: تازہ ترین

تازہ ترین ویڈیو

جو خود بے ساکھیوں اور فراڈ کی بدولت وفاق پر ڈیرا جمائے بیٹھے ہیں انہیں نیند سے جاگنے کی اشد ضرورت ہے۔پاکستان پیپلز پارٹی ضلع شرقی


ppp July 7, 2019 | 9:10 PM

کراچی: (نیوزآن لائن)پاکستان پیپلز پارٹی ضلع شرقی کے صدر اقبال ساند ، قائم مقام جنرل سیکریٹری لالا عبدالرحیم اور سیکریٹری اطلاعات وقاص شوکت نے اپنے مشترکہ بیان میں پی ٹی آئی کی جانب سے پاکستان پیپلز پارٹی کی سندھ حکومت میں تبدیلی کی خواہش کو بلی کے خواب میں چھیچھڑے کے مترادف قراردیتے ہوئے کہا کہ جو خود بے ساکھیوں اور فراڈ کی بدولت وفاق پر ڈیرا جمائے بیٹھے ہیں انہیں نیند سے جاگنے کی اشد ضرورت ہے۔ انہوں نے کہا کہ اقتدار پر قبضہ کرنے اور عوامی طاقت سے اقتدار میں آنے والوں کی خدمات میں اور عزتوں میں بھی اتنا ہی فرق ہے جتنا کسی سیاہ اور سفید میں ہوتا ہے۔چور دروازے پر کھڑے درباریوں کو بس موقع کی تلاش ہوتی ہے جبکہ ان کے پاس عزت اور ضمیر نام کی کوئی چیزیں موجود نہیں ہوتی۔ انہوں نے کہا کہ پیپلز پارٹی کی جدوجہد قربانیوں اور شہادتوں سے بھری پڑی ہے اور آج بھی چیئرمین پی پی پی بلاول بھٹو زرداری کے ملک بھر میں ہونے والے جلسوں سے جو مخالفین پارٹی کوصرف صوبہ تک محدود ہونے کے تانے دیتے تھے اشاش بشاش ہیں ۔ پی پی پی رہنمائوں نے مزید کہا کہ سندھ کے خود ساختہ اور گھاٹ گھاٹ کا پانی پینے والے اگر غلطی سے آہی گئی ہے تو باتیں کرنے کے بجائے عوامی اور فلاحی کاموں میں بڑھ چڑھ کر حصہ لیں جس سے صوبے اور صوبے کی عوام کی بہتر خدمت ہوسکے نہ کہ اپنے جھوٹے نظریات سے عوام کو گمراہ کریں۔

کوئی اجتماعی کام عوام کے تعاون کے بغیر ممکن نہیں۔ڈاکٹرحاجی محمدحنیف طیب


7-7-2019 July 7, 2019 | 9:04 PM

کراچی:(نیوزآن لائن) المصطفیٰ ویلفیئر سوسائٹی کے سرپرست اعلیٰ، پولیوکے خاتمے کے لئے روٹری علماء کمیٹی کے چیئرمین ڈاکٹرحاجی محمدحنیف طیب نے دارلعلوم قادریہ سبحانیہ (شاہ فیصل کالونی )میں اجتماع سے خطاب کرتے ہوئے کہاہے کہ کوئی اجتماعی کام عوام کے تعاون کے بغیر ممکن نہیں۔اس وقت ملک میںپولیوجیسے موذی مرض کے خاتمے کے لئے کوششیں جاری ہیں۔انہوںنے کہاکہ پولیوکے تازہ کیس خیبرپختوانخوا میں ملے ہیں،جو اس حوالے سے تشویشناک بات ہے کہ پولیو مہم کو کامیابی سے ہمکنارکرنے کے لئے عوام کی حمایت اس قدرحاصل نہیں ہوپارہی جس کی ضرورت ہے۔انہوںنے کہاکہ پولیو کے خلاف کئے جانے والا منفی پروپیگنڈاعلماء ومشائخ کے تعاون سے ہی زائل کیاجاسکتاہے۔خیبرپختونخوامیں علماء ومشائخ کا بڑااحترا م ہے اور تحریک پاکستان میں ان عظیم خدمات کا اعتراف خودقائداعظم محمدعلی جناح کرچکے ہیں۔علمائے کرام،مشائخ عظام کو عوام میں پولیوکے خاتمے کے حوالے سے بھرپورکرداراداکرنے کی ضرورت ہے۔اگروہ اپنا اثرورسوخ استعمال کریں تو یقینا پولیومہم کامیابی سے ہمکنارہوسکتی ہے اورصرف خیبرپختونخواہی نہیں بلکہ پورے ملک سے پولیوکے مرض کا خاتمہ ہوسکتاہے۔انہوںنے کہاکہ جب اسلام آبادڈیکلیئریشن پر تمام مکاتب فکرکے علماء مشائخ ،وکلائ،عوامی نمائندوں ودیگرشعبہ ہائے زندگی سے تعلق رکھنے والے افرادنے شرکت کی اور اسلام آبادڈیکلیئریشن پر دستخط کئے تھے تو اب اس مہم کو کامیابی سے چلاتے اور عوام میں شعوروآگاہی پیداکرتے ۔پولیو ویکسی نیشن کی آگاہی سے آگاہ کرتے اور پولیوکے خاتمے کے لئے مل جل کر کام کرنے کے لئے ہمقدم ہوناچاہیے ۔تاکہ مہم کے مثبت ثمرات سامنے آسکے۔اجتماع سے مفتی عبدالعلیم قادری نے بھی خطاب کیا۔

کچرا اٹھانے اور ٹھکانے لگانے کے نظام کو بہتر کرنے کے حوالے سے چئیرمین بلدیہ شرقی معید انور کی زیرصدارت ایم ڈی سندھ سولڈ ویسٹ مینجمنٹ بورڈ سے اجلاس


7.7.2019 July 7, 2019 | 9:00 PM

اجلاس میں میونسپل کمشنر ایسٹ اختر علی شیخ، اپوزیشن لیڈر بلدیہ شرقی ذوالفقار قائمخانی ودیگر منتخب نمائندگان افسران کی شرکت
اجلاس میں صفائی ستھرائی کو بہتر کرنے سمیت متوقع برسات کے پیش نظر نالہ صفائی کے کاموں کا بھی جائزہ لیا گیا
کراچی.:(نیوزآن لائن)چئیرمین بلدیہ شرقی معید انور نے کہا ہے کہ ضلع شرقی میں صفائی ستھرائی کی بہتری کیلئے سندھ سولڈ ویسٹ مینجمنٹ بورڈ اپنا کردار ادا کرے، کچرا اٹھانے اور ٹھکانے لگانے کو بہتری کی جانب گامزن کرنے کیلئے بورڈ کے ساتھ معاہدہ کیا تھا لہذا ضلع شرقی کی ہر یوسی میں بروقت کچرا اٹھنا اور ٹھکانے لگنا چاہیئے ان خیالات کا اظہار انہوں نے میونسپل کمشنر اختر علی شیخ،اپوزیشن لیڈر بلدیہ شرقی ذوالفقار قائمخانی و دیگر افسران کے ہمراہ ایم ڈی سندھ سولڈ ویسٹ مینجمنٹ بورڈ اے ڈی سنجنانی ودیگر سے صفاء اور متوقع برسات سے قبل نالہ صفائی کے حوالے سے منعقدہ اجلاس کی صدارت کرتے ہوئے کیا چئیرمین بلدیہ شرقی معید انور، میونسپل کمشنر ایسٹ اختر علی شیخ اور اپوزیشن لیڈر ذوالفقار قائمخانی ودیگر نے ایم ڈی ایس ایس ڈبلیوایم بی کو کچرا اٹھانے وٹھکانے لگانے کے حوالے سے علاقوں کی صورتحال کے بارے میں تفصیلی آگاہی فراہم کی جس پر ایم ڈی بورڈ نے کہا کہ ضلع شرقی میں صفائی ستھرائی کی صورتحال کو بہتر بنانے کیلئے باہمی اشتراک عمل سے بہتری لائیں گے،ضلع شرقی میں نظام کو کافی حد تک بہتر کیا گیا ہے جن جگہ کوتاہیاں ہیں وہاں ازالہ کیا جائیگا اس موقع پر چئیرمین بلدیہ شرقی معید انور نے متوقع برسات کے پیش نظر نالہ صفائی کے حوالے سے ہونے والی پیش رفت سے بھی افسران سے آگاہی حاصل کی اور نالے سے نکلنے والے کچرے کو بروقت اٹھا کر ٹھکانے کی ہدایت کی انہوں نے مزید کہا کہ ضلع شرقی کو صاف ستھرا اور ہرا بھرا کرنے کیلئے ہر ممکن کردار ادا کر رہے ہیں اس سلسلے میں باہمی تعاون کا فقدان ہوگا تو مسائل بڑھیں گے سندھ سولڈ ویسٹ بورڈ اپنے نیٹ ورک کو یوسیز سے مربوط طریقے سے منتقل کرے تو کچرا اٹھانے اور ٹھکانے لگانے کا نظام مثالی ہو جائے گا اجلاس میں پارلیمانی لیڈر ایم کیوایم پاکستان محمد غوث رکن کونسل ڈاکٹر ندیم ایکسئین بی اینڈ آر توقیر عباس، ڈائریکٹرز پارکس شباہت حسین، اقبال شیخ ڈپٹی ڈائریکٹر راشد فیاض اسسٹنٹ ایگزیکٹیو انجنئیرز نجم الحسنین، سلیم فاروقی، محمد سلیم ودیگر افسران بھی موجود تھے۔

جماعت اسلامی کے تحت سہراب گوٹھ تا مزار قائد”کراچی عوامی مارچ” /سراج الحق کا خطاب


Karachi March 2 copy June 30, 2019 | 8:59 PM

مارچ سے محمد حسین محنتی ، حافظ نعیم الرحمن و دیگر نے بھی خطاب کیا ہزاروں شرکاء نے کراچی کے حقوق کے لیے قرارداد منظور کی
کراچی: (نیوزآن لائن)امیر جماعت اسلامی پاکستان سینیٹر سراج الحق نے کہاہے کہ عمران خان نے کہاتھا کہ میں قوم سے جھوٹ نہیں بولوں گا لیکن افسوس کہ آج عمران خان قوم سے مسلسل جھوٹ بول رہے ہیں ،عوام آج جن مشکلات کا شکار ہیں وہ حکمرانوں اور موجودہ حکومت کی نااہلی و نالائقی کی وجہ سے ہے ۔ہم پیپلز پارٹی اور ن لیگ کی سیاست کا حصہ نہیں بنیں گے بلکہ اپنے پلیٹ فارم سے تھرڈ آپشن کے طور پر عوام کے درمیان موجود رہیں گے ،موجودہ حکومت وینٹیلیٹرپر ہے اور اب اس حکومت سے عوام کو کوئی امید اور توقعات نہیں، جماعت اسلامی ملک میں آئی ایم ایف کی حکومت قبول اور تسلیم نہیں کرتی ، ہم آزاد اور خود مختار قوم ہیں ،آئی ایم ایف اورورلڈ بنک کی غلامی قبول نہیں کریں گے ۔ 12جولائی کو عوامی تحریک کے سلسلے میں ملتان میں عوامی مارچ ہوگا۔عوام ملک میں اسلامی نظام کے قیام کی جدوجہد کے لیے جماعت اسلامی کا ساتھ دیں ۔یہ جدوجہد خون کے آخری قطرے اور آخری سانس تک جاری رہے گی ۔ان خیالات کا اظہار انہوں نے جماعت اسلامی کے تحت ملک میں بڑھتی ہوئی مہنگائی ، آئی ایم ایف کی غلامی و ظالمانہ بجٹ اورصوبے اور ملک کو سب سے زیادہ ریونیو دینے والے شہر کراچی کو اس کے حقوق اور اختیارات کی فراہمی ، بجلی ، پانی ، ٹرانسپورٹ ، سڑکوں کی خستہ حالی اور صفائی ستھرائی سمیت شہریوں کو درپیش بے شمار مسائل کے حل کے لیے شروع کی گئی تحریک ”کراچی کوعزت دو ‘ حقوق دو ” کے سلسلے میں سہراب گوٹھ سے مزار قائد عظیم الشان ”کراچی عوامی مارچ ” کے ہزاروں شرکاء سے نیو ایم اے جناح رود پر اختتامی خطاب کرتے ہوئے کیا ۔ مارچ سے امیر جماعت اسلامی صوبہ سندھ محمد حسین محنتی ،امیر کراچی حافظ نعیم الرحمن ، نائب امیر کراچی ڈاکٹر اسامہ رضی ، امیر ضلع جنوبی و رکن سندھ اسمبلی سید عبد الرشید و دیگر نے بھی خطاب کیا ۔اس موقع پر ایک قرارداد بھی منظور کی گئی جس میں کراچی کو اس کا جائز حق دینے اور مسائل کو فی الفور حل کرنے کا مطالبہ کیا گیا ۔سینیٹر سراج الحق نے خطاب کرتے ہوئے مزید کہا کہ اہل کراچی کا شکر گزار ہوں جنہوں نے آج جوق در جوق گھروں سے نکل کر عوامی مارچ میں شرکت کر کے نہ صرف کراچی کی بلکہ پورے ملک کے 22کروڑ عوام کی ترجمانی کی ۔آج ملک میں بے شمار مسائل ہیں ،بجلی ، پانی کا مسئلہ ہے اور اب تو سانس لینے کا بھی مسئلہ ہے ۔انہوں نے کہاکہ موجودہ حکومت کا کوئی معاشی وژن نہیں ہے ،مرغی کے انڈے فروخت کر کے اور بکری کے بچے فروخت کر کے معیشت کو کس طرح بہتر بنایا جاسکتا ہے ۔حکمرانوں کی زبان ہی نہیں پھسلتی بلکہ ان کی سوچ ہی پھسل گئی ہے ۔انہوں نے کہاکہ غزوہ احد میں صحابہ کرام کے بارے میں انہوں نے جو کچھ کہا وہ ا س کی ایک مثال ہے ۔انہوں نے کہاکہ سائنس و ٹیکنالوجی کا وزیر ملک میں سینماؤں کی تعداد میں اضافے کی بات کرتا ہے ۔حکمران بتائیں کہ قوم کو تعلیم کی ضرورت ہے یا سینماؤں کی ؟ سینماؤں کی تعداد میں اضافہ کر کے عوام کے کون سے مسائل حل ہوں گے ۔حکمرانوں نے ڈاکٹر عافیہ کی رہائی کے لیے بھی کچھ نہیں کیا وعدہ تو کیا تھا مگر عملا عوام کو بے وقوف بنایا ۔انہوں نے کہاکہ بھارت ہمارا دشمن ہے اور مسئلہ کشمیر کے بغیر بھارت سے دوستی نہیں ہوسکتی ،سودی معیشت کی موجودگی میں ملک ترقی نہیں کرسکتا ۔موجودہ بجٹ میں بھی سود کو ادائیگی کے لیے اربوں روپے رکھے گئے ہیں ،سودی معیشت سے نجات کے بغیر ترقی اور خوشحالی ممکن نہیں ۔عوام کے مسائل صرف جماعت اسلامی اور اسلام کا عادلانہ اور منصفانہ نظام ہی سے حل ہوسکتے ہیں۔ آج کا مارچ آخری مارچ نہیں ،تحریک کا نقطۂ آغاز ہے۔ ۔انہوں نے کہاکہ ہمارا نیب کی قیادت یا حکومت سے کوئی ذاتی مسئلہ نہیں ہے ہم عوام کے مسائل کے حل کے لیے گھروں سے نکلے ہیں ۔انہوں نے کہاکہ حکومت نے 50لاکھ گھروں کا وعدہ کیا تھا لیکن 50لاکھ ٹینٹ بھی نہیں دیے ۔انہوں نے کہاکہ ایم کیو ایم کو تو روزگار مل گیا ہے ان کے دو وزیر کابینہ میں ہے اور ایک اور وزیر کا وعدہ بھی کیا گیا ہے اس کو وفاقی کابینہ میں کراچی کے مسائل کے لیے با ت کرنی چاہیئے تھی مگر وہ تو صرف اپنے لیے مزید وزارت کی بات کرتے ہیں ۔انہوں نے کہاکہ کراچی میں K4کا مسئلہ برسوں سے حل نہیں ہورہا ہے اور عوام پانی کی بوند بوند کو ترس رہے ہیں ۔گرین لائن کا منصوبہ ادھورا پڑا ہے ۔بلدیاتی حکومت کے جانے کا وقت قریب ہے اور اب کراچی کو پانی دو کی باتیں کررہے ہیں ۔انہوں نے کہاکہ حکمرانوں کی نااہلی و نالائقی نے عوام کے مسائل بڑھادیے ہیں۔گیسوں کی قیمتوں میں 200فیصد اضافہ کیا گیا ہے ،ان حکمرانوں کی نالائقی کی قیمت عوام اور مزدور کیوں ادا کریں ۔موجودہ حکومت نے پہلے تو آئی ایم ایف سے مذاکرات کرتی رہی لیکن پھر نے آئی ایم ایف سے معاہدہ کرنے اور اس کی مرضی سے بجٹ بنایا گیا ۔ڈیزل پیٹرول تو باہر سے آتا ہے لیکن حکمران بتائیںکہ انہوںنے چینی ، چاول سمیت دیگر اشیاء کیوں مہنگا کیا اسی لیے کہ یہ شوگر مافیا کو فائدہ پہنچانا چاہتے تھے۔سپریم کورٹ چینی کی قیمتوں میں اضافے کا نوٹس لے ۔ ہم جو چیز یں یہاں سے باہر بھیجتے تھے ان پر بھی ٹیکس لگادیا گیا ہے ۔

بااثر وڈیروں، زمینداروں سے ٹیکس وصول کیا جائے: ڈاکٹر سلیم حیدر


dr saleem haider MIT June 30, 2019 | 7:47 PM

شہری علاقوں سے 92فیصد اور دیہی علاقوں سے حکومت کو 8فیصد ٹیکس ملتا ہے
متعصب سندھی وڈیرہ شاہی ٹیکس8فیصد اور مراعات 80فیصد وصول کرتی ہے
کراچی:(نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے کہا ہے کہ حکومت ٹیکسوں کی وصولی کیلئے سندھ کے بااثر زمینداروں، وڈیروں، جاگیرداروں کیخلاف بھی کارروائی کرے جو صرف 8فیصد ٹیکس دیتے ہیں اور 80 فیصد مراعاتیں حاصل کرتے ہیں ۔ جبکہ سندھ کے شہری علاقوں سے تعلق رکھنے والے مہاجر صنعتکار، تاجر اور عوام جو 92 فیصد ٹیکس دیتے ہیں انہیں صرف 20فیصد وسائل دیئے جاتے ہیں۔ انہوں نے کہاکہ کراچی بھی مکمل طورپر متعصب وڈیرہ شاہی حکومت کے نرغوں میں ہے ۔ کراچی کے مہاجر جو اس ملک کی معیشت کو چلاتے ہیں ان کے ساتھ سب سے زیادہ زیادتی کی جارہی ہے ۔ وفاقی اور صوبائی حکومت کراچی، حیدرآباد، میرپورخاص سمیت شہری علاقوں کو نہ تو ترقیاتی فنڈز دیتی ہے اور نہ ہی یہاں روزگار کے مواقعے فراہم کئے جارہے ہیں۔ تعلیم پر بھی متعصب وڈیروں اور سندھی نسل پرستوں کا قبضہ ہوگیا ہے ۔ انہوں نے کہاکہ مہاجر وں کو ناکردہ جرم کی سزا دی جارہی ہے ۔ ملکی دولت کو لوٹنے والے زمینوں اور جائیداد پر قبضہ کرنے والے سندھی النسل وڈیروں، سیاستدانوں کو لوٹ مار کی کھلی چھٹی دیدی گئی ہے جبکہ مہاجر جو سب سے زیادہ ٹیکس دیتے ہیں انہیں ہی بنیادی سہولیات سے محروم کردیا گیا ہے۔ انہوں نے کہاکہ سندھ میں 70 سال سے مہاجروں کے ساتھ سوتیلی ماں جیسا سلوک کیا جارہا ہے ۔ اگر یہ سلسلہ بند نہ ہوا تو مہاجروں میں پائی جانے والی احساس محرومی خطرناک صورتحال اختیار کرسکتی ہے جو ملک و قوم کے مفاد میں نہیں ہوگا۔ انہوں نے کہا کہ ہم ملک سے کرپشن کا خاتمہ اور کرپٹ لوگوں کو سخت سے سخت سزا کی خواہش رکھتے ہیں لیکن یہ حکومت بھی کرپٹ عناصر کیخلاف بھرپور کارروائی کرنے کے بجائے بیک ڈور چینل سے ان سے مفاہمت کررہی ہے جو ناقابل قبول ہے۔

جامعہ کراچی: شہید محترمہ بینظیر بھٹوچیئر اور کنوینشن سینٹر کے اکیڈمک بلاک کی سنگ ِبنیاد کی تقریب یکم جولائی کو ہوگی


Karachi-University-BA-BSc-And-BCom-Admissions-2012 June 30, 2019 | 7:44 PM

کراچی:(نیوزآن لائن)شہید محترمہ بینظیر بھٹو کی سالگرہ کی مناسبت سے شہید محترمہ بینظیر بھٹوچیئر اور کنوینشن سینٹر جامعہ کراچی کے اکیڈمک بلاک کی سنگِ بنیاد رکھنے کی تقریب یکم جولائی 2019 ء کوصبح11:00 بجے منعقد ہوگی ۔وائس چانسلر پروفیسر ڈاکٹر خالد محمود عراقی صدارت کریں گے جبکہ وزیر برائے ورک اینڈ سروسزسندھ سید ناصر حسین شاہ مہمان خصوصی ہوں گے۔علاوہ ازیںممبران ایڈوائزری بورڈ شہید محترمہ بینظیر بھٹو چیئر جامعہ کراچی سینیٹر تاج حیدر، رکن قومی اسمبلی ڈاکٹر شاہدہ رحمانی،پروفیسر این ڈی خان،پروفیسر مظہر الحق صدیقی،سیکریٹری فائنانس سندھ نجم احمد شاہ،سیکریٹری یونیورسٹیز اینڈ بورڈز محمد ریاض الدین شرکت کریں گے۔

بلدیہ شرقی کا مالی سال (2019ـ20) کا 2 ارب63 کروڑ 60 لاکھ کا متوازن بجٹ متفقہ طور پر منظور کرلیا گیا


30.6.2019 (1) June 30, 2019 | 7:42 PM

ترقیاتی مصارف کیلئے 71 کروڑ 50 لاکھ اور غیر ترقیاتی مصارف کیلئے 28 کروڑ 80 لاکھ روپے مختص
اوزیڈٹی آمدنی کی مد میں 1 ارب 40 کروڑ روپے مختص، بلدیہ شرقی کی اپنی ذرائع آمدنی کی مد میں 27 کروڑ60لاکھ روپے مختص
بلدیہ شرقی کے مکینوں کے مسائل دور کرنے کیلئے تمام اراکین کونسل کو ساتھ لے کر چلے ہیں اور آئندہ بھی ساتھ لے کرچلیں گے۔ چیئرمین بلدیہ شرقی معید انور
اراکین کونسل کو انکا استحقاق ہر صورت ملنا چاہیئے، ضلع شرقی کی بہتری کیلئے ہمیشہ تنقید برائے تعمیر کو ترجیح دی۔ اپوزیشن لیڈر بلدیہ شرقی ذولفقار قائم خانی
مختلف سیاسی جماعتوں کے پارلیمانی لیڈرز کا بجٹ پر اظہار خیال تعریف کے ساتھ اپنے تحفظات سے بھی آگاہ کیا گیا
کراچی:(نیوزآن لائن)بلدیہ شرقی کی کونسل نے بلدیہ شرقی کیلئے مالی سال (2019ـ20)کا 2 ارب63 کروڑ60 لاکھ روپے کا متوازن بجٹ متفقہ طور پر منظور کر لیا ہے چئیرمین معید انور کی سربراہی میں مسلسل تیسرا بجٹ متفقہ طور پر منظور کرکے ہیٹ ٹرک مکمل کی گئی ہے اس موقع پر منعقدہ اجلاس میں فنانس کمیٹی کے چیئرمین آصف میمن نے بجٹ تفصیلات سے کونسل کو آگاہ کیا۔ تفصیلات کے مطابق ترقیاتی مصارف کیلئے 71 کروڑ50 لاکھ روپے، غیر ترقیاتی مصارف کیلئے 28 کروڑ80 لاکھ روپے تنخواہوں کی ادائیگی کی مد میں 1 ارب52کروڑ30 لاکھ روپے مختص کئے گئے ہیں حکومت سندھ سے اوزیڈٹی کی مد میں وصولی کا ہدف 1ارب40 کروڑ روپے رکھا گیا ہے جبکہ پراپرٹی/ بیٹرمنٹ ٹیکس کی مد میں سالانہ آمدنی کا ہدف70 کروڑروپے، غیر متقولہ جائیداد کی مد میں وصولیوں کا ہدف 26 کروڑروپے جبکہ بلدیہ شرقی نے اپنے ذرائع آمدنی سے وصولیوں کا ہدف 27 کروڑ 60 لاکھ روپے ہے۔ چیئرمین بلدیہ شرقی معید انور نے اس موقع پرخطاب کرتے ہوئے کہا کہ ضلع شرقی کو ترقیاتی مد میں زیادہ سے زیادہ فنڈز مختص کرنے کیلئے غیر ترقیاتی مصارف کو کم کیا گیا ہے۔ ضلع شرقی کو ترقیاتی لحاظ سے آگے کی جانب لے جانے کیلئے اراکین کونسل کو ہمیشہ ساتھ لے کر چلے ہیں اور آئندہ بھی ساتھ لے کر چلیں گے۔ ملازمین کے مسائل کو بھی حل کرنے کی کوشش میں مصروف ہیں انکی صحت کا خیال رکھتے ہوئے ہیلتھ انشورنش کیلئے پہلی مرتبہ 2 کروڑ50 لاکھ روپے مختص کئے ہیں۔ ہر رکن کونسل کیلئے بھی ترقیاتی فنڈز مختص کئے گئے ہیں، ہماری کوشش ہے کہ چاہے وسائل کتنے ہی محدود ہی کیوں نہ ہوں ضلع شرقی کے مسائل حل کیئے جائیں۔ قائد حزب اختلاف بلدیہ شرقی ذولفقار قائم خانی نے اس موقع پر گفتگو کرتے ہوئے کہا کہ اراکین کونسل کا استحقاق پہلی ترجیح ہے اسکا ہرصورت خیال رکھا جانا چاہیئے ہمیشہ بلدیہ شرقی کی ترقی کی کوشش کیلئے تعاون کیا، اس سلسلے میں تنقید برائے تعمیر کو سامنے رکھا اور کبھی تنقید برائے تنقید نہیں کی۔ بجٹ اجلاس میں متحدہ قومی موومنٹ پاکستان کے پارلیمانی لیڈر محمد غوث،پیپلز پارٹی کے پارلیمانی لیڈر مولابخش چنڈ، جماعت اسلامی کے پارلیمانی لیڈر مصطفی قریشی، ن لیگ کے طاہر جمیل،بملا روز میری تحریک انصاف کے پارلیمانی لیڈر سرتاج خٹک اور اورنگزیب تاج نے خطاب کیا اور تعریفی کلمات کے ساتھ اپنے تحفظات سے بھی آگاہ کیا اجلاس میں وائس چیئرمین بلدیہ شرقی عبدالرؤف خان، میونسپل کمشنر اختر علی شیخ، ڈائریکٹر کونسل ڈاکٹر آصف رضوی، اکاؤنٹس آفیسر جاوید شیخ کے علاوہ مختلف محکمہ جات کے افسران نے شرکت کی۔

کراچی میں درجہ حرارت 40 ڈگری سینٹی گریڈ تک پہنچ گیا


Heatwave alert in karachi June 6, 2019 | 4:31 PM

کراچی:(نیوزآن لائن) شہر قائد کا درجہ حرارت 40 ڈگری سینٹی گریڈ تک پہنچ گیا، محکمہ موسمیات نے خبردار کیا ہے کہ پارہ 40 ڈگری سے بھی اوپر جاسکتا ہے۔تفصیلات کے مطابق محکمہ موسمیات نے آج بھی شہرمیں موسم شدیدگرم رہنے کی پیشگوئی کرتے ہوئے کہا درجہ حرارت 40 ڈگری سے بھی اوپر جانے کا امکان ہے۔شہر کا درجہ حرارت 40 ڈگری سینٹی گریڈ تک پہنچ گیا، ہوامیں نمی کا تناسب 33 فیصد ہے، نمی کا تناسب بڑھنے سیگرمی اور حبس کی شدت میں اضافہ ہوا ہے ۔

کراچی میں اسٹریٹ کرائمز میں اضافہ ،حکومت اور پولیس کی نا اہلی ہے ۔حافظ نعیم الرحمن


hafiz naeem rehman June 1, 2019 | 3:03 AM

عید کی خریداری مشکل ہو گئی ہے،خواتین کے پرس و زیورات اور شہریوں سے موبائل فون چھیننے کی وارداتیں روزانہ ہو رہی ہیں
جرائم پیشہ عناصر کے خلاف فوری اقدامات کیے جائیں تاکہ کراچی کے عوام عید کی شاپنگ اور عام آمد و رفت باآسانی بلا خوف و خطر کرسکیں
کراچی:(نیوزآن لائن)امیر جماعت اسلامی کراچی حافظ نعیم الرحمن نے کہا ہے کہ شہر میں چوری و ڈکیتی ،لو ٹ مارکی وارداتوں اور اسٹریٹر کرائمز میں حالیہ دنوں میں تشویش ناک حد تک اضافہ ہو گیا ہے جس کے باعث شہریوں کو شدید مشکلات اور پریشانیوں کا سامنا ہے ۔ رمضان المبارک کے آخری عشرے اور عید الفطرکی آمد کے مو قع پر عام شہریوں بالخصوص خواتین کے لیے عید کی خریداری مشکل ہو گئی ہے ۔ خواتین کے پرس و زیورات اور شہریوں سے موبائل فون چھیننے کی وارداتیں روزانہ ہو رہی ہیں اور اسٹریٹ کرائمز میں اضافہ حکومت اور پولیس کی نا اہلی اورناکامی ہے ۔کراچی میں پولیس کی جانب سے اسٹریٹ کرائمز کے خلاف خصوصی مہم کا اعلان تو کیا جا چکا ہے تاہم صورتحال میں کوئی واضح بہتری نظر نہیں آرہی ،حافظ نعیم الرحمن نے کہا کہ کراچی کے عوام پہلے ہی پانی ، بجلی کی وجہ سے شدید ذہنی و جسمانی اذیت کا شکار ہیں ۔ اس کے باوجود حکومت نہ پانی کی فراہمی کو یقینی بناتی ہے اور نہ بجلی کے نظام کو درست کرنے کے لیے اپنا کوئی کردار ادا کرتی ہے ۔حافظ نعیم الرحمن نے کہا کہ ماضی میں شہر میں امن و امان کی بد ترین صورتحال کی نسبت گزشتہ دنوں قانون نافذ کر نے والے اداروں کی کاروائیوں کے باعث حالات میں کچھ بہتری پیدا ہو ئی تھی مگر پھر جرائم پیشہ عناصر اور گروہ بڑے پیمانے پر چھینا جھپٹی اور اسٹریٹ کرائمز کی وارداتوں میں بلا خوف و خطر ملوث ہو گئے ہیں جس کے باعث عام شہریوں میں عدم تحفظ کا احساس پیدا ہورہا ہے اور کاروباری طبقہ بھی پریشان ہے ۔ دکانداروں کو بھی لوٹا جارہا ہے ایسا محسوس ہوتا ہے کہ شہریوں کا کوئی پُرسان ِ حال نہیںاس صورتحال کے باعث عوام کے اندر شدید بے چینی و اضطراب اورخوف وہراس پھیل رہا ہے ۔ضروری ہے کہ اس صورتحال کا نوٹس لیا جائے ،انہوں نے کہا کہ کراچی پولیس کی نااہلی ہے کہ جرائم پیشہ افراد اگر پکڑے جاتے ہیں تو کیس اتنے کمزور بنائے جاتے ہیں کہ ملزم سزا سے بچ جاتے ہیں ۔ حافظ نعیم الرحمن نے کہا کہ حکومت اور قانون نافذ کرنے والے اداروں کی ذمہ داری ہے کراچی کے شہریوں کو ہر قسم کا تحفظ فراہم کریںاور اسٹریٹ کرائمز میں ملوث عناصر کے خلاف فوری عملی اقدامات کریں تاکہ کراچی کے عوام عید کی شاپنگ اور عام آمد و رفت باآسانی بلا خوف و خطر کرسکیں ۔

پاکستان کو امن کا گہوارہ بناناہے تو شب قدرکی عظمتو ں ،برکتو ں کوحاصل کرنا ہوگا ۔ محمد سلیم عطاری


ani June 1, 2019 | 2:24 AM

آج ہم اللہ اور اس کے رسول ۖکے احکامات کو بھلابیٹھے ہیں ۔محمدکامران قادری
کراچی :( نیوزآن لائن)انجمن نوجوانان اسلام پاکستان کے سربراہ محمد سلیم عطاری نے کہاکہ قرآن کریم کانزول ماہ رمضان کی مقدس شب میں ہوا۔اسے قرآن میں لیلة ُالقدرکہہ کر اس کا درجہ ہزارشب سے بڑھ کر قراردیا۔اس سے معلوم ہواکہ جب اس شب میں قرآن پڑھاجائے وہ شب مقدس اورجس ساعت میں اس کی تلاوت کی جائے وہ ساعت مقدس ہوجاتی ہے۔اب یہ سوچنا ہے کہ اگر ہم قرآن کے احکامات کواپنے اوپرلاگو کریں تو ہم اللہ کی بارگاہ میں کس قدرمعززہوجائیں گے۔اگر ہم چاہیں تو قرآن کی برکا ت وفیض کواپنے لئے مشعل راہ بتاسکتے ہیں۔قرآن مکمل ضابطہ حیات ہے۔اگرآج اس کے احکام ملک میں نافذ ہوجائیں تو ہم روحانی منازل کے ساتھ ساتھ سماجی ،معاشرتی ،معاشی اور بہت سی ترقیاں حاصل کرسکتے ہیں۔ اگر ہمیں پاکستان کو امن کا گہوارہ بناناہے تو شب قدرکی عظمتو ں اور قرآن کی برکتو ں کوحاصل کرنا ہوگا۔ محمد کامران قادری نے کہاکہ ہم اللہ اور اس کے رسول ۖکے احکامات کو بھلابیٹھے ہیں ، آج پوری دنیا میں مسلمانوں کا قتل عام کیاجارہاہے ،جوتاریخ کی سب سے بدترین مثال ہے ۔ اس سے بھی زیادہ افسوسناک بات یہ ہے کہ مسلمانوں کے قتل عام پرمسلم ممالک کی بے حسی قابل افسوس اور شرمناک ہے۔

تحریک آزادی القدس پاکستان ،اسرائیل مکڑی کے جالے سے زیادہ کمزور ہے،صہیونی ریاست جلد ختم ہونے والی ہے،مقررین


ISO June 1, 2019 | 2:15 AM

وہ دن دور نہیں کہ جب یہ دنیا اسرائیل کے ناپاک وجود سے پاک ہوگی ،محمد قاسم شمسی ،مرکزی صدر آئی ایس او
آج یمن ،شام ،عراق اور سوڈان میں جو کچھ ہورہا ہے اسکے پیچھے صہیونی سازش ہے،علامہ ناظر تقوی، رہنما شیعہ علما کونسل
آخر کیوں اسرائیلی درندگی پر اقوام متحدہ اور نام نہاد انسانی حقوق کی دعویدار تنظیمیں خاموش ہیں،ناصر شیرازی ،رہنما ایم ڈبلیو ایم
غاصب صیہونی ریاست اسرائیل مسجد اقصی کو منہدم کرکے وہاں پر ہیکل سلیمانی بنانے کا منصوبہ بنا رہی ہے؛مولانا شہنشاہ حسین نقوی
پاکستان کو امریکی کالونی نہیں بننے دیں گے،اسرائیل کو تسلیم کرنے کی باتیں قابل مذمت ہیں؛ رہنما جمیعت علمائے اسلام مولانا عقیل انجم
کراچی:(نیوزآن لائن( غاصب صیہونی ریاست اسرائیل کی نابودی کا وقت دور نہیں جب قبلہ اول بیت المقدس پر پرچم حق لہرائے گا، مشرق وسطی میں آنے والی یہ بیداری کی لہر آزادی بیت المقد س پر ہی ختم ہوگی۔ ان خیالات کا اظہار مقررین نیتحریکِ آزادی القدس پاکستان کی جانب سے سی بریز تا تبت سینٹر نکالی جانیوالی” مرکزی آزادی القدس ریلی” میں تبت سینٹر پر منعقدہ جلسے سے خطاب کرتے ہوئے کیا۔ مقررین میںامامیہ اسٹوڈنٹس آرگنائزیشن پاکستان کے مرکزی صدر قاسم شمسی،صدر شیعہ علما کونسل سندھ علامہ ناظر عباس تقوی،مرکزی ڈپٹی سیکریٹری جنرل مجلس وحدت مسلمین مولانا احمد اقبال رضوی،رہنما ایم ڈبلیو ایم ناصر شیرازی،مولانا شہنشاہ حسین نقوی،رہنما جمعیت علمائے اسلام مولانا عقیل انجم شامل تھے۔ ریلی میں ہزاروں کی تعداد میں مرد و خواتین، بزرگوں اور بچوں نے کثیر تعداد میں شرکت کی اور امام خمینی کی آواز پر لبیک کہتے ہوئے اس عزم کا اعادہ کیا کہ قبلہ اول بیت المقدس کی آزادی اور غاصب صیہونی ریاست اسرائیل کی نابودی تک صدائے احتجاج بلند کرتے رہیں گے۔آزادی القدس ریلی سے خطاب کرتے ہوئے امامیہ اسٹوڈنٹس آرگنائزیشن پاکستان کے مرکزی صدر قاسم شمسی نے کہاکہ وہ دن دور نہیں کہ جب یہ دنیا اسرائیل کے ناپاک وجود سے پاک ہوگی، اللہ کا وعدہ ہے ”بیشک اللہ کا گروہ ہی غالب آنے والا ہے” ،ہم نے قرآن کی اس آیت کا مصداق لبنان میں حزب اللہ اور فلسطین میں حماس کی کامیابی کی صورت میں دیکھ لیا ہے، امام خمینی کی بدولت عالم اسلام آج اپنے اہم ترین مسئلے یعنی بیت المقدس کی آزادی کی طرف پلٹ چکا ہے، اور انشا اللہ امت مسلمہ رہبر معظم آیت اللہ سید علی خامنہ ای کی با بصیرت قیادت میں بیت المقدس کو صیہونی قبضے سے نجات دلائے گی، انہوں نے صدی کی ڈیل کے نام پر اسرائیل کو مزید مستحکم کرنے اور فلسطین کے رہے سہے حقوق کو سلب کرنے کی شدید مذمت کی اور کہا کہ امریکی صدر امریکی عوام کے نہیں صہیونیوں کے صدر ہیں ،انہوں نے ایران کے خلاف جنگی ماحول پیدا کرنے کی شدید مذمت کرتے ہوئے کہا کہ امریکی صدر ایران سے جنگ چاہتے ہیں جبکہ امریکی عوام تک اس جنگ کے مخالف ہے ،صوبائی صدر شیعہ علما کونسل علامہ ناظر تقوی نے شرکا ریلی سے خطاب کرتے ہوئے کہا کہ مسئلہ فلسطین عالم اسلام کا عظیم ترین مسئلہ ہے، جس کوآج کے معاشرے میں زندہ رکھنا بھی بہت بڑا جہاد ہے،اور بہت جلد امت مسلمہ اپنے اتحاد سے عالمی استعمار کے عزائم کو خاک میں ملا دے گی، انہوں نے کہا آج یمن شام و عراق اور سوڈان میں جو کچھ ہورہا ہے اسکے پیچھے صہیونی سازش ہے۔مولانا عقیل انجم نے خطاب کرتے ہوئے کہا کہ غاصب صیہونی ریاست اسرائیل مسجد اقصی کو منہدم کرکے وہاں پر ہیکل سلیمانی بنانے کا منصوبہ بنا رہی ہے، جبکہ مسلسل غزہ پر اسرائیل کی جارحیت جاری ہے۔انہوں نے کہا کہ اس کی واضح مثال سعودی عرب میں ایران کے خلاف جنگ کا ماحول بنانیکے لئے تین بڑی کانفرنس طلب کی گئی جنکا ہدف اسرائیل نہیں ایران ہے ، کیونکہ ایران ہی وہ واحد قوت ہے جس نے مسئلہ فلسطین کو مضبوط کیا۔ناصر شیرازی نے خطاب کرتے ہوئیکہا ہم کسی صورت اسرائیل کو تسلیم نہیں ہونے دیں گے ، آخر کیوں اسرائیلی درندگی پر اقوام متحدہ اور نام نہاد انسانی حقوق کی دعویدار تنظیمیں خاموش ہیں، آئے دن نہ جانے کتنے بچے یتیم اور نہ جانے کتنے والدین بے اولاد ہوجاتے ہیں۔ امام خمینی کی بابصیرت قیادت نے اس اہم مسئلے کو اتنی اہمیت دی کہ آج دنیا بھر میں یوم القدس منایا جا رہا ہے۔پاکستان کے عوام نے ہمیشہ غاصب صیہونی ریاست اسرائیل کی مخالفت اور فلسطینیوں کے موقف کی حمایت کی ہے اور ہر فورم میں ان کے حق میں آواز بلند کی ہے،انہوں نے افسوس کا اظہار کرتے ہوئے کہا کہ آج مکہ میں اسلامی ممالک کی کانفرنس کی بلا کر صہیونی سازش کو مزید مستحکم کرنے کی کوشیش کی جارہی ہے، انہوں نے کہاکہ آج مسلمان انتشار کا شکا ر ہیں، مسلم امہ کو غیرت کا ثبوت دیتے ہوئے مسئلہ فلسطین کر یکجا ہونے کی ضرورت ہے۔مقررین نے شرکا سے مزید خطاب کرتے ہوئے کہا کہ پاکستان کو امریکی کالونی بنانے کا منصوبہ فی الفور ترک کیا جائے ۔انہوں نے کہا کہ اسرائیل کو تسلیم کرنے کی باتیں قابل مذمت ہیں، ہم پاکستانی عوام فلسطینی مظلومین کے خون کا سودا نہیں کریں گے، پاکستان اسرائیل کو کبھی تسلیم نہیں کرے گا۔ریلی کے اختتام پر قراردادیں ترجمان تحریکِ آزادی القدس پاکستان نے پیش کیں جبکہ شرکا نے امریکہ اور اسرائیل کے پرچم بھی نذر آتش کئے ۔

عید الفطر کے موقع پر بلدیہ وسطی کے ملازمین کی تنخواہوں کی ادائیگی مشکل میں پڑ گئیں۔


Meeting Advitisming copy June 1, 2019 | 2:07 AM

سندھ حکومت نے مسلمان اسٹاف کی تنخواہوں کی مد میں ڈھائی کروڑ روپے کی کٹوتی کر ڈالی ۔
سیکریٹری مالیات سندھ کو اس ظالمانہ اقدام کے حوالے سے شکایتی خط ارسال کردیا گیا ہے ۔ریحان ہاشمی
کراچی: (نیوزآن لائن)چیئرمین بلدیہ وسطی ریحان ہاشمی نے کہا کہ سندھ حکومت نے اپنے ہی احکامات کے خلاف جاتے ہوئے مسلم اسٹاف کی تنخواہوں کی مد میں 2.5 کروڑ کی کٹوتی کرکے بلدیہ وسطی کے ملازمین پر عید الفطر کے موقع پر شب خون مارا ہے ،کیا بلدیہ وسطی کے مسلم ملازمین اور اُن کے اہل و عیال کو عید الفطر منانے کا حق نہیں ہے سندھ سرکار کا یہ ظالمانہ قدم جو اُس نے ضلع وسطی اور بلدیہ وسطی کے ملازمین کے ساتھ رواں رکھا ہے کسی بڑے حادثے کا سبب بن سکتا ہے ۔حکومت سندھ اب بھی ہوش کے ناخن لے۔ حکومت سندھ کے اس اقدام سے بلدیہ وسطی کے مسلم ملازمین کو عید پر تنخواہیں دینا مشکل ہوگیا ہے ۔بلدیہ وسطی کے غریب ملازمین کی تنخواہوں کی عدم ادائیگی سے اُن کی عید کی خوشیاں پھیکی پڑگئی ہیں اس سلسلے میں چیئرمین بلدیہ وسطی ریحان ہاشمی نے سیکریٹری مالیات سندھ کو شکایتی خط ارسال کیا گیا ہے جس میں انہوں نے سندھ حکومت کی جانب سے مسلم ملازمین کی تنخواہوں کی ادائیگی عید سے قبل کرنے کے حکم نامے سے بھی آگاہ کیا لیکن حکومت سندھ اس پر کوئی توجہ نہیں دے رہی ہے ۔ریحان ہاشمی کا کہنا ہے کہ سندھ حکومت بلدیہ وسطی کے ملازمین کے ساتھ سوتیلوںجیسا سلوک روا رکھے ہوئے ہے ۔گزشتہ سال کا 10 فیصد اضافہ بھی ابھی تک ملازمین کو نہیں دیا گیا ہے جس بنا پر ملازمین میں بے چینی پائی جاتی ہے حکومت سندھ ملازمین کی تنخواہیں بڑھاکر دینے کے بجائے جاری فنڈ میں بھی 10 فیصد کٹوتی کردی جس سے ملازمین سخت پریشان اوراضطراب میں مبتلا ہیں۔

پوری وفاقی حکومت کو اپوزیشن کی ایک افطار پارٹی سے مرگھی کا دورہ پڑ گیا ہے، محمد اسماعیل راہو


ismail rahu May 20, 2019 | 3:56 AM

محمد اسماعیل راہو کے اتوار کے روز بھی مارکیٹوں میں مسلسل اچانک چھاپے،8 منافع خوروں کو پرائز میجسٹریٹ نے جیل بھیج دیا، ایک لاکھ تک جرمانہ عائد۔
بیس سے زائد دکاندار سزا سے بچنے کے لئے دکانیں چھوڑ کر بھاگ گئے، بھاگنے والے دکانداروں کو گرفتار کرنے کاحکم،صوبائی وزیر رسد و قیمت
کراچی:(نیوزآ ن لائن) سندھ کے صوبائی وزیر رسد و قیمت محمد اسماعیل راہو نے گراں فروشوں کے خلاف کمرکس لی،اتوار کے روز بھی مارکیٹوں میں مسلسل اچانک چھاپے،8 منافع خوروں کو پرائز میجسٹریٹ نے جیل بھیج دیا۔اسماعیل راہو کو دیکھ کر بیس سے زائد دکاندار سزا سے بچنے کے لئے دکانیں چھوڑ کر بھاگ گئے، بھاگنے والے دکانداروں کو گرفتار کرنے کاحکم، 8 منافع خوروں پر ایک لاکھ تک جرمانہ بھی عائد۔صوبائی وزیر رسد قیمت محمد اسماعیل راہونے پرائزمیجسٹریٹ کے ہمراہ گلشن اقبال اور بھادر آباد کی مارکیٹوں میں اچانک چھاپے مارے۔صوبائی وزیر کو دیکھ کربیس سے زائد، سبزی، فروٹ، بکرے، مرغی کا گوشت فروخت کرنے والے منافع خور دکانیں اور اسٹال چھوڑ کر فرارہو گئے۔ محمد اسماعیل راہو نے میڈیا سے گفتگو کرتے ہوئے کہا کہ جو دکاندار اسٹال اور دکانیں چھوڑ کر فرار ہوئے ہیں ان تمام منافع خوروں کوگرفتار کیاجائے،بکرے کا گوشت سرکاری قیمت پر فروخت نہ کرنے پر پرائز میجسٹریٹ نے کئی دکانداروں کو جیل اور 90 ہزار سے زائد جرمانہ عائد کیا ہے، مھنگا فروٹ فروخت کرنے والے چار منافع خوروں کو بھی جیل بھیج دیا گیا،بھت سے لوگوں کے پاس پرائز لسٹیں ہی موجود نہیں ہیں،جس کے پاس پرائز لسٹ نہیں ہوگی اس پر بھاری جرمانہ لگایا جائے گا۔اسماعیل راہو نے مزید کہا کہ ذخیرہ اندوزی اور منافع خوری کسی صورت برداشت نہیں کی جائے گی،فرار ہونے والے کئی فروٹ اور گوشت والوں کا سامان بھی اٹھوالیا ہے، خان صاحب سے کسی نے این آر او نہیں مانگا، جو خود این آر او پر حکومت میں آئے ہوں وہ اپوزیشن کو کیا این آر او دیں گیں بھتر ہوگا خان صاحب مہنگائی پر کنٹرول کرنے پر دہیاں دیں، ملک میں مہنگائی کا طوفان وفاقی حکومت کی وجہ سے آیا ہے، حکومت نے مہنگائی سے عوام کی چیخیں نکال دی ہیں، پوری وفاقی حکومت کو اپوزیشن کی ایک افطار پارٹی سے مرگھی کا دورہ پڑ گیا ہے، عید کہ بعد جو دہمال لگے گی تو بچاری حکومت کیا ہوگا۔انہوں نے کہا کہ سندھ حکومت نے مہنگائی پر کنٹرول کرنے کہ لیے کمیٹیاں بنائی ہیں جو دن میں دو مرتبہ کارروائی کررہی ہیں، جعلی پرائز لسٹیں بنانے والوں کہ خلاف بھی کارروائی کی گئی ہے، کراچی میں 140 سے زائد سستے بچت بازاریں لگ رہی ہیں، جہاں سے عوام سستے داموں پر اشیائ خردنوش خرید سکتے ہیں۔

جماعت اسلامی کو جب بھی موقع ملا شہر کی تعمیر و ترقی میں بے مثال کردار ادا کیا حافظ نعیم الرحمن


Rashan Taqsim copy May 20, 2019 | 3:44 AM

انسانوں کے بنائے ہوئے نظام میں عوام کے مسائل حل نہیں ہوسکتے تقریب الخدمت مفت بازارسے سید عبد الرشید و دیگر کاخطاب
کراچی:(نیوزآن لائن)جماعت اسلامی کراچی کے امیر حافظ نعیم الرحمن نے کہا ہے کہجماعت اسلامی ملک میں دینی نظام کا نفاذ چاہتی ہے ، اللہ کا دین نافذ ہوگا تو ہمارے معاملات و مسائل خود بخود حل ہوجائیں گے ، معاشرے میں بے راہ روی اور اقربا پروری کا ماحول ختم ہوجائے گا ۔ عدل و انصاف کا بول بالا ہوگا ، اس کے لیے ہمیں امانت دار اور دیانت دار قیادت کو لانے کی ضرورت ہے ، ایسے حکمران جو اللہ کی زمین پر اللہ کا نظام نافذ کریں ، جماعت اسلامی کو جب بھی موقع ملاہم نے شہر کی تعمیر و ترقی میں بے مثال کردار ادا کیا۔ عوام دیکھیں کہ کتنے تجربے کرچکے ، ان سے کیا ملا مہنگائی بڑھ رہی ہے ، مصائب و مشکلات کاسامنا ہے ،ڈالر کی قیمت میں اضافہ ہورہا ہے اور ہماری کرنسی نیچے کی طرف آرہی ہے ،رمضان المبارک قرآن کا مہینہ ہے ، قرآن کی تحریک یہ ہے کہ قرآن کے نظام کو نافذ کیاجائے ، اللہ کا نظام نہ ہونے کی وجہ سے بہت سے قرآنی احکامات پر عمل نہیں کیا جارہا ، ہم سب کو دین کے احکامات نافذ کرنے کے لیے مل کر جدوجہد کرنا ہوگی ۔ان خیالات کا اظہار انہوں نے جماعت اسلامی ضلع گلبر گ کے تحت تقریب الخدمت مفت بازار سے خطاب کرتے ہوئے کیا۔ تقریب سے رکن سندھ اسمبلی و امیر جماعت اسلامی ضلع جنوبی سید عبد الرشید ،ضلع گلبرگ کے امیر وسابق ٹاؤن ناظم فاروق نعمت اللہ اور دیگر نے بھی خطاب کیا ۔حافظ نعیم الرحمن نے خطاب کرتے ہوئے مزید کہا کہ جماعت اسلامی ضلع گلبرگ کے منتظمین مبارکباد کے مستحق ہے جوتسلسل کے ساتھ کئی سال سے الخدمت بازار لگاتے ہوئے لوگوں کی مدد کرنے کے کلچر کو عام کررہے ہیں معاشرے میں سفید پوش لوگوںکو زندگی گزارنے میں آسانی پیدا کررہے ہیں ۔انہوں نے کہاکہ غربت ، مفلسی اور بے راہ روی کی بنیادی وجہ ناانصافی ،بدامنی اور فساد پر مبنی معاشرہ ہے ، غریب کو اس کا حق دینے کے بجائے اس کااستحصال کیا جاتا رہا ہے ،حکومتی اختیارات ان لوگوں کے پاس ہیں جو لوگوں میں عدل و انصاف نہیں کرتے ، عوام کا پیسہ عوام پر خرچ نہیں کرتے ، شہر میں اس وقت سب سے بڑا مسئلہ پانی اور بجلی کا ہے ، رمضان المبارک میں بھی شہریوں کو پانی اور بجلی سے محروم کیا ہواہے ،جماعت اسلامی ایسا نظام لانا چاہتی ہے جس میں عدل وانصاف ہو ، ہر شہری کو اس کا جائز حق ملے ، ہم چاہتے ہیں کہ آج جو لوگ راشن لینے آئے ہیں کل یہی لوگ راشن دینے والوں میں شامل ہوجائیں اس کے لیے ہم سب کو مل کر ایک اسلامی معاشرے کو قائم کرنا ہوگا اور ایسے لوگوں کو اقتدار میں لانا ہوگا جو عد ل و انصاف پر مبنی معاشرہ قائم کریں۔ انہوں نے کہاکہ پاکستان اللہ کی راہ میں خرچ کرنے کے حوالے سے ایک نمایاں حیثیت رکھتا ہے ۔ دینی مدارس، مساجد ، کفالت یتامی ، اسپتال اور اسی طرح سے راشن کی تقسیم میں پاکستان سر فہرست ہے اور پاکستان میں سب سے زیادہ کراچی میں مخیر حضرات ہیں جو اللہ کی راہ میں خرچ کرنے میں مسابقت رکھتے ہیں یہی وجہ ہے کہ کراچی پاکستان کا مرکز بنا ہوا ہے ، پوری دنیا کے لوگ کراچی آتے ہیں ،دین کے کاموں میں تعاون کے لیے ، دکھی انسانیت کی خدمت کے لیے اور امت مسلمہ میں جہاں کہیں بھی مسلمان مسائل کا شکار ہوتے ہیں خصوصاً برما، روہنگیا ، فلسطین اور شام کے مظلوم مسلمانوں کی امدا د کے لیے کراچی کے لوگوں نے ہمیشہ بڑھ چڑھ کو حصہ لیا ہے اور ان کی دل کھول کر امداد کی ہے ۔انہو ں نے کہاکہ الخدمت ایک فلاحی تنظیم ہے جو محدود وسائل کے باوجود پورے ملک میں خدمت خلق میں مصروف ہے ، کراچی میں 6بڑے اسپتال قائم کیے گئے ہیں جہاں انتہائی سستا اور معیاری علاج کیا جاتا ہے ، تعلیم کے میدان میں حلقہ خواتین کے تحت بیٹھک اسکول کا نیٹ ورک قائم ہے جہاں یتیم بچوں کو مفت تعلیم دی جاتی ہے ، پورے پاکستان میں الخدمت کے تحت واٹر فلٹریشن پلانٹ لگائے گئے ہیں جہاں لوگوں کو انتہائی سستا پانی فراہم کیا جاتا ہے اور سب سے بڑھ کر کفالت یتامیٰ کی مد میں پورے پاکستان میں 12ہزار ایسے بچے ہیں جن کے والدین نہیں ہیں ان کی ماہانہ کفالت کی جاتی ہے ۔انہوں نے کہاکہ جماعت اسلامی محدود وسائل کے باوجود انسانی خدمت میں مصروف ہے لیکن حکومت کی ذمہ داری ہے کہ معاشرے میں غریب اور متوسط گھرانوں کی ہر طرح سے امداد کرے ۔ معاشرے سے بد امنی ، خرابی کو دور کرے ۔سید عبد الرشید نے کہاکہ جماعت اسلامی جھوٹے وعدے اور دعوؤں پر یقین نہیں رکھتی بلکہ عملی اقدامات پر یقین رکھتی ہے ۔ اللہ تعالیٰ نے ہمیں بے شمار نعتوں سے نوازا ہے ،ہم صبح سے رات تک رزق حلال کمانے کے لیے محنت کرتے ہیں ،اپنے وجو د کا استعمال کرتے ہیں لیکن ہماری بدقسمتی یہ ہے کہ ہمارے اوپر سیاست کرنے والوں نے لسانیت وعصبیت کی بنیاد پر اور عوام کے حقوق کے نام پر سیاست کی ۔انہوں نے کہا کہ مدینہ جیسی اسلامی ریاست کا تصور صرف جماعت اسلامی میں ہی موجود ہے ۔خیر کے کاموں میں گلبرگ کے منتظمین کو مبارکباد پیش کرتا ہوں جنہوں نے بڑی محنت سے اہل خیر حضرات کے تعاون سے غریب لوگوں کے لیے راشن کا انتظام کیا اور امید ہے کہ یہ اسی طرح مشعلیں جلاتے رہیں گے ۔انہوں نے کہاکہ بنیادی ضروریات کی فراہمی اور غربت کا خاتمہ حکومت کی ذمہ داری ہے ،اس وقت کراچی میں بجلی کا بڑا مسئلہ ہے ، گیس کی قیمتوں میں اضافہ کردیا گیا ہے اور عوام کو گیس میسر نہیں ہے ، کراچی میں 70سالوں میں جماعت اسلامی نے بلدیہ میں 11سال حکومت کی اور کراچی میں 3پروجیکٹ مکمل کیے جس کی وجہ سے آج پورا کراچی پانی استعمال کررہا ہے لیکن جو لوگ 30سالوں سے کراچی میں برسراقتدار ہیں انہوں نے کراچی والوں کے لیے آج تک ایک کنواں بھی نہیں کھدوایا ۔ضرورت اس مر کی ہے کہ دیانت دار ،امانت دار اور حق گو انسان کا ساتھ دیا جائے۔#

المصطفیٰ کے زیر اہتمام کورنگی میراگھر المصطفیٰ کے نام سے یتیم خانہ قائم


PIC AWS 19-5-2019 May 20, 2019 | 3:24 AM

کراچی(نیوزآن لائن)المصطفیٰ ویلفیئرسوسائٹی کے سرپرست اعلیٰ سابق وفاقی وزیرڈاکٹرحاجی محمدحنیف طیب نے کہاکہ مسجد میں آنا، مسجدوں کو آبادکرنا،رزق حلال کمانا،نماز،روزہ،صاحب استطاعت ہوتوحج کرنا،زکوٰة دینا،صدقہ کرنا،فطرہ،خیرات دینا،کسی بھوکے کوکھاناکھلانا،ماں باپ کی خدمت کرنا،یتیم کی کفالت کرنا،رضائے الٰہی کے خاطردکھی انسانیت کی خدمت کے کام کرتے رہنا ،رو رو کراللہ سے اپنے گناہوں کی معافی مانگنا،گناہ کبیرہ سے بچنا،قرآن مجید کوپڑھنااس کے احکامات پر عمل کرنا، نبی کریم ۖاوراس کی آل محمد ۖسے محبت کرنا ،یہ سب اعمال جنت میں لے جانے والے ہیں۔ا للہ توچاہتا ہے کہ نبی کا ہر اُمتی جنت میں جائے،اب یہ ہمارے اُوپر ہے کہ ہم نیکی کا راستہ اختیارکریں یابدی کا۔وہ جامع مسجد سلطان میں اجتماع سے خطاب کررہے تھے۔حاجی حنیف طیب نے بتایاکہ المصطفیٰ ویلفیئرسوسائٹی کے زیراہتمام روزانہ کی بنیادمیں سینکڑوں غریب، مستحق ،کم آمدنی والے افرادکے لئے دوپہر کے کھانے کا بندوبست کیاجاتاہے ،رمضان المبارک میں افطاری کروائی جاتی ہے ،اسی طرح غریب گھرانوں میں کفالت کا سلسلہ بھی جاری ہے ۔غریب بچے ،بچیوں کی شادی،اشیائے ضروریہ کاسامان کابندوبست بھی کیاجاتاہے یہ انسانیت کی خدمت کے کام مخیرحضرات کے تعاون سے جاری ہیں ۔المصطفیٰ کے زیر اہتمام کورنگی میراگھر المصطفیٰ کے نام سے یتیم خانہ قائم ہے ،جہاں 100سے زائدبچوں کی کفالت کی جارہی ہے ،ان کودینی ،دنیاوی تعلیم ،کھاناپینا،علاج معالجے کی تمام ضروریات زندگی فراہم کی جارہی ہے ،تاکہ یہ بچے پڑھ لکھ اپنامستقبل سنواریں اورپاکستان کی خدمت کرسکیں ،اگر آپ کے نظر میںکوئی یتیم بچہ ہوں تو المصطفیٰ کے ذمہ داروں کوبتائیں ،انشاء اللہ تعالیٰ المصطفیٰ اس کی کفالت کرے گی۔اگرکوئی غریب،مستحق ڈائیلاسس نہ کرواسکاہوتو،اس کابھی المصطفیٰ میں فری ڈائیلاسس کردیاجائے۔یقینا اس نیکی کا اجر آپ کو بھی ملے گا،مخیرحضرات کو بھی ملے ،جولوگ المصطفیٰ کے فلاحی کاموں کوآگے بڑھانے کے لیئے دن رات محنت کررہے ہیں ان کو بھی دنیا وآخرت میں بہترین اجرملے گا۔انہوںنے کہاکہ ہمیں ہروقت نیکی کے چھوٹے چھوٹے کام کرتے رہنا چاہیے ۔کون سی ایسی نیکی ہے جو ہمیں جنت میں لے جائے ۔حاجی حنیف طیب نے کہاکہ المصطفیٰ نبی کریم ۖکے نام پر قائم ہواہے ،میراایمان ہے کہ جو نبی کے نام پر کام کر رہاہے ،تعاون کررہاہے،وہ نبی کی نظروں میں اس کو نبی کریم ۖکی شفاعت ضرورنصیب ہوگی۔ دامے ،درمے،قدمے ،سخنے جس طرح بھی المصطفیٰ کی مددکرسکتے ہوں ضرور کریں ۔جنت کا راستہ نبی کے اُمتیوں کے لئے کھلاہے۔اجتماع سے مفتی سیف اللہ سعید ی نے خطاب کرتے ہوئے کہاکہ رمضان المبارک میں ہراچھے عمل کا اجروثواب بڑھ جاتاہے ۔ہمیں نیکی کے کام خلو ص نیت سے سالہاسال کرتے رہناچاہے، اورالمصطفیٰ جیسے اداروں کے ساتھ بھرپورتعاون کرناچاہیے جو دکھی انسانیت کی بے لوث خدمت کررہے ہیں۔

رمضان المبارک برکتوں اور رحمتوں کا مہینہ ہے اس مہینے میں رب تعالیٰ بندوں کو اپنی خصوصی رحمتوں سے نوازتاہے۔ریحان ہاشمی


Pic May 20, 2019 | 3:18 AM

کراچی: (نیوزآن لائن )رمضان المبارک برکتوں اور رحمتوں کا مہینہ ہے اس مہینے میں رب تعالیٰ بندوں کو اپنی خصوصی رحمتوں سے نوازتا ہے ،محدود وسائل کے باوجود بلدیہ وسطی میںعوام کی فلاح و بہبود کے کام رمضان المبارک میں بھی جاری ہیں ، ہم عوامی نمائندے ہیں عوام کے مسائل کو بہتر طور پر سمجھتے ہیں کسی بھی صورتِ حال میں اپنی ذمہ داریوں کی ادائیگی سے پیچھے نہیں ہٹیں گے۔ان خیالات کا اظہا ر چیئر مین بلدیہ وسطی ریحان ہاشمی نے یونین کمیٹی 51گلبہار میں روشن ویلفیئر ٹرسٹ کی جانب سے ضرورت مندوں میں راشن تقسیم کرنے کی تقریب سے خطاب کرتے ہوئے کیا ،اس موقع پر چیئر مین یونین کمیٹی نمبر 51انعام ،یو سی 22کے وائس چیئر مین مستفیض فاروقی اور روشن ویلفیئر ٹرسٹ کے عہدیدار بھی موجود تھے ، چیئر مین ریحان ہاشمی نے بلدیہ وسطی کی کارکردگی کواجاگر کرتے ہوئے کہا کہ رمضان المبارک نیکی کمانے کا مہینہ ہے بلدیہ وسطی نے ماہ رمضان میں عوام کو سہولتیں فراہم کرنے کے حوالے سے مکمل انتظامات کئے ہیں رمضان المبارک میں ٹریفک کی روانی کو ممکن بنانے کے لئے بلدیہ وسطی کا ریسکیو کا عملہ سٹرکوں پر موجو د ہے جو ٹریفک کنٹرول کرنے میں ٹریفک پولیس کی معاونت کر رہا ہے بلدیہ وسطی کی جانب سے مارکیٹوں کے نزدیک امدادی کیمپ قائم کردئے گئے ہیں مساجد و امام بارگا ہوں کے اطراف صفائی کے خصوصی انتظامات کئے گئے ہیں اور بلدیہ وسطی کا محکمہ سینی ٹیشن نائٹ سوئپنگ کے زریعے کچرا اُٹھانے اور انہیں ڈمپنگ پوائنٹ تک پہنچانے کا کام باخوبی سر انجام دے رہا ہے چیئر مین بلدیہ وسطی ریحان ہاشمی نے روشن ویلفیئر ٹرسٹ کی جانب سے راشن تقسیم کے کام کو سراہتے ہوئے کہا کہ ہم سب کو رمضان المبارک میں عبادتوں کے ساتھ حقو ق العباد کا خیال کرتے ہوئے اپنے دوسرے مسلمان بھائیوں کی
بھلائی کے لئے اور ان کی ضرورتوں کو پورا کرنے کے لئے کام کرنا چاہیئے اور اپنے افطار کے دسترخوانوں کو کشادہ کرنا چاہیئے ۔

سود ی معیشت اللہ اور رسول ۖ سے جنگ کے مترادف ہے حافظ نعیم الرحمن


Hafiz naeem pic May 12, 2019 | 9:06 PM

یہ ملک کلمہ لا الہ الا اللہ کے نام پر حاصل کیا گیا آج ملک میں سودی معیشت ہے جو اللہ کے دین سے بغاوت ہے دعوت افطار سے خطاب
بیرونی قوتیں چاہتی ہیں کہ ہم کو دین سے دور کیا جائے نصاب تبدیل کیا جائے آئین سے اسلامی دفعات ختم کی جائیں
ہمارا فرض ہے کہ اللہ کی بندگی کو خود بھی اختیار کریں اور اللہ کے دین کو اللہ کی زمین پر نافذ کرنے کی جدوجہد کریں
کراچی (نیوزآ ن لائن) امیر جماعت اسلامی کراچی حافظ نعیم الرحمن نے کہا ہے کہ سود ی معیشت اللہ اور رسول ۖ سے جنگ کے مترادف ہے ، یہ ملک کلمہ لا الہ الا اللہ کے نام پر حاصل کیا گیا تھا مگر آج ملک میں سودی معیشت نافذ ہے جو کہ اللہ کے دین سے بغاوت ہے ،رمضان میں قرآن پاک نازل کیا گیا ،لیلة القدر میں رمضان میں ہم قرآن پڑھتے ہیں لیکن قرآن کے سود ختم کر نے کے احکامات ہم نہیں مانتے ۔بیرونی قوتیں چاہتی ہیں کہ ہم کو دین سے دور کیا جائے ، نصاب تبدیل کیا جائے اور آئین سے اسلامی دفعات ختم کی جائیں ۔ ہمارا فرض ہے کہ اللہ کی بندگی کو خود بھی اختیار کریں اور اللہ کے دین کو اللہ کی زمین پر نافذ کرنے کی جدوجہد کریں ۔ان خیالات کا اظہار انہوں نے جماعت اسلامی نارتھ ناظم آباد کے تحت علاقہ فاروق اعظم بلاک kمیں ”دعوت افطار” سے خطاب کرتے ہوئے کیا ۔ حافظ نعیم الرحمن نے خطاب کرتے ہوئے مزید کہاکہ اللہ کا بڑا شکر ہے کہ اس نے ہمیں زندگی میں ایک اور رمضان عطا کیا تاکہ ہم اپنے لیے رحمتیں اور برکتیں سمیٹیں اور اپنی مغفرت کرائیں دوزخ کی آگ سے نجات حاصل کریں ۔ اللہ تعالیٰ کے احکامات پر عمل کریں اور جو نعمتیں اس نے ہمیں دیں ہیں اس پر اللہ کا شکر ادا کریں ۔ انہوں نے کہا کہ رمضان ہمیں ایک مرتبہ پھر بیدار کررہا ہے کہ اٹھو اور اپنے رب سے تعلق مضبوط کرلو، توبہ واستغفار کرو،اپنے رب کی طرف پلٹ آؤ، بقیہ زندگی اللہ کی تعلیمات کے مطابق بسر کرو۔ انہوں نے کہاکہ جب بھی نصاب سے قرآنی آیا ت نکالنے ، توہین رسالتۖ کے قوانین تبدیل کرنے کا بیرونی دباؤ ہوتا ہے اور حکمران جو غلام ابن غلام ہیں فوراً ڈھیر ہوجاتے ہیں ۔انہوں نے کہاکہ جب اللہ کے حکم کی اطاعت نہ ہو اور دین سے بغاوت ہورہی ہو تو ہمیں اس کے خلاف اٹھنا ہوگا اور اجتماعی جدوجہد کرنا ہوگی اور یہی اصل میں اجتماعی تقویٰ ہے ۔کاروبار ، ذاتی و اجتماعی معاملات میں جھوٹ سے بچنا چاہیئے اسی میں اللہ کی رضا ہے ۔اللہ نے جن باتوں سے منع کیا ہے اس سے بچنے کا نام پرہیز گاری ہے ،رمضان المبار ک کے روزے ہمیں اللہ کے حکم کی پابند ی کرنے کی تربیت کرتے ہیں تاکہ ہم آئندہ 11مہینے بھی اللہ کا حکم مانیں اور تقویٰ اختیار کریں ۔انہوں نے کہاکہ تقویٰ صرف ظاہر نہیں بلکہ باطن میں بھی تقویٰ ہو ۔روزہ انفرادی عبادت ہے مگر پوری امت پر ایک ہی ماہ مبارک میں اجتماعی طورپر فرض کی گئی ہے اس لیے تقویٰ بھی انفرادی اور اجتماعی طور پر ہوتا ہے ۔

انسانی اسمگلنگ کا مکروہ دھندہ ناقابل برداشت اور ملک کے لئے ناسورہے۔نظام مصطفی پارٹی


PIC 12-5-2019 copy May 12, 2019 | 9:01 PM

کراچی:(نیوزآن لائن)نظام مصطفی پارٹی کے سربراہ سابق وفاقی وزیرڈاکٹرحاجی محمدحنیف طیب،شبیر احمدقاضی،الحاج محمدرفیع،پیر زادہ غلام حسین چشتی،مولاناشاہدین اشرفی،عبدالقدیر شریف ،محمدنفیس قادری،سیدحنیف بخاری،مولانااحسن رضانوری نے مشترکہ بیان میں کہاکہ انسانی اسمگلنگ کا مکروہ دھندہ ناقابل برداشت اور ملک کے لئے ناسورہے۔انسانو ںکی اسمگلنگ کرنے والے مافیاکاخاتمہ ملک وقوم کے مفادمیں انتہائی ضروری ہے،لیکن موجودہ اور سابقہ حکومتوں نے اس سلسلے میں کوئی مؤثر اور مسلسل ایکشن نہیں لیا۔ رہنماؤں نے پاکستانی لڑکیوں کی چینیوں سے شادی اسکینڈل کے ذریعے انسانی اسمگلنگ کو معاشرتی تباہی قراردیاہے۔پیسوں کے لالچ میں پاکستان میں موجودگروہوں معصوم لڑکیوں اوروالدین کو لالچ دے کر چین پہنچا رہے ہیں،جس میں چینی باشندے بھی ملوث ہیں۔رہنماؤں نے چینی سفارت خانے کی جانب سے شادی اسکینڈل کے کریک ڈاؤن کی حمایت کا خیرمقدم کرتے ہوئے اسے دونوں ملکوں کے درمیان جرائم کے خاتمے،انسانی اسمگلنگ کو روکنے اورتعلقات کو مستحکم کرنے کا مثبت جواب قراردیاہے۔انہوںنے حکومت پاکستان سے کہاکہ وہ چینی حکام کے ساتھ مل کر روابط کو مضبوط بنانے اور پاکستانی لڑکیوں کے خلاف ہونے والی زیادتیوں کا ازالہ کیاجائے۔ رہنماؤں کا مزید کہناتھا کہ یہ انسانی اسمگلنگ صرف چائنا رک محدودنہیں دنیا کے مختلف حصوں میں بھی یہ مکروہ دھندہ جاری ہے ،حکومت کو چاہئے کہ اس کے خلاف بھی مؤثرکارروائی کی جائے ۔

فلسطین پر ماہ رمضان المبارک میں میزائیل حملوں کی سخت الفاظ میں مذمت کرتے ہیں، صدر آئی ایس او کراچی ڈویژن


iso flag May 12, 2019 | 8:56 PM

جمع الوداع کو یوم القدس کے عنوان سے بھرپور انداز میں منایا جائے گا، محمد عباس
آئی ایس او ملک کو تعلیمی پستی سے نکالنے کے لیے پر عزم ہے، محمد عباس
کراچی :( نیوزآن لائن) اسرائیلی کی جانب سے فلسطین پر ماہ رمضان المبارک میں میزائیل حملوں کی سخت الفاظ میں مذمت کرتے ہیں ۔ہر سال کی طرح اس سال بھی جمع الوداع کو یوم القدس کے عنوان سے بھرپور انداز میں منایا جائے گا اور اسرائیلی مظالم کے خلاف آواز بلند کریں گے۔ان خیالات کا اظہار آئی ایس او پاکستان کراچی ڈویژن کے صدر محمد عباس نے دوسرے اجلاس عمومی سال امید عزم نو 2018-19میں شرکا سے خطاب کرتے ہوئے کیا۔ امامیہ اسٹوڈنٹس آرگنا ئزیشن پاکستان کراچی ڈویژن کے دوسرے اجلاس ِ عمومی سال امید عزم نو 2018-19کاانعقاد ایف سی ایریا میں کیا گیا۔ جس میں آئی ایس او پاکستان کے مرکزی محب انچارج برادرجواد، اراکین نظارت ، کابینہ ممبران سمیت شہر بھر کے تمام یونٹ صدور اور جنرل سیکرٹریز نے شرکت کی۔اجلاس عمومی میں طلبہ کو درپیش مسائل، تعلیمی میدان میں نئے منصوبے متعارف کرانے سمیت تمام شعبہ جات کے سہہ ماہی منصوبہ بندی پر بھی گفتگو کی گئی۔ اس موقع آئی ایس او پاکستان کراچی ڈویژن کے صدر برادر محمد عباس نے اجلاس عمومی میں شریک ممبران سے گفتگو کرتے ہوئے کہا سال 2018-19کو سال امید عزم نوکے نام سے منسوب کیا گیا ہے ، جس کا مقصد ایک نئے عزم اور نئی امید کے ساتھ معاشرے کی اصلاح کے لیے کام کرنا اورسیر ت آئمہ ?کے اقدار کو معاشرے میں رائج کرنا ہے کیونکہ سیرت رسول اور آئمہ کی سیرت کے بغیر معاشرے میں امن قائم ہونا نا ممکن ہے ، اور اس سلسلے میں مختلف پروگرامات کا انعقاد بھی کیا جائے گا تاکہ اسلام کی اصل روح کو معاشرے میں زندہ کیا جاسکے۔انہوں نے مزید کہا کہ آنے والے دور میں تعلیمی میدان میں طلبہ کو درپیش مسائل کے حل کے لیے آئی ایس او کی جانب سے اس سال نئے منصوبے متعارف کرانے کا مقصد پاکستان کے مستقبل کو مزید مضبوط بنانا ہے۔ انہوں نے کہا کہ دنیا جدت کی جانب تیزی سے گامزن ہے اور پاکستان تعلیمی میدان میں کافی پیچھے ہے ، لیکن آئی ایس او اپنی روایت کو برقرار رکھتے ہوئے تعلیمی میدان میں اپنے تمام وسائل کو بروئے کار لاتے ہوئے ملک کو تعلیمی پستی سے نکالنے کے لیے پر عزم ہے۔

کمشنر کراچی افتخار شالوا نی کا طارق روڈ لبرٹی مارکیٹ، محمود آبادمارکیٹ فریسکو چوک برنس روڈ گوشت مرغی اور سبزی مارکیٹوں کا اچانک دورہ


commeriner karachi May 12, 2019 | 8:53 PM

بھاگنے والے مختلف دکانداروں کے خلاف سخت کارروائی کریں اور نہ صرف جرمانہ بلکہ اس بات کو یقینی بنائیں کہ جرمانہ عوام سیزائد نرخ وصول کرکے نہ لیا جائے بلکہ خلاف ورزی کرینوالوں کے خلاف انکی ملکیت و سازو سامان بھی ضبط کیا جائے
حکومت نے ٹھوس اقدامات کرتے ہوئے عوام کی سہولیات کیلیے رمضان میں اور بعد میں بھی اشیائ نرخ پر ضابطہ کیلیے مسلدل نگرانی اور اچانک دورے کئے جائینگے۔سفسران پہلے ہی فیلڈ میں اپنا کام شروع کرچکے ہیں اور حکومت بھی نگرانی کررہی ہے۔
کراچی:(نیوزآن لائن) کمشنر کراچی افتخار شالوانی نے رمضان المبارک میں عوام کو زیادہ سے زیادہ ریلیف فراھم کرنے کیلیے تمام ڈپٹی کمشنرز، اسٹنٹ کمشنرز و ریونیو افسران کو مارکیٹ کمیٹی و بیورو آف سپلائی وپرائیسز کے عملداروں کے ساتھ شھر بھر کی مارکیٹوں کا مسلسل اچانک دوروں اور نگرانی کی ہدایات کی روشنی میں رمضسن کے دوران اور بعد میں بھہ قیمیتوں پر ضابطہ و لسٹوں کے مطابق وقیمیتوں کو یقینی بنانے کے حعالے سے آج خود طارق روڈ لبرٹی مارکیٹ، محمود آبادمارکیٹ فریدکو چوک برنس روڈ گوشت مرغی اور سبزی مارکیٹوں کا اچانک دورہ کیا۔سنکے ہمراہ ڈی سی ساوتھ صلاح الدین ،اسٹنٹ کمشنرز صدر مطاھر وٹو، اسٹنٹ کمشنرز فیروزآباد ساجدہ ایازقاضی ، مختیار کارفیصل گجر و دیگر افسران بھی ساتھ تھے۔ کمشنر کراچی افتخار شالوانی نے ذاتی طورپر رمضان المبارک میں ویمیتوں پر ضابطہ اور لسٹ کے مطابق نرخ وصول کرنے لسٹوں کو آویزاں کرنے اور مناسب ناپ تول کی شکایات کا جائزہ لیا اور دکانداروں سے معلومات بھی لیں۔ خلاف ورزی کرنیوالوں سپر اسٹور، گوشت مارکیٹ مرغی فروش اورطاھر مصالحہ،امتیاز چکن راحت سوئیٹس و ماشائ اللہ ملک شاپ ودیگر دوکانوں کا بھی دورہ کیا ا لاکھ سے زائد جرمانہ اور گرفتاری کرنے کا حکم جاری کیا۔محمودآباد میں بھی کمشنر کراچی افتخار شالوانی نے لسٹ کے مطابق نرخ نہ دینے پر بھی فوری کاتروائی کرتے ہوئے بھاری جرمانہ اور گرفتاری کا حکم دیا اور مزید ایک لاکھ سے زائد جرمانہ کیا۔ڈی سی ساوتھ صلاح الدین کو سخت ہدایات دیں کہ وہ متعلقہ افسران کے ساتھ دوبارہ دورہ کریں اور بھاگنے والے مختلف دکانداروں کے خلاف سخت کارروائی کریں اور نہ صرف جرمانہ بلکہ اس بات کو یقینی بنائیں کہ جرمانہ عوام سیزائد نرخ وصول کرکے نہ لیا جائے بلکہ خلاف ورزی کرینوالوں کے خلاف انکی ملکیت و سازو سامان بھی ضبط کیا جائے تاکہ دوبارہ زائد نرخ اور خلاف ورزی نہ کرسکیں۔غیر قانونی تجاوزات کو دوبارہ نہ کرنے دیا جائے کیونکہ عوام کو سہولیات اور سڑکوں کوکشادہ بنانے کیلیے ہی تجاوزات کا خاتمہ کیا تھا۔ مکمل طورپر دولاکھ سے زائد جرمانہ اور 6 سے زائد افراد کو گرفتاری کا حکم دیا گیا۔کمشنر کراچی افتخار شالوانی نے عوام سے اپیل کی کہ وہ اپنی ذمیداری نبھائیں اور افسران کو مناسب شکایات کریں تاکہ بھرپور کارروائی کتدکیں اوت ریلیف فراھم کرسکیں۔حکومت نے ٹھوس اقدامات کرتے ہوئے عوام کی سہولیات کیلیے رمضان میں اور
بعد میں بھی اشیائ نرخ پر ضابطہ کیلیے مسلدل نگرانی اور اچانک دورے کئے جائینگے۔سفسران پہلے ہی فیلڈ میں اپنا کام شروع کرچکے ہیں اور حکومت بھی نگرانی کررہی ہے۔

چئیرمین بلدیہ شرقی معید انور کا یوم شہادت حضرت علی کے جلوس ومجالس کے حوالے سے نشتر پارک و گردونواح کا دورہ


12.5.2019 May 12, 2019 | 8:50 PM

جلوس کے روٹس کو کلئیر رکھنے کے ساتھ بلدیاتی خدمات قبل ازوقت مکمل کر لئے جائیں،چئیرمین شرقی معید انور
کراچی:(نیوزآن لائن)چئیرمین بلدیہ شرقی معید انور نے یوم شہادت حضرت علی کے جلوس ومجالس کے حوالے سے بلدیاتی انتظامات کا جائزہ لینے کے لئے نشتر پارک،امام خمینی لائبریری،ایم اے جناح روڈ،شاہ نجف امام بارگاہ لائینز ایریا،مزار قائد کے پارکنگ ایریا اور یوم علی کے جلوس کے داخلی راستوں کا جعفریہ الائنس کے صدر شبر رضا زیدی،سپریٹینڈنگ انجنئیر زطارق مغل،مبین شیخ،ایکس ای این بی اینڈآر توقیر عباس،ڈائریکٹر انسداد تجاوزات زاہد بن خلیل اسسٹنٹ کمشنر جمشید کوارٹر،سندھ سولڈ ویسٹ بورڈ کے افسران سمیت دیگر افسران کے ہمراہ تفصیلی معائینہ کیا اور موقع پر بلدیاتی خدمات کے حوالے سے احکامات صادر کئے چئیرمین بلدیہ شرقی معید انور نے اس موقع پر ہدایات جاری کرتے ہوئے کہا کہ یوم شہادت حضرت علی جو کہ 21 رمضان المبارک کو ہے لہذا پہلے ہی بلدیاتی خدمات کو یقینی بنانے کیلئے اقدامات بروئے کار لائے جائیں نشتر پارک کے اندر اور اطراف صفائی ستھرائی،سڑکوں کی بہتری،روشنی سمیت دیگر بلدیاتی سہولیات کی فراہمی کو یقینی بنایا جائے جبکہ جلوس کے روٹس پر بلدیاتی خدمات فراہم کرنے کے ساتھ محکمہ انسداد تجاوزات جلوس کے راستوں سمیت داخلی وخارجی راستوں کو تجاوزات سے پاک رکھنے کیلئے ہر ممکن اقدامات بروئے کار لائے انہوں نے جلوس کیلئے مختص پارکنگ کی جگہ پر سہولیات فراہم کرنے کے بھی احکامات دئیے اس موقع پر جعفریہ الائنس کے صدر شبر رضا زیدی نے یوم علی کے حوالے سے انتظامات کے بارے میں مشاورت فراہم کی اور انہیں درپیش مسائل کے بارے میں آگاہی فراہم کی جس کے حل کیلئے موقع پر احکامات صادر فرمانے کے ساتھ افسران کو کہا کہ وہ صدر جعفریہ الائنس سے رابطے میں رہ کر انتظامات کو حتمی شکل دیں۔

تاریخ پاکستان میں پہلی مرتبہ ہے کہ کسی ملکی سماجی ادارے نے گاؤں، دیہات جاکر فری ڈینٹل کیمپوں کا انعقادکیا


nizam mustafa party news May 9, 2019 | 1:21 AM

کراچی:( نیوزآن لائن)المصطفیٰ ویلفیئرسوسائٹی کے تحت فری ڈینٹل کیمپ میں خدمات انجام دینے والے دانتوں کے ڈاکٹرزکی ٹیم نے المصطفیٰ ویلفیئرسوسائٹی کے سرپرست سابق وفاقی وزیرڈاکٹرحاجی محمدحنیف طیب سے المصطفیٰ میڈیکل سینٹر گلشن اقبال میں ملاقات کی۔ اس موقع پرڈاکٹرطلحہ خضری نے المصطفیٰ کی جانب سے سندھ کے مختلف شہروںفری ڈینٹل کیمپ کے بارے میںکارکردگی رپورٹ حاجی حنیف طیب پیش کرتے ہوئے بتایاکہ ٹھٹھہ میں تین روزہ کیمپ 400مریضوںسے زائد،حیدرآبادمیں 320،ہتھنگو(تھر)میں 520،سکرن میں 610،نواب شاہ میں 650،باندھی میں 150،لاڑکانہ 243،پیرجوگوٹھ (خیرپور)180،سکھر450،گھوٹکی 150،کشمور150،جیکب آباد125جس میں مجموعی طورپر3,948 مریضوں نے استفادہ کیا۔کیمپوں میں دانتو ں کی صفائی،دانتوں کی بھرائی،خراب دانتو ں کو نکالنااور ایکسرے کی سہولت فراہم کی اور مفت ادویات بھی دی گئی ۔مریضوں کو صحت وصفائی، دانتوں کی صفائی کے حوالے سے بھی آگاہی فراہم کی۔فری میڈیکل کیمپ میں ڈاکٹرطلحہ عتیق اﷲخان،ڈاکٹرجاذب شیخ،ڈاکٹرریحان احمد،ڈاکٹرشایان ہمانی،ڈاکٹرزاراخان،ڈاکٹرسعدقدیر،ڈاکٹرحمزہ سمیت پیرامیڈیکل اسٹاف نے خدمات انجام دی اور ہمیں سندھ رینجرزاور مقامی المصطفیٰ کے ذمہ داران کا تعاون حاصل رہا۔ڈاکٹرحاجی محمدحنیف طیب نے کہاکہ یہ تاریخ پاکستان میں پہلی مرتبہ ہے کہ کسی ملکی سماجی ادارے نے ،گاؤں گاؤں ،دیہات دیہات جاکر فری ڈینٹل کیمپوں کا انعقادکیا ،ان ڈاکٹروں کو سلام ہے کہ جنہوں نے شدید گرمی کے باوجودلوگوں کی دہلیز پر دانتوں کی معلومات علاج کیا۔انہوںنے ڈاکٹرز،پیرامیڈیکل اسٹاف کارکنان اور معاونین کو فری ڈینٹل کیمپوں کے انعقادپر خراج تحسین پیش کرتے ہوئے شکریہ کرتے ہوئے تمام لوگوں کی مشترکہ کاوشوں محنت اور جذبہ خدمت انسانیت کے سبب سندھ کے پسماندہ علاقوں میں دانتوں کے علاج کی سہولت فراہم کی گئی۔ انہوںنے کہاکہ دانتوں اور منہ کی بیماریوں بالخصوص منہ کے کینسر کاسبب پان ،گٹکا،ماوا،سگریٹ اورنسوارہیں، دیہی علاقوں میں اس حوالے سے شعورکو بیدارکرنے کی ضرورت ہے۔اس کے لئے ان شاء مزیدفری ڈینٹل کیمپوں کا انعقادکیاجائے گا۔

یوم مردہ باد امریکہ ریلی 16 مئی بروز جمعرات کونکالی جائے گی، محمد عباس جعفری


iso May 9, 2019 | 1:06 AM

امریکہ پاکستان سمیت تمام اسلامی ممالک کا دشمن ہے، صدرآئی ایس او کراچی ڈویژن
کراچی:(نیوزآن لائن)امامیہ اسٹوڈنٹس آرگنائزیشن پاکستان کراچی ڈویژن کی جانب سے تمام یونٹس صدور کا اجلاس المصطفی ہاوس سولجر بازار میں بلایا گیا۔ اجلاس کی صدارت آئی ایس اوپاکستان کراچی ڈویژن کے صدر محمد عباس جعفری نے کی۔اجلاس میں یومِ مردہ باد امریکہ ریلی سمیت مختلف ایجنڈوں پر گفتگو کی گئی۔ اجلاس سے خطاب کرتے ہوئے محمد عباس جعفری کا کہنا تھا کہ شہید قائد علامہ عارف الحسینی کے فرمان پر لبیک کہتے ہوئے 16 مئی بروز جمعرات 4 بجے سہ پہرفوارہ چوک سے پریس کلب تک یوم مردہ باد امریکہ ریلی نکالی جائے گی، ریلی سے مختلف مکاتبِ فکرکے علمااور سیاسی و مذہبی تنظیموں کے رہنما خطاب فرمائیں گے۔مزید گفتگو کرتے ہوئے محمد عباس کا کہنا تھا کہ امریکہ کی جانب سے اسرائیل کو تسلیم کرانے کی کوشش ہم کبھی کامیاب نہیں ہونے دیں گے،امریکہ پاکستان سمیت تمام اسلامی ممالک کا دشمن ہے۔

آزاد رائٹرز فورم پاکستان کے تمام کالم نویسوںکی مصنف سفر نو اورماہنامہ ترجمان شرقی کے مدیر و کالم نویس رضوان احمد فکری کے خلاف مہم کی سخت الفاظ میں مذمت


karachi May 9, 2019 | 12:08 AM

مسکان تہفیم ، فریحہ خان ، سلمان خان ، سہیل ہاشمی، عبدالحفیظ ، ابیحہ خان، قمر خانزادہ، اقبال ، سنجیدہ خانم ، رافع خان ، جمیل نقشبندی و دیگر نے رضوان احمد فکری سے مکمل یکجہتی کا اظہار کرتے ہوئے کہا ہے کہ قلم کاروں کے خلاف کوئی سازش برداشت نہیں کی جائے گی۔آزاد رائٹرز فورم
ذاتی مفاد کے لئے چند مفاد پرستوں کے خلاف بھرپور کاروائی کریں گے۔ آزاد رائٹرز فورم پاکستان صرف پاکستان سے محبت کرنے والوں کا فورم ہے ۔ اسکا یا اسکے کسی فرد کا کسی بانی یا ملک دشمن سے کوئی تعلق نہیں ۔ آزاد رائٹرز فورم پاکستان
کراچی:(نیوزآن لائن)آزاد رائٹرز فورم پاکستان کے تمام کالم نویسوں نے مصنف سفر نو اورماہنامہ ترجمان شرقی کے مدیر و کالم نویس رضوان احمد فکری کے خلاف مہم کی سخت الفاظ میں مذمت کرتے ہوئے کہا ہے کہ فورم سے منسلک 50سے زائد کالم نویس ایسے افراد اور انکے پیچھے متحرک افراد کی مذمت کرتے ہیں ۔ جو سچے پاکستانی اور ملک کے لئے اپنا خصوصی کردار ادا کرنے والے کو کسی ملک دشمن کے ساتھ افسانوی طریقے سے منسلک کریں ۔ جبکہ ایسی کسی بھی چیز کا دور دور تک کوئی تعلق نہ ہو۔ کالم نویسوں نے جس میں مسکان تہفیم ، فریحہ خان ، سلمان خان ، سہیل ہاشمی، عبدالحفیظ ، ابیحہ خان، قمر خانزادہ، اقبال ، سنجیدہ خانم ، رافع خان ، جمیل نقشبندی و دیگر نے رضوان احمد فکری سے مکمل یکجہتی کا اظہار کرتے ہوئے کہا ہے کہ قلم کاروں کے خلاف کوئی سازش برداشت نہیں کی جائے گی۔ ذاتی مفاد کے لئے چند مفاد پرستوں کے خلاف بھرپور کاروائی کریں گے۔ آزاد رائٹرز فورم پاکستان صرف پاکستان سے محبت کرنے والوں کا فورم ہے ۔ اسکا یا اسکے کسی فرد کا کسی بانی یا ملک دشمن سے کوئی تعلق نہیں ۔

رمضان المبارک سے قبل اشیائے خوردونوش میں اضافہ قابل مذمت ہے حافظ نعیم الرحمن


hafiz naeem rehman April 28, 2019 | 10:05 PM

رمضان المبارک سے قبل اشیائے خوردونوش میں اضافہ کر دیا گیا ایسی صورتحال میں عوام بنیادی اشیائے ضروریات سے محروم ہوجائیں گے
حکومت کو دیگر ممالک کی طرح پاکستان میں بھی رمضان پیکج کا اعلان کر کے بنیادی اشیائے ضرورت کی قیمتوں میں کمی کرنا چاہیئے تھا
کراچی: (نیوزآن لائن)جماعت اسلامی کراچی کے امیر حافظ نعیم الرحمن نے رمضان المبارک کی آمد سے قبل روزمرہ استعمال کی 53اشیاء میں 12.91فیصد ہوشرباء اضافے پر شدید مذمت کا اظہار کرتے ہوئے کہا ہے کہ کھانے پینے اور استعمال کی عام اشیاء ٹماٹر ، پیاز، آلو، انڈے،کیلے ،دال مونگ ، چنا ، چینی ، ملبوسات سمیت دیگر اشیاء میں اضافے سے شہری شدید اذیت میں مبتلا ہیں ۔ انہوں نے کہاکہ ہونا تو یہ چاہیئے تھا کہ رمضان المبارک سے قبل دیگر ممالک کی طرح پاکستان میں بھی رمضان پیکج فراہم کیا جاتااور کھانے پینے اور مختلف ضروریات کی چیزوں کی قیمتوں میں کمی کر کے عوام کو ریلیف دی جاتی لیکن موجودہ حکومت نے بھی گزشتہ حکومتوں کی طرح عوام پر مہنگائی کا بم گرایا اور رمضان المبارک سے قبل ہی مہنگائی میں اضافہ کردیا ۔ انہوں نے کہاکہ حال ہی میں روپے کی قدرمیں کمی کی وجہ سے پیٹرول اور سامان ضروریات کی قیمتوں میں پہلے ہی اضافے ہوا تھا لیکن اب رمضان المبارک سے قبل پھر روز مرہ استعمال ہونے والی مختلف اشیاکی قیمتوں میں اضافہ کر دیا گیا ہے ایسی صورتحال میں عوام بنیادی ضروریات سے بالکل محروم ہوجائیں گے ۔انہوں نے کہاکہ موجودہ حکومت نے ریکارڈ توڑ مہنگائی میں اضافہ کر کے عوام کی کمر توڑدی ہے ، عوام پہلے ہی مہنگائی کے بوجھ تلے دبے ہوئے ہیں باوجود اس کہ قیمتوں میں اضافہ سے غریب اور متوسط گھرانوں کے چولہے ٹھنڈے ٹھنڈے ہورہے ہیں۔ حافظ نعیم الرحمن نے مطالبہ کیا ہے کہ حکومت رمضان سے قبل پرائس کنٹرول کمیٹیوں کوفعال کرے اور ذخیرہ اندوزوں کو زیادہ منافع کمانے سے باز رکھے ، اشیائے خوردنوش کی قیمتوں میں اضافے سے روکا جائے اور ایسا عناصر پر گرفت کی جائے جو ذخیرہ اندوزی کر کے زیادہ منافع کماتے ہیں جس سے عام شہری بری طرح متاثر ہوتا ہے ۔

ممکنہ گرمی کی شدید لہر سے نمٹنے کے لئے محکمہ صحت سندھ نے ہسپتالوں میں ایمرجنسی نافذ کردی


karachi heatwave April 28, 2019 | 3:42 PM

کراچی:(نیوزآن لائن)صوبائی وزیر برائے صحت اور پاپولیشن ویلفیئر ڈاکٹر عذرا فضل پیچوہو کی ہدایت پر ڈائریکٹر جنرل صحت سندھ ڈاکٹر مسعود احمد سولنگی نے ممکنہ گرمی کی شدید لہر سے نمٹنے کے حفاظتی اقدامات کیے لئے ڈائریکٹر صحت سروسز کراچی اور کراچی ڈویڑن کے تمام ڈسٹرکٹ ہیلتھ آفیسرز کو ہدایات جاری کر دی ہیں۔ انہوں نے ان افسران کو ہدایت کی ہے کہ وہ تمام ہسپتالوں اور ہیلتھ فسیلیٹیز میں 24/7 ایمرجنسی نافذ کردیں۔ ڈاکٹر مسعود سولنگی نے مذید کہا ہے کہ یکم مئی سے تین متک کسی بھی طبی عملے کو کوئی چھٹی نہ دی جائے۔علاوہ ازیں جہاں بھی مزید عملے کی ضرورت ہو وہاں فوری طور پر عملہ تعینات کیا جائے۔ ڈائریکٹر جنرل صحت ڈاکٹر مسعود سولنگی نے ضرورت کے مطابق ائیرکنڈیشنگ کی سہولت، برف، جنریٹرز، پانی اور دواو ں کی وافر مقدار دستیاب رکھنے کی بھی ہدایت کی ہے انہوں نے افسران سے کہا ہے کہ وہ ایمبولینس سروس کو بھی فعال رکھیں اور گرمی کی ممکنہ شدید لہر سے متعلق آگاہی بھی فراہم کریں۔ ڈاکٹر مسعود سولنگی نے کہا کہ یہ انسانی زندگیوں کا مسئلہ ہے لہذا اس سلسلے میں ہر ممکن اقدامات کیے جائیں اور کسی بھی قسم کی کوئی لاپرواہی نہ برتی جائے۔

جامعہ کراچی: شعبہ قرآن وسنہ کے زیر اہتمام سیمینار بعنوان: ”نزول قرآن اور احترام رمضان” 29 اپریل کو ہوگا


karachi unversity jpg April 28, 2019 | 3:31 PM

جامعہ کراچی: شعبہ قرآن وسنہ کے زیر اہتمام سیمینار بعنوان: ”نزول قرآن اور احترام رمضان” 29 اپریل کو ہوگا
کراچی:(نیوزآن لائن)جامعہ کراچی کے شعبہ قرآن وسنہ کے زیر اہتمام اور حسین مارکیٹنگ نیٹ ورک کے اشتراک سے سیمینار بعنوان: ”نزول قرآن اور احترام رمضان” بروز پیر 29 اپریل 2019 ء کو صبح 11:00 بجے کلیہ معارف اسلامیہ میں منعقد ہوگا۔شیخ الجامعہ پروفیسر ڈاکٹر محمد اجمل خان صدارت کریں گے جبکہ پروفیسر ڈاکٹر عبدالرشید مہمان خصوصی ہوں گے۔چیئر پرسن شعبہ قرآن وسنہ ڈاکٹر زینت ہارون خطبہ استقبالیہ پیش کریں گی جبکہ رئیسہ کلیہ معارف اسلامیہ پروفیسر ڈاکٹر شہناز غازی خطبہ استقبالیہ پیش کریں گی ۔دیگر مقررین میں پروفیسر ڈاکٹر زاہد علی زاہدی،ڈاکٹر مفتی عمران الحق کلیانوی،چیئر مین شعبہ علوم اسلامی ڈاکٹر عارف خان ساقی اوربابرالاسلام عباسی چیئرمین حسین مارکیٹنگ نیٹ ورک شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: شعبہ ہیلتھ فزیکل ایجوکیشن اینڈ اسپورٹس سائنسز کے زیر اہتمام سیمینار 30 اپریل کو ہوگا
کراچی:(نیوزآن لائن)جامعہ کراچی کے شعبہ ہیلتھ فزیکل ایجوکیشن اینڈ اسپورٹس سائنسز کے زیر اہتمام سیمینار بعنوان: ”ری پروڈکٹیوصحت،ورزش اور ادویات ۔نئے رجحانات ،چیلنجز اور مواقع” بروز منگل 30 اپریل 2019 ء کو صبح 10:00 بجے کلیہ فنون وسماجی علوم کی سماعت گاہ میں منعقد ہوگا۔شیخ الجامعہ پروفیسر ڈاکٹر محمد اجمل خان صدارت کریں گے جبکہ چیئر مین شعبہ ہذا ڈاکٹر باسط انصاری خطبہ استقبالیہ پیش کریں گے۔دیگر مقررین میں سینئر اسپورٹس فزیوتھراپسٹ ڈاکٹر محمد عثمان غنی،جامعہ کراچی کے شعبہ نفسیات کی پروفیسر ڈاکٹر قدسیہ طارق،آرتھوپیڈک سرجن ڈاکٹر کے ایم شاہ ،ہیڈ ڈیپارٹمنٹ آف فیملی میڈیسن لیاقت نیشنل اسپتال اینڈ میڈیکل کالج ڈاکٹر فریدہ امین،سینئر فزیکل تھراپسٹ ڈاکٹر سمرین سرشاد اورگائناکولوجسٹ ڈاکٹر قرة الامن شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
آج نظم ضبط کا مطلب پن ڈراپ سائیلینس لیا جاتا ہے جبکہ خاموشی انسانوں سے بھری کلاس یا ادارے میں نہیںبلکہ قبرستان میں ہوتی ہے۔ڈاکٹر معروف بن رئوف
کراچی:(نیوزآن لائن)جامعہ کراچی کے شعبہ تعلیم کے زیر اہتما م گذشتہ روز شعبہ ہذا کے ملٹی پرپزہال میں ایک سیمینار بعنوان “کمرہ جماعت میں آزادی اور نظم و ضبط” منعقد کیا گیا۔ جس میں شہر کے مختلف تعلیمی اداروں کے افراد نے آکر طلبہ کو اپنے تعلیمی اداروں میں اس ضمن میں ہونے والے تخلیقی تجربات سے آگا ہ کیا۔سیمینار سے مختلف شعبہ زندگی کے افراد نے خطاب کیا جس میں “دی نیو ارتھ اسکول سسٹم” کی پرنسپل محترمہ ساقبہ وحید، مونٹیسری ڈائریکٹر اور ای سی ڈی پیرنٹل ٹرینر محترمہ سمیرہ علی، ایلیہ بتول حیدری (جرنل سیکریٹری سوسائٹی فار چلڈرن ود آٹیزم اینڈ لرننگ ڈیفیکلٹیز)، صدر بلائنڈ انسٹی ٹیوٹ فار نیشنل اوئیرنس اینڈ امپاورمنٹ سلیم الہی، اینکر پرسن اور دی نیوز ٹرائب سے وابستہ احسن عمر ، انچارج شعبہ تعلیم ڈاکٹر صفیہ عروج اور شعبہ تعلیم کے اسسٹنٹ پروفیسر اور سیمینار آرگنا ئزر ڈاکٹر معروف بن روف شامل تھے۔ مقررین نے کمرہ جماعت اور تعلیمی ادارے میں نظم و ضبط کے حوالے سے گفتگو کرتے ہوئے استاد کے سیلف ڈسپلن، آزادی بذریعہ سرگرمی،اور جدید تصور آزادی کی اہمیت پر زور دیا۔ ان کے مطابق نظم و ضبط کے تصور سے مراد یہ نہیں کہ ایک طالب علم کی ذہنی صلاحیتو ں کو جلا نہ بخشی جائے بلکہ اس سے مراد ایسا ماحول فراہم کرنا ہے کہ جس میں ایک فرد اپنی فطری صلاحیتوں کو بروے کار لاتے ہوئے تعلیمی عمل میں زیادہ آموزش حاصل کر سکے۔ انہوں نے کہا کہ نظم و ضبط میں اساتذہ عموما ًضبط کے لفظ کو بھول کر روایتی طریقہ کار کو اختیار کرتے ہوئے طلبہ کی جانب سے آنے والے سوالات کو بھی اپنی انا کا مسئلہ بناتے ہیں۔ جس سے کمرہ جماعت کا نظم و ضبط برقرار رکھنا تو دور کی بات اساتذہ کی عزت نہیں ہوتی۔تقریب سے ڈاکٹر صفیہ عروج نے گفتگو کرتے ہوئے اس طرح کے سیمینارز کی اہمیت پر زور دیا اور ڈاکٹر معروف کی ان کوششوں کو سراہا کہ جس میں وہ طلبہ کو عملی زندگی کے لیے تیار کرنے لے لیے اس طرح کی سرگرمیاں منعقد کرواتے ہیں۔سیمینار سے خطاب کرتے ہوئے شعبہ تعلیم جامعہ کراچی کے اسسٹنٹ پروفیسر ڈاکٹر معروف بن رئوف نے کہا کہ آج نظم ضبط کا مطلب پن ڈراپ سائیلینس لیا جاتا ہے جبکہ خاموشی انسانوں سے بھری کلاس یا ادارے میں نہیںبلکہ قبرستان میں ہوتی ہے۔ اس لیے کمرہ جماعت کو زندگی سے بھرپور بنانے کے لیے مینجمنٹ کی ضرورت ہے۔ انہوں نے کہا کہ نظم و ضبط طلبہ کی عمر اور کلاسز کی سطحوں کی بنیاد پر ہوتا ہے اور اس ضمن میں ان کی جانب سے مثالیں بھی پیش کی گئیں۔ سیمینار میں طلبہ و طالبات نے بھرپور دلچسپی کا مظاہرہ کیا اور مقررین سے سوال و جواب کے ذریعہ اپنے علم میں اضافہ کیا۔ سیمینار میں طلبہ کی جانب سے سائن لینگویج میں قومی ترانہ بھی پیش کیا گیا۔

والدین دنیا کی سب سے بڑی نعمت اور نیک اولادسرمایہ آخرت ہے


27-4-2019 ANI April 28, 2019 | 3:15 PM

ہم اپنے بھائی احسان رحمانی کے دکھ کی گھڑیوں میں ان کے ساتھ کھڑے ہیں۔محمدسلیم عطاری
کراچی :( نیوزآن لائن ) انجمن نوجوانان اسلام پاکستان حیدرآبادکے مرکزی رہنمااحسان رحمانی کی والدہ کے انتقال پر اے این آئی کے سینئررہنما ملک نذیر احمد،محمدسلیم عطاری،کامران قادری،عدیل شاہ،ثاقب جمیل،صمیدعالم،طلحہٰ صدیقی نے افسوس کااظہاراور تعزیت کی ۔اس مو قع پرسلیم عطاری نے کہاکہ والدین دنیا کی سب سے بڑی نعمت ہیں ،جن کی خدمت کرنے سے اﷲبھی خوش ہوتاہے اور دنیا وآخرت بھی سنورجاتی ہے۔جن کے والدین دنیا سے رخصت ہوجائیں ان کے لئے سرمایہ آخرت نیک اولاد ہوتی ہے ،جو ان کی مغفرت کی دعائیں ان کے ایصال ثواب کے لئے نیکی کے کام کرتی ہیں۔ہم اپنے بھائی احسان رحمانی کی دکھ گھڑیوں میں ان کے ساتھ کھڑے ہیں اور دعاکرتے ہیں کہ اﷲتعالیٰ مرحومہ کے درجات میں بلندی،نبی کریم ۖکی شفاعت ،جنت میں اعلیٰ مقام اور ان کے لواحقین کو صبر جمیل عطافرمائے ۔

اورنگی ٹاؤن ،مومن آبادمیں جامع مسجدطیبہ کی توسیع کے لئے سنگ بنیادکی تقریب منعقد


al mustafa welfare April 28, 2019 | 3:12 PM

کراچی:(نیوزآن لائن)اورنگی ٹاؤن (مومن آباد)میں جامع مسجدطیبہ کی توسیع کے لئے سنگ بنیادکی تقریب منعقد ہوئی،جس کے مہمان خصوصی سرپرست اعلیٰ المصطفیٰ ویلفیئر سوسائٹی ،سابق وفاقی وزیرڈاکٹرحاجی محمدحنیف طیب تھے جن کے دست مبارک سے مسجد کی توسیع کا سنگ بنیادرکھوایاگیا۔اس موقع پر ان کے ہمراہ الحاج محمدرفیع،غلام مرتضیٰ رضوی،محمدنفیس قادری،ارقم رضا قادری،مبین بھٹی ودیگر بھی موجودتھے۔تقریب سے اظہارخیال کرتے ہوئے حاجی حنیف طیب کاکہناتھاکہ مسجدیں ہمارے مذہب کی بنیاداور اسلام کاقلعہ ہیں، مساجد کی تعمیروتوسیع کرانا انبیاء کرام،صحابہ کرام،بزرگان دین کا طریقہ رہاہے اور بہترین صدقہ جاریہ بھی ہے۔جومسجد وںکو آبادکرتاہے،اﷲتعالیٰ اس کے گھروں کوآبادکرتا ہیں،مسجدکی تعمیر کروانے والے،تعمیر کابندوبست کرنے والے اﷲکے منتخب کردہ، محبوب ترین بندوں میں شمارہوتے ہیں۔حاجی حنیف طیب نے دعاکی کہ اﷲتعالیٰ مسجد کی توسیع کروانے کے لئے سالہاسال محنت کرنے والوں کی قربانیوں کوقبول فرمائے،اوران اس کا اجر دنیا وآخرت دونوں جہانوں میں عطافرمائے۔انہوںنے عاشقان رسول،اہل محلہ ، مخیراور صاحب ثروت حضرات سے مسجد کی توسیع میں بڑھ چڑھ کر حصہ لینے کی اپیل کی ۔

اخلاقی تربیت کے بغیر تعلیم فساد کا سبب بنتی ہے حافظ نعیم الرحمن


Noman Jamia copy April 21, 2019 | 8:13 PM

جامعة الامام نعمان بن ثابت قابل مبارکباد ہے کہ یہاںتعلیم کے ساتھ ساتھ تربیت کا بھی اہتمام کیا جاتا ہے ”تقریب سعید” سے خطاب
آج کا شیطانی ایجنڈا ”میرا جسم میری مرضی ہے ”لیکن پاکستان کے 54لاکھ طلباء اس ایجنڈے کو کسی صورت عام نہیں ہونے دیں گے
تقریب سے ڈاکٹر معراج الہدیٰ صدیقی مولانا عبد الوحید سید احمد ، مولانا حبیب احمد حنفی کا خطاب حفاظ کرام میں شیلڈ و میڈلزکی تقسیم
کراچی :( نیوزآن لائن)جماعت اسلامی کراچی کے امیر حافظ نعیم الرحمن نے کہا ہے کہ تعلیم اور تربیت لازم و ملزوم ہیں جبکہ اعلیٰ اخلاقی تربیت کے بغیر تعلیم بناؤ کے بجائے بگاڑ کا سبب بنتی ہے ہمیں نئی نسل کی تربیت ایسے خطوط پر کرنی ہوگی جس سے تیار ہونے والا اچھا طالب علم ،مثالی عالم ، بہترین حافظ بننے کے ساتھ اچھا داعی اور مسلمان بھی ہواورمعاشرے میں بڑھتی ہوئی بے حیائی و فحاشی کی روک تھام کے لیے جدوجہد کرسکے ۔جامعة الامام نعمان بن ثابت اس حوالے سے نمایاں ہے کہ یہاں تعلیم کے ساتھ ساتھ عمدہ تربیت کا بھی اہتمام کیا جاتا ہے۔ان خیالات کا اظہار انہوں نے جامعہ میں ”تقریب سعید ”تکمیل حفظ قرآن و تقسیم و انعامات سے خطاب کرتے ہوئے کیا ۔ سابق امیر جماعت اسلامی صوبہ سندھ ڈاکٹر معراج الہدیٰ صدیقی ، نائب امیر ضلع سید احمد ، جامعة الاخوان کے مہتمم و جمعیت اتحاد العلماء کراچی کے ناظم اعلیٰ مولانا عبد الوحید اور دیگر نے بھی خطاب کیا ۔تقریب میںجامعة الامام نعمان بن ثابت کے مدیر مولانا حبیب احمد حنفی نے سالانہ کارکردگی رپورٹ پیش کی جبکہ جامعہ حنفیہ ملیر سعود آباد کے مہتمم مولانا یامین منصوری نے 25حفاظ کرام کی آمین کروائی۔ تقریب میں طالبات کے لیے علیحدہ انتظام کیا گیا تھا جس میں 8طالبات کی ناظرہ قرآن مجید کی تکمیل تقریب کی گئی ۔ اس موقع پر جامعة الاخوان میں شیخ القرآن و الحدیث مولانا عبدالرؤف، محمد احمد قاری، مدیر جامعة الانصار مولانا فیصل عادل، مدیر جامعة الایمان مدثر حسین انصاری ، مدیر اقراء تفہیم القرآن مولانا فیصل عادل، مولانا فضل احد حنیف، عرفان عادل ، امین الدین دانش و دیگر بھی موجود تھے۔ اس موقع پر طلبا ء نے تلاوت قرآن مجید،حمد ، نعت، احادیث ، تقریر (انگلش، اردو اور عربی )اور ٹیبلو بھی پیش کیے ۔تقریب میں حفاظ کرام طلباء اور مختلف شعبہ جا ت میں نمایاں کارکردگی حاصل کرنے والے طلباء و طالبات میں شیلڈ اور میڈلزبھی تقسیم کیے گئے۔ حافظ نعیم الرحمن نے خطاب کرتے ہوئے مزید کہاکہ طلبہ،والدین اور اساتذہ تعلیمی شعبے کے اہم ترین ستون ہیں ان میں سے جو بھی ستون کمزور ہوگا تو اس کا اثر پورے تعلیمی و تربیتی نظام پر پڑے گا۔قرآن مجید سینوںمیں محفوظ کرنے کی سعاد ت حاصل کرنے والے طلبا ء مبارکباد کے مستحق ہیں اور اللہ کا ان پر خاص فضل ہے ان کے سینوں کو قرآن مجید سے منور کیا ۔ اْنہوں نے کہا کہ بچے ہمارا قیمتی سرمایہ ہیں جن کی اگر بہتر خطوط پر تعلیم و تربیت کی جائے تو ایک خوشحال اور ترقی یافتہ پاکستان کا خواب شرمندہ تعبیر ہوسکتا ہے انہوں نے کہا کہ بدقسمتی سے آج د نیا بھر میں دہشت گردی کا سبب بننے والے ممالک بھی مسلمانوں کو دہشت گردی کے طعنے دے رہے ہیں جو انصاف کے تقاضوں کے منافی ہے انہوں نے کہا کہ ہم اپنی صفوں میں اتحاد اوراتفاق پیدا کر کے ملک و قوم کے خلاف سازشوں کو ناکام بنا سکتے ہیں ۔ڈاکٹر معراج الہدیٰ صدیقی نے کہاکہ جامعة الامام نعمان بن ثابت نے اپنی روایت کو برقرار رکھتے ہوئے ننھے منے بچوں کوقرآن مجیدکا حافظ بنایا ۔ رمضان المبارک کی آمد ہے ، یہ نزول قرآن کا مہینہ ہے ، یہ مہینہ روزے کی عبادت اور بے شمار فضیلتیں لے کرآرہا ہے ، اس ماہ مبارک کے شب و روز ایسے ہیں جس میں انسان اپنی خواہشات نفس کی تکمیل اپنے رب کی خاطر چھوڑ دیتا ہے ۔انہوں نے کہاکہ آج شیطانی قوتیں یہ کہتی ہیں کہ ”میرا جسم میری مرضی ”لیکن رمضان کے بابرکت مہینے میں بندہ کہتا ہے کہ میرا جسم لیکن رب کی مرضی ، آج میڈیا کے ذریعے شیطانی ایجنڈاپورا کرنے کی کوشش کی جارہی ہے لیکن الحمد للہ پورے پاکستان کے مدارس 54لاکھ طلباء اس ایجنڈے کو کسی صورت پورا نہیں ہونے دیں گے ۔

افلاطون سے لے کر آج تک کے فلاسفرز نے تعلیم کے ذریعے فرد کی سوچ وفکر کو اس کے عمل پر طاری اور جاری کرنے کی کوشش کی ہے۔ڈاکٹر عبدالحالق ابویہ


karachi unversity jpg April 21, 2019 | 7:55 PM

تعلیمی نفسیات کا مطلب طلبہ کی نفسیات کو سمجھتے ہوئے ان کے نشوونما کے مدارج کو مدنظررکھتے ہوئے ایسا لائحہ عمل مرتب کرنا ہے جو انہیں چیزوں کا علمی تجربہ ہونے کے ساتھ انہیں عمل پر ابھاریں۔ڈاکٹر انیلا مختار
فلسفہ اور تعلیم ایک ہی سکے کے دورخ ہیں اور نفسیات تعلیم کا عملی پہلوہے۔ڈاکٹرمعروف بن رئوف
کراچی:(نیوزآن لائن )جامعہ کراچی کے شعبہ فلسفہ کے ڈاکٹر عبدالحالق ابویہ نے کہا کہ طلبہ کو چاہیئے کہ وہ اپنا تھیوریٹیکل فریم ورک تخلیق کریں اور یہی فلسفہ تعلیم کا مقصد ہے۔تعلیم کے مقاصد میں ایک کردار کی تبدیلی ،سچائی کی تلاش اور تحقیق کی جستجوہے جو کہ ہمارا نظام تعلیم پیدا کرنا چاہتاہے۔افلاطون سے لے کر آج تک کے فلاسفرز نے تعلیم کے ذریعے فرد کی سوچ وفکر کو اس کے عمل پر طاری اور جاری کرنے کی کوشش کی ہے۔فلسفہ فرد کو سوچھنے پر مجبور کرتاہے اور سوچ اسے سوال کرنے پر آمادہ کرتاہے۔اس لئے اساتذہ کو چاہیئے کہ وہ طلبہ میں سوالات پیداکریں اور ان کے جوابات سے ان کی علمی پیاس کو بجھائیں۔ان خیالات کا اظہار انہوں نے جامعہ کراچی کے شعبہ تعلیم کے اسسٹنٹ پروفیسر ڈاکٹر معروف بن رئوف کی زیر نگرانی کلیہ فنون وسماجی علوم کے آڈیوویژول سینٹر میں منعقد سیمینار بعنوان: ”تعلیم: فلسفیانہ عملدرآمد اور نفسیات سے تعلق” سے خطاب کرتے ہوئے کیا۔جامعہ کراچی کے شعبہ نفسیات کی اسسٹنٹ پروفیسر ڈاکٹر انیلا مختار نے کہا کہ تعلیمی عمل میں نفسیات بالخصوص پانچ چیزوں کی بات کرتی ہے،طالبعلم کی نفسیات ،اُستاد کی نفسیات،سیکھنے کا ماحول،سیکھنے کا طریقہ اور حاصل شدہ تجربات۔تعلیمی نفسیات کا مطلب طلبہ کی نفسیات کو سمجھتے ہوئے ان کے نشوونما کے مدارج کو مدنظررکھتے ہوئے ایسا لائحہ عمل مرتب کرنا ہے جو انہیں چیزوں کا علمی تجربہ ہونے کے ساتھ انہیں عمل پر ابھاریں۔جامعہ کراچی کے شعبہ تعلیم کے اسسٹنٹ پروفیسر ڈاکٹر معروف بن رئوف نے کہا کہ تعلیم ایک سماجی عمل ہے جس کا ہرشعبہ زندگی سے گہرا تعلق ہے۔فلسفہ اور تعلیم ایک ہی سکے کے دورخ ہیں اور نفسیات تعلیم کا عملی پہلوہے۔تعلیم / علم کو کمرہ جماعت سے نکال کرمعاشرے میں پھیلانا وقت کی اہم ضرورت ہے،تعلیمی عمل صرف کنٹینٹ/ مواد کو یاد کرنے کا نہیں بلکہ اس کے استعمال سے اپنے اور معاشرے کے مسائل کو حل کرنا چاہیئے۔ہمارے امتحانات ہمیں پاس اور فیل کا تصوردیتے ہیں حالانکہ امتحان میں یا توجیتنا ہوتاہے یا سیکھنا ہوتاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: دفترمشیر امور طلبہ کے زیر اہتمام ورکشاپ بعنوان: ”آپ اکیلے نہیں ہیں”
کراچی:(نیوزآن لائن )جامعہ کراچی کے دفتر مشیر امورطلبہ کی سوک اینڈ سوشل ریسپانسیبلیٹی سوسائٹی کے زیر اہتمام اور فیملی ایجوکیشن اینڈ سپورٹ فائونڈیشن کے تعاون سے جامعہ کراچی میں منعقدہ ورکشاپ بعنوان: ”آپ اکیلے نہیں ہیں” سے خطاب کرتے ہوئے فیملی ایجوکیشن اینڈ سپورٹ فائونڈیشن کی ڈائریکٹر ومعروف سائیکوتھراپسٹ اور کائونسلر انیتا فلورین نے اپنے خطاب میں مختلف طرح کے ٹراماز کو ہینڈل کرنے کے لئے مختلف سرگرمیاں کرائیں جن سے طلبہ پر یہ واضح ہوا کہ ٹراماز سے کیسے ریکور کیا جاسکتا ہے۔انہوں نے یہ بھی بتایا کہ ہراسمنٹ سے کیسے بچاجاسکتاہے،اگر بروقت اس پر توجہ نہ دی جائے تو یہ آپ کی زندگی کو کیسے متاثر کرتاہے۔
اس موقع پر انہوں نے طلباوطالبات سے ذہنی سکون کی مختلف سرگرمیاں کروائیں جس میں طلبہ کی بڑی تعداد نے نہ صرف حصہ لیا بلکہ اس طرح کی ورکشاپس کے تواترسے انعقاد کو وقت کی اہم ضرورت قراردیا۔

ایم این ایم کا ایم کیو ایم پاکستان کو ڈپٹی میئر بھاری اکلثریت سے منتخب ہونے پر مبارکباد۔


karachi April 21, 2019 | 7:52 PM

فاروق ستار نے سینیٹ کی سیٹیں کیا بیچیں اب انہیں ہارس ٹریڈنگ کا شوق شروع ہوگیا۔ فاروق ستار نے پیسہ چلانے کی کوشش کی لیکن انہیں سب چھوڑ چکے ہیں ۔ روبینہ یاسمین سیئنر وائس چیئر پرسن مہاجر نیشنل موومنٹ
ایم کیو ایم پاکستان ہو یا حقیقی ہو یا پی ایس پی ، یا کوئی بھی مہاجر گروپ ہم سب ایک ہیں ۔ مہاجر نظریہ پر مہاجر نیشنل موومنٹ کو سب ایک جگہ پائیں گے۔ مہاجر نیشنل موومنٹ
ملازمتوں میں پی پی پی کو مہاجروں کا حق نہیں مارنے دیں گے۔ 27کے جلسے میں صوبہ تحریک کا اعلان کیا جائے تو ایم کیو ایم پاکستان کے ساتھ ہوں گے۔ یونس میمن
کراچی(نیوزآن لائن)۔مہاجر نیشنل موومنٹ کی سپریم کونسل کے اراکین روبینہ یاسمین اور یونس میمن نے ایم کیو ایم پاکستان کو شفاف انتخابات کے ذریعے ڈپٹی میئر کا الیکشن جیتنے پر مبارکباد پیش کی ہے۔ سپریم کونسل کے اراکین نے سابق رہنما فاروق ستار پر کڑی تنقید کی ہے اور کہا ہے کہ ایم کیو ایم پاکستان ہو یا حقیقی ہو یا پی ایس پی ، یا کوئی بھی مہاجر گروپ ہم سب ایک ہیں ۔ مہاجر نظریہ پر مہاجر نیشنل موومنٹ کو سب ایک جگہ پائیں گے۔لیکن فاروق ستار مہاجروں کی سیاست کو برباد کر رہے ہیں ۔سینئر وائس چیئر پرسن روبینہ یاسمین اور یونس میمن نے کہا کہ فاروق ستار نے سینیٹ کی سیٹیں کیا بیچیں اب انہیں ہارس ٹریڈنگ کا شوق شروع ہوگیا۔ فاروق ستار نے پیسہ چلانے کی کوشش کی لیکن انہیں سب چھوڑ چکے ہیں۔ مہاجر نیشنل موومنٹ فاروق ستار جو مخبر بن کر ایم کیو ایم کے خلاف کاروائیاں کرا رہے ہیں سخت سست کہتے ہوئے یہ باور کیا کہ مہاجر تمام گروپ انہیں میر جعفر اور میر صادق کا خطاب دیتے ہیں ۔ سپریم کونسل نے کہا کہ ملازمتوں میں پی پی پی کو مہاجروں کا حق نہیں مارنے دیں گے۔ 27کے جلسے میں صوبہ تحریک کا اعلان کیا جائے تو ایم کیو ایم پاکستان کے ساتھ ہوں گے۔

شب برات کے موقع پربلدیہ شرقی کی جانب سے مثالی انتظامات


21.4.2019 April 21, 2019 | 7:37 PM

روشنی سمیت استقبالیہ کیمپس پر فراہم کردہ سہولیات پر قبرستان آنے والے زائرین کا خوشی کا اظہار کیا
سرکاری ومنتخب بلدیاتی نمائندگان کے باہمی اشتراک سے بلدیاتی خدمات فراہم کرنا آسان ہو جاتا ہے،چئیرمین بلدیہ شرقی معید انور
کراچی:(نیوزآن لائن)چئیرمین بلدیہ شرقی معید انور نے کہا ہے کہ شب برات میں بلدیاتی خدمات بہترین طریقے تک پہنچانے کی کوشش کی،قبرستان آنے والے زائرین مکمل طور پر مطمئن دکھائی دے رہے ہیں ان خیالات کا اظہار انہوں نے سپریٹینڈنگ انجنئیرز طارق مغل،مبین شیخ چئیرمین ایم اینڈ ای کمیٹی خرم شہزاد،چئیرمین پارک کمیٹی محمد مشتاق ،ایکس ای این ایم اینڈ ای جمشید زون امتیاز بھٹوودیگر کے ہمراہ سوسائٹی،عیسی نگری و دیگر قبرستانوں کے شب برات کے موقع پر دوروں کے دوران کیا اس دوران قبرستانوں پر کیمپس بھی لگائے گئے جہاں آنے والے زائرین کو پانی وشربت کے ساتھ مفت پھولوں کی پتیاں بھی فراہم کی جا رہی تھیں چئیرمین بلدیہ شرقی معید انور نے اس موقع پر مزید بات چیت کرتے ہوئے کہا کہ ہمیشہ اس بات کے لئے کوشش کی کہ مذہبی مواقعوں پر بلدیاتی خدمات کی فراہمی میں دکھاوے کے بجائے عملی سہولیات کا عنصر شامل ہو،افسران کو بھی اس بات کی ہدایت کی کہ وہ شب برات پر اپنے متعلقہ محکمہ جات کے لحاظ سے خدمات فراہم کرنے کے حوالے سے ہر یوسی کو ترجیح دیں انہوں نے بہترین روشنی اور درختوں کی چھٹاء کروانے پر محکمہ پارکس کے افسران سمیت چئیرمین کمیٹیز خرم شہزاد اور محمد مشتاق کو زبردست الفاظ میں سراہا اور کہا کہ سرکاری و منتخب بلدیاتی نمائندگان کے باہمی اشتراک سے بلدیاتی خدمات فراہم کرنا آسان ہو جاتا ہے منتخب بلدیاتی نمائندے بہتر طور پر سمجھتے ہیں کہ عوام کے مسائل کیا ہیں اور وہ ان سے کیا توقع کر رہے ہیں اس لحاظ سے وہ عوامی توقعات کو سامنے رکھتے ہوئے سرکاری مشینری کے ذریعے کام لیکر امور سر انجام دیتے ہیں اور شب برات پر یہ باہمی اشتراک دکھائی دیا انہوں نے ترقیاتی امور پر معمور پر مشتمل کمیٹی چئیرمینز سے درخواست کی کہ وہ اس سلسلے کو آئندہ بھی جاری رکھیں تاکہ ضلع شرقی کے مکینوں کو سہولیات فراہم کرنے میں نمایاں کردار ادا کیا جاسکے عیسی نگری اور سوسائٹی قبرستانوں میں آنے والے زائرین نے بلدیہ شرقی کی جانب سے کئے جانے والے بلدیاتی انتظامات کو سراہتے ہوئے اسے مثالی قرار دیا خاص طور پر انہوں نے روشنی اور کیمپس کے ذریعے فراہم کی جانے والی سہولیات پر خوشی کا اظہار کیا۔

رابطہ عوام مہم کا مقصد توسیع دعوت اوراللہ کی زمین پر اللہ کا نظام قائم کرنا ہے حافظ نعیم الرحمن


Zila Shumali pic March 31, 2019 | 10:54 PM

لوگوں کو کسی شخصیت یا ذات نہیں بلکہ صرف اور صرف اللہ کے دین کی طرف بلانا ہے ضلع شمالی کے اجتماع کارکنان سے خطاب
ہماری جدوجہد کامرکزومحور فلاحی معاشرے کا قیام ہے اجتماع سے محمد یوسف مولانا عبد الوحید و دیگر نے بھی خطاب کیا
کراچی: (نیوزآن لائن)امیر جماعت اسلامی کراچی حافظ نعیم الرحمن نے کہا ہے کہ اسلامی تحریک کا راستہ اللہ کی رضا کا راستہ ہے۔دین اسلام دنیا میں عملی طور پر نافذ اور غالب ہونے کیلئے آیاہے۔نظریاتی تحریکوں کے کارکن معاشرے میں ہر جگہ موجود ہوں توکوئی بھی طاقت ان کا راستہ نہیں روک سکے گی، رابطہ عوام مہم کا بنیادی مقصد توسیع دعوت ہے ،جماعت اسلامی کی دعوت اور پیغام کو عام کرنا ہے ، اقامت دین کی جدوجہد میں لوگوں کو اپنے ساتھ ملانا ہے ،لوگوں کو کسی شخصیت یا ذات نہیں بلکہ صرف اور صرف اللہ کے دین کی طرف بلانا ہے ،اللہ تعالی کی زمین پر اللہ کا نظام قائم کرنا ہے ،اللہ کے بندوں کو بندوں کی غلامی سے نکال کر صرف اللہ کی بندگی اور غلامی میں لانا ہے اور اس جدوجہد کا مقصد جنت کا حصول اور اللہ کی خوشنودی حاصل کرنا ہے ،اسی مقصد کے لیے لوگوں کو جمع کرنا ہے۔ ان خیالات کااظہار انہوں نے جماعت اسلامی ضلع شمالی کے تحت رابطہ عوام مہم کے سلسلے میں مسجد الہدیٰ میں اجتماع کارکنان سے خطاب کرتے ہوئے کیا ۔ اجتماع سے امیر ضلع شمالی محمد یوسف ، جمعیت اتحاد العلماء کراچی کے ناظم اعلیٰ مولانا عبد الوحید ، احمر خان ، عرفان احمد و دیگر نے بھی خطاب کیا ۔ حافظ نعیم الرحمن نے خطاب کرتے ہوئے مزید کہا کہ جماعت اسلامی کی دعوت اور مولانا مودودی کی فکر اور لٹریچر نے دنیا بھر میں اپنا اثر قائم کیا ہے اور اسلامی تحریکوں نے ان کی فکر اور لٹریچر سے استفادہ کیا ہے ،مولانا مودودی نے لوگوں کو اپنی ذات کی طرف نہیں بلکہ اللہ کے دین کی طرف بلایا اور دین کو غالب کرنے اور نافذ کرنے کے لیے جدوجہد کا آغاز کیا ،جماعت اسلامی کی بنیاد رکھی ،جماعت اسلامی ان ہی خطوط پر جدوجہد کررہی ہے ۔انہوں نے کہاکہ ہماری دعوت عالمگیر ہے یہ بندوں کو رب سے قریب کر دیتی ہے۔اس دعوت میںقوت اور عظمت ہے۔ضرورت اس امر کی ہے کہ اس عظیم الشان دعوت کو جو کہ پیغمبروں کا کام ہے اس دعوت کو گھر گھر پہنچایا جائے اور اس ملک کی معیشت ،قانون دستور اور تمام شعبہ ہائے زندگی کو قرآن وسنت کے مطابق چلایا جائے ۔ محمد یوسف نے کہاکہ ہماری جدوجہد کامرکزومحور فلاحی معاشرے کا قیام ہے۔رب کی رضا اوراصل فریضے کی جانب لوگوں کومتوجہ کرنے کی ضرورت ہے ،اپنے آپ کو خدمت خلق اورانسانیت کی رہنمائی کے لیے پیش کریں۔

مہاجر نیشنل موومنٹ کا وزیر اعظم کے کراچی پیکیج کا خیر مقدم ۔ میئر کراچی کا باغ ابن قاسم کو دوبارہ عوام کی امنگوں کے مطابق کرنے کا خیر مقدم


karachi March 31, 2019 | 10:47 PM

162ارب کا ابتدائی پیکیج درست اقدام ہے۔ ایم کیو ایم پاکستان کا حیدر آباد یونیورسٹی قائم کرانے کا اعلان خوش آئند ہے۔ ڈاکٹر محمد انور
دو مطالبات منوانے پر خالد مقبول صدیقی اور انکی جماعت کو مبارکباد۔ خواجہ اظہار الحسن کی صحت یابی کے لئے دعا گو ہیں۔ ڈاکٹر محمد انور
مصطفی کمال کا باغ ابن قاسم سے متعلق دعوی فریب ہے۔ دس سال سے پارک کی حالت دگرگوں تھی۔ روبینہ یاسمین
کراچی:(نیوزآن لائن) مہاجر نیشنل موومنٹ کے سربراہ ڈاکٹر محمد انور نے کہا ہے کہ ہم وزیر اعظم کے کراچی پیکیج کا خیر مقدم کرتے ہیں ۔ میئر کراچی کو باغ ابن قاسم کو دوبارہ عوام کی امنگوں کے مطابق رینوویٹ کرنے کا بھی خیر مقدم کرتے ہیں ۔ ڈاختر محمد انور نے مذید کہا کہ 162ارب کا ابتدائی پیکیج درست اقدام ہے۔ ایم کیو ایم پاکستان کا حیدر آباد یونیورسٹی قائم کرانے کا اعلان خوش آئند ہے۔ یہ دیرنیہ مطالبہ تھا۔ سندھ یونیورسٹی میں اردو بولنے والے طلبہ و طالبات محفوظ نہیں۔ انہوں نے تحریک انصاف سے دو مطالبات منوانے پر خالد مقبول صدیقی اور انکی جماعت کو مبارکباد پیش کی ہے جبکہ۔ خواجہ اظہار الحسن کی صحت یابی کے لئے دعا کی ہے۔ وائس چیئرپرسن روبینہ یاسمین نے باغ ابن قاسم پر مصطفی کمال کے گمراہ کن بیان پر کہا ہے کہ مصطفی کمال کا باغ ابن قاسم سے متعلق دعوی فریب ہے۔ دس سال سے پارک کی حالت دگرگوں تھی جسے درست کرنے اور قبضہ مافیا سے خالی کرانے پر میئر کراچی وسیم اختر کو مباکباد پیش کی ہے۔ انہوں نے کہا کہ ناکام اور بری طرح ہارے ہوئے پی ایس پی کے رہنما اب خود کو سٹی ناظم سمجھنا چھوڑ دیں ۔ سیاست کرنے اور اپنوں کو نشانہ بنانے کے بجائے اپنے گریبان میں جھانکیں تو ناکامی انکے قدم چومے گی۔

بینظیر انکم سپورٹ پروگرام کا نام تبدیل کرنے سے پی ٹی آئی کی آمرانہ سوچ کی عکاسی واضح ہوگئی، عاجز دھامراہ


ppp March 31, 2019 | 10:43 PM

کراچی:(نیوزآن لائن) پاکستان پیپلز پارٹی سندھ کے ترجمان عاجز دھامراہ ، کراچی ڈویژن کے ڈپٹی سیکریٹری اطلاعات شکیل چوہدری اور ضلع شرقی کے صدر اقبال ساند نے اپنے مشترکہ بیان میں کہا کہ بینظیر انکم سپورٹ پروگرام کا نام تبدیل کرنے سے پی ٹی آئی کی آمرانہ سوچ کی عکاسی واضح ہوگئی ہے ۔ انہوں نے کہا کہ سلیکٹ وزیراعظم عمران نیازی اپنے آقائوں کو خوش کرنے کی ایک ناکام کوشش کررہے ہیں کبھی وہ شہید محترمہ بینظیر بھٹو کے قتل میں ملوث ملزم کو وفاقی وزیر بنا دیتے ہیں تو کبھی ان کے ناموں سے دشمنی نکال رہے ہیں ۔ انہوںنے کہا کہ عمران نیازی تاریخ سے سبق سیکھے تو اچھا ہے ورنہ ان کا حشر بھی ان کی طرح ہوگا جو پیپلز پارٹی اور ان کے قائدین کا نام مٹانے کا خواب دیکھ رہے تھے ۔ پی پی پی رہنمائوں نے کہا کہ پی ٹی آئی کی نااہل اور نالائق حکومت کے سبب پاکستان کے 20کروڑ عوام کی زندگی دائو پر لگی ہے اور پی ٹی آئی کی ناقص حکمت عملی اور پالیسی کے سبب غریب طبقہ خودکشیوں پر مجبور ہوگیا ہے اور ایک وقت کی روٹی بھی میسر نہیں ہورہی ۔ انہوں نے کہا کہ عمران نیازی سمیت پوری کابینہ صرف جھوٹ کے سہارے پہاڑ بنا رہی ہے۔

فخر پاکستان معروف سائنسدان ڈاکٹر عبدالقدیر خان نے کہا کہ ہمارے نوجوان ریسرچرز ہیروں کی مانند ہیں ،انہیں صرف تراشنے کی ضرورت ہے۔ڈاکٹر عبدالقدیر خان


kibge caption-2 March 31, 2019 | 3:29 PM

وقت کا تقاضہ ہے کہ جامعات اور انڈسٹریز کے مابین اشتراک کو فروغ دیا جائے جو ترقی کے لئے نا گزیر ہے ۔سینیٹر عبدالحسیب خان
کرادچی:(نیوزن لائن)فخر پاکستان معروف سائنسدان ڈاکٹر عبدالقدیر خان نے کہا کہ ہمارے نوجوان ریسرچرز ہیروں کی مانند ہیں ،انہیں صرف تراشنے کی ضرورت ہے۔جو طلبہ بیرون ممالک جاتے ہیں انہیں چاہیئے کہ وہ سیاست اور مذہب پربات کرنے بجائے اپنی تعلیم وتحقیق پرتوجہ مرکوز رکھیں،ان دو تین سالوں میں خوب محنت کریں کیونکہ یہ محنت پھر زندگی بھر کام آئے گی اور اپنی پڑھائی مکمل کرنے کے بعد وطن واپس آکر ملک کی خدمت کریں اور جو سیکھا ہے وہ دوسروں کو منتقل کریں ۔ آلات کا استعمال، ان پر عبوراوراصولوں کے بارے میں معلومات ہونی چاہیئے یہی کامیابی کا راستہ ہے۔مجھے خوشی ہے کہ جامعہ کراچی کے ڈاکٹر اے کیوخان انسٹی ٹیوٹ آف بائیوٹیکنالوجی اینڈ جینیٹک انجینئرنگ میں عصر حاضر کے جدید تقاضوں سے ہم آہنگ تحقیق وتدریس کا عمل جاری ہے جو لائق تحسین اور ڈاکٹر عابد اظہر کی قیادت کی بدولت مذکورہ انسٹی ٹیوٹ کامیابی کے منازل تیزی سے طے کررہاہے جس کی بدولت مذکورہ انسٹی ٹیوٹ نہ صرف پاکستان بلکہ دنیا بھر میں اپنا ایک مقام اور پہچان رکھتا ہے۔ان خیالات کا اظہا رانہوں نے جامعہ کراچی کے ڈاکٹر اے کیوخان انسٹی ٹیوٹ آف بائیوٹیکنالوجی اینڈ جینیٹک انجینئرنگ کے زیر اہتمام منعقدہ ”تھرڈ اورل پریزنٹیشن کمپٹیشن فار ایم فل اینڈ پی ایچ ڈی اسٹوڈنٹس ” کی اختتامی اور تقریب تقسیم انعامات سے خطاب کرتے ہوئے کیا۔ڈاکٹر عبدلقدیر خان نے مزید کہا کہ ہمارے ملک میں صلاحیتوں کی کمی نہیں ہے ضرورت اس امر کی ہے کہ انہیں اپنی صلاحیتوں کے اظہار کے مواقع فراہم کئے جائیں۔سینیٹر عبدالحسیب خان نے کہا کہ جامعات اور انڈسٹریز کے مابین اشتراک نہ ہونے کے برابر ہے وقت کا تقاضہ ہے کہ جامعات اور انڈسٹریز کے مابین اشتراک کو فروغ دیا جائے جو ترقی کے لئے نا گزیر ہے ۔ جامعات کا کام صرف تحقیق ہوتا ہے جبکہ انڈسٹریز اسکو عملی جامہ پہناکر نہ صرف اندرون ملک مارکیٹ کرتی ہے بلکہ اس کی بدولت بر آمدات میں بھی اضافہ ہوتا ہے ۔ اسی بات کو مدّ نظررکھتے ہوئے میں نے ایک جدید لیبارٹری کو قائم کرنے کا فیصلہ کیا ہے اور اس حوالے سے ایک کمیٹی بھی تشکیل دے دی گئی ہے ۔ جس سے جامعات میں ہونے والی تحقیق کو فروغ ملے گا اور انڈسٹریز اور جامعات کے مابین مظبوط اشتراک بھی قائم ہوگا۔میری یہ خواہش ہوگی کہ ڈاکٹر عبد القدیر خان بھی اس کمیٹی کا حصہ بنیں اور اپنی تجربہ کی بنیاد پر اس پروجیکٹ کو اس قابل بنائیں کہ اس سے دور رس نتائج حاصل ہوتے رہیںاور یہ کامیابی سے ہمکنار ہو۔ انہوں نے مزید کہا کہ ہماری مسلح اور بہادر افواج پوری دنیا میں اپنا کوئی ثانی نہیں رکھتا لیکن آج سارے اسلامی ممالک میں پاکستان کو جونمایاں مقام اور پہچان حاصل ہے اس کی ایک بڑی وجہ پاکستان کا ایٹمی طاقت ہونا ہے اور اس کا سہرا ڈاکٹر عبد القدیر خان اور انکی ٹیم اور ہر اس فرد کو جس نے ایٹمی پروگرام کو کامیاب بنانے میں مدد کی کو جاتاہے ۔ رئیسہ کلیہ علوم جامعہ کراچی پروفیسر ڈاکٹر تبسم محبوب نے کہا کہ ہمارے لئے یہ بات باعث افتخار ہے کہ آج کی تقریب میں جتنے ریسرچرزنے سرٹیفکیٹ حاصل کئے ہیں وہ بین الاقوامی ریسرچرز کے ہم پلہ ہیں۔ ہمارے نوجوانوں کو یہ مرتبہ انکی انتھک محنت اور انکے اساتذہ کے تجربہ کے مرہون منت ملا ہے ۔ یہ بات بھی خوش آئند ہے کہ ہمارے نوجوان طالبعلموں کی بڑی تعداد نہ صرف ملکی جامعات بلکہ غیر ملکی پلیٹ فارم پر بھی اپنے ریسرچ اور ٹیکنیکل پیپر ز پیش کررہے ہیں۔
ڈائریکٹر جنرل ڈاکٹر اے کیو خان انسٹی ٹیوٹ آف بائیوٹیکنالوجی اینڈ جینیٹک انجینئرنگ جامعہ کراچی پروفیسر ڈاکٹر عابد اظہر نے کہا کہ ہماری کوشش ہے کہ ہم اپنے طلبہ کو وہ تمام سہولیات اور تربیت فراہم کریں کہ دنیا بھر میں کہیں بھی وہ سر اُٹھاکرکھڑے ہوسکیں۔مذکورہ ادارہ صرف کراچی کا نہیں بلکہ پورے ملک سے یہاں پر طلبہ حصول علم کے لئے آتے ہیں،یہاں پر طلبہ کو ان کی قابلت اور میرٹ کے مطابق خواہ اس کا تعلق کہیں سے بھی ہو داخلہ دیا جاتاہے۔دنیا بھر میں مقابلہ صرف اس بات پر ہوتاہے کہ آپ کتنے اہل ہیں،یہ نہیں دیکھا جاتاکہ آپ کا تعلق کس ملک سے ہے بلکہ صرف یہ دیکھا جاتاہے کہ آپ کی قابلیت کتنی ہے۔ہمارے طلبہ نہ صرف پاکستان بلکہ بیرون ممالک میں جب بھی کسی مقابلے میں شرکت کرتے ہیں تو وہ انعامات اورنمایاں پوزیشن حاصل کرتے ہیں جو لائق تحسین ہے۔

کراچی:(نیوزآن لائن)چئیرمین بلدیہ شرقی معید انور نے کہا ہے کہ نجی اسکولوں کے طریقہ تعلیم کو بلدیاتی اسکولوں میں استعمال میں لاکر اسکولوں کی بہتری پر کام کر رہے ہیں،کریسنٹ گرامر اسکول پی آئی بی کالونی یوسی 19 مستقبل کے بہترین معمار تیار کرنے میں اپنا کردار ادا کر رہا ہے،اساتذہ اور طالب علموں کی بہترین ذہنی ہم اہنگی ہو تو طالب علموں کی چھپی صلاحیتوں کو اجاگر کرنا مشکل کام نہیں ہے ان خیالات کا اظہار انہوں نے وائس چئیرمین بلدیہ شرقی عبدالروف خان،سندھ حکومت کی اعلی شخصیات،یوسی 19 کے چئیرمین محمد شاہد و دیگر کے ہمراہ کریسنٹ گرامر اسکول کی جانب سے طالب علموں کے حوالے سے منعقدہ تقریب تقسیم انعامات میں گفتگو کرتے ہوئے کیا انہوں نے تقریب میں بہترین کارکردگی کا مظاہرہ کرنے والے طالب علموں کو مبارکباد پیش کرتے ہوئے کہا کہ تعلیم کے حصول کو محض پیسہ کمانے کا ذریعہ نہ سمجھیں بلکہ اسے تہذیب وتمدن اور شعور کی تقویت کا ذریعہ بنائیں اساتذہ بھی طالب علموں کو آگاہ کریں کہ تعلیم کا بنیادی مقصد عقل وشعور کی منازل حاصل کرنا ہے جب عقل وشعور ہوگا تو روزگار حاصل کرنا کوء دشوار گزار مرحلہ نہیں ہے انہوں نے دی کریسنٹ اسکول کی انتظامیہ کو بھی مبارکباد پیش کی بعدازاں انہوں نے دیگر مہمانان گرامی کے ہمراہ بہترین کارکردگی کا مظاہرہ کرنے والے بچوں میں انعامات تقسیم کئے تقریب میں چئیرمین ایجوکیشن کمیٹی ندیم خواجہ،چئیرمین پارکس کمیٹی محمد مشتاق ڈائریکٹر ایجوکیشن بلدیہ شرقی شیر علی ودیگر نے بھی شرکت کی۔


31-03-2019 March 31, 2019 | 2:58 PM

کراچی:(نیوزآن لائن)چئیرمین بلدیہ شرقی معید انور نے کہا ہے کہ نجی اسکولوں کے طریقہ تعلیم کو بلدیاتی اسکولوں میں استعمال میں لاکر اسکولوں کی بہتری پر کام کر رہے ہیں،کریسنٹ گرامر اسکول پی آئی بی کالونی یوسی 19 مستقبل کے بہترین معمار تیار کرنے میں اپنا کردار ادا کر رہا ہے،اساتذہ اور طالب علموں کی بہترین ذہنی ہم اہنگی ہو تو طالب علموں کی چھپی صلاحیتوں کو اجاگر کرنا مشکل کام نہیں ہے ان خیالات کا اظہار انہوں نے وائس چئیرمین بلدیہ شرقی عبدالروف خان،سندھ حکومت کی اعلی شخصیات،یوسی 19 کے چئیرمین محمد شاہد و دیگر کے ہمراہ کریسنٹ گرامر اسکول کی جانب سے طالب علموں کے حوالے سے منعقدہ تقریب تقسیم انعامات میں گفتگو کرتے ہوئے کیا انہوں نے تقریب میں بہترین کارکردگی کا مظاہرہ کرنے والے طالب علموں کو مبارکباد پیش کرتے ہوئے کہا کہ تعلیم کے حصول کو محض پیسہ کمانے کا ذریعہ نہ سمجھیں بلکہ اسے تہذیب وتمدن اور شعور کی تقویت کا ذریعہ بنائیں اساتذہ بھی طالب علموں کو آگاہ کریں کہ تعلیم کا بنیادی مقصد عقل وشعور کی منازل حاصل کرنا ہے جب عقل وشعور ہوگا تو روزگار حاصل کرنا کوء دشوار گزار مرحلہ نہیں ہے انہوں نے دی کریسنٹ اسکول کی انتظامیہ کو بھی مبارکباد پیش کی بعدازاں انہوں نے دیگر مہمانان گرامی کے ہمراہ بہترین کارکردگی کا مظاہرہ کرنے والے بچوں میں انعامات تقسیم کئے تقریب میں چئیرمین ایجوکیشن کمیٹی ندیم خواجہ،چئیرمین پارکس کمیٹی محمد مشتاق ڈائریکٹر ایجوکیشن بلدیہ شرقی شیر علی ودیگر نے بھی شرکت کی۔

یو این ڈی پی کا چیزاپ شاپنگ سٹی کے ساتھ اشتراک بے روزگار نوجوانوں کے لیے تربیتی پروگرام کا انعقاد


undp March 31, 2019 | 2:42 PM

ریٹیل سیکٹر زرعی و صنعتی شعبوں کے بعد روزگارفراہم کرنا والا تیسرا بڑا سیکٹر ہے ۔ سلمان بشیر ، چیف ایگزیکٹو، چیزاپ شاپنگ سٹی
کراچی :( نیوزآن لائن) اقوام متحدہ ترقیاتی پروگرام (یو این ڈی پی) نے چیزاپ شاپنگ سٹی کے اشتراک سے بے روزگار نوجوانوں کے لیے تربیتی پروگرام کا آغاز کیا ہے جس کے تحت منتخب کردہ افراد کو ریٹیل سیکٹر سے متعلقہ فنون میں بامعاوضہ تربیت فراہم کی جارہی ہے۔ پروگرام کے ابتدائی مرحلے میں کراچی کے پسماندہ علاقوں بشمول اورنگی ٹائون، لیاری، کیماڑی و خدا کی بستی سمیت دیگر علاقہ جات سے میٹرک پاس بے روزگار نوجوانوں کو 23روزہ تربیتی پروگرام کے تحت نظری و عملی تربیت فراہم کی جارہی ہے ۔ 23روزہ تربیتی پروگرام 39گھنٹے کلاس روم اور70گھنٹے آن جاب ٹریننگ پر مشتمل ہے جس میں کمیونیکشن، سیلنگ اسکلز، ریٹیل آپریشن ، تعمیر شخصیت، ٹیم ورک سمیت متعدد موضوعات کا احاطہ کیا گیا ہے جبکہ زیرِ تربیت نوجوانوں کو فی کس 25000روپے مشاہرہ بھی ادا کیا جارہا ہے۔ تربیتی پروگرام کے اختتام پر کامیاب شرکاء میں یواین ڈی پی کی جانب سے خصوصی اسناد تفویض کی جائیں گی۔
23روزہ تربیتی پروگرام کے ابتدائی سیشن سے خطاب کرتے چیزاپ شاپنگ سٹی کے چیف ایگزیکٹوجناب سلمان بشیر نے کہا کہ پاکستان میں ریٹیل سیکٹر ایک ابھرتا ہوا شعبہ ہے جو ملک میںمعاشی فروغ کے ساتھ ساتھ روزگارکے ان گنت مواقع پیدا کرنے میں کلیدی کردار ادا کررہا ہے ۔ اپنے خطاب میںچیزاپ کے ڈائیریکٹر مصطفی بشیرنے کہا کہ چیزاپ ریٹیل ایجوکیشن کے فروغ کے لیے کراچی کے بزنس اسکولز اورفنی تعلیمی اداوں سے رابطہ کرکے انہیں متعلقہ تربیتی پروگراموں کے انعقاد کیلیے آمادہ کرنے کی کوشش کررہاہے۔ اس موقع پر چیز اپ کے سربراہ برائے شعبہِ افرادی قوت جناب محمد ریحان صدیقی نے کہا کہ یو این ڈی پی اور چیزاپ شاپنگ سٹی کے اشتراک سے شروع کردہ یوتھ ڈویلپمنٹ پروگرام ریٹیل کریئر سے متعلق آگاہی کے ساتھ ساتھ روزگار کے حصول میں معاون ثابت ہوگا۔

پاکستان کو جنگوں سے زیادہ نقصان معاشرے میں بڑھتی انتہاپسندی اور عدم برداشت کے نتیجے میں ہونے والی دہشت گردی سے ہوا ہے۔ڈاکٹر اجمل خان


KARACHI UNIVERSITY NEWS March 23, 2019 | 9:13 PM

کراچی:(نیوزآن لائن)جامعہ کراچی کے وائس چانسلر پروفیسر ڈاکٹر محمد اجمل خان نے یوم پاکستان کے موقع پر اپنے پیغام میں کہا کہ 23 مارچ کا دن ملکی کی تاریخ کا عظیم دن ہے۔یہ دن ہمیں تحریک آزادی سے جوڑے ہر فرد بالخصوص بانیانِ پاکستان کی غیر متزلزل قیادت اور ان کی لازوال جدوجہد اور یقین کی یا ددلاتاہے۔طلباء میں کردار سازی کے ذریعے معاشرے میں عدم برداشت اور انتہاپسندی کے تدارک کیلئے جامعات کلیدی کرداراداکرسکتی ہیں۔
پوری پاکستانی قوم پاکستان میں مستقل قیام امن کیلئے بہادر مسلح افواج کے ساتھ ہے ،ظاہری اور چھپے ہوئے دونوں طرح کے دشمن کے سامنے سیسہ پلائی ہوئی دیوار کی مانند کھڑی پاک فوج کا ایک ایک سپاہی اس ملک اور قوم کی خاطر اپنی جان قربان کررہے ہیں۔آج ملک بھر اور بالخصوص روشنیوں کے شہر کراچی میں قائم ہونے والا امن عسکری اداروں کی لازوال قربانیوں کا منہ بولتاثبوت ہے۔
عدم برداشت کا رویہ معاشرہ میں بگاڑ کا سبب بنتا ہے اس لئے کسی بھی مہذب معاشرہ میں عدم برداشت کے رویہ کی کوئی گنجائش نہیں ہوتی ، دلائل سے ہی دوسرے کو قائل کیا جا سکتا ہے۔پاکستان کو اتنا نقصان جنگوں سے نہیں ہوا جتنا انتہاپسندی اور عدم برداشت کے نتیجے میں ہونے والی دہشت گردی سے ہوا ہے۔علم کی طاقت بندوق کی طاقت سے بہت زیادہ ہے ،ہمیں علم کے میدان میں آگے بڑھنے کی ضرورت ہے کیونکہ علم ہی کامیابی وکامرانی کا واحد زینہ ہے۔ اپنی تعلیم کو صرف ڈگری کے حصول تک محدود نہ رکھیں بلکہ اس کو ملک وقوم کی ترقی اور معاشرے کی فلاح وبہبود کے لئے استعمال کریں۔
آج کے نوجوان جدوجہد اور قربانیوں کی اس داستان کا حصہ تو نہیں رہے لیکن وہ ملک کو حقیقی معنوں میں قائد کا پاکستان بنا کر اپنا حصہ ڈال سکتے ہیں۔ ہمیں قرارداد پاکستان کی روح کو دوبارہ زندہ کرنے کے لیے اپنا کردار ادا کرنا ہو گا۔ تا کہ کھوئی ہوئی منزل تلاش کر سکیں اور پاکستان کو ترقی کی شاہراہ پر گامزن کر سکیں۔

یومِ قراردادِ پاکستان قیامِ پاکستان کا اہم سنگِ میل


baldia news 23 march March 23, 2019 | 9:11 PM

بلدیہ وسطی میںیومِ قراردادِ پاکستان کی تقریبات کا انعقاد
چئیرمین ریحان ہاشمی نے پرچم کُشائی سے تقریبات کا افتتاح کیا
کراچی: (نیوزآن لائن) بلدیہ وسطی کراچی میں یومِ قراردادِ پاکستان جوش و خروش سے منایا گیا۔ شاہراہِ ابنِ سینا ناظم آباد پر واقع بلدیہ وسطی کے مرکزی دفتر میںیوم پاکستان کی پروقار تقریب کا انعقاد ۔ چئیرمین بلدیہ وسطی ریحان ہاشمی نے وائس چیئرمین سید شاکر علی کے ہمراہ پرچم کشائی سے تقریب کا افتتاح کیا۔ بلدیہ وسطی کے تمام افسران و عملے نے مل کر بہ آوازِ بلند قومی ترانہ پڑھا جس سے فضاء میں حب الوطنی کا ساز بج اُٹھا۔ اس موقع پر حاضرین سے خطاب کرتے ہوئے چئیرمین ریحان ہاشمی نے کہا کہ ٢٣ مارچ ١٩٤٠ئ محض یومِ قراردادِ پاکستان ہی نہیں بلکہ قیامِ پاکستان کی تحریک کی کامیابی میں سب سے اہم سنگِ میل کی حیثیت رکھتاہے۔یہ دن ہمیں یاد دلاتاہے کہ اپنے آبا و اجداد کی قربانیوںکے ثمر پاکستان کو ہمیشہ قائم و دائم اور پاکستانی عوام کو خوشحال رکھنے کے لئے ہم بھی کسی قربانی سے دریغ نہ کریں۔آج سرحدوں پر خطرات کے بادل منڈلارہے ہیں تو ہمارے لئے پیغام ہے کہ ہم سب ایک مضبوط اور متحد قوم ہونے کا ثبوت دیں اور کسی بھی جارحیت کے خلاف سیسہ پلائی دیوار بن جائیں ۔تقریب میں وائس چیئرمین سید شاکر علی ،میونسپل کمشنر محمدفہیم خان ،ڈائریکٹر ایجوکیشن محمد عرفان شیخ ،ڈپٹی ڈائریکٹر ابرار احمد کے علاوہ اسکولوں کے اساتذہ اور طلباوطالبات نے بھی کثیر تعداد میں شرکت کی۔ اس موقع پر دیگر مقررین نے بھی حاضرین سے خطاب کیا اور قراردادِ پاکستان کی تاریخی اہمیت کو اُجاگرکرتے ہوئے نئی نسل کو پاکستان کی ترقی کے لئے حصولِ تعلیم کی جانب بھر پور توجہ دینے کی ہدایت کی۔ اس موقع پر اسکولوں کے طلبا و طالبات کے درمیان یوم پاکستان کے حوالے سے تقریری مقابلہ بھی ہوا جبکہ طلباو طالبات نے یومِ قراردادِ پاکستان کی مناسبت سے خصوصی ٹیبلوز پیش کئے جن میں ملک و ملّت سے محبت کا عنصر نمایاں تھا۔یادرہے کہ ٢٣مارچ ١٩٤٧ء وہ دن ہے کہ جب برِ صغیر کے مسلمانوں نے قائدِ اعظم محمد علی جناح کی قیادت میں مُصمم اور پختہ ارادہ کیا کہ مسلمانوں کے لئے الگ وطن حاصل کرنے کے علاوہ کوئی دوسری بات قبول نہیں کریں گے اور پھر تمام ہندوستان میں مسلمانوں نے یک زبان ہواور ایک متحدہ قوم بن کر انگریزوں اور ہندئوں کے خلاف زبردست جدوجہد شروع کی جس کے نتیجہ میں ١٤اگست ١٩٤٧ئ کو پاکستان عالمِ وجود میں آیا۔ہمیں اپنے اسلاف کی قربانیوں کو یاد رکھنے کے لئے قومی نوعیت کے ہردن کو جوش و خروش سے منانا چاہئے۔ پرگرام کے آخر میں چیئرمین بلدیہ وسطی ریحان ہاشمی نے ٹیبلوز اور
تقریری مقابلے میں حصہ لینے والے طلبا و طالبات میں انعامات تقسیم کئے ۔

پاکستان ہمیشہ زندہ باد تھا زندہ باد ہے اور زندہ باد رہے گا:جان محمد بلوچ


23-03-2019 Waak pic March 23, 2019 | 9:05 PM

بلدیہ ملیر :جدوجہد آزادی پاکستان کے شہداء اور پاک فوج کو خراج تحسین پیش کیا گیا
کراچی:(نیوزآن لائن)بلدیہ ملیر انتظامیہ کی جانب سے 23مارچ یوم تجدیدِ عہدِ وفا کا جشن شایان شان طریقے سے منایا گیا،محکمہ تعلیم بلدیہ ملیر کی جانب سے چیئرمین بلدیہ ملیر جان محمد بلوچ کی قیادت میں واک کا اہتمام کیا گیا،واک شیل پیٹرل پمپ بکرا پیڑی سے شروع ہو کر ملیر 15 برج پر اختتام پذیرہوئی ، واک میں جدوجہد آزادی پاکستان کے شہداء ، بانی پاکستان اور پاک فوج کو خراج تحسین پیش کیا گیا، جس میں اراکین کونسل،یوسی چیئرمین،صدرپ ٹ الف انور بلوچ ،بلدیاتی اسکولوں کے طلباء وطالبات،اسکائوٹس،اساتذہ کرام ،دیگر شعبہ ہائے زندگی سے تعلق رکھنے والی شخصیات نے بھرپور شرکت کی، چیئرمین بلدیہ ملیر جان محمد بلوچ نے واک کے شرکاء سے خطاب کرتے ہوئے کہا کہ 23مارچ ہمارے لئے ایک انتہائی اہم دن ہے ،جب آج سے 78سال پہلے منٹو پارک لاہور میںہمارے بزرگوں کی قیادت میں عوام کے ٹھاٹے مارتے سمندر نے قرارداد لاہور منظور کی ۔جس کو بعد میں قرارداد پاکستان کا نام دیا گیا۔ آج ہم اِس عزم کا اظہار کرتے ہیں کہ اپنے بزرگوں کی لازوال قربانیوں کے نتیجے میں معرضِ وجود میں آنے والی اس مملکت خداد اد پاکستان کی تعمیر وترقی اور استحکام کیلئے جس کا خواب بانیِ پاکستان قائدِ اعظم محمد علی جناح اور اُن کے رفقاء نے دیکھا تھا اس خواب کو ہم شرمندہِ تعبیر کرینگے، ہمیں پاکستانی ہونے پر فخر ہے23مارچ 1940کا دن صرف قرارداد کا دن نہیں بلکہ پاکستان کے حصول کی جدوجہد کا دن تھا۔

استحصالی ٹولے نے ملکی سالمیت کو یرغمال بنا ہوا ہے ،اسامہ بن رضی


dr osama razi pic March 23, 2019 | 9:01 PM

کراچی:(نیوزآن لائن)ملکی سیاست استحصالی طبقے کے ہاتھوں میں جکڑی ہوئی ہے ۔بڑی سیاسی طاقتوں کا اتحاد ایک نئے مرحلے میں داخل ہو رہا ہے ۔عوامی سیاست ایک نئی تبدیلی کی جانب گامزن ہے ۔یہ بات جماعت اسلامی کراچی کے نائب امیر ڈاکٹر اسامہ بن رضی نے جماعت اسلامی لانڈھی کے تحت مسجد قریشاں لانڈھی میں اجتماع کارکنان سے خطاب کرتے ہوئے کہی ۔اس موقع پر امیر ضلع کورنگی عبدالجمیل خان ،امیر زون لانڈھی محمد شفیق ،نائب امیر حسیب احمد خان اور سیکریٹری مرزا نعمان بیگ نے بھی خطاب کیا ۔ڈاکٹر اسامہ بن رضی نے کہا کہ امریکہ جتنی کوششیں کرے بھارت کی بالا دستی کسی بھی قیمت پر قبول نہیںکی جائے گی ۔تبدیلی کے نعرے لگا کر اقتدار میں آنے والے اب تک عوام کو مطمئن نہیں کرسکے ہیں ۔ مدینے کی ریاست قائم کرنے کا ہم خیر مقدم کرتے ہیں ۔حکمران اگر واقعی مدینے والا نظام عملی طور پر نافذ کردیں تو کوئی بھوکا نہیں رہے گا۔سرمایہ دارانہ نظام جلد زمین بوس ہونے والا ہے ۔مستقبل کے چیلنجز کا مقابلہ کرنے کیلئے نئی صفت بندی کرنا ہوگی ۔حالات تبدیل ہورہے ہیں ۔جماعت اسلامی کے نئے اضلاع کے قیام سے نچلی سطح ُپر کام میں آسانی پیدا ہوگی ۔امیر ضلع عبدالجمیل خان نے کہا کہ جماعت اسلامی اقامت دین کی تحریک ہے ۔ہمیں اپنے کا م کو اور تیز کرنا ہے اور ظلم کے نظام کا خاتمہ کرنا ہے لانڈھی میں ہمارے دو امراء نے جانوںکا نذرانہ پیش کیا ہے ۔شہداء کا خون رنگ لائے گا ۔امیر زون محمد شفیق نے کہا کہ نئے حلقہ جات کے ناظمین کا تقرر کیا جا رہا ہے اور جماعت اسلامی کے کارکنان گھر گھر جا کر دعوتی پیغام پہنچائے ۔

حاجی حنیف طیب عمرہ کی ادائیگی، زیارت حرمین شریفین کے لئے سعودیہ عرب روانہ


nizam mustafa party news March 17, 2019 | 9:53 PM

کراچی:(نیوزآن لائن )نظام مصطفی پارٹی کے سربراہ سابق وفاقی وزیرڈاکٹرحاجی محمدحنیف طیب عمرہ کی ادائیگی اور زیارت حرمین شریفین کیلئے سعودیہ عرب روانہ ہوگئے۔ روانگی سے قبل نظام مصطفی پارٹی کے کارکنان سے بات چیت کرتے ہوئے انہوں نے کہاکہ دنیا بھر میں مسلمانوں کے ساتھ ظلم وزیادتی کا سلسلہ جاری ہے اورمسلمانوں کی نسل کشی،قتل وغارت گری ،ظلم وزیادتی کرکے تاریخ کی بدترین مثال قائم کی جارہی ہے ۔یہ پوری دنیا کے امن کے علمبرداروں ،انسانی حقوق کی تنظیموں کے لئے سوالیہ نشان ہے کہ کبھی قرآن مجیدکو جلایاجاتاہے ،اس پر فائرنگ کی جاتی ہے ،کبھی نبی کریم ۖاورصحابہ کرام کے خاکے بنائے جاتے ہیں ،کبھی مساجد پرحملے کرکے ،نمازیوں کو شہید کردیاجاتاہے ،کبھی مسلمان بچیوں پر اسکارف کی پابند ی لگادی جاتی ہے۔کبھی داڑھی رکھنے والوں پر حملہ کردیاجاتاہے ،داڑھی کے بال ہر مذہب کے ماننے والوں کے چہرے پر نکلتے ہیں،یہ ایک قدرتی عمل ہے۔ اسلام کی بنیادپراگر کوئی داڑھی رکھتا ہے تو اس کے ساتھ اچھا سلوک نہیں کیاجاتا ۔اسی طرح برمامیں مسلمانوں ہی کوظلم وتشددکا نشانہ بنایاجارہاہے ۔اقوام متحدہ 70سال گزرجانے کے باوجوداپنی ہی قراردادوپر عمل نہیں کراسکا۔ ایک لاکھ کے قریب کشمیری مسلمان شہید کردیئے گئے ۔انہوںنے کہاکہ پوری دنیا میں مسلمانوں ہی کو تختہ مشق کیوں بنایاہواہے؟انہوںنے کہاکہ عالم اسلام ایک مشکل ترین دور سے گزررہا ہے۔اس وقت عالم اسلام کو اتحادواتفاق یکجہتی کی ضرورت ہے۔ حاجی محمدحنیف طیب پاکستان کی خوشحالی ترقی سمیت عالم اسلام کے مسلمانوںکی یکجہتی ،امن وامان کے لئے خصوصی دعائیں بھی کریں گے ۔

غربت،جہالت اور امراض کا مقابلہ صرف سرکاری وسائل سے نہیں کیا جاسکتا،عون عباس


al mustafa welfare March 17, 2019 | 9:48 PM

کراچی:(نیوزآ لائن )مینجنگ ڈائریکٹر پاکستان بیت المال عون عباس نے کہاکہ پاکستان ایک غریب اور کثیر آبادی والا ملک ہے۔غربت،جہالت اور امراض کا مقابلہ صرف سرکاری وسائل سے نہیں کیا جاسکتا ۔انہوںنے المصطفیٰ میڈیکل سینٹر گلشن اقبال کے مختلف شعبوں کا معائنہ کرنے کے بعد المصطفیٰ مائی ہو م میں زیر تعلیم یتیم بچوں اور تھیلی سیمیاسے متاثرہ بچوں سے ملاقات کی ۔اس موقع پر منعقدہ تقریب میں المصطفیٰ ویلفیئر سوسائٹی کے سرپرست اعلیٰ سابق وفاقی وزیرڈاکٹر حاجی محمدحنیف طیب،ڈائریکٹر پاکستان بیت المال سندھ ڈاکٹر عدنان مجید ، معین خان،احمد رضا طیب،عبدالغفارسعیدی ،امین آدم جی ،معین احمدودیگر بھی موجودتھے۔مینجنگ ڈائریکٹر پاکستان بیت المال عون عباس نے کہا کہ المصطفیٰ جیسے سماجی ادارے ہماری معاشرتی ضرورت اور دنیا کے سامنے اسلام اور پاکستان کا روشن چہرہ ہے۔مجھے المصطفیٰ میڈیکل سینٹرگلشن اقبال کادورہ اور یہاں کے شعبہ جات کا معائنہ اورمعیارکودیکھ کر بہت خوشی ہوئی۔ انہوںنے کہاکہ المصطفیٰ کاوجوداس بات کی علامت ہے کہ ہمارے معاشرے میں غریبوں،یتیموں،مسکینوں،بیواؤںاور دکھی انسانیت کی خدمت اخلاص ودیانت داری سے یہ ادارہ اپنافریضہ سرانجام دے رہاہے۔یقینا عوام ان ہی پر بھروساکرتے ہیں جواپنی دیانت داری،ایمانت داری کا لوہامنوائے ۔انہوںنے کہاکہ چاہیے عمران خان ہو ،یاحنیف طیب یا کوئی دوسری اہم شخصیات ،لوگوں کے اعتمادکا رویہ ہمارے لئے بڑے حوصلے کاسبب ہے۔مجھے اس بات کی بھی خوشی ہے کہ میں اپنے بطورمنیجنگ ڈائریکٹربیت المال کی ذمہ داریوں کا آغازسب سے پہلے بطورفلاحی تنظیم المصطفیٰ کا دورہ کیا۔ انہوںنے کہاکہ حاجی صاحب کا سیاسی،سماجی،فلاحی کام کو تمام طبقات لوگ بڑے ادب واحترام سے دیکھتے ہیں۔مہمان کا خیر مقدم کرتے ہوئے ڈاکٹر حاجی محمدحنیف طیب نے بتایا کہ المصطفیٰ سماجی خدمت کا عالمی نیٹ ورک ہے۔زلزلہ، سیلاب،دہشت گردی سمیت تمام قدرتی آفات میں المصطفیٰ نے ہمیشہ مثالی کرداراداکیا ہے۔ شام،برما،فلسطین،انڈونیشیاسمیت دنیا بھر میں المصطفیٰ امدادی اوربحالی کی سرگرمیوں پیش پیش ہے۔ملک کے اندرہسپتال، اسکولز،کالجز،یتیم خانے،اولڈہومز،آنکھوں آپریشنزکی ملک گیرمہم،ہونٹ اور تالوکٹے افرادکی فری سرجریز،یتیم وغریب بچیو ںکی شادیاں،بیوہ خواتین کے لئے ماہانہ راشن،ہرسال آٹھ لاکھ کلوچاول بیگس کی غریبوں میں تقسیم،ایمبولینس او رمیت بس سروسزالمصطفیٰ کی کارکردگی کا حصہ ہیں۔مہمانوں کوپروجیکٹر کے ذریعہ المصطفیٰ کی کارکردگی رپورٹ بھی دکھائی گئی ۔معین خان،احمدرضاطیب، عبدالغفارسعیدی نے مینجنگ ڈائریکٹر پاکستان بیت المال عون عباس کی آمدکا خیر مقدم اور انکاشکریہ اداکیا۔

آئی ایس او کے زیر اہتمام جعفرِ طیار سوسائٹی میں یادِ شہدا سیمینار کا انعقاد


iso news March 17, 2019 | 9:41 PM

شہیدڈاکٹرمحمد علی نقوی نے اپنی جان کا نذرانہ دے کر پاکستان کی نظریاتی و جغرافیائی سرحدوں کی حفاظت کی،زہرا نقوی ممبر پنجاب اسمبلی
شہدا کی زندگی ہمارے لیے ایک عظیم مشعلِ راہ ہے،مولانا نسیم حیدر زیدی
ہم نے ہمیشہ پاکستان زندہ باد کا نعرہ بلند کیا اور ہمیشہ کرتی رہیں گے، مولانا شبیر بخاری
کراچی :( نیوزآن لائن)امامیہ اسٹوڈنٹس آرگنائزیشن پاکستان کراچی ڈویژن کے تحت یادِ شہدا سیمینار کا انعقاد جعفرِ طیار سوسائٹی میں کیا گیا۔ سیمینار میں مختلف شعبہ ہائے زندگی سے تعلق رکھنے والے افراد سمیت عوام کی بڑی تعداد نے شرکت کی۔سیمینار میں آئی ایس او پاکستان کراچی ڈویژن کے صدر محمد عباس، رکنِ پنجاب اسمبلی محترمہ زہرا نقوی، مولانا شبیر بخاری، مولانا نسیم حیدر زیدی ،مجلسِ وحدت المسلمین کراچی ڈویژن کے رہنما علامہ مبشر حسن نیت شرکت کی۔مقررین نے خطاب کرتے ہوئے کہا کہ شہید ڈاکٹر محمد علی نقوی نے اپنی جان کا نذرانہ دے کر پاکستان کی نظریاتی وجغرافیائی سرحدوں کی حفاظت کی،شہید نے ہمیشہ حق و سچ کا ساتھ دیا،ہمیں شہید کی زندگی سے ہمت،حریت،جاذبیت،استقامت،شجاعت،محبت، اطاعت کا درس ملتا ہے۔مزید خطاب کرتے ہوئے دیگر مقررین کا کہنا تھا کہ شہدا کی زندگی ہمارے لیے مشعلِ راہ ہے،شہید استاد سبط جعفر نے اپنی پوری زندگی علم کی شمع کو روشن رکھنے اور اسے مزید فروغ دینے میں گزار دی،شہید اپنے دور کے مسیحا تھے کہ جو ہر وقت خدمتِ خلق کے لیے آمادہ و تیار رہتے تھے اور شہید کی شخصیت ایک ہمہ جہت،بہادر،عجز و انکساری سے بھر پور تھی۔مزید خطاب کرتے ہوئے مقررین نے کہا کہ ہم نے پاکستان زندہ باد کا نعرہ ہمیشہ بلند کیا اور کرتے رہیں گے،مگر پاکستان کی سلامتی و استحکام کی فکر کرنا شاید ہمارا جرم تھا کہ ہمیں شہید بھی کیا گیا اور پابندِ سلاسل بھی کیا گیا چونکہ اسیری و شہادت ہمارا ورثہ ہے اور ہمیں اس پر افتخار حاصل ہے۔

چاراپریل لاڑکانہ میں پیپلز پارٹی بھرپور عوامی قوت کا مظاہرہ کریگی ،پا کستان پیپلز پارٹی


527500-ppp-1364415145-852-640x480 March 17, 2019 | 9:29 PM

جلسہ کمیٹی کا اہم اجلاس19مارچ کو سکھر اور22مارچ کو لاڑکانہ میں ہو گا’جلسہ کی تیاریوں کو حتمی شکل دی جائیگی
کراچی: (نیوزآن لائن)پاکستان پیپلز پارٹی کے سینئر رہنما اور سابق وزیراعلیٰ سندھ سید قائم علی شاہ کی رہائش گاہ پر پیپلز پارٹی جلسہ کمیٹی کا اہم اجلاس منعقد ہوا۔ جس میںپی پی پی کے صوبائی صدر نثار احمد کھوڑو، سابق وزیراعلیٰ سندھ قائم علی شاہ، اپوزیشن لیڈر سید خورشید احمد شاہ،وزیراعلیٰ سندھ کے معاونین خصوصی وقار مہدی، راشد ربانی،صوبائی وزیر ناصر حسین شاہ،اعجاز جکھرانی اور عاجز دھامراہ بھی شریک ہوئے۔اجلاس میں فیصلہ کیا گیا کہ 4اپریل گڑھی خدا بخش لاڑکانہ میں شہید ذوالفقار علی بھٹو کی 40 ویں برسی پر پیپلز پارٹی بھرپور عوامی قوت کا مظاہرہ کریگی’جلسہ کی تیاریوںکے سلسلے میں جلسہ کمیٹی کا اہم اجلاس19مارچ کو سکھر اور22مارچ کو گڑھی خدا بخش لاڑکانہ میں ہو گاجس میں جلسہ کی تیاریوں کو حتمی شکل دی جائیگی۔ پی پی پی سندھ کے سیکریٹری اطلاعات عاجز دھامراہ کا کہنا تھا کہ 4اپریل کو شہید ذوالفقار علی بھٹو کی 40ویں برسی بھرپور طریقے سے منائے جائیگی اوراجلاس میں چیئرمین پی پی پی بلاول بھٹو زرداری کے موقف کی تائید بھی کی گئی۔ انہوں نے کہا کہ وفاقی وزیر ریلوے اور ہر غیر جمہوری حکومت کا آلہ کار پنڈی کے شیطان شیخ رشید کا پی پی پی کے چیئرمین بلاول بھٹوزرداری کو دھمکی دینے کی بھرپور مذمت کرتے ہیں اور چیف جسٹس آف پاکستان مطالبہ کرتے ہیں کہ وہ شیخ رشید عرف شیدا ٹلی کے بیان کا نوٹس لے۔عاجز دھامراہ کا مزید کہنا تھا کہ پی ٹی آئی کے سیلیکٹ وزیراعظم عمران نیازی اپنے پالتوں کو لگام ڈال کر رکھے جن کو عوامی خدمت کے بجائے صرف چھوڑا ہی اس لئے ہے کہ وہ مخالفین پر زبان درازی کرتے رہیں۔ انہوں نے کہا کہ پاکستان پیپلز پارٹی کی تاریخ جدوجہداور قربانیوں سے بھری پڑی ہے ہمیں ڈرانے والے تاریخ میں گم ہوگئے ہیںاور پی ٹی آئی شاید کسی غلط فہمی کا شکار ہے اور وہ بھول رہی ہے کہ ہم نے اس ملک کی ترقی اور جمہوریت کی بالادستی کیلئے کبھی کسی قربانی سے دریغ نہیں کیا اور ہر مشکل وقت کا ڈٹ کر مقابلہ کیا ہے۔

بلدیہ وسطی کی کارکردگی بہتر بنانے کے لئے چیئرمین کی زیرِ صدارت ہنگامی اجلاس


baldiyate new March 17, 2019 | 3:53 PM

تما م شعبہ جات کی کارکردگی کے بارے میں سربراہوں سے تفصیلات طلب کرلیں
کراچی: (نیوزآن لائن)چیئرمین بلدیہ وسطی ریحان ہاشمی کی جانب سے بہترین بلدیاتی خدمات سے عوام کو خوشگوار شہری ماحول مہیاکرنے کے لئے کاوشیں جاری، بلدیہ وسطی کی عمومی کارکردگی کی تفصیلات جاننے کے لئے تمام شعبوں کے سربراہوں کا خصوصی اجلاس طلب کرلیا۔ اجلاس میں شریک بلدیہ وسطی کے تمام سربراہوں نے اپنے اپنے شعبوں کی مجموعی کارکردگی کے بارے میں تفصیلات سے چیئرمین کو آگاہ کیا۔ اجلاس میں منتخب بلدیاتی نمائندوں نے بھی شرکت کی۔ تفصیلات کے مطابق ریحان ہاشمی کی صدارت میں بلدیہ وسطی کے مرکزی دفتر میں ہونے والے اجلاس میں تما م شعبوں کے سربراہوں سے بلدیاتی خدمات میں مہیاکی جانے والے کارکردگی کی تفصیلات طلب کی گئیں۔ریکوری، سینی ٹیشن ، بی اینڈ آر اور باغات کے محکموںکی کارکردگی خصوصی طو ر پر زیر ِ بحث آئی۔ چیئرمین نے کہا کہ بلدیاتی خدمات کا تعلق عوام کی خدمت سے ہے تاکہ شہر ی خوشگوار اور صاف ستھری فضامیں سانس لے سکیں اور شہری زندگی بلاسبب کوئی ذہنی اذیّت کا سامان نہ پیداہو۔ بلدیاتی خدمات جس طرح عوام کو ذہنی سکون مہیاکرتی ہیں اسی طرح اِن خدمات میں کوتاہی اور خرابی شہریوں کی زندگی کو اجیرن بنادیتی ہے۔کیونکہ سینی ٹیشن، باغات اور بی اینڈ آر کی خدمات براہِ راست شہریوں کی زندگی پر اثر انداز ہوتی ہے ہمیں ان شعبوں میں اپنی خدمات کو بہتر سے بہتر بنانا ہوگا۔ ریکوری ڈپارٹمنٹ کی خدمات کے بارے میں استفسار کرتے ہوئے انہوں نے کہا کہ ریکوری ڈپارٹمنٹ بلدیہ وسطی کی خدمات کے لئے ریڑھ کی ہڈی کی حیثیت رکھتاہے جس کے بَل پر بلدیہ وسطی عوام کے لئے اخراجات کرتی ہے۔ تاہم ابھی تک ہمارے ریکوری ڈپارٹمنٹ کی کارکردگی اُس سطح تک نہیں پہنچ سکی کہ جسے تسلی بخش کہاجاسکے۔اس موقع پر تمام شعبوں کے سربراہوں نے اپنی اپنی کارکردگی کی تفصیلات سے چیئرمین کو آگاہ کیا ، تاہم ہر شعبے کو وسائل کی کمی کا شکوہ تھا۔

کراچی میں پی ایس ایل میچز کا کامیاب انعقاد انتہائی خوش آئند ہے، چئیرمین بلدیہ شرقی معید انور


DMC EAST March 17, 2019 | 3:48 PM

کراچی:(نیوزآن لائن)چئیرمین بلدیہ شرقی معید انور نے کہا ہے کہ کراچی میں پی ایس ایل میچز کا کامیاب انعقاد انتہائی خوش آئند ہے، شائقین کرکٹ نے جس طرح کھلاڑیوں کی حوصلہ افزائی کیلئے میچز میں شرکت کی وہ وہ اس بات کا عکاس ہے کہ اب کراچی سمیت ملک بھر میں بین الاقوامی کرکٹ کو بحال ہونا چاہیئے ان خیالات کا اظہار انہوں نے محکمہ پارک کے افسران کے ہمراہ یونیورسٹی روڈ وملحقہ سڑکوں کی صورتحال کا معائینہ کرنے کے دوران کیا انہوں نے اسٹیڈیم روڈ سمیت ملحقہ شاہراہوں کو خوبصورتی سے آراستہ کرنے پر محکمہ پارک کو سراہا اور کہا کہ ان کی کوششوں سے ہیش ان کراچی پارک سمیت اسٹیڈیم روڈ ودیگر سڑکوں کو دلکش بنایا جاسکا ہے اس بیوٹیفیکشن کے کام کی بدولت قومی وبین الاقوامی کھلاڑی ومہمانان گرامی کراچی کا ایک اچھا تصور لے کر جائیں گے اس سلسلے میں انہوں نے دیگر اداروں کے کام کو بھی زبردست الفاظ میں سراہا انہوں نے سندھ سولڈ ویسٹ مینجمنٹ بورڈ پر زور دیا کہ جس طرح انہوں نے پی ایس ایل میچز کے دوران بہترین کارکردگی کا مظاہرہ کیا ہے اسی تسلسل کو ضلع شرقی کے علاقوں میں بھی سر انجام دے تاکہ ضلع شرقی میں جہاں صفاء ستھرائی کے مسائل موجود ہیں انہیں دور کیا جاسکے انہوں نے مزید کہا کہ بلدیہ شرقی اتنی استطاعت رکھتی ہے کہ اسے مناسب فنڈنگ کی جائے تو ضلع کے مکینوں کے مسائل مزید تیزی سے حل کر سکتی ہے پی ایس ایل میچز کے حوالے سے کئے جانے والی کاموں میں ملکی وقار کو بنیادی اہمیت دی۔

اساتذہ کی تنظیم گسٹا کراچی کے6اضلاع میں آج احتجاج کریگی


government secondery teachers associations protest March 10, 2019 | 6:13 PM

دوہزار بارہ کے اساتذہ کو تنخواہیںدینے اوردیگر جائزمطالبات کی منظوری تک احتجاج ہو گا
کراچی بھر میں احتجاج کی تیاریاں مکمل کر لی گئیں ،اساتذہ کو بھر پورشرکت کرنے کی ہدایت
کراچی: (نیوزآن لائن) گورنمنٹ سکینڈری ٹیچرز ایسوسی ایشن (گسٹا ) کراچی کے تحت مطالبات کی منظوری کے لئے آج پیر کو کرا چی کے6اضلاع میں احتجاج کیا جائے گا ۔گورنمنٹ سکینڈری ٹیچرز ایسوسی ایشن (گسٹا ) کراچی کے ضلعی صدور کا ہنگامی اجلاس اتوارکو منعقد ہواجس میں احتجاج کی تیاریوں کو حتمی شکل دی گئی ۔اجلاس میں سال2012ء میںسندھ بھر میں بھرتی اساتذہ کو تنخواہو ں کی فوری ادائیگی ،ایچ ایس ٹی اور جے ایس ٹی اساتذہ کو بی پی ایس20 اور 17میں ترقی دینے،سندھ یونیورسٹی ،آئی بی اے اور اقراء یونیورسٹی سے این ٹی ایس پاس اساتذہ کو ریگولر کرنے،ایچ ایس ٹی ،ایس ایل ٹی کی ہیڈ ماسٹر اورجے ایس ٹی سے ایچ ایس ٹی پروموشن کیلئے جدوجہد کرنے کے عزم کا اظہار کیا گیااور اساتذہ کو ہدایت کی گئی کہ آج برو ز پیر کو 1بجے ضلعی اورتعلقہ صدور کی قیادت میں ہونیوالے احتجاج میں بھر پور شرکت کریں ۔اجلاس میں ڈسٹرکٹ ملیر کے صدر شفقت حاجانو،جنرل سیکرٹری عبد الرحیم میمن ،ڈسٹرکٹ سائوتھ کے صدر میر غلام علی بلوچ اور جنرل سیکریٹری محمد خالد اعوان ،ڈسٹرکٹ سینٹرل کے صدر محمد علی قریشی اور جنرل سیکریٹری صداقت علی چنا ،ڈسٹرکٹ کورنگی کے صدرذوالفقارعباسی اورجنرل سیکریٹری شفقت علی راجپر،ڈسٹرکٹ ایسٹ کے صدر محمد حسین مینگل اورجنرل سیکریٹری تصور علی، ڈسٹرکٹ ویسٹ کے صدر اسماعل اعوا ن او ر جنرل سیکریٹری احمد علی پٹنی نے شرکت کی ۔ اجلاس میں اس بات کا اعاد ہ کیا گیا کہ اساتذہ اس وقت تک احتجا ج کا سلسلہ جاری رکھیں گے جب تک ان کے مسائل حل نہیں ہو جاتے ۔