)امامیہ اسٹوڈنٹس آرگنائزیشن پاکستان کراچی ڈویژن کے تحت یادِ شہدا سیمینار کا انعقاد جعفرِ طیار سوسائٹی میں کیا گیا۔ سیمینار میں مختلف شعبہ ہائے زندگی سے تعلق رکھنے والے افراد سمیت عوام کی بڑی تعداد نے شرکت کی۔سیمینار میں آئی ایس او پاکستان کراچی ڈویژن کے صدر محمد عباس، رکنِ پنجاب اسمبلی محترمہ زہرا نقوی، مولانا شبیر بخاری، مولانا نسیم حیدر زیدی ،مجلسِ وحدت المسلمین کراچی ڈویژن کے رہنما علامہ مبشر حسن نیت شرکت کی۔مقررین نے خطاب کرتے ہوئے کہا کہ شہید ڈاکٹر محمد علی نقوی نے اپنی جان کا نذرانہ دے کر پاکستان کی نظریاتی وجغرافیائی سرحدوں کی حفاظت کی،شہید نے ہمیشہ حق و سچ کا ساتھ دیا،ہمیں شہید کی زندگی سے ہمت،حریت،جاذبیت،استقامت،شجاعت،محبت، اطاعت کا درس ملتا ہے۔مزید خطاب کرتے ہوئے دیگر مقررین کا کہنا تھا کہ شہدا کی زندگی ہمارے لیے مشعلِ راہ ہے،شہید استاد سبط جعفر نے اپنی پوری زندگی علم کی شمع کو روشن رکھنے اور اسے مزید فروغ دینے میں گزار دی،شہید اپنے دور کے مسیحا تھے کہ جو ہر وقت خدمتِ خلق کے لیے آمادہ و تیار رہتے تھے اور شہید کی شخصیت ایک ہمہ جہت،بہادر،عجز و انکساری سے بھر پور تھی۔مزید خطاب کرتے ہوئے مقررین نے کہا کہ ہم نے پاکستان زندہ باد کا نعرہ ہمیشہ بلند کیا اور کرتے رہیں گے،مگر پاکستان کی سلامتی و استحکام کی فکر کرنا شاید ہمارا جرم تھا کہ ہمیں شہید بھی کیا گیا اور پابندِ سلاسل بھی کیا گیا چونکہ اسیری و شہادت ہمارا ورثہ ہے اور ہمیں اس پر افتخار حاصل ہے۔

چاراپریل لاڑکانہ میں پیپلز پارٹی بھرپور عوامی قوت کا مظاہرہ کریگی ،پا کستان پیپلز پارٹی


527500-ppp-1364415145-852-640x480 March 17, 2019 | 9:29 PM

جلسہ کمیٹی کا اہم اجلاس19مارچ کو سکھر اور22مارچ کو لاڑکانہ میں ہو گا’جلسہ کی تیاریوں کو حتمی شکل دی جائیگی
کراچی: (نیوزآن لائن)پاکستان پیپلز پارٹی کے سینئر رہنما اور سابق وزیراعلیٰ سندھ سید قائم علی شاہ کی رہائش گاہ پر پیپلز پارٹی جلسہ کمیٹی کا اہم اجلاس منعقد ہوا۔ جس میںپی پی پی کے صوبائی صدر نثار احمد کھوڑو، سابق وزیراعلیٰ سندھ قائم علی شاہ، اپوزیشن لیڈر سید خورشید احمد شاہ،وزیراعلیٰ سندھ کے معاونین خصوصی وقار مہدی، راشد ربانی،صوبائی وزیر ناصر حسین شاہ،اعجاز جکھرانی اور عاجز دھامراہ بھی شریک ہوئے۔اجلاس میں فیصلہ کیا گیا کہ 4اپریل گڑھی خدا بخش لاڑکانہ میں شہید ذوالفقار علی بھٹو کی 40 ویں برسی پر پیپلز پارٹی بھرپور عوامی قوت کا مظاہرہ کریگی’جلسہ کی تیاریوںکے سلسلے میں جلسہ کمیٹی کا اہم اجلاس19مارچ کو سکھر اور22مارچ کو گڑھی خدا بخش لاڑکانہ میں ہو گاجس میں جلسہ کی تیاریوں کو حتمی شکل دی جائیگی۔ پی پی پی سندھ کے سیکریٹری اطلاعات عاجز دھامراہ کا کہنا تھا کہ 4اپریل کو شہید ذوالفقار علی بھٹو کی 40ویں برسی بھرپور طریقے سے منائے جائیگی اوراجلاس میں چیئرمین پی پی پی بلاول بھٹو زرداری کے موقف کی تائید بھی کی گئی۔ انہوں نے کہا کہ وفاقی وزیر ریلوے اور ہر غیر جمہوری حکومت کا آلہ کار پنڈی کے شیطان شیخ رشید کا پی پی پی کے چیئرمین بلاول بھٹوزرداری کو دھمکی دینے کی بھرپور مذمت کرتے ہیں اور چیف جسٹس آف پاکستان مطالبہ کرتے ہیں کہ وہ شیخ رشید عرف شیدا ٹلی کے بیان کا نوٹس لے۔عاجز دھامراہ کا مزید کہنا تھا کہ پی ٹی آئی کے سیلیکٹ وزیراعظم عمران نیازی اپنے پالتوں کو لگام ڈال کر رکھے جن کو عوامی خدمت کے بجائے صرف چھوڑا ہی اس لئے ہے کہ وہ مخالفین پر زبان درازی کرتے رہیں۔ انہوں نے کہا کہ پاکستان پیپلز پارٹی کی تاریخ جدوجہداور قربانیوں سے بھری پڑی ہے ہمیں ڈرانے والے تاریخ میں گم ہوگئے ہیںاور پی ٹی آئی شاید کسی غلط فہمی کا شکار ہے اور وہ بھول رہی ہے کہ ہم نے اس ملک کی ترقی اور جمہوریت کی بالادستی کیلئے کبھی کسی قربانی سے دریغ نہیں کیا اور ہر مشکل وقت کا ڈٹ کر مقابلہ کیا ہے۔

بلدیہ وسطی کی کارکردگی بہتر بنانے کے لئے چیئرمین کی زیرِ صدارت ہنگامی اجلاس


baldiyate new March 17, 2019 | 3:53 PM

تما م شعبہ جات کی کارکردگی کے بارے میں سربراہوں سے تفصیلات طلب کرلیں
کراچی: (نیوزآن لائن)چیئرمین بلدیہ وسطی ریحان ہاشمی کی جانب سے بہترین بلدیاتی خدمات سے عوام کو خوشگوار شہری ماحول مہیاکرنے کے لئے کاوشیں جاری، بلدیہ وسطی کی عمومی کارکردگی کی تفصیلات جاننے کے لئے تمام شعبوں کے سربراہوں کا خصوصی اجلاس طلب کرلیا۔ اجلاس میں شریک بلدیہ وسطی کے تمام سربراہوں نے اپنے اپنے شعبوں کی مجموعی کارکردگی کے بارے میں تفصیلات سے چیئرمین کو آگاہ کیا۔ اجلاس میں منتخب بلدیاتی نمائندوں نے بھی شرکت کی۔ تفصیلات کے مطابق ریحان ہاشمی کی صدارت میں بلدیہ وسطی کے مرکزی دفتر میں ہونے والے اجلاس میں تما م شعبوں کے سربراہوں سے بلدیاتی خدمات میں مہیاکی جانے والے کارکردگی کی تفصیلات طلب کی گئیں۔ریکوری، سینی ٹیشن ، بی اینڈ آر اور باغات کے محکموںکی کارکردگی خصوصی طو ر پر زیر ِ بحث آئی۔ چیئرمین نے کہا کہ بلدیاتی خدمات کا تعلق عوام کی خدمت سے ہے تاکہ شہر ی خوشگوار اور صاف ستھری فضامیں سانس لے سکیں اور شہری زندگی بلاسبب کوئی ذہنی اذیّت کا سامان نہ پیداہو۔ بلدیاتی خدمات جس طرح عوام کو ذہنی سکون مہیاکرتی ہیں اسی طرح اِن خدمات میں کوتاہی اور خرابی شہریوں کی زندگی کو اجیرن بنادیتی ہے۔کیونکہ سینی ٹیشن، باغات اور بی اینڈ آر کی خدمات براہِ راست شہریوں کی زندگی پر اثر انداز ہوتی ہے ہمیں ان شعبوں میں اپنی خدمات کو بہتر سے بہتر بنانا ہوگا۔ ریکوری ڈپارٹمنٹ کی خدمات کے بارے میں استفسار کرتے ہوئے انہوں نے کہا کہ ریکوری ڈپارٹمنٹ بلدیہ وسطی کی خدمات کے لئے ریڑھ کی ہڈی کی حیثیت رکھتاہے جس کے بَل پر بلدیہ وسطی عوام کے لئے اخراجات کرتی ہے۔ تاہم ابھی تک ہمارے ریکوری ڈپارٹمنٹ کی کارکردگی اُس سطح تک نہیں پہنچ سکی کہ جسے تسلی بخش کہاجاسکے۔اس موقع پر تمام شعبوں کے سربراہوں نے اپنی اپنی کارکردگی کی تفصیلات سے چیئرمین کو آگاہ کیا ، تاہم ہر شعبے کو وسائل کی کمی کا شکوہ تھا۔

کراچی میں پی ایس ایل میچز کا کامیاب انعقاد انتہائی خوش آئند ہے، چئیرمین بلدیہ شرقی معید انور


DMC EAST March 17, 2019 | 3:48 PM

کراچی:(نیوزآن لائن)چئیرمین بلدیہ شرقی معید انور نے کہا ہے کہ کراچی میں پی ایس ایل میچز کا کامیاب انعقاد انتہائی خوش آئند ہے، شائقین کرکٹ نے جس طرح کھلاڑیوں کی حوصلہ افزائی کیلئے میچز میں شرکت کی وہ وہ اس بات کا عکاس ہے کہ اب کراچی سمیت ملک بھر میں بین الاقوامی کرکٹ کو بحال ہونا چاہیئے ان خیالات کا اظہار انہوں نے محکمہ پارک کے افسران کے ہمراہ یونیورسٹی روڈ وملحقہ سڑکوں کی صورتحال کا معائینہ کرنے کے دوران کیا انہوں نے اسٹیڈیم روڈ سمیت ملحقہ شاہراہوں کو خوبصورتی سے آراستہ کرنے پر محکمہ پارک کو سراہا اور کہا کہ ان کی کوششوں سے ہیش ان کراچی پارک سمیت اسٹیڈیم روڈ ودیگر سڑکوں کو دلکش بنایا جاسکا ہے اس بیوٹیفیکشن کے کام کی بدولت قومی وبین الاقوامی کھلاڑی ومہمانان گرامی کراچی کا ایک اچھا تصور لے کر جائیں گے اس سلسلے میں انہوں نے دیگر اداروں کے کام کو بھی زبردست الفاظ میں سراہا انہوں نے سندھ سولڈ ویسٹ مینجمنٹ بورڈ پر زور دیا کہ جس طرح انہوں نے پی ایس ایل میچز کے دوران بہترین کارکردگی کا مظاہرہ کیا ہے اسی تسلسل کو ضلع شرقی کے علاقوں میں بھی سر انجام دے تاکہ ضلع شرقی میں جہاں صفاء ستھرائی کے مسائل موجود ہیں انہیں دور کیا جاسکے انہوں نے مزید کہا کہ بلدیہ شرقی اتنی استطاعت رکھتی ہے کہ اسے مناسب فنڈنگ کی جائے تو ضلع کے مکینوں کے مسائل مزید تیزی سے حل کر سکتی ہے پی ایس ایل میچز کے حوالے سے کئے جانے والی کاموں میں ملکی وقار کو بنیادی اہمیت دی۔

اساتذہ کی تنظیم گسٹا کراچی کے6اضلاع میں آج احتجاج کریگی


government secondery teachers associations protest March 10, 2019 | 6:13 PM

دوہزار بارہ کے اساتذہ کو تنخواہیںدینے اوردیگر جائزمطالبات کی منظوری تک احتجاج ہو گا
کراچی بھر میں احتجاج کی تیاریاں مکمل کر لی گئیں ،اساتذہ کو بھر پورشرکت کرنے کی ہدایت
کراچی: (نیوزآن لائن) گورنمنٹ سکینڈری ٹیچرز ایسوسی ایشن (گسٹا ) کراچی کے تحت مطالبات کی منظوری کے لئے آج پیر کو کرا چی کے6اضلاع میں احتجاج کیا جائے گا ۔گورنمنٹ سکینڈری ٹیچرز ایسوسی ایشن (گسٹا ) کراچی کے ضلعی صدور کا ہنگامی اجلاس اتوارکو منعقد ہواجس میں احتجاج کی تیاریوں کو حتمی شکل دی گئی ۔اجلاس میں سال2012ء میںسندھ بھر میں بھرتی اساتذہ کو تنخواہو ں کی فوری ادائیگی ،ایچ ایس ٹی اور جے ایس ٹی اساتذہ کو بی پی ایس20 اور 17میں ترقی دینے،سندھ یونیورسٹی ،آئی بی اے اور اقراء یونیورسٹی سے این ٹی ایس پاس اساتذہ کو ریگولر کرنے،ایچ ایس ٹی ،ایس ایل ٹی کی ہیڈ ماسٹر اورجے ایس ٹی سے ایچ ایس ٹی پروموشن کیلئے جدوجہد کرنے کے عزم کا اظہار کیا گیااور اساتذہ کو ہدایت کی گئی کہ آج برو ز پیر کو 1بجے ضلعی اورتعلقہ صدور کی قیادت میں ہونیوالے احتجاج میں بھر پور شرکت کریں ۔اجلاس میں ڈسٹرکٹ ملیر کے صدر شفقت حاجانو،جنرل سیکرٹری عبد الرحیم میمن ،ڈسٹرکٹ سائوتھ کے صدر میر غلام علی بلوچ اور جنرل سیکریٹری محمد خالد اعوان ،ڈسٹرکٹ سینٹرل کے صدر محمد علی قریشی اور جنرل سیکریٹری صداقت علی چنا ،ڈسٹرکٹ کورنگی کے صدرذوالفقارعباسی اورجنرل سیکریٹری شفقت علی راجپر،ڈسٹرکٹ ایسٹ کے صدر محمد حسین مینگل اورجنرل سیکریٹری تصور علی، ڈسٹرکٹ ویسٹ کے صدر اسماعل اعوا ن او ر جنرل سیکریٹری احمد علی پٹنی نے شرکت کی ۔ اجلاس میں اس بات کا اعاد ہ کیا گیا کہ اساتذہ اس وقت تک احتجا ج کا سلسلہ جاری رکھیں گے جب تک ان کے مسائل حل نہیں ہو جاتے ۔

ریحان ہاشمی کا بارش کے دوران مختلف علاقوں کا دورہ


baldiyate new March 10, 2019 | 6:08 PM

مین شاہرائوں ،نشیبی علاقوں سے نکاسی آب کے عمل کو تیز کرنے کیا جائے
عوام کو ریلیف فراہم کرنے کے لئے تمام دستیاب وسائل بروئے کار لائے جائیں ۔افسران کو ہدایت
کراچی:(نیوزآن لائن) چیئرمین بلدیہ وسطی ریحان ہاشمی کا دوران برسات ضلع وسطی کے مختلف علاقوں کا دورہ ، عوام کو فوری ریلیف فراہمی کے لئے مین شاہرائوں اور نشیبی علاقوں سے بارش کے پانی کی نکاسی کے عمل کو تیز کرنے کی ہدایت ،تفصیلات کے مطابق آج اتوار چھٹی کے باوجود جیسے ہی بارش کا پہلا قطرہ گرا، چیئرمین بلدیہ وسطی ریحان ہاشمی اپنی ٹیم کے ہمراہ ضلع وسطی کے مختلف علاقوں میں بارش کے نتیجے میں جمع ہونے والے پانی کی نکاسی کو ممکن بنانے کے لئے نفس نفیس موجود تھے ۔ اس موقع پر میونسپل کمشنر محمد فہیم خان، وائس چیئرمین یوسی 23 مستفیض فاروقی ،وائس چیئرمین یوسی 45 محمد آصف اور ڈائریکٹر سینی ٹیشن محمد علی بھی انکے ہمراہ تھے ۔ اس موقع پرچیئرمین بلدیہ وسطی ریحان ہاشمی نے متعلقہ افسران وعملے کی خدمات کو سراہاتے ہوئے کہا کہ ایسے ملازمین خراج تحسین کے مستحق ہے جو سرکاری چھٹی کے باوجود عوام کو ریلیف فراہم کرنے کے لئے اپنی خدمات پیش کر رہے ہیں۔اس موقع پر انہوں نے وہاں موجود افراد سے گفتگو کرتے ہوئے کہا کہ عوام کے دیئے ہوئے اعتماد پر پورا اترنے کے لئے اپنی تمام تر صلاحیتوں کے ساتھ ساتھ تمام دستیاب وسائل کو بھی برئوے کار لارہے ہیں انہوں نے کہا کہ وسائل کی کمی کے باوجود منتخب بلدیاتی نمائندے ہر موقع،ہر موسم میں عوام کے درمیان ہوتے ہیں جبکہ عوام کو انکی دہلیز پر بلدیاتی سہولیات کی فراہمی کو ممکن بنانے کے لئے ہمہ وقت میدان عمل میں نظر آتے ہیں ۔ ریحان ہاشمی نے محکمہ بی اینڈ آر اور سینی ٹیشن کے افسران و عملے کو ہدایت دیتے ہوئے کہا کہ کسی بھی علاقے میں بارش کا پانی جمع نہ ہونے پائے، بارش کے پانی کی نکاسی کے عمل کو بروقت مکمل کیا جائے تاکہ عوام کو جلد از جلد ریلیف حاصل ہو ۔واضح رہے کہ محکمۂ موسمیات کی جانب سے جاری ہونے والی بارشوں کی پیش گوئی کو مدِّ نظر رکھتے ہوئے بلدیہ وسطی میں ہنگامی طور پر بارش سے نمنٹنے کے لئے ضروری انتظامات کرنے کے احکامات جاری کردئیے تھے ۔جبکہ ریسکیو ڈپارٹمنٹ کو الرٹ رہنے اور” بی اینڈ آر ” اور” سینی ٹیشن ”ڈپارٹمنٹ کو برساتی نالوں پر نظر رکھنے کی ہدایات جاری کیں گئیں تھی جبکہ بلدیہ وسطی کی حدود میں برساتی نالوں کی صفائی کا کام پہلے ہی جاری ہے تاکہ بارش کے سبب شہری علاقوں اور آبادیوں میں جمع ہونے والا پانی شہری آبادی کوکسی قسم کا نقصان پہنچائے بغیر بہ آسانی برساتی نالوں کے ذریعے نکل جائے۔

مشرف کے بخل بچے آج کل عمران نیازی کے بخل بچے بنے بیٹھے ہیں’ عاجز دھامراہ


ppp March 10, 2019 | 5:57 PM

شیخ رشید ہر حکومت میں لوگوں کے پائوں پکڑ کر مزے لینے والا کس منہ سے احتساب کی باتیں کررہا ہے’ اقبال ساند ‘مشترکہ بیان
کراچی:(نیوزآن لائن) پاکستان پیپلز پارٹی سندھ کے سیکریٹری اطلاعات عاجز دھامراہ اور ضلع شرقی کے صدر اقبال ساند نے اپنے مشترکہ بیان میںوفاقی وزیر ریلوے شیخ رشید کے اخباری بیان پر ردعمل کااظہار کرتے ہوئے کہا کہ پنڈی کا شیطان شیدا ٹلی شاید بھول گیا ہے کہ جمہوری حکومت ہوں یا آمریت ہر حکومت میں لوگوں کے پائوں پکڑ کر حکومت کے مزے لینے والا کس منہ سے کرپشن اور احتساب کی باتیں کررہا ہے۔ انہوںنے کہا کہ شیخ رشید کو احتساب اور کرپشن کی باتیں کرتے شرم بھی محسوس نہیںہوتی ہے یا وہ یہ کہی بیچ آئے ہیں ۔ انہوں نے کہا کہ اگر شیخ رشید سچا ،ملک وعوام کی فکر رکھنے والا شخص ہے تو وہ عوام کو بتائے کہ مشرف کے دور حکومت میں جن لوگوں نے ملک کو نقصان اورعوام کی جیبوں پر ڈاکہ مارا وہ اس وقت کہاں کس کے ساتھ کھڑے ہیں ۔ انہوں نے کہا کہ شیخ رشید کی مثال اس طوطے کی طرح ہے جس کو جو سبق سیکھا دیا جائے وہ صرف وہی گاتا رہتا ہے اور اپنے آقائوں کو ناراض نہ کرنے کیلئے ایک ہی لائن دھراتا رہتا ہے۔ انہوں نے کہاکہ پوری قوم جان چکی ہے کہ عمران نیازی محض کھلاڑی ہے جیسے سیاسی بنانے کی تگودو جاری ہے مگر کوے پر سفید رنگ مارنے سے وہ فاختہ نہیں بن سکتا۔ انہوں نے کہا کہ مشرف ادوار کے بخل بچے آج کل پی ٹی آئی کے کپتان عمران نیازی کے بخل بچے بنے بیٹھے ہیں جس پر عمران نیازی سمیت سب نے آنکھیں بند کررکھی ہے کیونکہ وہ تحریک انصاف لانڈری میںڈرائی کلین ہوچکے ہیں۔

المصطفیٰ کے زیر اہتمام جھل مگسی گوادرمیں فری آئی کیمپ کا انعقاد


NEWS 10-3-2019 Gandawah(Jhal Magsi) March 10, 2019 | 5:40 PM

کراچی:(نیوزآن لائن)المصطفیٰ ویلفیئر سوسائٹی کے زیر اہتمام جھل مگسی (گوادر)میں المصطفیٰ کے سرپرست اعلیٰ سابق وفاقی وزیرڈاکٹرحاجی محمدحنیف طیب کی سرپرستی میں دوروزہ فری آئی کیمپ کا انعقادہوا ۔جس میں 574مریضوں کا معائنہ اور122 موتیے کے آپریشن کئے گئے۔جبکہ ہیپاٹائٹس بی کے 5 مریض اورہیپاٹائٹس سی کے 02مریضوں کا بھی چیک اپ کیاگیا،فری آئی کیمپ المصطفیٰ برطانیہ کے تعاون سے لگایاگیاتھا۔ جس میں مریضوں کے لئے کھانے،ادویات،لیبارٹری ٹیسٹ لینز اور بغیر ٹانکے کے آپریشن کی سہولیات مفت فراہم کی گئیں۔کیمپ میں آنے والے مریضوں ان کے لواحقین نے مسرت کا اظہارکرتے ہوئے کہاکہ بڑھتی ہوئی مہنگائی اور غربت کی وجہ سے ہمارے لئے آنکھوں کا علاج وآپریشن کرانا ناممکن تھا، لیکن المصطفیٰ نے ہماری دہلیز پر آکر ہمیں طبی سہولت فراہم کی،جس ہم المصطفیٰ اور اس کے سرپرست اعلیٰ حاجی محمد حنیف طیب اور ان کی ٹیم کے شکرگزارہیں اورہم ادارے کی ترقی اور خدمات کرنے والوں کے لئے دعاگوبھی ہیں۔ کیمپ لگانے پرالمصطفیٰ کے سرپرست اعلیٰ سابق وفاقی وزیرڈاکٹرحاجی محمدحنیف طیب نے،المصطفیٰ برطانیہ کے چیئرمین عبد الرزاق ساجد کو ٹیلی فون کرکے شکریہ اداکیا۔

اعلیٰ تعلیم وتحقیق کے حصول اور پیشہ ورانہ کا میابی کا بیج اسکول کی سطح پر ہی بویاجاتا ہے، جامعہ کراچی کے اساتذہ اور دیگر عملے کے بچوں کے لئے اعلیٰ معیارکے اسکول کا قیام لائق تحسین ہے۔ڈاکٹر محمد اجمل خان


karachi unversity jpg March 3, 2019 | 6:24 PM

اعلیٰ تعلیم وتحقیق کے حصول اور پیشہ ورانہ کا میابی کا بیج اسکول کی سطح پر ہی بویاجاتا ہے، جامعہ کراچی کے اساتذہ اور دیگر عملے کے بچوں کے لئے اعلیٰ معیارکے اسکول کا قیام لائق تحسین ہے۔ڈاکٹر محمد اجمل خان
کراچی:(نیوزآن لائن)ڈاکٹر محمد اجمل خان نے سردار یاسین ملک کا شکریہ اداکرتے ہوئے کہا کہ جامعہ کراچی میں ان کی جانب سے اسکول کی تعمیر سردار یاسین ملک کی علم دوستی کا منہ بولتا ثبوت ہے۔اعلیٰ تعلیم وتحقیق کے حصول اور پیشہ ورانہ کا میابی کا بیج اسکول کی سطح پر ہی بویاجاتا ہے اسکول کی سطح پر ناقص نظام تعلیم اعلیٰ تعلیم پر منفی اثرات مرتب کرتاہے۔مذکورہ مسئلے کے پیش نظر جامعہ کراچی نے جامعہ کے اساتذہ اوردیگر عملے کے بچوں کے لئے اعلیٰ معیار کا اسکول قائم کرنے کا فیصلہ کیا ہے،جس سے نہ صرف جامعہ کراچی بلکہ جامعہ سے باہر کے بچے بھی استفادہ حاصل کرسکیں گے۔ان خیالات کا اظہارانہوں نے گذشتہ روز وائس چانسلر سیکریٹریٹ میں ایک غیر رسمی اجلاس سے خطاب کرتے ہوئے کیا۔ڈاکٹر اجمل خان نے مزید کہا کہ علم ایک واحد قوت ہے جو قوموں کی زبوں حالی کو دور کرسکتی ہے۔ہمیں اپنے بچوں کو اچھی تعلیم دے کر ان میں پائی جانے والی صلاحیتوں کا اجاگر کرنا چاہیئے۔ ابتدائی تعلیم سے بہت اثر پڑتا ہے کیونکہ اگر کسی عمارت کی بنیاد ہی مضبوط نہ ہو تو اس پر مضبوط عمارت نہیں بنائی جاسکتی۔تفصیلات کے مطابق جامعہ کراچی میں سردار یاسین ملک کی جانب سے تعمیرہونے والے اسکول کاتعمیراتی کا م شروع کردیا گیا ہے اور بہت جلد مذکورہ اسکول کا افتتاح کردیا جائے گا۔مذکورہ اسکول کے لئے تقریباً دوایکٹر اراضی مختص کی گئی ہے جس میں تقریباً1000 بچے تعلیم حاصل کریں گے۔اسکول کا تعمیراتی کام بریگیڈئیر (ر) مظفرالحسن کی زیر نگرانی جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: ڈاکٹر محمد اجمل خان کی درخواست پر جامعہ میں طویل عرصے سے خستہ حال پانی کے لائنوں کی مرمت شروع
ڈاکٹر محمد اجمل خان کاایم ڈی کراچی واٹر اینڈ سیوریج بورڈ اسداللہ خان سے اظہار تشکر
کراچی:(نیوزآن لائن)جامعہ کراچی کے ترجمان کے مطابق وائس چانسلر پروفیسر ڈاکٹر محمد اجمل خان کی درخواست پر جامعہ میں طویل عرصے سے خستہ حال پانی کے لائنوں کی مرمت شروع کردی گئی ہے۔واٹر بورڈ کی مین سپلائی لائن جامعہ کراچی کی حدود سے گزرتی ہے جس سے کراچی کی ایک بڑی آبادی کو پانی سپلائی کیا جاتاہے اور عرصہ دراز سے ان لائنوں کی مرمت کا کام نہیں کیا گیا جس کے باعث جگہ جگہ سے پانی کا رساؤ جاری تھا اورجامعہ کراچی کی بڑی قطعہ اراضی بشمول قبرستان زیر آب آگیا تھا۔جامعہ کراچی کے وائس چانسلر پروفیسر ڈاکٹر محمد اجمل خان نے مذکورہ مسئلے کو ترجیحی بنیادوں پر حل کرنے کے لئے اقدامات اْٹھانے کی ہدایت کی جس کے نتیجے میں لائنوں کی مرمت شروع کردی گئی ہے۔دریں اثناء شیخ الجامعہ پروفیسر ڈاکٹر محمد اجمل خان نے ایم ڈی کراچی واٹر اینڈ سیوریج بورڈ اسداللہ خان کا شکریہ اداکرتے ہوئے کہا کہ انہوں نے جامعہ کراچی کی درخواست پر ترجیحی بنیادوں پر کام شروع کرایا اورامید ہے کہ تعاون کا یہ سلسلہ آئندہ بھی جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: 31طلبا وطالبات کو ایم فل ،پی ایچ ڈی کی ڈگریاں تفویض
کراچی:(نیوزآن لائن)جامعہ کراچی کے وائس چانسلر پروفیسر ڈاکٹر محمداجمل خان کی صدارت میںمنعقدہ مجلس برائے اعلیٰ تعلیم وتحقیق کے حالیہ اجلاس میں10طلبا وطالبات کو پی ایچ ڈی جبکہ21طلباوطالبات کو ایم فل کی ڈگریاں تفویض کی گئیں۔ پی ایچ ڈی کی ڈگری حاصل کرنے والے طلبہ میںمحمد نعمان خالد(قرآن وسنہ)، رخسانہ(ویمن اسٹڈیز)، فرحین جبین(جینیٹیکس)، محمد جاوید (میرین بائیولوجی)، محمد عرفان اکرم(کیمسٹری ایچ ای جے)،ثمینہ سلطان قریشی (زولوجی)، مظفر رحیم ہینگورجو(فزیالوجی)،محمد کامران خان،فیصل(کیمسٹری)،عائشہ عزیز(فارماکولوجی)جبکہ ایم فل کی ڈگری حاصل کرنے والوںمیںعدنان عزیز (جغرافیہ)،سعیدہ خانم(کیمسٹری)،غلام رحمان(فلاسفی)،محمد یوسف( اسلامک لرننگ)،منیب علی،مریم امیر،سعید الرحمن،عظمیٰ بی بی ،اسداللہ، غلام محی الدین،زیب النساء ،بسمہ خان (کیمسٹری ایچ ای جے)،فریال اشرف (مالیکیولر میڈیسن)،حرامہوش،آمنہ سہیل راوت،محمدعارف(اپلائیڈ اکنامکس ریسرچ سینٹر)،سید سرفراز الدین جیلانی(قرآن وسنہ)،کنزہ عابد(انوائرمینٹل اسٹڈیز)،ثاقب علی (ایگریکلچر اینڈ ایگری بزنس)،منیرہ جونیجو(سوشیالوجی)اور ثناء وجیہ(اسپائ) شامل ہیں۔

نظام مصطفی پارٹی کے سربراہ سابق وفاقی وزیرڈاکٹرحاجی محمدحنیف طیب کی دعوت پربھارتی جارحیت کی شدیدالفاظ میں مذمت


ullama conference March 3, 2019 | 6:16 PM

کراچی:(نیوزآن لائن)نظام مصطفی پارٹی کے سربراہ سابق وفاقی وزیرڈاکٹرحاجی محمدحنیف طیب کی دعوت پربھارتی جارحیت کی شدیدالفاظ میں مذمت اور پاکستانی افواج سے بھرپورتعاون کرنے کے لئے علماء ومشائخ کنونشن،پاکستان کے تحفظ کے عنوان پر قادری مسجد (سولجربازار) منعقد ہوا۔جس میں بانی پاکستان قائداعظم محمدعلی جناح کے رفیق کاراور ممتازروحانی پیشواامیرملت پیر سیدجماعت علی شاہ کے سجادہ نشین پیرسیدمنورعلی شاہ نے بطورمہمان خصوصی شرکت کی۔ جبکہ کنونشن کی صدارت پروفیسرڈاکٹرفریدالدین قادری نے کی کنونشن میں مفتی عبدالعلیم قادری ،شبیر احمدقاضی،الحاج محمدرفیع ،محمدحسین لاکھانی، قاری محمداشرف گورمانی،مولانااکرم سعیدی،ڈاکٹرامین جہانگیری ،مفتی ذیشان رسول،پیر زادہ غلام حسین چشتی ،مولاناشاہدین اشرفی،عاشق حسین سعیدی،مفتی محمدعمران قادری ،مولاناسیف اﷲسعیدی،منیب بلوانی ایڈووکیٹ،محمدصابرایڈووکیٹ،اویس قادری سمیت ودیگرعلماء ومشائخ وکارکنان نے شرکت کی۔کنونشن سے پیرسیدمنورعلی شاہ نے اظہارخیال کرتے ہوئے کہاکہ پاکستان نے ثابت کردیاکہ وہ ایک امن پسندملک ہے اور دہشت گردی کے خاتمے کے لئے اس کی قربانیاں لازوال ہیں ۔جس کی تازہ ترین مثال پاکستان پر حملہ کرنے والے گرفتاربھارتی پائلٹ کوامن کے خاطر غیرمشروط طورپرواپس کرنااور ایک پائلٹ کو زخمی حالت میں ہے اس کاعلاج کیاجارہے۔پاکستان جارحیت اور انتہاء پسندی کے قطعاًخلاف ہے اور عالمی معاہدات کی پاسداری اس کے اخلاقیات کا ایک جزہے۔لیکن اس امن پسندی کو بھارت کمزوری ہرگزنہ سمجھے۔ڈاکٹرحاجی محمد حنیف طیب نے کہاکہ بھارت،اسرائیل کاپاکستان اور اسلام مخالف گٹھ جوڑبے نقاب ہوچکاہے۔بھارت، اسرائیلی اسلحے کا سب سے بڑاخریدارہے۔اسرائیل سے سب سے زیادہ اسلحہ بھارت ہی خریدرہاہے ،جس کے شواہد پاکستان میں بھارتی دراندازی کے موقع پر مل چکے ہیں۔بھارت یہ اسلحہ پاکستان اور کشمیرکے مسلمانوں کے قتل عام کے لئے استعمال کررہاہے۔لیکن افسوس ہے کہ اوآئی سی جیسا معتبر ادارہ بھارتی وزیرخارجہ کو پاکستان پر، بانی ممبر ہونے کے باوجود،ترجیح دے رہاہے اورششماسوراج کو اجلاس میں شرکت کے لئے دعوت نامہ دے کر لاکھوں مسلمانوں کی دل آزاری کی گئی ہے۔کنونشن سے ڈاکٹرفرید الدین قادری،مفتی عبدالعلیم قادری،شبیر احمدقاضی،الحاج محمدرفیع،قاری محمداشرف گورمانی ،محمدحسین لاکھانی ،مولانااکرم سعیدی نے کہاکہ اوآئی سی،سلامتی کونسل اور دیگر ادارے اس بات کو دنیاکے سب سے بڑے دہشت گردمودی یہ کیوں نہیں پوچھتے کہ اُس نے عالمی امن کو داؤ پر کیوں لگایا ہواہے؟پاکستان سے مذاکرات کے بجائے جنگ کو ہواکیوں دے رہاہے؟بھارتی تجزیہ کا راور اینکر جلتی پرتیل کا کام کررہے ہیں اور جنگی فضا کو بھڑکانے کی بات کررہے ہیں۔علماء ومشائخ کنونشن میں تحفظ پاکستان کے حوالے اس بات کا اعادہ کیاگیا کہ پاکستان بنانے میں علماء ومشائخ کی کاوشیں ناقابل فرامو ش ہیں اور پاکستان کو دشمنوں سے بچانے کے لئے شمع رسالت کے پروانے پاک فوج سے بھرپورتعاون کرنے کو تیارہیں۔کنونش میں بھارتی جارحیت کی شدیدالفاظ میں مذمت کی گئی۔کنونشن میں متفقہ طورپرقراردادپیش کی گئی جو پریس میںبعد میں جاری کی جائے گی۔

بلدیہ وسطی کی ریکوری میں اضافہ کیا جائے : ریحان ہاشمی


Meeting Recovery Dept copy February 24, 2019 | 7:18 PM

ہر ملازم ادارے کے لئے ریڑھ کی ہڈی کی حیثیت رکھتاہے، ریکوری افسران سے گفتگو
کراچی: (نیوزآن لائن ) چیئرمین بلدیہ وسطی ریحان ہاشمی نے ریکوری افسران کو ہدایت کی ہے کہ ، بلدیہ وسطی کے ٹیکسیز کی وصولی کو بہتر بناکر بلدیہ وسطی کی آمدنی میں اضافہ کیا جائے۔ اس موقع پر ایڈیشنل ڈائریکٹر ٹیکسیشن مرزا آصف بیگ ، اکائونٹ آفیسر محمد نعیم،ضلع وسطی کے چاروں زونز کے ڈپٹی ڈائریکٹرز ٹیکسیشن موجود تھے ۔ریحان ہاشمی نے کہا کہ ٹیکسیشن ڈپارٹمنٹ کا ہر ملازم ادارے کے لئے ریڑھ کی ہڈی کی حیثیت رکھتاہے انہوں نے کہا کہ ٹیکسیشن ڈپارٹمنٹ کا ہر ملازم ر یکوری کی صورتِحال کو بہتر سے بہتر بنانے کے لئے تندہی سے کوشش کرے، ریونیو کی وصولی ہی اصل ذریعۂ آمدنی ہے جس کے بغیر بلدیاتی ادارے بہتر کارکردگی کا مظاہرہ نہیں کرسکتے انہوں نے کہاکہ ریکوری کو بہتر بنانے میں ریکوری ڈپارٹمنٹ کے علاوہ دیگر شعبوں سے افرادی قوت لی جاسکتی ہے تاکہ افراد کی کمی کو محکمہ کے دیگر ملازمین سے پورا کیا جاسکے۔ انہوں نے مزید کہا کہ ریکوری ڈپارٹمنٹ ہی بلدیہ وسطی کی مالی ضروریات کو پوراکرنے میں بھرپور کردار اداکرسکتاہے ۔ کیونکہ حکومتِ سندھ کی جانب سے فنڈز کی فراہمی ضرورت کے مطابق نہیں اور ہمیں اپنے وسائل بروئے کارلانے پڑتے ہیں۔انہوں نے کہا کہ ملازمین کے بھلائی اور بہتری کے لئے ہر ممکن کوشش کی جارہی ہے تاہم دفتری مسائل اور طریقۂ کار میں کچھ پیچیدگیاں ہوتی ہیں جن کو برداشت کرنا پڑتاہے۔ دوسری جانب، عدالتِ عالیہ کے حکم کے مطابق جن مقامات پر اشتہاری مواد،بینرز یا ہورڈنگز کی نمائش پر پابندی ہے بلدیہ وسطی کا عملہ ایسے تمام مقامات سے پہلے ہی اشتہاری مواد ہٹا چُکا ہے، تاہم اگر کسی مقام پر ایسی کوشش کی جاتی ہے توبلدیہ وسطی کے متعلقہ شعبہ کے اہلکار اُسے فوری طور پر ہٹادیتے ہیں تاکہ عدالتی احکامات کی پاسداری کی جائے۔

بلدیاتی اداروں کا بنیادی کام عوام کو ان کی دہلیز پر میونسپل سروسز کی فراہمی کو یقینی بناناہے،ملک محمد فیاض


VISIT DELIGATION FROM SWAT TEHSEEL BAHREEN IN DMC SOUTH February 24, 2019 | 7:13 PM

کراچی:(نیوزآن لائن) چیئرمین ڈی ایم سی سائوتھ ملک محمد فیاض نے کہا ہے کہ بلدیاتی اداروں کا بنیادی کام عوام کو ان کی دہلیز پر میونسپل سروسز کی فراہمی کو یقینی بناناہے کراچی جیسے میگا پولیٹن سٹی میں عوام کی بلدیاتی خدمات صحیح معنوں میں ایک چیلنج ہے اسکی کی ایک بڑی وجہ روزبروزاسکی بڑھتی آبادی ہے جس کی وجہ سے صحت وصفائی ودیگر بلدیاتی امورکی انجام دہی میں نت نئے مسائل جنم لیتے رہتے ہیں جن کے سدباب کیلئے ہم شب و روز کوشاں ہیں ان خیالات کا اظہار انہوں نے بلدیہ جنوبی کے مرکزی دفترمیں کراچی کے مطالعاتی دورے پر خیبر پختون خواہ کے ضلع سوات کی تحصیل بحرین کے ناظم حبیب اللہ ثاقب نائب ناظم مولانا محمد شعیب کی قیادت میںآئے15رکنی بلدیاتی نمائندگان کے وفد کے اعزاز میں منعقدہ تقریب سے خطاب کرتے ہوئے کیا اس موقع پر میونسپل کمشنربرکت اللہ میمن ڈائر یکٹر ایڈمنسٹریشن محمد رئیسی و دیگر بلدیاتی نمائندے بھی موجود تھے چیئرمین بلدیہ جنوبی ملک محمد فیاض نے کہاکہ بلدیہ جنوبی کا ایوان مختلف سیاسی جماعتوں سے وابستہ عوامی نمائندوں کا گلدستہ ہے ہم جمہوریت پر یقین رکھتے ہیں عوام کو صحت وصفائی ،پانی،سیوریج،پختہ سڑکیں، صحت مندانہ ماحول اور تفریح کی فراہمی کیلئے پارکس اور پلے گرائونڈزکی تزئین وآرائش اور تجاوزات کا مکمل خاتمہ ہماری اولین ترجیحات میں شامل ہے ملک محمد فیاض نے مزید کہاکہ ہم عوام کے ووٹوں سے منتخب ہوکرآئے ہیں ہم سب مل کر اجتماعی کوششوں سے اپنے ڈسڑکٹ اور شہرکومثالی بنائیں گے ہمارا عزم اور ترجیح عوام کی خدمت ہے جس کیلئے ہم اپنی تمام تر صلاحیتوںکو بروئے کار لا رہے ہیں اوردستیاب وسائل سے پورے بلدیہ جنوبی میں برابری کی بنیادپر عوام کو بلدیاتی سہولیات فراہم کر رہے ہیں ملک فیاض نے کہا کہ نیک نیتی اور ایمانداری سے کام کرتے ہوئے دستیاب وسائل اور افرادی قوت کومربوط پالیسی سے استعمال کیاجائے تو مطلوبہ نتائج کا حصول ممکن ہے سوات کی تحصیل بحرین کے نا ظم حبیب اللہ ثاقب نے چیئرمین ملک محمدفیاض اور انکی انتظامیہ کی جانب سے گرمجوش استقبال اور مہمان نوازی کا شکریہ ادا کرتے ہوئے کہاکہ شہرکراچی کے سب سے قدیم ڈسٹرکٹ سائوتھ کا مطالعاتی دورہ ہمارے لئے بہت مفید رہا اورہمارے بلدیاتی نمائندوں کو بلدیاتی نظام سے متعلق بہت سودمند معلومات سے آگاہی حاصل ہوئی ہے اس موقع پرناظم حبیب اللہ ثاقب نے چیئرمین ملک محمد فیاض کو سوات کی روایتی ٹوپی اورشال پیش کی چیئرمین اورانکے ڈسٹرکٹ کونسل کے نمائندوں کو اپنی تحصیل کے دورے کی دعوت بھی دی ملک محمد فیاض نے دعوت قبول کرتے ہوئے کہاکہ یقیناً ایسے دورے ہمارے اراکین کونسل کیلئے بھی مفید ثابت ہونگے اور اس سے باہمی تعلقات استوار ہوتے ہیں اور دونوں جانب کے لوگوں کو کافی کچھ سیکھنے کا موقع ملے گا اس موقع پر تمام مہمانوں کو سندھ کی روایتی اجرک اورسوئنیر پیش کئے گئے ۔

مہاجر ملک کے دفاع کیلئے افواج کے ساتھ ہیں: ڈاکٹر سلیم حیدر


dr saleem haider MIT February 24, 2019 | 5:21 PM

جنگی جنون میں مبتلا بھارتی حکمرانوں کو حملے کی صورت میں پسپائی اور رسوائی ملے گی
مشرق پاکستان میں بھی لاکھوں محصورین نے ملک کے دفاع کیلئے قربانیاں دی تھیں
کراچی:(نیوزآن لائن )مہاجر اتحاد تحریک کے چیئرمین ڈاکٹر سلیم حیدر نے کہا ہے کہ پاکستان کے عوام اور مسلح افواج نہ پہلے بھارت کی گیدڑ بھپکیوں سے ڈرے اور نہ اب ڈریں گے۔ سندھ میں رہنے والے 2کروڑ مہاجر ملک کے دفاع کیلئے ہر قربانی دینے کیلئے تیار ہیں۔ انہوں نے کہاکہ جنگی جنون میں مبتلا بھارتی افواج ماضی میں بھی پاکستان پر حملوں کے نتیجے میں رسوا اور پسپا ہوئی ہے اور اب بھی اگر جنگ مسلط کی گئی تو نتیجہ اس سے مختلف نہیں ہوگا۔ پاکستان کے عوام اور خاص طورپر مہاجر اپنے خون کا ایک ایک قطرہ بھی اس وطن پر نچھاور کرکے اس کا دفاع کریں گے ۔ انہوں نے کہاکہ مہاجر جو خالق پاکستان ہیں وہ پہلے بھی اپنے آباؤ اجداد کی جائیدادیں اور سامان چھوڑ کر پاکستان آئے تھے اور پھر انہوں نے بھی پاکستان کو بچانے کیلئے بے پناہ قربانیاں دیں اب بھی ضرورت پڑی تو کسی بھی قربانی سے دریغ نہیں کریں گے۔ انہوں نے کہاکہ تاریخ گواہ ہے کہ مشرق پاکستان نے ملک کے دفاع کیلئے لاکھوں محصورین نے جانوں کے نذرانے بھی پیش کئے اور پاک فوج کے شانہ بشانہ لڑتے ہوئے قربانیاں بھی دیں، آج بھی بنگلادیش میں لاکھوں محصورین مشرق پاکستان موجود ہیں ۔ انہوں نے کہاکہ بھارت نے نریندر مودی کی شکست یقینی ہے جس کو دیکھتے ہوئے وہ پاکستان پر جارحیت اور جنگی جنون مسلط کرنا چاہتے ہیں لیکن پاکستان کے عوام اپنے بہادر اور فرض شناس افواج کے ساتھ شانہ بشانہ کھڑے ہیں۔

بھارت میںجلدہی ہونے والے عام انتخابات میں مودی اپناسیاسی قدبڑھانے ساراالزام پاکستان پر لگاکر گیدڑ بھپکیاںدے رہے ہیں۔ ڈاکٹرحاجی محمدحنیف طیب


17-2-2019 February 17, 2019 | 6:49 PM

کراچی:(نیوزآن لائن)نظام مصطفی پارٹی کے سربراہ وسابق وفاقی وزیرڈاکٹرحاجی محمدحنیف طیب نے بھارت کی جانب سے مقبوضہ کشمیر کے علاقہ پلوامہ میں بھارتی فوجیوں کی ہلاکت کا الزام پاکستان پرلگانے اوربھارتی وزیراعظم نریندرمودی کا پاکستان کودھمکیاں دینا انتہائی افسوسناک اورجدوجہد آزادی کشمیر کے خلاف ایک سوچی سمجھی سازش قراردیتے ہوئے کہاکہ درحقیقت بھارت میںجلدہی ہونے والے عام انتخابات میں مودی اپناسیاسی قدبڑھانے ساراالزام پاکستان پر لگاکر گیدڑ بھپکیاںدے رہے ہیں۔بھارت کا مکروہ چہرہ اور اس کے ناپاک عزائم پوری دنیا کے سامنے بے نقاب ہوچکے ہیں۔دنیا بھر میں کشمیر کی آزادی کے لئے کشمیری عوام کے ساتھ لوگ کندھے سے کندھا ملائے کھڑے ہیں ۔ انہوںنے عالمی انسانی حقوق کی تنظیموں کو جھنجوڑتے ہوئے کہاکہ پلوامہ حملے کے ردعمل میں قابض بھارتی فورسزنے کشمیری عوام کی زندگی مزید تنگ کردی اور آٹھ کشمیریوں کا زندہ جلادیا،جبکہ دوسری جانب بھارت میں بھی مسلمان محفوظ نہیں ہیں، انتہاپسندہندؤں کی جانب سے مسلمانوں کے درجنوں گھرخاکسترکردیئے اور گاڑیوں کوبھی نذرآتش کیاگیا،مسلمان بچوں،بوڑھوں اور عورتوں کوتشددکانشانہ بنایاجارہاہے۔اقوام متحدہ،انسانی حقوق کی تنظیمیں بھارتی دہشت گردی کوروکنے کے لئے اپنا کرداراداکریں۔ان کامزیدکہناتھاکہ پاکستان ایک پرامن ملک ہے، شدت پسندی اور دہشت گردی کی ہرسطح پر شدیدالفاظ میں مذمت اورمخالفت کرتا ہے۔بھارت کو پاکستان سے عداوت اور منافقت چھوڑکر اپنی ملک کے عوام کامعیارزندگی بہتربنانے کے لئے کام کرناچاہیے ۔

پاپوش نگر چاندنی چوک میں بلدیہ وسطی کی جانب سے سیوریج لائین کی صفائی


Pic copy February 17, 2019 | 5:52 PM

کے ڈبلو ایس بی کی لاپرواہی سے سیوریج لائن چوک ہوگئی، مرکزی مارکیٹ میں گندہ پانی بھر گیا
بلدیہ وسطی نے بندسیوریج لائن اور مارکیٹ میں جمع گندہ پانی کی صفائی کا کام مکمل کرایاگیا
کراچی: (نیوزآن لائن) چیئرمین بلدیہ وسطی ریحان ہاشمی کا رکن صوبائی اسمبلی عباس جعفری کے ہمراہ پاپوش نگر چاندنی چوک پرسیورئج لائن چوک ہونے کے باعث جمع ہونے والے پانی کی نکاسی کے کام کا معائنہ۔تفصیلات کے مطابق بلدیہ وسطی یوسی ٤٢ پاپوش نگر و چاندنی چوک میں کراچی واٹر اینڈ سیوریج بورڈ کی لاپرواہی کی بناپر چوک ہوجانے والی سیوریج لائن چوک ہوگئی اور گٹر اُبلنے کی وجہ سے سیوریج لائن کا گندہ پانی مرکزی مارکیٹ میں پھیل گیا تھا جس کی وجہ سے دکانداروں اورخریداروں کو بے حد پریشانی کا سامنا تھا۔ چیئرمین بلدیہ وسطی نے علاقہ کی ناگفتہ بہ صورتِ حال کے پیشِ نظر بلدیہ وسطی کے خرچے پرمذکورہ سیوریج لائن کو کھلوانے اور کاروباری علاقے سے گندے پانی کی نکاسی کا کام مکمل کرایا۔چیئرمین بلدیہ وسطی ریحان ہاشمی نے متحدہ قومی موومنٹ پاکستان کے رُکنِ صوبائی اسمبلی عباس جعفری ،اور متعلقہ یوسی کی چیئرمین اور وائس چیئرمین اور منتخب خواتین نمائندگان کے ہمراہ مذکورہ علاقے کا دورہ کیا اور سیوریج لائن کی صفائی کے کام کا معائنہ کیا۔ دریں اثنأ انہوں نے چاندنی چوک صرافہ بازار کے اطراف سی سی فلورنگ کے جاری کام کا معائنہ بھی کیا جہاں بلدیہ وسطی کے سینٹری ڈپارٹمنٹ کا عملہ کوڑے کرکٹ کی صفائی اور ڈمپنگ پوائنٹ پر منتقلی میں مصروف ہے۔ اس موقع پر چیئرمین ریحان ہاشمی اور عباس جعفری نے موقع پر موجود علاقہ مکینیوں سے بھی ملاقات کی ، انکے مسائل سُنے اور جلد سے جلد حل فراہم کرنے کی یقین دلائی۔واضح رہے کہ سیوریج لائنوں کی مرمت اور تنصیب کا کام دراصل کراچی واٹر اینڈ سیوریج بورڈ کا ہے تاہم چیئرمین بلدیہ وسطی عوام کو کسی بھی ہنگامی صورتِ حال سے فوری نجات دلانے کے لئے ضروری اقدامات کرنے میں دیر نہیں کرتے ۔

حکومت کا بلاجواز سوشل میڈیا پر پابندی لگانے اور آزادی رائے پر سختیاں ان کی بھوکہلاہٹ اور نااہلی کا کھلا ثبوت ہے۔ پاکستان پیپلز پارٹی پارلیمنٹرین


PPPsaysitlost23activiststorecentviolence_567-349x238 February 17, 2019 | 5:49 PM

کراچی:(نیوزآن لائن) پاکستان پیپلز پارٹی پارلیمنٹرین کی سیکریٹری اطلاعات و ممبر قومی اسمبلی نفیسہ شاہ ، کراچی ڈویژن کے ڈپٹی سیکریٹری اطلاعات شکیل چوہدری اور ضلع شرقی کے سیکریٹری اطلاعات وقاص شوکت نے اپنے مشترکہ بیان میں کہا ہے کہ پی ٹی آئی حکومت کا بلاجواز سوشل میڈیا پر پابندی لگانے اور آزادی رائے پر سختیاں ان کی بھوکہلاہٹ اور نااہلی کا کھلا ثبوت ہے۔ انہوں نے کہا کہ پی ٹی آئی کے خود ساختہ لیڈر شاید وہ وقت بھول گئے جب وہ کھلے سانڈ کی طرح پاکستان کی سڑکوں پر جس کی چاہئے تذلیل اور جس پر چاہئے الزام تراشی کرتے دیکھائی دیتے تھے اور آج ان کے سروں پر یہ وقت آن پہنچا ہے تو یہ اپنی آمرانہ طرز سیاست سے ڈنڈے کے زور پر عوام کو خاموش کرنے کی جستجو میں لگے ہوئے ہیں۔انہوں نے کہا کہ اگر آزادی رائے پر کوئی قانون زیر تکمیل ہے تو پی ٹی آئی اس بات کو ذہن نشین کر لیں کہ اداروں اور عوام کے ووٹوں سے منتخب کردہ حکومتوں کے بارے میں جتنا کچھ پی ٹی آئی کے رہنمائوں نے غلاظت اگلی ہے ان سب کو بھی اس قانون پر عملدرآمد کرنا ہوگا ۔پی پی پی رہنمائوں نے کہا کہ الیکشن سے قبل پی ٹی آئی نے جس سیاست کو پروان چڑھایا ہے آج وہ خود اس سے خوفزدہ ہے اور عوام کو نہ بولنے نہ سننے اورنہ دیکھنے کے مشورہ پر عمل پیرا ہے۔پاکستان کی عوام جان چکی ہے کہ کھلاڑی اور سیاست دان میں زمین آسمان کا فرق ہوتا ہے اور کس طرح ایک ناتجربہ کار حکومت کا اقتدار پر قابض ہونے کے بعد ملک کی حفاظت وخوشحالی اور عوام کی جان کو دائوں پر لگایا گیا ہے۔

جامعہ کراچی: ایک روزہ قومی کانفرنس بعنوان: ”مرزااسد اللہ خاں غالب :ادبی وفکری جہات” 18 فروری کو منعقد ہوگی


karachi univeristy 4 February 17, 2019 | 3:35 PM

کراچی:(نیوزآن لائن)جامعہ کراچی کے شعبہ اُردو کے زیر اہتمام اُردو کے عظیم شاعر مرزا اسد اللہ خاںغالب کی 150 ویں برسی کے موقع پر اس کو یادگار بنانے کے لئے 18 فروری 2019 ء کوصبح 9:00 بجے جامعہ کراچی کے کلیہ فنون وسماجی علوم کی سماعت گاہ میں ایک روزہ قومی کانفرنس بعنوان: ”مرزااسد اللہ خاں غالب :ادبی وفکری جہات” منعقد ہوگی۔افتتاحی اجلاس کی صدارت جامعہ کراچی کے وائس چانسلر پروفیسر ڈاکٹر محمد اجمل خان کریں گے ، معروف صحافی وکالم نگار محمود شام مہمان اعزازی ہوں گے جبکہ صدر شعبہ اُردو پروفیسر ڈاکٹر تنظیم الفردوس خطبہ استقبالیہ پیش کریں گی اور سرگودھا یونیورسٹی کے ڈاکٹر خالد ندیم کلیدی خطاب کریں گے۔پہلی علمی نشست کی صدارت خالد ندیم کریں گے جبکہ جامعہ کراچی کے شعبہ فارسی کی فائزے زہرا مرزا،جامعہ بلوچستان کے فیصل ریحان ،جامعہ کراچی کے شعبہ انگریزی کے افتخارشفیع،شعبہ اُردو کی ڈاکٹر راحت افشاں اور شعبہ فلسفہ کے ڈاکٹر عبدالوہاب سوری اپنے مقالاجات پیش کریں گے۔دوسری علمی نشست میںوفاقی اُردو یونیورسٹی کی شبنم امان ،شعبہ اُردو جامعہ سندھ کی ڈاکٹر شمع افروز،شعبہ اُردو جامعہ کراچی کی ڈاکٹر ذکیہ رانی،وفاقی اُردو یونیورسٹی کی سمیر ابشیر،انجمن ترقی اُردو پاکستان کراچی کی ڈاکٹر رخسانہ صبااور ڈی جے سائنس کالج کراچی کے محمد طاہر قریشی اپنے مقالاجات پیش کریں گے۔تیسری علمی نشست کی صدارت پروفیسر ڈاکٹر شاداب احسانی کریں گے جبکہ شہنیلا نازنین،عائشہ ناز،ڈاکٹر انصاراحمد ،ڈاکٹر تہمینہ عباس،ڈاکٹر صدف فاطمہ ،ڈاکٹر عظمیٰ حسن اور ڈاکٹر رئوپاریکھ اپنے مقالہ جات پیش کریں گے۔اختتامی تقریب کی صدارت رئیسہ کلیہ فنون وسماجی علوم جامعہ کراچی پروفیسر ڈاکٹر نسرین اسلم شاہ صدارت کریں گی جبکہ شہید بینظیر بھٹو یونیورسٹی لیاری کراچی کے وائس چانسلر پروفیسر ڈاکٹر اختر بلوچ مہمان خصوصی ہوں گے اور پروفیسر ڈاکٹر تنظیم الفردوس کلمات تشکر اداکریں گی۔مذکورہ کانفرنس کے اختتام پر آرٹس لابی میں مشاعرے کا اہتمام بھی کیا گیا ہے۔

چئیرمین بلدیہ شرقی معید انور کا ڈسکو بیکری گلشن اقبال واطرافی علاقوں کا دورہ


10.2.2019 February 10, 2019 | 8:28 PM

گرین بیلٹس کو ماحولیاتی آلودگی سے نمٹنے کیلئے درختوں سے آراستہ کیا جائے، معید انور
کراچی:(نیوزآن لائن)چیئرمین بلدیہ شرقی معید انور نے کہا ہے کہ ضلع شرقی کی تمام گرین بیلٹ کی دیکھ بھال اور اس میں مزید پودے لگانے کے حوالے سے ٹھوس اقدامات بروئے کار لائے جائیں، گرین بیلٹ و سڑکوں کے اطراف میں نیم کے درختوں کی شجرکاری کے علاوہ ماحول دوست درخت لگائے جائیں، جبکہ پارکوں کی تعمیر کیلئے حکمت عملی مرتب کرکے فوری اقدامات کیئے جائیں، ان خیالات کا اظہار انہوں نے یوسی 25 کے چیئرمین محمد فرحان کے ہمراہ ڈسکو بیکری گلشن اقبال و اطراف میں گرین بیلٹ کی صفائی وستھرائی و دیگر بلدیاتی امور کا جائزہ لیتے ہوئے کیا۔ اس موقع پر چیئرمین معید انور نے محکمہ پارک کے افسران کو ہدایات دیتے ہوئے کہا کہ ڈسکو بیکری سے متصل تکونہ پارک تعمیر کیا جائے، اس حوالے سے لائحہ عمل بنا کر فوری طور پرپیش کیاجائے تاکہ اس پر ضروری عمل درآمد کو یقینی بنایا جاسکے،گرین بیلٹ میں پودے و درخت لگانے کے عمل کو آگے بڑھایا جائے تاکہ شہر کراچی کی خوبصورتی اور دلکشی میں اضافہ ہوجبکہ ماحولیاتی تبدیلی سے بھی بہتر انداز میں نمٹا جاسکے،انہوں نے موجود افسران سے صفائی ستھرائی کے حوالے سے ہونے والے کاموں کے حوالے سے بھی آگاہی حاصل کی اور ہدایت کی کہ صفائی ستھرائی کے حوالے سے کسی قسم کی کوتاہی کو برداشت نہیں کیا جائیگا اس سلسلے میں ضلع بھر میں سندھ سولڈ ویسٹ مینجمنٹ بورڈ کئے گئے معاہدے کے تحت امور کی انجام دہی کو یقینی بنائیاس موقع پر انہوں نے ڈسکو بیکری کے اطراف کے دکانداروں سے بھی ملاقات کی اور تنبیہ کی کہ دکانوں کے باہر پارکنگ اور تجاوزات قائم کرنے سے اجتناب برتیں تاکہ نہ تو ٹریفک کی روانی میں خلل پیدا ہو اور نہ ہی پیدل چلنے والوں کو کسی قسم کی مشکل کا سامناہو۔اس موقع پر متعلقہ یوسیزکے نمائدگان کے علاہ بلدیہ شرقی کے افسران اور علاقہ مکین بھی موجود تھے۔

حکومت حج اخراجات کم کر کے عوام کے لیے حج کا سفر آسان بنائے حافظ نعیم الرحمن


hafiz naeem rehman February 10, 2019 | 8:22 PM

اگر حکومت نے یہ کام نہیں کرنا تو مذہبی امور کی وزارت کیوں قائم کی گئی ہے اور اس پر اخراجات کیوں برداشت کیے جارہے ہیں؟
کراچی: (نیوزآن لائن)جماعت اسلامی کراچی کے امیر حافظ نعیم الرحمن نے حکومت کی جانب سے رواں سال حج پالیسی میں سبسیڈی ختم کرنے اور حج اخراجات میں اضافہ پر شدید مذمت کا اظہار کرتے ہوئے کہا ہے کہ مدینہ جیسی ریاست بنانے کے دعویداروں نے فریضہ حج کے خواہش مند افراد کے لیے مشکل بنادیا ہے ، عوام حج کے لیے پائی پائی جمع کرتے ہیں لیکن مہنگائی کی وجہ سے حج کی ادائیگی نا ممکن بن جاتی ہے ۔ انہوں نے کہاکہ افسوس کی بات ہے کہ ایک جانب حکومتی خسارے کو جواز بنا کرحج پالیسی میں سبسیڈی ختم کر کے حج اخراجات میں اضافہ کردیا گیا لیکن دوسری جانب دیگر شعبوں کو سبسیڈی دی جارہی ہے ، اگر حج پر سبسیڈی دینا گوارا نہیں تو فرٹیلائز ر، ٹیکسٹائل انڈسٹری کے مالکان کو سرچارج کی مد میں 125ارب روپے معاف کیوں کیے گئے ؟ حج پر سبسیڈی دی بھی جاتی تو 9ارب روپے کی رقم بنتی ہے ، حکومت کو 9ارب روپے کی ریلیف دینا ممکن نہیں تو ان صنعتی اداروں کے ایک سو پچیس ارب روپے کیسے معاف کردیے گئے ؟۔انہوں نے کہاکہ پڑوسی ملک بھارت سمیت کئی ممالک میں حج کے سفر اور عازمین حج کی سہولیات کے لیے حکومت رقم مختص کرتی ہے لیکن پاکستان کی حکومت یہ کرنے پر تیار نہیں ۔انہوں نے کہاکہ حج ایک عبادت ہے اور آئین پاکستان کی رو سے حکومت پابندہے کہ لوگوں کو اس مقدس فریضے کی ادائیگی کے لیے سہولیات فراہم کرے، اگر حکومت نے یہ کام نہیں کرنا تو مذہبی امور کی وزارت کیوں قائم کی گئی ہے اور اس پر اخراجات کیوں اٹھائے جارہے ہیں؟۔انہوںنے کہاکہ ایک حج کے لیے لوگ ساری عمر اخراجات میں سے بچت کرتے رہتے ہیں ، بے شمار لوگوں نے اس بار بھی اپنی خواہشات پس پشت ڈال کر حج کے لیے وسائل جمع کیے ، اب اچانک انہیں بتایا جارہا ہے کہ نئی حج پالیسی میں سبسیڈی ختم کر کے حج اخراجات میں اضافہ کردیا گیا ہے۔اگر حکومت کو وسائل کی قلت کا مسئلہ درپیش ہے تووہ حج اخراجات میں رعایت ختم کرنے کے بجائے اپنے تعیشات پر آنے والے خرچ کم کرے۔انہوں نے کہاکہ حج اخراجات میں اضافہ کسی صورت قبول نہیں ، حکومت فی الفور نئی پالیسی مرتب کرے اور عوام کے لیے حج کا سفر آسان بنائے۔

کراچی میں مہاجروں کو بے گھر اور بیروزگار کیا جارہاہے: ڈاکٹر سلیم حیدر


dr saleem haider mit charimen February 3, 2019 | 3:11 PM

ایک سازش کے تحت انکروچمنٹ کی آڑ میں مہاجروں کے گھر ، دکانیں مسمار کی جارہی ہیں
مہاجروں کا جرم یہ ہے کہ انہوں نے کراچی کو گل وگلزار بنایا اس لئے انہیں دہشتگرد قرار دیا جاتا ہے
کراچی:(نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے کہا ہے کہ کراچی میں انکروچمنٹ کی آڑ میں مہاجروں کو بے گھر اور بیروزگار کیا جارہا ہے لیکن اب تک کے ایم سی کے کسی افسر یا اہلکار کو انکروچمنٹ کرانے کے جرم میں سزا نہیں دی گئی جو اس بات کا ثبوت ہے کہ میئر کراچی خود کراچی کے عوام سے سوتیلی ماں جیسا سلوک کررہے ہیں۔ انہوں نے کہاکہ کراچی کے مختلف مہاجر علاقوں میں 40سالوں سے رہائش پذیر افراد اور دوکان مالکان کو ناکردہ گناہوں کی سزا دی جارہی ہے۔ کراچی کے مہاجروں کا جرم یہ ہے کہ وہ رزق حلال کمانا چاہتے ہیں اور مہاجر سوچ و نظریئے پر کام رہتے ہوئے انہوں نے ان ہی ناعاقبت عناصر کو ووٹ دیئے جو انکروچمنٹ کے نام پر مہاجروں کو بے گھر اور بیروزگار کررہے ہیں۔ انہوں نے کہاکہ اندرون سندھ میں اسکولوں اور سرکاری عمارت پر وڈیروں نے قبضے کئے ہوئے ہیں ۔ خودمہاجروں کی لاکھوں ایکڑ زمینیں سندھی وڈیروں کے قبضے میں ہیں لیکن برسوں گزر جانے کے باوجود نہ تو انہیں واگزار کرائی گئی اور نہ ہی کسی مظلوم کی داد رسی کی گئی ہے۔ یہ سارے نام نہاد قانون اور قواعد صرف کراچی ہی کے عوام پر کیوں استعمال کئے جاتے ہیں ۔ کیا کراچی میں ہی دہشت گرد اور جرائم پیشہ لوگ افراد رہتے ہیں ، سندھ کے ڈاکو، پتھارے دار ، دہشت گرد سب مومن مسلمان ہوچکے ہیں ۔ انہوں نے کہاکہ مہاجر حقوق کی آواز بلند کرنے کی پاداش میں مہاجروں پر ہی عرصہ حیات تنگ کیا جارہا ہے جبکہ علیحدگی پسند ملک دشمن اور ملکی دولت لوٹ کر راتوں رات کروڑ پتی بننے والے سندھی النسل افراد پر کبھی کوئی ہاتھ نہیں ڈالتا اور نہ ہی کوئی قانون ان پر لاگو ہوتا ہے۔

حکمران عوام کے سر سے چھت چھیننے کا خیال دل سے نکال دیں حافظ نعیم الرحمن


Naeem Final copy January 20, 2019 | 8:28 PM

واٹر بورڈ لیاقت آباد ، سکند رآباداور اعظم آباد کے رہائشیوں کو متبادل مکانات دے ورنہ مکانات خالی نہیں کیے جائیں گے ۔احتجاجی کیمپ سے خطاب
جماعت اسلامی نے ہمیشہ عوام کے مسائل پر آواز بلند کی ہے سندھ اسمبلی میںاینٹی انکروچمنٹ مہم کے خلاف تحریک التواء جمع کرادی ہے ۔سید عبد الرشید
کراچی: (نیوزآن لائن)امیر جماعت اسلامی کراچی حافظ نعیم الرحمن نے کہا ہے کہ واٹر بورڈ اہلیان پرانا غریب آباد، لیاقت آباد ،سکند رآباداور اعظم آباد کو متبادل مکانات فراہم کرے ورنہ مکانات خالی نہیں کیے جائیں گے ، 50سال سے آبادشہریوں کو کسی صورت چھت سے محروم نہیں ہونے دیں گے ، جماعت اسلامی کے پاس بہترین بلدیاتی تجربہ اور قیادت ہے، ہم سے بات کریں متبادل بتائیں گے اگر 48انچ کی پانی کی لائن کا متبادل نہیں تو پہلے متاثرین کو متبادل جگہ فراہم کی جائے ، نعمت اللہ خان نے جب لیاری ایکسپریس وے تعمیر کیا تو عوام کو پہلے متبادل فراہم کیا تھا، عوام کسی کے فریب میں نہ آئیں ، آپس میں متحد رہیں ، جماعت اسلامی آپ کے ساتھ ہے ۔ اہلیان علاقہ کو کسی صورت بے گھر نہیں ہونے دیں گے ۔ان خیالات کا اظہار انہوںنے واٹر بورڈ کی جانب سے سکندر آباد ، پرانا غریب آباد اور اعظم نگر کے مکینوں کو مکانات خالی کرنے کے نوٹس کے خلاف لگائے گئے احتجاجی کیمپ سے خطاب کرتے ہوئے کیا ۔ کیمپ میں بچے ، بوڑھے ،مرد وخواتین نے بڑی تعداد میں شرکت کی اور شہری و صوبائی حکومت کے خلاف زبردست نعرے بھی لگائے ۔ اس موقع پر رکن سندھ اسمبلی و امیر جماعت اسلامی ضلع جنوبی سید عبد الرشید ، ضلع عبوری امیر گلبرگ و سابق ٹاؤن ناظم گلبرگ فاروق نعمت اللہ ، ناظم حلقہ جاوید احمد خان ، عبید احمد،سابق نائب ناظم لیاقت آباد ٹاؤن شہا ب احمد ،سکریٹری اطلاعات زاہد عسکری و دیگر بھی موجود تھے۔ حافظ نعیم الرحمن نے خطاب کرتے ہوئے مزید کہا کہ واٹر بورڈ کے نوٹس نے علاقے کے رہائشیوںمیں بے چینی پیدا کردی ہے ، برسوں سے قائم آبادی جس میں باقاعدہ بجلی کا کنکشن اور گیس کی فراہمی کی گئی ہے لیکن اب واٹر بورڈ نے حکم نامہ جاری کرکے ان کا سکون برباد کردیا ہے ۔انہوں نے کہاکہ عوام نے جن لوگوں کو ووٹ دے کر منتخب کیا آج وہ لوگ ان آبادیوں سے نکل کر ڈیفنس چلے گئے ہیں انہیں یہاں کے لوگوں کا کوئی خیال نہیں ہے ۔ہم واٹر بورڈ سے پوچھنا چاہتے ہیں کہ انہوں نے کراچی کے عوام کے لیے پانی کی فراہمی میں کتنا اضافہ کیا ؟۔کتنے پمپنگ اسٹیشنز کو ٹھیک کیا ؟۔سابق سٹی ناظم نعمت اللہ خان نے کراچی کے عوام کے لیے 100گیلن پانی کااضافہ کیا اور کے تین منصوبہ مکمل کیا اور اس کے بعد کے فورمنصوبہ کا آغازکیا تھا لیکن بدقسمتی سے اس کے بعد آنے والی حکومت نے ایک گیلن پانی کابھی اضافہ نہیں کیا۔کے فور منصوبہ کی لاگت 16ارب روپے جسے 2010میں مکمل ہونا تھا وہ ابھی تک مکمل نہیں ہوسکا اور اب اس کی لاگت کھربوں روپوں تک پہنچ گئی ہے ۔ جماعت اسلامی اس مشکل گھڑی میں متاثرین کے ساتھ ہے ، کسی قیمت میں بھی متاثرین کو بے گھر نہیں ہونے دیں گے ۔انہوں نے کہاکہ وفاقی و صوبائی حکومت کی ذمہ داری ہے کہ اہلیان سکندر آباد ، پرانا غریب آباد اور اعظم نگر کے عوام کو متبادل جگہیں فراہم کریں ورنہ ہم سڑکوں پر آئیں گے اور ضرورت پڑی تو گورنر ہاؤس کا بھی گھیراؤ کریں گے ۔ رکن صوبائی اسمبلی سید عبد الرشید نے کہاکہ جماعت اسلامی نے ہمیشہ عوام کے مسائل کے حل کے لیے آواز بلند کی ہے اور آئندہ بھی عوام کے ساتھ رہیں گے۔سندھ اسمبلی میں امیر جماعت اسلامی کراچی حافظ نعیم الرحمن کی ہدایت پر اینٹی انکروچمنٹ مہم کے خلاف تحریک التواء جمع کرادی ہے اور اہلیان سکندر آباد ، پرانا غریب آباد اور اعظم نگر سے منتخب ذمہ دارن سے ملاقات کروں گا اور مجھے امید ہے کہ دیگر منتخب عہدیداران بھی اس مسئلے کے حل کے لیے سے میرا ساتھ دیں گے ۔

مہاجر نوجوان اپنی تعلیم پر توجہ دیں: ڈاکٹر سلیم حیدر


dr saleem haider MIT January 20, 2019 | 7:48 PM

علم اور قابلیت مہاجر قوم کی میراث ہے جسے واپس حاصل کرنا ہے
ماضی کی غلط سیاست نے مہاجروں کے تشخص کو نقصان پہنچایا ہے
کراچی(نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے کہا ہے کہ مہاجر نوجوان اپنی تعلیم پر خصوصی توجہ دیں کیونکہ مہاجروں کی میراث علم ہی ہے۔ علم کے ذریعے ہی مہاجروں نے قیام پاکستان کے بعد اس ملک کے نظم ونسق کو چلایا اور شہری علاقوں کو ترقی دلوائی۔ وہ کراچی کے مختلف کالجوں ، یونیورسٹیز کے طلباء کے ایک اجتماع سے خطاب کررہے تھے۔ انہوں نے کہاکہ بدقسمتی سے مہاجر نوجوانوں کو ماضی میں تعلیم سے دور کرکے انہیں تشدد اور جرائم کی طرف لگایا گیا جس کے نتیجے میں پوری مہاجر نسل کو نقصان پہنچا۔ انہوں نے کہاکہ مہاجر تہذیب یافتہ اور شاندار ماضی اور ثقافت رکھنے والی قوم ہے ۔ تعلیم ہی مہاجروں کا ورثہ ہے جسے اب ایک بار پھر مہاجر نوجوان اپنے کھوئے ہوئے ورثے کی طرف واپس پلٹ رہے ہیں۔ تعلیم اور تربیت پر توجہ دیں ۔ پروفیشنل اور ٹیکنیکل تعلیم کے علاوہ مقابلوں کے امتحانات میں شریک ہوکر خود بھی مضبوط بنیں اور قوم کو بھی مضبوط کریں۔ انہوں نے کہا کہ مہاجر ایک شاندار ماضی ، حال اور مستقبل رکھنے والی قوم ہے لیکن بدقسمتی سے ماضی کی غلط سیاست نے مہاجروں کے تشخص کو نقصان پہنچایا اور مہاجروں پر بھتے خوری ، ٹارگٹ کلنگ، دہشت گردی جیسے الزامات لگتے رہے ۔ آج بھی مہاجر نام پر سیاست کرنے والے وہی بھروپیے موجود ہیں جن کی وجہ سے پوری مہاجر قوم تباہی سے ودچار ہوئی ۔ مہاجر نوجوانوں کا مستقبل تاریک ہوا اور آج مہاجر نوجوان بند گلی میں لاکھڑے کئے گئے ہیں۔ انہیں ملازمت سے لے کر تعلیمی اداروں میں داخلے تک ظالمانہ رویوں کا سامنا ہے۔

بارش عوام کے لئے زحمت نہ بن جائے ، ریحان ہاشمی نے بلدیہ وسطی میں ایمرجنسی نافذ کردی


Pic Meeting Emergency January 20, 2019 | 7:46 PM

بلدیاتی افسران اور عملے کہ چوبیس گھنٹے الرٹ رہنے کا حکم، چھٹیاں منسوخ کردی گئی
برساتی نالوں کی صفائی ،ہنگامی اقدامات ، سیوریج لائن اور گٹرز کو رننگ کنڈیشن میں رکھنے کی ہدایت
کراچی :( نیوزآن لائن) محکمہئٔ موسمیات کی جانب سے آج اور کل تیز بارش ہونے کی پیش گوئی کے سبب بلدیہ وسطی میں ہنگامی اقدامات ، برساتی نالوں کی صفائی ، سیوریج اور گڑلائنز کو، رننگ کنڈیشن میں رکھنے کی ہدایات جاری کردی گئیں۔ تفصیلات کے مطابق چیئرمین بلدیہ وسطی ریحان ہاشمی نے محکمہء موسمیات کی جانب سے کراچی میں آج اور کل بارشوں کے امکانات کی گھنٹی بجاتے ہی ضلع وسطی میں ہنگامی اجلاس بلایا جس میں میونسپل کمشنر وسیم سومرو ، منتخب بلدیاتی نمائندے اور متعلقہ بلدیاتی افسران نے شرکت کی۔ریحان ہاشمی نے اجلاس میں ہدایت کی کہ ممکنہ بارشوں کے پیش ِ نظر ہر یوسی کی سیوریج اور گڑلائنوں کورننگ کنڈیشن میں رکھا جائے اور اگر کہیں کسی قسم کی رکاوٹ ہوتو فوری دور کی جائے۔اور روزآنہ معمول کی صفائی میں کسی قسم کا تعطل پید انہ ہو۔ جبکہ برساتی نالوں سے ہر قسم کا کوڑا کرکٹ نکالاجائے تاکہ بارشوں کے دوران بارش کا سیلابی پانی گلیوں، نالیوں اور گٹر لائن سے ہوکر جب برساتی نالوں میں گرے تو بلا روک ٹوک بہتا ہُو ا گجر نالہ سے ہوتا ہُوا ملیر ندی میں جاگرے ۔انہوں نے ہدایت کی کہ ”ڈی واٹرنگ”پمپس ورکنگ کنڈیشن میں رکھے جائیں، دوسری جانب شہری حکومت سے درخواست کی گئی ہے کہ بلدیہ وسطی کوبارش کے دوران ”تھرس پمپ اور گریپ کرین ” مہیا کی جائیں۔ریحان ہاشمی نے گرین بس منصوبے کی انتظامیہ سے کہا ہے کہ وہ بلدیہ وسطی کی حدود میں اُنکے منصوبے سے متاثرہ علاقوں میں نالوں کی صفائی بھی فوری طور پر کرائیں تاکہ عوام کوبارش میں پریشانی کا سامنا نہ ہو۔ واضح رہے کہ بلدیہ وسطی کے علاقے میں موجود نالوں کی طوالت تقریباً چالیس کلو میٹر کے لگ بھگ ہے۔ شدیدبارش کے سبب اگر نالے اُبل پڑیں تو پانی رہائشی اور تجارتی مراکز میں بھر جائے۔ اس صورتِ حال سے بچنے کے لئے ریحان ہاشمی نے تمام برساتی نالوں اور سیوریج لائنوں کی صفائی کا حکم دیا ہے تاکہ بارانِ رحمت عوام کے لئے زحمت نہ بن جائیں۔اگرچہ سیوریج لائنوں کی مرمت و تبدیلی کراچی واٹر اینڈ سیوریج بورڈ کی ذمہ داری ہے تاہم بارہا یاد دہانی کرانے کے باوجود کراچی واٹر اینڈ سیوریج بورڈ کی جانب سے کوئی اقدام نہیں کیا گیا اس لئے بلدیہ وسطی اپنے دستیاب وسائل استعمال کرتے ہوئے سیوریج لائن اوربرساتی نالوں کی صفائی کراتی رہتی ہے۔

انسداد پولیو مہم پیرشروع ہوگی سات روز جاری رہے گی کمشنر کراچی افتخار شالوانی


DSC_2003wwww January 20, 2019 | 4:44 PM

کمشنر کراچی کی زیر صدار ت جائزہ اجلاس منعقد۔
مائکرہ پلان پر غوررہ جانے والے بچوں کی کمی
عالمی ادارہ صحت کا اظہار اطمینان اور تعریف
انسداد پولیو قومی مقصد ہے پولیو کے خاتمہ تک مہم جاری رہے گی کمشنر کراچی افتخار شالوانی
کراچی: (نیوزآن لائن) کمشنرکراچی افتخار شلوانی کی صدارت میںان کے دفتر میں انسداد پولیو کے بارے میں ایک جائزہ اجلاس منعقدہوا اجلاس میں انسداد پولیو کے بارے میں تفصیلی بریفنگ دی گئی ۔ بتایا گیا کہ مہم پیر 21جنوری سے شروع ہوگی ہونے والی این آئی ڈی انسداد پولیو مہم کے انتظامات مکمل کر لئے گئے ہیں۔ مہم سات روز جاری رہے گی ۔ جس میں تیئس لاکھ سے زاید بچوں کو پولیو کے قطرے پلائے جائیں گے۔مہم 192 یونین کونسلوں میں بیک وقت شروع کی جارہی ہے ۔ سیکورٹی کے خصوصی اقدامات کئے گئے ہیں مہم میں تیرہ ہزار سے زائد پولیو ورکرز اپنے فرائض انجام دیں گے۔ اجلاس میں ایمر جنسی آپریشن سینٹر سندھ کے کوآرڈینٹر عمر فاروق ایڈیشنل کمشنر کراچی ون کمشنر کراچی پولیو ٹاسک فورس کے کوآرڈینٹر ڈاکٹر نصرت علی، پولیس رینجرز ،تمام ٹاون ہیلتھ افسران ،عالمی ادارہ صحت، یونیسیف ، بل گیٹس اینڈ ملنڈا کے نمائندوں اور دیگر نے شرکت کی۔ اجلاس میں عالمی ادارہ صحت کے ٹیم لیڈر سندھ نے انسداد پولیو کی کوششوں کو سراہا انھوں نے کہا کہ رہ جانے اور انکار کر نے والے بچوں میں بتدریج کی ہوئی ہے ۔ بہتر کار کردگی پر انھوں نے انتظامیہ ا،محکمہ صحت کے افسران اور دیگر متعلقہ اسٹیک ہولڈرز کی کوششوں کی تعریف کی۔ کمشنر نے کہا کہ انسداد پولیو قومی مقصد ہے اس سے ملک کا وقار اور بچوں کو مستقبل وابستہ ہے ملک کو پولیو سے پاک کر نے تک یہ کوششیں جاری رہیں گی۔انھوں نے کہا کہ قومی جذبہ سے تمام اسٹک ہولڈرز ملک کر کام کریں انھوں نے ڈپٹی کمشنرز سے کہا کہ وہ انسداد پولیو کے مائکرو پلان پر عملدرآمد کو یقینی بنانے میں اپنا کر دار ادا کریں۔ا نھوں نے رہ جانے والے بچوں کی تعداد میں کمی خوش آئند ہے کوشش کی جائے جلد از جلد سو فیصد بچوں کو پولیو کے قطرے پلانے کا ہدف حاصل ہو اور پولیو کا خاتمہ ہو ۔

جامعہ کراچی: تین روزہ بین الاقوامی کانفرنس کی افتتاحی تقریب 07 جنوری کو ہوگی


karachi-University-Logo-KU-Monogram-150x150.jpg 1 January 6, 2019 | 7:33 PM

جامعہ کراچی: تین روزہ بین الاقوامی کانفرنس کی افتتاحی تقریب 07 جنوری کو ہوگی
پاکستان کے مختلف شہروں کے علاوہ جرمنی،تھائی لینڈ،فرانس اور چین کے معروف سائنسدان شرکت کریں گے۔
کراچی:(نیوزآن لائن)جامعہ کراچی کے انسٹی ٹیوٹ آف سسٹین ایبل ہیلو فائٹ یوٹیلائزیشن کے زیر اہتمام تین روزہ دوسری بین الاقوامی کانفرنس بعنوان: ”پائیدارترقی : سبزانقلاب میں ہیلوفائٹس کا کردار” کی افتتاحی تقریب بروز پیر07 جنوری 2019 ء کوصبح9:30 بجے کراچی یونیورسٹی بزنس اسکول میں منعقد ہوگی۔ وائس چانسلر پروفیسر ڈاکٹر محمد اجمل خان صدارت کریں گے جبکہ یونیسکوتھائی لینڈ کے مشیرسائنس ڈاکٹر بینوبوئر اور ڈائریکٹر یونیسکوفرانس ڈاکٹرمیگل گاٹ کلیدی خطاب کریں گے۔ ڈائریکٹر انسٹی ٹیوٹ پروفیسر ڈاکٹر بلقیس گل خطبہ استقبالیہ پیش کریں گی ۔کانفرنس میں پاکستان کے مختلف شہروں کے علاوہ جرمنی،فرانس،چین اور تھائی لینڈ کے معروف سائنسدان شریک ہوں گے۔ڈائریکٹر انسٹی ٹیوٹ آف سسٹین ایبل ہیلو فائٹ یوٹیلائزیشن جامعہ کراچی پروفیسر ڈاکٹر بلقیس گل کے مطابق مذکورہ کانفرنس کا مقصد شعبے کے بین الاقوامی ماہرین،محققین ،اقوام متحدہ کے اداروں ،صنعتوں اور پالیسی سازوں کو ایک جگہ جمع کرکے ہیلوفائٹس کے پائیداراستعمال سے متعلق گفت وشنید اور تحقیق کو فروغ دینا ہے۔غذائی تحفظ کو یقینی بنانے کے لئے ضروری ہے کہ بنجر زمینوں کو قابل کاشت بنایا جائے ،مذکورہ تحقیق پاکستان سمیت دیگر ممالک کے غریب کسانوں کے لئے بیحد فائدہ مند ثابت ہوگی۔جامعہ کراچی کا انسٹی ٹیوٹ آف سسٹین ایبل ہیلو فائٹ یوٹیلائزیشن کاقیام 2006 ء میں عمل میں آیا اور انتہائی قلیل عرصے میں انسٹی ٹیوٹ ہذا مذکورہ شعبے میں دنیا بھر کے معتبر اداروں میں شامل ہوا جس کی بدولت 2009 ء میں ہی یونیسکو نے اولین سسٹین ایبل ہیلو فائٹ چیئر انسٹی ٹیوٹ ہذا میں قائم کی ۔قلیل رقبے اور محدود فنڈنگ کے باوجود انسٹی ٹیوٹ ہذا بین الاقوامی معیار کے ریسرچ میں سرگرم عمل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: الحاق شدہ کالجز میں داخلے برائے سال 2019 ء آج سے شروع ہوں گے
کراچی:(نیوزآن لائن)جامعہ کراچی کے رجسٹرار کے اعلامیے کے مطابق جامعہ کراچی سے الحاق شدہ کالجز میں داخلے برائے سال 2019 ء کے شیڈول کا اعلان کردیا گیاہے۔ بی اے (پاس)،بی ایس سی (پاس) اور بی کام سال اول کے لئے داخلہ فارم 07 جنوری تا28 جنوری 2019ء تک جمع کرائے جاسکتے ہیںجبکہ500/= روپے لیٹ فیس کے ساتھ 18 فروری 2019 ء اور 1000/= روپے لیٹ فیس کے ساتھ 11 مارچ 2019 ء تک جمع کراسکتے ہیں۔انرولمنٹ فارم اور فیس جمع کرانے کی آخری تاریخ 18 فروری 2019 ء ہے جبکہ 800/= روپے لیٹ فیس کے ساتھ 12 مار چ2019 ء ہے۔کلاسز کا آغاز 21 جنوری 2019 ء سے ہوگا۔

ضلع کی خوبصورتی اور شہر میں آلودگی کے خاتمے کیلئے شجرکاری مہم کا سلسلہ جاری رکھا جانا ازحد ضروری ہے۔ شرقی معید انور


06-01-2018 January 6, 2019 | 7:28 PM

کراچی:(نیوزآن لائن)چیئرمین بلدیہ شرقی معید انور نے کہا کہ ضلع کی خوبصورتی اور شہر میں آلودگی کے خاتمے کیلئے شجرکاری مہم کا سلسلہ جاری رکھا جانا ازحد ضروری ہے اور بلدیہ شرقی اس عمل سے غافل نہیں ہے اس سلسلے میں بلدیہ شرقی کی جانب سے پہلے مرحلے میں نیم ودیگر پودوں کے درخت ضلع میں لگائے کے ساتھ اب پھل دار درختوں کے ذریعے سینٹرل آئی لینڈ کو مزین کیا جائے گا۔ ان خیالات کا اظہار انہوں نے میونسپل کمشنر ایسٹ اختر علی شیخ اورڈائریکٹر پارکس جمشید زون اقبال شیخ کے ہمراہ ضلع شرقی میں سر سید روڈ، شاہراہ قائدین، دادا بھائی نورو جی روڈ کی سینٹرل آئی لینڈ کا معائنہ کرتے ہوئے کیا۔ چیئرمین معید انور نے اس موقع پر بات چیت کرتے ہوئے کہا کہ سینٹرل آئی لینڈ کی خوبصورتی کیلئے کاسمیٹک کاموں پر یقین نہیں رکھتے اس لیئے ایسے درخت لگائے جارہے ہیں جس سے شہر کی خوبصورتی میں بھی اضافہ ہو اورماحولیاتی آلودگی سے نبرد آزما ہونے میں بھی معاونت حاصل ہو انہوں نے مزید کہا کہ بدقسمتی سے شہر کراچی میں ہریالی کے فروغ پر زور نہیں دیا گیا جس سے نہ صرف پارک ویران ہوگئے بلکہ تعمیرات میں بھی اضافہ ہونے کے سبب درختوں کی کٹائی کی گئی، ہم نے بر سر اقتدار آنے کے بعد ترجیحی بنیادوں پر پارکس کے ریوائیول(احیا، تجدید) کے بعد شجرکاری مہم پر زور دیا اور اس سلسلے میں پبلک پرائیوٹ پارٹنرشپ کے ذریعے وسیع پیمانے پر شجرکاری مہم کو یقینی بنایا، اب کوشاں ہیں کہ شہر کراچی کو وہی ماضی والا پر رونق اورہر یالی سے بھرپور شہر بنانے میں اپنا کردار ادا کریں، انہوں نے ڈائریکٹر پارکس اقبال شیخ کو ہدایت کی کہ مذکورہ شاہراہوں پر پھل دار درخت لگانے کے سلسلے میں فوری اقدامات بروئے کار لائے جائیں انہوں نے اس موقع پر عوام سے بھی اپیل کی کہ وہ شجرکاری مہم کو اپنا دینی فریضہ سمجھ کر اپنا جو بھی حصہ دے سکتے ہیں وہ دیں تاکہ اس ماحولیاتی تبدیلی سے ہم بہتر طریقے سے نبرد آزما ہوسکیں۔

نویں و دسویں جماعت کے پری بورڈ امتحانات کی رجسٹریشن کا آغاز کردیا گیا، حسین رضا


iso January 6, 2019 | 7:26 PM

امتحانی فارم 22جنوری تک حاصل و جمع کروائے جاسکتے ہیں ،سیکرٹری تعلیم آئی ایس او پاکستان کراچی ڈویژن
شہر بھر میں 20سے زائد مقامات پر رجسٹریشن و امتحانی مراکز قائم کیے جائیں گے ، سیکرٹری تعلیم آئی ایس او پاکستان کراچی ڈویژن
کراچی:(نیوزآن لائن)امامیہ ایجوکیشن بورڈ کی جانب سے منعقد کردہ نویں و دسویں جماعت کے پری بورڈ امتحانات کے رجسٹریشن فارم22جنوری تک حاصل و جمع کروائے جا سکتے ہیں ۔ جبکہ امتحانات کا آغاز 28جنوری سے ہوگا اور نتائج کا اعلان مارچ میں کیا جائے گا ۔طلباو طالبات کی سہولت کے لئے شہر کے تمام اضلاع میں 20سے زائد مقامات پر رجسٹریشن و امتحانی مراکز کا قیام عمل میں لایا گیا ہے۔ان خیالات کا اظہار آئی ایس او پاکستان کراچی ڈویژن کے تعلیم سیکریٹری حسین رضا نے المصطفی ہاوس میں منعقدہ یونٹس صدورکے اجلاس میں کیا۔ رجسٹریشن مراکز کی تفصیلات فراہم کرتے ہوئے انہوں نے بتایا کہ ضلع وسطی میں 7 مراکز قائم کئے گئے ہیں،جبکہ ضلع ملیر میں مقامات پر رجسٹریشن کا عمل جاری رہے گا ، اسکے علاوہ ضلع غربی میں مراکز قائم کئے گئے ہیں، جبکہ ضلع جنوبی میں 3 مقامات پر رجسٹریشن کا عمل جاری رہے گا، ضلع شرقی میں دو مقامات پرفارم حاصل و جمع کروائے جا سکتے ہیں۔ انکا مزید کہنا تھا کہ آئی ایس او پاکستان کراچی ڈویژن گذشتہ 20 سالوں سے طلباو طالبات کی رہنمائی کے لئے امتحانات سے قبل پری بورڈ امتحانات کا انعقاد نہایت ہی احسن طریقے سے سرانجام دے رہا ہے۔ جس میں ہر سال ہزاروں کی تعداد میں طلبا و طالبات شرکت کرتے ہیں۔

برجیس احمد ودیگر کی کراچی پریس کلب کے نومنتخب عہدیداران کو مبارکباد


Jamaat-e-Islami-Pakistan-Flag-744490 December 30, 2018 | 9:13 PM

ملک میں جمہوریت کیلیے جدوجہد ، انسانی حقوق اور عوامی مسائل کو اجاگر کرنے میں پریس کلب کی خدمات ناقابل فراموش ہیں
کراچی : (نیوزآن لائن)جماعت اسلامی کراچی کے قائم مقام امیر برجیس احمد ، سکریٹری اطلاعات زاہد عسکری نے امتیاز خان فاران کو صدر،ارمان صابر کو سیکریٹری سعید سر بازی نائب صدر، راجہ کامران خزانچی اور محمد حنیف اکبر جوائنٹ سیکریٹری اور نومنتخب گورننگ باڈی کو پریس کلب کے انتخابات جیتنے پر دلی مبارکباد دی ہے اورامید ظاہر کی ہے کہ وہ ہمیشہ کی طرح صحافت کی اعلیٰ روایات کو برقرار رکھتے ہوئے کلب اور صحافی برادری کی ترقی میں اپنا مثبت کردار ادا کرتے رہیں گے۔ملک میں جمہوریت کیلیے جدوجہد ،انسانی حقوق اور عوامی مسائل کو اجاگر کرنے میں پریس کلب کی خدمات ناقابل فراموش ہیں۔

ممکنہ طور پر شہر کے مختلف علاقوں اور اضلاع میں ہفتہ وار بازار کے انعقاد کے لئے اقدامات کئے جائیں گیا۔ کمشنر کراچی


commsioner karachi book istal December 30, 2018 | 9:07 PM

کراچی ( نیوزآن لائن) فرئیر ہال اتوار بک بازار کراچی میں دوبارہ آغاز ہو گیا ۔ کمشنر کراچی افتخار شالوانی نے بک بازار کا افتتاح کیا۔ کمشنر کراچی نے اعلان کیا کہ اتوار بازار باقاعدگی سے منعقد کیا جائے گا ہر ممکنہ طور پر شہر کے مختلف علاقوں اور اضلاع میں ہفتہ وار بازار کے انعقاد کے لئے اقدامات کئے جائیں گیا۔ حکومت سے مشاورت کر لی گئی ہے وہ فرئیر ہال اتواربک بازار دوبارہ شروع کرنے کی افتتاحی تقریب سے بحیثیت مہما ن خصوصی خطاب کر رہے تھے
اتوار بازار اور مختلف علاقوں میں کتاب بازار کے انعقا د میں سہولتیں فراہم کر نے اور یہ باقاعدگی سے جاری رہیں انھیں تحفظ فراہم کر نے کے لئے کمشنر کراچی کی سربراہی میں ایڈوائزری کمیٹی قائم کی جاے گی جس میں شہر کی ممتاز ادبی شخصیات، ادبی اداروں کے نمائندے اور رائڑز شامل ہوں گے ۔ جوکمیٹی کے مستقل رکن ہوں گے۔ کمشنر کراچی بہ لحاظ عہدہ اس کے کوآرڈینٹر ہوں گے۔
انھو ں نے کہا کہ حکومت کراچی میں مطالعہ کو فروغ دینے میں دلچسپی رکھتی ہے صوبائی وزرا سعید غنی اور وہاب صدیقی نے انھیں حکومت کی جانب سے ہر ممکنہ مدد کی یقین دہانی کرائی ہے۔ ۔ انھوں نے کہا کہ کوشش کی جائے گی کہ ہر ضلع اور ہر علاقہ میں چھوٹے بڑے بک بازار لگائے جاییں تاکہ لوگوں کو خا ص طور پر ہمارے نوجوانوں کو مناسب قیمت پر اور دستیاب ہوں انھوں نے کہا کہ وہ اس سلسلہ میں کوششیں کر رہے ہیں اس سلسلہ میں وہ مختلف ادبی شخصیات اور ادبی اداروںسے رابطہ میں ہیں ان سے مشاورت کر رہے ہیں،۔ انھوں نے کہا کہ وہ سمجھتے ہیں مطالعہ کا کلچر فروغ دینے کے لئے وہ زیادہ سے زیادہ پبلک لائبریاں قائم کریں جو لابرئریاں بند کر دی گئی ہیں یا ان کی حالت خرا ب ہے انھیں بحال کیا جائیگا ان کی حالت کو بہتر بنایا جائے گا نئی پبلک لاائبریاں قائم کی جائیں گی اس سلسلہ میں حکومت نے ہر ممکنہ مدد کی یقین دہانی کرائی ہ۔انھوں نے اعلان کیا کہ پروفیسر سحر انصاری کی کتابوں کے ضخیم ذخیرہ کو ان کی رہنمائی اور تعاون سے لائبریری میں منتعقل کیا جائے گا انھوںنے انجمن ترقی اردو کے باغ پار ک میں ایک بڑی لائبری قائم کر نے کا اعلان کیا انھوں ن کہا کہ وہ انجمن ترقی اردو کے کتاب پارک کا دورہ کریں گے انھوں نے کہا کہ وہ شہر میں ایک مرکزی پبلک لائبریری قائم کرنا چاہتے ہیں وہ ایک موضوع جگہ کی تلاش میں ہیں اس سلسلہ میں انھوں نے شہر میں دستیاب مختلف عمارتیں دیکھی ہیں اور متعلقہ اداروں سے بات چیت جاری ہے امید ہے وہ جلد جگہ تلاش کر لیں گے۔
وہ ادبی تنظیموں اور ادارون سے مشاورت کریں گے ۔ تقریب میں سینئر افسر حکومت پاکستان طارق مصطفی پروفیسر سحر انصاری فاطمہ حسن ، امینہ سید، آصف فرخی،ذوالقرنین عالی ،احمدشاہ،عقیل عباس جعفری اور تقریب کی آرگنائزنگ کمیٹی کے کو آڑڈینٹر سلطان خلیل بھی مو جو د تھے۔

بانیان پاکستان کی اولادوں کودیوار سے لگانے کی سازشیں ہورہی ہیں،سید عقیل انجم


Baber Brotheran December 30, 2018 | 6:42 PM

ملک کے سواداعظم اہلسنّت وجماعت کی ذمہ داری ہے کہ اپنے اکابرین کی امانت وطن عزیزپاکستان کی حفاظت کا فریضہ انجام دیں،مفتی بشیرالقادری
وطن عزیز آج تاریخ کے انتہائی نازک ترین دورسے گزررہاہے، شکیل قاسمی، ظہیر خان ٹھیکیدارودیگر کالیاقت آباد میں منعقدہ جشن غوث الوریٰ سے خطاب
کراچی (نیوزآن لائن) جمعیت علماء پاکستان کراچی کے صدرعلامہ سید عقیل انجم قادری نے کہا ہے کہ وطن عزیز آج تاریخ کے انتہائی نازک ترین دورسے گزررہاہے، قتل وغارتگری،دہشتگردی اور لاقانونیت کابازارایک بارپھرگرم ہوچکاہے،بانیان پاکستان کی اولادوں کودیوار سے لگانے کی سازشیں ہورہی ہیں،ایسے میں اہلسنّت وجماعت جواس ملک کے سواداعظم ہیں ان کی ذمہ داری ہے کہ اپنے اکابرین کی امانت وطن عزیزپاکستان کی حفاظت کا فریضہ انجام دیں۔ یہ باتیں انہوں نے سکندرآباد لیاقت آباد میںجے یوپی ضلع وسطی کے زیراہتمام منعقدہ جشن غوث الوریٰ سے خطاب کرتے ہوئے کہیں،اس موقع پر جے یوپی کراچی ڈویژن کے جنرل سیکریٹری مفتی محمدبشیرالقادری،چیف آرگنائزرمحمدشکیل قاسمی،نائب صدر سید جہاں زیب سبزواری،میزبان ضلع وسطی کے ناظم اعلیٰ ظہیر خان ٹھیکیدار ودیگر نے بھی خطاب کیا،جبکہ حبیب بھیا،سیکریٹری لیبرافیئرزغلام عباس لنگاہ، ضلع ملیرکے صدر محمداکبروٹو، طارق مغل،مہتاب نورانی،محمودعسکری، سلمان شیخ، محمدہاشم نورانی،کاشف نورانی،جمیل قادری،جمال انصاری،حافظ شہریارقادری، ایان قادری،نورمحمداشرفی ودیگر نے بھی شرکت کی۔جشن غوث الوریٰ میں عالم اسلام کے معروف ثناء خوان رسول حافظ طلحہ قادری، محمدارسلان نقشبندی، بابرنقشبندی، سلمان قادری، اویس رضا قادری، بلال شاہ بخاری،ابوبکر قادری، زوہیب قادری ودیگر نے ہدیہء نعت ومنقبت پیش کیا۔مقررین نے اپنے خطاب میں کہاکہ پاکستان بچانے کی واحدصورت یہ ہے کہ جن اکابرین نے پاکستان بنایاتھا ان کی اولادیں آگے بڑھیںاور پاکستان کوبچائیں۔انہوںنے کہاکہ حضورغوث الاعظم کے مریدین ومعتقدین نے صلیبی جنگوں میںاسلام کی سربلندی میں اہم کرداراداکیا،حضرت مجددالف ثانی نے اپنے دورمیں انقلاب کی راہ ہموار کی، خانقاہی نظام کااصل مقصدہی مسلمانوں کاتحفظ اور شعائراللہ کی حفاظت ہے ،آج بھی اگرصاحبان طریقت موقع کی نزاکت کوسمجھ لیں توملک میں انقلاب نظام مصطفےٰ ۖ کے نفاذ کی منزل قریب تر ہوگی۔انہوں نے کہاکہ جے یوپی قادریوں، نقشبندیوں، چشتیوں اور سہروردیوں کالشکر ہے ،یہ امام نورانی کے چاہنے اور ماننے والو ں کااصل لشکرہے یہ سرکٹاتوسکتاہے ،سرجھکانہیں سکتا۔انشاء اللہ مشن نورانی کوپوراکریں گے اور یارسول اللہ ۖ کے نعرے پرسب کو متحد کریں گے۔ جمعیت علماء پاکستان موروثی جماعت نہیں ہے ہم سب علامہ شاہ احمدنورانی کے بنائے ہوئے دستور کے پابند ہیں۔انہوں نے مطالبہ کیاکہ وطن پاک میں بے روزگاری کے خاتمے کے لئے توانائی کے نئے ذرائع تلاش کئے جائیںاور روزگارکی فراہمی کے لئے نئے صنعتی یونٹس لگائے جائیں اور وہ تمام بیمارصنعتوں کی بحالی کے لئے عملی اقدامات کئے جائیں اور نوجوان نسل کو بے روزگاری سے بچایاجائے۔ پی ٹی آئی کی قیادت نے انتخابات سے قبل قوم سے وعدہ کیاتھاکہ ملک سے کرپشن کاخاتمہ کریں گے ،بدعنوان عناصر کوسرعام سزادی جائے گی اور وہ لوگ جنہوں نے ملک سے بے شماردولت لوٹی ہے وہ پیسہ واپس لیا جائے گا،مگرمیڈیاپر ٹرائل تو نظرآرہاہے لیکن پیسہ نہیں آرہا،مہنگائی کا طوفان غریبوں کے چولہے ٹھنڈے کررہاہے مگر حکمران اربوں روپے خرچ کرکے نئے سنیماتعمیر کئے جارہے ہیں۔حکمران انتخابی وعدے پورے کریں ، مظلوم قوم نے پی ٹی آئی کوتبدیلی کے نام پر ووٹ دیا تھامگر یہ ہماری بدقسمتی ہے کہ نہ توکوئی تبدیلی آئی اور نہ ہی کرپشن کاخاتمہ ہوا،نہ لوڈشیڈنگ ختم ہوئی نہ ملکی وسائل کی لوٹ مار میں کمی آئی،بلکہ ہر آنے والادن پاکستان کے غریب عوام کی پشت پر مہنگائی کے کوڑے برسارہاہے ۔ بجلی، آٹا،پیٹرول اور بنیادی ضرورت کی اشیاء کی قیمتوں میں روزافزوں اضافہ ہورہاہے ور یہ سب کچھ ورلڈ بینک اور آئی ایم ایف کی پالیسیز کی پابندی کانتیجہ ہے ۔عمران خان اپنے وعدے پورے کریں ،ورلڈ بینک وآئی ایم ایف کے شکنجے سے قوم کو آزادی دلائیںتاکہ قوم واقعی خوشحالی کی راہ پر گامزن ہوسکے۔انہوں نے قائدین اہلسنّت سے مطالبہ کیاکہ حالات کی نزاکت کوسمجھیں اب وقت آچکاہے کہ قائدین آج بھی متحد نہ ہوئے توپھرکب ہونگے،ہم تمام قائدین اہلسنّت سے اپیل کرتے ہیں کہ وہ خدااور اس کے رسول ۖ کے واسطے اپنے تمام تر ذاتی اور گروہی اختلافات کو بالائے طاق رکھ کر اپنی مادری تنظیم جمعیت علماء پاکستان کے پلیٹ فارم پر متحدومنظم ہوجائیں اور پاکستان کو حقیقی معنوں میں نظام مصطفےٰ کا گہوارابنانے کی تحریک کا آغازکریں۔

جامعہ کراچی: داخلہ فیس جمع کرانے کی تاریخ میں توسیع


karachi unversity jpg December 30, 2018 | 6:33 PM

کراچی:(نیوزآن لائن)جامعہ کراچی کے ڈائریکٹر ایڈمیشنز کے اعلامیہ کے مطابق بیچلرز ،ماسٹرز ، ڈاکٹر آف فارمیسی (مارننگ و ایوننگ پروگرام)،ڈاکٹر آف فزیکل تھراپی(مارننگ پروگرام) اور شعبہ ویژول اسٹڈیز کی داخلہ فیس جمع کرانے کی تاریخ میں 02 جنوری2019 ء تک توسیع کردی گئی ہے۔طلباوطالبات اپنی داخلہ فیس آن لائن جمع کراسکتے ہیں۔

آفیسرز الائنس جامعہ کراچی کے افسران کو مایوس نہپیں کریگا۔ 26دسمبر کو پینل کو ووٹ دینے کی اپیل کرتے ہیں ۔منصورحسن امیدوار صدر


December 23, 2018 | 9:17 PM
ضی میں نا انصافی کا شکار افراد کے ساتھ انصاف ، ریٹائرڈ ملازمین کے بچوں کو نوکریاں دلانا، میڈکل انشورنس پالیسی جیسے اقدامات کرائے جائیں گے۔پینل برائے آفیسرز الائنس جامعہ کراچی کا اعلان
کراچی:(نیوزآن لائن)پینل برائے آفیسرز الائنس جامعہ کراچی کے امیدوار برائے صدر منصور حسن اور جنرل سیکریٹری تاج الدین نے پینل کے منشور کا اعلان کرتے ہوئے کہا ہے کہ کامیابی کے بعد آفیسران کی باہمی مشاورت سے ایک ویلفیئر بورڈ کی تشکیل، ریٹائرمنٹ کے وقت ملنے والے فنڈزکی بروقت ادائیگی، لیو انکیشمنٹ کا دورانیہ 10سال سے کم کرکے 5سال کرایا جائے گا۔ افسران کی سینیارٹی لسٹ، سفارشی ترقیوں کو روکنا، افسران کو بزریعہ قرعہ اندازی عمرہ پر بھیجنے ، انکی رہائش کے مسائل، میڈیکل پالیسی ، ماضی میں نا انصافی کا شکار افراد کے ساتھ انصاف ، ریٹائرڈ ملازمین کے بچوں کو نوکریاں دلانا، میڈکل انشورنس پالیسی جیسے اقدامات شامل ہیں ۔ آفیسرز ویلفیئر ایسوسی ایشن جامعہ کراچی کا پینل برائے آفیسرز الائنس جامعہ کراچی کے افسران کو مایوس نہپیں کریگا۔ صدر منصور حسن نے 26دسمبر کو پینل کو ووٹ دینے کی اپیل کی ہے۔

علم ہماری پہچان اور تہزیب ہماری شناخت تھی،ڈاکٹر محمد انور


karachi December 23, 2018 | 9:10 PM

کراچی:(نیوزآن لائن) مہاجر نیشنل موومنٹ کے چیئرمین ڈاکٹر محمد انورنے کہا ہے کہ علم ہماری پہچان اور تہزیب ہماری شناخت تھی۔ عالمی کتب میلہ نے شہر کی سرگرمیوں میں اضافہ کردیا ہے۔ فروغ علم کے لئے عالمی کتب میلہ اچھی اور مثبت کاوش ہے۔ مہاجروں کی پہچان علم کے گہوارے اور انکی تربیت تھی۔ ہم اس روایت اور پہچان کو دوبارہ مہاجروں کی شناخت بنانے کے متمنی ہیں اور یہ کام جاری و ساری رہیگا۔ نوجوان اس روایت کو آگے بڑھائیں ۔ انہوںنے عالمی کتب میلے کے دورے کے موقع پر مہاجر نیشنل موومنٹ کے کارکنوں اور طالب علموں سے گفتگو میں یہ بات کہی۔ انہوں نے کہا کہ آئی ٹی کی صنعت کو بھی مہاجروفاقی وزیر ایک اچھی سمت میں ڈال کر مثبت روایتوں کے امین بنیں۔ ان میں اسکی صلاحیت موجود ہے ۔ دریں اثناء ناظم آباد بلاک ایل میں کارکنان کے اجلاس سے خطاب کرتے ہوئے انہوںنے کہا کہ ایم کیو ایم کی تقسیم کانعرہ لگانے والے افراد دراصل یہ پیغام دینا چاہتے ہیں کہ مہاجرمنتشر ہوگئے۔لیکن جس طرح تمام قوم پرست جماعتیں سندھی اشو پر ایک ہو جاتی ہیں ہم بھی اپنے بھائیوں کے ساتھ ایک نظر آئیں گے۔ ہم تطہیر اور تعظیم کی مہاجر سیاست پر عمل پیرا ہیں ۔مکمل مہاجر سیاست پر اترچکے ہیں ۔ ایک ایک کارکن ہماری جان ہے ۔ سینئر وائس چیئرپرسن روبینہ یاسمین نے کہا کہ ضلع وسطی مہاجروں کا گڑھ کہلاتا ہے۔ ہمیں تمام منفی سیاست دانوں کو اپنی مثبت سیاست سے شکست دینی ہے۔انہوں نے بلدیہ وسطی کے منافق چیئرمین ریحان ہاشمی پرکڑی تنقید کی جو تبادلوں پر رقوم لے رہے ہیں اوتر مہاجر خواتین کو ہراساں کر رہے ہیں ۔ انہوں نے کہا کہ یہ تربیت ایم کیو ایم کی نہیں یہ شخص پیسے کو دین ایمان سمجھ کر مہاجر سیاست کو ناقابل تلافی نقصان دے رہا ہے۔ لیکن فاروق ستار اور بہادرآباد کی خاموشی گناہ کے مترادف ہے۔

یوسی ا کیس گلشن اقبال کو آرچڈ اسکول گلشن اقبال کی جانب سے اسٹریٹ لائیٹ وین کا عطیہ


orchid school inorogation December 23, 2018 | 9:07 PM

اسٹریٹ لائیٹ وین کا عطیہ جنید نینی تال والا نے چئیرمین بلدیہ شرقی معید انور کے ذریعے یوسی کو پیش کیا گیا
مخیر حضرات اسی طرح بلدیاتی اداروں کی معاونت کریں تو شہریوں کو درپیش مسائل دور کرنا مشکل نہیں ہوگا، چئیرمین بلدیہ شرقی
آرچڈ اسکول کی اس خدمت پر ان کو جتنا سراہا جائے وہ کم ہے جنید نینی تال والا کا شکریہ ادا کرتا ہوں،معید انور
کراچی :( نیوزآن لائن)چئیرمین بلدیہ شرقی معید انور نے کہا ہے کہ مخیر حضرات اپنے حصے کا کردار ادا کرتے رہیں تو شہریوں کو خدمات کی فراہمی کوء مشکل کام ہی نہیں رہے، آرچڈ اسکول گلشن اقبال نے اسٹریٹ لائیٹ وین کا عطیہ کر کے اپنا کردار ادا کیا ہے جو لائق تحسین ہونے کے ساتھ قابل تقلید ہے، مخیر حضرات سے گزارش کرتا ہوں کہ وہ ضلع شرقی اور اسکی یوسیز کے مسائل حل کرنے میں ہماری معاونت فرمائیں یقین دلاتا ہوں مسائل کو برق رفتاری سے دور کر دیں گے ان خیالات کا اظہار انہوں نے آرچڈ اسکول گلشن اقبال کی جانب سے یوسی کو عطیہ کی گء اسٹریٹ لائیٹ وین کے حوالے سے منعقدہ تقریب سے خطاب کرتے ہوئے کیا اس موقع پر انہوں نے مزید کہا کہ جب اشتراک یامدد حاصل ہوتی ہے تو حوصلے بلند ہو جاتے ہیں اور کام کرنے کیلئے راستے صاف دکھاء دینے لگتے ہیں، ہم وسائل کی کمی کے سبب کام کی رفتار بڑھانے کی پوزیشن میں نہیں ہیں مخیر حضرات تعاون کرتے جائیں گے تو کسی کی جانب دیکھنے کے بجائے پوری قوت کے ساتھ مسائل کو حل کریں گے وائس چئیرمین بلدیہ شرقی عبالرؤف خان نے تقریب سے خطاب کرتے ہوئے آرچڈ اسکول کے اقدام کو سراہا اور کہا کہ بلدیہ شرقی اور اس کی یوسیز اس قسم کے تعاون کو قدر کی نگاہ سے دیکھتے ہیں اور منتظر ہیں کہ مسائل کے حل کے سلسلے میں یہ دائرہ کار مزید وسیع ہو، آرچڈ اسکول کے منتظم جنید نینی تال والا نے اس موقع پر کہا کہ بلدیاتی اداروں کی مشکلات کو دور کرنے کیلئے اسٹریٹ لائیٹ وین کا تحفہ دیا ہے اور اپنے طور پر جو بن پڑے گا بلدیاتی اداروں کے ساتھ تعاون جاری رکھیں گے بعدازاں جنید نینی تال والا نے اسٹریٹ لائیٹ وین کی چابی چئیرمین بلدیہ شرقی معید انور کے ذریعے یوسی 21 کے چئیرمین محمد عدنان کے حوالے کیں، اس موقع پر وائس چئیرمین بلدیہ شرقی عبدالر?ف خان، چئیرمین یوسی 21 محمد عدنان خان، وائس چئیرمین تنزیل بن عبدالر?ف سمیت یوسی کے نمائندگان، آرچڈ اسکول کی انتظامیہ اور بڑی تعداد میں یوسی کے مکین بھی موجود تھے۔

کرسمس کے موقع پر بلدیہ وسطی میں مسیحی برادری کے لئے خصوصی انتظامات


baldiyati news December 23, 2018 | 9:03 PM

چیئرمین ریحان ہاشمی نے گرجاگھروں کا دورہ کیا ، انتظامیہ کے ارکان سے ملاقات
کراچی: (نیوزآن لائن) بلدیہ وسطی کی حدود میں قائم مسیحی آبادی اور گرجاگھروں کے اطراف چیئرمین بلدیہ وسطی ریحا ن ہاشمی کی خصوصی ہدیات پر صفا ئی اور روشنی کے خصوصی انتظاما ت کئے جارہے ہیں تاکہ مسیحی برادری کو کرسمس منانے میں کسی قسم کی دِقّت یا پریشانی کا سامنا نہیں کرنا پڑے۔ جبکہ ریحان ہاشمی نے چیئرمین اقلیتی امور الیاس کھوکھر کے ہمراہ بہ نفسِ نفیس گرجاگھروں پر جاکر وہاں کی انتظامیہ سے ملاقات کی اور انکے بلدیاتی مسائل سے آگاہی حاصل کی ۔ اس موقع پر چرچ انتظامیہ نے ریحان ہاشمی کی گرجا گھر آمد اور مسیحی برادری کے مسائل حل کرنے میں دل چسپی ظاہر کرنے پر اُنکا شکریہ اداکیا ، اور گرجا گھروں کے اطراف صفائی اور روشنی کے خصوصی انتظامات کرنے پر مسیحی برادری کی جانب سے اظہارِ تشکر کیا۔ واضح رہے کہ بلدیہ وسطی میں عیسائی اور ہندو برادری کی بڑی تعداد آباد ہے ۔ بلدیہ وسطی کی انتظامیہ دونوں مذاہب کے پیروکاروں کے لئے بلاتفریق خدمات مہیاکرتی ہے ۔حالیہ دنوں میں سیوریج کی مخدوش لائنوں کی مرمت اور نئی لائن ڈلوائی گئی جبکہ آمد و رفت میں بہتری کے لئے سی سی فلورنگ بھی بلدیہ وسطی کے اخراجات پر کرائی گی۔ کرسمس کے موقع پر بھی بلدیہ وسطی نے مسیحی برادری سے اظہارِ یکجہتی کرنے کے لئے گرجاگرو ں کادورہ کیا وہاں کی انتظامیہ کے ارکان سے ملاقات کی اور بلدیہ وسطی کی جانب سے کرسمس منانے کے لئے مسیحی برادری کے ساتھ ہر قسم کے تعاون کا یقین دلایا۔

کراچی میں مہاجروں کو اقلیت میںتبدیل کیا جارہاہے،ڈاکٹر سلیم حیدر


dr saleem haider mit charimen December 23, 2018 | 8:58 PM

اپنے ہی شہر میں مہاجر نوجوان تعلیم اور روزگار سے محروم کردیئے گئے ہیں
مہاجر قیادت اور مہاجر فکر رکھنے والے تمام افراد کو متحد ہوکر مشترکہ جدوجہد کرنی ہوگی
کراچی:(نیوزآن لائن) مہاجر اتحاد تحریک کے چیئرمین ڈاکٹر سلیم حیدر نے کہا ہے کہ کراچی جوکہ مہاجروں کا سب سے زیادہ اکثریتی شہر ہے اس پر ایک منصوبہ بندی کے تحت مہاجروں کو اقلیت میں تبدیل کیا جارہا ہے۔ اپنے ہی شہر میں مہاجر نوجوانوں پر تعلیم اور روزگار کے دروازے بند کردیئے گئے ہیں۔ وہ طلباء کے وفد سے بات چیت کررہے تھے۔ ڈاکٹر سلیم حیدر نے کہاکہ کراچی میں مہاجر قوم کو منتشر ہونے کے بعد مہاجر دشمن عناصر مہاجروں کو دیوار سے لگانے کیلئے کمر بستہ ہوگئے ہیں۔ اس صورتحال کا ادراک کرتے ہوئے ہم نے کافی عرصے قبل سے ہی مہاجر جماعتوں اور قائدین کو متحد کرنے کی کوششیں شروع کیں جو اب بھی جاری ہیں جس کا مقصد کراچی سمیت سندھ میں رہنے والے مہاجروں کو ان کے حقوق کے ساتھ ساتھ ان کے تحفظ کو بھی یقینی بنانا ہے۔ انہوں نے کہاکہ پیپلزپارٹی کی حکومت جس کی قیادت سے لے کر اراکین اسمبلی اور وزراء تک کرپشن میں ڈوبے ہوئے ہیں ، وہ کراچی کے وسائل کو اندرون سندھ میں ترقی کے نام پر لے کر جارہے ہیں ، جہاں سے وہ وسائل بھی بدعنوانی کی نذر ہوجاتے ہیں، انہوں نے کہاکہ مہاجر ماضی سے سبق سیکھتے ہوئے مثبت اور بہتر قیادت کو سامنے لے کر آئیں تاکہ مہاجروں کے دیرینہ مسائل اور ان کے حقوق کے حوالے سے جدوجہد کی جاسکے۔ کیونکہ سندھ میں جس طرح کی صورتحال پیدا کردی گئی ہے اس کے بعد اب مہاجروں کیلئے ہر آنے والا دن سخت سے سخت ہوتا جارہا ہے۔

کوئی ملک یا معاشرہ کسی بھی قسم کی ترقی کا تصور ہی نہیں کرسکتا جب تک وہ معاشرے یا قوم علم کی اہمیت کو تسلیم نہیں کرلیتے۔ڈاکٹر اجمل خان


karachi university December 9, 2018 | 6:28 PM

کوئی بھی ڈاکٹر یا ٹیچرتھر یااس جیسے دیگر علاقوں میں ڈیوٹی سرانجام دینا نہیں چاہتے ہیں۔سینیٹر امام الدین شوقین
کراچی پورے پاکستان کو ریلیف پہنچاتا ہے اور تقریباً70 فیصد ریونیوفراہم کرتاہے اورکراچی میں رہنے والے سب زیادہ انکم ٹیکس اداکرتے ہیں۔علی رضاعابدی
کراچی:(نیوزآن لائن)جامعہ کراچی کے وائس چانسلر پروفیسر ڈاکٹر محمد اجمل خان نے کہا کہ میں بحیثیت سائنسدان میں یہ بات کررہاہوں کہ پاکستان قدرتی وسائل میں دنیا کے امیرترین ممالک میں سے ایک ہے۔ملک کے تمام شعبے اس وقت ترقی کی جانب گامزن ہوسکتے ہیں جب ہم سب محنت سے اور مل کر کام کریں ۔پاکستان میں صلاحیتوں کی کمی نہیں ہے ،اگر ہم سب اپنی صلاحیتوں کو بروئے کار لائیں تو پاکستان کو ترقی یافتہ ممالک کی فہرست میں شامل ہونے سے کوئی نہیں روک سکتا۔ضرورت اس امر کی ہے کہ تمام اسٹیک ہولڈرز اپنی صلاحیتوں کا بھرپور استعمال کرکے ملک کو درپیش مسائل کے خاتمے کے لئے اپنا کردار اداکریں۔کوئی ملک یا معاشرہ کسی بھی قسم کی ترقی کا تصور ہی نہیں کرسکتا جب تک وہ معاشرے یا قوم علم کی اہمیت کو تسلیم نہیں کرلیتے اور اس کو اپنے ملک کی ترقی کیلئے ناگزیر نہیں سمجھ لیتے۔ آج اگر ہم جائزہ لیں تو وہی ملک ترقی کی بلندیوں پر نظر آتے ہیں جنہوں نے علم کی اہمیت کو تسلیم کیا۔ تاریخ گواہے کہ جو ممالک زوال پذیر ہوئے ہیں،ان کی پستی کی سب سے بڑی وجہ علم سے دوری ہے۔درحقیقت نوجوانی کا دور وہ دور ہوتا ہے جب انسان کے ارادے، جذبے اور توانائی اپنے عروج پہ ہوتے ہیں، اگران جذبوں اور توانائی سے قوم و ملک فائدہ نہ اٹھا سکیں تو یہ انتہائی بڑا نقصان ہے ۔ان خیالات کا اظہار انہوں نے جامعہ کراچی کے شعبہ سیاسیات کے زیر اہتمام اور ینگ سوشل ریفارمرز کے اشتراک سے جامعہ کراچی کے کلیہ فنون وسماجی علوم کی سماعت گاہ میں منعقدہ کانفرنس بعنوان: ”پاکستان کی تعمیر وترقی میں نوجوانوں کا کردار” سے خطاب کرتے ہوئے کیا ۔سینیٹر امام الدین شوقین نے کہا کہ بحیثیت طالب علم ہمارے سوچنے اور چیزوں کو دیکھنے کا نظریہ مختلف ہوتاہے۔مگر جیسے ہی ہم اپنی پیشہ ورانہ زندگی کا آغاز کرتے ہیں ،ہماری ترجیحات یکسر تبدیل ہوجاتی ہیں۔کوئی بھی ڈاکٹر یا ٹیچرتھر یااس جیسے دیگر علاقوں میں ڈیوٹی سرانجام دینا نہیں چاہتے ہیں۔ اعلیٰ عدالتی احکامات پر ابھی حال ہی میں 100 سے زائد ڈاکٹر ز کا تھر میں تبادلہ کیاگیا تاہم جس پر ان کو اعتراض تھا کہ ان کے تبادلے سے ان کے گھریلو امور متاثر ہورہے ہیں جبکہ نوکری کے حصول کے وقت ڈاکٹرز اور ٹیچرز ہر جگہ کام کرنے کے لئے رضا مندی ظاہر کرتے ہیں۔لائق تحسین ہیں وہ لوگ جو اپنے بجائے دوسروں کے لئے سوچتے ہیں۔سابق ممبر قومی اسمبلی علی رضا عابدی نے کہا کہ آج پاکستان میں ہم سب کو جس چیز میں شامل ہونے کی ضرورت ہے وہ وہ پاکستان کی معیشت کی ری ہیبی لیٹیشن کی ضرورت ہے۔آج سے تین ماہ قبل جوگھرانے 30 ہزار وپے میں گزاراکرتے تھے آج انہیں 36 ہزار روپے کی ضرورت ہے۔کراچی میں بہت ڈیولپمنٹ کی ضرورت ہے ،کراچی پورے پاکستان کو ریلیف پہنچاتا ہے اور تقریباً70 فیصد ریونیوفراہم کرتاہے اورکراچی میں رہنے والے سب زیادہ انکم ٹیکس اداکرتے ہیں۔ہم سب کو مل کر پاکستان کو ری ہیبی لیٹیٹ کرنے کی ضرورت ہے۔عصر حاضر میںسوشل میڈیا کے استعمال کے ذریعے ہم مڈل مین کا رول ختم کرکے اصل ہنرمند کو زیادہ مالی فائدہ پہنچانے کا سبب بن سکتے ہیں،لہذا ہم سب اس کے لئے اپنا کرداراداکرنے کی ضرورت ہے۔سوشل سروس اور ڈیلیوری کا جذ بہ آپ اور ہم سب میں ہونا چاہیئے اور یہی چیز ہے جو آپ کو عوام سے قریب بھی کرتی ہے اور اپنے خیالات کے اظہار کا موقع اور رائے بھی ملتی ہیں۔چیئرمین ڈسٹرکٹ میونسپل کارپوریشن سینٹرل ریحان ہاشمی نے کہا کہ آنے والے وقتوں جنگ پانی کے مسئلے پر ہوں گی۔گذشتہ چند برسوں میں اندورن سندھ ہونے والی اموات کا تعلق غذائی قلت سے ہے، طبی سہولتوں کے فقدان سے نہیں ۔تھرسمیت صوبہ سندھ کے بیشتر ڈسٹرکٹ میں پینے کے لئے صاف پانی میسر نہیں ہے۔انہوں نے طلبہ کو مخاطب کرتے ہوئے کہا کہ ہر مسئلے کے حل کے لئے حکومت پر بھروسہ کرنے کے بجائے متبادل ذرائع سے استفادہ حاصل کرنے کی کوشش کریں۔معروف موٹی ویشنل اسپیکر ساجد اطہر خان نے کہا کہ ہر شخص اپنی زندگی میں کسی نہ کسی مشکل کا سامنا کررہاہوتاہے۔لیکن اگر مثبت سوچ کے ذریعے اس کا سامنا کیا جائے تو ان مشکلات کو ختم بھی کیا جاسکتا ہے اور دوسری صورت میں اس مشکل کو کافی حدتک کم بھی کیا جاسکتا ہے۔مسکرانا اور مسکراہٹ کا جواب اسی طرح سے دینا آپ کی مشکلات کو کم کرنے میں مددگار ثابت ہوسکتا ہے۔آپ کے چہرے کے تاثرات آپ کی سوچ کی عکاسی کرتی ہے۔ہر ایک سیکنڈ میں آٹھ افراد اپنی جان سے ہاتھ دھوبیٹھتے ہیں ،ہمیں شکر اداکر نا چاہیئے کہ ہمارا شمار ان فراد میں نہیں۔مختلف لوگوں سے بات کرنا اپنے پیغا م کو دوسروں تک پہنچانے کا سب سے اہم ذریعہ ہے۔معروف قانون دان ضیاء اعوان نے کہا کہ پاکستان کا شمار دنیا میں امدادی کام کرنے والے ممالک میں دوسرے نمبر پر آتا ہے ،پہلے نمبر پر امریکہ جبکہ دوسرے نمبر پر پاکستان کا نام آتاہے۔ہمارے یہاں امدادی کاموں میں بڑھ چڑھ کر حصہ لیا جاتا ہے اور اس مد میں ایک خطیر رقم جمع ہوتی ہے لیکن اس کے صحیح استعمال کو لیکر خدشات کا اظہار بھی کیا جاتاہے۔بالاکوٹ میں ہونے والے زلرلے کے متاثرین کے لئے سب سے زیادہ امداد کراچی سے جمع کی گئی تھی۔بدقسمتی سے کراچی کا شمار سونامی اور زلزلے جیسی خطرنات قدرتی آفات والی جگہوں میں ہوتا ہے،اس لئے اس بات کی اشد ضرورت ہے کہ شہر کا انفراسٹرکچر محفوظ سے محفوظ تر بنایا جائے اور مزید انفرااسٹرکچر ان تمام خدشات کو مد نظر رکھتے ہوئے ترتیب دیا جائے اور کثیر المنزلہ عمارتوںکی تعمیر سے گریز کیا جائے ۔جامعہ کراچی کے شعبہ سیاسیات کے ڈاکٹر محمد علی نے کہا کہ نوجوانوں کو مزید بااختیار بنانا چاہیئے ،کیونکہ نوجوان ہی ہمارے ملک کامستقبل اور اثاثہ ہیں اور ملک کی ترقی میں اہم کردار اداکرتے ہیں۔شعبہ سیاسیات ینگ سوشل ریفارمرز کے ان اقدمات کی حوصلہ افزائی کرتاہے۔

مہاجر شہداء کو سلام عقیدت پیش کرتے ہیں ۔ شہداء کے معاملے پر کسی کو سیاست کرنے کی ضرورت نہیں ۔ اگر کچھ کرنا ہے تو اختلافات بھلا کر ایک ہوجائیں ۔ ڈاکٹر محمد انور صدیقی


karachi December 9, 2018 | 6:21 PM

قوم کی مشکلات دن بدن بڑھ رہی ہیں ۔ ایم کیو ایم پاکستان کو کرش کیا جا رہا ہے۔ ہم نے اب کھل کر مہاجر سیاست اور عوامی اجتماعات کا فیصلہ کرلیا ہے۔ چیئرمین ایم این ایم
چاروں طرف سے مہاجر کش آپریشن ہورہا ہے۔ لیکن جنہیں مینڈیٹ دیا گیا وہ خاموشی کا روزہ رکھ کر بیٹھے ہیں۔چیئرمین ڈاکٹر انور کا جلدکنونشن منعقد کرنے کا بھی اعلان
مہاجر نام پر منتخب ہونے والے اسکی کو بٹہ لگا رہے ہیں ۔ فاروق ستار با با نے مہاجر قوم کی پیٹھ پر چھرے گھونپ گھونپ کراسے لہولہان کردیا ہے۔ روبینہ یاسمین سینئر وائس چیئرپرسن
کراچی کے تمام سرکاری اداروں میں مہاجر افسر و ملازمین کو چن چن کر لسانیت کی بنیاد پر نیب اور اینٹی کرپشن نشانہ بنا رہے ہیں ۔ متعدد جیلوں میں ہیں ۔ عقیل انبالوی وائس چیئرمین
آفاق احمد ، فاروق ستار ایک ہی سکے کے دو رخ اور لندن مافیاء مہاجر قوم کو لندن سے بیٹھ کر کچلنے کے لئے متحرک ہے۔ محمد یونس میمن ۔ عارضی جنرل سیکریٹری مہاجر نیشنل موومنٹ
عام انتخابات دھوکہ اور جھرلو تھے۔ ایم کیو ایم کو ہرانے میں خلائی مخلوق پیش پیش تھی۔ محسوس کر رہے ہیں کہ مہاجر سیاست کچل دی گئی ہے۔ شبانہ خانم جوائنٹ سیکریٹری ایم این ایم
مہاجر اشوز پر اب کسی کا انتظار نہیں کرینگے۔ جتنی بھی نشستیں ہیں ایم کیو ایم مہاجر حقوق پر آواز اٹھائے ۔ عادل شفیق سیکریٹری اطلاعات مہاجر نیشنل موومنٹ
تجاوزات کے خاتمے پر وسیم اختر مبارکباد کے مستحق ہیں ۔ سڑکیں کشادہ ہو رہی ہیں ۔ گھروں کے مسمار کرنے پر استعفی کا اعلان مہاجر میئر کا زبردست فیصلہ ہے۔ مرکزی کمیٹی
تحریک انصاف ملک ، قوم ، ایم کیو ایم سے مخلص نہیں ۔ ایم کیو ایم کو اب تک کیا ریلیف ملا جواب دیں ۔ عمرانہ سی ایف ایس جی، فاریہ ، عبدالقیوم ، کرن خان اورناصر خان کا خطاب
کراچی:(نیوزآن لائن) مہاجر نیشنل موومنٹ کے چیئرمین ڈاکٹر محمد انور صدیقی نے کہا ہے کہ مہاجر نام کو کچلنے کی کوششیں ناکام ہوں گیں۔ مہاجر شہداء کو سلام عقیدت پیش کرتے ہیں ۔ شہداء کے معاملے پر کسی کو سیاست کرنے کی ضرورت نہیں ۔ اگر کچھ کرنا ہے تو اختلافات بھلا کر ایک ہوجائیں۔ فاروق ستار ایک دانا سیاست کے بجائے دھوکہ باز مہاجر رہنما کی حیثیت سے سامنے آرہے ہیں جو قبضہ گروپ ہیں ۔ انا کے خول میں بند آمر رہنما کی تقلید میں وہ بند ڈبے میں نظر آرہے ہیں ۔ ڈاکٹر انور نے یہ بات مہاجر نیشنل موومنٹ کے عہدیداران کے اجلاس سے خطاب کرتے ہوئے کہی۔ چیئرمین ڈاکٹر انور نے جلدکنونشن منعقد کرنے کا بھی اعلان کیا۔ انہوں نے کہا کہ چاروں طرف سے مہاجر کش آپریشن ہورہا ہے۔ لیکن جنہیں مینڈیٹ دیا گیا وہ خاموشی کا روزہ رکھ کر بیٹھے ہیں ۔ ایسے اقتدار سے بہتر ہے کہ عوام کے پاس واپس آکر تحریک چلائی جائے ہم بھی شانہ بشانہ چلنے کو تیار ہیں ۔ ہم نے غیر مشروط حمایت کیں لیکن اب بھی مخالفت برائے مخالفت نہیں کریں گے مخالفت برائے اصلاح کریں گے۔ ہم آفاق احمد ، فاروق ستار ، ندیم احسان ، کی طرح قوم کی تقسیم اور تباہی کے لئے کسی کا ایندھن نہیں بنیں گے۔ لندن کو قوم کا مجرم سمجھتے ہیں وہاں سے تعلق کفر کے برابر ہے جو پاکستان کا نہیں وہ ہمارا نہیں ۔ ڈاکٹر انور نے علاقائی سطح پر ورکرز اجلاس شروع کرنے کا بھی اعلان کیا ۔ اتوار 16دسمبر کو یوم سقوط ڈھاکہ پر گلشن اقبال میں پہلا اجلاس منعقد ہوگا۔ سینئر وائس چیئرپرسن روبینہ یاسمین نے کہا کہ مہاجر نام پر منتخب ہونے والے اسکی کو بٹہ لگا رہے ہیں ۔ فاروق ستار با با نے مہاجر قوم کی پیٹھ پر چھرے گھونپ گھونپ کراسے لہولہان کردیا ہے۔ وائس چیئرمین عقیل انبالوی نے کہا کہ کراچی کے تمام سرکاری اداروں میں مہاجر افسر و ملازمین کو چن چن کر لسانیت کی بنیاد پر نیب اور اینٹی کرپشن نشانہ بنا رہے ہیں ۔ متعدد جیلوں میں ہیں۔ واحد ہم ہیں جس اس پر آواز اٹھا رہے ہیں ۔من مانی نہیں کرنے دیں گے۔ عارضی جنرل سیکریٹری محمد یونس میمن نے کہا کہ آفاق احمد ، فاروق ستار ایک ہی سکے کے دو رخ اور لندن مافیاء مہاجر قوم کو لندن سے بیٹھ کر کچلنے کے لئے متحرک ہے۔جوائنٹ سیکریٹری شبانہ خانم نے کہا کہ عام انتخابات دھوکہ اور جھرلو تھے۔ ایم کیو ایم کو ہرانے میں خلائی مخلوق پیش پیش تھی۔ محسوس کر رہے ہیں کہ مہاجر سیاست کچل دی گئی ہے۔ عادل شفیق نے کہا کہ مہاجر اشوز پر اب کسی کا انتظار نہیں کرینگے۔ جتنی بھی نشستیں ہیں ایم کیو ایم مہاجر حقوق پر آواز اٹھائے۔ تجاوزات کے خاتمے پر وسیم اختر مبارکباد کے مستحق ہیں ۔ سڑکیں کشادہ ہو رہی ہیں ۔ گھروں کے مسمار کرنے پر استعفی کا اعلان مہاجر میئر کا زبردست فیصلہ ہے۔ مرکزی کمیٹی کے دیگر رہنمائوں نے خطاب کرتے ہوئے کہاکہ تحریک انصاف ملک ، قوم ، ایم کیو ایم سے مخلص نہیں ۔ ایم کیو ایم کو اب تک کیا ریلیف ملا جواب دیں ۔ عمرانہ سی ایف ایس جی، فاریہ ، عبدالقیوم ، کرن خان اورناصر خان نے بھی خطاب کیا۔

اصلاح معاشرے کے لئے ہم سب کو مل کر کام کرنا ہوگا ۔،پروفیسر ڈاکٹر محمد مقصود الٰہی


islami rohani mission pakistan December 2, 2018 | 9:24 PM

علماء لوگوں کوجہنم کی آگ سے بچانے کا درس دیں
،اسلامی روحانی مشن کے بین الاقوامی اجتماع کے تیسرے روز خطاب
کراچی :( نیوزآن لائن)اسلامی روحانی مشن کے سرپرست اعلیٰ حضرت پروفیسر ڈاکٹر حکیم ابن حکیم محمد مقصود الٰہی نقشبندی نے بین الاقوامی اجتماع کے آخری روز ایف سی ایریا نمبر ایک لیاقت آباد نمبر 4 کے ٹنکی گرائونڈ میںہزاروں لوگوں کے اجتماع عام سے خطاب کرتے ہوئے کہا کہ علماء لوگوں کو جہنم کی آگ سے بچانے کا درس دیں انہوں نے کہا کہ پاکستان بے مقصد نہیں بنا اس کے بننے میں اللہ تعالیٰ کے رسول پاک ۖ کا مشورہ شامل تھا ۔پاکستانی فوج دراصل اسلام کی فوج ہے جو مضبوطی میں دنیا کی نمبر ون فوج بن گئی ہے۔ انہوں نے کہا کہ سیاست دانوں کو اب دین کی خدمت کرنا ہوگی ورنہ ان کا نام نشان بھی مٹ جائے گا ایمانداری سے اپنا فرض ادا کرتے ہوئے ملک پاکستان میں دین کا نظام نافذ کرنے کا اہتمام کریں ۔سود کے خاتمہ تک معاشی نظام مضبوط نہیں ہوگا خوشحالی چاہتے ہیں تو سو د کو چھوڑ دیں ۔تمام مسالک کے لوگ ایک پلیٹ فارم پر جمع ہوجائیں ۔محبت کا درس دیں نفرتوں کو ختم کردیں ۔پہلوان تو وہ ہے جو اپنے غصہ پر قابو پالیتا ہے جھوٹ بولنے والوں سے اللہ اور نبی پاک ۖ نفرت فرماتے ہیں ،لوگوں پر ظلم نہ کریں ، خواتین کے ساتھ اچھا سلوک کریں اپنے گھر والوں سے محبت کریں ۔نماز کسی حالت میں نہ چھوڑیں نماز نبی پاک ۖ کی آنکھوں کی ٹھنڈک ہے نماز چھوڑنے والے کے لئے معافی نہیں ۔اصلاح معاشرے کے لئے ہم سب کو مل کر کام کرنا ہوگا ۔ہر محکمہ اپنا اپنا کردار ادا کرے تو مسائل حل ہونا شروع ہوجائیں گے حکمراںمظلوموں کے حق میں کھڑے ہوجائیں انہیں انصاف فراہم کرنے میں مدد دیں ۔مہنگائی کے طوفان نے لوگوں کے مسائل میں اضافہ کردیا ہے ۔اچھے لوگ وہ ہوتے ہیں جو لوگوں پر احسان کرتے ہیں لیکن کسی کے احسان کے طالب نہیںہوتے نیکی وہ خوشبوہے جس کے پھیلانے میں برکت ہے ۔اجتماع کے آخر میں ذکر کی اجازت اور پاکستان اور دنیا بھر کے مسلمانوں کے لئے دعا فرمائی ، ہزاروں افراد کو آب دیدہ کردیا ۔

ایم کیو ایم کی مثال کھیسانی بلی کھمبا نوچے کے مترادف ہے،وقار مہدی


ppp December 2, 2018 | 9:13 PM

کراچی: پاکستان پیپلز پارٹی سندھ کے جنرل سیکریٹری اور وزیر اعلی سندھ کے معاون خصوصی وقار مہدی نے ایم کیو ایم کے رہنما عامر خان کی پریس کانفرنس پر ردعمل کا اظہار کرتے ہوئے کہا ہے کہ ایم کیو ایم کی مثال کھیسانی بلی کھمبا نوچے کے مترادف ہے۔ تین دہائیوں سے بلدیاتی نظام پر قابض ایم کیو ایم نے اداروں کا بیڑا غرق کر دیا ہے اور گھوسٹ ملازمین، ایم کیو ایم کے کرپٹ نمائندوں نے پورے بلدیاتی سسٹم کو تباہ کر دیا ہے جس کو موجودہ حکومت ٹھیک کرنے کی بھرپور کوشش کررہی ہے۔ وقار مہدی نے اپنے جاری کردہ بیان میں مزید کہا کہ ایم کیو ایم کی سیاست بلیک میلنگ،دھونس اور دھمکیوں پر مبنی ہے اور ان کے لگائے گئے افسران عوام کے لئے کم اور اپنی جماعت کیلئے زیادہ کام کرتے ہیں۔ انہوں نے کہا کہ 18ترمیم کسی ایک شخص کا نہیں بلکہ چاروں صوبوں اور پارلیمنٹ کا متفقہ فیصلہ ہے جو اسمبلی سے پاس ہوکر لاگو کیا گیا ہے اور ایم کیو ایم عملی سیاست سے باہر ہونے کے سبب اب اپنے آپ کو زندہ رکھنے کیلئے متنازعہ بیان دے رہی ہے’ ایم کیو ایم کو ٹیشو پیپر کی طرح استعمال کرنے والوں نے انہیں نئے دھندے پر لگا دیا ہے۔ انہوں نے کہا کہ ایم کیو ایم کے حلف یافتہ ذمہ دار اداروں پر قابض ہے جو نہ خود کام کرتے ہیں اور نہ لوگوں کو کام کرنے دیتے ہیں اور اگر قانونی چارہ جوئی کی جاتی ہے تو لسانیت کو ہوا دیتے ہیں۔ انہوں نے کہا کہ ہم جانتے ہیں کہ ایم کیو ایم کو پیٹ کا درد کیوں لاحق ہے،انہوں نے کہا کہ ایم کیو ایم نے اقتدار اور طاقت حاصل کرکے صرف غریب عوام پر صرف ظلم وجبر ہی کیا ہے اور کراچی شہر کا حلیہ بگاڑ کر رکھ دیا ہے چائنا کٹنگ اور ناجائز تجاوزات ایم کیو ایم کے ہی تحفے ہیں۔ انہوں نے کہا کہ آج ایم کیو ایم جس پانی کے ایشو پر سیاسی کھیل کھیل رہی ہے مشرف دور میں ہی ایم کیو ایم نے کے فور کا منصوبہ سرد خانے میں ڈال دیا تھا اورجبکہ کے فور منصوبہ بھی پیپلز پارٹی نے ہی شروع کروایااوراپنے وسائل سے کے فور کا منصوبہ جاری رکھی ہوئے ہیں جبکہ وفاق کی جانب سے 50فیصد دینے پر بھی عملدرآمد نہیں کیا جارہا ۔ وقارمہدی نے کہا کہ پیپلز پارٹی کے چیئرمین بلاول بھٹو زرداری نے بھی اپنے منشور میں پانی کے مسائل کے حل کیلئے فلٹریشن پلانٹ کا اعلان کیا تھا جس میں سمندرکے پانی کو میٹھا کرنے کے منصوبے پر کام کررہی ہے ۔ کراچی کے مسائل کا حل ہمیشہ پیپلز پارٹی نے کیا ہے اور آئندہ بھی کرے گی ، ایم کیو ایم کا مظاہرہ انہی کی نااہلی کے سبب عوام پانی کے بحران کا سامنا کررہی ہے۔

کورٹ آرڈر کے نام پر آپریشن لاکھوں شہریوں کے لیے خوف کی علامت بن گیا ہے حافظ نعیم الرحمن


hafiz naim ul rehman December 2, 2018 | 9:05 PM

لاکھوں لوگوں کے بے روزگار اور چھت سے محروم ہونے کا خطرہ ہے لاقانونیت کے ذمہ داروں کو بھی کارروائی کا اختیار انصاف کے ساتھ مذاق ہے
بلڈنگ کنٹرول اتھارٹی کی کارروائی سو چوہے کھاکر بلی حج کو چلی کے مترادف ہے میئر کراچی اور کے ایم سی کے افسران کے خلاف مقدمہ درج کیا جائے
کراچی: (نیوزآن لائن)امیر جماعت اسلامی کراچی حافظ نعیم الرحمن نے اپنے ایک بیان میں کہا ہے کہ سپریم کورٹ کے آرڈر کے نام پر جاری آپریشن لاکھوں لوگوںکے لیے خوف اور دہشت کی علامت بن گیا ہے ، اس نام نہاد تجاوزات کے خلاف جاری آپریشن میں چھ ہزار سے زائد دکانیں گراکر پچاس ہزار سے زائد گھروں کے چولہے بجھادیے گئے ، ان میں بڑی تعداد ایسی ہے کہ جن کے پاس اگلے دن کا خرچ اور بچوں کی فیس کے پیسے تک موجود نہیں ، اب مزید 9000دکانوں کے انہدام کی بات کرنا سفاکیت کی انتہا ہے ، ایک جانب دہشت گردی کے مقدمات میں ملوث وسیم اختر کی قیادت میں سندھ اور صوبائی حکومت کی آشیر باد کے ساتھ نام نہاد آپریشن جاری ہے تو دوسری جانب شہر کے کرپٹ ترین ادارے بلڈنگ کنٹرول اتھارٹی جو کہ شہرمیں لاکھوں غیر قانونی تعمیرات کا ذمہ دارہے اور جس کے افسران حرام کی کمائی سے ارب پتی بن چکے ہیں ۔ انہوں نے کہاکہ اسکول رہائشی علاقوں میں نہیں ہوں گے تو کیا جنگل میں ہوں گے کون سے پلاٹ رہائشی علاقوں میں اسکولوں کے لیے موجود ہیں جہاں یہ منتقل ہوں ۔ انہوں نے کہاکہ بلڈنگ کنٹرول اتھارٹی کی کارروائی سے گلی محلے میں موجود لاکھوں دکانوں اور خلاف ضابطہ تعمیرات کو جو بلڈر اور سرکاری عملہ کی ملی بھگت سے بنی ہیں خطرہ ہے ، عجیب بات یہ ہے کہ بلڈر اور اتھارٹی کے افسران کمائی کرچکے اب غریب شہری کی زندگی بھر کی کمائی کو خطرہ لاحق ہے ، نوٹس کے ذریعے ان کے کرپٹ افسران کو کمائی کا دھندا دے دیا گیا ہے ۔ انہوں نے کہاکہ جائز ملکیتی پلاٹوں پر موجود تعمیرات کو بنی گالہ کی طرح ریگولرائزیشن کیا جائے اور اس وقت جاری غیر قانونی تعمیرات فوری روکی جائیں تاکہ شہری آئندہ مشکلات سے بچ سکیں ۔ انہوں نے کہا کہ سرکلر ریلوے کی بحالی کے نام پر آبادیوں کے خلاف کارروائی سے پہلے اس کی بحالی کے امکانات پر مکمل رپورٹ بنائی جائے اور بتایا جائے کہ یہ ماضی میں کیوں بند ہوئی تھی۔انہوں نے کہاکہ ان آبادیوں میں پچاس ہزار کے قریب خاندان بستے ہیں جو انسان ہیں اور پاکستان کے شہری ہیں ، ان کے اسلامی اور انسانی حقوق کا پاکستان کے آئین میں بھی تحفظ کیا گیا ہے ، ان کے لیے متبادل کو پہلے یقینی بنایا جائے اور ضرورت سے زیادہ کارروائی سے گریز کیا جائے ۔ انہوں نے کہاکہ بے روزگار اور بے گھر ہونے والوں اور اس خطرہ کا شکار شہریوں کے حقوق کے تحفظ کے لیے جماعت اسلامی ہر ممکن قانونی اور عملی اقدامات اٹھائے گی۔ انہوں نے کہاکہ ہم ہرگز تجاوزات کی حمایت نہیں کرتے لیکن ان کے خلاف کاررورائی کی آڑ میں لاکھوں شہریوں کو بے روزگار اور بے گھر نہیں ہونے دیں گے ۔ متاثرین کو فوری متبادل فراہم کیا جائے اور قانونی دکانیں توڑنے اور لاکھوں کا مال ضائع کرنے اور میئر کراچی اور کے ایم سی کے افسران کے خلاف مقدمہ درج کیا جائے ۔

جامعہ کراچی کے کنفیوشس انسٹیٹیوٹ اور آغا خان یونیورسٹی کے مابین مفاہمتی یادداشت پر دستخط کی تقریب


karachi unversity jpg December 2, 2018 | 9:01 PM

جامعہ کراچی کے کنفیوشس انسٹیٹیوٹ اور آغا خان یونیورسٹی کے مابین مفاہمتی یادداشت پر دستخط کی تقریب
کراچی:(نیوزآن لائن)جامعہ کراچی کے کنفیوشس انسٹیٹیوٹ اور آغا خان یونیورسٹی کے مابین مفاہمتی یادداشت پر دستخط کی تقریب گذشتہ روز منعقد ہوئی۔مفاہمتی یادداشت پر کنفیوشس انسٹی ٹیوٹ کے چینی و پاکستانی ڈائریکٹرز اور آغا خان میڈیکل کالج کے ڈین نے دستخط کئے۔ مفاہمتی یادداشت کے مطابق کنفیوشس انسٹیٹیوٹ جامعہ کراچی آغا خان یونیورسٹی کے میڈیکل کالج کے سال اول کے طلبہ کو چینی زبان کی تعلیم کے لئے چینی اساتذہ فراہم کرے گا۔علاوہ ازیں شام کی کلاسز میں اساتذہ، فیکلٹی اور دیگر عملے کے لئے بھی چینی زبان کی تدریس کا انتظام کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: شعبہ شماریات میں پوسٹ گریجویٹ میں داخلے آج سے شروع ہوں گے
کراچی:(نیوزآن لائن)جامعہ کراچی کے رجسٹرار کے اعلامیہ کے مطابق شعبہ شماریات میں پوسٹ گریجویٹ ڈپلومہ(پی۔جی ۔ڈی) میں داخلے برائے 2018-19 ء آج بروز پیر 03 دسمبر 2018 ء سے شروع ہورہے ہیں ۔داخلہ فارم بمعہ کتابچہ 20 دسمبر2018 ء تک شعبہ شماریات کے دفتر سے حاصل/ جمع کرائے جاسکتے ہیں۔
میرٹ لسٹ شعبہ ہذا میں 26 دسمبر2018 ء کو آویزاں کی جائے گی جبکہ13500 روپے(بشمول داخلہ فیس) 28دسمبر2018ء تا10 جنوری 2019 ء تک جمع کرائی جاسکے گی۔ کلاسز کا آغاز 14 جنوری 2019 ء سے ہوگا۔کلاسوں کے نظام الاوقات سہ پہر 3:10 بجے تا5:40 بجے تک ہونگے۔مذکورہ ڈپلومہ کورس ان افراد کے لئے بھی کارآمد ہوگا جو کسی بھی شعبہ میں تحقیقاتی کام کررہے ہیں۔علاوہ ازیں بی اے ،بی کام ،بی ایس سی (بائیولوجیکل سائنسز) کے طلبہ اس ڈپلومہ کے ذریعے ماسٹر اِن کمپیوٹر سائنس (ایم سی ایس) اور ایم اے / ایم ایس سی شماریات میں داخلے کے اہل ہوجاتے ہیں۔

جرایم کی بیخ کنی کے لئے سی پی ایل سی کا کردار قابل تعریف ہے کمشنر کراچی افتخار شالوانی


commissioner  is being briefed at cplc December 2, 2018 | 8:50 PM

اغوا ، گاڑیاں چھیننے سمیت جرائم کے واقعات میں کمی ہوئی ہے کمشنر کو چیف سی پی ایل سی کی بریفنگ
کراچی : (نیوزآن لائن) کراچی میں اغوا برائے تاوان ، بنک ڈکیتی، گاڑیاں اور موبایل چھیننے اور قتل کے واقعات میں گذشتہ پانچ سال میں غیر معمولی کمی ہوئی ہے۔ 2013 اغوا برائے تاوان کے 173 واقعات ہوئے جو اب کم ہو کر دس ہوگئے ہیں، اسی طرح بنک ڈکیتی کے 31 واقعات ہوئے تھے لیکن 2018 میں تین ہوئے ہیں ۔ 2013 میں 4506 گاڑیاں چھینی گئیں جبکہ اکتوپر 2018 میں یہ تعداد کم ہو کر 660 ہو گئی ہے ۔۔ یہ بات کمشنر کراچی افتخار شالوانی کو انھیں سی پی ایل سی کے دفتر میں ان کے دورہ کے موقع پر ایک بریفنگ میں بتائی گئی ۔ اس موقع پر چیف سی پی ایل سی زبیر حبیب ،کمیٹی کے عہدیداران اور مخلتف زونز کے چیفس اور اراکین بھی مو جو د تھے۔ کمشنر نے کہا کہ شہر میں جرائم کی بیخ کنی ، مختلف مسائل کے حل اور سماجی امورمیں شہریو ں کی مدد کے کاموںکے حوالہ سے سی پی ایل سی کا کردار اہم ہے۔ انھوں نے کہا کہ کراچی انتظامیہ شہریوں کی خدمت کے کاموں میں ان کی خدمات کو قدر کی نگاہ سے دیکھتی ہے انھوں نے کہا کہ شہریوں کی خدمت کے جذبہ سے پولیس اوردیگر قانون نافذ کر نے والے اداروں کے ساتھ ادارے کا تعاون مثالی ہے انھوں نے کہا کہ جرائم کی بیخ کنی اور اور مختلف مسائل کے حل کے حوالہ سے حکومت اور شہریوں کی مشترکہ کوششوں کو اچھا ماڈل ہے۔ کمشنر نے سی پی ایل سی کے اپنی مدد آپ کے پروگرام نیبرہوڈ کی بھی تعریف کی اور اس کا دائرہ بڑھانے کی ضرورت پر زور دیا ۔ انھوں نے کہا کہ نیبر ہو ڈ طر ز کے پروگراموں کے ذریعے شہرکی بہتری اور شہری مسائل کے حل میں مدد لی جاسکتی ہے چیف سی پی ایل زبیر حبیب نے کمشنر کراچی کو مختلف شعبوں میں کارکردگی کی تفصیلات سے آگاہ کیا ۔ انھوں نے بتایا کہ سی پی ایل سی اغوابرائے تاوان میں اغوا ہو نے والوں کی بازیابی، چوری اور چھینی گاڑیوں ، چھینے ہوے موبائل فونز کی ریکوری، رقم چھیننے کے واقعات اور ایف آئی آر درج کرانے میں شہریوں کی مدد کرنے کے علاوہ سماجی خدمات کے کاموںمیں بھی شہریوں کی خدمت کر رہی ہے۔کمشنر نے سی پی ایل سی کاکمپلینٹ سینٹر آئی ٹی سیل اور دیگر شعبے دیکھے،کمشنر کو بتایا گیا کہ شہری سی پی ایل سی اپنے مسائل کے حل کے سلسلہ میں معلومات اور مدد کے حصول کے لئے دن رات کسی بھی وقت رابطہ کر سکتے ہیں ۔ کمشنر کو بتایا گیا کہ سی پی ایل سی میں شہریوں کے چھینے گئے یا گم ہونے والے موبائل فون کی ریکوری کا خصوصی سیل قائم ہے جو چوبیس گھنٹے ہیلپ لائن1102 پرشہریوں کی شکایت وصول کر رہا ہے۔ شکایت درج کرانے کے لئے موبایل فون کا آئی ایم ای آئی نمبر درکار ہو تا ہے۔ شہری کسی بھی وقت مدد حا صل کر سکتے ہیں۔

حافظ نعیم الرحمن کی شہید پولیس اہلکار عامر خان کے گھر جاکر بھائی سے ملاقات واظہار تعزیت


Taziyat copy November 25, 2018 | 7:47 PM

تخریبی کارروائی ،برسوں پر محیط پاک چین دوستی کو نقصان پہنچانے اورسی پیک منصوبے کو سبوتاژ کرنے کی کوشش ہے حافظ نعیم الرحمن
اعلیٰ تحقیقاتی اداروں کی ذمہ داری ہے کہ وہ اس حملے کے پیچھے خفیہ ہاتھ کو بے نقاب کر نے کے لیے ہر پہلو سے تفتیش کریں
کراچی: (نیوزآن لائن) امیر جماعت اسلامی کراچی حافظ نعیم الرحمن نے چائنا قونصلیٹ میں دہشت گردی کے واقعے میں شہید ہونے والے پولیس اہلکار شہیدعامر کے گھر نیلم کالونی میں جاکران کے بھائی عمر خان ویگر بھائیوں سے ملاقات کی اور اظہار تعزیت کیااس موقع پر سکریٹری جماعت اسلامی ضلع جنوبی سفیان دلاور ، کونسلر کنٹونمنٹ بورڈ ذکرمحنتی ، ناظم زون امتیاز خان اور سفیر عباسی ودیگر بھی موجود تھے۔اس موقع پر حافظ نعیم الرحمن نے کراچی میں چینی قونصل خانے پر دستی بم سے حملے اور فائرنگ کو انتہائی افسوسناک اور قابل مذمت قرار دیتے ہوئے کہا کہ اس واردات کے پیچھے امریکہ ،اسرائیل اور بھار ت کے کردار کو خارج ازامکان قرار نہیں دیا جاسکتا۔یہ کارروائی برسوں پر محیط پاک چین دوستی کو نقصان پہنچانے اور حالیہ دنوں میں دونوں ہمسائے ممالک کے درمیان شروع ہو نے والے تجارتی تعلقات بالخصوص سی پیک کے منصوبے کو سبوتاژ کرنے کی کوشش ہے۔ حملے میں سیکوریٹی اہلکاروں کی جانب سے جوابی کارروائی اور قونصل خانے کے عملے کی حفاظت کو یقینی بنانے کی کوششیں قابل ستائش ہیں جن میں دو اہلکار شہید بھی ہو گئے۔ حافظ نعیم الرحمن نے کہا کہ حکومت ، قانون نافذ کر نے والے اداروں اور اعلیٰ تحقیقاتی اداروں کی ذمہ داری ہے کہ وہ اس حملے کے محرکات اور اس کے پیچھے خفیہ ہاتھ کو بے نقاب کر نے کے لیے ہر پہلو سے تفتیش کریں اور حقائق عوام کے سامنے لائیں۔ حافظ نعیم الرحمن نے کہا کہ کراچی میں دہشت گردی کی یہ کارروائی اس لحاظ سے بھی بہت اہم ہے کہ کراچی میں کافی عرصے سے جاری ٹارگیٹڈ آپریشن کے بعد امن وامان کی صورتحال قدر ے بہتر ہو گئی تھی لیکن اس کارروائی نے یہ بات واضح کی ہے کہ بیرونی مداخلت دہشت گردی اور دہشت گردوں کا نیٹ ورک ابھی ختم نہیں ہو اہے۔ اس لیے قانون نافذ کر نے والوں کی ذمہ داری ہے کہ صورتحال کو کنٹرول کر یں۔ حافظ نعیم الرحمن نے کہا کہ ہم حملہ آوروں کے خلاف کارروائی میں شہید ہو نے والے اہلکاروں کے اہل خانہ سے دلی ہمدردی اور تعزیت کرتے ہیں اور دعا کرتے ہیں کہ اللہ تعالی ان کو صبر جمیل عطاء فرمائے اور شہداء کے درجات بلند کرے۔

جامعہ کراچی: شعبہ ویژول اسٹڈیزکا داخلہ ٹیسٹ پرسکون ماحول میں منعقد ہوا


November 25, 2018 | 7:31 PM

گیارہ سو نوے فارم جمع کرائے گئے، جبکہ1050طلبا وطالبات نے شرکت کی ۔
کراچی:(نیوزآن لائن)جامعہ کراچی کے شعبہ ویژول اسٹڈیز کا داخلہ ٹیسٹ گذشتہ روز 25نومبر2018 ء کوصبح 11:00 بجے کلیہ فنون و سماجی علوم میں منعقد ہوا۔ شعبہ ویژول اسٹڈیز میں داخلے کے لئے 1190 فارم جمع کرائے گئے جبکہ 1050طلبا وطالبات نے شرکت کی ۔ ڈائریکٹر ایڈمیشنز پروفیسر ڈاکٹرمحمد احمد قادری ، پروفیسردُریہ قاضی ،سید شمعون حیدر اور تانیہ ناصرنے امتحانی مراکز کی مانیٹرنگ کا فریضہ انجام دیا۔
ڈائریکٹر ایڈمیشنز کے مطابق داخلہ ٹیسٹ کے لئے شیخ الجامعہ پروفیسر ڈاکٹر محمد اجمل خان کی خصوصی ہدایت پر سیکورٹی کے سخت انتظامات کئے گئے، کمرہ امتحان کے اردگرد غیر متعلقہ ا فراد کاداخلہ ممنوع تھا۔ ٹیسٹ انتہائی پرسکون ماحول اور نظم وضبط کے ساتھ منعقد ہوا۔ کسی بھی ناخوشگوار صورت حال سے نمٹنے کے لئے رینجرز اور کیمپس سیکورٹی (واچ اینڈ وارڈ) کا عملہ بھی خصوصی طور پر مختلف داخلی راستوں اور فیکلٹی میں تعینات کیا گیا تھا۔ واضح رہے کہ اکیڈمک کونسل کے فیصلے کی روشنی میں حتمی میرٹ لسٹ20% فیصد اکیڈمک پرسنٹیج جبکہ 60% فیصد داخلہ ٹیسٹ کے تناسب بیس20% فیصدانٹرویوز پر محیط ہوگی ۔

واٹر بورڈ کیجانب سے لیاری میں پینے کے پانی کی سپلائی کاناغہ نامنظور کرتے ہیں۔چیئرمین سائوتھ ملک محمدفیاض


Water crises in lyari November 25, 2018 | 3:19 PM

ناغہ سسٹم کو فی الفور ختم کیا جائے۔واٹر بورڈ انتظامیہ اہلیان لیاری کے صبر کا مزید امتحان نہ لے
تغلق لین، گل محمدلین، فوٹو لین،لاسی پاڑہ،مومن آباد،پھول پتی لائن،الفلاح روڈ،بلوچ پاڑہ،لیاقت کالونی،نیازی چوک،ملک حاجی عباس خان روڈ،علی محمد محلّہ،ہنگورہ آباد،نوالین اور شیررخ لین سمیت دیگر کئی علاقے اس وقت پانی کے شدید بحران کا شکار ہیں
ناغہ سسٹم کے باعث پانی جیسی بنیادی ضرورت کے حصول کیلئے ہماری مائیں بہنیں دربدر کی ٹھوکریں کھانے پر مجبور ہیں اس ظلم کو کسی صورت برداشت نہیں کیا جائے گا چار سے پانچ روزمیں پانی کا مسئلہ حل نہ ہوا تو عوام کے ساتھ سڑکوں پر واٹر مارچ کریں گے۔ملک فیاض کی واٹر بورڈ کو وارننگ
کراچی:(نیوزآن لائن)چیئرمین ڈی ایم سی سائوتھ ملک محمد فیاض نے کہا ہے کہ کراچی واٹر بورڈ کیجانب سے لیاری میں پینے کے پانی کی سپلائی کاناغہ نامنظور کرتے ہیں ناغہ سسٹم کو فی الفور ختم کیا جائے واٹر بورڈ انتظامیہ اہلیان لیاری کے صبر کا مزید امتحان نہ لے اور وقت ضائع کئے بغیر پانی کی بلا ناغہ فراہمی کو یقینی بنانے کیلئے جنگی بنیادوں پر فورا اقدامات کرے بصورت دیگر عوام کے ساتھ سڑکوں پر واٹر مارچ کریں گے یہ بات انہوں نے لیاری کے مختلف علاقوں میں پانی کی مسلسل عدم فراہمی پر بڑی تعداد میں احتجاج کرنے والے مظاہرین سے بات چیت کرتے ہوئے کہی چیئرمین ملک محمدفیاض نے کہا کہ پانی کے حصول کیلئے ہماری مائیں بہنیں سڑکوں پر دربدر کی ٹھوکریں کھانے پر مجبور ہیں اس ظلم کو کسی صورت برداشت نہیں کیا جائے گا پینے کے پانی جیسی بنیادی ضرورت کی فراہمی ہر شہری کا حق ہے لیاری میں پانی کے شدید بحران کے باعث علاقہ عوام سخت ذہنی اذیت وکوفت میں مبتلا ہیں خصوصا تغلق لین، گل محمدلین، فوٹو لین،لاسی پاڑہ،مومن آباد،پھول پتی لائن،الفلاح روڈ،بلوچ پاڑہ،لیاقت کالونی،نیازی چوک،ملک حاجی عباس خان روڈ،علی محمد محلّہ،ہنگورہ آباد،نوالین اور شیروک لین سمیت دیگر کئی علاقے اس وقت پانی کی قلّت سے شدید متاثر ہیںاوربارہا کی یقین دہانیوں اور تسلیوں کے باوجود اب تک پانی کے بحران کاحل نہ ہونا واٹربورڈکی کارکردگی پر سوالیہ نشان ہے چیئرمین ملک فیاض نے مزید کہا کہ ہفتہ وار ناغے کے دوسرے دن پانی آنے کے بجائے مزید تین سے چار دن بعد آتا ہے جس کے بعد فورا ناغے کادن دوبارہ آجاتا ہے جس کے باعث عوام پانی کی بوند بوند کو ترس رہے ہیں لیاری کیلئے وقف K-3 کی لائنوں کی تین ہٹی تا گولیمار تک واٹر بورڈ کی نااہلی ،ملی بھگت اور واٹر مافیا کیجانب سے پانی کی چوری اور ناجائز کنکشن کے خاتمے تک پانی کابحران حل نہیں ہوگا چیئرمین ملک فیاض نے اس موقع پر واٹر بورڈ انتظامیہ کو وارننگ دی کہ اگر اگلے4 سے 5 روزمیں لیاری میں پانی کا مسئلہ حل نہ ہوا تو وہ خود عوام کے ساتھ سڑکوں پر واٹر مارچ کریں گے پانی کے متاثرہ مظاہرین کو یقین دلاتے ہوئے ملک فیاض نے کہا کہ غیر قانونی کنکشن کاٹنے کی ذمّے داری واٹر بورڈ انتظامیہ کی ہے اگر وہ اس میں ناکام ہوئی تو ہم سب مل کر ناجائز کنکشن کا خاتمہ کردیں گے۔

نظام مصطفی پارٹی کا کراچی میں چائنا قونصلیٹ پر دہشت گردی کے حملے کی شدید الفاظ میں مذمت


nizam mustafa party news November 25, 2018 | 2:43 PM

کراچی:(نیوزآن لائن)نظام مصطفی پارٹی کے سربراہ سابق وفاقی وزیرڈاکٹرحاجی محمدحنیف طیب ،میاں خالد حبیب ایڈووکیٹ،وسیم ممتازایڈووکیٹ،قاضی شبیراحمد،الحاج محمدرفیع ،پیر زادہ غلام حسین چشتی نے کراچی میں چائنا قونصلیٹ پر دہشت گردی کے حملے کی شدیدالفاظ میں مذمت کی اور اس کے نتیجے میں دوپولیس اہلکارسمیت چارافرادکی ہلاکت پرافسوس کا اظہارکیا۔انہوںنے کہاکہ آپریشن میں موجودقانون نافذکرنے والے ادارے خراج تحسین کے مستحق ہیں کہ جنہوں نے بروقت کارروائی کرکے بڑے نقصان سے بچایااور ملک دشمن عناصرکے ناپاک عزائم کو خاک میں ملاکر سفارت خانے میں موجودچینی عملہ کی جان ومال کو محفوظ بنایا۔انہوںنے کہاکہ سی پیک منصوبہ پاکستان کی معاشی،تجارتی،اقتصادی اور معاشرتی ترقی کے لئے مفید ہوسکتاہے جس کو ملک دشمن عناصر ناکام بنانے کی کوششیں کررہے ۔ملک دشمن عناصر یہ بات بھی جان لیں کہ ایسے واقعات سے پاک چین دوستی کومتاثر نہیں کیاجاسکتاہے۔انہوں نے کہاکہ موجودہ حالات میں پاکستان کواندرونی اور بیرونی طورپرمضبوط بنانے اور مستحکم کرنے کی ضرورت ہے۔سیاسی محاظ آررائی کے باعث پاکستان میں دہشت گردی کوروکنے کے لئے بنائے گئے قوانین پر مؤثر عمل درآمدجس طرح سے ہوناچاہیے تھانہیں ہوپارہا۔انہوںنے کہاکہ عوام یہ جانناچاہتی ہے کہ ملک دشمن عناصر کی دہشت گردانہ سرگرمیوں کو روکنے کے لئے نیشنل ایکشن پلان پر عمل درآمدکیوں نہیں ہورہا۔یہ حملہ آورکون تھے۔ان کا تعلق کہاسے تھا۔ان کاماسٹر مائنڈکون تھااس کو بے نقاب کرکے کیفرکردارتک پہنچایاجائے۔

تیسر ٹائون میں کرنٹ لگنے سے 4سالہ خضر کے ورثاء کو انصاف فراہم کیا جائے حافظ نعیم الرحمن


hafiz naeem rehman November 18, 2018 | 11:20 PM

کے الیکٹرک کی انتظامیہ اور متعلقہ ذمہ داران کے خلاف مقدمہ درج کیا جائے ، جماعت اسلامی متاثرہ خاندان کے ساتھ ہے
شکایت کر نے پر علاقے کو ہائی لاسز زون قرار دے کر عملے کو نہ بھیجنا انتہائی غیر انسانی اور سفاکانہ رویہ ہے
کراچی : (نیوزآن لائن)امیر جماعت اسلامی کراچی حافظ نعیم الرحمن نے کہا کہ کے الیکٹرک کی نا اہلی اور غیر انسانی رویہ کے باعث تیسر ٹائون میں 4سالہ خضر کے جاں بحق ہو نے پر کے الیکٹرک کی انتظامیہ اور متعلقہ ریجن اور ڈیپارٹمنٹ کے ذمہ داران کے خلاف مقدمہ درج کیا جائے اور بچے کے ورثاء کو انصاف فراہم کیا جائے ۔ جماعت اسلامی متاثرہ خاندان کے ساتھ ہے ۔ انہوں نے کہا کہ کے الیکٹرک کے تاروں سے کرنٹ لگنے سے تیسر ٹائون میں 4سالہ خضر کی ناگہانی موت’ ہلاکت کا دوسرا واقعہ ہے ۔اس سے قبل ملیر میں بھی معصوم اذہان بارش کے دوران تار گر نے اور کرنٹ لگنے سے جاں بحق ہو ا جبکہ تاروں سے کرنٹ لگنے سے دو بچے اپنے ہاتھوں سے محروم ہو چکے ہیں ۔ علاوہ ازیں پی ایم ٹی گر نے کے واقعے میں بھی شہری کے زخمی ہونے کی اطلاعات موجود ہیں ۔ کرنٹ لگنے والے تمام واقعات میں تاروں کے گر نے اور کرنٹ پھیلنے کی اطلاع کے الیکٹرک کو دی گئی مگر عملے اور متعلقہ ذمہ داران کی طرف سے مجرمانہ غفلت و لاپرواہی اور بے حسی کا مظاہرہ کیا گیا ۔ شکایت کر نے اور اطلاع دینے کے باوجود کے الیکٹرک والے تاروں کو درست کر نے نہیں آئے جس کی وجہ سے قیمتی انسانی جانیں ضائع ہوئیں ۔ جبکہ اس حالیہ واقعے میں انتہائی غیر انسانی اور سفاکانہ رویے کا مظاہرہ کیا گیا اور علاقہ مکینوں کی شکایت پر اس علاقے کو ہائی لاسز زون قرار دے کر عملے کو نہیں بھیجا گیا اور بالآخر یہ سانحہ رونما ہوا اور ایک بچہ اپنی جان کی بازی ہار گیا ۔ حافظ نعیم الرحمن نے کہا کہ کے الیکٹرک کا ادارہ کراچی کے عوام کے لیے زحمت بن چکا ہے اور اس کی نا اہلی و ناقص کارکردگی سے شہری سخت نالاں ہیں ۔ لوڈشیڈنگ ،اووربلنگ اور اب بریک ڈائون نے عوام کی زندگی اجیرن بنا کر رکھ دی ہے لیکن اس سے کوئی پوچھنے اور جواب طلب کر نے والا نہیں ۔ نیپرا کی جانب سے صرف نمائشی اقدامات اور بیانات کے بعد خاموشی اختیار کر لی جاتی ہے ۔ اب صورتحال انتہائی سنگین ہوتی جا رہی ہے اور کے الیکٹرک کی نظر میں انسانی جانوں کی بھی کوئی اہمیت نہیں ہے ۔ کرنٹ لگنے سے بچے کی ہلاکت کا حالیہ واقعہ اس کا منہ بولتا ثبوت ہے ۔ انہوں نے کہا کہ وفاقی و صوبائی حکومتوں اور حکومتی پارٹیوں کے عوامی نمائندوں کی ذمہ داری ہے کہ وہ اس معاملے پر چشم پوشی اختیار کر نے کے بجائے کے الیکٹرک کے خلاف سخت کارروائی کر نے کے لیے اپنا کردار ادا کریں ۔ متاثرہ خاندانوں کو انصاف فراہم کریں اور عوام کو ریلیف دلائیں ۔انہوںنے کہا کہ جماعت اسلامی مظلوموں کے شانہ بشانہ کھڑی ہے اور ان کو ان کا حق دلانے کے لئے ہرممکن کوشش کرے گی۔اگر اس سے قبل کے الیکٹرک کی وجہ سے ہلاک اور زخمی ہونیوالوں کی داد رسی حکومت اور عدالتیں بروقت کر دیتیں تو بعد کے واقعات سے بچا جاسکتا تھا۔اگر اب بھی عدالتیں فیصلے جلددیں تو آئندہ واقعات کی پیش بندی ہوسکتی ہے۔