: تازہ ترین

تازہ ترین ویڈیو

ایران کا 2015کے ایٹمی معاہدے کے تحت پابندیوں میں رعایتیں ختم کرنے سے متعلق امریکہ کے حالیہ فیصلے کی مذمت


abbas mosovi May 31, 2020 | 8:58 PM

ایران : (نیوزآن لائن) ایران کا 2015کے ایٹمی معاہدے کے تحت پابندیوں میں رعایتیں ختم کرنے سے متعلق امریکہ کے حالیہ فیصلے کی مذمت کی ہے اور اسے اقوام متحدہ کی سلامتی کونسل کی قرارداد کی خلاف ورزی قرار دیا ہے۔تفصیلات کے مطا بق ایرانی وزارت خارجہ کیترجمان عباس موسوی نے کہا کہ اس معاملے میں ایران ضروری جائز اقدامات کرے گا کیونکہ اس سے ایران کے جوہری حقوق بری طرح متاثر ہورہے ہیں۔یہ رعایتیں اس معاہدے کا حصہ تھیں جس کے تحت سخت اقتصادی پابندیوں کے خاتمے کے بدلے میں ایران کے ایٹمی مقاصد کو محدود کرنا تھا۔

طالبان کا افغانستان میں تین روزہ جنگ بندی کا اعلان


afganistan May 24, 2020 | 12:25 PM

افغانستان:(نیوزآن لائن)افغانستان میں طالبان نے آج سے تین روزہ جنگ بندی کا اعلان کیا ہے۔طالبان کے ترجمان ذبیح اللہ مجاہد نے ٹویٹ پیغام میں طالبان جنگجوئوں کو ہدایت کی کہ وہ کسی بھی حملے سے گریز کریں۔انہوں نے کہا کہ طالبان کے خلاف کوئی کارروائی کی گئی تو وہ اپنے دفاع کیلئے آزاد ہوںگے۔افغان صدر اشرف غنی نے اس جذبہ خیرسگالی کے جواب میں طالبان کی جانب سے جنگ بندی کے اعلان کا خیر مقدم کیا اور انہیں امن کی پیشکش کی ہے۔ادھر اقوام متحدہ کے سیکرٹری جنرل انتونیوگوتریز نے بھی طالبان اور افغان حکومت کی جانب سے جنگ بندی کے اعلان کو سراہا جس سے جنگ زدہ افغانستان کے عوام کو پرامن فضا میں عیدالفطر کی خوشیاں منانے کا موقع ملے گا۔

جرمنی میں کرونا وائرس لاک ڈان میں نرمی: کرونا مریضوں کی تعدادمیں اضافہ


corona virus in germany May 10, 2020 | 11:15 PM

برلن :( نیوزآن لائن)جرمنی میں کرونا وائرس لاک ڈان میں نرمی کرتے ہی کرونا مریضوں کی تعداد میں اضافہ ہوگیا۔تفصیلات کے مطابق دنیا بھر کی طرح جرمنی میں گزشتہ کئی ماہ سے کرونا وائرس کا پھیلا روکنے کیلیے لاک ڈان کا سلسلہ جاری ہے تام عوام کی سہولت کیلیے جرمن حکومت کی جانب سے چند روز قبل ہی لاک ڈان میں نرمی کا اعلان کیا گیا تھا۔جرمنی کے رابرٹ کوچ انسٹیٹیوٹ کے جاری کردہ اعداد و شمار کے مطابق ہر مریض سے متاثر ہونے والے افراد کی تعداد اب ایک سے اوپر ہے یعنی اب میں عالمگیر وبا کے متاثرین کے تصدیق شدہ کیسز کی تعداد بڑھ رہی ہے۔چانسلر انگیلا میرکل نے جرمنی کی 16 ریاستوں کے رہنماں کے ساتھ بات چیت کے بعد بدھ کے روز لاک ڈان اور جزوی کرفیو میں نرمی کی تھی اور تمام دکانوں کو کھولنے کی اجازت دی تھی۔جرمن چانسلر نے لاک ڈان میں نرمی کرتے ہوئے طلبا کو دوبارہ کلاسوں میں لوٹنے اور جرمنی کی مشہور فٹبال لیگ کو آئندہ ہفتے سے دوبارہ شروع کرنے کا اعلان کیا تھا۔یاد رہیکہ جرمنی میں نئی اور مہلک ترین قرار دی جانے والی کرونا وائرس کی وبا نے 1 لاکھ 69 ہزار 218 افراد کو متاثر کیا ہے جبکہ ہلاکتوں کی تعداد 7395 ہے۔

سعودی عرب میں کرفیوکی پابندیاں جزوی طور پراٹھا لی گئیں


saudia arabia lock down April 26, 2020 | 7:13 PM

جدہ:(نیوزآن لائن) سعودی عرب کی حکومت نے آج سے ملک بھر میں کرفیو کی پابندیاں جزوی طور پر اٹھا لی ہیں۔تفصیلات کے مطا بق سعودی عرب میں شہریوں کو صبح نو بجے سے شام پانچ بجے تک گھروں سے نکلنے کی اجازت دی گئی ہے تاہم مکہ مکرمہ اور اس سے ملحقہ علاقوں میں کرفیو24گھٹنے نافذ رہے گا۔

انڈونیشیا،سونے کی کان میں حادثہ،9افراد جاں بحق


indonesia map April 19, 2020 | 9:16 PM

انڈونیشیا:(نیوزآن لائن)انڈونیشیا کے جزیرے سماٹرا میں سونے کی ایک کان میں حادثے ہوا،حادثے کے نتیجے میں 9افراد جاں بحق ہو گئے ہیں۔

برطانوی وزیرِ اعظم بورس جانسن کو کورونا وائرس سے صحت یابی کے بعد اسپتال سے گھر منتقل


boris johnson April 12, 2020 | 9:55 PM

لندن :( نیوزاان لائن) برطانوی وزیرِ اعظم بورس جانسن کو کورونا وائرس سے صحت یابی کے بعد اسپتال سے گھر منتقل کر دیا گیا۔تفصیلات کے مطا بق برطانوی وزیر اعظم بورس جانسن کو کورونا وائرس کا ٹیسٹ منفی آنے پر سینٹ تھامس اسپتال اسپتال سے ڈسچارج کردیا گیا ہے۔ برطانوی وزیر اعظم کئی دن سے اسپتال میں زیر علاج تھے۔وزیراعظم کے دفتر ٹین ڈاون اسٹریٹ سے جاری بیان میں کہا گیا ہے کہ بورس جانسن ابھی کچھ روز برمنگھم میں اپنی رہائش گاہ میں ہی قیام کریں گے اور ڈاکٹرز کے مشورے کے بعد درست موقع پر دفتری امور کا آغاز کریں گے۔

امریکی صدر ڈونلڈ ٹرمپ کا نیویارک میں اضافی ایک ہزار فوجی تعینات کرنے کا فیصلہ


donald trump April 5, 2020 | 4:28 PM

واشنگٹن: (نیوزآن لائن) امریکی صدر ڈونلڈ ٹرمپ نے نیویارک میں اضافی ایک ہزار فوجی تعینات کرنے کا فیصلہ کیا ہے۔تفصیلات کے مطا بق امریکی صدر ڈونلڈ ٹرمپ نے کرونا ٹاسک فورس کے ہمراہ معمول کی پریس کانفرنس میں کہا کہ اگلے 2 ہفتے کرونا وائرس کے خلاف جنگ میں سب سے مشکل ہوں گے، اس دوران اموات میں بہت زیادہ اضافے کا خدشہ ہے۔ڈونلڈ ٹرمپ نے کرونا کی روک تھام کے سلسلے میں انتظامیہ کی مدد کے لیے مزید ایک ہزار فوجی نیویارک میں تعینات کرنے کا اعلان کرتے ہوئے کہا کہ مختلف ریاستوں کی مدد کے لیے بھی ہزاروں فوجی جوان تعینات کریں گے، کرونا کے خاتمے اور ملک کو پھر سے کھولنے کے لیے وسائل کا ہر ممکن استعمال کریں گے۔

حکومت کے پاس کورونا وائرس سے نمٹنے کاکوئی ہنگامی منصوبہ نہیں ہے۔ راہول گاندھی


rahul gandi speek about corona virus March 29, 2020 | 8:55 PM

نئی دہلی:(نیوزآن لائن)بھارت کے حزب اختلاف کے سیاستدان راہول گاندھی نے کہا ہے کہ حکومت کے پاس کو رونا وائرس سے نمٹنے کاکوئی ہنگامی منصوبہ نہیں ہے۔ ذرائع ابلاغ کی اطلاعات کے مطابق کورونا وائرس کے پھیلائو کی روک تھام کی کوشش میں بھارت کی طرف سے لاک ڈائون کے اعلان کے بعد لاکھوں بے گھر افراد اور نقل مکانی کرکے آنے والے محنت کش طبقے کے شب و روز مشکل ہوگئے ہیں۔کارخانے اور تعمیراتی کام بند ہو جانے کی وجہ سے خدشہ ہے کہ کئی افراد فاقہ کشی سے ہلاک ہو جائیں گے۔واضح رہے کہ بھارت کے وزیراعظم نریندر مودی نے آج ریڈیو پر قوم سے خطاب میں ملک گیر لاک ڈائون کے دوران نامناسب انتظامات پر معافی مانگی ہے۔

دنیا بھر میں کوروناوائرس سے جاں بحق ہو نے والوں کی تعداد تیرہ ہزاز تک پہنچ گئی


crona varis infected in international level March 22, 2020 | 3:40 PM

وینس: (نیوزآن لائن) دنیا بھر میں کوروناوائرس سے جاں بحق ہو نے والوں کی تعداد تیرہ ہزاز تک پہنچ گئی ہے۔تفصیلات کے مطا بق اٹلی میں 4ہزار 825 افراد، چین میں 3ہزار 255 اور سپین میں 1ہزار378 افرادجاں بحق ہو ئے ہیںجبکہ ا یران میں ہلاکتوں کی تعداد 1ہزار 566تک پہنچ گئی ہے۔جرمنی میں ایک روز میں 2ہزار 705نئے مریضوں میں وائرس کی تصدیق کے بعد متاثرہ مریضوں کی مجموعی تعداد 16ہزار 662ہوگئی ہے۔

مقبوضہ کشمیر میں بھارتی فورسز کی فائزنگ 4 کشمیری شہید


lockdown in kashmir March 15, 2020 | 9:42 PM

سری نگر:(نیوزآن لائن)مقبوضہ کشمیر میں بھارتی فورسز نے فائرنگ کرکے 4 کشمیروں کو شہید کردیا ۔تفصیلات کے مطا بق مقبوضہ کشمیر کے ضلع آننت ناگ میں قابض بھارتی فورسز نے سرچ آپریشن کے دوران 4 کشمیری نوجوانوں کو فائرنگ کرکے شہید کردیا، شہید ہونے والے ایک نوجوان کی شناخت طارق احمد کے نام سے ہوئی ہے۔بھارتی فوج نے علاقے کے داخلی اور خارجی راستوں کو بند کرکے سرچ آپریشن شروع کیا، اس دوران گھر گھر چھاپے مارے گئے اور تلاشی لی گئی جب کہ گھر گھر تلاشی کی آڑ میں کشمیریوں کو ہراساں کرنے کا سلسلہ بھی جاری ہے۔

کورونا وائرس سے ہلاکتوں کا سلسلہ جاری :ترکی نے ایران کے ساتھ سرحد عارضی طور پر بند کرنے کا فیصلہ


turkey border February 23, 2020 | 8:32 PM

انقرہ:(نیوزآن لائن) ایران میں کورونا وائرس سے ہلاکتوں کا سلسلہ جاری ہے جس کے بعد ترکی نے ایران کے ساتھ سرحد عارضی طور پر بند کرنے کا فیصلہ کرلیا۔تفصیلات کے مطا بق ایران میں کورونا وائرس سے ہلاکتوں کے باعث ترکی نے ایران کے ساتھ سرحد عارضی طورپر پر بند کرنے کا فیصلہ کرلیا۔ترک حکومت کا کہنا ہے کہ اقدام کورونا وائرس کا خطرہ بڑھنے پر اٹھانے کا فیصلہ کیا ہے، واضح رہے کہ اس سے پہلے پاکستان، افغانستان نے ایران سے ملحقہ سرحد بند کردی تھی۔

چین کا مشکل وقت میں ساتھ دینے پر پاکستان سمیت دیگر دوست ممالک کا شکریہ


china thanks to muslim countries February 2, 2020 | 6:15 PM

بیجنگ:(نیوزآن لائن) چین نے مشکل وقت میں ساتھ دینے پر پاکستان سمیت دیگر دوست ممالک کا شکریہ ادا کیا ہے۔ چینی دفتر خارجہ کے ترجمان نے کوروناوائرس کے حوالے سے ٹوئٹ کرتے ہوئے کہا ہے کہ دوست وہ جو مصیبت میں کام آئے، پاکستان، روس، کوریا، بیلارس، فرانس، جرمنی، ملائشیا اور یونیسف اس وائرس سے نمٹنے میں ہماری مدد کررہے ہیں، ہم مشکل میں ساتھ دینے والے ان تمام دوستوں کے شکرگزار ہیں۔واضح رہے کہ چین میں کورونا وائرس سے مزید 45 افراد کی ہلاکتوں کے بعد اس موذی مرض سے ہلاک ہونے والوں کی تعداد 260 تک جاپہنچی ہے۔

ایمنسٹی انٹر نیشنل کا بھارت کے شہریت ترمیمی بل کو بھارتی آئین اور عالمی انسانی قوانین کی واضح خلاف ورزی قرار


amnesty international February 2, 2020 | 6:11 PM

لندن:(نیوزآن لائن) ایمنسٹی انٹر نیشنل نے بھارت کے شہریت ترمیمی بل کو بھارتی آئین اور عالمی انسانی قوانین کی واضح خلاف ورزی قرار دیا ہے،تفصیلات کے مطا بق لمی حقوق کے گروپ نے واشنگٹن میں امریکی ایوان نمائندگان کی طرف سے مذہب کے نام پر ظلم و تشدد پر ایک سماعت کے دوران کہا کہ متنازعہ شہریت قانون مذہب کی بنیاد پر تعصب پر مبنی ہے۔ایمنسٹی انٹر نیشنل نے خبردار کیا کہ بھارت پر امن مظاہرین کیلئے ایک خطرناک ملک بن گیا ہے اور حکمران بھارتیہ جنتا پارٹی کے مظاہرین کیخلاف بیانات قابل مذمت ہیں۔

شام:سرکاری فوج کے فضائی حملوں میں 17 افراد ہلاک


iraq sham news January 12, 2020 | 5:51 PM

شام :( نیوزآن لائن) شام کے شمال مغربی علاقے ادلب کے مختلف شہروں میں سرکاری فوج کے فضائی حملوں میں سترہ افراد ہلاک اور چالیس سے زائد زخمی ہوگئے ہیں۔تفصیلات کے مطابق حملوں میں ادلب میں سات، النایاب میں چار اوربینش میں چھ افراد ہلاک ہوئے،واضح رہے کہ یہ حملے ملک میں فریقین کے درمیان کل سے شروع ہونے والی جنگ بندی سے ایک روز پہلے کئے گئے ہیں۔

افغانستان میں صدارتی انتخابات اشرف غنی دوسری مرتبہ صدر منتخب


ashraf gani December 22, 2019 | 5:58 PM

کابل: (نیوزآن لائن)افغانستان میں 28 ستمبر کو ہونے والے صدارتی انتخاب کے نتائج کا آج اعلان کردیا گیا ہے جس کے تحت صدر اشرف غنی 51 فیصد ووٹ حاصل کرکے ایک بار پھر ملک کے صدر منتخب ہوگئے ہیں،تفصیلات کے مطا بق افغانستان کے انڈیپینڈنٹ الیکشن کمیشن نے 28 ستمبر کو ملک بھر میں ہونے والے صدارتی انتخاب کے لیے پولنگ کے نتائج جاری کر دیئے ہیں، صدر اشرف غنی کو 9 لاکھ 23 ہزار 868 ووٹ ملے جس کے بعد اشرف غنی دوسری مرتبہ افغانستان کے صدر منتخب ہو گئے جبکہ ان کے حریف عبداللہ عبداللہ 7 لاکھ 20 ہزار 990 یعنی 39 فیصد ووٹ ہی لے سکے جب کہ گلبدین حکمت یار 70 ہزار 243 ووٹ لیکر تیسرے نمبر پر رہے۔

امریکی فوج کی کارروائی میں شدت پسند تنظیم داعش کے رہنما ابو بکر البغدادی ہلاک


abubakaralbaghdadi killed in sham October 27, 2019 | 5:39 PM

شام : (نیوزآن لائن) شام میں امریکی فوج کی ایک کارروائی میں شدت پسند تنظیم داعش کے رہنما ابوبکر البغدادی کو ہلاک کردیا گیا ہے۔مریکی خبررساں ادارے کے مطابق امریکی فوج نے شام کے شمال مغربی علاقے ادلب میں ایک خفیہ آپریشن کے دوران داعش کے سربراہ ابو بکر البغدادی کو ہلاک کردیا ہے تاہم ابھی حتمی اعلان ہونا باقی ہے کیوں کہ آپریشن میں البغدادی کی ہلاکت کی تصدیق کے لیے ڈی این اے اور بائیومیٹرک ٹیسٹ کیا جائے گا۔

ایران ،سعودی عرب اختلافات خاتمے کیلئے سہولت کار کا کردار ادا کرنے کیلئے تیار ہیں،وزیراعظم


imran khan and irani president of iran October 13, 2019 | 8:09 PM

تہران:(نیوزآن لائن)وزیراعظم عمران خان نے اس عزم کا اعادہ کیا ہے کہ پاکستان برادر مسلمان ملکوں ایران اور سعودی عرب کے درمیان اختلافات بات چیت کے ذریعے ختم کرانے کیلئے سہولت کار کا کردارادا کرنے کیلئے تیار ہے ۔ایران کے صدر حسن روحانی کے ہمراہ ایک مشترکہ پریس کانفرنس سے خطاب کرتے ہوئے وزیراعظم نے کہاکہ ماضی میں پاکستان نے ایران اور سعودی عرب کی میزبانی کی تھی اورایک مرتبہ پھر ان کے اختلافات ختم کرانے کیلئے دونوں برادر ملکوں کے درمیان سہولت کار کا کردارادا کرنے کیلئے تیار ہے ۔انہوں نے کہاکہ یہ ایک پیچیدہ مسئلہ ہے تاہم بات چیت کے ذریعے اختلافات کا خاتمہ ممکن ہے ۔وزیراعظم نے کہاکہ وہ منگل کو سعودی عرب کا بھی دورہ کریںگے ۔عمران خان نے کہاکہ یہ خالصتا پاکستان کا اپنا اقدام ہے کیونکہ کسی نے ہمیں ایسے دوروں کیلئے نہیں کہا ۔انہوں نے یہ بھی واضح کیا کہ پاکستان کا کردار ثالث کی بجائے سہولت کار کا ہوگا ۔وزیراعظم نے ایرانی صدر کے ساتھ اپنی مشاورت کو انتہائی حوصلہ افزا قراردیا اور کہاکہ وہ مثبت ذہن کے ساتھ سعودی عرب کا دورہ کریںگے۔انہوں نے کہاکہ پاکستان کے ایران اور سعودی عرب کے ساتھ گہرے دوطرفہ برادرانہ تعلقات ہیں اور سعودی عرب نے ہمیشہ مشکل وقت میں پاکستان کی مدد کی ہے۔وزیراعظم نے کہاکہ ان کے دورہ نیویارک کے دوران امریکی صدر ڈونلڈ ٹرمپ نے انھیں ایران کے ساتھ بات چیت کیلئے سہولت کی فراہمی کیلئے کہا ۔اپنے پختہ عزم کا اظہار کرتے ہوئے وزیراعظم نے ایرانی قیادت کویقین دلایا کہ وہ امریکہ ایران بات چیت میں سہولت کی فراہمی کیلئے جو ممکن ہوا کرینگے جس کے نتیجے میں پابندیاں اٹھا کر ایٹمی معاہدے پردستخظ ہوسکتے ہیں۔

افغانستان میں صدارتی انتخاب میں ووٹوں کی گنتی جاری


afganistan election September 29, 2019 | 2:29 PM

افغانستان :( نیوزآن لائن)افغانستان میں صدارتی انتخاب میں ووٹوں کی گنتی جاری ہے۔ تفصیلات کے مطابق خود مختار الیکشن کمیشن نے کہاکہ اب تک پچیس سو سے زائد انتخابی مراکز میں گیارہ لاکھ ووٹوں کی گنتی ہوئی ہے۔انتخابات میں چودہ امیدوار مد مقابل ہیں تاہم اصل مقابلہ موجودہ صدر اشرف غنی اور چیف ایگزیکٹو عبداللہ عبداللہ کے درمیان ہے۔

مودی حکومت آرایس ایس کے نظریے کو آگے بڑھارہی ہے۔پاکستان


pakistan safeer September 29, 2019 | 2:02 PM

نیویارک:(نیوزآن لائن)اقوام متحدہ میں پاکستانی مشن کے اہلکار اور پاکستانی مندوب ذوالقرنین چھینہ نے بھارت کو کرارا جواب دیتے ہوئے کہا ہے کہ مودی حکومت آرایس ایس کے نظریے کو آگے بڑھارہی ہے، بھارت30سال سے مقبوضہ کشمیرمیں مظالم ڈھارہا ہے، وزیراعظم عمران خان نے بھارت کا سفاک چہرہ بے نقاب کیا۔ گاندھی کو قتل کرنے والے آج سیکولر انڈیا کے نظریے کو قتل کررہے ہیں، آر ایس ایس کو 3 بار بھارت میں پابندی کا شکار ہونا پڑا، کیا بھارت کے پاس اتنا حوصلہ ہے کہ وہ عالمی مبصرین کو سب دکھا سکے۔

عراق کے صوبے صلاح الدین میں فوج کی کارروائی تین شدت پسند ہلاک


saludin iraq news September 22, 2019 | 7:30 PM

عراق:(نیوزآن لائن)عراق کے صوبے صلاح الدین میں فوج کی کارروائی میں داعش کے تین شدت پسند ہلاک ہوگئے ہیں۔تفصیلات کے مطا بق فوج نے صوبے کے شمالی حصے میں واقع بییجی اور الشرکت کے درمیان مکول اور خان اونگا کی پہاڑیوں کے درمیان کارروائی کی،کارروائی کے دوران فوج نے شد ت پسندوں کی سرنگیں اور ٹھکانے تباہ کردیے اور مختلف اقسام کے ہتھیار اورگولہ بارود بھی برآمد کرلیا جنہیں نا معلوم مقام پر منتقل کر دیا گیا ہے ۔

امریکی صدر ڈونلڈ ٹرمپ نے افغان طالبان کے ساتھ امن مذاکرات معطل کردیے


donald trump September 8, 2019 | 11:57 AM

واشنگٹن:(نیوزآن لائن) امریکی صدر ڈونلڈ ٹرمپ نے کابل حملے کی ذمہ داری قبول کرنے کے بعد طالبان کے ساتھ امن مذاکرات معطل کردیے۔تفصیلات کے مطابق امریکی صدر نے اپنے پیغام میں لکھا کہ آج رات طالبان رہنماں اورافغان صدر کیساتھ الگ الگ ملاقاتیں ہونی تھیں، جب کہ کیمپ ڈیوڈ میں طالبان رہنماں کیساتھ خفیہ ملاقات بھی طے تھی جس کو منسوخ کرتا ہوں، انہوں نے لکھا کہ بدقسمتی سے غلط بیعانہ بنانے کیلیے طالبان نے کابل حملے کا اعتراف کیا جس میں ہمارا ایک عظیم سپاہی سمیت 11 افراد ہلاک ہوگئے۔

سید علی گیلانی کا پاکستانی عوام اور مسلم امہ سے کشمیریوں کی مدد کرنے کی اپیل


syed ali gilani August 25, 2019 | 5:20 PM

سری نگر: (نیوزآن لائن)حریت رہنما علی گیلانی نے خصوصی طور پر پاکستانی عوام اور مسلم امہ سے کشمیریوں کی مدد کرنے کی اپیل کرتے ہوئے کہا کہ وقت آگیا ہے کہ مسئلہ کشمیر کے حل کے لیے آگے آئیں اور اپنا کردار ادا کریں اور ایسا نہ کیا تو نہ تو تاریخ اور نہ ہی آنے والی نسلیں آپ کو معاف کریں گی۔کشمیر میڈیا سروس کے مطابق کل جماعتی حریت کانفرنس کے چیئرمین حریت سید علی گیلانی نے اپنے کھلے خط میں لکھا کہ کشمیری عوام کو حوصلے بلند رکھنے اور جدوجہد آزادی کشمیر کو تیز کرنے کی نصیحت کی ہے۔حریت رہنما نے مزید کہا کہ کشمیر سے باہر مقیم کشمیری دنیا کو مقبوضہ کشمیر میں بھارتی جارحیت اور مسلمانوں کی نسل کشی سے آگاہ سے کریں، یہ آپ لوگوں کی اولین ذمہ داری بنتی ہے کہ اپنے بھائی بہنوں کی مدد کے لیے آگے آئیں اور ان کے لیے صدائے احتجاج بلند کریں۔حریت رہنما نے کہا کہ ہر ایک کشمیری بھارت کی ننگی جارحیت کیخلاف گھر سے باہر نکل آئے اور جواں مردی اور ہمت کے ساتھ سخت مزاحمت کا مظاہرہ کرے کیوں کہ آزادی کے حصول کے لیے مزاحمت کے سوا کوئی راستہ باقی نہیں بچا ہے۔

افغان دارالحکومت کابل میں شادی کی تقریب میںدھماکہ 63 افراد جاںبحق


kabul blast in wedding cermony August 18, 2019 | 4:50 PM

کابل؛(نیوزآن لائن) افغان دارالحکومت کابل میں شادی کی تقریب میں ہونے والے دھماکے میں 63 افراد جاں جبکہ متعدد افرادزخمی ہو گئے ہیں۔تفصیلات کے مطا بق افغان دارالحکومت کابل میں شادی کی تقریب میں دھماکہ ہو ا ،دھماکے کے نتیجے میں 63 افراد جاں جبکہ متعدد افرادزخمی ہوئے،کابل پولیس حکام کا کہنا ہے کہ دھماکے میں زخمی ہونے والیا افراد کو طبی امداد کے لیے اسپتال منتقل کردیا گیا ہے۔ دہشت گرد حملے میں ہزارہ کمیونٹی کے افراد نشانہ بنے۔عینی شاہدین کے مطابق خودکش دھماکہ اس وقت ہوا جب شادی کی تقریب جاری تھی اور شادی ہال مہمانوں سے بھرا ہوا تھا۔دوسری جانب افغان طالبان نے ایک بیان جاری کیا ہے جس میں ان کی جانب سے حملے میں ملوث ہونے کی تردید کی گئی ہے۔

مقبوضہ کشمیر میں آج عید کے روز بھی کرفیو نافذ ، شہریوں کی اکثریت نماز عید کی ادائیگی سے محروم


curfew in srinagar August 12, 2019 | 6:21 PM

سری نگر:(نیوزآن لائن)مقبوضہ کشمیر میں آج عید کے روز بھی کرفیو نافذ ہونے کے باعث شہریوں کی اکثریت نہ تو نماز عید کی ادائیگی سے محروم رہی۔تفصیلات کے مطابق پانچ اگست کو مقبوضہ کشمیر کی خصوصی حیثیت ختم کرنے کے بعد تاحال وادی بھر میں کرفیو فافذ ہے، جارحیت پسند مودی انتظامیہ نے عید کے بڑے اجتماعات منعقد کرنے کی اجازت نہ دیکر نماز عید کی ادائیگی سے روک دیا جب کہ سنت ابراہیمی کی پیروی میں جانور کی قربانی بھی مشکل بنادی گئی،پوری وادی کو فوجی چھاونی میں تبدیل کردیا گیا ہے، کرفیو، انٹرنیٹ اور فون سروس بند ہونے کے باعث بینک بند رہے ۔آرٹیکل 35-اے اور 370 کو ختم کرنے کے سیاہ عمل کے بعد سے مودی سرکار خوف اور بوکھلاہٹ کا شکار ہے، کسی ممکنہ احتجاج اور مظاہروں کے خدشے کے پیش نظر مودی سرکار نے بنیادی انسانی حقوق کے ساتھ ساتھ مذہبی حقوق سے بھی محروم رکھ دیا ہے۔

امریکی ریاست اوہائیو میں مسلح افرا د کا حملہ9افراد جاں بحق


ohio state firing ancident August 4, 2019 | 5:39 PM

واشنگٹن:(نیوزآن لائن)امریکی ریاست اوہائیو میں مسلح حملہ آور نے 9 افراد کو قتل کردیا ، پہلا واقعہ ٹیکساس میں پیش آیا تھا جہاں 20 افراد مارے گئے تھے۔تفصیلات کے مطابق اوہائیو کے شہر ڈیٹن میں یہ تازہ واقعہ مقامی وقت کے مطابق بروز اتوار رات ایک بجے پیش آیا جہاں حملہ آور نے ڈیٹن شہر کے اوریگون ڈسٹرکٹ میں فائر نگ کردی جسکے نتیجے میں حملہ آور سمیت10 افراد ہلاک اور 16زخمی ہوئے ہیں۔

امریکی ریاست کیلیفورنیا میں فوڈ فیسٹیول میں فائرنگ سے 3 افراد ہلاک متعدد زخمی


california firing ancident July 29, 2019 | 8:20 PM

کیلیفورنیا:(نیوزآن لائن) امریکی ریاست کیلیفورنیا میں فوڈ فیسٹیول کے در وان فائرنگ سے 3 افراد ہلاک جبکہ متعدد زخمی ہوگئے۔غیر ملکی خبررساں ادارے کے مطابق امریکی ریاست کیلیفورنیا کے شہرسان جوزے کے قریب فوڈ فیسٹیول میں فائرنگ سے 3 افراد ہلاک ہو گئے، واقعہ کے فورا بعد پولیس اور ریسکیو ٹیمیں موقع پر پہنچ گئیں اور زخمیوں کو اسپتال منتقل کیا جب کہ پولیس نے حملہ آور کو فائرنگ کرکے ہلاک کردیا ہے۔ پولیس کے مطابق علاقے میں ایک حملہ آور موجود ہے جس کی تلاش جاری ہے۔پولیس کے مطابق حملہ آور فوڈ فیسٹیول میں رکاوٹ کو ہٹانے کے بعد داخل ہوا اور اندھادھند فائرنگ کردی جس کے بعد بھگدڑ مچ گئی، خاتون عینی شاہد کا کہنا ہے کہ حملہ آور سفید فام اور عمر 30 سال کے قریب تھی جب کہ اس کے ہاتھ میں رائفل تھی۔ تمام افراد کو محفوظ مقام پر منتقل کردیا گیا ہے جب کہ واقعہ کی مزید تحقیقات کی جارہی ہیں۔

امریکہ اور شمالی کوریا مذاکرات دوبارہ شروع کرنے پر متفق


3790181351561892047 June 30, 2019 | 8:30 PM

نیویارک:(نیوزآن لائن)امریکہ اور شمالی کوریا نے تعطل کا شکار مذاکرات دوبارہ شروع کرنے اور مذاکراتی عمل آگے بڑھانے کیلئے ٹیمیں تشکیل دینے پر اتفاق کیا ہے۔یہ اتفاق رائے امریکہ کے صدر ڈونلڈ ٹرمپ اورشمالی کوریا کے رہنما کم جانگ کے درمیان غیر فوجی علاقے میں ہونے والی ملاقات میں طے پایا۔ دونوں رہنمائوں نے امن کے قیام کی امید ظاہر کی۔

برطانوی وزیر اعظم تھریسامے 7 جون کو اپنے عہدے سے مستعفی ہوجائیں گی


brithish prime minster Theresa May June 6, 2019 | 2:52 PM

لندن :( نیوزآن لائن)برطانیہ کی وزیرِ اعظم تھریسا مے 7 جون کو اپنے عہدے سے مستعفی ہوجائیں گی، حکمران پارٹی کے نئے لیڈر کے چنا میں ایک ماہ لگ سکتا ہے، انھوں نے بریگزٹ ڈیل پر پارلیمنٹ کو قائل کرنے میں ناکامی کے بعد وزارتِ عظمی سے استعفی دینے کا اعلان کیا تھا،نئے پارٹی لیڈر کے انتخاب تک قائم مقام وزیراعظم رہ سکیں گی، حکمران پارٹی کے نئے لیڈر کے الیکٹ میں ایک ماہ لگ سکتا ہے۔وزارت عظمی کی دوڑ میں کئی سیاستدانوں کے نام بھی سامنے آگئے ہیں ، جن میں کنزرویٹیو پارٹی کے رکن اور نو منتخب وزیر داخلہ ساجد جاوید ، بورس جانسن، ایستھر میک وی، روری سٹیورٹ اور جیرمی ہنٹ شامل ہیں،واضح رہے کہ24 مئی کو برطانیہ کی وزیرِ اعظم تھریسا مے نے بریگزٹ معاہدے کے معاملے پر اپنی ناکامی تسلیم کرتے ہوئے سات جون کو اپنے عہدے سے مستعفی ہونے کا اعلان کیا تھا۔

امریکا نے اقتصادی پابندیاں نہ ہٹائیں تو ایران آبنائے ہرمز بند کر کے خلیجی ریاستوں سے دنیا بھر کو تیل کی سپلائی روک دے گا۔سربراہ ایرانی فوج


iran army April 28, 2019 | 10:10 PM

تہران:(نیوزآن لائن) ایرانی فوج کے سربراہ محمد باقری نے کہا ہے کہ اگر امریکا نے بلاجواز اقتصادی پابندیاں نہ ہٹائیں تو ایران آبنائے ہرمز بند کر کے خلیجی ریاستوں سے دنیا بھر کو تیل کی سپلائی روک دے گا۔ انہوں نے کہا کہ اگر ایران تیل برآمد نہیں کرسکتا تو کسی اور ملک کو بھی اجازت نہیں دیں گے۔ایرانی فوج کے سربراہ کا بیان اس وقت سامنے آیا ہے جب امریکا نے ایران سے تیل درآمد کرنے والے ممالک چین، بھارت، اور ترکی سمیت 8 ممالک کو اقتصادی پابندیوں کے ضمن میں دی گئی استثنی ختم کرنے کا اعلان کیا تھا جس پر ان ممالک نے بھی ایران سے تیل خریدنے پر معذرت کرلی تھی۔

نظام مصطفی پارٹی کے سربراہ اور دیگررفقاء نے عمرے کی ادائیگی کی


nizame mustafa March 31, 2019 | 3:24 PM

مکہ:(نیوزآن لائن)پیر کمال میاں سلطانی اورنظام مصطفی پارٹی کے سربراہ،سابق وفاقی وزیرڈاکٹرحاجی محمدحنیف طیب اوران کے ہمراہ گئے ہوئے دیگررفقاء نے عمرے کی ادائیگی کے موقع پر مکہ مکرمہ میں فلسطین، کشمیر ،برما،ترکی ،عراق ،شام ،یمن، لیبیا،افغانستان ،پاکستان سمیت ودیگر ممالک میں دہشت گردی کے نتیجے میں لاکھوںشہداء کے لئے دعائیں مغفرت ،زخمیوں کے لئے دعائیں صحت ،عالم اسلام کی مسلمانوں کی جان، مال، عزت وآبروکی حفاظت،اُمت مسلمہ میں اتحادویکجہتی کے لئے دعائیں کی۔ انہوں نے پاکستان کی سلامتی،ترقی وخوشحالی،اﷲکی رحمتوں و نعمتوں،پاکستان کی عزت وسربلندی کے لئے دعائیں بھی کی کہ اﷲتعالیٰ افواج پاکستان کو طاقت، ہمت عطافرمائے ،پاکستان کی جغرافیائی اور نظریاتی سرحدوں کی حفاظت فرمائے ۔انہوں نے تمام دوست ،احباب کے لئے خصوصی دعائیں کی بعدازاں روضہ رسول ۖپر حاضری کے موقع پر سلام بھی پیش کیا ۔

کرائسٹ چرچ مساجد پر حملے سے کچھ دیرپہلے انٹیلی جنس ایجنسیوں کو پیشگی اطلاع مل گئی، نیوزی لینڈ وزیر اعظم جیسنڈرا آرڈن


prime minister new zeeland March 17, 2019 | 4:13 PM

ولنگٹن:(نیوزآن لائن) نیوزی لینڈ کی وزیر اعظم جیسنڈرا آرڈن نے نیوز کانفرنس کے دوران کہا کرائسٹ چرچ مساجد پر حملے سے کچھ دیرپہلے انٹیلی جنس ایجنسیوں کو پیشگی اطلاع مل گئی تھی لیکن پولیس کے پہنچنے سے پہلے ہی حملہ آور مسجد پہنچ چکاتھا۔انہوں نے مزید کہا کہ مسلم ممالک کی جانب سے اظہار یکجہتی کے پیغامات کو سراہتیہیں، لاپتہ افراد اور زخمیوں کی شناخت کا کام جاری ہے۔

ایتھوپیا ائر لائنز کا نیروبی جانے والا ایک مسافر طیارہ گرکرتباہ مسافر اور عملے کے آٹھ ارکان سمیت 149 افراد ہلاک


aeroplane crash news March 10, 2019 | 6:32 PM

نیروبی: (نیوزآن لائن)ایتھوپیا ائر لائنز کا نیروبی جانے والا ایک مسافر طیارہ گرکرتباہ مسافر اور عملے کے آٹھ ارکان سمیت 149 افراد ہلا ک ہوگئے ہیں۔تفصیلات کے مطابق حادثہ دارالحکومت عدیس ابابا سے تقریبا62 کلومیٹر دور جنوب مشرقی علاقے میں پیش آیا۔ایتھوپیا کے وزیراعظم کے دفتر نے بھی طیارہ تباہ ہونے کی تصدیق کرتے ہوئے متاثرہ خاندانوں سے تعزیت کی ہے۔دفتر خارجہ کے ترجمان ڈاکٹر محمد فیصل نے آج ایک ٹویٹ میں طیارہ تباہ ہونے کے المناک واقعہ پر کینیا اور ایتھوپیا کی حکومتوں ، عوام اور متاثرہ خاندانوں سے دلی تعزیت کا اظہار کیا۔

بیرونی طاقتوں نے ہر دور میں صوفی منش کشمیری قوم کو بزورِ شمشیرزیر اور زِچ کرنا چاہا۔اعظم انقلابی


sirinagar March 3, 2019 | 6:00 PM

سر ینگر:(نیوزآن لائن)جموں کشمیر قومی محاذِ آزادی کے سینئر رُکن اعظم انقلابی نے اپنے ایک بیان میں کہا ہے کہ بیرونی طاقتوں نے ہر دور میں صوفی منش کشمیری قوم کو بزورِ شمشیرزیر اور زِچ کرنا چاہا۔ مغل حکمران 1585ء میں آئے اور 166سال تک حکومت کرتے رہے۔ پھر افغانستان کے حکمران آئے اور یہاں 69 سال تک حکومت کرتے رہے۔ اس کے بعد پنجاب کے سکھ حکمران آئے اور 27سال تک حکومت کرتے رہے۔ جموں کے ڈوگرہ حکمران آئے اور وہ پورے 100 سال تک کشمیریوں کو آداب غلامی سکھاتے رہے۔ جامع مسجد سرینگر ہو یا آثار شریف حضرت بل، خانقاہِ معلیٰ سرینگر ہو یا روضۂ نور الدین ولی چرار شریف ۔ غرض یہ کہ یہ وہ مقامات ہیں جہاں کشمیر کے صوفی منش مسلمان عبادت وریاضت کے ذریعے اللہ رَ ب ُ العزت کے ساتھ عارفانہ تعلق پیدا کرنے کی کوشش کرتے رہے ہیں اور عقیدہ توحید اور آخرت کے ساتھ درونِ دل سرور اور نور کی کیفیت پیدا کرنے کے عمل میں منہمک ہوتے ہیں۔ کشمیر کی دعوتی صوفی تحریک میں ہمارے علمائے دین اور صلحافی الحقیقت ہمارے محسنین ہیں۔ ہم اپنے اولیا کرام، علمائے دین اور راہ طریقت کے فدائین شوق کے ساتھ قلبی تعلق پیدا کرنے کو مطلوب باطنی عمل سمجھتے ہیں۔پچھلے دنوں اخبارات میں یہ خبر شائع ہوئی کہ میرواعظ عمر فاروق، اشرف صحرائی، شبیر احمد شاہ، ےٰسین ملک اور کچھ دیگر رہنماؤں کے گھروں میں این آئی والے گھُسے اور وہاں کئی گھنٹوں تک سامان زینت کے ساتھ کھیلتے رہے۔ ان بزرگوں اور دوستوں کے گھروں کی زینت یعنی کتابیں اگر محفوظ نہیں تو نییٔ نسل کے نوجوان کیا سوچیں گے؟ اخبارات میں ہی یہ خبر بھی شائع ہوئی ہے کہ جماعت اسلامی کے ایک سو کارکُن گرفتار ہوئے ہیں۔ ان میں امیر جماعت ڈاکٹر عبدالحمید فیاض بھی ہیں۔ اور اب تازہ خبر یہ ہے بھارتی حکمرانوں نے جماعت اسلامی کو غیر قانی تنظیم قرار دے کر اس پر پابندی عائد کی ہے۔ دوتین سال پہلے سابق امیر جماعت جناب غلام محمد بٹ صاحب نے انتہائی زیرک اور ذہین رہنما کی حیثیت سے ایک پریس کانفرنس میں اعلان کیا کہ ہمارا مِلِٹنسی کے ساتھ کوئی تعلق نہیں، اس سے کچھ بھی لینا دینا نہیں ہے، ہم دعوتی سرگرمیوں میں مصروف رہنے میں ہی ملک و ملت کی نجات کا راز مضمر پاتے ہیں۔ یہ بھی خبر ہے کہ مصلاّ پر ذکر و فکر میں مصروف کچھ جمعےّت اہلحدیث بزرگ بھی زینت زندان بنے ہوئے ہیں۔ ان حالات کے پیش نظر آزاد کشمیر کے صدر سردار مسعود خان صاحب فوری طور ایسے با اختیار فکری اور علمی ادارہ کے قیام کی کوششوں میں مصروف رہیں جس کی مجلس شوریٰ میں آرپار کے باصلاحیت دوست اور بزرگ موجود ہوں۔ یہ ادارہ دن رات انٹرنیٹ اور کمپؤٹر کی طرح کام کرے۔ مزاحمتی اتحادِ ثلاثہ سے وابستہ بزرگ اور دوست اس ادارہ کی رونق بنیں۔بھارت کے حکمران انتخابی سیاست میں کشمیریوں کو قربانی کا بکرا بنارہے ہیں،بڑی طاقتوں کے ذمہ دار حکمران غیر معمولی سفارتی مہم کے ذریعے بھارت پاکستان مذاکرات کا راستہ استوار کریں تاکہ مسئلہ کشمیر کا پرُ امن اور پائیدار حل تلاش کرنے کا کام آسان ہوجائے۔ ہم کشمیری اصرار کر رہے ہیں کہ سرینگر سے مظفر آباد تک پھیلی ہوئی وادی کشمیر سے بھارت اور پاکستان کی فوجوں کا انخلا ہوجائے تاکہ متحدہ وادی کے باسی اپنی پارلیمنٹ میں کشمیر کے سیاسی مستقبل کا تعین کریں۔آپ جنگ بندی لائن کے آرپار کے دیڑھ کروڑ کشمیری باسیوں کو غیر یقینی صورتحال اور عدم تحفظ کے بھنور سے باہر نکالیں گے تو بر صغیر کے تقریباً ڈیڑھ ارب لوگ اطمینان اور سُکھ کا سانس لیں گے۔ کشمیر ایک انسانی مسئلہ ہے۔ کشمیر کو اپنی انتخابی سیاست کے لیے میدان جنگ نہ بنائیں۔ قانون ُمکافات سے خوف محسوس کریں ۔ ظلم و عدوان اور جبر واستبداد کی روش سے قہر الہٰی کو دعوت دینا دانشمندی نہیں۔ رعونت، غرور، تکبر اور تمرّد کی اداؤں سے تائب ہو کر انسان دوستی اور عدل و انصاف کا راستہ اختیار کریں۔

مقبوضہ کشمیر میں قابض بھارتی فوج نے 3 کشمیری نوجوانوں کو شہید کردیا ،وادی میں مکمل شٹر ڈاون ہڑتال


1566107-kashmir-1550999794-532-640x480 February 24, 2019 | 6:00 PM

سری نگر:(نیوزآن لائن) مقبوضہ کشمیر کے ضلع کلگام میں سرچ آپریشن کے دوران قابض بھارتی فوج نے 3 کشمیری نوجوانوں کو شہید کردیا ہے،دوسری جانب حریت رہنماوں کی اپیل پر کشمیری عوام بھارتی جارحیت کے خلاف شٹر ڈاون ہڑتال کر کے صدائے احتجاج بلند کر رہے ہیں۔ پوری وادی میں ہو کا عالم ہے اور سڑکوں، مارکیٹوں اور گلیوں میں مکمل سناٹا ہے۔

پلوامہ حملہ،بھارت نے کشمیری حریت رہنماں کو دی گئی سیکیورٹی واپس لے لی


huriat rehnuma February 17, 2019 | 6:45 PM

سرینگر:(نیوزآن لائن) بھارت نے کشمیری حریت رہنماں کو دی گئی سیکیورٹی واپس لے لی ہے۔بھارتی وزارت داخلہ نے حریت رہنماں کی سیکیورٹی واپس لینے کا باقاعدہ نوٹیفکیشن جاری کیا ہے۔ بھارتی وزارت داخلہ کے نوٹیفکیشن کے مطابق حریت رہنماں میرواعظ عمرفاروق، عبدالغنی بھٹ، بلال لون، ہاشم قریشی اورشبیرشاہ کودی گئی سیکیورٹی واپس لے لی گئی ہے اوران رہنماں کو مہیاکی گئی سرکاری سہولتیں بھی فورا واپس لینے کی ہدایات جاری کی گئی ہیں۔ بھارتی حکومت کی طرف سے یہ اقدام پلوامہ حملے کے بعد اٹھایا گیا ہے۔

مقبوضہ کشمیر میں بھارتی فوج کی ریاستی دہشت گردی، دوران فائرنگ 5 کشمیری نوجوانوں شہید


kashmir news February 10, 2019 | 9:11 PM

سرینگر:(نیوزآن لائن)مقبوضہ کشمیر میں بھارتی فوج نے ریاستی دہشت گردی کے دوران فائرنگ کرکے 5 کشمیری نوجوانوں کو شہید کردیا،تفصیلات کے مطا بق بھارتی فوج کا ضلع کلگام کے علاقے کیلام میں علاقے کا محاصرہ کیا اور سرچ آپریشن کے دوران فائرنگ کرکے 5 کشمیری نوجوانوں کو شہید کردیا جب کہ ایک گھر کو بھی تباہ کردیا۔
کشمیر میڈیا سیل کے مطابق واقعہ کے بعد علاقے میں بھارتی فوج کے آپریشن اور کشمیری نوجوانوں کی شہادت کے خلاف شدید احتجاج کیا گیا، بھارتی فورسز نے احتجاج کو روکنے کے لیے مظاہرین پر پیلٹ گن کا استعمال کیا جس کے نتیجے میں متعدد کشمیری زخمی ہوگئے جنہیں اسپتال منتقل کردیا گیا ہے۔

مقبوضہ وادی میں بھارتی وزیراعظم کی آمد پر ہڑتال


modi February 3, 2019 | 6:48 PM

سری نگر:(نیوزآن لائن)مقبوضہ وادی میں بھارتی وزیراعظم کی آمد پر ہڑتال ہے، کشمیریوں نے نریندر مودی کی آمد کو مصبیت قرار دے دیا۔ مریضوں کو ہسپتال جانے سے بھی روکا جا رہا ہے، قابض فوج کی جگہ جگہ بھاری نفری بھی تعینات کی گئی ہے،قابض فوج نے سید علی گیلانی، میرواعظ عمر فاروق سمیت کئی حریت رہنماں کو نظربند کر دیا۔

امریکی فضائیہ نے صومالیہ میں الشباب جنگجووں کے ٹھکانوں پر فضائی حملے میں 52 شدت پسندوں ہلاک


somalia January 20, 2019 | 8:21 PM

جلب: (نیوزآن لائن) امریکی فضائیہ نے صومالیہ میں الشباب جنگجووں کے ٹھکانوں پر فضائی حملے میں 52 شدت پسندوں کو ہلاک کرنے کا دعوی کیا ہے۔بین الاقوامی خبر رساں ادارے کے مطابق صومالیہ کے جنوبی علاقے جِلِب میں امریکی فوج کے فضائی حملے میں شدت پسند تنظیم الشباب کے 52 جنگجو مارے گئے جب کہ متعدد زخمی ہوگئے۔امریکی فوج کی جانب سے جاری بیان میں کہا گیا ہے کہ فضائی حملہ الشباب جنگجووں کے صومالی فوج پر کیے گئے ایک حملے کے جواب میں کیے گئے ہیں۔ الشباب نے گزشتہ روز صومالی فوج کے 8 اہلکاروں کو قتل کردیا تھا۔

افغانستان کے صوبے قندھار اور فریاب میں پرتشدد واقعات میں پولیس فورس کے15 اور انتیس طالبان ہلاک


473043_87364430 January 6, 2019 | 9:26 PM

کابل:(نیوزآن لائن)افغانستان کے صوبے قندھار اور فریاب میں پرتشدد واقعات میں پولیس فورس کے پندرہ اور انتیس طالبان ہلاک ہو گئے۔تفصیلات کے مطابق صوبہ قندھار کے علاقے سپن بولدک میں طالبان کے رات گئے سیکورٹی ناکے پرحملے میں پندرہ سیکورٹی اہلکارہلاک اور سات زخمی ہوگئے ۔افغان سیکورٹی فورسز کے مطابق جھڑپ میں سولہ طالبان ہلاک اور گیارہ زخمی ہوئے ۔ادھر شمالی صوبے فریاب میں سیکورٹی فورسز کی ایک کارروائی میں تیرہ طالبان ہلاک ہوئے ۔

سعودی عرب نے راشن کے کاروبار سے تارکین وطن کی مکمل چھٹی کرنے کا منصوبہ بنا لیا


sudia arab super market December 30, 2018 | 8:57 PM

ریاض:(نیوزآن لائن)سعودی عرب نے راشن کے کاروبار سے تارکین وطن کی مکمل چھٹی کرنے کا منصوبہ بنا لیا۔راشن کے کاروبار کی سعودائزیشن سے 35 ہزار سعودی شہری روزگار پائیں گے جبکہ 6 ارب سعودی ریال کو ملک سے باہر جانے سے روکا جا سکے گا۔دی ماہرین معاشیات کا ماننا ہے کہ اس فیصلے پر عمل ددرآمد کے ذریعے 35 ہزار سے زائد سعودی شہریوں کے لیے روزگار کے مواقع پیدا کئیے جا سکیں گے۔انکا کہنا تھا کہ اس فیصلے کو مکمل طور پر اور اچانک نافذ العمل نہیں کیا جا سکتا بلکہ اس کو مرحلہ وار عملی جامہ پہنانا ہو گا۔

عالمی برادری فلسطینیوں کواسرائیل کے ظلم سے بچانے کے لیے اقدامات کرے۔ شاہ سلمان بن عبدالعزیز


shah salman gcc meeting December 9, 2018 | 7:16 PM

ریاض:(نیوزآن لائن) سعودی نیوز ایجنسی کے مطابق شاہ سلمان بن عبدالعزیز نے خلیجی عرب ممالک کی تنظیم جی سی سی کے 39 ویں سربراہی اجلاس کا ریاض میں باضابطہ افتتاح کردیا ہے۔ اجلاس کی سربراہی سعودی فرماں روا کریں گے۔ اجلاس میں رکن ممالک کے سربراہان شریک ہیں ،سعودی فرماں روا شاہ سلمان بن عبدالعزیز نے کہا ہے کہ عالمی برادری فلسطینیوں کواسرائیل کے ظلم سے بچانے کے لیے اقدامات کرے۔تنظیم برائے تعاون مابین خلیجی ممالک جی سی سی کے 39 ویں اجلاس میں شام اور یمن میں قیام امن کے لیے پیشرفت کے جائزے کو ایجنڈے میں اولین ترجیح پر رکھا گیا ہے جب کہ عراق کی موجودہ صورت حال پر بھی زیر بحث ہے۔

بھارتی حکمران بھول جائیں کہ وہ کشمیریوں کو بنوکِ بندوق اور بزورِ شمشیر زیر اور زِچ کرسکتے ہیں۔ محمد اعظم انقلابی


sirinagar September 12, 2016 | 5:52 PM

سرینگر:(نیوزآن لائن) جموںکشمیر محاذ آزادی کے سرپرست محمد اعظم انقلابی نے اپنے ایک بیان میں کہا ہے کہ استعماری مزاج کے حامل بھارتی حکمران بھول جائیں کہ وہ کشمیریوں کو بنوکِ بندوق اور بزورِ شمشیر زیر اور زِچ کرسکتے ہیں۔ تمہیں محاذِ رائے شماری کی مزاحمتی تحریک راس نہیں آئی۔ نتیجہ یہ نکلا کہ کشمیر کے مجاہد دانشور بطلِ حریت مقبول بٹ نے 1966ء میں عسکری مزاحمت کا فلسفہ پیش کرتے ہوئے کشمیر کے انقلاب پسند نوجوانوں کو مزاحمت کی نئی اداؤں کے ساتھ صف بندی کرنے کی دعوت دی۔
بھارتی حکمرانوں کو میرواعظ مولوی فاروق، عبد الغنی لون صاحب، ڈاکٹر قاضی نثار، مقبول ملک، جلیل اندرابی، ایڈووکیٹ حسام الدین جیسے ہر دلعزیز کشمیری مزاحمتی رہنماؤں کی سیاست بھی راس نہیں آئی۔ نتیجہ یہ نکلا کہ اِس قوم میں اشفاق مجید وانی، مقبول الٰہی اور برہان وانی جیسے اولوالعزم کمانڈر پیدا ہوئے جنہوں نے غالب قوم کے ظلم وعدوان اور جبرواستبداد کے خلاف موثر مُزاحمت کے گُر سکھائے۔
آج پوری قوم پچھلے دو مہینوں سے سڑکوں پر پُرامن مُزاحمتی اجتماعات میں داستانِ مظلومیت سنا رہی ہے۔ میں کشمیر کے علمائے دین، اساتذہ اور وکلا حضرات سے اپیل کرتا ہوں کہ آپ اِن پُر امن اجتماعات میں اپنی فصیح اور بلیغ تقاریر میں بیرونی دنیا خاص کر امریکہ کو بتائیں کہ کشمیر ایک نیوکلیئر فلیش پوئنٹ ہے، پورای کشمیر بارود کے ڈھیر پر کھڑا ہے۔ ضرورت اس بات کی ہے کہ دنیا کی بڑی طاقتیں مسئلہ کشمیر کے پُرامن تصفیہ کیلئے ضروری اقدامات کریں۔
ہمیں معلوم نہیں کہ افغانستان کے صدر اشرف غنی صاحب دہلی کا دورہ کرکے کیا گُل افشائی کریں گے۔ اُنہیں معلوم ہونا چاہئے کہ افغانستان کے 70یا 80فیصدی ولاقے پر طالبان مجاہدین کا کنٹرول ہے۔ وہ نئی دہلی میں ایسی کوئی بات نہ کہیں جس سے اُن کے لئے کابل اور اسلام آباد میں مشکلات پیدا ہوں۔ پچھلے 37سال کی مُزاحمت کے دوران افغانستان اور پاکستان حالات کی مجبوری کی وجہ سے اتنے قریب آئے ہیں کہ وہ ایک دوسرے کیلئے لازم و ملزوم بن گئے ہیں۔ میں افغانستان اور پاکستان کے عُلمائے دین اور دانشوروں سے پُر زور اپیل کرتا ہوں کہ وہ جگہ جگہ علمی کانفرنسوں کا انعقاد کریں اور پوری دنیا کو بتائیں کہ ایشیا میں امن و سکون کا ماحول پیدا کرنے کے لئے ضروری ہے کہ افغانستان سے بیرونی فوجوں کا انخلا ہوجائے۔

بھارتی حکمرانوں کا یہ الزام کہ پاکستان ہی کشمیر میں جذبات کی نمود کی تحریک میں مُحرکِ اوّل کی حیثیت رکھتا ہے دُرست نہیں ہے۔ سیدالطاف اندرابی


sirinagar August 28, 2016 | 2:38 PM

سرینگر:(نیوزآن لائن) جموںکشمیر محاذ آزادی کے سرپرست محمد اعظم انقلابی اور محاذکے صدر سیدالطاف اندرابی نے اپنے مشترکہ بیان میں کہا ہے کہ بھارتی حکمرانوں کا یہ الزام کہ پاکستان ہی کشمیر میں جذبات کی نمود کی تحریک میں مُحرکِ اوّل کی حیثیت رکھتا ہے دُرست نہیں ہے۔ سابق وزیر اعظم پنڈت جواہرلال نہرو کے کشمیر سے متعلق وعدہ رائے شماری اور اقوام متحدہ کی قرار دادوں کے باوجود بھارتی حکمرانوں نے استعماری اور توسیع پسندانہ عزائم کی وجہ سے ہی ایفائے عہد کا راستہ اختیار کرنے کے بجائے کشمیر میں اپنی برہنہ خون آلود تلوار کو ہی حاکِم، حُکم اور حَکم قرار دیا اور یہاں قتل وغارت گری کے ذریعے کشمیریوں کو زیر اور زچ کرنے کی مذموم پالیسی اختیار کی۔
بھارتی مستعمرین کے جارحانہ مزاج نے ہی ہمارے بطلِ حریت مقبول بٹ، فرزندِ کشمیر افضل گورو، میرواعظ مولوی فاروق، خواجہ عبدالغنی لون، ڈاکٹر قاضی نثار، مقبول ملک، جلیل اندرابی، شیخ عبدالعزیز، ایس حمید، ایڈووکیٹ حسام الدین، مولانا شوکت شاہ اور ڈاکٹر غلام قادر وانی جیسے ہر دلعزیز اُولوالعزم مُزاحمتی قائدین کو درجۂ شہادت تک پہنچایا۔ کیا یہ حقیقت نہیں کہ بھارتی بندوقوں نے ہی یہاں گاؤکدل، پتھری بل، کپوارہ، سوپور، ہندوارہ غرضیکہ کشمیر کے بے شمار مقامات پر جلیاوالا باغ کے مناظر پیش کئے۔ یوں ہمارے لاکھوں جگرپارے راہِ حق وحریت میں کام آئے۔ وہ قبروں کی زینت بنے۔
بھارتی مستعمرین کی شقاوتِ قلبی، عداوتِ حق اور خونخواری نے ہی یہاں کشمیر کے باغیرت صوفی منش لوگوںکو سڑکوں پر آکر اپنے جذبات کا اظہار کرنے پر آمادہ کیا۔ بھارتی حکمرانوں کے تکبر اور تمرد نے ہی مسائل کو پیچیدہ بنادیا، پاکستان ایٹمی طاقت کی حیثیت سے کشمیر کے محاذ پر محتاط رویہ اختیار کئے ہوئے ہے۔
اِس خطرناک صورتحال سے بچنے کی واحد صورت یہ ہے کہ آپ فوراً مزاحمتی رہنماؤں قبلہ سید علی گیلانی صاحب، میر واعظ عمرفاروق صاحب، یٰسین ملک صاحب اور شبیر احمد شاہ صاحب جیسے سینئر رہنماؤں کو اعتماد میں لیتے ہوئے کشمیر میں دیوارِ برلن (کنٹرول لائن) کے انہدام، آرپار فوجوں کے انخلا اور متحدہ کشمیر میں کشمیر پارلیمنٹ کے قیام کے لئے راستہ استوار کریں۔ کشمیر پارلیمنٹ کے معزز ارکان حقِ خودارادیت کے اصول کے تحت کشمیر کے سیاسی مستقبل کا تعّین کریں گے۔ اﷲ تمہیں بات سمجھنے کی توفیق عطا کرے، آمین۔

ایم کیو ایم کینیڈا ٹورنٹو چیپٹر کے تحت مسی ساگا میں ماورائے عدالت قتل ، لاپتہ کارکنان کے لئے احتجاج


mqm canada August 21, 2016 | 9:27 PM

رکن رابطہ کمیٹی حیدر عباس رضوی ، نگراں ڈاکٹر ندیم احسان ، سینٹرل آرگنائزر آصف قاضی کا مظاہرین سے خطاب
ایم کیو ایم کے کارکنان ، ہمدرد اور بڑی تعداد میں مقامی شہریوں نے مظاہرے میں شرکت کی اور ظالمانہ رویوں کی بھرپور مذمت کی
کراچی میں تادم مرگ بھوک ہڑتالی ساتھیوں کو خراج تحسین پیش کیا گیا اور حکومت سے مطالبہ کیا گیا کہ جبر کے سلسلے کو ختم کریں
ٹورونٹو :( نیوزآن لائن)متحدہ قومی موومنٹ کینیڈا نے گزشتہ ہفتے مسی ساگا میں میں بھرپور عوامی طاقت کا مظاہرہ کیا ۔ اجتماع ٹورونٹو کے علاقے مسی ساگا میں منعقد کیا گیا جس میں پاکستان سے تشریف لائے ہوئے سابقہ ممبر قومی اسمبلی ، اییم کیو ایم کے مرکزی رہنما اور رابطہ کمیٹی کے رکن حیدر عباس رضوی نے فکر انگیز خطاب کیا۔ انہوں نے اپنے پر مدلل خطاب میں تحریک پاکستان سے لے کر اب تک کی تاریخ اور بانیان پاکستان کی قربانیوں کا ذکر کرتے ہوئے جبرو ظلم کے حالیہ واقعات کی شدید الفاظ میں مذمت کی ۔ اس کے ساتھ انہوں نے اس عزم کا بھی اعادہ کیا کہ ایم کیو ایم کے کارکنان دنیا بھر میں قائدِ تحریک کے فلسفے اور نظریئے پر کاربنداور متحدہ ہیں ، اس موقع پر ایم کیو ایم کینیڈا کے نگراں ڈاکٹر ندیم احسان نے بھی خطاب کیاور کہا کہ متحدہ قومی موومنٹ کی ٣٢سالہ جدوجہد قائدِ تحریک الطاف حسین کی قربانیوں اور تربیت کا مظہر ہے اسے کوئی طاقت زورزبردستی ختم نہیں کر سکتی۔ ایم کیو ایم کینیڈا کے سنٹرل آرگنائزر آصف قاضی نے اپنے خیالات کا اظہار کرتے ہوئے کہا کہ ایم کیو ایم پر مسلط کئے گئے آپریشن کی آڑ میں اردو بولنے والے اور پاکستان کے بانیان کے اولادوں کی نسل کشی کی ہر گز اجازت نہیں دی جائے گی ۔ مسی ساگا شہر میں منعقد کئے گئے اس مظاہرے میں مظاہرین نے اپنے ہاتھوں میں پلے کارڈ اٹھائے ہوئے تھے جس میں حکومت سے مطالبہ کیا گیا تھا کہ ماورائے عدالت قتل، بہیمانہ تشدد اور لاپتہ کارکنان کی فوری بازیابی جیسے نعرے درج تھے۔ مقریرین نے اپنی تقاریر میں کہا کہ مہاجر آج تک اپنے حق کی جنگ لڑ رہے ہیں لیکن ظلم و جبر کا یہ سلسلہ اب رک جانا چاہیے اس کے لیے انسانی حقوق کی تنظیموں اور صحافی برادری کا اپنا کردار ادا کرنا ہو گا۔

شام کے شہر رقہ میں روسی فضائیہ کی بمباری 30 افراد جاں بحق


sham bombing August 11, 2016 | 9:30 PM

شام کے شہر رقہ میں روسی فضائیہ کی جانب سے بمباری کی گئی ،بمباری کے نتیجے میں 30 افراد جاں بحق جبکہ متعدد افراد زخمی ہو گئے،جاں بحق ہونے والوں میں باغیوں سمیت تیس شہری شامل ہے جبکہ زخمیوں کو اسپتال منتقل کر دیا گیا ہے۔

ایم کیو ایم آسٹریلیا کی جانب سے سانحہ گلشن پارک لاہور میںشہیدہونے والوں کوخراجِ عقیدت پیش کیا گیا


PIC MQM AUSTARIA April 3, 2016 | 8:39 PM

ایم کیو ایم آسٹریلیا کی جانب سے سانحہ گلشن پارک لاہور میںشہیدہونے والے بے گناہ اور معصوم بچوں ، مرد اور خواتین کی یاد میں شمعیں روشن کی گئیں اور شہداء کوخراجِ عقیدت پیش کیا گیا
سڈنی:(نیوزآن لائن)متحدہ قو می موومنٹ آسٹریلیا کے زیراہتمام سڈنی میں سانحہ گلشن پارک لاہورخودکش حملے میں شہید ہونے والے نہتے اور معصوم بچوں، مرد اورخواتین کی یاد میں شمیعں روشن کی گئیں اور شہداء کوخراجِ تحسین پیش کیا گیا۔جبکہ شہداء کے ایصال وثواب اورزخمیوںکی جلد صحتیابی کی دعائیں کی گئیں۔ تقریب میں سڈنی کے حق پرست ہمدردوں اور کارکنوںنے بڑی شرکت کی۔

ترکی میں باغیوں کیخلاف آپریشن کے دوران بم دھماکے میں چھ سیکیورٹی اہلکار جاں بحق


turkey blast April 3, 2016 | 3:52 PM

ترکی :( نیوزآن لائن)ترکی میںکر د باغیوں کیخلاف آپریشن کے دوران بم دھماکے ہوئے ،دھماکے کے نتیجے میں چھ سیکیورٹی اہلکار جاں بحق ہو ئے۔ترک میڈیا کے مطابق دھماکہ جنوب مشرقی صوبے نصیبن میں ہوا۔ سیکیورٹی فورسز کا کرد باغیوں کے خلاف آپریشن جاری ہے۔اس شہر میں مارچ کے وسط سے کرفیو نافذ ہے۔ ترک میڈیا کی رپورٹس کے مطابق نصیبن شہر میں کرد باغیوں نے شہر کے گرد رکاوٹیں کھڑی کردی ہیں۔ واضح رہے کہ دو زوز قبل دھماکے میں سات پولیس جاں بحق ہوئے تھے۔

مسلمانوں کے خلاف بات کرنے سے شدت پسندوں کو فائدہ ہوگا۔امریکی صدربراک اوباما


obama barik March 27, 2016 | 2:22 PM

واشنگٹن :( نیوزآن لائن)امریکی صدر براک اوباما نے برسلزحملوں کے بعد قوم سے ریڈیو خطاب میں امریکی صدر کا کہنا تھا کہ مسلمانوں کے خلاف بات کرنے سے شدت پسندوں کو فائدہ ہوگا۔انہوں نے کہا کہ امریکا کی ترقی و خوشحالی میں امریکی مسلمانوں کا کردار قابل ستائش ہے، دہشت گردوں کا اسلام سے کوئی تعلق نہیں،امریکی قوم برسلز حملوں کے بعد مسلمانوں کی توہین نہ کرے۔براک اوباما کا کہنا تھا مسلمانوں کے خلاف بات کرنے صرف شدت پسندوں کو فائدہ ہوگا۔

مہاجروں کی فکری نسل کشی کا سلسلہ بند ہونا چاہئے: ڈاکٹر سلیم حیدر


dr saleem haider mit March 23, 2016 | 8:18 PM

کئی نسلوں کی تباہی کے باوجود مہاجر آج بھی اپنے روشن مستقبل کے خواہاں ہیں
ایم آئی ٹی مہاجر طاقت کو بکھرنے سے بچانے کیلئے اپنا بھرپور کردار ادا کرے گی
نیویارک :( نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے موجودہ صورتحال پر افسوس کااظہار کرتے ہوئے کہا ہے کہ مہاجروں کو سیاست کی بھینٹ اور ان کے مستقبل کو داؤ پر نہ لگایا جائے ۔ پہلے ہی مہاجر ستم رسیدہ ہیں ۔ ہماری کئی نسلیں تباہ ہوچکی ہیں مزید ان کو تباہ ہونے سے بچانے کیلئے مثبت حکمت عملی تیار کی جائے کیونکہ مہاجر قوم کی قربانیوں کا سلسلہ قیام پاکستان سے قبل سے جاری ہے ۔ انہوں نے کہاکہ آج مہاجر قومیت اس پستی اور زوال کی طرف بڑھ رہی ہے اس میں مہاجر دانشوروں ، ادیب، صحافی، شعراء اور زندگی کے مختلف شعبوں سے تعلق رکھنے والے باشعور افراد اپنا کردار ادا کرتے ہوئے مہاجروں کو روشن مستقبل کی راہ پر گامزن کریں۔ انہوں نے کہاکہ قاتل اور مقتول کی لاحاصل جنگ میں مہاجروں کو ناقابل تلافی نقصان پہنچایا ہے ۔ اب یہ سلسلہ بند ہوجانا چاہئے کیونکہ اس سے سوائے مہاجروں کی نسل کشی کے کچھ حاصل نہیں ہوگا۔ آج مہاجر اپنے مستقبل سے خوفزدہ ہیں ، اس تعلیم یافتہ اور تہذیب یافتہ قوم کو سہارے کی ضرورت ہے ۔ اسے بکھرنے سے بچانے کیلئے ایم آئی ٹی اپنا بھرپور کردار ادا کرے گی ۔ ہم طاقت اور اقتدار کے حصول کے بجائے مہاجروں کو باعزت مقام دلانے کے خواہاں ہیں تاکہ مہاجروں کا کھویا ہوا وقار بحال ہوسکے ، انہوں نے کہاکہ مہاجر نوجوان شعور کا مظاہرہ کرتے ہوئے ایم آئی ٹیکے ہاتھ مضبوط کریں اور مہاجر تحریک کو اپنے ہاتھ میں لیں۔

برسلز ائرپورٹ پر خود کش حملہ کرنیوالوں کی تصاویر جاری


brusselssuspectphotorelease_3-23-2016_219716_l March 23, 2016 | 5:19 PM

برسلز:(نیوزآن لائن)برسلز میں خودکش حملہ کرنیوالوں کی تصاویر جاری کردی گئی ہے۔ بیلجیئن سرکاری میڈیا کے مطابق حملہ کرنیوالے دونوں حقیقی بھائی ہیں اور ان کے نام خالد البکروی اور ابراہیم البکروی بتائیے گئے ہیں، بیلجیئن سرکاری میڈیا کی جانب سے دونوں دہشتگردوں کی تصاویر بھی جاری کردی گئی ہیں جس میں دونوں بھائیوں نے کالی جیکٹس پہن رکھی ہیں جبکہ تصویر میں موجود تیسرے شخص کی شاخت نجیم لاچروی کے نام سے کی گئی ہے ،واضح رہے کہ دہشت گردوں نے پیرس کے بعد برسلز کو نشانہ بنایا اور گزشتہ روز ائر پورٹ اور میٹرو اسٹیشن پر تین دھماکے کئے تھے۔ حملے کے بعد برسلز میٹرو اسٹیشن دوبارہ کھول دیا گیا ہے ۔ جبکہ ائر پورٹ آج بھی بند ہے۔ گزشتہ روز ہونے والے بم دھماکوں میں 34 افراد ہلاک جبکہ 200 سے زائد زخمی ہوگئے تھے۔