: تازہ ترین

تازہ ترین ویڈیو

طیارہ حادثہ نے عید کی خوشیوں کو غم میں بدل دیا ہے حافظ نعیم الرحمن


Eid Milan Idara Pic copy May 26, 2020 | 9:47 PM

حادثہ حکومت اور پی آئی اے کی نااہلی ہے،عید کے موقع پر بھی الخدمت کے رضاکار کوروناریلیف کا کام کررہے ہیں عید ملن کے شرکاء سے گفتگو
حافظ نعیم الرحمن عید کے دن نعمت اللہ خان ، برجیس احمد ، راشد قریشی اور عظیم بلوچ کے گھر گئے اور اہل خانہ سے ملاقات کی
کراچی :( نیوزآن لائن)جماعت اسلامی کراچی کی روایتی عید ملن یکم شوال کوادارہ نورحق میں منعقد ہوئی۔عید ملن ملک بھر میں کورونا وائرس کی وباکے پیش نظراحتیاطی تدابیر اختیار رکھتے ہوئے غیر رسمی رکھی گئی جس میں جماعت اسلامی کے ذمہ داران اور دیگر طبقہ فکر کے افراد نے شرکت کی اور ایک دوسرے کو عید کی مبارکباد دی ۔عید ملن میں نائب امیر جماعت اسلامی پاکستان اسد اللہ بھٹو ،جماعت اسلامی صوبہ سندھ کے امیر محمد حسین محنتی ،امیر کراچی حافظ نعیم الرحمن،نائب امیر کراچی راجا عارف اسلطان،ڈپٹی سکریٹریز کراچی راشد قریشی ،یونس بارائی، سکریٹری اطلاعات زاہد عسکری ، ڈپٹی سکریٹریزاقبال چوہدری، صہیب احمد، ایڈیٹر روزنامہ جسارت مظفر اعجاز،معروف صحافی واجد انصاری ودیگر رہنماؤں، ذمہ داران اور کارکنان شریک ہوئے اور عید کی مبارکبا د دی ۔عید ملن صبح 11بجے سے ایک بجے تک جاری رہی۔اس موقع پر جماعت اسلامی پاکستان کے نائب امیر اسد اللہ بھٹو نے سانحہ طیارہ کے شہداء اور کورونا وائرس سے شہید ہونے والے تمام افراد کے لیے خصوصی دعا بھی کرائی ۔حافظ نعیم الرحمن نے عید ملن کے موقع پر شرکاء سے گفتگو کرتے ہوئے کہا کہ اہل وطن اورپور ی امت مسلمہ کو عید مبارک، طیارہ حادثہ نے عید کی خوشیوں کو غم میں بدل دیا ہے،پوری قوم کو غمگین کردیا ہے ۔طیارہ حادثہ حکومت اور پی آئی اے انتظامیہ کی نااہلی ہے جس پر سوالات اٹھائے جارہے ہیں۔انہوں نے کہاکہ طیارہ حادثے کی فوری تحقیقات ہونی چاہیے تاکہ آئندہ ایسے واقعات رونما نہ ہوں۔انہوں نے کہاکہ عید کے اس پرمسرت موقع پر بھی جماعت اسلامی اور الخدمت کے رضاکار کورونا وائرس سے بچاؤ اور عوامی ریلیف کا کام کررہے ہیں اوروہ لوگ جو لاک ڈاؤن او ر کوروانا وائرس کی وبا سے متاثر ہوئے ہیں ان کے ساتھ عید منارہے ہیں ۔ عید ملن میں جماعت اسلامی اقلیتی ونگ کے رہنماء یونس سوہن ایڈووکیٹ کی زیر قیادت اقلیتی نمائندوں کے وفد نے بھی شر کت کی اورحافظ نعیم الرحمن و دیگر سے ملاقات کی۔وفد میں نائب صدر منارٹی ونگ سیموئیل نذیر،جنرل سکریٹری پرویز برکت،پادری نقاش عباس، ادریس بھٹی،پاسٹر ولسن ،پاسٹر افضل،پاسٹر محسن اقبال،پاسٹر جانسن،پاسٹر بابر،پرویز وکی،آصف زاہد،یشوع محمود،انتھونی ولسن،ارشد بوٹا و دیگر شامل تھے۔
دریں اثناء امیر جماعت اسلامی کراچی حافظ نعیم الرحمن نے عید کے دن سابق سٹی ناظم نعمت اللہ خان مرحوم ،نائب امیر جماعت اسلامی کراچی برجیس احمد کی اہلیہ اور نائب قیم راشد قریشی کے والد کے انتقال پر ان کے گھر جاکر اہلخانہ ولواحقین سے ملاقات بھی کی ۔علاوہ ازیں وہ جماعت اسلامی سندھ کے رہنما عظیم بلوچ مرحوم کے گھر بھی گئے اور ان کے اہل خانہ سے ملاقات کی ۔

سٹرکٹ میونسپل کارپوریشن سائوتھ کا مساجداور امام بارگاہوں کے اطراف صفائی ستھرائی کا خصوصی انتظام


Special arrangements were made for Eid Prayers by DMC South-jpg May 26, 2020 | 9:44 PM

کراچی:(نیوزآن لائن) عید الفطر کے موقع پر ڈسٹرکٹ میونسپل کارپوریشن سائوتھ کیجانب سے مساجداور امام بارگاہوں کے اطراف اورعیدگاہوں اور قبرستان جانے والے راستوں پر صفائی ستھرائی کا خصوصی انتظام کیا گیا ڈی ایم سی سائوتھ انتظامیہ کے تحت گبول پارک ،، مولوی عثمان پارک ، لیاری فٹبال اسٹیدیم، غوثیہ فٹبال گرائونڈ، شیخ حیات پارک اور سربازی گرائونڈ میںنمازعید اداکرنے کااہتمام کیا گیانماز عید کی ادائیگی سے قبل عیدگاہوں پر محکمہ باغات کے عملے نے ٹینکرزکے ذریعے جراثیم کش محلول کے اسپرے کاکام انجام یا جبکہ محکمہ سینیٹیشن کے تحت مساجد اور امام بارگاہوں میں ڈس انفیکڈ اسپرے کرایا گیا چیئرمین سائوتھ ملک فیاض اعوان کی خصوصی ہدایت پر عید گاہوں کے اطراف قائم کئے گئے کیمپوں میں نمازیوں میں ہینڈ سینیٹائزرز لگائے گئے اور فیس ماسک تقسیم کئے گئے اس کے علاوہ عیدگاہوں سمیت مختلف مقامات پر کورونا وائرس سے بچائو کیلئے احتیاتی تدابیر کے حوالے سے بینرز آویزاں کئے گئے چیئرمین ڈی ایم سی سائوتھ ملک محمد فیاض نے عید الفطر کی نماز کی ادائیگی کے بعد عوام سے عید ملنے کے موقع پر کہا کہ عیدالفطرکا دن ہمیں ایثار،اخوت ومحبت کا پیغام دیتاہے یہ دن روزوں اور عبادتوں سے مزّین بابرکت مہینے رمضان المبارک کی تکمیل کے بعد مسلمانوں کیلئے خوبصورت انعام ہے چیئرمین ملک محمد فیاض نے کہا کہ کورونا وائرس کی ہلاکتوں اور کراچی میں پی آئی اے کے جہاز کے سانحہ کے باعث اس عیدپرملک کی فضا سوگوار ہے ہمیں عید کے موقع پر ان سانحات کے شہداء کو بھی یاد رکھنا چاہیے چیئرمین سائوتھ ملک فیاض اعوان کامزیدکہنا تھا کہ کوروناوائرس سے بچائوکیلئے کئے گئے اقدامات کی کامیابی کا دارومدار عوامی تعاون کے بغیرممکن نہیںلہٰذا عوام مکمل احتیاتی تدابیر اختیار کرتے ہوئے خود اوراپنے ساتھ ساتھ دوسروں کو بھی اس وائرس سے محفوظ رکھنے کیلئے اپنابھرپورکرداراداکریں اور صفائی نصف ایمان پر عمل پیرا ہوکراورحفاظتی اقدامات کرتے ہوئے اس وائرس کو دور بھگائیں اور اس قومی ذمے داری کی ادائیگی میں انتظامیہ کا ساتھ دیں دریں اثناء چیئرمین ملک محمد فیاض نے عید کے دنوں میں بلدیاتی سہولیات کی فراہمی کیلئے کئے اقدامات کا جائزہ لینے کیلئے میونسپل کمشنر اختر علی شیخ کے ہمراہ صدر اور لیاری زونز کے مختلف علاقوں کے دورے کئے۔

سماجی رابطوں میں دوری پر عمل کرتے ہوئے عیدالفطر منائی جائے۔ سید قاسم نوید قمر


qasim naveed qamar May 26, 2020 | 9:42 PM

کراچی:(نیوزآن لائن) وزیر اعلی سندھ کے معاون خصوصی برائے محکمہ بحالی خصوصی افراد سندھ سید قاسم نوید قمر نے کہا ہے کہ عید الفطر خوشیوں بھرا تہوار ہے لیکن اس مرتبہ عید ایسے موقع پر آئی ہے جب ایک طرف کورونا وائرس سے پوری دنیا متاثر ہے اور دوسری طرف پی آء اے کے جہاز کریش ہو جانے کی وجہ ہونے والی شہادتوں کی وجہ سے پاکستانیوں کے دل بوجھل ہیں۔ لہذا ہمیں یہ عید سادگی اور سماجی رابطوں میں دوری کو اپناتے ہوئے منانے کی ضرورت ہے۔ یہ بات آج انہوں نے بخاری ہاس ٹنڈو محمد خان میں رکن سندھ اسمبلی سید اعجاز علی شاہ اور دیگر سے ملاقات کے دوران کہی۔ بعد ازاں وزیر اعلی سندھ کے معاون خصوصی سید قاسم نوید قمر سومرو ہاس ٹنڈو محمد خان گئے اور پارٹی رہنما خرم کریم سومرو سے ملاقات کی اور انہیں عیدالفطر کی مبارکباد دی۔ علاوہ ازیں وزیر اعلی سندھ کے معاون خصوصی سید قاسم نوید قمر نے قمر ہاس ٹنڈو محمد خان میں لوگوں اور معززین شہر سے بھی ملاقات کی اور انہیں عیدالفطر کی مبارکباد دی۔ انہوں نے کہا کہ ہمیں چاہیے کہ عید سادگی سے مناتے ہوئے سماجی رابطوں میں دوری کی پالیسی اپنائیں تاکہ کورونا وائرس سے محفوظ رہ سکیں

ملک بھر میں آج عید الفطر منائی جارہی ہے


eid ul azha in pakistan May 24, 2020 | 11:33 AM

کراچی:(نیوزآن لائن) ملک بھر میں عیدالفطر آج سادگی سے منائی جا رہی ہے۔ تفصیلات کے مطابق ملک کے تمام چھوٹے بڑے شہروںمیں عید الفطر کی نماز کے اجتماعات منعقد کیے گئے،جس میں ملک کی سلامتی، ترقی، خوشحالی، پی آئی اے طیارہ حادثہ اور کرونا سے جاں بحق افراد کے لیے مغفرت اور بلندی درجات کی دعائیں مانگی گئیں، اس موقع پر ملکی سلامتی اور استحکام کے لیے خصوصی دعائیں مانگی گئیں۔گورنر سندھ عمران اسماعیل نے عید الفطر کی نمازگورنر ہاس کے لان میں ادا کی۔اراکین صوبائی اسمبلی،چیف سی پی ایل سی نے بھی نماز عید ادا کی۔گورنر پنجاب چوہدری محمد سرور نے گورنر ہائوس لاہور میں نماز عید ادا کی۔اس موقع پر چوہدری محمد سرور کا کہنا تھا کہ اللہ پاکستان سے کرونا جیسی وبا کاجلدخاتمہ کرے،کرونا سے بچا کے لیے عوام احتیاطی تدابیر پرعمل کریں۔وزیراعلی خیبرپختونخوا محمود خان،چیف سیکرٹری اور دیگر شخصیات نے گورنر ہاس پشاور میں نماز عید ادا کی۔وزیراعلی بلوچستان جام کمال خان نے عیدکی نماز وزیراعلی سیکریٹریٹ میں ادا کی۔عیدالفطر کے موقع پر خصوصی پیغام ٹوئٹ کرتے ہوئے وزیر اعظم پاکستان عمران خان کا کہنا تھا کہ میں چاہتا ہوں کہ اس مرتبہ قوم روایت سے ہٹ کر عید الفطر کی خوشیاں منائے۔

حضرت علی کی زندگی ہم سب کے لیے نمونہ عمل ہے۔ نائب صدر بابر حمید


iso flag May 15, 2020 | 11:00 PM

دشمن آج بھی حضرت علی کی راہج کردہ عدالت سے خوفزدہ ہیں۔ نائب صدر بابر حمید آئی ایس او پاکستان کراچی ڈویژن نائب صدر بابر حمید
یوم القدس خالص اسلام محمدیۖ اور امریکی اسلام میں فرق کو ظاہر کرنے کا دن ہے۔ نائب صدر بابر حمید
کراچی: (نیوزآن لائن) امام علیہ السلام کی زندگی ہم سب کے لیے نمونہ عمل ہے۔ ان خیالات کا اظہار نائب صدر آئی ایس او پاکستان کراچی ڈویژن بابر حمید نیاجلاس سے گفتگو کرتے ہوئے کیا۔آج لشکریزیدی امریکہ کے پرچم تلے جمع ہورہاہے،امریکہ اسرائیل اور آلِ سعودکے گٹھ جوڑ سے بننے والا اتحاد دراصل اس دنیا کیسب سے بڑے دہشت گرد اسرائیل کو تحفظ دینے کے لیے بنایا گیا ہے۔انہوں نے کہا کہ شیعہ نوجوانوں کی غیر قانونی گرفتاریاں شرمناک فعل ہے،اب تک پورے پاکستان سیسینکڑوں کی تعداد میں نوجوان لاپتہ ہیں،یہ کیسا اندھا قانون ہے کہ ظلم بھی ہم پر ہو، ہمارے،مقدسات کو نشانہ بنایا جائے اور گرفتاریاں اور پابند سلاسل بھی ہمیں کیا جائے۔اس ملک کو تباہ کرنے والے دہشت گرد دندناتے پھر رہے ہیں اور محب وطن شیعہ نوجوانوں کو گرفتار کیا جارہا ہے۔ انہوں نے مطالبہ کیا کہ فلفور بے گناہ جوانوں کی گرفتاریوں کو ظاہر کر کے انہیں عدالت میں پیش کیا جائے،وگرنہ ہم اس کے خلاف احتجاج کو سڑکوں پر لانے کا حق رکھتے ہیں. یمن،بحرین،فلسطین، کشمیر میں چلنے والی عوامی تحریکوں کی حمایت کرتے ہوئے انہوں نے کہا کہ ہم جمعتہ الوداع یوم القدس مظلوم عوام کی ظالم کے خلاف اور خالص اسلام محمدیۖ اور امریکی اسلام میں فرق کو ظاہر کرنے کا دن ہے۔ ان کا مزید کہنا تھا کہ ملک بھر میں ایام شہادت مولا علی علیہ السلام کی مناسبت سے مجالس عزا کا سلسلہ اپنے رویتی انداز سے جاری و ساری رہے گا۔ کرونا وائرس کی وباء کی وجہ سے مکمل طور احتیاطی تدابیر کو مدنظر رکھا جا رہا ہے۔ اس سلسلے میں نمائش پر مرکزی جلوس علی علیہ السلام ایس او پیز کے مطابق مجلس منعقد ہوئی، مجلس عزا سے حجت الاسلام علامہ سید شہنشاہ نقوی نے خطاب کیا۔

ازخود احتیاطی تدابیر اختیار کرنے کے بعد ممکن ہی نہیں ہے کہ کرونا جیسی وباؤں کو دور بھگانے میں مشکلات کا سامنا کرنا پڑے ۔چئیرمین بلدیہ شرقی معید انور


moheed anwar May 15, 2020 | 10:58 PM

کراچی:(نیوزآن لائن )چئیرمین بلدیہ شرقی معید نے کہا ہے کہ کرونا کو کنٹرول کرنے کے حوالے سے کامیابی اس بات پر منحصر ہے کہ جو دستیاب وسائل ہیں انہیں درست استعمال کرنے کے ساتھ احتیاطی تدابیر کو ازخود اختیار کیا جائے،ازخود احتیاطی تدابیر اختیار کرنے کے بعد ممکن ہی نہیں ہے کہ کرونا جیسی وباؤں کو دور بھگانے میں مشکلات کا سامنا کرنا پڑے ان خیالات کا اظہار انہوں نے کرونا سے بچاؤ کیلئے ہینڈ سینیٹائزر ،ٹمپریچر مشین ، فیس ماسک و دیگر اشیاء کا جائزہ لینے کے بعد مذکورہ اشیاء کو اپنی زیر نگرانی بلدیہ شرقی کے زیر انتظام طبی مراکز، میٹرنیٹی ہومز اور ہسپتالوں کے حوالے کرنے کے دوران کیاچئیرمین معید انور نے اس موقع پر تمام اشیاء کا بغور جائزہ لینے کے بعد متعلقہ حکام سے بات چیت کرتے ہوئے کہا کہ یہ ہم سب کیلئے امتحان کی گھڑی ہے ، ایسے میں خدمت اپنا دینی واخلاقی فریضہ سمجھ کر سرانجام دیں،واضح رہے کہ چیئرمین معید انور کی زیر نگرانی بلدیہ شرقی کی جانب سے کرونا سے بچاؤ کیلئے اقدامات کا سلسلہ بلاتعطل جاری ہے جس میں تمام علاقوں کو ڈس انفیکٹ کرنے کے ساتھ ساتھ بلدیہ شرقی کے زیر انتظام وباء سے نمٹنے کیلئے طبی مراکز فعال ہیں انہوں نے موجود افسران کو ہدایت کی کہ کرونا وائرس کے خاتمے کیلئے جن محکموں کو جو ذمہ داریاں تفویض کی گئیں ہیں وہ مکمل ذمہ داری سے سر انجام دیں خاص طور پر فیومیگیشن کا عملہ اپنی خدمات اسی طرح سر انجام دے جس طرح وہ سر انجام دے رہا ہے انہوں نے انچارج فیومیگیشن راؤشمشاد کی خدمات کو سراہا اس موقع پر ان کے ہمراہ سپریٹینڈنگ انجنئیر اظہر حسین شاہ، ڈائریکٹر پرچیز محمد اکرم اراکین کونسل محمد غوث، مشتاق علی بھی موجود تھے

چیئرمین بلدیہ وسطی ریحان ہاشمی کا یونین کمیٹی 35 لیاقت آباد کا دورہ


rehan hashmi uc 35 May 15, 2020 | 10:52 PM

ایم کیو ایم پاکستان کے فلاحی ادارے خدمت خلق فاؤنڈیشن کے تحت تحفہ افطار کی تقسیم کے کام کا جائزہ
خدمت خلق فاؤنڈیشن کے رضا کار منظم طریقہ کار کے تحت ضرورت مند افراد کی دہلیز تک راشن، غذائی اجناس اور تحفہ افطار پہنچا رہے ہیں, یحان ہاشمی
ریسکیو کا عملہ ضلع وسطی میں کرونا وائرس کے پھیلاؤ کو روکنے کے لئے دن رات جراثیم کش ادویات کے اسپرے کے کاموں میں مصروف ہے, ریحان ہاشمی
کراچی:(نیوزآن لائن) چیئرمین بلدیہ وسطی ریحان ہاشمی نے کہا ہے کہ ایم کیو ایم پاکستان کا فلاحی ادارہ خدمت خلق فاؤنڈیشن لاک ڈاؤن سے متاثر اور بے روز گار ہونے والے طبقے کو غذائی اجناس اور راشن کی تقسیم کا کام بلا تعطل کررہا ہے,کورونا وائرس اور لاک ڈاؤن کی وجہ سے ملک میں کاروباری، تجارتی اور معاشی سرگرمیاں تقریبا ً ختم ہوگئی ہیں جس کا سب سے زیادہ اثر کم آمدنی والے اور روزانہ مزدوری کرکے اپنے گھر کا چولھا جلانے والے افراد پر پڑا ہے تاہم خدمت خلق فاؤنڈیشن ان افراد کی داد رسی اور امداد کے لئے میدان میں موجود ہے اور منظم طریقہ کار کے زریعے عزت نفس کا احساس کرتے ہوئے ان ضرورت مند افراد کی دہلیز تک راشن، غذائی اجناس اور تحفہ افطار پہنچا رہے ہیں۔ ان خیالات کا اظہار چیئرمین بلدیہ وسطی ریحان ہاشمی نے یونین کمیٹی نمبر 35 لیاقت آباد میں ضرورت مند روزہ داروں میں تحفہ افطار کی تقسیم کے کام کا معائنہ کرتے ہوئے کیا۔ اس موقع پر متعلقہ یوسی کے چیئرمین، وائس چیئرمین، ایم کیو ایم پاکستان کے ذمہ داران و کارکنان اور خدمت خلق فاؤنڈیشن کے رضاکار بھی موجود تھے۔ انہوں نے کہا کہ ایک جانب جہاں ایم کیو ایم پاکستان، منتخب عوامی نمائندے، خدمت خلق فاونڈیشن کے رضاکار، بلدیاتی نمائندے ضرورت مندوں میں راشن کی تقسیم اور روزہ داروں کے لئے تحفہ افطار کی ترسیل کے کاموں میں مصروف ہیں وہیں دوسری جانب بلدیہ وسطی کے محکمہ ریسکیو کا عملہ ضلع وسطی میں
کرونا وائرس کے پھیلاؤ کو روکنے کے لئے دن رات ضلع وسطی کے مختلف علاقوں میں جراثیم کش ادویات کے اسپرے کے کاموں میں مصروف ہے۔

کراچی پولیس کی زیر سماعت قیدیوں کی پیشی اورگواہوں کی حفاظت کے لئے ویڈیو کانفرنس سسٹم کے قیام کی تجویز زیر غور


Sindh_Police_Logo May 10, 2020 | 10:22 PM

کراچی:(نیوزآن لائن) ایڈیشنل آئی جی کراچی کی ہدایات پر ڈی آئی جی پولیس سیکیورٹی اینڈ ایمرجنسی سروس ڈویژن مقصود احمد کی زیر صدارت ویڈیولنک اجلاس منعقد ہوا جسکا مقصد کراچی رینج میں ویڈیو کانفرنس سینٹرز کے ذریعہ انڈر ٹرائل قیدیوں کی پیشی اور گواہوں کی حفاظت کو یقینی بنانا ہے۔
کمانڈنٹ ایس ایس یو غلام مرتضی تبسم، ایس ایس پی کورٹ پولیس کیپٹن محمد اسد علی چوہدری،ایس پی مددگار15 عبداللہ میمن، ایس پی کیماڑی سو میر نورچنہ، ڈائریکٹر آئی ٹی سی پی او سندھ محترمہ تبسم عباسی اور دیگر سینئر افسران نے اجلاس میں شرکت کی جو کہ حکومت کی ہدایات کے مطابق سماجی فاصلہ کو مد نظر رکھتے ہوئے منعقد کیا گیا۔
اجلاس کے دوران فیصلہ کیا گیا کہ پہلے مرحلے میں 05 ویڈیو کانفرنس سینٹرزشہر میں قائم کئے جائیں گے جبکہ عدالتی کاروائیوں کے دوران گواہوں کی حفاظت کو یقینی بنانے کے لئے مراکز کی تعداد بعد ازاں بڑھائی جائے گی جوکہ ٹرائل کورٹس اور جیلوں سے منسلک ہوں گے۔ ہر ماڈل کورٹ اور جیل کیلئے گواہوں اور زیر سماعت قیدیوں کے بیانات کی ریکارڈنگ کے لئے ماڈل کانفرنس روم قائم کیا جائے گا جو کہ سپریم کورٹ پاکستان سے منظور شدہ پروٹوکول کے مطابق عمل پیر ا ہو گا۔
اجلاس میں یہ بھی فیصلہ کیا گیا کہ ویڈیو کانفرنس سسٹم کا اسٹینڈرڈ سپریم کورٹ کی ماڈل کانفرنسنگ ایس او پی کے عین مطابق ہو گا جبکہ ڈیٹاکی اسٹوریج اور حفاظت کو یقینی بنایا جائے گااور ویڈیو کانفرنسنگ سوفٹ ویئر عالمی سطح کی مشہور آئی ٹی کمپنی لائف سائز سے حاصل کیا جائے گا۔
مزید برآں تمام اسٹیک ہولڈرز یعنی ڈسٹرکٹ اینڈ سیشن جج ساتھ، ڈسٹرکٹ اینڈ سیشن جج ملیر، سینٹرل اور ملیر جیلوں کے سپرنٹنڈنٹس سے ملاقاتیں کی جائیں گی تاکہ انہیں اس فیصلے کے متعلق اعتماد میں لیا جا سکے۔

بزدل دہشت گردوںنے ایک مرتبہ پھر چھپ کر ہمارے جوانوںپر وار کیا ،مرزا عالم بیگ


karachi May 10, 2020 | 10:18 PM

میجر ندیم عباس سمیت پاکستانی فوج کے شہدا کو خراج عقیدت پیش کرتے ہیں
کراچی:(نیوزآن لائن) سماجی رہنماء مرزا عالم بیگ نے بلوچستان میں پاک فوج کے جوانوں کی شہادت پر افسوس کا اظہار کیا ہے انہوں نے اپنے بیان میں بلوچستان کے علاقے کچ میں پاک فوج کی گاڑی پاک ایران سرحد کے قریب بارودی سرنگ سے ٹکرا نے سے شہید ہونے والے میجر ندیم عباس سمیت پاک فوج کے 6 جوان خراج عقیدت پیش کرتے ہوئے کہا کہ خطہ میں امن بحال کرنے کی پاک افواج کی کاوشیں رائیگاں نہیں جائیں گی۔ اور دشمنوں کے بزدلانہ حملے پاکستان افواج کے جوانوں کے حوصلے پست نہیں ہوسکتے۔ پوری دنیا میں پاک فوج کی خدمات کو سراہا جاتا ہے۔پاک فوج نے مشکل ترین حالات میں اپنے فرائض انجام دیتے ہوئے دشمن قوتوں کے ناپاک عزائم کو خاک میں ملایا ہے۔ انہوں نے کہا کہ پاکستانی عوام دشمنوں کے خلاف اپنی افواج کے ساتھ شانہ بشانہ کھڑی ہے۔

کورونا بحران کے باعث بچوں کے ماہنامہ ساتھی کی آن لائن اشاعت


Pic-Title of May Edition May 10, 2020 | 10:11 PM

مسلسل لاک ڈائون واسکول کی طویل تعطیلات بچوں کے مطالعے میں حائل نہ ہوسکیں گی:مدیر ساتھی
کراچی: (نیوزآن لائن): کورونا وائرس کے باعث مسلسل لاک ڈائون اور اسکول کی طویل ترین سالانہ تعطیلات کے دوران بچوں میں مطالعے کا شوق پروان چڑھانے اورزبان سیکھنے کے عمل کو جاری رکھنے کے لیے بچوں کے مقبول ترین رسالے ماہنامہ ساتھی نے مئی کا شمارہ آن لائن شائع کردیا ہے ۔خصوصی شمارے میں بچوں کی دلچسپی کو مدِنظر رکھتے ہوئے مزیدار کہانیاں، معلوماتی مضامین ، خصوصی نظمیں ، پُر مزہ لطائف و دیگر پُر لطف تحاریر کا خزینہ شامل کیا گیا ہے ۔
کورونا وائرس کے باعث ماہنامہ ساتھی کے آن لائن شمارے کی اشاعت کے موقع پرمدیر ماہنامہ ساتھی عبدالرحمن مومن نے کہا کہ مسلسل لاک ڈاؤن کی وجہ سے بچے شدید بوریت و یکسانیت کا شکارہوچکے ہیں جسے دور کرنے اوربچوں میں مطالعے کے شوق کی مسلسل آبیاری کے لیے رسالے کی آن لائن اشاعت کا فیصلہ کیا ہے جسے ماہنامہ ساتھی کی مجلسِ ادارت نے خوب محنت و جانفشانی سے تیار کیا ہے اور شعبہ آئی ٹی نے اسے قارئین تک پہنچانے میں اہم کردار ادا کیا ہے۔۔انہوں نے مزید کہا کہ دنیا کے کسی بھی خطے میں ادب کے ترویج و اشاعت میں حکومتی اداروں کا کوئی قابلِ ذکر کردار نہیں اور یہ لکھنے والوں کی اپنے محنت و جنون ہے جو ادب کے فروغ کا باعث بناہے۔ نومبر1977سے بچوں کے ادب کی ترویج و تخلیق میں کوشاںماہنامہ ساتھی بچوں میں انتہائی مثبت و صحت مند رویے کو ہر طور پروان چڑھانے میں ایک مرکزی کردار اد ا کررہا ہے جسکی جتنی پزیرائی کی جائے کم ہے ۔

لاک ڈاؤن کے دوران بلدیہ شرقی نے اپنی ذمہ داریاں اپنی دسترس سے بڑھ کر سر انجام دی ہیں۔معید انور


baldiyate news May 10, 2020 | 10:05 PM

کراچی :( نیوزآن لائن) چئیرمین بلدیہ شرقی معید انور نے کہا ہے کہ لاک ڈاؤن کے دوران بلدیہ شرقی نے اپنی ذمہ داریاں اپنی دسترس سے بڑھ کر سر انجام دی ہیں تاحال ضلع شرقی میں جراثیم کش ادویات کا چھڑکاؤ جاری ہے جبکہ ڈینگی، ملیریا پر قابو پانے کے حوالے سے بھی اسپرے سر انجام دیا جا رہا ہے ان خیالات کا اظہار انہوں نے جاری جراثیم کش ادویات کی چھڑکاؤ مہم کا جائزہ لینے کے دوران کیا اس موقع پر انہیں یوسیز میں جراثیم کش ادویات کے چھڑکاؤ سمیت نائیٹ سوئپنگ کے حوالے سے تفصیلات سے بھی آگاہ کیا گیا انچارج بلدیاتی امور راؤ شمشاد نے انہیں بتایا کہ فیومیگیشن ٹیمیں روزانہ کی بنیاد پر مختلف یوسیز میں جراثیم کش ادویات کا چھڑکاؤ کررہی ہیں جبکہ مرحلہ وار یوسیز میں نائیٹ سوئپنگ کے امور بھی سرانجام دئیے جا رہے ہیں چئیرمین بلدیہ شرقی معیدانور نے ہدایت کی کہ جراثیم کش ادویات کا چھڑکاؤ جاری رکھنے کے ساتھ علاقوں کو صاف رکھنے کیلئے انتظامات رکھے جائیں جہاں ضروری ہو سندھ سولڈ ویسٹ مینجمنٹ بورڈ کی مدد سے بھی صفائی کے امور کو بہتر بنایا جائے علاوہ ازیں بلدیہ شرقی کی جانب سے سادات امروہہ سوسائٹی اور النور سوسائٹی یوسی 30 سمیت مختلف یوسیز میں جراثیم کش ادویات کا چھڑکاؤ یقینی بنایا گیا۔

بلدیہ ملیر کو ترقی کے سفر میں ا گے لے کر جا رہے ہیں: جان محمد بلوچ


chairman dmc malir news May 7, 2020 | 11:54 PM

چیئرمین بلدیہ ملیر کا یوسی غازی دائود بروھی کا تفصیلی دورہ
کراچی: (نیوزآ ن لائن) چیئرمین بلدیہ ملیرجان محمد بلوچ نے کہا ہے کہ تمام ادارے ایمانداری سے اپنا کام کریں تو عوام کے مسائل مسائل نہ رہیں ،پاکستان پیپلز پارٹی عوامی پارٹی ہے پارٹی کے منتخب نمائندے عوام کے درمیان میں رہتے ہیں، عوامی مسائل کو بخوبی جانتے ہیں اور انہیں حل کرنے کیلئے کوشاں رہتے ہیں، پارٹی قیادت کی جانب سے واضح احکامات کی روشنی میں یوسیز میں ترقیاتی کام کروارہے ہیں اور مزید ترقیاتی منصوبے زیر غور ہیں ، بلخصوص فراہمی و نکاسی آب، شاہراہوں کی درستگی ہماری ترجیحات میں شامل ہیں، بلدیہ ملیر کو ترقی کے سفر میں ا گے لے کر جا رہے ہیں ۔ ان خیالات کا اظہار انہوں نے یو سی غازی دائود بروھی مسرت کالونی میں بلدیاتی سہولیات کے حوالے سے تفصیلی دورہ کرتے ہوئے کیا ۔ اس موقع پرڈائریکٹر انفارمیشن سلیم خان اور علاقہ معززین کی بڑی تعداد بھی موجود تھی۔ موقع پر موجود علاقہ معززین نے چیئرمین بلدیہ ملیر جان محمد بلوچ سے اظہار تشکر کرتے ہوئے کہا کہ بلدیاتی نمائندے عوام کو درپیش مسائل سے نجات دلانے کیلئے دن رات محنت کر رہے ہیں جو قابل ستائش ہیں ، چیئرمین نے موقع پر موجودمتعلقہ افسران کو ہدایت دیتے ہوئے کہا کہ جاری ترقیاتی کاموںکو مزید تیز کیا جائے،سیوریج کی بند لائنوںکی راڈنگ اینڈ سکنک مشینوں کی مدد سے صفائی کروائی جائے، تمام یوسیزمیں کچرا کنڈیوں سے بروقت کچرا اٹھایا جائے اور چونے کے چھڑکائوکو یقینی بنایا جائے تاکہ عوام کو صحت مندانہ ماحول فراہم کیا جاسکے۔

تحریک انصاف کے رہنما تاجر برادری کو حکومت سندھ کے خلاف اکسانے کی ناکام کوشش کررہے ہیں۔ جام اکرام اللہ دھاریجو


jam akram shah May 7, 2020 | 11:45 PM

کراچی:(نیوزآن لائن)صوبائی وزیر برائے صنعت وتجارت اور محکمہ امداد باہمی و انسداد بدعنوانی جام اکرام اللہ دھاریجو نے کہا ہے کہ تحریک انصاف سندھ کے رہنما عوام کے درمیان شہری و دیہی بنیادوں پر تفریق پیدا کرنے اور کراچی کے تاجروں کو حکومت سندھ کے خلاف اکسانے کی گھنانی سازش کررہے ہیں لیکن سندھ کے باشعور عوام ان کے مذموم مقاصد کامیاب نہیں ہونے دیں گے۔ انہوں نے جمعرات کو جاری ہونے والے ایک بیان میں کہا کہ تحریک انصاف سندھ کے رہنما سوائے پریس کانفرنس اور الزام تراشیوں کے دوسرا کوئی کام نہیں کررہے ہیں اور خاص کر کراچی سے حادثاتی طور پر منتخب ہونے والے تحریک انصاف کے صوبائی و قومی اسمبلی کے اراکین صرف حکومت سندھ پر تنقیدی بیانات دینے کے لئے رہ گئے ہیں۔ صوبائی وزیر جام اکرام اللہ دھاریجو نے مزید کہا کہ کورونا وائرس ایک عالمی وبا ہے اور اس سے نمٹنے کے لئے دنیا بھر کے ممالک میں لاک ڈان ہے۔ صرف کراچی میں لاک ڈان پر ان رہنماں کو اعتراض کیوں ہے۔ انہوں نے کہا کہ حکومت سندھ کو اندازہ ہے کہ لاک ڈان کے باعث عام آدمی، تاجر برادری اور صنعت کاروں کو مشکلات کا سامنا ہے لیکن معیشت کو تو سہارا مل جائے گا لیکن انسانی جانوں کو واپس لانا ممکن نہیں ہے۔ ہمارے نزدیک انسانی جانوں کی اہمیت زیادہ ہے۔ صوبائی وزیر برائے صنعت وتجارت اور انسداد بدعنوانی جام اکرام اللہ دھاریجو نے کہا کہ تحریک انصاف کے رہنما انسانی جانوں پر سیاست نہ کریں اور کورونا وائرس کے خلاف جنگ میں حکومت سندھ کا ساتھ دیں۔ انہوں نے کہا کہ ایس او پیز کے تحت متعدد صنعتوں کو کام کرنے کی اجازت دی گء ہے ۔ اس کے علاوہ بتدریج مختلف تجارتی سرگرمیوں کو بھی بحال کیا جارہا ہے تاہم ہمیں ہر صورت کورونا وائرس کے پھیلا کو روکنا ہے۔ انہوں نے کہا کہ حکومت سندھ کے کورونا وائرس کے خلاف اٹھائے گئے اقدامات کی عالمی سطح پر پذیرائی ہوئی ہے لیکن تحریک انصاف سندھ کے رہنما پاکستان پیپلز پارٹی کی دشمنی میں اندھے ہوکر بلاوجہ تنقید میں مصروف ہیں اور اپنے مذموم مقاصد لئے عوام کے درمیان نفرتوں کو اجاگر کررہے ہیں۔ صوبائی وزیر جام اکرام اللہ دھاریجو نے کہا کہ رمضان المبارک کے مقدس مہینے میں محبتوں اور ایثار کے جذبے کو فروغ دینے کی ضرورت ہے نہ کہ عوام کے درمیان تفریق پیدا کی جائے۔

پیر 9مئی سے مارکیٹیں اور کاروبار کھلے گا سندھ حکومت روکاوٹ نہ ڈالے آل کراچی تاجر کنونشن کا اعلان


Convantion pic (1) May 7, 2020 | 11:39 PM

دوکانیں نہ کھولنے دی گئیں تو حالات کی ذمہ دار سندھ حکومت پر ہوگی ، کنونشن سے حافظ نعیم الرحمن محمود حامدودیگر کاخطاب
جب وزیر اعظم نے اعلان کردیا ہے تو پھر اس کے مطابق9مئی سے تمام دوکانیں اور مارکیٹیں کھل جانی چاہیئے تاجر رہنماؤں کا خطاب
کنونشن سے عبد الرزاق خان ،جاوید شمس ،مدثر سعید ،محمد ایاز ،اسلم ،حنیف خان،سید فرازاحمد ،عبد الصمد،مینا بازارکی خاتون دوکاندار ثریا ودیگر کاخطاب
کراچی:(نیوزآن لائن)جماعت اسلامی کراچی کے تحت ادارہ نورحق میں ہونے والے ”آل کراچی تاجر کنونشن ”میں کراچی کے تاجروں نے متفقہ طور پر اعلان کیا ہے کہ پیر 9مئی سے کراچی کی مارکیٹیں اور کاروبار کھلے گا،سندھ حکومت نے روکاوٹ ڈالی تو حالات کی ذمہ داری وہ خود ہوگی،کنونشن کے مقررین نے کہاہے کہ جب وزیر اعظم نے اعلان کردیا ہے تو پھر اس کے مطابق9مئی سے تمام دوکانیں اور مارکیٹیں کھل جانی چاہیئے، تاجر احتیاطی تدابیر اختیار کریں ،اگر سندھ حکومت نے کاروباری سرگرمیوں میں روکاوٹ ڈالنے کی کوشش کی تو امن و امان کی ذمہ دار سندھ حکومت ہوگی ۔حکومت تاجروں کے راستے میں روکاوٹیں نہ کھڑی کرے۔کنونشن سے امیر جماعت اسلامی کراچی حافظ نعیم الرحمن ،سابق رکن سندھ اسمبلی و ڈپٹی سکریٹری کراچی عبد الرزاق خان ، اسمال ٹریڈرز آرگنائزیشن اینڈ کاٹیج انڈسٹریز کے صدر محمود حامد،انجمن تاجران سندھ کے رہنما جاوید شمس ،رئیل اسٹیٹ کے مدثر سعید ،لیاقت مارکیٹ کے رہنما محمد ایاز ،پینورامہ سینٹر کے رہنما اسلم ،فرنیچر ڈیلر ایسوسی ایشن کے حنیف خان،حیدری صرافہ بازار کے سید فرازاحمد ،کارشوروم ایسوسی ایشن کے عبد الصمد،مینا بازارکی خاتون دوکاندار ثریا ،حیدر ی مارکیٹ کے رہنما سید اختر شاہد ،لیاقت آباد ٹریڈرز الائنس کے صدر بابر خان بنگش ،گلبہار سینٹری مارکیٹ کے صدر مظفر الاسلام ،ایس ایم عالم ،حیدر ی مارکیٹ کے صدر سید سعید احمد ،مینا بازارکریم آباد کے جمیل اختر،پلازہ الیکٹرونک مارکیٹ کے صدر سید نوید احمد ،ایم اے جناح روڈ اسپورٹس مارکیٹ کے صدر سلیم ملک ودیگر نے بھی خطاب کیا ۔کنونشن میں مینا بازار کریم آباد کی خواتین دوکاندار وں نے بھی شرکت کی ۔حافظ نعیم الرحمن نے کہاکہ آج ایک مشترکہ مسئلے اور مؤقف پر تمام مکاتب فکر سے تعلق رکھنے والے کراچی کے تمام تاجر یہاں جمع ہوئے ہیں کیونکہ یہاں آنے کا ایک ہی مقصد ہے کہ کراچی کے کاروبار اور تاجر طبقے کو تباہی سے بچائے جائے ، ہم چاہتے ہیں کہ 46دن کے لاک ڈاؤن سے جو صورتحال اور مسائل پیدا ہوئے ہیں اب انہیں ہر حال میں حل کیا جائے ۔تاجر طبقہ اور چھوٹے کاروباری افراد اور خواتین سخت پریشان اور سب سے زیادہ متاثر ہیںان کے مسائل کو حل کیا جائے ۔کرونا کے حوالے سے سائنسی بنیادوں پر تحقیق اور اعدادوشمار سامنے آنے کے بعد دنیا بھر میں لاک ڈاؤن ختم کیا جارہا ہے تو کراچی میں کاروباراور دوکانوں کو کیوں نہیں کھولاجارہا ہے ؟۔حکومت خود لاک ڈاؤن پر عملدرآمد کرانے میں ناکام ہوچکی ہے صرف دفاتر ،اسکولز اور کاروبار بند کر کے کرونا وائرس ختم نہیں کیا جاسکتا ۔عوام میں خوف پیدا کر کے حالات بہتر نہیں کیے جاسکتے ، آج معاشرتی اور سماجی سطح پر مسائل پیدا ہورہے ہیں ،سفید پوش طبقہ کس طرح کسی سے راشن مانگے ؟اس لیے اب صرف واحد راستہ یہ ہے کہ مارکیٹیں کھولی جائیں اور اس حوالے سے تاجر ،عوام اور حکومت سب کی ذمہ داری ہے کہ وہ احتیاطی تدابیراختیار کریں ، حکومت ایس او پیز ضرور بنائے لیکن اپنی ذمہ داری بھی پوری طرح ادا کرے ۔تاجر ایس اوپیز پر عمل کر نے کے لیے تیار ہیں لیکن اس کے لیے ضروری ہے کہ قابل عمل ایس اوپیز بنائے جائیں ۔انہوں نے کہاکہ افسوس ہے کہ پیپلز پارٹی 10سال سے سندھ میں حکومت کررہی ہے لیکن اس کے پاس کوئی ڈیٹا تک نہیں ہے ،کراچی میں ایک لاکھ 80ہزار دوکاندار ہیں جو مختلف کاروبار سے وابستہ ہیں،ایک اندازے کے مطابق 70لاکھ افراد ان کاروباری اور تاجر طبقے سے وابستہ ہے ۔کاروبارکی بندش سے لاکھوں عوام شدید متاثر ہورہی ہے ۔احتیاطی تدابیراختیار کرنا ہم سب کی ذمہ د اری ہے ۔یہ وبا اللہ کی طرف سے ایک تنبیہ ہے اور اس کے موقع پر ہم سب کو اجتماعی طور پر اللہ سے رجوع کرنا چاہیئے ،اللہ کی طاقت سب سے بڑی ہے جس کے سامنے آج کی جدید دنیا اور ترقی یافتہ ممالک بے بس ہیں ۔عبد الرزاق خان نے کہاکہ اگر تاجروں میں اتحاد و اتفاق قائم رہے توکوئی طاقت انہیں مطالبات منظور کروانے سے نہیں روک سکتی ، جماعت اسلامی نے کرونا کے مسئلے پر سندھ حکومت کا ساتھ دینے کا اعلان کیا تھا مگر ڈیڑھ ماہ میں حکومت کی نا اہلی اور بے حسی کھل کرسامنے آگئی ہے ،آج ہم تاجروں کے ساتھ ہیں ، کراچی کے کاروبار کو تباہ نہیں ہونے دیں گے ۔پولیس دوکانداروں کے ساتھ تذلیل آمیز رویہ فورا ختم کرے ۔ محمود حامد نے کہاکہ ضلع وسطی کی مارکیٹوں کی تنظیموں نے تاجروں کی جانب سے مارکیٹیں کھلوانے کی جدوجہد شروع کی اور جماعت اسلامی سے رابطہ کیا ، آج یہ پورے کراچی کی تحریک بن چکی ہے ، سندھ حکومت بوکھلاہٹ کا شکار ہے ، وزیر اعظم نے بھی چھوٹے دوکانداروں کو کاروبار کرنے کی اجازت دے دی ہے ، اگر اب صوبائی حکومت نے وفاقی حکومت کے اعلان کے بعد روکاوٹ کھڑی کی تو ہم بھرپور احتجاج کریں گے اور ہر حال میں مارکیٹیں کھولیں گے ۔جاوید شمس نے کہاکہ لاک ڈاؤن اور کاروبار کی بندش نے تاجروں کو حکمرانوں کے سامنے بھیگ مانگنے پر مجبور کردیا ہے ،وزیر اعلیٰ سندھ ہم پر رحم کریں۔مدثر سعید نے کہاکہ وزیر اعلیٰ سندھ سے اپیل کرتے ہیں کہ آپ اپنی شرائط کے مطابق ہی صحیح لیکن خدارا ہمیں چند گھنٹوں کے لیے کاروبار کھولنے کی اجاز ت دی جائے ۔محمد ایاز نے کہاکہ ایسا لگتا ہے کہ ہم منشیات فروش ہیں اور پولیس ہمارے پیچھے لگی ہوئی ہے ،خدارا تاجروں کے اہلخانہ اور ان کے ورکروں کے گھرانوں پر رحم کریں ،اگر ہمارے مطالبات نہ تسلیم کیے گئے تو ہم ہر طرح کا احتجاج کریں گے ۔محمد اسلم نے کہاکہ سندھ حکومت کو یہ بات سمجھنی چاہیئے کہ اگر ہمارے کاروبار نہ کھلے تو ہمارے اور ہمارے ورکرز کے گھروں کے چولہے کس طرح جلیں گے۔حنیف خان نے کہاکہ ایسا محسوس ہوتا ہے کہ حکومت چاہتی ہے کہ کرونا کے کیسز بڑھتے جائیں تاکہ کاروبار بند رہے اگر حکومت شروع کے 15دنوں میں ہی سخت لاک ڈاؤن کا نفاذ کرتی تو آج یہ صورتحال نہ ہوتی۔سید فرازاحمد نے کہاکہ خدارا سوچیے کہ آج سونے کاروبا ر کرنے والے سخت پریشان ہیں تو دیگر کاروبار ی طبقہ کتنا پریشان ہوگا، کرونا کے نام پر آج صرف کاروباری طبقے کو نشانہ بنایا جارہا ہے ۔عبد الصمد نے کہاکہ جماعت اسلامی نے شہر کے مسائل کے حل کے لیے ہمیشہ قدم آگے بڑھا یا ہے اور آج بھی تاجروں کے مسائل کے حل کے لیے صرف جماعت اسلامی ہی میدان عمل میں موجود ہے۔ مینا بارزارکی خاتون دوکاندارثریا نے کہاکہ ہمارے لیے ایک دن کے کھانے کا انتظام کرنا مشکل ہورہا ہے ،ہم 50دنوں سے بے روزگار ہیں ،وزیر اعلیٰ سندھ خدارا خواتین دوکانداروں پر تو رحم کریں اور ہمیں دوکانیں کھولنے دیں ۔سید اختر شاہد نے کہاکہ ہم نے کاروباری بندش کے حوالے سے حافظ نعیم الرحمن سے رابطہ کیا ،ہمیں خوشی ہے کہ جماعت اسلامی نے اقتدار میں نہ ہونے کے باوجود تاجروں کی نمائندگی کی جب کہ جنہوں نے عوام سے ووٹ لیے اور اقتدار میں موجود ہیں انہوں نے کراچی کے تاجروں کو مشکل حالات میں تنہا چھوڑیا۔بابر خان بنگش نے کہا کہ وفاقی حکومت ہو صوبائی حکومت دونوں ایک دوسرے پر الزامات لگارہے ہیں ،حقیقت میں تاجروں کے مسائل کے حوالے سے کوئی سنجیدہ نہیں ، سندھ حکومت تاجروں کو ڈرا دھمکارہی ہے ، تاجروں کے حقیقی نمائندوں کے بجائے غیر نمائندہ لوگوں کے ذریعے فیصلے کروائے جارہے ہیں ۔آ ن لائن کاروبار ایک مذاق کے سوائے کچھ نہیں شہر میں کہیں لاک ڈاؤن نظر نہیں آتا،صرف دوکانیں بند کرنے سے کرونا وائرس کا مسئلہ حل نہیں ہوگا۔مظفر الاسلام نے کہاکہ حقیقت یہ ہے کہ تاجر کاروبار کی بندش سے خود ضرورت مند بن گئے ہیں ، آج ہم اعلان کرتے ہیں کہ اپنے کاروبار ہر صورت کھولیں گے خواہ اس کے لیے کچھ بھی کرنا پڑے ۔ایس ایم عالم نے کہاکہ لاک ڈاؤن نے کاروبار کو تباہ کردیا ہے ، دینے والے ہاتھوں کو لینے والا بنادیا ہے ، آج تاجر اور دوکانداروں کے پاس اپنے ملازمین کو تنخواہیں دینے کے لیے پیسے نہیں ہے ۔شہر میں مختلف مارکیٹیں کھولی گئیں ہیں کیا وہاں کورونا وائرس نہیں پھیلتا ۔سید سعید احمد نے کہاکہ جماعت اسلامی نے تاجروں کے ہمراہ سڑکوں پر احتجاج کیا اور تاجروں کے ترجمان بنی ، امید ہے کہ ان کی قیادت میں تاجروں کا مسئلہ حل ہوجائے گا۔جمیل اختر نے کہا کہ مینا بازار میں پانچ ہزار خواتین دوکاندار رزق حلال کماتی ہیں ، جو ڈیڑھ ماہ سے مکمل بے روزگارہوگئی ہیں اور فاقوں پر مجبور ہیں ،حکمران ہمارے گھروں کے چولہے چلنے دیں ۔سید نوید احمد نے کہاکہ حکمرانوں نے تاجروں کے احتجاج کے باوجود ہوش کے ناخن نہیں لیے ہمارا روزگار تباہ ہورہا ہے ۔صدر سلیم ملک نے کہاکہ اگر سندھ حکومت نے مارکیٹیں کھولنے کی اجاز ت نہ دی تو ہم بھی اپنی دوکانوں کے آگے گروسری کا سامان رکھ کر کاروبار شروع کردیں گے ،خدارا رمضان المبارک میں ہمیں بے روزگاری اور فاقوں سے بچایا جائے ۔

جامعہ کراچی: 22 طلباوطالبات کو ایم فل اورپی ایچ ڈی کی ڈگریاں تفویض


karachi-University-Logo-KU-Monogram-150x150.jpg 1 May 7, 2020 | 11:13 PM

کراچی:(نیوزآن لائن) جامعہ کراچی کے وائس چانسلر پروفیسر ڈاکٹرخالد محمود عراقی کی صدارت میںایڈوانسڈ اسٹڈیز اینڈریسرچ بورڈ (اے ایس آربی )کے جمعرات کو ہونے والے اجلاس میں08طلبا وطالبات کو پی ایچ ڈی جبکہ 14 طلباوطالبات کو ایم فل کی ڈگریاں تفویض کی گئیں۔جامعہ کراچی کے رجسٹرار پروفیسر ڈاکٹر سلیم شہزاد کے مطابق پی ایچ ڈی کی ڈگری حاصل کرنے والوں میںاختر احمد خلیل(انگلش)،سمیرفاروق،سارہ پرویز(پبلک ایڈمنسٹریشن)،احترام الحق(انسٹی ٹیوٹ آف اسپیس اینڈ پلینٹری اسٹروفزکس)،سلیم عباس(کلینکل سائیکولوجی)،سحر افشاں(یورپین اسٹڈیز)،ثنا احمد اور مدیحہ (بائیوکیمسٹری) جبکہ ایم فل کی ڈگری حاصل کرنے والوں میں شہریار حمید (کیمسٹری ایچ ای جے)،حسین احمد(قرآن وسنہ)،سمیہ ستار(ایگریکلچر)،محمد نسیم (جیولوجی)،تہمینہ پرویز،رابعہ (اسلامک لرننگ)،اعجاز احمد (بائیوٹیکنالوجی)،ماریہ سکندر (اسپیشل ایجوکیشن)،سید شمیم احمد (اُردو)،عامر اقبال (اصول الدین)،ایم علی قریشی ،ثاقب شہزاد،نوید علی(فزکس) اور سعدیہ ہاشمی انوائرمینٹل اسٹڈیز شامل ہیں۔

کرونا وائرس کے باعث آئی ایس او پاکستان کراچی ڈویژن رمضان المبارک میں سوشل میڈیا پر درسی نشست کا انعقاد کررہی ہے۔ نائب صدر بابرحمید


iso May 7, 2020 | 10:57 PM

کراچی:  (نیوزآن لائن) امامیہ اسٹوڈنٹس آرگنائزیشن پاکستان کراچی ڈویژن رمضان المبارک کے پہلے میں جوانوں کی تربیت کے حوالے سے آن لا?ن دوری قرآن فہمی کا انعقاد کررہی ہے۔ان خیالات کا اظہار انہوں نے رمضان المبارک کے حوالے سے منعقدہ خصوصی اجلاس سے  گفتگو کرتے ہوئے کیا۔ ان کا کہنا تھا کہ آئی ایس او پاکستان کراچی ڈویژن ماہ رمضان المبارک میں سوشل میڈیا کے ذریعے مختلف اسلامی موضوعات پر درسی نشست منعقد کرے گی۔ اسلامی مہینوں میں ماہ مبارک رمضان کو بڑی منزلت حاصل ہے۔ یہ خدا کے ایک بابرکت مہینوں میں سے ایک ہے, جس میں اللہ تعالی کی رحمت عروج پر ہوتی ہے، روزہ صرف بھوکا رہنے کا نہیں بلکہ صبر، ہمدردی اورانسانیت کا نام ہے۔ ڈویژن نائب صدر بابر حمید کا مزید کہنا تھا کہ پوری دنیا کو کرونا وائرس جیسی وباء کے باعث آزمائش کا سامنا ہے۔ ہمیں بحیثیت مسلمان اور پاکستانی اس ماہ رمضان اْن لوگوں کا بھی احساس کرنا چاہیے جو ان حالت میں کسی قسم کی مشکلات کا شکار ہیں اور اْن کی جس حد تک ہو مدد کرنی چاہیے۔فرصت کے ان لمحات کو پروردگار سے منسوب کرکے دعا و مناجات کے سلسلہ کو جاری رکھنا چاہیے۔

الخدمت میگا راشن سینٹر بہادرآباد سے ہزارو ں خاندانوں کے لیے را شن کی فراہمی


Visit Bahadrabad pic April 26, 2020 | 8:41 PM

راشن سے بھری سوزوکیاں امیر جماعت اسلامی حافظ نعیم الرحمن کی نگرانی میں روانہ کی گئیں بڑی تعداد رضاکار خدمت میں مصروف
وفاقی وصوبائی حکومتوں کے دعوے اور وعدے پورے نہیں ہوئے ،حکومت کا ریلیف پروگرام کہیںنظر نہیں آرہاحافظ نعیم الرحمن
کراچی :( نیوزآن لائن)جماعت اسلامی کے تحت بہادر آباد میں قائم الخدمت میگا راشن سینٹر سے اتوار کے روز بڑی تعداد میں سوزوکیوں پر مشتمل ہزاروں راشن بیگ شہر کے مختلف علاقوں میں تقسیم کے لیے روانہ کیے گئے ۔راشن سے بھری سوزوکیاں امیر جماعت اسلامی حافظ نعیم الرحمن کی نگرانی میں روانہ کی گئیں ،اس موقع پر بلدیہ عظمیٰ میں جماعت اسلامی کے پارلیمانی لیڈر و یوسی چیئرمین جنید مکاتی ،ضلع قائدین کے جنرل سکریٹری سلیم عمر، الخدمت کے قاضی صدر الدین ، جماعت اسلامی کراچی کے سکریٹری اطلاعا ت زاہد عسکری اور دیگر بھی موجود تھے ۔میگا سینٹر سے راشن کی فراہمی روزانہ کی جاتی ہے ۔حافظ نعیم الرحمن نے اس موقع پر میڈیا کے نمائندوں سے گفتگو کرتے ہوئے کہاکہ عوام کو ریلیف اور راشن کی تقسیم کے وفاقی وصوبائی حکومتوں کے دعوے اور وعدے پورے نہیں ہوئے ،حکومت کا ریلیف پروگرام کہیں نظر نہیں آرہا،لاک ڈاؤن کے باعث عام شہری ،تاجراور مختلف طبقات شدید متاثر ہوئے ہیں ،حکومت وسائل اور اختیارات کے باوجود مسائل حل کرنے میں مکمل طور پر ناکام ثابت ہوئی ہے ،قوم پریشان اور مشکل صورتحال کاشکار ہے لیکن سندھ اور وفاقی حکومت کی آپس میں چپقلشیں ہورہی ہیں۔ حکمران صرف پوائنٹ اسکورنگ کر کے عوام کوبے وقوف بنارہے ہیں۔ حکمران اگر ہر گھر میں راشن اور چیک دے دیتے تو عوام بہت خوش ہوتے پھرخواہ کرفیوہی کیوں نا لگادیا جاتا ،لاک ڈاؤن کے باعث بے روزگاری میں اضافہ ہوا ہے ، مختلف اداروں اور فیکٹریوں سے مزدوروں اور ملازمین کو نکالا جارہا ہے ،تنخواہیں روکی جارہی ہیں ، حالات نے سفید پوش اور متوسط طبقے کو بھی ضرورت مند بنادیا ہے ،جماعت اسلامی اور الخدمت اپنے وسائل اور اہل خیر کے تعاون سے ضرورت مندوں اور مستحقین کی مدد کے لیے کوشاں ہیں،بہادر آباد میگا راشن سینٹر سمیت شہر میں بڑی تعداد میں الخدمت کے ریلیف سینٹر قائم ہیں اور لوگوں کی مدد کی جارہی ہے۔ الخدمت کا فیومگیشن پروجیکٹ بھی سرگرم عمل ہے ،سینکڑوں مقامات پر اسپرے کیا جاچکا ہے ، جن میں مساجد ، مند ر اور گرجا گھربھی شا مل ہیں ۔الخدمت نے شہر کے بڑے اسپتالوں میں ڈاکٹروں اور پیرا میڈیکل اسٹاف کے لیے حفاظتی سامان مہیا کیا ہے ،سستی روٹی پروجیکٹ کے تحت شہر میں متعدد مقامات پر تندور کام کررہے ہیں ،پھل اور سبزیاں بھی دی جارہی ہیں ،آنے والے دنوں میں چکن اور گائے کے تازہ گوشت کی فراہمی کو ممکن بنایا جائے گا۔وبائی صورتحال کے باوجود جماعت اسلامی اور الخدمت کے ہزاروں رضاکار خدمت کے کاموں میں مصروف ہیں ۔انہوں نے کہاکہ ہم مل مالکان سے اپیل کرتے ہیں وہ موجودہ کٹھن حالات میں اپنے ملازمین اورمزدوروں کی سرپرستی کریں۔حافظ نعیم الرحمن نے کہاکہ رمضان کا بابرکت مہینہ ہے، مخیر حضرات مستحق اور ضرورت مندوں کی مدد کے لیے تعاون کریں۔ انہوں نے مطالبہ کیا کہ موجودہ حالات میں کم آمدنی والوںکے بجلی اور گیس بلوں کو معاف کیا جائے ۔انہوںنے کہاکہ مساجد میں نمازوں کے لیے مشاورت سے ایس او پیز تیار کیے گئے تھے اور ان پر عملدرآمد بھی ہورہاہے لیکن اس کے باوجود بعض عناصر اسے متنازع بناکر کنفیوژن پیدا کررہے ہیں۔

سندھ حکومت نے تاجروں کے الزامات پر مبنی سوشل میڈیا پر وائرل ہونے والی مبینہ آڈیو کی تحقیقات کے لیے ایف آئی اے کے سائبر کرائم کو خط لکھ دیا: سید ناصر حسین شاہ


nasir shah April 26, 2020 | 6:27 PM

کراچی :( نیوزآن لائن) صوبائی وزیر اطلاعات سید ناصر حسین شاہ نے کہا ہے کہ آ ج کل سوشل میڈیا پر تاجر رہنماں کی جانب سے وزیر اعلی سندھ اور ان کے خلاف جو بیان چل رہا ہے اس کا حقیقت سے کوئی تعلق نہیں ہے اور اس طرح کی مہم سندھ حکومت کے خلاف ایک سازش کے تحت چلائی جارہی ہے جس کا مقصد صوبے میں انتشار پھیلا نا ہے۔ انہوں نے کہا اس طرح کے بیانات کی تاجر رہنماں نے بھی تردید کردی ہے اور انہوں نے بھی اس کو ایک سازش قرار دیا ہے۔ سید ناصر حسین شاہ نے کہا کہ شر پسند عناصر کو سندھ حکومت کی عوام دوست پالیسی پسند۔ نہیں آ رہی ہے اس لیے وہ اس طرح کی مذموم حرکتیں کر رہے ہیں کیونکہ ان کو عوام کی جان کی کوئی پروا نہیں ہے اور ان کا مقصد ملک میں انتشار پھیلا نا ہے۔ سید ناصر حسین شاہ نے کہا کہ اس سلسلہ میں ایف آئی اے سایبر کرائم سرکل کو خط لکھ دیا گیا ہے کہ وہ اس طرح کے عناصر جو کہ جھوٹی من گھڑت اور بے بنیاد خبریں اور آ ڈیو پھیلا رہے ہیں ان کو بے نقاب کرکے قانون کے مطابق قرار واقعی سزا دلوائی جائے ۔ سید ناصر حسین شاہ نے کہا کہ اس بیماری سے بچا کے لیے سندھ حکومت ہر وہ قدم اٹھائے گی جو کہ عوام کی صحت کے لیے ضروری ہوگا۔ اس بیماری سے بچا کی ایک ہی صورت ہے کہ احتیاط کی جائے اور مکمل لاک ڈان کیا جائے اور غیر ضروری طور پر گھروں سے نہ نکلا جائے۔ ہم سب مل کر ایک دوسرے کے تعاون سے ہی اس وبا پر قابو پا سکتے ہیں۔

سفید پوش افراد کا خیال رکھنااور انکی خاموشی سے مدد کرنا احسن اور قابل تقلید عمل ہے۔ مہر خان


Caption-1 April 26, 2020 | 6:01 PM

فورم کی جانب سے سینکڑوں خاندانوں میں امداد فراہم کی ہے۔ خالد ممتاز ایڈووکیٹ
ہم سب پر فرض ہے کہ ہم غریبوں کی مدد کریں۔ نفیس احمد خان
کراچی :( نیوزآن لائن)سفید پوش افراد کا خیال رکھنا احسن اور قابل تقلید عمل ہے یہ بات لندن کی سابقہ میئر اور اظہر اقراء اسکول کی سرپرست محرک ان نے سوشل اسٹوڈنٹس فورم کے زیر اہتمام مستحقوں میں راشن کی تقسیم کے موقع پر خطاب کرتے ہوئے کہا کہ فورم کا جذبہ خدمت قابل تحسین ہے ھمارامکمل تعاون فورم کیلئے حاضر ھے,فورم کے صدر اور کراچی بار کے سابق جنرل سیکریٹری خالد ممتاز ایڈووکیٹ نے کہا کہ ہم نے راشن کاسلسلہ پچاس آٹے کی بوریوں سے کیا تھا اور الحمداللہ یہ سینکڑوں افراد اور خاندانوں تک پہنچ گیا ھم نے ھمت کی آلللہ تعالی نے ھماری مدد کی,قبل ازیں فورم کے چیئرمین نفیس احمد خان نے کہا کہ ھماری کوشش ھے ھم زیادہ سے زیادہ سفید پوش افراد کا خیال رکھیں اللہ ھماری نیتوں کو صاف رکھے اور ھماری چھوٹی سی کاوش کو قبول کرے۔ فورم کے سینئروائس چیئرمین مسعود احمد وصی نے کہا کہ ھماری فورم تعلیم اور صحت کے میدان میں خدمات انجام دے رہے ہیں آخر میں فورم کے ایڈیشنل سیکرٹری,قیصر جمال نے تمام اسٹاف کا شکریہ اداکیا,آخر میں تمام افراد میں راشن تقسیم کیاگیا۔

چئیرمین بلدیہ شرقی معید انور ومیونسپل کمشنر کی ہدایت پر فیومیگیشن ٹیمیں مکمل طور پر متحرک


baldiate news today April 26, 2020 | 5:28 PM

ضلع شرقی میں کورونا و دیگر مضر صحت جراثیموں سے بچائو کے لئے فیومیگیشن ٹیموںکی جانب سے ادویات کا چھرکا ئو جاری
کراچی:(نیوزآن لائن) چئیرمین بلدیہ شرقی معید انور، میونسپل کمشنر وسیم مصطفی سومرو کی ہدایت پر ضلع شرقی میں روزانہ کی بنیاد پر چار یوسیز میں جراثیم کش ادویات کا چھڑکاؤ کیا جا رہا ہے اس سلسلے میں یوسی 31اور27 میں مساجد، عبادت گاہوںاور علاقوں میں کورونا ودیگر جراثیموں سے بچاؤ کیلئے خصوصی ادویات کا چھڑکاؤ کیا گیا چئیرمین بلدیہ شرقی معید انور ومیونسپل کمشنر وسیم مصطفی سومرو نے کہا ہے کہ سندھ حکومت اور بلدیہ شرقی کی انفرادی کوششوں سے الحمداللہ بڑے پیمانے پر خصوصی ادویات کے چھڑکاؤ کا عمل برق رفتاری سے جاری ہے مساجد، عبادت گاہوں، علاقوں میں شہریوں کو کورونا ودیگر جراثیموں کو محفوظ بنانے کیلئے اقدامات کئے جارہے ہیں انہوں نے شہریوں سے گزارش کی ہے کہ وہ گھروں میں رہنے کو ترجیح دیں بلا ضرورت گھروں سے نکلنے کی وجہ سے کورونا کے بڑھنے کے خدشات میں اضافہ ہو جاتا ہے چئیرمین بلدیہ شرقی معید انور نے عوام سے اپیل کرتے ہوئے مزید کہا کہ رمضان المبارک آمد ہو چکی ہے تو ہمیں اپنی عبادات میں اللہ تعالیٰ سے دعا کرنی چاہیے کہ اللہ تعالی اس وبا سے جلد از جلد نجات دلائے جبکہ ہمارے قانون نافذ کرنے والے اداروں کو علیحدہ مشکلات کا سامنا کرنا پڑرہا ہے ہے لہذا شہری لاک ڈاؤن کا احترام کریں یہ سب کچھ آپ کی اور شہریوں کی صحت کیلئے کیا گیا ہے لہذا قانون نافذ کرنے والے اداروں سمیت ضروری سروسز فراہم کرنے والے اداروں کو مشکلات سے دوچار نہ کریں۔

دودن میں ہماری شنوائی نہیں ہوئی توکپڑے کے تاجر سپرہائی وئے کے درمیان تادم بھوک ہڑتال پر بیٹھ جائیں گے۔ گل وردک


DSC_1825 April 19, 2020 | 8:42 PM

کراچی :( نیوزآن لائن )عالمی وبا میں ہم اپنے ملک کے ساتھ دفاعی اداروں ،عدلیہ اور سیاسی حکام کے ساتھ شانہ بشانہ کھڑے ہیں ان خیالات کا اظہار سہراب کے گوٹھ میں کپڑے کے کارونار سے وابستہ تاجروں کو درپیش مسائل کے حوالے سے تاجر رہنما گل وردک نے اپنی رہائش گاہ پر پریس کانفرنس سے کرتے ہوئے کہا کہ افسوس کے ساتھ کہ ہم نے 25روز قبل وزیر اعلی سندھ صاحب کو پیغام دیا کہ ہمارے سہراب گوٹھ کے کپڑے کے کرائے دار دکاندار بہت نازک صورت حال سے دوچار ہیں اور 421کرایہ دار دکانوں کی لسٹ بشمول سیلز میںلسٹ اور ہفتہ وار بازار کی لسٹ جو کہ روزانہ کی بنیاد پر محنت ومزدوری کرکے اپنے اہل عیال کے ضروریات زندگی کا بندو بست کرتے تھے اب ان کے گھروں میں چولہے بجھ گئے ہیں دکانوں کے کرائے ان پر چڑھے جارہے ہیں اور سیلز مینزتنخواہوں کا تقاضہ کررہے ہیں اس ضمن میں صوبائی وزیر سید ناصر حسین شاہ نے مجھ سے فون پر رابطہ کیا دو روز کی یقین دہانی کرائی کہ آپ کی میٹنگ وزیر اعلی سندھ سے کرائی جائے گی ،اس بعد کمشنر کراچی چار روز بعد فون آیا انہوں نے بھی یقین دہانی کرائی کہ آپ کو وفد کی صورت میں بلائیں گئے ۔اور آپ کے مسائل کو سنجیدگی سے لے رہے ہیں اس بعد نے صوبائی وزیر ناصر حسین شاہ سے رابطہ کیا پر انہوں نے فون نہیں اٹھایا ۔میں اس موقع پر واضح کردو کہ صوبے بھر میں کپڑے کے کارونا سے وابستہ تاجر سب زیادہ ٹیکس ادا کرتے ہیں پر ہماری داد رسی کرنے والا کوئی نہیں ہے افسوس ہوتا ہے حکمرانوں کی پالیسیوں پر جہاں پلمبر کا کام کرنے والے کو اجازت پر سینیٹری کی دکانیں بند ہیں ہم حکومت کو واضح کرتے ہیں اگردو روز میں ہمارے مسائل پر توجہ نہ دی گئی تو ہم سپر ہائی وے کے درمیان میں بیٹھ کر تادم بھوک ہڑتال کریں گئے گھر میں بھوک سے مرنے سے بہتر ہے کہ ہم سڑکوں پر بھوت ہڑتال کرتے ہوئے مرجائیں ۔ہم سفید پوش کسی کے آگے ہاتھ نہیں پھیلا سکتے ہیں نہ ہی راشن کے لیئے لائنیں لگا سکتے ہیں ۔اس موقع پر تاج آکا خیل نے کہا کہ وفاق اور صوبائی حکومت ایک دوسرے کو نیچا دکھانے کی کوشش بند کردیں ان کی اس لڑائی میں تاجر پس رہے ہیں دکانیں کھولنے کی اجازت دیں ایسوپی پر عمل درآمد ہم کریں گے ۔ہمیں صورت حال کا اندازہ پر مگر کب تک کاروباری سرگرمیاں معطل رہیں گی

کورونا کی ٹیسٹ بڑھانے کیلیے ضلعہ جنوبی میں مزید تین موبائل ٹیمیں تشکیل دینے کا فیصلہ


corona April 19, 2020 | 8:26 PM

موبائل ٹیمیں لیاری, گارڈن اور گزری میں کورونا ٹیسٹ کریں گیں. ڈپٹی کمشنر ارشاد سوڈھر
کراچی:(نیوزآن لائن) کورونا کی ٹیسٹ بڑھانے کیلیے ضلعہ جنوبی میں مزید تین موبائل ٹیمیں تشکیل دینے کا فیصلہ کرلیا گیا, موبائل ٹیمیں لیاری, گارڈن اور گزری میں کورونا ٹیسٹ کریں گیں. ڈپٹی کمشنر ضلعہ جنوبی ارشاد سوڈھر نے کورونا وائرس کے متعلق اجلاس کی صدارت کرتے ہوئے مزید کہا کہ ضلعہ جنوبی کے تین بڑے علاقوں میں واک تھرو کورونا ٹیسٹنگ کی جائے گیں, موبائل لیب کے ذریعے ضلعی انتظامیہ اور انڈس اسپتال ملکر ٹیسٹ کریں گے. انہوں نے کہا کہ ضلعہ جنوبی میں مریضوں کی تعداد 300 ہے, جس میں سے 70 صحتیا ب ہوکر گھر جا چکے, 230 مریضو ں اسپتال اور گھروں میں کورنٹا ئن ہیں.ڈی سی ضلعہ جنوبی نے کہا کے 25 کورونا کے مریض ایکسپو سینٹر منتقل کیے ہیں اب تک ضلعہ ساتھ کے 50 مریض وہاں منتقل ہوچکے ہیں, صدر, لیاری اور ڈفینس میں لاک ڈان میں مزید سختی کرنے کا فیصلہ کیا گیا ہے, اضافی لوگوں کوایکسپو سینٹراور لیاری اسپتال منتقل کیا جائیگا, ضلعہ جنوبی میں لیڈی ہیلتھ ورکر سے بھی مدد لی جارہی ہے, لیڈی ہیلتھ ورکرگھرگھر جاکر ٹیسٹ کروانے اوراحتیاطی تدابیراختیار کرنے کی آگاہی دیں گیں, اجلاس میں ضلعہ جنوبی کے پولیس افسران اور انڈس اسپتال کے ڈاکٹرز بھی شریک تھے.

بلدیہ وسطی میں پارکس وگرین بیلٹس کو سر سبز رکھنے اور ان کی تزین و آرائش کا کام جاری ہے۔ریحان ہاشمی


Pic Spray April 19, 2020 | 8:20 PM

بلدیہ وسطی کا ریسکیو اور پارک کا عملہ ضلع وسطی کے مکینوں کو اس وائرس سے بچاؤ کے لئے اپنی بھر پور کوششیں کررہا ہے ۔ریحان ہاشمی
بلدیہ وسطی کاکرونا وائرس سے بچاؤ اور اس کے پھیلاؤ کو روکنے کے لئے ضلع میں جراثیم کُش اسپرے کا سلسلہ جاری ہے ۔ریحان ہاشمی
کراچی:(نیوزآن لائن)چیئر مین بلدیہ وسطی ریحان ہاشمی نے کہا کہ اس سنگین صورتحال میں بلدیہ وسطی کا ریسکیو اور پارکس کا عملہ ضلع وسطی کے مکینوں کو اس وائرس سے بچاؤ اور عوام کو صاف ستھرا صحت مند ماحول فراہم کرنے کے حوالے سے مصروف عمل ہے ،انہوں نے کہا کہ بلدیہ وسطی نے کرونا وائرس سے بچاؤ اور اس کے پھیلاؤ کو روکنے کے لئے ضلع وسطی میں ہنگامی بنیادوں پر جراثیم کُش اسپرے کا سلسلہ جاری رکھا ہوا ہے ۔ چیئر مین ریحان ہاشمی کی ہدایت پر ڈائریکٹر پارکس ندیم حنیف کے زیر نگرانی بلدیہ وسطی کے محکمہ پارکس کی جانب سے عوام کو صاف ستھرا اور صحت مند ماحول فراہم کرنے کے حوالے سے ناظم آ با د پیٹرول پمپ چورنگی اور لیاقت آ با د نمبر 10 پر گرین بیلٹس کو سر سبز رکھنے اور ان کی تزئین و آ رائش کے حوالے سے گرین بیلٹس پرقائم تجاوزات اور کچرے کے ڈھیر کو ہٹاکر شجر کاری مہم کے زریعے پودے لگا نے کا کام جاری ہے ۔ جبکہ دوسری جانب بلدیہ وسطی کے محکمہ ریسکیو اور پارکس کے عملے نے ضلع وسطی میں کورونا وائرس سے بچاؤ کے حوالے سے امام بارگاہ آل محمد اور سیکٹر 5-C-3نیو کراچی زون میں واٹر باؤزر کے زریعے جراثیم کش ادویات کا اسپرے کیا ۔ واضع رہے کہ محکمہ پارکس کا عملہ واٹر باؤزر کے زریعے جراثیم کش ادویات کے اسپرے کے ساتھ ساتھ گرین بیلٹس کی صفائی اور بیوٹیفیکیشن کے کاموں میں مصروف ہے ۔

کورونا وائرس کی وبا نے پوری دنیا کو ایک پیج پر کھڑا کردیا حافظ نعیم الرحمن


Event Ramadan Gift PIc April 19, 2020 | 8:11 PM

وبااہل ایمان کے لیے آزمائش اور خدائی دعویٰ کرنے والوں کے لیے عذاب ہے علاقہ گلبرگ میں تقریب رمضان گفٹ سے خطاب
پاکستان اللہ کی طرف سے نعمت ہے ،ملک کو اسلامی اسٹیٹ بنانے کے لیے طویل جدوجہد کی ضرورت ہے امیرجماعت اسلامی کراچی
کراچی:(نیوزآن لائن)امیر جماعت اسلامی کراچی حافظ نعیم الرحمن نے کہا ہے کہ کورونا وائرس کی وبا نے پوری دنیا کو ایک پیج پر کھڑا کردیا ، وبا سے آج دنیا کی تمام سپر پاور قوتیں بے بس ہوگئیں ہیں،کورونا وائرس اہل ایمان کے لیے آزمائش اور خدائی دعویٰ کرنے والوں کے لیے عذاب ہے ،بدقسمتی سے آج تمام اسلامی ممالک میں اسلامی قوانین اور اسلامی نظام نافذ نہیں ،پاکستان اللہ کی طرف سے ہمارے لیے نعمت ہے ،اس ملک کو اسلامی ریاست بنانے کے لیے طویل جدوجہد کرنے کی ضرورت ہے،رمضان المبار کی آمد ہے لیکن حکومت کی جانب سے عوام کے لیے رمضان پیکیج تک کا اعلان نہیں کیا گیااور نہ ہی اس حوالے سے کوئی ریلیف دی گئی ،حکمران پارٹیاں صلاحیت نہ ہونے کی وجہ سے عوام کو ڈیلیور کرنے میں ناکام ہورہی ہیں ۔ان خیالات کااظہار انہوں نے جماعت اسلامی ضلع گلبرگ وسطی کے تحت علاقہ گلبرگ میں تقریب رمضان گفٹ سے خطاب کرتے ہوئے کیا۔ اس موقع پر امیر جماعت اسلامی ضلع گلبرگ فاروق نعمت اللہ،قیم ضلع حسین احمد مدنی ،ناظم علاقہ عرفان شاہ ودیگر ذمہ داران بھی موجود تھے۔حافظ نعیم الرحمن نے خطاب کرتے ہوئے مزیدکہاکہ رمضان المبارک کا بابرکت مہینہ ہم سب پر سایہ فگن ہونے والا ہے ، رمضان المبارک رحمتوں، بخششوں اور برکتوں کا مہینہ ہے۔ یہ نیکیوں کا موسم بہار ہے۔ اس مہینے میں زیادہ سے زیادہ نیکیاں کرنی چاہئیں،پاکستان کا تحفہ اس مہینے میں ملا اور پاکستان اسلام کے نام پر قائم ہوا۔ لہٰذا اس ملک میں اسلامی نظام رائج ہونا چاہئے۔ رمضان کا احترام بھی ہونا چاہئے اورہمیں کثرت سے توبہ ،رجوع الی اللہ اور استغفار کا اہتمام کرنے کی ضرورت ہے تاکہ ہم اپنے گناہوں کی معاف کرواسکیں اور اللہ کی جانب سے کورونا آزمائش سے نجات حاصل کرسکیں۔عرفان شاہ نے کہاکہ کورونا وائرس سے متاثرہ خاندان ، مستحقین و ضرورت مندوں کے لیے لاکھوں روپے کا فنڈ جمع کیا گیا اور ضرورت مندوں کی عزت نفس کا خیال رکھتے ہوئے رات کی تاریکی میں گھر گھر جاکر راشن پہنچایا گیا،ضلع گلبرگ میں 10سے زائد مقامات پر ریلیف سینٹر بنائے گئے ،جس میں احتیاطی تدابیر اور وائرس سے بچاؤ کے لیے دو ہزار ماکس اور 5ہزار سینیٹائزر تقسیم کے گئے ،ہزاروں خاندانوں میں راشن تقسیم کیا گیا ،علاقے کی تمام مساجد ،چرچزاور مندر وں میں بھی جراثیم کُش اسپرے کیا گیا ۔

سپریم کورٹ اور سندھ ہائی کورٹ کے احکامات کے برعکس دہرے اور تہرے چارج دینے کی مذمت کرتے ہیں۔ آل پاکستان آفیسرز ایکشن کمیٹی


karachi April 19, 2020 | 8:08 PM

واثق فریدی، صباح الاسلام ، مظہر خان، شعیب وقار، جاوید رحیم، نذیر لاکھانی، احسن مرزا، ڈاکٹر فاروق، راشد نظام ، جبار بھٹی، تسنیم احمد،عبداللہ مشتاق، اقبال نواز، محمود الحسن ، درانی، آفاق درانی سمیت تمام سائڈ پر لگائے گئے افسران کی تعیناتی کی جائے۔ آل پاکستان آفیسرز ایکشن کمیٹی
جمیل فاروقی ،فرید تاجک، عمران راجپورت، ریاض کھتری، بشیر صدیقی، عبدالرب، علی حسن ساجد، مسعود عالم ، نعمان ارشد و دیگر سے اضافی چارج واپس لئے جائیں۔ نبیلہ خانم چیئرپرسن آل پاکستان آفیسرز ایکشن کمیٹی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی:(نیوزآن لائن )آل پاکستان آفیسرز ایکشن کمیٹی کی چیئرپرسن نبیلہ خانم نے چیف جسٹس سندھ ہائی کورٹ ، چیف سیکریٹری سندھ ،وزیر بلدیات ، سیکریٹری بلدیات کو لکھے گئے خط میں بلدیہ عظمی کراچی میں قانون کی دھجیاں بکھیرنے اور سپریم کورٹ اور سندھ ہائی کورٹ کے احکامات کے برعکس دہرے اور تہرے چارج دینے کی مذمت کرتے ہوئے کہا ہے کہ اہل افسران واثق فریدی، صباح الاسلام ، مظہر خان، شعیب وقار، جاوید رحیم، نذیر لاکھانی، احسن مرزا، ڈاکٹر فاروق، راشد نظام ، جبار بھٹی، تسنیم احمد، عبداللہ مشتاق، اقبال نواز، محمود الحسن ، درانی، آفاق درانی سمیت تمام سائڈ پر لگائے گئے افسران کی تعیناتی کی جائے۔جبکہ جمیل فاروقی ،فرید تاجک، عمران راجپورت، ریاض کھتری، بشیر صدیقی، عبدالرب، علی حسن ساجد، مسعود عالم ، نعمان ارشد و دیگر سے اضافی چارج واپس لئے جائیں۔ نبیلہ خانم چیئرپرسن آل پاکستان آفیسرز ایکشن کمیٹی نے 2016سے ابتک کی جانے والی ترقیوں کو بھی چیلنج کیا ہے جس میں عدالتی حکم کے برخلاف اصغر عباس اور جمیل فاروقی کو ترقیاںو تعیناتی دیکر توہین عدالت کی گئی ۔ جس میں میئر،ڈپٹی میئر اور میونسپل کمشنرکی بھرپور مداخلت شامل ہے۔نبیلہ خانم نے کہا کہ ہم عدالت عالیہ میں جانے سے پہلے حکومت کو موقع دینا چاہتے ہیں ۔ اس لئے روشن شیخ فوری دہرے چارچ، دہری شہریت والے افسران سے عہدے واپس لیں۔ فائر بریگئیڈ جیسے محکمے کو بھی جونیئر اور نا اہل افسر کے حوالے کردیا گیا ہے۔ نبیلہ خانم نے کہا کہ کراچی کے صدر سمیع یوسف جلد پیٹیشن ڈاخل کرنے والے ہیں ہم ارباب اقتدار کو فوری کاروائی کی اپیل کرتے ہیں تاکہ ہمیں اداروں سے متصادم نہ ہونا پڑے۔ بلینک کالز اور طلبی اور افسران کو ہراساں کرنے پر بھی تفصیل بھیج دی گئی ہے اس پر بھی ایکشن لیا جائے۔

وزیر بلدیات سندھ ناصر حسین شاہ کا ضلع شرقی میں جراثیم کش ادویات کے چھڑکاؤ کے کاموں کا معائینہ


baldiya news April 19, 2020 | 8:03 PM

کراچی :( نیوزآن لائن)صوبائی وزیر بلدیات سندھ سید ناصرحسین شاہ نے چئیرمین بلدیہ شرقی معید انور، ایم ڈی سندھ سالڈ ویسٹ مینجمنٹ بورڈ آصف اکرام اور میونسپل کمشنر ایسٹ وسیم مصطفی سومرو کے ہمراہ نیپا چورنگی سے کامران چورنگی یوسی 27 میں جاری جراثیم کش ادویات کے چھڑکاؤ کی مہم کا معائینہ کیا، وزیر بلدیات سندھ نے جراثیم کش ادویات کے چھڑکاؤ کی مہم پر اطمینان کا اظہار کیا اور کہا کہ جن علاقوں میں کورونا کیسز کی تعداد زیادہ ہے ان علاقوں میں بھرپور اقدامات کئے جا رہے ہیں اس موقع پر چئیرمین بلدیہ شرقی معید انور نے انہیں ضلع شرقی میں جراثیم کش ادویات کے چھڑکاؤ کے حوالے سے بریفنگ دیتے ہوئے بتایا کہ بلدیہ شرقی نے ضلع شرقی کے ہر علاقے تک مہم کو سر انجام دینے کیلئے مسلسل مہم کی رفتار میں تیزی لاء ہے جن علاقوں میں کورونا وائرس کے کیسز موجود ہیں وہاں خصوصی طور پر جراثیم کش ادویات کا چھڑکاؤ کیا جا رہا ہے جبکہ مہم کو وسعت دیتے ہوئے فیومیگیشن ٹیموں کی تعداد کو بڑھایا ہے جبکہ دو باؤزر ٹینکرز بھی عوام اور جگہوں کو ڈس انفیکٹ کرنے کیلئے استعمال کئے جا رہے ہیں، سندھ سالڈ ویسٹ مینجمنٹ بورڈ کے باؤزر بھی جراثیم کش ادویات کے چھڑکاؤ اور علاقوں کو ڈس انفیکٹ کرنے میں شامل ہیں، ہماری پوری کوشش ہے کہ ضلع شرقی کو کورونا وائرس سمیت دیگر جراثیموں کے خاتمے کے حوالے سے جو خدمات ضلع شرقی سر انجام دے سکتا ہے اسے سر انجام دیا جائے اس موقع پر میونسپل کمشنر ایسٹ وسیم مصطفی سومرو نے بھی وزیر بلدیات سندھ سید ناصر حسین شاہ کو ضلع شرقی میں علاقوں ودیگر پبلک پلیسز کو ڈس انفیکٹ کرنے کے حوالے سے کئے جانے والے اقدامات سے آگاہ کیا اس موقع پر ان کے ہمراہ ڈائریکٹر سالڈ ویسٹ رحمت اللّہ پیر ذادہ انچارج فیومیگیشن راؤ شمشاد ودیگر بھی موجود تھے۔

حکومت سندھ کیجانب سے کئے گئے تمام ممکنہ اقدامات کے باوجود کورونا کے مریضوں کی تعداد میں اضافہ ہم سب کیلئے لمحہ فکریہ ہے۔ ملک فیاض اعوان


io April 12, 2020 | 9:33 PM

کراچی:(نیوزآن لائن) شہر میں کورونا وائرس سے متاثرہ افراد کی بڑھتی ہوئی تعداد پر چیئرمین ڈی ایم سی سائوتھ ملک فیاض اعوان نے اپنی گہری تشویش کااظہار کرتے ہوئے کہا ہے کہ کورونا وائرس کے پھیلائو کوروکنے کیلئے حکومت سندھ کیجانب سے کئے گئے تمام ممکنہ اقدامات کے باوجود کورونا کے مریضوں کی تعداد میں اضافہ ہم سب کیلئے لمحہ فکریہ ہے وزیراعلی سندھ سیدمراد علی شاہ شروع سے ہی اس بات پرزوردے رہے تھے کہ کورونا وائرس کے سدباب کیلئے کئے گئے اقدامات کی کامیابی کا دارومدار عوامی تعاون کے بغیرممکن نہیں مگر بدقسمتی سے اس سنگین صورتحال میں لاک ڈائون کے باوجود عوام کیجانب سے مکمل احتیاتی تدابیراختیار کرکے خود کو اور دوسروں کو اس وائرس سے محفوظ رکھنے کیلئے اس سنجیدگی کامظاہرہ سامنے نہیں آیا جس کی آزمائش کی اس گھڑی میں اشدضرورت تھی چیئرمین ملک فیاض اعوان کامزیدکہنا تھا کہ عوام اپنے گھروں تک محدود رہنے اور سماجی رابطوں سے گریزکرنے کے حکومتی فیصلے پرمکمل سنجیدگی کا مظاہرہ کرتے ہوئے سختی سے عمل کریں اور لاک ڈائون کی خلاف ورزی کرنے کے بجائے اپنی اور دوسروں کی زندگیاں محفوظ بنانے کیلئے رشتے داروں اور دوستوں سے ملنے سے اجتناب برتیںکیونکہ اس طریقے کواپنا کرہی اس وائرس کو پھیلنے سے روکا جاسکتا ہے دریں اثناء کورونا وائرس کے پھیلائو کے سدباب کیلئے ڈی ایم سی سائوتھ انتظامیہ کیجانب سے ٹینکرزکے ذریعے جراثیم کش محلول اسپرے مہم اتوار کوبھی جاری رہی چیئرمین سائوتھ ملک فیاض اعوان کی نگرانی میں محکمہ باغات کے عملے نے شاہراہ لیاقت آرام باغ،عبداللہ ہارون روڈ، موبائل مارکیٹ، ریگل چوک، اردوبازار، برنس روڈ،آٹھ چوک اور لیمارکیٹ اور اطراف کے علاقوں میںاسپرے کاکام انجام دیا اس موقع پرمیونسپل کمشنر گل محمدکھوکھر اور ڈائریکٹر پارکس عاصم علی خان بھی موجودتھے جبکہ محکمہ سینیٹیشن اسٹاف نے ہنگورہ آباد، آگرہ تاج کالونی، کلری،کھارادر،جوڑیا بازار، ٹھٹائی کمپائونڈاور صدر سمیت مختلف علاقوں میں ڈس انفیکٹیو اسپرے کاکام مکمل کیا۔

ضلع وسطی میں کورونا وائرس سے ممکنہ بچاؤ کے لئے جراثیم کُش ادویات کے اسپرے کا سلسلہ جاری


Pic 2 April 12, 2020 | 9:24 PM

کراچی:(نیوزآن لائن) ضلع وسطی میں کورونا وائرس سے ممکنہ بچاؤ کے لئے جراثیم کُش ادویات کے اسپرے کا سلسلہ بلا تعطل جاری ہے اور اس سلسلے میں محکمہ ریسکیو کا عملہ ضلع وسطی میں کورونا وائرس سے ممکنہ بچاؤ کے لئے شب و روز جراثیم کُش ادویات کے اسپرے اور سماجی فاصلوں کی آگہی کے نشانات لگانے کے کاموں میں مصروف ہے۔ چیئرمین بلدیہ وسطی ریحان ہاشمی و میونسپل کمشنر محمد فہیم خان کی ہدایت پر محکمہ ریسکیو کے عملے نے 11 سی نارتھ ناظم آباد کی مختلف گلیوں ،مساجد اور ایم ایس ہاسپٹل ناظم آباد میں جراثیم کُش ادویات کا اسپرے کیا۔ چیئرمین بلدیہ وسطی ریحان ہاشمی نے کہا کہ حق پرست منتخب بلدیاتی نمائندے اور بلدیاتی عملہ کورونا اور لاک ڈاؤن کی صورتحال میں عوام کے درمیان موجود ہیں اور انھیں ہرممکن ریلیف فراہم کرنے کی کوشش کررہے ہیں۔واضع رہے کہ بلدیہ وسطی کا ریسکیو عملہ کورونا وائرس اور لاک ڈاؤن سے پیدا ہونے والی صورتحال میں مسلسل ضلع وسطی کے مختلف علاقوں میں جراثیم کش اسپرے کرنے میں مصروف عمل ہے دوسری جانب محکمہ پارکس
اور ریسکیو کا عملہ ضلع وسطی کے مختلف علاقوں اور شاہراہوں پر واٹر باؤزر کے زریعے کلورین ملے پانی کا اسپرے کر رہا ہے ۔

آئی ایس او پاکستان کراچی ڈویژن کا کورونا وائرس کے خاتمے کیلئے “خدمت مہم” جاری


iso April 12, 2020 | 9:20 PM

کراچی:(نیوزآن لائن )آئی ایس او پاکستان کراچی ڈویژن شعبہ اسکاٹس کی جانب سے کورونا وائرس کے خاتمے کے لیے “خدمت مہم” جاری ہے ،اس “خدمت مہم” کے سلسلے میں کل بروز پیر کراچی پریس کلب میں کرونا وائرس سے بچا کے لیے سپرے کیا جائے گا۔

مہاجر نیشنل موومنٹ کی تنظیم توڑ دی گئی۔عارضی کنوینر ڈاکٹر انور نامزد


Karachi-Sindh April 12, 2020 | 9:16 PM

عارضی کمیٹی قائم ۔ شبلی، یونس میمن ، عبدالقیوم ، نفیس فاطمہ، اقبال کامریڈ،سمیت بیس افراد کی رکنیت کا خاتمہ۔ تنظیم کے انتخابات کا اعلان ۔ سات رکنی منشور کا اعلان کل کریں گے۔ ڈاکٹر انور
کراچی:(نیوزآن لائن)مہاجر نیشنل موومنٹ کی تنظیم توڑ دی گئی۔سپریم کونسل کی اجازت سے ڈاکٹر انور کو عارضی کنوینر نامزد کردیا گیا۔ جبکہ عارضی ایڈھاک ورکنگ کمیٹی میں عادل شفیق، روبینہ یاسمین، انصر اقبال ، سجاد مہدی اور فرحین کنول شامل ہیں ۔ مہاجر نیشنل موومنٹ کی سپریم کونسل نے ۔ شبلی، یونس میمن ، عبدالقیوم ، نفیس فاطمہ، اقبال کامریڈ،سمیت بیس افراد کی رکنیت کا خاتمہ کردیا ہے۔ جبکہ تنظیم کے انتخابات کا اعلان جلد منعقد کرنے کے لئے الیکشن انچارج افشاں اور مسرت جبیں کو بنایا گیا ہے ۔ سات رکنی منشور کا اعلان کل کریں گے۔ ڈاکٹر انور نے کہا ہے کہ مہاجر نیشنل موومنٹ کو بہت سی سازشوں کا سامنا تھا۔ ہم نے بلدیاتی انتخابات سے پہلے پارٹی کو منظم اور مہاجر منشور پر صحیح سمت میں لے جانے کا فیصلہ کیا ہے۔ ہم پر بی ٹیم کا الزام لگتا رہا۔ ہم اب کسی کا چارہ کار نہیں بنیں گے۔ مہاجر اتحاد کے لئے کسی کے بھی پاس جانے میں حرج نہیں ۔ افسوس کرونا جیسے حالات میں فیصلہ لینا پڑا۔

کورونا وائرس سے بچاؤ کیلئے بلدیہ شرقی کا جراثیم کش ادویات کے چھڑکاؤ کا عمل جاری


5.4.2020 April 5, 2020 | 10:24 PM

20 فیومیگیشن ٹیموں اور دو باؤزر ٹینکرز کی مدد سے یوسیز میں جراثیم کش ادویات کا چھڑکاؤ کیا جا رہا ہے، چئیرمین بلدیہ شرقی معید انور
شہری حکومتی ہدایات پر عمل کریں، جراثیم کش ادویات کے چھڑکاؤ ودیگر اقدامات کو جاری رکھکر شہریوں کو ریلیف فراہم کیا جائیگا، چئیرمین بلدیہ شرقی معید انور
کراچی :( نیوزآن لائن. چئیرمین بلدیہ شرقی معید انور نے کہا ہے کہ کورونا وائرس کے بڑھتے رحجان کو کم کرنے کیلئے شہری حکومتی ہدایات پر عمل کریں تاکہ اس مضر صحت وبائی سے چھٹکارا حاصل کیا جاسکے،بلدیہ شرقی میں جراثیم کش ادویات کا چھڑکاؤ، سینیٹائزر، ماسک کی تقسیم کے ساتھ فرینڈز آف ڈی ایم سی ایسٹ کے تعاون سے راشن کی تقسیم جاری ہے ان خیالات کا اظہار انہوں نے یوسی 26 بلاک 7 گلشن اقبال میں فیومیگیشن ٹیموں اور واٹر باؤزر کے ذریعے جراثیم کش ادویات کے چھڑکاؤ کے معائینے کے دوران کیا انہوں نے مزید کہا کہ ضلع شرقی میں جس جگہ بھی کورونا وائرس سے متاثرہ مریضوں کا معلوم ہوتا ہے وہاں اسپیشل فیومیگیشن ٹیمیں اتار رہے ہیں جو متاثرہ گھر وعلاقے میں کام کر کے کورونا ودیگر مضر صحت جراثیموں سے بچاؤ کیلئے اقدامات کر رہی ہیں، یوسیز میں 20 فیومیگیشن ٹیموں اور دو باؤزر ٹینکرز کی مدد سے بڑے پیمانے پر جراثیم کش ادویات کا چھڑکاؤ کیا جا رہا ہے اسوقت ضلع شرقی کی تقریبا تمام یوسیز میں جراثیم کش ادویات کا چھڑکاؤ کیا جاچکا ہے جو آگے بھی جاری رکھا جائیگا
گزشتہ روز بلدیہ شرقی کے زیر انتظام یوسی 24 کے گرجاگھروں سمیت یوسی 15,16 اور 26 میں فیومیگیشن ٹیموں اور دو باؤزر ٹینکرز نے علاقوں، مساجد، عبادت گاہوں، قانون نافذ کرنے والے اداروں کے دفاتر سمیت اہم سروسز کے دفاتر میں جراثیم کش ادویات کے چھڑکاؤ کو یقینی بنایا جبکہ یوسی 26 کے دورے کے دوران یوسی چئیرمین علی امام، وائس چئیرپرسن رابعہ سلطانہ وبلدیہ شرقی کے افسران بھی چئیرمین بلدیہ شرقی کے ہمراہ موجود تھے۔

وزیر اعلی سندھ کراچی کے بلدیاتی اداروں کو بھی سندھ کا حصہ سمجھیں ابتک نہ تنخواہیں دی گئیں ہیں نہ اضافی تنخواہیں۔ رباب جعفری۔ غلام مصطفی


karachi April 5, 2020 | 1:56 PM

کرونا وائرس سے کراچی کے بلدیاتی ادارے بھی متاثر ہیں ۔یوسیز کے ملازمین کو بلا لیا گیا لیکن راشن کی تقسیم سے محروم رکھا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی:(نیوزآن لائن) آل پاکستان آفیسرز ایکشن کمیٹی سندھ کی سینئر وائس چیئرپرسن رباب جعفری ، وائس چیئرمین غلام مصطفی نے وزیر اعلی سندھ کی توجہ مبذول کراتے ہوئے کہا ہے کہ وزیر اعلی سندھ کراچی کے بلدیاتی اداروں کو بھی سندھ کا حصہ سمجھیں ابتک نہ تنخواہیں دی گئیں ہیں نہ اضافی تنخواہیں۔انکے ٢٥ مارچ تک تنخواہوں کی ادائیگی کے دعوی ہوا ہو چکے ہیں۔ کرونا وائرس سے کراچی کے بلدیاتی ادارے بھی متاثر ہیں ۔یوسیز کے ملازمین کو بلا لیا گیا لیکن راشن کی تقسیم سے محروم رکھا گیا ہے۔ملازمین و افسران شدید مشکلات کا شکار ہیں۔میئر کراچی نے ابتک جون کی اضافی تنخواہیں نہ دیکر ظلم کی حد کی ہوئی ہے۔ نا اہل افسران اور کمیشن مافیا ملازمین کے لئے رقوم نہیں ہونے دیتی۔ مرجانے والوں کو معاوضہ نہیں دیا جاتا۔ افسران کو اداروں کے سپرد کرکے انکے ہارٹ اٹیک کا بندوبست کردیا جاتا ہے۔ میئر ، ڈپٹی میئر اقتدار اور آسائشوں کے مزے لے رہے ہیں۔ وزیر اعلی سندھ ، وزیر بلدیات خصوصی توجہ دیں اور تنخواہیں ادا کرائیں ۔

کورونا وائرس کا مقابلہ کرنے پر پاک فوج کو سلام، مرزا عالم بیگ


IMG_9448 copy March 29, 2020 | 8:26 PM

وزیراعلی سندھ کے بروقت اقدامات نے موذی وبا کو پھیلنے روکا
کراچی :( نیوزآن لائن) بحیثیت قوم ہم اس وقت ایک ایسے بحران کا شکار ہیں جس نے نہ صرف پاکستان بلکہ تمام دنیا کو اپنی لپیٹ میں لیا ہوا ہے۔ اللہ پاک پاکستان سمیت تمام تر دنیا کو کو اس کورونا جیسی وبا سے جلد سے جلد نجات دے ان خیالات کا اظہار سماجی رہنما مرزاعالم بیگ نے اپنے ایک بیان میں کیا انہوں نے کہا کہ اس وقت قوم کو تمام تر احتیاطی تدابیر اختیار کرنا انتہائی ضروری ہے جس کی وجہ سے ہم اس وبا کا مقابلہ کرسکتے ہیں۔ انہوں نے کورونا وبا کے خلاف پہلی صفوں میں کام کرنے والے ڈاکٹروں نرسوں اور دیگر طبی عملے کے علاوہ پاک فوج، رینجرز، پولیس سیکیورٹی اہلکار، میڈیا ورکرز امدادی ادارے اور دیگر کو خراج تحسین پیش کرتے ہوئے کہا کہ ان تمام اداروں و افراد کی کوششیں کسی طور بھی فرشتوں سے کم نہیں ۔ انہوں نے سندھ میں وبا کے خلاف بروقت عملی اقدامات کرنے پر وزیراعلی سندھ سید مراد علی شاہ اور ان کی ٹیم کی کاوشوں کو سراہتے ہوئے خراج تحسین پیش کیا اور مبارکباد دی۔ انہوں نے کہا کہ وزیراعلی سندھ کے بروقت اقدامات نے جنہیں مخالفین نے تنقید کا نشانہ بنایا وقت نے ثابت کیا کہ ان ہی اقدامات نے اس موذی وبا کو پھیلنے روکا۔انہوں نے کہا کہ موجودہ صورتحال میں جہاں ہر صاحب حیثیت انفرادی و اجتماعی طور پر قوم کو اس مسئلے سے نکالنے میں مصروف عمل ہیں وہیں کچھ غیرقانونی نام نہاد این جی اوز اپنے اپنے اداروں کی خود نمائی کے لئے غیرقانونی اور غیراخلاقی طریقہ کار اختیار کرتے ہوئے صاحب حیثیت لوگوں کو دھمکی آمیز فون کر کے جبرا ان سے امداد کے نام پر بڑی بڑی رقومات وصول کررہے ہیں۔ ان سے درخواست ہے کہ وہ ایسے ہتھکنڈوں سے باز آجائیں ۔ اور جو ادارے جیسے الخدمت، سیلانی، عالمگیر، جے ڈی سی ، ایدھی، چھیپا خدا کی رضا کے لئے دکھی انسانیت کی خدمت میں مصروف عمل ہیں اللہ انہیں مزید توفیق عطا فرمائے۔ہم ایک بار پھر پاک فوج پیرا ملٹری کے جوانوں اور افسروں کو سلام پیش کرتے ہیں کہ وہ سرحدوں کے ساتھ ساتھ کرونا وائرس جیسی موزی مرض سے قوم کو بچانے کے لئے میدان میں اترے ہوئے ہیں ۔

چئیرمین بلدیہ وسطی ریحان ہاشمی کی کورونا وباء سے ممکنہ حفاظت کی ایک اور کاوش


baldiyate March 29, 2020 | 8:24 PM

بلدیہ وسطی کے واٹر ٹینکرز کے ذریعے مختلف گلیوں,محلوں, علاقوں میں جراثیم کش اسپرے کا آغاز
چئیرمین بلدیہ وسطی ریحان ہاشمی نے جراثیم کش اسپرے مہم کی خود نگرانی کی
محکمہ ریسکیو کے اہلکاروں کی کورونا سے بچاؤ سے متعلق سماجی فاصلوں کو برقرار رکھنے کے کی آگہی کا سلسلہ جاری
مختلف مقامات پر سماجی فاصلوں سے آگہی کے لیے چونے سے نشان لگادیے گئے
عوام میں کورونا سے ممکنہ بچاؤ سے متعلق آگہی ہینڈ بلز کے ساتھ ماسک اور دستانے بھی تقسیم کیے جارہے ہیں, ریحان ہاشمی
عوام کی جانوں کی حفاظت کے لیے ہر ممکن اقدامات کررہے ہیں, ریحان ہاشمی
علاقوں میں اعلانات کے ذریعے لوگوں کو گھروں میں محفوظ رہنے کی اپیل کی جارہی ہے, ریحان ہاشمی
کراچی:(نیوزآن لائن) چیئرمین بلدیہ وسطی ریحان ہاشمی کا کرونا وائرس کے خطرے کے پیش نظر ضلع وسطی میں ہنگامی و مؤثر اقدامات کا سلسلہ جاری ہے. اس سلسلے میں بلدیہ وسطی کے واٹر ٹینکرز کے ذریعے ضلع بھر کی گلیوں, محلوں, شاہراہوں اور علاقوں میں جراثیم کش اسپرے کا چھڑکاؤ کیا گیا.چیئرمین بلدیہ وسطی ریحان ہاشمی نے یوسی چئیرمینز راحت حسین اور عفان سلیم کے ہمراہ جراثیم کش ادویات کے اسپرے کے عمل کی خود نگرانی کی. دوسری جانب چیئرمین بلدیہ وسطی ریحان ہاشمی کی ہدایت پر بلدیہ وسطی کی ریسکیو ٹیم نے ڈائریکٹر ریسکیو داور عباس کی نگرانی میں ضلع وسطی کے مختلف علاقوں، مارکیٹوں اور دکانوں میں عوام کو حفاظتی ماسک، دستانے, ہینڈ بلز بھی تقسیم کئے اور مختلف چوکوں اور چوراہوں, گھروں, دکانوں اور بازاروں پر اسپرے کرایا گیا۔ ریسکیو ٹیم کی جانب سے دودھ، سبزی اور گوشت کے دکانداروں کو حفاظتی ماسک اور دستانوں دستانوں کے استعمال کو یقینی بنانے کی تاکید بھی کی گء جبکہ سماجی فاصلوں کو برقرار رکھنے سے متعلق دکانوں اور دیگر عوامی مقامات ہر فاصلوں کے ساتھ چونے سے نشانات بھی بنائے گئے۔ چئیرمیں بلدیہ وسطی ریحان ہاشمی نے کہا ہے کہ عوام کی جانوں کی حفاظت کے لیے ہر ممکن اقدامات کررہے ہیں اور علاقوں میں اعلانات کے ذریعے لوگوں کو گھروں میں محفوظ رہنے کی اپیل کی جارہی ہے جبکہ آج سے اس تمام آپریشن کا سلسلہ تیز کردیا جائے گا۔اس موقع پر بلدیہ وسطی
کی انتظامیہ اور ریسکیو عملے کی کارکردگی کو لوگوں نے

سندھ میں کرونا وائرس کے نام پر فنڈز کی تحقیقات کی جائے: ڈاکٹر سلیم حیدر


dr saleem haider MIT March 29, 2020 | 8:19 PM

پندرہ سال سے پیپلزپارٹی کی حکومت صوبے کے وسائل کو لوٹ رہی ہے
جو حکومت ایڈز اور ہیپاٹائٹس کے مریضوں کا علاج نہیں کراسکی اس سے کوئی امید نہیں کی جاسکتی
کراچی:(نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے کہا ہے کہ کورونا وائرس کے نام پر سندھ میں خرچ کئے جانے والے فنڈز کو مانیٹر کرنے کیلئے ہائیکورٹ کے اعلیٰ سطح ججز پر مشتمل کمیٹی بنائی جائے جو اس بات کا تعین کرے کہ اربوں روپے کے یہ فنڈز وفاقی اور صوبائی حکومتیں کس طرح خرچ کررہی ہیں کیونکہ سندھ میں پیپلزپارٹی کی کرپٹ حکومت 15 سال سے سندھ کے وسائل کو لوٹ رہی ہے اور اب یہ قدرتی آفات پر ملنے والے فنڈز بھی لوٹنے کیلئے سرگرم ہوگئی ہے۔ انہوں نے کہاکہ سندھ کے شہری علاقوں میں 10 روز سے کاروبار بند اور نظام زندگی مفلوج ہے ۔ غریب مزدور جوکہ پہلے ہی معاشی بدحالی کا شکار تھے اب فاقہ کشی میں مبتلا ہورہے ہیں لیکن یہ حکومت اب تک نہ تو کسی ایک شخص کو راشن دے پائی ہے اور نہ ہی ان کی ضرورت کا سامان، جس کے بعد یہ اندازہ لگایا جاسکتا ہے کہ کرونا وائرس کے نام پر اربوں روپے کے یہ فنڈز کس کی جیب میں جائیں گے ۔ پیپلزپارٹی جو زکوٰة و خیرات کی رقم بینظیر انکم سپورٹ پروگرام کے نام پر اعلیٰ افسران اور جیالوں میں تقسیم کرتی ہے اس سے یہ توقع نہیں کی جاسکتی کہ وہ سندھ کے شہری علاقوں کی کچی آبادیوں اور غریب افراد میں راشن تقسیم کرے گی اس کا اندازہ اس بات سے بھی لگایا جاسکتا ہے کہ حیدرآباد میں شرجیل انعام میمن جیسے مستند نیب زدہ اور کرپٹ شخص کو فوکل پرسن بناکر انتظامیہ کو ان کے ماتحت کردیا گیا ہے ۔ انہوں نے کہاکہ پیپلزپارٹی کی حکومت جو لاڑکانہ اور سندھ کے دیگر اضلاع میں ایڈز میں مبتلا ہوجانے والے سینکڑوں افراد کو علاج کے لئے دوا دینے کو تیا رنہیں جو ہیپاٹائٹس کنٹرول پروگرام کے نام پر اربوں روپے کی کرپشن کررہی ہو ، ملیریا ، ٹی بی کنٹرول پروگرام کے نام پر وڈیرے او رمن پسند افسران عیاشیاں کررہے ہوں ان سے کرونا جیسی آفت سے نمٹنے کے نام پر غریب عوام کی مدد کی کس طرح توقع کی جاسکتی ہے۔

کورونا و دیگر مضر صحت جراثیموں سے بچاؤ کیلئے چئیرمین بلدیہ شرقی معید انور کا بڑا قدم


baldiyate news March 29, 2020 | 8:17 PM

یوسیز میں ٹینکرز کے ذریعے بڑے پیمانے پر جراثیم کش ادویات کا چھڑکاؤ کیا جا رہا ہے
یوسی 25 کے بعد یوسی 21 میں دو ٹینکرز میں براؤزر لگا کر تیزی سے جراثیم کش ادویات
کا چھڑکاؤ کیا گیادو دنوں میں آٹھ یوسیز میں فیومی گیشن ٹیموں نے مساجد، عبادت گاہوں، دفاتر اور علاقوں میں جراثیم کش ادویات کے چھڑکاؤ کا عمل سرانجام دیا
کراچی: (نیوزآن لائن)چئیرمین بلدیہ شرقی معید انور و میونسپل کمشنر وسیم مصطفی سومرو کی جانب سے عوام کو کورونا وائرس ودیگر مضر صحت جراثیموں سے بچانے کیلئے بڑا اقدام کیا گیا اب یوسیز میں بڑے پیمانے پر ٹینکرز میں براؤزر لگا کر جراثیم کش ادویات کا چھڑکاؤ سر انجام دیا جا رہا ہے یوسی 25 کے بعد یوسی 21 میں رات گئے تک دو ٹینکرز کی مدد سے جراثیم کش ادویات کا چھڑکاؤ سر انجام دیا گیا اس اقدام کو عوام کی جانب سے بیحد سراہا گیا چئیرمین بلدیہ شرقی معید انور نے کہا ہے کہ کورونا وائرس و دیگر مضر صحت جراثیم سے بچاؤ کیلئے بلدیہ شرقی ہر وہ راستہ اختیار کر رہی ہے جس سے شہریوں کو ریلیف فراہم کیا جاسکے ٹینکرز اور فیومیگیشن ٹیمیں علاقوں، مساجد، دیگر مذہبی عبادت گاہوں میں جراثیم کش ادویات کا مسلسل چھڑکاؤ کر رہی ہیں گزشتہ دو دنوں میں دس یوسیز 3،4،5،6،19،20،21،23،25،28 میں جراثیم کش ادویات کے چھڑکاؤ کو یقینی بنایا گیا ہے اور یہ سلسلہ تواتر کے ساتھ جاری رکھا جا رہا ہے انہوں نے شہریوں سے پھر گزارش کی ہے کہ وہ گھروں میں رہ کر کورونا کو شکست دینے میں مدد فراہم کریں یوسی 21 کے چئیرمین محمد عدنان خان نے چئیرمین بلدیہ شرقی معید انور کے ٹینکر کے ذریعے جراثیم کش ادویات کے چھڑکاو کو زبردست الفاظ میں سراہتے ہوئے کہا کہ کورونا وائرس سے بچاؤ کیلئے منتخب نمائندے عوام کی جان کے تحفظ کیلئے ہر ممکن اقدام بروئے کار لا رہے ہیں ٹینکر کے ذریعے پوری یوسی میں اسپرے سے یقینی طور پر بہترین نتائج برآمد ہونگے۔

کورونا وائرس کے حوالے ممبر قومی اسمبلی قادر پٹیل نے اورنگی ٹائون کے مختلف اسپتالوں کا دورہ


01 March 22, 2020 | 9:32 PM

کراچی :( نیوزآن لائن)کورونا وائرس کے حوالے ممبر قومی اسمبلی قادر پٹیل نے اورنگی ٹائون کے مختلف اسپتالوں کا دورہ کیا اور کورو نا وائرس کے سلسلے میں قائم کیئے جانے والے آئی سو لیشن وارڈز کا دورہ کرکے موجود سہولیات پر کا معائنہ کرتے ہوئے قطر اسپتال اورپچاس بستروںپر سندھ گورنمنٹ اسپتال میں موجود سہولیات کا جائزہ لیتے ہوئے اطمینان کا اظہارکیا اس موقع پر ڈی ایچ او ڈاکٹر شفیق نے موجود سہولیات پر مفصل بریفنگ دی ۔اس موقع پر قادر پٹیل نے کہا سندھ حکومت کی اولین ترجیح ہے کہ شہریوں کو وائرس سے محفوظ رکھا جائے اور خدا نخواستہ اگر کوئی وائرس کی وجہ سے متاثر ہے تو اس فوری طور پر صحت یاب کیا جائے قادر پٹیل نے کہا کہ عوام سے درخواست ہے کہ وہ سندھ حکومت سے تعاون کریں ۔علاج سے بہتر احتیاط ہے ہم عوام سے بار بار گزارش کررہے ہیں کہ وہ اپنی صحت کا خیال رکھیں اپنی سرگرمیوں کو محدود کریں ۔جب تک کوئی انتہائی ضرورت نہ ہو گھر سے نہ نکلیں پیپلز پارٹی عوام کی خدمت پر یقین رکھتی وزیر اعلی سندھ سید مراد علی شاہ نے کورنا وائرس کے حوالے سے جو اقدامات اٹھائے وہ قابل تحسین ہیں اس موقع پر ڈپٹی کمشنر فیاض سولنگی ایس پی اورنگی شبیر بلوچ اور انفارمیشن سیکرٹری پیپلزیوتھ ڈسٹرکٹ ویسٹ رمیز صدیقی بھی موجود تھے ۔

بلدیہ جنوبی انتظامیہ کیجانب سے کورونا وائرس سے بچائو اور احتیاتی تدابیرکے حوالے سے عوامی آگاہی مہم کا آغاز


dmc south launch safety March 22, 2020 | 9:26 PM

کراچی:(نیوزآن لائن) بلدیہ جنوبی انتظامیہ کیجانب سے کورونا وائرس سے بچائو اور احتیاتی تدابیرکے حوالے سے عوامی آگاہی مہم کا آغاز کردیا گیا اس ضمن میں بلدیہ جنوبی کے میونسپل انسپیکٹرزنے موٹرسائیکلوں پر گلیوں اور محلوں میںجاکر لاؤڈ اسپیکر پراعلانات کے ذریعے عوام کواپنے گھروں تک محدود رہنے اور اس موزی وباء سے محفوظ رہنے کیلئے احتیاتی تدابیراپنانے کی تلقین کی جبکہ شب معراج کے موقع پر کورونا سے بچائو کیلئے ڈس انفیکٹڈ اسپرے مہم پرمامور اہلکاروں نے مساجدکے اندر، اطراف کے علاقوں ،اسپتالوںاور عوامی مقامات پر اسپرے کاکام انجام دیا اس موقع پرچیئرمین بلدیہ جنوبی ملک فیاض اعوان نے کہا کہ آگاہی مہم کا مقصد عوام کو حفظان صحت کے اصولوں پر عمل کرنے اور احتیاتی تدابیراختیار کرکے خود کو اور دوسروں کو اس وائرس سے محفوظ رکھنے کاپیغام دینا ہے کیونکہ اس وائرس کا واحد علاج صرف احتیاط ہی ہے عوام کا بھی فرض ہے کہ وہ کورونا وائرس کے پھیلائو کوروکنے کیلئے وزیراعلی سندھ سیدمراد علی شاہ کیجانب سے لوگوں کو اپنے گھروں تک محدود رہنے اور سماجی رابطوں سے گریزکرنے کے فیصلے پرمکمل سنجیدگی کا مظاہرہ کرتے ہوئے سختی سے عمل کریں بدقسمتی سے دنیا بھرمیں کورونا وائرس کے جان لیوا حملوں کاسلسلہ سے جاری ہے اس ضمن میں لاپرواہی کی صورت میں سامنے آنے والے نتائج کے ہم متحمل نہیں ہوسکتے چیئرمین ملک فیاض کا کہنا تھا کہ وزیراعلی سندھ اور ان کی ٹیم کورونا وائرس کے انسداداور عوام کی زندگیوں کو محفوظ رکھنے کیلئے نہایت محنت اور جانفشانی کے ساتھ مسلسل اقدامات کررہی ہے اس مشکل مرحلے اور آزمائش کی گھڑی میں ہم سب کو قومی ذمے داری کامظاہرہ کرتے ہوئے اورمتحد ہو کر کورونا وائرس کامقابلہ کرنا ہے چیئرمین ملک فیاض اعوان نے مزیدکہاکہ بلدیہ جنوبی انتظامیہ اپنے فرائض کی ادائیگی میں پوری طرح متحرک ہے عوام سے اپیل ہے کہ وہ شب معراج کے موقع پر پاکستان کی سلامتی اور خصوصا کورونا وائرس کے خاتمے کیلئے خصوصی طورپردعائیں کریں۔

ڈی ایم سی ایسٹ اور مخیر حضرات کے اشتراک سے راشن جمع کیا جا رہا ہے


22.3.2020 March 22, 2020 | 9:21 PM

ڈی ایم سی ایسٹ نے ہنگامی صورتحال کی صورت میں راشن تقسیم کرنے کا انتظام کرنا شروع کر دیا
چئیرمین بلدیہ شرقی معید انور کی کرونا وائرس کے حوالے سے اقدامات سے متاثر ہو کر مخیر حضرات اپنا کردار ادا کر رہے ہیں
کراچی:(نیوزآن لائن). چئیرمین بلدیہ شرقی معید انور کی کرونا وائرس کے حوالے سے اقدامات سے متاثر ہو کر کسی بھی ہنگامی صورتحال میں غریب افراد تک راشن پہنچانے کیلئے مخیر حضرات نے اپنا تعاون پیش کرنا شروع کر دیا ہے ڈی ایم سی ایسٹ اپنے طور پر بھی راشن جمع کر رہی ہے مخیر حضرات کی جانب سے راشن چئیرمین شرقی معید انور کے حوالے کرنے کے موقع پر بات چیت کرتے ہوئے چئیرمین بلدیہ شرقی معید انور نے کہا کہ ہماری کوشش ہے کہ کرونا وائرس سے بچاؤ کے لئے جو بھی ممکن اقدامات کر سکتے ہیں وہ کر رہے ہیں گھر گھر جا کر سینیٹائزر اور آگاہی ہینڈ بل فراہم کرنے کے ساتھ کسی بھی ایسی صورت میں کہ شہر لاک ڈاؤن کی طرف جاتا ہے تو مستحق فیملیز تک اسے پہنچایا جائے خاص طور پر روزانہ کھانے کمانے والے لوگوں تک یہ راشن پہنچایا جائیگا یہ راشن امانت کے طور پر ہمارے پاس موجود ہے لاک ڈاؤن کی صورت میں ان لوگوں تک پہنچا دیا جائیگا جو اس کے حق دار ہونگے انہوں نے آؤٹ ڈور ایڈورٹائزنگ ایسوسی ایشن ودیگر کا راشن کی فراہمی پر شکریہ ادا کیا انہوں نے حکومت سندھ کی کرونا وائرس سے نمٹنے کے حوالے سے خدمات کوسراہابعد ازاں انہوں نے محکمہ پارک کے ملازمین میں سینیٹائزر، ماسک فراہم کرنے کے ساتھ آگاہی ہینڈ بل فراہم کرنے کے ساتھ کہاکہ گھبرانے کے بجائے احتیاطی تدابیر اختیار کر کے اس آفت سے نمٹا جاسکتا ہے لاک ڈاؤن عوام کی جان بچانے کیلئے ہے اس سے معاشی مشکلات ضرور پیش آئیں گی لیکن جان سے بڑھ کر کوء چیز نہیں لاک ڈاؤن کی صورت میں پارکوں وہریالی کو برقرار رکھنے کیلئے ڈیوٹیاں سر انجام دینے کیلئے حکمت عملی وضع کی جائے اس موقع پر ان کے ہمراہ ڈائریکٹر پارکس توقیر عباس، اراکین کونسل خرم شہزاد، تنزیل بن عبدالرؤف، آصف میمن موجود تھے۔

٢٣ مارچ یوم پاکستان کا دن ہر سال اہل پاکستان کو اس جذبے کی یاد دلاتا ہے ،مسلم اسٹوڈنٹس آرگنائزیشن کراچی ڈویژن


Muslim Student Organization Karachi March 22, 2020 | 3:21 PM

کراچی:(نیوزآن لائن)٢٣ مارچ یوم پاکستان کا دن ہر سال اہل پاکستان کو اس جذبے کی یاد دلاتا ہے جو قیام پاکستان کا باعث بنا، پاکستان کا قیام ان اکابرین کی لازوال قربانیوں کا نتیجہ ہے جنہوں نے قائد اعظم کی قیادت میں قیام پاکستان کی انتھک جدوجہد کی اور بر صغیر کے مسلمانوں کو آزادی دلوا کر آزاد ملک کا تحفہ دیا۔ یوم پاکستان کے اس موقع پر ہم تحریک پاکستان کے اکابرین کو خراج عقیدت پیش کرتے ہیں اور اس عزم کا اظہار کرتے ہیں کہ مملکت خداداد پاکستان کے دفاع اور تحفظ کے لیے کوئی کسر نہیں چھوڑیں گے۔ ان خیالات کا اظہار مسلم اسٹوڈنٹس آرگنائزیشن کراچی ڈویژن کے ناظم عادل انصاری، ناظم عمومی دانش کمال، ناظم اطلاعات انعام الحق رحمانی، معاون ناظم شیر جہان و دیگر نے 23 مارچ یوم پاکستان کے موقع پر کراچی میں مسلم میڈیا سیل سے جاری بیان میں کیا۔ انہوں نے کہا کہ پاکستان کے قیام کے لیے لاکھوں افراد نے اپنی جانوں کا نذرانہ پیش کر کے اس ملک کا معرض وجود میں آنا ممکن بنایا، جنہیں مسلم اسٹوڈنٹس آرگنائزیشن سلام پیش کرتی ہے۔ انہوں نے کہا کہ پاکستان کی نظریاتی اور جغرافیائی سر حدوں کی حفاظت کے لیے ایم ایس او کے نوجوان ہمہ وقت تیار ہیں۔

بلدیہ عظمی کراچی کے ایڈیشنل پروجیکٹ ڈائریکٹر جاوید مصطفی کی والدہ کا انتقال۔ ڈپٹی میئر کراچی ، آفیسرز ایسوی ایشن ، ودیگر کا اظہار تعزیت


kmc March 22, 2020 | 3:18 PM

کراچی:(نیوزآن لائن)بلدیہ عظمی کراچی کے ایڈیشنل پروجیکٹ ڈائریکٹر اورنگی جاوید مصطفی کی والدہ کا انتقال ہوگیا۔ انا للہ وانا الیہ راجعون۔ ڈپٹی میئر کراچی سید ارشد حسن ، چیئرمین کچی آبادی سعد بن جعفر،پروجیکٹ ڈائریکٹر اورنگی محمد رضوان خان ، افسران عقیل احمد، ارشاد احمد ، جمال اختر، سہیل مشتاق، رانا شاہد، منیر اختر، توقیر درباری ، عامر حسین، عادل خان ، محمد علی ، ڈائریکٹر انسداد تجاوزات بشیر صدیقی ، سینئر ڈائریکٹر عبدالقیوم ، سینئر ڈائریکٹر عمران قدیر کراچی آفیسرز ویلفیئر ایسوسی ایشن کے چیئرمین سہیل اختر ہاشمی ، عبدالحفیظ، آزاد رائٹرز فورم و دیگر نے جاوید مصطفی سے گیرے دکھ اور دلی تعزیت کا اظہار کرتے ہوئے مرحومہ کے درجات کی بلندی کے لئے دعا کی ہے۔

وفاق شہریوں سے دو ماہ کے بجلی اور گیس کے بل نہ لے,سندھ سرکار کا مطالبہ


ismail raho March 20, 2020 | 5:53 PM

وفاقی حکومت عوام سے 2 ماہ تک تین سو یونٹ بجلی اورایک ہزارروپے تک کے گیس بل وصول نہ کرے,اسماعیل راہو
شہری گھروں تک محدود ہیں اور تمام کاروبار بند ہے اسی لیے عوام کو رلیف ملنا چاہئے،صوبائی وزیر
کراچی:(نیوزآن لائن) ملک میں کورونا وائرس کا معاملہ، سندھ سرکارنے وفاق سے مطالبہ کرتے ہوئے کہا ہے کہ وفاقی حکومت شہریوں سے دو ماہ کے بجلی اور گیس کے بل نہ لینے پر سنجیدگی سے غورکرے. صوبائی وزیرزراعت اسماعیل راہو نے مزید کہا کہ وفاقی حکومت عوام سے 2 ماہ تک تین سو یونٹ بجلی اورایک ہزارروپے تک کے گیس بل وصول نہ کرے, شہری گھروں تک محدود ہیں اور تمام کاروبار بند ہے اسی لیے عوام کو رلیف ملنا چاہئے، چھوٹے کاروباری، ملازمین اور دہاڑی مزدورکا گذر مشکل وقت سے ہورہا ہے، اس مشکل صورتحا ل سے صوبائی حکومت اپنے محدود وسائل سے نبرد آزما ہو رہی ہے. صوبائی وزیر نے کہا کہ خان صاحب بھلے سندھ کو کوئی فنڈ نہ دیں مگر عوام کو تو رلیف دیں, وفاقی حکومت پنجاب، بلوچستان اور کے پی کے تک محدود نہ رہے، سندھ بھی ملک کا حصہ ہے.

تحریک انصاف کے رہنماؤں کی پریس کانفرنس عوام کی آنکھوں میں دھول جھونکنے کے سوا کچھ نہیں ہے۔ وقار مہدی


ppp March 15, 2020 | 7:24 PM

کراچی(نیوزآن لائن):پاکستان پیپلز پارٹی سندھ کے جنرل سیکریٹری وقار مہدی نے تحریک انصاف کے رہنما خرم شیر زمان کی پریس کانفرنس پر ردعمل کا اظہار کرتے ہوئے کہا ہے تحریک انصاف کے رہنماؤں کی پریس کانفرنس عوام کی آنکھوں میں دھول جھونکنے کے سوا کچھ نہیں ہے۔ انہوں نے کہا کہ پیپلز پارٹی کی صوبائی حکومت نے پچھلے 12سال میں صوبہ سندھ سمیت کراچی شہر میں جتنے ترقیاتی کام کئے ہیں اور جتنی اس شہر کی اور عوام کی خدمت کی ہے اس کی مثال ماضی میں نہیں ملتی ہے۔ 2008 میں جب پیپلز پارٹی کی حکومت آئی تو اس وقت شہر میں سٹی ڈسٹرکٹ گورنمنٹ بھی قائم تھی جس کا ناظم ایم کیو ایم سے تعلق رکھتا تھا۔ ایم کیو ایم کے دعوے کے مطابق انہوں نے اپنے پانچ سالہ دور میں 3سو ارب روپے شہر کراچی میں خرچ کئے مگر وہ تین سو ارب روپے نہ عوام کو نہ ہ میں کہی نظر آتے ہیں۔ انہوں نے کہا کہ پیپلز پارٹی نے عوام کی خدمت جاری رکھی اور شہر میں واٹر سپلائی، سیوریج، سڑکوں کی تعمیر، فلائی اوور، برجز سمیت دیگر مسائل کو مدنظر رکھتے ہوئے اس پر حکمت عملی بنائی اور کام کو شروع کیا۔ انہوں نے کہا کہ آج کراچی شہر میں بلا تفریق چیلنج کے ساتھ یہ بات واضح کرنا چاہتا ہوں کہ ہم نے دیگر پارٹیوں کی طرح صرف اپنے ووٹ بینک والے علاقوں میں کام نہیں کیا بلکہ کراچی کے چھ اضلاع میں میگا پروجیکٹس کے ساتھ ساتھ وہاں کے علاقائی مسائل بھی حل کئے ہیں۔ انہوں نے کہا کہ پیپلز پارٹی نے شاہراہ فیصل کو دوبارہ کارپیٹ کیا، ڈرگ روڈ پر انڈر پاس تعمیر کیا، حسن اسکوائر سے صفورا چوک تک یونیورسٹی روڈ کی تعمیرکی، شہید ملت روڈ پر ایک فلائی اوور تعمیر کیا، دو انڈر پاس تعمیر کئے، کورنگی کراسنگ، کورنگی ڈھائی نمبر اور کورنگی پانچ نمبر پر فلائی اوورز بنائے گئے، کورنگی انڈسٹریل ایریا کی مین شاہراہیں آنے اور جانے والے راستوں کی تعمیر جاری ہے، شاہراہ فیصل پر کینٹ اسٹیشن سے صدر جانے والے راستے پر انڈر پاس تعمیر کیا۔ صوبائی حکومت نے تین ہٹی کا فلائی اوور بنایا، ناظم آباد انڈر پاس کی تعمیر کی گئی،حبیب بینک سائٹ ایریافلائی اوور تعمیر، لیاقت آباد ڈاک خانہ فلائی اوور بنایاگیا، عائشہ منزل فلائی اوور تعمیر کیا گیا، فیڈرل بی ایریا واٹر پمپ کا فلائی اوور تعمیر کیا گیا، ملیر ہالٹ پر فلائی اوور بنایا گیا، کراچی ایئر پورٹ پر اسٹار گیٹ کے سامنے فلائی اوور بنایا گیا، ملیر 15، منزل پمپ پر فلائی اوور بنائے گئے، قائد آباد سے گھگھر پھاٹک تک نیشنل ہائی وے پر آنے اور جانے والی سڑک بنائی گئی۔ انہوں نے کہا (کے 4 )کا منصوبہ جو 2004 سے فیڈرل حکومت کے پاس تھا اس کو سندھ حکومت نے اس پر کام شروع کیا اور اس پر پیش رفت جاری ہے جس سے کراچی کو 260 ایم جی ڈی پانی میسر ہوگا۔ وقار مہدی نے کہا کہ افسوس کی بات یہ ہے کہ پی ٹی آئی کی حکومت پچھلے 18مہینے سے ملک پر قابض ہے اور وہ بہت دعوے کرتے تھے کہ کراچی شہر کو 162ارب روپے کا پیکیج دینگے مگر افسوس کے شہر کو 62 روپے بھی پی ٹی آئی کی حکومت کی طرف سے نصیب نہیں ہوسکے۔ انہوں نے کہا کہ آج پی ٹی آئی کے خود ساختہ لیڈروں نے میڈیا پر آکر جھوٹے دعوے کئے کہ وہ کراچی کیلئے بہت کچھ کررہے ہیں لیکن عوام کو موجودہ حکومت کی طرف سے اگر کچھ ملا تو صرف اور صرف مہنگائی، بیروزگاری، قرضہ، بھوک، فاقہ، غربت اور 22لاکھ سے زائد افراد اس حکومت کی ناقص پالیسیوں کے سبب بیروزگاری ہے۔ پی ٹی آئی کی حکومت نے ایک کروڑ نوکریاں اور 50لاکھ گھروں کا بھی وعدہ کیا لیکن وہ وعدہ ہی کیا جو پی ٹی آئی کا وفا ہوجائے۔ پاکستان پیپلز پارٹی بلا امتیاز بلا رنگ ونسل ملک اور عوام کی خدمت پریقین رکھتی ہے اور اس لئے پاکستان پیپلز پارٹی کے جتنے بھی منصوبے شروع یا پایہ تکمیل ہوئے وہ بنا کسی تفریق اور لسانیت کے عوام کی سہولیات کیلئے پورے کئے گئے۔ انہوں نے کہاکہ پاکستان پیپلز پارٹی کے چیئرمین بلاول بھٹو زرداری کے ویژن کے مطابق کراچی شہر کی روشنی، تعمیر وترقی کیلئے بھرپور جدوجہد جاری ہے اور عوام کو بہتر سے بہتر سہولیات کی فراہمی کا سہرا بھی ان کے سر جاتا ہے۔ انہوں نے مزید کہا کہ پی ٹی آئی کے اراکین اسمبلی کی پریس کانفرنس عوام کی آنکھوں میں دھول جھونکنے کے سوا کچھ نہیں ہے۔ پی ٹی آئی جن منصوبوں کے فیتے کاٹ رہی ہے وہ سابقہ حکومتوں کے منصوبے ہیں۔ پی ٹی آئی ایم کیو ایم کی بی ٹیم کا کردار ادا کررہی ہے اور سوچ رہی ہے کہ کراچی کے شہریوں کو استعمال کر کے لاوارث چھوڑ دیا جائے گا تو ہم انہیں بتانا چاہتے ہیں کہ شہر کراچی ہمارا ہے اور پیپلز پارٹی ہمیشہ کی طرح عوام کی خدمت کو عبادت سمجھ کر کرتی رہے گی۔

عوامی مسائل کے حل کیلئے مختلف یوسیز میں کھلی کچہریوں کا انعقاد کیا جا رہا ہے، چئیرمین بلدیہ شرقی معیدانور


15.3.2020 March 15, 2020 | 7:21 PM

کراچی:(نیوزآن لائن)چئیرمین بلدیہ شرقی معید انور نے کہا ہے کہ یوسیز میں بلدیاتی مسائل کے حل کیلئے کھلی کچہریوں کا انعقاد کیا جارہا ہے کھلی کچہریوں میں عوام براہ راست اپنے علاقوں میں موجود بلدیاتی مسائل پیش کر رہے ہیں جن کے حل کیلئے دستیاب وسائل میں رہتے ہوئے اقدامات یقینی بنا رہے ہیں ان خیالات کا اظہار انہوں نے یوسی 25 لیمو گوٹھ میں منعقدہ کھلی کچہری سے خطاب کرتے ہوئے کیا انہوں نے مزید کہا کہ پسماندہ اور سہولیات سے محروم علاقوں میں بلدیاتی خدمات کے دائرہ کار کو وسیع کیا ہے جس کی بدولت آج ان علاقوں میں بھی ترقیاتی کام ہو رہے ہیں جنہیں برسوں نظر انداز کیا گیا تھا، یوسی چئیرمین سید فرحان علی نے بھی اس موقع پر خطاب کرتے ہوئے یوسی کی جانب سے اقدامات اور پیش کردہ بلدیاتی مسائل کو حل کرنے کی یقین دہانی کروائی لیمو گوٹھ کے مکینوں نے اس موقع پر بلدیاتی مسائل پیش کرنے کے ساتھ علاقوں کے دیرینہ مسائل دور کرنے پر چئیرمین بلدیہ شرقی معید انور کی کاوشوں کو زبردست الفاظ میں سراہا اور کہا کہ ان کے ضلعی چئیرمین بننے کے بعد لیمو گوٹھ میں کافی بہتری آئی ہے پانی وسیوریج کے مسائل دائرہ اختیار میں نہ ہوتے ہوئے بھی حل کروائے گئے اور ہمیں امید ہے کہ جو مسائل پیش کئے گئے ہیں ان کے حل کو بھی یقینی بنایا جائے گا اس موقع پر بلدیہ شرقی کے افسران اور یوسی کے بلدیاتی نمائندگان بھی موجود تھے۔

محمدعادل انصاری ایم ایس او کے ناظم کراچی منتخب ہوگئے


Muslim Student Organization Karachi March 15, 2020 | 7:18 PM

کراچی:(نیوزآن لائن) محمدعادل انصاری ایم ایس او کے ناظم کراچی منتخب ہوگئے۔مسلم اسٹوڈنٹس آرگنائزیشن کراچی ڈویژن کی مجلس شوریٰ کا اجلاس مرکز ی ناظم عمومی سردار مظہر کی صدارت میں منعقد ہوا جس میں سیشن 2020-21 کی عاملہ کا انتخاب ہوا۔محمد عادل انصاری ناظم کراچی،شیرجہان معاون ناظم،دانش کمال ناظم عمومی،انعام الحق ناظم اطلاعات،ملک اسامہ ناظم مالیات،عمادالدین صدیقی ناظم تربیتی امور منتخب ہوئے۔مرکزی ناظم عمومی سردار مظہر نے نومنتخب عاملہ سے حلف لیا۔اجلاس کے بعد نومنتخب ناظم کراچیاراکین عاملہ نے میڈیا نمائندوں سے بات کرتے ہوئے اس بات کا عزم کیا کہ طلبہ حقوق اور غلبہ اسلام و استحکام پاکستان کے لیے ہر ممکن کوشش کریں گے۔ملا اور مسٹر کی تفریق کا خاتمہ ہمارا مقصد اولین ہے۔اس موقع گزشتہ سیشن کی عاملہ کی تنظیمی خدمات کو سراہا گیا۔

جماعت اسلامی نے ملکی تعمیر وترقی میں اہم کردار ادا کیا ہے حافظ نعیم الرحمن


Ijtama Arkan pic (1) March 1, 2020 | 8:39 PM

کارکنان بلدیاتی انتخابات کی تیاری شروع کر دیں ہم ووٹ کے ذریعے پاکستان میںظلم کے نظام بدلناچاہتے ہیں اجتماع ارکان سے خطاب
کامیابی اور ناکامی کا معیار دوسری جماعتوں اور گروہوں سے مختلف ہے ہمیں اقامت دین کی جدوجہد جاری رکھنی ہے
کراچی : (نیوزآن لائن) امیر جماعت اسلامی کراچی حافظ نعیم الرحمن نے کہا ہے کہ جماعت اسلامی نے ملکی تعمیر وترقی میں اہم کردار ادا کیا ہے، ہم ووٹ کی طاقت کے ذریعے پاکستان میںجاری ظلم کے نظام کو تبدیل کرنا چاہتے ہیں، پاکستان میں حقیقی تبدیلی جماعت اسلامی ہی لاسکتی ہے، جماعت اسلامی معاشرتی اور حکومتی سطح پر حقیقی تبدیلی کیلئے آئینی، قانونی اور سیاسی و جمہوری جدوجہد پر یقین رکھتی ہے، ان ہی مقاصد اور اصولوں کے تحت مولانا مودودی نے جماعت اسلامی کی بنیاد رکھی تھی، ہمارے پیش نظر رضائے الٰہی کا حصول ہے، کامیابی اور ناکامی کا معیار دوسری جماعتوں اور گروہوں سے مختلف ہے، ہمیں اقامت دین کی جدوجہدبھرپور طریقے سے جاری رکھنی ہے۔ ان خیالات کا اظہار انہوں نے جامع مسجد الفلاح بلاک A نارتھ ناظم آباد میں جماعت اسلامی ضلع وسطی کے اجتماع ارکان سے خطاب کرتے ہوئے کیا۔ اجتماع سے امیر جماعت اسلامی ضلع وسطی منعم ظفر خان نے بھی خطاب کیا۔حافظ نعیم الرحمن نے خطاب کرتے ہوئے مزید کہاکہ جماعت اسلامی نے عوا م کے دیرینہ مسائل اور اہم ایشوز پر آواز اٹھائی ہے ، ہماری تحریک جاری ہے اور اس میں عوام کی پذیرائی شامل ہے اور عوام کی جانب سے خیر مقدم کیا جارہا ہے ، عوامی جدوجہد اور دباؤ کے باعث کے الیکٹرک اور نادرا کے حوالے سے عوام کو کچھ ریلیف ملا ہے لیکن مکمل مسائل کے حل تک ہماری جدوجہد جاری رہے گی۔ شہر کے اندر جماعت اسلامی کی قوت اور وزن محسوس کیا گیا ہے۔ جماعت اسلامی نے ماضی میں بھی عوام کی خدمت اور مسائل کے حل کی جدوجہد کی ہے اور آئندہ بھی کرتی رہے گی۔ہمیں اپنے اخلاق و کردار سے دعوت کے میدان میں لوگوں کے دل جیتنے ہیں، اپنے رویے سے لوگوں کو متاثر کرنا ہے، اپنے ساتھ ملانا ہے اور اس جدوجہد اور تحریک کا حصہ بنانا ہے، ہمیں جماعت کے کام کو بہتر بنانے اور دعوت کے کام کو بڑھانے کیلئے زیادہ سے زیادہ وقت دینا چاہیے۔
جماعت اسلامی واحد جمہوری سیاسی جماعت ہے جوکہ اپنے دستور پر اس کی پوری روح کے مطابق عملدرآمد کرتی ہے اس لیے اس کی تنظیم میں نیچے سے لے کر اوپر تک ہر سطح پر انتخابات ہوتے ہیں اور اس کے ارکان دستوری تقاضوں کے عین مطابق اپنی ذمہ داریاں ادا کرتے ہیں ۔انہوں نے ارکان جماعت کو ہدایت کی ہے کہ وہ توسیع دعوت کے لیے زیادہ سے زیادہ انفاق فی سبیل اللہ کریں ۔ حافظ نعیم الرحمن نے ارکان جماعت کو آنے والے بلدیاتی انتخابات میں حصہ لینے کے لیے بھرپور تیاری کی ہدایت کی اور کہاکہ بلدیاتی انتخابات میں کامیابی آنے والے قومی و صوبائی انتخابات میں کامیابی کے لیے نہایت ضروری ہے اس لیے کارکنان ابھی سے بلدیاتی انتخابات کی تیاری شروع کر دیں۔منعم ظفر خان نے کہا کہ ہم جماعت اسلامی کی رکنیت اختیار کرتے ہوئے اصلاً اللہ تعالیٰ سے وفاداری کا عہد کرتے ہیں کہ میری زندگی کا مقصد رضائے الٰہی کا حصول ہوگا اور میری نماز ، میری تمام مراسم عبودیت صرف اللہ رب العالمین کے لیے ہیں اور یہ عہد زندگی بھر کے لیے ہوتا ہے۔ انہوں نے مزید کہا کہ اقامت دین کی جدوجہد میں کردار سازی کی بہت اہمیت ہے اور کردار سازی رب سے تعلق کو مضبوط کر کے ہی کی جا سکتی ہے۔ تعلق باللہ کے لیے قرآن سے تعلق اور مطالعہ لٹریچر کی بہت اہمیت ہے۔ جماعت اسلامی کے ارکان کو نصاب رکنیت کا ازسر نو مطالعہ کرنا چاہیے۔

پاکستان اسٹیل کی بحالی اور ریٹائرڈ ملازمین کے واجبات کی ادائیگی میں تاخیر برداشت نہیں ۔ محمد اسلام


Jamaat-e-Islami-Pakistan-Flag-744490 March 1, 2020 | 8:36 PM

اگربنیادی معاملات پر کسی نے سودے بازی کی تو وہ قومی مفادات کے منافی اور ادارے سے غداری ہو گی۔
کراچی: (نیوزآن لائن )پاکستان اسٹیل کے ریٹائرڈ ملازمین کے واجبات کی ادائیگی اور ادارے کی بحالی میں تاخیر کسی صورت برداشت نہیں کی جائے گی ۔ پاکستان اسٹیل کے حوالے سے حالیہ دنوں میں ہونے والے فیصلے ابہام پیدا کر رہے ہیں اور اگربنیادی معاملات پر کسی نے سودے بازی کی تو وہ قومی مفادات کے منافی اور ادارے سے غداری ہو گی ۔ ان خیالات کا اظہار امیر جماعت اسلامی ضلع ملیر محمد اسلام نے ریٹائرڈ ملازمین کی نمائندہ تنظیم تحریک ادائیگی واجبات ریٹائرڈ ملازمین پاکستان اسٹیل کی مشاورتی کونسل کے ارکان سے ملاقات میں کیا ۔ جس کی قیادت ڈپٹی کنونیئر عادل خان کر رہے تھے۔ محمد اسلام نے مزید کہا کہ ریٹائرڈ ملازمین کے واجبات کی ادائیگی اور اسٹیل مل کی بحالی کے لیے ہر سطح پر جدو جہد کی جائے گی اور ہر دروازے پر دستک دیں گے اور اس حوالے سے کسی بھی فورم پر جدو جہد کرنے والے تمام متعلقہ افراد کو مشترکہ نکات پر جمع کر کے 6ہزار ریٹائرڈ ملازمین کے واجبات کے حصول کی جنگ میں فیصلہ کن کردار ادا کریں گے ۔ اجلاس میں ایک 50رکنی جنرل کونسل کی تشکیل کے فیصلے کے علاوہ جلد ہی ایک سیمینار اور بڑے ”کنونشن ”کے انعقاد کا بھی فیصلہ کیا گیا ۔

میمن برادری کا کراچی کی ترقی و تعمیر میں ہمیشہ اہم کردار رہا ہے۔عامر خان


dmc central news March 1, 2020 | 8:17 PM

میمن کمیونیٹی کی جانب سے بلدیہ وسطی کے چار پارکس کی سرپرستی کا اعلان ۔
میمن فاؤنڈیشن کا بلدیہ وسطی کے ساتھ تعاون حق پرست بلدیاتی نمائندوں پر اعتماد کی دلیل ہے۔ریحان ہاشمی
کراچی :( نیوزآن لائن) ضلع وسطی کو سرسبز و شاداب بنانے کے لئے چیئرمین بلدیہ وسطی ریحان ہاشمی کا عوام کے تعاون سے ایک اور مثبت قدم۔پاکستان میمن ایجوکیشنل اینڈ ویلفیئر سوسائٹی کی جانب سے تقریب کا انعقاد ۔میمن کمیونیٹی کی جانب سے بلدیہ وسطی کے چار پارکس کی سرپرستی کا اعلان ۔اس موقع پر سینئر ڈپٹی کنوینر ایم کیو ایم پاکستان عامر خان ،چیئر مین بلدیہ وسطی ریحان ہاشمی ،پارلیمانی لیڈر بلدیہ وسطی صابر شیخ،چیئر مین اسٹینڈنگ کمیٹی مستفیض فاروقی ،میمن ایسوسی ایشن کے رؤف عیسیٰ،ڈائریکٹر پارکس ندیم حنیف اور دیگر بلدیاتی افسران اور عوام کی بڑی تعداد بھی موجو د تھی ۔ تفصیلات کے مطابق میمن کمیونیٹی کی جانب سے ضلع وسطی کے چار پارکس کوایڈوپ کرنے کے حوالے سے منعقدہ تقریب میں سینئر ڈپٹی کنوینر ایم کیو ایم پاکستان نے کہا کہ میمن کمیو نیٹی کا کراچی کی ترقی و تعمیر میں ہمیشہ اہم کردار رہا ہے ، دوسری کمیونیٹیز کو میمن کمیونیٹی کی طرح اپنے علاقوں کے پارکس اور ڈیولپمنٹ کے کام میں بڑھ چڑھ کر حصہ لینا چاہیے ۔چیئر مین بلدیہ وسطی ریحان ہاشمی نے کہا کہ کراچی کے منتخب نمائندوں کے ساتھ حکومت کا رویہ عوام کے سامنے ہے بلدیاتی نمائندوں کو ان کے جائز اختیارات اور فنڈ فراہم نہیں کئے جارہے ہیں ان حا لات کمیونیٹیز اور عوام کے تعاون کے بغیر عوامی خدمات کی فراہمی میں ہمیں مشکلات پیش آرہی ہیں ۔ میمن فاؤنڈیشن کا ہمارے ساتھ ملکر کام کرنے کا عزم حق پرست بلدیاتی نمائندوں پر اعتماد کی دلیل ہے۔اس موقع پر ڈائریکٹر پارکس ندیم حنیف نے کہا کہ ان نا مسا عد حالات میں بھی بلدیہ وسطی وہ واحد بلدیہ ہے جو سالانہ چار پھولوں کی نمائش کا انعقاد کرتی ہے اور بلدیہ وسطی ضلع وسطی میں قائم واٹر سیوریج ٹریٹمنٹ پلانٹ کے زریعے یو میہ دو لاکھ گیلن پانی ٹریٹ کر کے ہا ر ٹیکلچر مقاصد کے لئے استعمال کر رہی ہے۔

حکومت سول ڈیفنس شعبہ کو بہتر بنانے کے لئے ہر ممکنہ اقدامات کر رہی ہے ۔کمشنرکراچی


Commissioner Karachi March 1, 2020 | 8:14 PM

کراچی: (نیوزآن لائن) کمشنر کراچی افتخارشالوانی نے کہا ہے کہ حکومت سول ڈیفنس شعبہ کو بہتر بنانے کے لئے ہر ممکنہ اقدامات کر رہی ہے ہ حکومت سول ڈیفنس شعبہ کو بہتر بنانے کے لئے ہر ممکنہ اقدامات کر رہی ہے تاکہ شہر میں کسی بھی ہنگامی صورتحال پر قابو پانے اور قدرتی آفات سے نمٹنے کے سلسلہ میں سول ڈیفنس کے کر دار کو موثر بنایا جا سکے ۔ وہ بوائے اسکاوٹس ایسوسی ایشن کے آڈیٹوریم میںعالمی یوم شہری دفاع کے موقع پر سول ڈینفس کی اہمیت کے بارے میں سیمینار سے خطا ب کر رہے تھے ۔انھوں نے کہا کہ وزیر اعلی سندھ مراد علی شا ہ نے محکمہ سول ڈیفنس اور دیگر اداروں کو قدرتی آفات سے نمٹنے کے لئے پوری طرح تیار رہنے کی ہدایت کی ہے ۔کمشنر نے کہا کہ شہریوں کو ہنگامی صورتحال میں مدد فراہم کر نے اور ریسکیو کر نے کے حوالہ سے محکمہ سول ڈیفنس ایک اہم ادارہ ہے ۔ا نھوں نے کہا کہ محکمہ سول ڈیفنس اور بلدیہ عظمی سمیت شہر کے ڈسزاسٹر مینجمنٹ سے متعلق اداروں کو چاہئے کہ وہ قدرتی آفات سے نمٹنے لئے ہر لمحہ تیار رہیں یقنی بنائیں کہ متعلقہ عملہ اورافراد و ماہرین جدید تقاضوں سے ہم آھنگ ہوں جدید طور پر تربیت یافتہ ہوں اور ہر وقت ہنگامی صورتحال پر قابو پانے کے لیئے تیار رہیں۔ وہ ملکی سطح اور عالمی سطح پر تربیتی اداروں سے مشاورت کریں اور متعلقہ عملہ کو جدید معلومات کے ساتھ تربیت کی فراہمی کو یقینی بنائیں۔ ۔سیمینار میں ایل پی جی کے کاروبار سے منسلک افراد بھی موجو د تھے ۔شرکاکو آگ بجھانے اور ابتدائی طبی امداد فراہم کرنے کے اصولوں سے آگاہی دی گئی۔۔ڈائریکٹر سول ڈیفنس بابر قدیر نے شہری دفاع کا شعور اجاگر کرنے پر زور دیااور عالمی یوم شہری دفاع کو شہریو ں کے دفاع اور تحفظ کے لیے ضروری قرار دیا۔ایل پی جی ڈسٹری بیوٹرز ایسوسی ایشن کے سینئر نائب صدر محمد علی حیدر نے ، سندھ بوائز اسکاوٹس ایسوسی ایشن کے سیکریٹری سید اختر میر اور دیگر مقررین نے بھی خطاب کیا پروگرام کے آخر میں مختلف شخصیات کو ایوارڈز اور اسناد پیش کی گئیں

دنیا میں سات ملین (یعنی ستر لاکھ )سے زائد افراد فضائی آلودگی کے باعث قبل ازوقت لقمہ اجل بن جاتے ہیں ،ماہرین صحت


karachi planting campain March 1, 2020 | 8:04 PM

کراچی:(نیوزآن لائن)پاکستان کی ایک ہزار پچاس کلومیٹر طویل ساحلی پٹی میں ہر سال سمندر لگ بھگ پچاس ہزار ایکڑ زمین نگل رہا ہیس خطے میں موسمیاتی تبدیلیوں کے نتیجے میں بڑھتے ہوئے درجہ حرارت کے سبب سمندری سطح میں ایک اعشاریہ ایک ملی میٹر سالانہ کا اضافہ ہورہا ہے۔ پاکستان دنیا کے ان دس ممالک کی فہرست میں شامل ہے جنہیں موسمیاتی تبدیلیوں سے سب سے زیادہ خطرہ ہے سمندری جنگلات موسمیاتی تبدیلیوں پر مثبت اثرات مرتب کرتے ہیں یہ باتیں پاکستان بھر سے ماہرین امراض سینہ نے کراچی کے مضافات میں ٹرٹل بیچ کے قریب ڈبلیو ڈبلیو ایف کی آب گاہ (ویٹ لینڈ) پر شجرکاری کے بعد شرکا سے بات چیت کرتے ہوئے کہی ان ماہرین میں پا کستان چیسٹ سوسائٹی (پی سی ایس) کے صدر اور اوجھا انسٹی ٹیوٹ آف چیسٹ ڈیزیز کے سربراہ ڈاکٹر نثار احمد راؤ ڈاکٹر نوشین سیف جنرل سیکریٹری (پی سی ایس) ڈاکٹر مرزا سیف اللہ بیگ ٹریژر، ڈاکٹر نغمان بشیر اور بریگیڈئر جمال احمد(اسلام اباد) ڈاکٹر عبدالجبار اچکزئی ڈاکٹر مقبول (کوئٹہ بلوچستان) ڈاکٹر ملک حفیظ الرحمان (جہلم) پروفیسر خالد وحید (لاہور) پروفیسر سعدیہ اشرف( پشا ور) پروفیسر علی زبیری (آغاخان یونیورسٹی) ڈاکٹر ندیم احمد ڈاکٹر شاہینہ قیوم ڈاکٹر سید ظفریاب حسین ڈاکٹر شکیل صدیقی اوردیگربھی شامل تھے۔ ان ماہرین نے کہاکہ شجر کاری کے ذریعے گلوبل وارمنگ کو کم کیاجاسکتاہے پاکستان میں سرکاری سطح پر بھی یہ مہم کلین اینڈ گرین پاکستان کے نام سے چلائی جارہی ہے چند درخت لگا کر یقینا ماحول کی بہتری ممکن نہیں مگر اس طرح کے اقدامات سے لوگوں میں شجرکاری اور ماحول کو بہتر بنانے کا شعور پید ا ہوتاہے ان ماہرین نے کہاکہ دنیا میں سات ملین (یعنی ستر لاکھ )سے زائد افراد فضائی آلودگی کے باعث قبل ازوقت لقمہ اجل بن جاتے ہیں ماحول کو صاف بناکر ہم اس طرح موت کے شکار ہونے والے اکثر افراد کو بچا سکتے ہیں اسی لیے چیسٹ کون ٠٢٠٢ کا آغاز شجر کاری سے کیا جارہاہے تاکہ ماحول کو بہتر بنانے کی اخلاقی اور سماجی ذمیداری کو پورا کیا جائے۔
انہوں نے کہاکہ سینے کے امراض کی بنیادی وجوہات کو کم کرنے کیلیے شہری صنعتی،سمندری اور مجموعی فضائی آلودگی پر قابو پانے کی ضرورت ہے۔ انہوں نے مزید کہا کہ کہاکہ پاکستان میں صنعتی وٹریفک کی آلودگی کے ساتھ شعور کی کمی کے نتیجے میں بھی آلودگی بڑھ رہی ہر سال اسموگ کے نتیجے میں جانیں خطرے میں پڑجاتی ہیں پروفیسر نثار احمد راؤ نے اس موقع پر بتایاکہ پاکستان چیسٹ سوسائٹی کی ہردوسال کے بعد ایک بین الاقوامی کانفرنس ہوتی ہے جو اس سال چیسٹ کون ٠٢٠٢ کے نام سے مارچ کے آخری ہفتے میں منعقد ہورہی ہے اس کانفرنس کا آغاز (سوفٹ لانچنگ)ہم نے صحت مند پھیپھڑے صحت مند زندگی کے نعرے کے ساتھ شجرکاری مہم سے کردیا ہے کانفرنس میں امراض سینہ کے فزیشن اور سرجن شریک ہوں گے جس میں چودہ ورکشاپس اور پندرہ غیرملکی ماہرین اس کانفرنس کیسائنٹفک سیشنز سے خطا ب کریں گے انہوں نے بتایاکہ چھبیس مارچ کو ورکشاپس جبکہ ستائیس اٹھائیس انتیس مارچ کو تین روز سائنٹفک سیشنز ہوں گے جس میں پاکستان بھر سے سینے کے امراض کے ڈاکٹرز شریک ہوں گے اور ماہرین کے لیکچرز کے ذریعے پاکستان اور دنیا بھر میں سینے کے امراض کے حوالے سے جدید تحقیق سے استفادہ کرسکیں گے۔قبل ازیں شرکا نے جن میں بچے بھی شامل،علیحدہ علیحدہ مینگرووز کیدرخت لگائے۔