: تازہ ترین

تازہ ترین ویڈیو

لوٹ مار مقدمات اور بیروزگاری آپریشن کے خلاف تاجر آج پریس کلب پر دھرنا دیں گے۔ محمود حامد


all-pakistan-orgranization-of-small-traders-and-cottages December 9, 2019 | 2:37 AM

آپریشن سے کاروبار تباہ ہو گیا بجلی نے نرخوں میں اضافہ واپس لیا جائے۔ سید لیاقت علی
کراچی : (نیوزآن لائن) آل پاکستان آرگنائزیشن آف اسمال ٹریڈرز اینڈ کاٹیج انڈسٹریز کراچی کے صدر محمود حامد نے بجلی کی قیمتوں میں اضافے کو ملک کے عوام اور تاجروں پر ظلم قرار دیتے ہوئے اس کی فوری واپسی کا مطالبہ کیا ہے انہوں نے کہا کہ بجلی ، گیس اور پیٹرولیم مصنوعات کی قیمتیں پہلے ہی بہت بڑھی ہوئی ہیں جس کی وجہ سے پیداواری لاگت بہت بڑھ گئی ۔ عوام کا جینا دو بھر ہو گیا ہے۔ جس کی وجہ سے ہماری برآمدات بھی متاثر ہو رہی ہیں ۔دوسری جانب حکومت نے کراچی میں تجاوزات کے نام پر آپریشن کر کے کاروبار اور کاروباری لوگوں کو تباہ کیا ہوا ہے۔ تاجروں کو گرفتار کیا جا رہا ہے اور بازاروں میں ٹھیلا لگا کر اپنے بچوں کی روزی کمانے والوں کو آپریشن کے نام پر لوٹا اور بے روز گار کر دیا گیا ہے۔ وہ آج ناظم آباد، نئی کراچی ، گولیمار ، لیاقت آباد کی مارکیٹوں کے دورے کے موقع پر تاجروں سے خطاب کر رہے تھے۔ اس موقع پر ان کے ہمراہ سینئر نائب صدر سید لیاقت علی، عثمان شریف ، بابر بنگش ، غلام محمد (گلو بھائی) بھی موجود تھے ۔اسمال ٹریڈرز کے صدر نے کہا کہ نئے بجٹ اور آئی ایم ایف کی پابندیوں کی وجہ سے جولائی 2019 ئ سے کاروبار جمود کا شکار ہے ۔ملک کے تاجر کاروباری مندی کے باعث اپنی جمع پونجی کھا رہے ہیں یا مقروض ہو گئے ہیں۔ حکومت اور تاجر معاہدے کے بعد کاروبار میں بہتری کی اُمید کی جا رہی تھی مگر اچانک کراچی کی مارکیٹوں میں آپریشن توڑ پھوڑ کر کے کاروبار کو مزید خراب کر دیا گیا ہے ۔ چھوٹے کاروباری فاقہ کشی کا شکار ہیں اور بلدیاتی اہلکار ان سے رشوتیں بھی وصول کرتے ہیں اور انہیں کاروبار کرنے نہیں دیتے ۔ رات کی تاریکی میں ان کا مال لوٹ لیا جاتا ہے پولیس ہراساں کر کے بھتے وصول کر رہی ہے یہ صورتحال ناقابلِ برداشت ہے ۔ سید لیاقت علی نے کہا کہ ظلم کی انتہاہو گئی ہے سب سے زیادہ ٹیکس دینے والے شہر اور ملک کی معاشی شہ رگ کے تاجروں کے ساتھ سوتیلی ماں جیسا سلوک کیا جا رہا ہے ۔ جس کے خلاف 9دسمبر2019ئ کو کراچی کلب پر احتجاجی دھرنا دیں گے ۔ مطالبات تسلیم نہ کیے گئے تو پورے شہر میں احتجاجی تحریک چلائیں گے۔

کراچی بھی ملک کا شہر ہے ۔ افسران و ملازمین اضافی تنخواہوں سے محروم ہیں ۔ ۔ ایکشن کمیٹی آفیسرز پاکستان


fund December 9, 2019 | 1:52 AM

کے ایم سی کو کوارٹر رقوم برائے ترقیاتی فنڈز بھی بند کردیئے گئے ۔ کراچی دشمنی بند کی جائے ۔ ایکشن کمیٹی آفیسرز پاکستان
کے ایم سی کو ایک ارب اور کے ڈی اے کو پچاس کروڑ کی فوری گرانٹ سندھ حکومت جاری کرے۔ نبیلہ خانم
کے ایم سی کو ترقیاتی فنڈز کی رقوم جاری نہ کرنا کراچی کے عوام کو محروم اور احساس کمتری میں مبتلا کرنا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی:(نیوزآن لائن)آفیسرز ایکشن کمیٹی کی چیئرپرسن نبیلہ خانم نے کہا ہے کہ کراچی بھی ملک کا شہر افسران و ملازمین اضافی تنخواہوں سے محروم ہیں ۔ کے ایم سی کو کوارٹر رقوم برائے ترقیاتی فنڈز بھی بند کردیئے گئے ۔ کراچی دشمنی بند کی جائیکے ایم سی کو کراچی میٹروپولیٹن کارپوریشن کی جگہ کنگلی میٹروپولیٹن کارپوریشن کردیا گیا ہے۔ کے ایم سی کو ایک ارب اور کے ڈی اے کو پچاس کروڑ کی فوری گرانٹ سندھ حکومت جاری کرے۔ کراچی کے دو مرکزی ادارے کنگلی ڈیولپمنٹ اتھارٹی اور کنگلی میونسپل کارپوریشن بن چکے ہیں ۔ ایکشن کمیٹی اس پر سخت تحظات کا اظہار کرتی ہے ۔ کے ایم سی اور کے ڈی اے اضافہ شدہ تنخواہیں دینے کی پوزیشن تک میں نہیں۔ مذید براں کے ایم سی کو ترقیاتی فنڈز کی رقوم جاری نہ کرنا کراچی کے عوام کو محروم اور احساس کمتری میں مبتلا کرنا ہے۔ جبکہ سندھ حکومت کے سیاسی عزائم اور تعصب کراچی کے افسران اور عوام میں احساس محرومی پیدا کر رہا ہے۔ وزیر اعظم اور وزیر اعلی سندھ خصوصی گرانٹ جاری کرائیں ۔

سندھ کے وزیر توانائی امتیاز احمد شیخ کا وفاقی وزیر توانائی عمر ایوب خان کو خط


petrolium November 3, 2019 | 6:06 PM

بجلی،گیس اور پیٹرولیم سیکٹر کے اداروں کے بورڈ آف ڈائریکٹرز میں آئین کے مطابق صوبوں کو نمائندگی دی جائے۔
آئین پاکستان کا آرٹیکل 154واضح کرتا ہے کہ فیڈرل لیجسولیٹو لسٹ حصہ دوئم کے اندراج نمبر 2, 3اور4 کے تحت آنے والے موضوعات کی پالیسیوں اور ضوابط کی تشکیل
مشترکہ مفادات کی کونسل کا اختیار ہے۔ صوبائی وزیر امتیاز احمد شیخ
کراچی:(نیوزآن لائن) سندھ کے وزیر توانائی امتیاز احمد شیخ نے وفاقی حکومت سے بجلی،گیس اور پیٹرولیم شعبوں کے لئے پالیسیاں بنانے والے اداروں اداروںآئل اینڈ گیس ریگولیٹری اتھارٹی اوگرا،نیشنل ٹرانسمیشن اینڈ ڈسپیچ کمپنی لمیٹڈ,سینٹرل پاور پرچیزنگ ایجنسی-گارنٹی اور ڈسٹری بیوشن کمپنیز اور دیگر متعلقہ اداروں کے بورڈ آف ڈائریکٹرز میں صوبوں کے نمائندوں کو شامل کرنے کے لئے وفاقی وزیر توانائی عمر ایوب خان کو خط لکھا ہے اور کہا ہے کہ آئین پاکستان کے آرٹیکل 154 واضح کرتا ھے کہ فیڈرل لیجسلیٹیو لسٹ حصہ دوئم کے اندراج نمبر 2 ,3 اور 4 کے تحت آنے والے موضوعات ( کی پالیسیوں اور ضوابط تشکیل دینا مشترکہ مفادات کی کونسل کا اختیار ہے۔اپنے خط میں وزیر توانائی سندھ امتیاز احمد شیخ نے اس امر پر تشویش کا اظہار کیا ہے کہ آئین کے مذکورہ آرٹیکل کی جانب سے دیئے گئے واضح اختیار کے باوجود نہ تو بجلی کے شعبے میں آنے والے اداروں،کمپنیوں اور انسٹیٹیوشنز میں اور نہ ہی اوگراکے بورڈ آف ڈائریکٹرز میں صوبوں کی جانب سے مقرر یا نامزد کئے گئے نمائندے موجود ھیں اور نہ ھی یہ ادارے کسی بھی طور پر مشترکہ مفادات کی کونسل کی نگرانی اور کنٹرول میں ھیں۔چنانچہ وفاقی حکومت سے میری درخواست ھے کہ ان اداروں کو آئین کی روح کے مطابق مشترکہ مفادات کی کونسل کی نگرانی اور کنٹرول میں دیا جائے تاکہ مشترکہ مفادات کی کونسل ان اداروں کو ضوابط کے مطابق چلانے کے لئے پالیسی سازی کرسکے انہوں نے مزید کہا ھے کہ نیشنل ٹرانسمیشن اینڈ ڈسپیچ کمپنی لمیٹڈ، سینٹرل پاور پرچیزنگ ایجنسی- گارنٹی ، ڈسٹری بیوشن کمپنیز اور دیگر متعلقہ انسٹیٹیوشنز کے بورڈ آف ڈائریکٹرز میں صوبوں کو نمائندگی دی جائے اور اوگرا میں صوبوں کی نمائندگی یقینی بنانے کے لئے اوگرا آرڈیننس 2002 میں ضروری ترامیم کی جائیں۔

آئی ایم ایف کا مشن کل پاکستان پہنچے گا


imf and pakistan October 27, 2019 | 5:46 PM

اسلام آباد:(نیوزآن لائن)وزارت خزانہ نے بتایا ہے کہ آئی ایم ایف کا مشنکل پاکستان پہنچے گا جو پاکستان کی کارکرگی کا جائزہ لے گا اور مذاکرات کے بعد پاکستان کو قرض کی دوسری قسط فراہم کرے گا۔تفصیلات کے مطابق پاکستان اور آئی ایم ایف کا پروگرام سے متعلق پہلا جائزہ رواں ماہ کے اختتام سے شروع ہوگا، آئی ایم ایف مشن دورے کا آغاز 28 اکتوبر سے ہوگا جس کی سربراہی ارینستوراماریزیگو کریں گے۔مشیر برائے خزانہ اور چیئرمین ایف بی آر سے ملاقاتیں ہوں گی جس میں تاجروں کیلیے فکسڈ ٹیکس اسکیم پر بات چیت کا بھی امکان ہے۔ڈائریکٹرمڈل ایسٹ اورسینٹرل ایشیاڈپارٹمنٹ آئی ایم ایف کا کہنا ہے کہ میکرواکنامک استحکام کے لیے اسٹیٹ بینک جبکہ مالیاتی معاملات پر وزارت خزانہ نے متعدداقدامات کیے ہیں۔آئی ایم ایف نے حکومت کے اصلاحاتی پلان کو معاشی استحکام کیلئے بہترین قرار دے دیاجہاد اظہور کا مزید کہنا تھا کہ معاشی اصلاحاتی پروگرام شرح نمومیں اضافی کاباعث بنے گا۔

نسل نو کو حصول مہارت کے مواقع کسی صورت ضائع نہیں کرنے چاہئیں۔ پروفیسر ڈاکٹر زرین عباسی


6x8 Photo October 20, 2019 | 11:55 PM

ہمارا نوجوان نہ صرف بہتر مستقبل کا اہل ہے بلکہ دنیا کے کسی بھی ملک کے نمائندگان نسل نو سے ہر سطح پر مقابلہ کی پوری صلاحیت رکھتا ہے ۔ سید امتیاز علی شاہ
ورکشاپ کے شرکاء سے ڈاکٹر شجاع احمد مہیسر، پروفیسر ڈاکٹر شبیر میمن ، پروفیسر ڈاکٹر عنبرین خاصخیلی، شاہد امین ، ثاقب رضاء ، ریما سیال و دیگر کا خطاب ۔
کراچی :( نیوزآن لائن ) ملک کی ترقی کے لئے تعلیم ناگزیر ہے لیکن تربیت اس سے بھی زیادہ ضروری ہے۔ ہمارا نوجوان تعلیم سے بہرور ہے لیکن تربیت سے یکسر محروم ۔ آداب و اخلاق اور مختلف شعبوں سے متعلق ماہرین کے تجربات دکانوں سے نہیں خریدے جا سکتے یہ صرف اور صرف تربیتی عمل کے ذریعے ہی منتقل کئے جا سکتے ہیں ۔ یوتھ افیئرحکومت سندھ صوبہ کے نوجوانوں کو تربیت فراہم کرنے کے سلسلے میں اپنی ذمہ داریاں بطریق احسن نبھا رہا ہے۔ نسل نو کو حصول مہارت کے مواقع کسی صورت ضائع نہیں کرنے چاہئیں ۔ ان خیالات کا اظہار ڈین فیکلٹی آف سوشل سائنسز سندھ یونیورسٹی پروفیسر ڈاکٹر زرین عباسی نے گذشتہ روز محکمہ کھیل و امور نوجوانان سندھ اور سینٹر فار ریسرچ اینڈ سوشل ڈولپمنٹ کے اشتراک سے یوتھ ٹیکنالوجی انٹر پرینیور ورکشاپ کے شرکاء سے خطاب کرتے ہوئے کیا ۔ اس موقع پر ڈائریکٹر پاکستان اسٹڈی سینٹر ڈاکٹر شجاع احمد مہیسر ، ٹرینر ثاقب رضا،کے شاہد امین ،ڈائریکٹر ایریا اسٹڈی سینٹر ، پروفیسر ڈاکٹر شبیر میمن،چیئر مین ماس کمیونیکشن ڈپارٹمنٹ ،پروفیسر ڈاکٹر عنبرین خاصخیلی،چیئر پرسن اکنامکس ڈپارٹمنٹ،معشوق علی خواجہ ،پروفیسر ڈاکٹر فرزانہ بلوچ،ڈاکٹر ذوالفقار قریشی،عشرت برفت،سرفراز بخش،جاوید لارک و دیگر نے بھی خطاب کیا ورکشاپ کی چیف آرگنائزر ریما سیال جبکہ آرگنائزنگ کمیٹی ارکان میں اسد وسیم،مشتاق احمد اور ایاز چنا شامل تھے ۔اس موقع پر صدر نشیں سیکریٹری اسپورٹس و یوتھ افیئرز سندھ سید امتیاز علی شاہ کا پیغام پڑھ کر سنایا گیا ۔انہوں نے کہا کہ ہمارا ڈپارٹمنٹ صوبہ بھر کے نوجوانوں کی ترقی کے لئے مکمل معاونت اور رہنمائی فراہم کر رہا ہے ۔ہماری کوشش ہے کہ صوبہ کا کوئی بھی نوجوان جو خدمت وطن کیلئے جذبہ رکھتا ہے اسے ہر طرح کا تعاون دیا جائے ۔سید امتیاز علی شاہ نے پیغام میں کہا کہ ہمارانوجوان نہ صرف بہتر مستقبل کی قیادت کا اہل ہے بلکہ وہ دنیا کے کسی بھی ملک کے نمائندگان نسل نو سے مقابلہ کی بھر پور صلاحیت رکھتا ہے ۔ضرورت اس امر کی ہے کہ اسے اعلیٰ تعلیم کے ساتھ ساتھ تربیت کے شاندار مواقع فراہم کئے جائیں، شاہد امین نے کہا کہ سندھ کی یوتھ پالیسی میں پروموشن آف انٹر پرینیور شپ اور سیلف ایمپلائمنٹ کو خصوصی اہمیت دی گئی ہے ۔سینٹر فار ریسرچ اینڈ سوشل ڈیولپمنٹ نے ان ہی نکات کو مد نظر رکھتے ہوئے محکمہ کھیل و امور نوجوانان کے باہمی اشتراک و تعاون سے اس طرح کی ورکشاپس کا اہتمام تعلیمی اداروں میں مسلسل جاری رکھا ہوا ہے ۔ ورکشاپ کے شرکاء کو بتایا گیا کہ ٹیکنالوجی بیسڈ نجی کمپنی کا آغاز کس طرح کیا جا سکتا ہے ، کاروباری منصوبے بنانے کا طریقہ کار کیا ہے ،چھوٹی سی فرم قائم کرنے کے لئے کیا اقدامات ناگزیر ہوتے ہیں،پراڈکٹ یا سروسز کو کس طرح منتخب اور مارکیٹ کیا جاسکتا ہے ،مارکیٹ کا تجزیہ کس طرح سے کیا جانا چاہیے ،جز وقتی ، کل وقتی چھوٹے عرصہ اور لمبے وقت کے لئے تجارتی حکمت عملی کس طرح وضع کی جانی چاہیے ،کارو بار میں کس طرح کے رسک آسکتے ہیں اور ان سے کس اندا ز میں نبر آزما ہونا ہے ،ملکی و گلوبل معاشی حالات کے مطابق مشکلات کا سامنا کرتے ہوئے فرم کو کس طرح چلانا ہے ،تادیر کاروبار جاری رکھنے کے لئے ٹیم بلڈنگ کے اقدامات کیا ہونے چاہئیں ،رقوم کا انتظام کہاں سے اور کس طرح کرنا ہوگا ، مالیاتی اقدامات کس طرح مرتب کرنے ہوں گے وغیرہ۔ تکمیل ورکشاپ کے بعد شریک طلباء و طالبات کو سرٹیفیکٹس اور مہمانان گرامی کو یادگاری شیلڈز پیش کی گئی ۔

الائیڈ بینک کو آئی ٹی ترسیلات زر کی سہولت فراہم کرنے کی اجازت


ABL (1) October 20, 2019 | 11:43 PM

بینک پاکستانی فری لانسرز کو ترسیل زر کی خدمات انٹرگیرو سے اشتراک کیساتھ فراہم کریگا
کراچی:(نیوزآن لائن) اسٹیٹ بینک نے آئی ٹی ترسیلات زر کی سہولت فراہم کرنے کیلیے الائیڈ بینک لمیٹڈ کو پہلی اجازت دیدی۔ تفصیلات کے مطابق اسٹیٹ بینک آف پاکستان نے سویڈش کی فائنٹیک کمپنی کو پاکستان میں کاروباری سرگرمیوںکی اجازت دیدی ہے جس کے تحت پاکستانی فری لانسرز کو حقیقی وقت کی بنیاد پر ترسیلات وصول کرنے میں آسانی ہوگی۔ انٹرگیرو نے کیس لیس ڈیجیٹلائزڈ ادائیگیوں کیلیے ایک جامع منصوبہ تیار کیا ہے جس کا مقصد افراد اور کاروبار کو حقیقی وقت کی بنیاد پر بغیر کسی رکاوٹ کے لین دین کا اہل بناناہے۔ اگرچہ یہ اقدام ادائیگی کی دیگر مشکلات کو ختم کرتا ہے لیکن استعمال میں آسانی او ر لاگت سے مسابقت وہ دواہم فوائد ہیں جو ادائیگی کے حل کے نظارے کو تبدیل کردیں گے۔ ایس بی پی کے ذریعہ لائسنس الائیڈ بینک لمیٹڈ اے بی سیل کو دیا گیا ہے جو پاکستانی فری لانسرز کو ترسیل زرد کی خدمات اشتراک کیساتھ فراہم کرے گا انٹرگیرو انٹرنیشنل کے کنٹری منیجر محمد اویس خان نے کہا کہ یہ ترسیلات زرکا محفوظ ترین طریقہ ہے اور اس سے ترسیلات زر کی لاگت اور وقت کو کم کیا جاسکے گا۔ اس کے ذریعے پاکستانی ای کامرس اور آئی ٹی انڈسٹری کو فروغ حاصل ہوگا۔ انٹرگیرو پاکستانیوں سے باہر مقیم تیسری پارٹی کو پاکستان میں ہی ایک محفوظ آپشن دینا چاہتاہے جہاں ٹرانزیکشن کا تبادلہ تاخیر، مہنگا اور غیر محفوظ ہے کیونکہ فنڈز اور کھاتوںکو کبھی بھی بلاک کیا جاسکتا ہے جس سے وہ بے بس ہوجاتے ہیں۔ انہوںنے مزید کہا کہ ہم خدمات کے تمام چیلنجوں کا مقابلہ کرنے کیلیے تیار ہیں۔

سپوا کا احتجاج و دھرنا بدھ کو ہوگا۔


Dharna October 13, 2019 | 7:54 PM

سندھ پروسیکیوشن ویلفیئر ایسوسی ایشن کی اپیل پر تمام ضلعی اٹارنیز و پروسیکیوٹرز سندھ ہائی کورٹ سے سی ایم ہائوس مارچ کرکے دھرنا دیں گے
سپوا کے مطالبات میں تھری بیسک سیلری نوٹیفکیشن کا اجرائ، ضلعی اٹارنیز و پراسیکیوٹرز کی نامکمل عمارتوں کی تعمیر، سروس اسٹرکچر، اسٹاف پروموشن و دیگر شامل ہیں
کراچی: (نیوزآن لائن) سندھ پروسیکیوشن ویلفیئر ایسوسی ایشن (سپوا) کے صدر اقبال احمد سولنگی کے اعلامیے کے مطابق توہین عدالت کیس میں عدالت عالیہ کے حکم کے مطابق اگر سندھ حکومت نوٹیفکیشن جمع نہیں کراتی تو ہائیکورٹ سے بدھ 16 اکتوبر کو دوپہر 12 بجے سی ایم ہائوس کی جانب سندھ کے تمام ضلعی اٹارنیز، پراسیکیوٹرز و سینٹرل اسٹاف کا اپنے حقوق کیلئے احتجاجی مارچ وسی ایم ہائوس پر دھرنا ہوگا۔ سپوا کے صدر کے مطابق پروسیکیوشن ڈیپارٹمنٹ و اٹارنیز کے مطالبات میں سندھ ہائی کورٹ کے 25 اگست 2018 کے فیصلے کے مطابق تھری بیسک سیلری کے نوٹیفکیشن کے اجراء کے علاوہ تمام ضلعی اٹارنیز، پروسیکیوٹرز کی نامکمل عمارات کی تعمیر، سروس اسٹرکچر و اسٹاف کا پروموشن جیسے مطالبات شامل ہیں جو کہ ایک عرصہ سے تمام تر سعی و جہد کے باوجود حل طلب ہیں۔ سپوا کے عہدیداران نے سندھ کے تمام ضلعی اٹارنیز، پروسیکیوٹرز و اسٹاف ممبران کو ہدایات کی ہے کہ وہ بدھ 16 اکتوبر کو ہائی کورٹ میں اپنی موجودگی یقینی بنائیں تاکہ کامیاب مارچ و دھرنا کے ذریعے اپنے جائز مطالبات کی تکمیل ممکن ہوسکے۔

سندھ میں کام کرنے والی تیل اور گیس کی کمپنیاں جن علاقوں سے تیل اور گیس نکال رہی ہیں ، امتیاز احمد شیخ


oil and gas September 29, 2019 | 2:46 PM

کارپوریٹ سوشل رسپانسیبلیٹی کے تحت وہاں کے مقامی لوگوں کو روزگار،تربیت اور اس علاقے کی ترقی کے لئے کئے گئے اقدامات کی تفصیلات پیش کریں۔وزیر توانائی سندھ امتیاز احمد شیخ کے احکامات۔
کراچی :( نیوزآن لائن)سندھ کے وزیر توانائی امتیاز احمد شیخ نے صوبے کے مختلف اضلاع میں تیل اور گیس نکالنے والی کمپنیوں سے جن علاقوں سے یہ کمپنیاں تیل اور گیس نکال رھی ھیں ،کمپنیوں کی جانب سے ان علاقوں کی ترقی،وہاں کے لوگوں کی تعلیم و تربیت اور انہیں ملازمتوں کی فراھمی کی تفصیلات طلب کرلی ھیں اور پوچھا ھے کہ اس ضمن میں آئل اینڈ گیس کمپنیاں اپنی قانونی زمہ داریاں کس حد تک پوری کررھی ھیں۔ اس سلسلے میں وزیر توانائی سندھ نے محکمہ توانائی کے افسران کو ھدایات دی ھیں کہ صوبے میں تیل اور گیس نکالنے والی کمپنیوں کو حکومت کی جانب سے جاری کردہ پیٹرولیم کنسیشن ایگریمنٹ جو کہ ان کمپنیوں کے کام کرنے کے لئے لائسنس کا درجہ رکھتا ھے کے تحت ان علاقوں جہاں سے تیل اور گیس نکالا جارہا ھے وہاں کارپوریٹ سوشل رسپانسیبلیٹی کے قانون کی رو سے متعلقہ علاقے کی ترقی،وہاں کے مقامی لوگوں کو روزگار کی فراھمی اور وہاںتعلیم وتر بیت کے لئے اٹھائے گئے اقدامات کی تفصیلات طلب کی جائیں۔ انہوں نے ھدایات دیں کہ سندھ میں تیل اور گیس نکالنے والی تمام کمپنیوں کا اجلاس طلب کرکے ان سے اس سلسلے میں آئندہ اٹھائے جانے والے اقدامات کے بارے میں آگاھی بھی لی جائے۔انہوں نے کہا کہ حکومت کا فرض ھے کہ وہ صوبے میں کام کرنے والی کمپنیوں سے صوبے کے عوام کے لئے کئے جانے والے اقدامات کو یقینی بنانے کے لئے گہری نظر رکھے کیونکہ یہ ان کمپنیوں کی قانونی زمہ داری ہے۔

پاکستان نے فنانشل ایکشن ٹاسک فورس کی سفارشات پر عملدرآمد کے تحت نئی نیشنل رسک اسیسمنٹ رپورٹ تیارلرلی


fatf September 29, 2019 | 2:25 PM

اسلام آباد:(نیوزآن لائن)پاکستان نے فنانشل ایکشن ٹاسک فورس (ایف اے ٹی ایف) کی سفارشات پر عملدرآمد کے تحت ٹیررازم اور ٹیرر فنانسنگ کے خطرات اور ان سے نمٹنے کے حوالے سے نئی نیشنل رسک اسیسمنٹ رپورٹ تیار کرکے فیٹف کو بھجوادی۔پاکستان اور فیٹف کے درمیان مذاکرات آٹھ اکتوبر سے پیرس میں شروع ہونگے اس سے قبل پاکستان کی ٹیکنیکل ٹیم چین اور ملائشیا جائیگی اور فیٹف میں پاکستان کی حمایت کے حصول کیلئے ان ممالک سے جامع تبادلہ خیال کریگی۔فیٹف ٹیم کیساتھ مذاکرات کرنیوالی ٹیم میں شامل وزارت خزانہ کے سینئر افسر نے ایکسپریسکو بتایا کہ پاکستان نے اقوام متحدہ کے ادارہ برائے ڈرگ اینڈ کرائمز(یو این او ڈی سی)کے تعاون سے نئی نیشنل رسک اسیسمنٹ سٹڈی مکمل کرلی ہے۔ نئی نیشنل رسک اسیسمنٹ سٹڈی میں منی لانڈرنگ و ٹیررازم فنانسنگ کی روک تھام کیلیے ریگولیٹری رجیم کو بھی مزید مضبوط و موثر بنایا گیا ہے اور قوانین کو سخت بنا کر سزائوں میں اضافہ کیا گیاہے۔

ٹیکسز کی وصولی کی صورتحال کو مزید بہتر کرنے کے لئے اقدامات کئے جائیں۔ مکیش کمار چاولہ


excise and taxation government of sindh September 22, 2019 | 6:26 PM

کراچی:(نیوزآن لائن) صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چاولہ کی صدارت میں صوبے بھر ٹیکس وصولی کی مجموعی صورتحال اور ٹیکس وصولی میں تیزی لانے کے لئے ایک اجلاس منعقد کیا گیا۔ اجلاس میں سیکریٹری ایکسائز اینڈ ٹیکسیشن و انسداد منشیات عبد الحلیم شیخ، ڈائریکٹر جنزلز شبیر احمد شیخ اور شعیب احمد صدیقی سمیت دیگر افسران نے بھی شرکت کی۔ اجلاس کو بریفننگ دیتے ہوئے ڈائریکٹر جنرل ایکسائز اینڈ ٹیکسیشن شبیر احمد شیخ نے بتایا کہ محکمہ ایکسائز سندھ موٹر وہیکل ٹیکس، انفراسٹرکچر سیس، پروفیشنل ٹیکس، کاٹن فیس، پراپرٹی ٹیکس، انٹرٹینمنٹ ڈیوٹی وغیرہ کی مد میں ٹیکس وصول کرتا ہے اور رواں مالی سال کے دوران ماہ جولائی اور اگست میں مجموعی طور پر 12172.986 ملین روپے وصول کئے گئے ہیں۔ اس موقع پر خطاب کرتے ہوئے صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چاولہ نے کہا کہ ٹیکسز کی وصولی میں محکمہ ایکسائز سندھ کی کارکردگی قابل ستائش رہی ہے اور گزشتہ مالی سال کے دوران بھی محکمے نے سو فیصد سے زائد ٹیکسز وصول کئے اور اس مرتبہ بھی یہ کوشش کی جائے کہ ہماری کارکردگی اور ٹیکسز کی وصولی گزشتہ سال سے بھی بہتر رہے۔ انہوں نے کہا کہ صوبے کی ترقی کا دارومدار ٹیکسز کی بروقت اور صحیح وصولی پر ہوتا ہے اور یہ افسران کی ذمداری ہے کہ وہ اپنے اہداف بروقت اور ایمانداری سے حاصل کریں۔ اس موقع پر ڈائریکٹر جنرل نارکوٹکس شعیب احمد صدیقی نے صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چاولہ کو محکمہ نارکوٹکس کو فعال بنانے سے متعلق اقدامات سے متعلق بریفننگ دی جس پر صوبائی وزیر مکیش کمار چاولہ نے اپنے اطمینان کا اظہار کرتے ہوئے اس شعبے کو مذید فعال بنانے پر زور دیا۔

حکومت ٹیکسوں کے معاملے پر کسی سے بھی سودے بازی نہیںکریگی۔مشیر خزانہ عبدالحفیظ شیخ


hafeez shiekh September 15, 2019 | 9:02 PM

اسلام آباد:(نیوزآن لائن) مشیر خزانہ عبدالحفیظ شیخ کا کہنا ہے کہ ملک کا امیر طبقہ ٹیکسز دینے میں بہت کمزور ہے لیکنحکومت ٹیکسوں کے معاملے پر کسی سے بھی سودے بازی نہیںکریگی۔اسلام آباد میں پریس کانفرنس کے دوران مشیر خزانہ نے کہا کہ، حکومت نے فوری طور پر معاشی اصلاحات کے ذریعے اقتصادی صورت حال کو بہتر کیا، حکومت کے اخراجات کم اور دفاع کا بجٹ منجمد کیا، کرنٹ اکاونٹ خسارے میں 73فی صد کمی کی گئی،را کام پاکستان کے عوام کے لئے ہے، پاکستان کے لئے ہم دنیا کی ہر طاقت کے سامنے کھڑے ہونے کے لئے تیار ہیں۔ ریونیو اکھٹا کرنے کی کوشش کررہے ہیں تاکہ بیرونی قرض نہ لینا پڑے، رواں سال جولائی اور اگست میں 580ارب ٹیکس جمع کیا گیا جب کہ گزشتہ مالی اسی دورانیے میں 509ارب روپے ٹیکس جمع کیا گیا تھا۔ پچھلے سال کے مقابلے میں جولائی میں ایکسپورٹ میں اضافہ اور امپورٹ میں کمی ہوئی ہے۔عبدالحفیظ شیخ کا کہنا تھا کہکستان میں ٹیکس فائلرز کی تعداد 25لاکھ ہوگئی ہے، ایف بی آر میں 6 لاکھ ٹیکس دہندگان کو رجسٹر کیا گیا اور اسے مزید بڑھایاجائیگا، ایسا پروگرام متعارف کرا رہے ہیں جس میں ایکسپورٹرز کو فوری ری فنڈ ملے گا،آئندہ سے ہر مہینے کی 16 تاریخ کو ٹیکس ریفنڈ ہوجایا کرے گا۔انہو ں نے مزید کہا کہ ایکس چینج ریٹ بہتر ہوا ہے جس کے باعث جون اورجولائی کے دوران روپے کی قدر بڑھی۔ روپے کی قدر اب مستحکم ہے،اسٹاک مارکیٹ بھی اب بہتر ہے۔ ملک میں اداروں کو بہتر انداز میں چلانے کی کوشش کررہے ہیں، شفاف انداز میں اداروں کی نجکاری چاہتے ہیں، پبلک سیکٹر میں نہ چل سکنے والے ادارے نجی شعبے کو دینے کا فیصلہ کیا ہے، اس سلسلے میں 10 نئی کمپنیوں کی نجکاری کے لیے اشتہار دے دیے گئے ہیں۔

معیشت میں استحکام لانا ہماری ترجیح ہے، سارے مسائل کا حل اسٹیٹ بینک کے پاس نہیں ہے۔ گورنر اسٹیٹ بینک


governer state bank of pakistan September 8, 2019 | 12:46 PM

لاہور:(نیوزآن لائن) اسٹیٹ بینک آف پاکستان کے گورنر رضا باقر نے کہا ہے کہ معیشت میں استحکام لانا ہماری ترجیح ہے،سارے مسائل کا حل اسٹیٹ بینک کے پاس نہیں ہے۔ فیڈریشن آف پاکستان چیمبرز آف کامرس اینڈ انڈسٹری(ایف پی سی سی آئی) ریجنل آفس لاہور میں ریجنل چیئرمین عبدالروف مختار کی سربراہی میں کاروباری برادری کے ساتھ ملاقات میں انہوں نے کہا کہ ہم چاہتے ہیں نجی شعبہ کا کاروبار بڑھے،منافع بڑھے اور روزگار میں بھی اضافہ ہو۔ نجی شعبہ کو اصول وضوابط کے مطابق کام کرنا چاہیے۔ مقابلہ کے رجحان کو برقرار رکھنا ہماری ترجیح ہے، اس کے بغیر ترقی نہیں ہو سکتی۔افراط زرکو کنٹرول کرنا سٹیٹ بنک آف پاکستان کا کام ہے۔گورنر اسٹیٹ بینک نے کہا کہ ایکسچینج ریٹ کو مارکیٹ سسٹم میں لایا گیا ہے جو پہلے فکس تھا۔ ایکسچینج ریٹ کی پالیسی کو بناتے وقت سپلائی اور ڈیمانڈ کا خیال رکھا جاتا ہے۔گزشتہ سالوں میں جب بھی تجارتی خسارہ بڑھا۔انہوں نے کہا کہ کاروبار میں پائیدار گروتھ لانا ہماری ترجیح ہے۔6ماہ سے پہلے کی صورتحال سے اب حالات بہتر ہیں۔ ریفارمز لائے ہیں،آئی ایم ایف سے معاہدہ کیا ہے، آئی ایم ایف کی وجہ سے غلط چیزیں نہیں ہوتیں۔ سارے مسائل کا حل سٹیٹ بنک کے پاس نہیں ہے۔رضا باقر نے کہا کہ ایکسپورٹ اور ایس ایم ای سے متعلق پالیسی لا سکتے ہیں، کاروباری برادری کواگر بینکوں کی وجہ سے کوئی بھی دقت ہے، سٹیٹ بنک ان کو حل کرے گا۔

معیشت کے بہتری کیلئے جامع حکمت عملی تیار کی جا رہی ہے۔مشیر خزانہ عبدالحفیظ شیخ


abdul hafeez sheikh August 25, 2019 | 5:48 PM

اسلام آباد:(نیوزآن لائن ) مشیر خزانہ عبدالحفیظ شیخ نے کہا ہے کہ معیشت کے بہتری کیلئے جامع حکمت عملی تیار کی جا رہی ہے تاکہ عوام کی بہتری کے لئے اہم فیصلے کئے جا سکیں گئے۔اسلام آباد میں وزیراعظم عمران خان کے ساتھ معاشی ٹیم کی ملاقات کے بعد پریس کانفرنس سے خطاب کرتے ہوئے انہوں نے کہا کہ اس جامع حکمت عملی کے تحت معاشی ٹیم وزیراعظم کو ہفتہ وار بنیاد پر اہم فیصلوں سے آگاہ کرے گی۔عبدالحفیظ شیخ نے کہا کہ اس ملاقات کا مقصد معیشت کا جائزہ لینا اور ترقیاتی منصوبوں اور بجٹ میں مختص کی گئی رقم کے ذریعے عام آدمی تک اس کے ثمرات پہنچانے کیلئے منصوبہ وضع کرنا تھا۔انہوں نے کہا کہ وزیراعظم نے ہدایت کی ہے کہ ثمرات کو معاشرے کی نچلی سطح تک منتقل کرنے کیلئے بڑے منصوبے جلد مکمل کئے جائیں۔عبدالحفیظ شیخ نے کہا کہ ملاقات میں یہ فیصلہ بھی کیا گیا کہ تاجربرادری کو بجلی کی فراہمی، گیس میں اعانت اور قرضے کی سہولت میں آسانی سے متعلق امور پر اعتماد میں لیا جائے۔

ٹیکس چوروں کا پاکستان میں اب کوئی مستقبل نہیں ہے،دانش عارف پٹیل


danish arif patel August 18, 2019 | 10:37 PM

آل پاکستان ٹمبر ٹریڈرز ایسوسی ایشن کے چیئرمین شرجیل گوپلانی، صابر بنگش، عاطف شیخ، فاروق گھانچی، انصار بیگ قادری، احمد شمسی، زبیر علی خان اور دیگر موجو د تھے
کراچی (نیوزآن لائن) معروف چارٹرڈ اکاؤنٹنٹ دانش عارف پٹیل نے کہا ہے کہ فنانس بل کے بعد تاجر برادری کی تمام لین دین پر فیڈرل بورڈ آف ریونیو (ایف بی آر) کی نظر رہے گی، یکم جولائی کے بعد سے تمام چیزوں کی معلومات ایف بی آر کو ملنا شروع ہو گئی ہے، ٹیکس چوروں کا پاکستان میں اب کوئی مستقبل نہیں ہے،ا یف بی آر میں افسران کی اکھاڑ پچھاڑ کا سلسلہ جاری ہے ایف بی آر میں اصلاحات ہو رہی ہیں اس سے تاجر برادری کو ایف بی آر سے جو خدشات ہیں وہ دور ہوں گے ان خیالات کا اظہار انہوں نے گزشتہ روز آل پاکستان ٹمبر ٹریڈرز ایسوسی ایشن کی جانب سے نئے ٹیکس نظام کے حوالے سے منعقدہ تقریب میں تاجروں سے کیا اس موقع پر آل پاکستان ٹمبر ٹریڈرز ایسوسی ایشن کے چیئرمین شرجیل گوپلانی، صابر بنگش، عاطف شیخ، فاروق گھانچی، انصار بیگ قادری، احمد شمسی، زبیر علی خان اور دیگر موجو د تھے دانش عارف پٹیل نے کہا کہ فنانس بل کے تحت پاکستان میں 4 ماہ گزارنے والے شخص کو بھی ٹیکس ادا کرنا ہوگا اس قانون کے تحت وہ لوگ جو دگنی نیشنلٹی رکھتے ہیں وہ بھی ٹیکس نیٹ میں آجائیںگے انہوں نے کہا کہ پاکستان میں 22ہزار جیولرز میں سے صرف چند سو ٹیکس ادا کرتے ہیں ایسا نہیں ہونا چاہئے ٹیکس میں اضافے کے لئے تاجر برادری کو تعاون کرنا چاہئے انہوں نے کہا کہ اکتوبر کے بعد حکومت کو کچھ سیکٹر کو رلیف دینا ہوگا اگر نہیں کیا گیا معیشت مزید مشکلات سے دوچار ہوگی انہوں نے کہا کہ تاجر برادری کو اب نوٹس کا سلسلہ بند ہوجائے گا اور اگر کسی کو نوٹس آیا تو پہلے کی طرح وہ فائلوں کے نیچے نہیں دبے گا کیونکہ نوٹس جاری کرنے والے افسران مکمل تحقیقات کے بعد نوٹس جاری کریں گے انہوں نے کہا کہ تاجر برادری کو ٹیکس کی ادائیگی کے لئے پلاننگ آخری دنوں میں نہیں کرنی چاہئے اس کی سارا سال تیاری چاہئے اس سے تاجر برادری کو فائدہ ہوگا کیونکہ نئے قانون کے تحت ٹیکس کی ادائیگی کرنے والے تاجروں کو پریشان نہیں کر سکیں گے اس موقع پر آل پاکستان ٹمبر ٹریڈرز ایسوسی ایشن کے چیئرمین شرجیل گوپلانی نے کہا کہ تاجر برادری ٹیکس کے دائرے کار میں اضافے کے لئے ہر قسم کا تعاون جاری رکھے گی ہم چاہئے ہیں پاکستان مین ٹیکس کلچر پروان چڑھے اور حکومت اپنے پاوں پر کھڑی ہو۔

سندھ حکومت کی اضافی کرایون کے خلاف صوبے میں کارروائی


sindh information  logo August 18, 2019 | 10:32 PM

سندھ حکومت کی اضافی کرایون کے خلاف صوبے میں کارروائی 2 لاکھ 8 ھزارروپے مسافروں کو اضافی کرایہ واپس, ایک لاکھ روپے جرمانہ کیا گیا.اویس قادر شاہ
اویس شاہ کا سیکریٹری ٹرانسپورٹ کو اضافی کرایون کے خلاف کارروائی نہ کرنے پر عمرکوٹ,کشمور کندھکوٹ, جیکب آباد اور گھو ٹکی کے ریجنل سیکریٹریز کو شوکاز نوٹس جاری کرنے کا حکم
ضافی کرایون کیخلاف عوام ریجنل سیکریٹری ٹرانسپورٹ, موٹروے پولیس اور ٹریفک پولیس کو شکایت درج کروائے فورن کارروائی ہوگی.اویس قاد ر شاہ
کراچی:(نیوزآن لائن)سندھ حکومت کی عید کی چھٹیوں کے بعد مسافروں کی واپسی پر ٹرانسپورٹ مافیہ کی جانب سے مسافرون سے زیادہ کرایہ لینے پر صوبے بھر میں کارروائی, وزیرٹرانسپورٹ اویس شاہ نے مزید اپنے بیان میں کہا ہے کہ 2 لاکھ 8 ھزار روپے مسافر وں کو اضافی کرایہ واپس کروایاگیا اور اضافی کرایہ لینے والی مسافر گاڑیون کاایک لاکھ روپے جرمانہ کیا گیا, کارروائی حیدرآباد, سانگھڑ,سکھر,لاڑکانہ,شکارپور, میرپور خاص, ٹھٹہ, نوابشاہ, بدین, سکھر میں کی گئی.اویس قادر شاہ نے کہاکہ مسافرون سے اضافی کرایہ لینے والی دس مسافر گاڑیون کی روٹ پرمٹ بھی منسوخ کردی گئی ہے, اضافی کرایون کیخلاف کارروا ئی نہ کرنے پر عمرکوٹ, کشمور کندھکوٹ, جیکب آباد اور گھو ٹکی کے ریجنل سیکریٹریز کو شوکاز نوٹس جاری کرنے کیلیے سیکریٹری ٹرانسپورٹ کو احکا مات جاری کردیے گئے ہیں,اضافی کرایون کیخلاف عوام ریجنل سیکریٹری ٹرانسپورٹ, موٹروے پولیس اور ٹریفک پولیس کو شکایت درج کروائے فورن کارروائی ہوگی.

گزشتہ ہفتے کے دوران مہنگائی اوسط شرح0.64 فیصد اضافہ کے ساتھ بڑھ کر 19.01فیصد تک جا پہنچی


bazar August 18, 2019 | 5:12 PM

اسلام آباد:(نیوزآن لائن)حساس قیمتوں کے اعشاریہ(ایس پی آئی )کے مطابق گزشتہ ہفتے کے دوران مہنگائی اوسط شرح0.64 فیصد اضافہ کے ساتھ بڑھ کر 19.01فیصد تک پہنچ گئی جبکہ ڈبل روٹی، آلو، چکن،گھی،چینی اور دالوں سمیت 24اشیائے ضرورت کی قیمتوں میں اضافہ، ٹماٹر،پیاز اور لہسن سمیت 6اشیائے ضرورت کی قیمتوں میں کمی واقع ہوئی جبکہ 23 اشیائے ضرورت کی قیمتیں مستحکم رہی ہیں۔فاقی ادارے شماریات کے مطابق گزشتہ ہفتے کے دوران 8ہزار روپے تک کی آمدنی رکھنے والے طبقے کے لیے مہنگائی کی شرح 0.57فیصد اضافے کے ساتھ15.58 فیصد، 8ہزار ایک روپے12 ہزار روپے تک کی آمدنی رکھنے والے طبقے کیلیے مہنگائی کی شرح0.61 فیصد اضافے کے ساتھ17.04 فیصد، 12ہزار ایک روپے سے 18 ہزار روپے تک کی آمدنی رکھنے والے طبقے کیلیے مہنگائی کی شرح 0.64 فیصد اضافے کے ساتھ17.22 فیصد، 18ہزار ایک روپے سے 35ہزار روپے تک کی آمدنی رکھنے والے طبقے کے لیے مہنگائی کی شرح 064فیصد اضافے کے ساتھ 19.35 فیصد، جبکہ 35ہزار ایک روپے سے زائد آمدنی رکھنے والے طبقے کیلیے مہنگائی کی شرح0.64 فیصد اضافے کے ساتھ21.95 فیصد اضافہ ہوا ہے۔

حکومت کے نااہل مشیروں نے کاروبارتباہ کرکے رکھ دیاہے۔الیاس میمن


All Karachi anjuman e Tajran August 4, 2019 | 4:44 PM

کراچی: (نیوزآن لائن)آل کراچی انجمن تاجران اتحادکے صدرالیاس میمن نے پاکستان کی بگڑتی ہوئی معاشی صورت حال پرافسوس کااظہارکیاہے۔انہوںنے کہاتاجربرادری آج جتنے عدم تحفظ کاشکارہے اس سے پہلے کبھی نہیں تھی۔ حکومت کے نااہل مشیروں نے کاروبارتباہ کرکے رکھ دیاہے،کپڑے ،چمڑے سمیت بیشترصنعتیں بندہوتی جارہی ہیں،مارکیٹیں ویران ہیں،تاجرساراسارادن دکانوں پرہاتھ پرہاتھ دھرے بیٹھے رہتے ہیں،پیسے کی رولنگ کاروبارنہ ہونے کی وجہ سے کمزورہورہی ہے۔ٹیکس پالیسی کی وجہ سے بزنس کمیونٹی حکومت سے ناراض ہے۔ایف بی آرکے نئے نئے احکامات تاجروں کے خلاف اعلان جنگ کے مترادف ہیں۔حکومت کو صورت حال کاٹھنڈے دل سے جائزہ لینا چاہیے ۔پاکستان کوسب سے زیادہ ٹیکس دے کر چلانے والے کراچی کے لئے وزیراعظم عمران خان کے پاس بالکل وقت نہیںہے ،نہ وہ کراچی کے تاجروں سے ملاقات کرتے ہیں،نہ ان کے مسائل ومشکلات جاننے کی ضرورت محسوس کرتے ہیں۔ان حالات میں تاجروں کے پاس سوائے مزاحمت اور احتجاج کے کوئی اور راستہ نہیں بچتاہے،جسے اختیارکرناہماراقانونی حق ہے۔

صوبے میں پبلک ٹرانسپورٹ کے کرائے طے کرنے کہ لیے سیکریٹری ٹرانسپورٹ کی سربراہی میں کمیٹی قائم کردی گئی,اویس شاہ


karachi transport July 29, 2019 | 7:56 PM

کمیٹی گڈز ٹرانسپورٹ,پبلک اور چنگچی رکشہ کا کرایہ طے کرے گی,وزیرٹرانسپورٹ سندھ
سی این جی اور پیٹرول مصنوعات کی قیمتوں میں اضافے کا فیصلہ واپس لیا جائے,سندھ حکومت اور ٹرانسپورٹرز کا مطالبہ
کراچی:(نیوزآن لائن) سندھ کے وزیر ٹرانسپورٹ اویس شاہ کا بارش کے دوران اور اندھیرے میں بھی صوبے کے تمام ٹرانسپو رٹرز کے ساتھ کرایوں کا تعین اور مسائل حل کرنے کہ متعلق اہم اجلاس سندھ اسمبلی کے کمیٹی روم میں منعقد ہوا, اجلاس میں سیکریٹری ٹرانسپو رٹ, ریجنلز سیکریٹریز اور صوبے کے تمام ٹرانسپورٹرز, چنگچی رکشہ ایسوسیئیشن کے عہدیداران بھی شریک ہوئے. اجلاس میں پبلک ٹرانسپورٹ کے کرائے طے کرنے کہ لییسیکریٹری ٹرانسپورٹ کی سربراہی میں کمیٹی قائم کردی گئی, کمیٹی میں محکمہ ٹرانسپورٹ کے افسران اور صوبے کے تمام ٹرانسپورٹ تنظیموں کے عہدید اران ممبر ہونگیں.اس موقعی پر وزیر ٹرانسپورٹ اویس شاہ نے کمیٹی گڈز ٹرانسپورٹ, پبلک اور چنگچی رکشہ کا کرایہ طے کرے گی, سندھ حکومت عوام پر مزید بوجھ نہیں ڈالنا چاہتی, عوام کی رائے لیے بنا کرایوں میں اضافہ نہیں کیا جائیگا, سی این جی اور پیٹرول مصنوعات میں اضافیکی وجہ سے ٹرانسپو رٹرز نے ابھی تک کرایوں میں اضافہ نہیں کیا, وفاقی حکومت سے مطابہ کرتے ہیں کہ سی این جی اور پیٹرول مصنوعات کی قیمتوں میں اضافے کا فیصلہ واپس لیا جائے,وفاق ہر دوسرے روزرات کے اندہیرے میں قیمتیں بڑہارہی ہے, وفاق کو عوام کی کوئی فکر نہیں ہے. انہون نے کہا کہ سندہ حکومت کا ٹرانسپورٹرز کیساتھ پہلااجلاس ہے, ٹرانسپو رٹرز مسافر گاڑیون میں سی این جی سلینڈر نہیں لگائیں گے, عدالتی حکم کے خلاف ورزی کرنے والوں کے خلاف سخت قانونی کارروائی کی جائے گی. اویس شاہ نے اجلاس میں تمام ٹرانسپورٹرز اور بس مالکان کو خبردار کیا کے عید قربان کے دنوں کوئی بھی ٹرانسپورز کرایوں میں اضافہ نہیں کریگا, اضافہ کرنے والوں کے روٹ پرمٹ منسوخ اور گاڑی بند کی جائے گی,ٹرانسپورزوفاق کی سزا سندھ کی عوام کو نہ دیں, سی این جی اور پیٹرولیم مصنو عات کی قیمتوں میں وفاقی حکومت نے اضافہ کیا ہے, ٹرانسپورٹ چلانا مشکل ہورہا ہے ہمیں ٹرانسپورٹرز کی مشکلات کا احساس ہے,آئندہ کسی بھی ٹرانسپورٹرز کو ٹریفک پولیس اور افسران تنگ نہیں کرینگے, کراچی ٹرانسپورٹ اتحاد کے صدر ارشاد بخاری نے کہا کہ ہمیں خوشی ہیکہ سندھ حکو مت نے کرایوں میں اضافے اور دیگر مسائل کے لیے اجلاس بلایا,وفاق نے اتنی مھنگائی کرد ی ہے کہ اب بسین چلانا بھی مشکل ہوگیا ہے۔

فیڈریشن آف پاکستان چیمبرزآف کامر س اینڈ انڈسٹر ی کے صدر انجینئر داروخان اچکزئی ای سی او چیمبر آف کامرس اینڈ انڈسٹری کی ایگزیکٹو کمیٹی میں شرکت کیلئے استنبول روانہ


fpcci news July 28, 2019 | 4:25 PM

کراچی:(نیوزآن لائن)فیڈریشن آف پاکستان چیمبرزآف کامر س اینڈ انڈسٹر ی کے صدر انجینئر داروخاناچکزئی ای سی او چیمبر آف کامرس اینڈ انڈسٹری کی ایگزیکٹو کمیٹی میں شرکت کیلئے استنبول روانہ ہونگے۔ اس کمیٹی کا انعقاد 30-7-2019کو ہوگا جس میں ای سی او ممالک کے تمام قومی چیمبر ز کے سربراہان جن میںافغانستان،آزربائیجان،تاجکستان،ازبکستان،ترکمانستان،قازقستان،قرگزستان،پاکستان،ایران اور تر کی شرکت کریں گے۔
صدر ایف پی سی سی آئی ایگزکیٹو کمیٹی کی میٹنگ جو کہ انقرہ میں ٹی او بی بی کے تعاو ن سے منعقد کی جا رہی ہے سے خطاب کریں گے۔ اس وقت ای سی او،سی سی آئی،کی صدارت افغانستان جبکہ اس کا سیکریٹریٹ ٹی او بی بی کے پاس ہے۔ صدرایف پی سی سی آئی میں میٹنگ میں ای سی او ممالک کے مابین موجودہ تجا رتی مسائل کو اجاگر کریں گے ان میں ٹرانسپورٹ،سرمایہ کا ری،ثا لثی،سیاحت،معاشی تعاون تنظیم بر ائے آزاد تجا ر تی معاہدے چھوٹی اور درمیانے درجے کی صنعتوں کے مسائل خواتین کی کاروبا ری صلاحیت جیسے مسائل شامل ہیں۔ایگزیکٹو کمیٹی میٹنگ سے پہلے کمیٹی کی میٹنگز کا انعقاد ہوگا۔
ای سی او ممالک کی کل شرح نمو1.8ہے۔ اس کے علاوہ ای سی او،کا علاقائی تجارت کا حجم 64.6بلین ہے جو کہ دیگر علاقائی بلا کس کے مقابلے میں کم ہے۔ ای سی او کے ممبر ممالک کا عالمی تجارت میں 2%حصہ ہے۔ دس ای سی او،ممالک میں سے تین ممالک سمندری بندرگاہوں سے منسلک ہیں جبکہ بقیہ سات ممالک ہیں۔ صدر ایف پی سی س سی آئی پراجیکٹ سے متعلقہ معاشی مواقعوں کو بھی اجاگر کریں جو نہ صرف پاکستان کیلئے اہم ہے بلکہ پورے ای سی او خطے کیلئے بھی اہم ہے۔ صدرا ایف پی سی سی آئی،ای سی او خطے میں ذرائع نقل وحمل کی سہولیات کی بہتر ی پر بھی روشنی ڈالتے ہوئے ای سی او ٹرین پراجیکٹ کی ضرورت پر بھی زور دیں گے۔اس کے علاوہ صدر ایف پی سی سی آئی،ای سی او، ثالثی سینٹر کے ابتدائی عمل درآمد اور آپر یشنلا ئز یشن پر بھی تبا دلہ خیال کریں گے۔
صدر ایف پی سی سی آئی پاک ترکی جوائنٹ چیمبر آف کامرس جو کہ ایف پی سی سی آئی اور کے درمیان ایم او یو کے بعد وجود میں آیا کی پہلی میٹنگ میں بھی شرکت کریں گے۔دوطرفہ تجارت کا فروغ اور دونوں ممالک کے درمیان موجو دہ معاشی تعلقات اس میٹنگ کے اہم ایجنڈا ز میں شامل ہیں۔

جنوبی ایشیائی سیاست پر تصنیف کردہ انگریزی کتاب کی رونمائی


Pic-South Asia in Perspective July 28, 2019 | 4:03 PM

پاکستان کے لیے سماجی و اقتصادی ترقی کا حصول ملک کی بقا کا مسئلہ بن چکا ہے ۔ خواجہ عامر، مصنف
کراچی :( نیوزآ ن لائن): سماجی و اقتصادی ترقی کی عالمی دوڑ میں پاکستان سمیت تیسری دنیا کے ممالک کے لیے وقت تیزی سے ہاتھ سے نکلتا جارہا ہے اور آنے والے عشرے میں پسماندہ خطے جدید ٹیکنالوجی سے لیس ترقی یافتہ اقوام کی خوراک بن چکے ہوں گے۔ ان خیالات کا اظہار معروف انگریزی مصنف و تجزیہ کار جناب خواجہ عامر نے اپنی نئی کتاب “جنوبی اشیا کا علاقائی تناظرکی تقریب رونمائی میں کیا۔ اپنے خطاب میں کتاب کے مصنف خواجہ عامر نے کہا کہ پاکستان کے لیے سماجی و اقتصادی ترقی کا حصول ملک کی بقا کا مسئلہ بن چکا ہے جس کے لیے سیاسی استحکام ناگزیر ہے۔ خطہ جنوبی ایشیا کی بدلتی ہوئی سیاسی صورتحال اور سماجی و اقتصادی رویوں پر تصنیف کردہ کتاب “جنوبی اشیا کا علاقائی تناظر” 50مختلف مضامین کا پُر تحقیق، جامع و مفصل مجموعہ ہے جو اس سے قبل سائوتھ ایشیا نامی عالمی شہرت یافتہ انگریزی جریدے میں شائع ہوچکے ہیں۔ ان مضامین میں اعداد و شماراور موجودہ حقائق کی روشنی میں پاکستان ، انڈیاو بنگلا دیش سمیت پورے جنوبی ایشیا میں نمو پذیر سیاسی و معاشرتی رجحانا ت کا سیر حاصل جائزہ پیش کیا گیا ہے ۔ کتاب سیاسیات سے منسلک محققین، صحافی حضرات، طالب علموں و عام قاری کے لیے لا نہایت دلچسپ و آسان پیرائے میں لکھی گئی ہے۔ موجودہ کتاب خواجہ عامر کی تصنیف کردہ تیسری کتا ب ہے ۔ انگریزی مصنف خواجہ عامر نے اپنے صحافتی کیر ئیر کا آغاز مارننگ نیوز نامی اخبار سے کیا اور اس کے بعد عرب نیوزاور خلیج ٹائمز کے ساتھ منسلک رہے۔بعد ازاں انہوں نے ویکلی میگ اور ماہنامہ سائوتھ ایشیا کے لیے اپنی خدمات انجام دیںاور ایک طویل عرصے سول ایوی ایشن اتھارٹی کے شعبہ تعلقات عامہ کے ساتھ بھی منسلک رہے۔

ایسیٹ ڈکلیریشن اسکیم کی تاریخ میں 3 جولائی تک توسیع


Hafeez-Sheikh-1-750x369 June 30, 2019 | 8:26 PM

اسلام آباد:(نیوزآن لائن) حکومت نے اثاثے ظاہر کرنے کی اسکیم کی تاریخ میں 3 جولائی تک توسیع کر دی ہے ،مشیر خزانہ شیخ عبد الحفیظ نے کہا کہ ہم ایسیٹ ڈکلیریشن اسکیم کے آخری مراحل میں ہیں، شہریوں سے اپیل ہے اسکیم سے فائدہ ضرور اٹھائیں،تفصیلات کے مطابق اسلام آباد میں حکومت کی معاشی ٹیم نے نیوز کانفرنس کی، معاشی ٹیم میں مشیر خزانہ، وزیر مملکت حماد اظہر اور چیئرمین ایف بی آر شبر زیدی شامل تھے، مشیر خزانہ عبد الحفیظ شیخ نے کہا ہے کہ بجٹ کا محور پاکستان کے عوام ہیں، اللہ کا شکر ہے بجٹ اچھے انداز میں پاس ہوا، مشکل وقت سے نکلنے کے لیے اقدامات کیے جا رہے ہیں۔مشیر خزانہ نے کہا کہ اپنی جائیداد کو ٹیکس نیٹ میں لانے کا ایسیٹ ڈکلیریشن اسکیم آسان طریقہ ہے، بے نامی جائیداد کے لیے ایک قانون ہے جو کافی سخت سزاں پر مبنی ہے، ہم ایک کمیشن بنا رہے ہیں جو اسکیم کے بعد بے نامی جائیدادوں کے پیچھے جا سکتی ہے، اس لیے ایسیٹ ڈکلیریشن اسکیم سے فائدہ اٹھانے والوں کے لیے 3 روز بڑھا رہے ہیں۔
مشیر خزانہ نے کہا کہ حکومت آئی تو سرکلر ڈیٹ 31 ہزار ارب روپے تک پہنچ گیا تھا، امپورٹ پر 60 بلین ڈالر خرچ کر رہے تھے جب کہ ایکسپورٹ صرف 20 بلین ڈالر تھی، اس صورت حال میں سب سے پہلے سرکلر ڈیٹ کم کرنے کے لیے قدم اٹھائے گئے، امپورٹڈ اشیا پر ٹیرف لگائے گئے جنھیں بجٹ میں بھی برقرار رکھا گیا۔عبد الحفیظ نے کہا کہ کرنٹ اکانٹ خسارے کو ساڑھے 13 سے گرا کر 7 ملین ڈالر کرنے کا ہدف ہے، دوست ممالک کے ذریعے ہمیں 9.2 بلین ڈالرز ملے، سعودی عرب سے 3.2 بلین ڈالر کا تیل 3 سال کے ادھار پر لیا، قطر سے 3 بلین ڈالر کا معاہدہ ہوا۔مشیر خزانہ کا کہنا تھا کہ وفاقی حکومت نے اس سال بجٹ میں 50 ارب روپے کم کرنے کا فیصلہ کیا، تمام بڑے افسران کی تنخواہیں نہیں بڑھائی گئیں، کابینہ کے ممبران کی تنخواہ 10 فی صد کم کی گئی۔انھوں نے کہا کہ مسلح افواج کی لیڈر شپ نے بجٹ میں اضافہ نہ کرنے کا فیصلہ کیا، بجٹ میں اضافہ نہ کرنے پر جنرل قمر جاوید باجوہ کا شکریہ ادا کرتا ہوں، ہم سب نے مل کر ملک کی معیشت کو بہتر بنانا ہے۔مشیر خزانہ نے کہا کہ حکومت صرف کم زور طبقے پر پیسا خرچ کرے گی، خدا نخواستہ بجلی کی قیمت بڑھے تو 300 یونٹ استعمال کرنے والوں پر بوجھ نہیں ڈالا جائے گا، 300 یونٹ تک استعمال کرنے والے صارفین کے لیے 216 ارب روپے رکھے ہیں۔ دہشت گردی کا سامنا کرنے والے قبائلی علاقے کے لوگوں کے لیے 152 ارب روپے رکھے ہیں۔عبد الحفیظ شیخ کا کہنا تھا کہ انڈسٹریلسٹ کو بجلی، گیس اور قرضوں کے لیے حکومت سبسڈی فراہم کرے گی، صنعت کار کے لیے خام مال کی امپورٹ پر بھی ٹیکس صفر کیا جائے گا، حکومت نے خام مال کی ٹیرف لائن سے ٹیکس ختم کر دیا ہے، انڈسٹریز کے لیے کسی ایکسپورٹ پر ٹیکس نہیں لگے گا، انڈسٹریز سے کہا ہے کپڑا پاکستانی مارکیٹ میں بیچیں گے تو اس پر ٹیکس دینا ہوگا، 1800 ارب کپڑا ایکسپورٹ پر ہمیں 6 ارب کا ٹیکس ملتا ہے۔انھوں نے یہ بھی کہا کہ معیشت کی بہتری کے لیے سخت سے سخت اقدامات سے گریز نہیں کیا جائے گا۔

عالمی شہرت یافتہ سائنسی کتاب پاکستان میں متعارف


god and god of science book June 30, 2019 | 7:53 PM

امریکہ میں شائع کردہ انگریزی کتاب “خدائے حق اور خدائے سائنس” میں عقیدہ توحید اور سائنسی علوم کے نظری و عقلی تصادم پر روشنی ڈالی گئی ہے۔
کراچی :( نیوزآن لائن): دوہزار سترا میں امریکہ میں شائع کردہ عالمی شہرت یافتہ انگریزی کتاب “خدائے حق اور خدائے سائنس”
پاکستان میں متعارف کردی گئی ہے۔ کتاب میں عقیدہ توحید اور سائنسی علوم کے مابین نظری تصادم پر روشنی ڈالی گئی ہے اور اللہ کے وجود اور اسلام کی آفاقی حقانیت پر ناقابلِ تردید دلائل اور الحاد و کفر پرستی کو انسانیت کے ساتھ ظلمَ عظیم تعبیر کیا گیا ہے۔کتاب کے مصنف سےّد حسن رضا جعفری امریکی ریاست ٹیکساس کے رہائشی ہیں اور پیشہ کے اعتبار سے پیھپھڑے کے سرطان کے معالج و طبّی محقق ہیں اور ہیوسٹن میں واقع یوٹی ہیلتھ میک گورن اسکول آف میڈیسن میں میں سرطانی علوم پر درس و تدریس کے فرائض انجام دیتے ہیں۔
مصنف نے اپنی کتاب “خدائے حق اور خدائے سائنس” میں انتہائی مدلل انداز میں خداکے وجود،عقیدہ توحید کی حقانیت اور سائنسی علوم کی ترویج و توسیع میںمسلمانوں کے کردار پر مغربی و الحادپرستوں کی تنقیدکا بھر پور جواب دیا ہے اور الحاد و کفر پرستی کو انسان کی فکری و روحانی بالیدگی کی راہ میں سّدِ راہ قرار دیتے ہوئے انسانیت کے لیے نا سور قرار دیا ہے اور واضح کیا کہ کس طرح عقیدہِ آخرت سے انکار نے انسانی فکر کو انتہائی پسماندہ، محدود اوردنیا میں انسانی وجود کے اصل مقصد کو مجرمانہ حد تک پسِ پشت ڈال دیا ہے ۔ امریکی طباعتی مرکزاسلامی پبلشنگ ہائوس کے زیرِ اہتمام شائع کردہ کتاب میںمیں ثابت کیا گیا ہے کہ وحی الٰہی اور انسانی عقل میں کوئی تصادم نہیں اور دونوں کا صحیح اطلاق حقیقت تک رسائی کا باعث بنتا ہے۔
369صفحات پر مشتمل کتا ب”خدائے حق اور خدائے سائنس” میں اعلیٰ تعلیم یافتہ اور نامی گرامی تعلیمی اداروں سے سند یافتہ افراد کی نظریہ توحید سے فرار، خدا کے وجود سے انکار اور الحادپرستی کو اپنانے کی وجوہات کاتفصیلی جائزہ لیا گیا ہے اور قرآنی تعلیمات کی روشنی میں تمام تر فکری کوتاہیوں اور پُر غلط نظر یات کا انتہائی ٹھو س اور ناقابل تردید جواب دیا گیا ہے۔ کتاب پر تبصرہ کرتے ہوئے کینیڈا میں مقیم ممتاذ عالم دین سےّد محمد رضوی کی کہا کہ “خدائے حق اور خدائے سائنس” خصوصی طور پرسائنسی علوم سے وابستہ مسلمان افراد کے لیے باعثِ محرک ہے اور انہیں اپنے دینی عقائد کا انتہائی مدلل اور ناقابلِ رد اندازمیں دفاع کرنے کے قابل بناتی ہے۔

برآمدات بڑھانے کے لیے دی جانیوالی میں سبسڈی آئندہ مالی سال بھی جاری رہے گی۔ عبد الرزاق داود


Abdul-Razak-Dawood June 6, 2019 | 3:59 PM

اسلا م آباد:(نیوزآن لائن)وفاقی مشیرِ تجارت عبد الرزاق داود نے کہا ہے کہ برآمدات بڑھانے کے لیے دی جانیوالی میں سبسڈی آئندہ مالی سال بھی جاری رہے گی۔تفصیلات کے مطابق حکومت ملک میں تجارتی خساریمیں کمی اوربرآمدات میں اضافے کے لیے کوششیں کررہی ہے اور اس مقصد کے لیے برآمدکنندگان کوسبسڈی جاری رکھی جائیگی ۔مشیرتجارت رزاق داودکاکہناہیکہ تجارتی خساریمیں کمی ہورہی ہے۔برآمدات میں سات فیصد کااضافہ ہواہے۔رجحان کو جاری رکھنے کے لیے مراعات جاری رکھی جائیں گی۔وفاقی مشیرتجارت کا کہناتھاکہ گارمنٹس کی برآمدات میں انتیس فیصد، سیمنٹ پچیس فیصد،باسمتی چاول اکیس فیصدجبکہ فٹ وئیرز کی برآمدات چھبیس فیصد بڑھیں۔ جبکہ درآمدات کی مالیت میں چار ارب ڈالر کی کمی ہوئی ہے۔مشیر تجارت نے یہ بھی بتایاکہ برآمدی سیکٹرکوبجلی اورگیس پردی جانے والی سبسڈی آئندہ مالی سال بھی جاری رکھی جائیگی ۔

صوبائی وزیر توانائی امتیاز شیخ اور صوبائی وزیر آبپاشی سید ناصر حسین شاہ کے مابین تھر کول پاور منصوبوں کو پانی کی فراہمی کے لئے اجلاس۔


thar coal project May 20, 2019 | 4:01 AM

کراچی:(نیوزآن لائن) صوبائی وزیر برائے توانائی امتیاز احمد شیخ اور صوبائی وزیر آبپاشی سید ناصر حسین شاہ کی مشترکہ صدارت میں تھر کے مختلف پاور پلانٹس کو پانی کی فراہمی کے سلسلے میں منعقدہ اجلاس میں تھر کول پراجیکٹس کو مکھی فرش کینال سے پانی پہنچانے پر بریفنگ دی گئی۔بریفنگ میں بتایا گیا مکہی فرش کینال سے تھر کول پراجیکٹس تک پانی آئندہ سال کے آغاز تک پہنچایا دیا جائے گا اور پانی فراہمی کے اس منصوبے پر 20 ارب روپے تک لاگت آئے گی۔اجلاس کو بتایا گیا کہ تھر کول منصوبوں کو پانی کی مطلوبہ فراہمی سے زیر تعمیر بجلی گھر بروقت مکمل ھوسکیں گے ،تعمیر شدہ بجلی گھروں کی پیداور بڑھ جائے گی اور نئے بجلی گھروں کی تعمیر کا آغاز ھوگا۔اجلاس کو بتایا گیا کہ تھر کول بلاک 2 میں 4 ھزار میگا واٹ کے منصوبوں پر تھل نووا،تھر انرجی اور صدیق سنز لمیٹڈ کمپنیز کام کررہی ہیں جبکہ تھر کول بلاک 1 میں شنگھائی الیکٹرک 1320 میگا واٹ بجلی بنانے کے منصوبے پر کام کررہی ہے۔اجلاس میں سندھ کے محکمہ توانائی،محکمہ آبپاشی اور تھر کول پاور منصوبوں میں کام کرنے والی کمپنیوں کے افسران نے شرکت کی اور نقشوں اور چارٹوں کی مدد سے پانی فراہمی کے منصوبے پر مفصل پریزینٹیشن دی۔

پاکستان سدرن افریقہ ٹریڈ فیڈریشن کے وفد کے اعزاز میں رفیق مجید کا عشائیہ


Rafiq SA PR April 28, 2019 | 3:29 PM

جنوبی افریقی وفد کو پاکستان لانے کا مقصد پاکستانی برآمدات میں اضافہ اور ملکی معیشت کو ترقی دینا ہے۔رفیق میمن
کراچی:(نیوزآن لائن)پاکستان سدرن افریقہ ٹریڈ فیڈریشن کے چیئرمین محمد رفیق میمن نے کہا ہے کہ سدرن افریقہ کے ممالک اور پاکستان کے مابین تجارت کے فروغ کے وسیع امکانات ہیں،جنوبی افریقہ سے تاجروں اور سرمایہ کاروں کو پاکستان کا دورہ کرانے کا مقصد ملک میں سرمایاکاری اور برآمدات میں اضافے کے ذریعے پاکستانی معیشت کو بہتر بنانا ہے تاکہ مقامی سطح پر پیداواری سرگرمیوں میں اضافہ ہو اور عام لوگوں کو روزگار میسر آسکے۔پاکستان کے دورے میں مختلف تجارتی وفود اور ٹریڈ ایسوسی ایشنز سے ملاقاتوں میں اس بات پر زور دیا گیا کہ پاکستانی تاجر اور صنعتکار بین الاقوامی سطح پر اپنی مصنوعات متعارف کرانے کیلئے جدید طریقوں سے استفادہ کریںاور بین الاقوامی نمائشوں اور ٹریڈ ایونٹس میں شرکت کے ذریعے پاکستانی مصنوعات کی مارکیٹنگ کریں۔پاکستان سدرن افریقہ ٹریڈ فیڈریشن اس سلسلے میں حکومت ِ پاکستان اور پاکستانی تاجر اور صنعتکار برادری کے ساتھ ہر طرح کا تعاون کرنے کے لئے تیار ہے۔ان خیالات کا اظہار انہوں نے گذشتہ دنوں 17رکنی وفد کے ہمراہ پاکستان آمد کے موقع پر اپنے وفد کے اعزاز میں طلحہ انٹر پرائز اور اسکائی ویز انٹرنیشنل کے چیف ایگزیکٹیو محمد رفیق مجید کی جانب سے دیئے گئے استقبالیہ میں کیا۔جس میں مراکش کے اعزازی قونصل جنرل مرزا اشتیاق بیگ، ممتاز صنعت کار مرزا اختیار بیگ سمیت کراچی کے مختلف تاجروں اور صنعت کاروں نے شرکت کی اور سائوتھ افریقہ سے آئے ہوئے تجارتی نمائندوں کے ساتھ مشترکہ تجارتی منصوبوں کے متعلق تبادلہ خیال کیا،تقریب میں ایڈیشنل سیکریٹری ایگریکلچر شکیل احمد دھنگرا،شکیل جعفری اور دیگر شخصیات بھی موجود تھیں۔اس موقع پر پرتکلف عشایئے اور خوبصورت محفلِ موسیقی کا اہتمام بھی کیا گیا جبکہ رفیق مجید کی جانب سے مہمانوں کو شیلڈ ،فلاورز اور روایتی اجرک کے تحائف پیش کئے گئے۔

ایف بی آرکے چھاپے بلاجواز،تاجروں نے مارکیٹوں کی تالابندی کی دھمکی دیدی


All Karachi anjuman e Tajran April 21, 2019 | 7:47 PM

تاجر چورنہیں وہ ٹیکس دیتے ہیں،ایف بی آرکے ذریعے ہراساںکرنا مناسب نہیں۔تاجررہنما
کراچی: (نیوزآن لائن)شہرکی مارکیٹوں میں ایف بی آرکے بلاجوازچھاپوں اورمعاملات میں مداخلت پرکراچی کی تاجر برادری سراپا احتجاج،مارکیٹوں کی تالابندی کی دھمکی دے دی۔طارق روڈٹریڈرزکے الیاس میمن، راشدمحمود،سلیم اُنڑ،صدرالائنس کے عبدالصمداور طلعت محمودنے اپنے ردعمل کا اظہارکرتے ہوئے کہاہے کہ حکومت کی ناقص پالیسیوں سے ملکی معیشت پرخراب اثرات مرتب ہورہے ہیں۔ایف بی آرکے اہلکارمارکیٹوں میں آکر تاجروں کو بلاوجہ ڈراتے اور دھمکاتے ہیں،ان رہنماؤں کاکہنا ہے کہ تاجر چورنہیں ہیں وہ ٹیکس دیتے ہیں،انہیں اس طرح ایف بی آرکے ذریعے ہراساںکرناکسی طرح بھی مناسب نہیں ہے۔اگر حکومت نے اپنارویہ تبدیل نہیں کیا اور ایف بی آرکے اہل کاراسی طرح مارکیٹوں میں چھاپے مارتے رہے اور تاجروں کوڈراتے دھمکاتے رہے تو تاجر اپنی دکانیں بند کرنے پر مجبورہوجائیں گے۔رہنماؤں نے کہاکہ ایف بی آرکے خوف سے بہت سے تاجروں نے بینکوں کے ذریعے لین دین بندکردیاہے اور نقدمیں کاروبارکررہے ہیں ،یہ صورت حال ملکی معیشت کے لئے بھی اچھی نہیں ہے،حکومت کوچاہیے کہ وہ اس حوالے سے تاجروں سے مشاورت کے بعد کوئی پالیسی نافذکرے تو زیادہ بہترہوگا ،ورنہ تنگ آکر تاجر سڑکوں پرآکر احتجاج کرنے پرمجبورہوجائیں گے۔

کووا کراچی کا و ز یر اعظم پاکستان عمران خان اور میئر کراچی وسیم اختر کو باغ ابن قاسم کو دوبارہ قبضہ مافیا سے آزاد کراکے عوام کے لئے افتتاح کرنے پر اظہار تشکر


kowa karachi officers March 31, 2019 | 10:30 PM

کراچی:(نیوزآن لائن)کراچی آفیسرز ویلفیئر ایسوسی ایشن کے قائمقام چیئرمین عبدالحفیظ انصاری نے وزیر اعظم پاکستان عمران خان اور میئر کراچی وسیم اختر کو باغ ابن قاسم کو دوبارہ قبضہ مافیا سے آزاد کراکے عوام کے لئے افتتاح کرنے پر اظہار تشکر اور کراچی کے وزیر اعظم کے 162ارب کے پیکیج کے اعلان کا خیر مقدم کرتے ہوئے کراچی کی خدمت کے لئے نیک شگون قرار دیا ہے ۔ کووا کراچی نے کراچی کے تمام افسران کی جانب سے تعاون اور میئر کراچی کی کاوشوں کو خراج تحسین پیش کیا ہے۔

یو این ڈی پی کا چیزاپ شاپنگ سٹی کے ساتھ اشتراک بے روزگار نوجوانوں کے لیے تربیتی پروگرام کا انعقاد


undp March 31, 2019 | 2:42 PM

ریٹیل سیکٹر زرعی و صنعتی شعبوں کے بعد روزگارفراہم کرنا والا تیسرا بڑا سیکٹر ہے ۔ سلمان بشیر ، چیف ایگزیکٹو، چیزاپ شاپنگ سٹی
کراچی :( نیوزآن لائن) اقوام متحدہ ترقیاتی پروگرام (یو این ڈی پی) نے چیزاپ شاپنگ سٹی کے اشتراک سے بے روزگار نوجوانوں کے لیے تربیتی پروگرام کا آغاز کیا ہے جس کے تحت منتخب کردہ افراد کو ریٹیل سیکٹر سے متعلقہ فنون میں بامعاوضہ تربیت فراہم کی جارہی ہے۔ پروگرام کے ابتدائی مرحلے میں کراچی کے پسماندہ علاقوں بشمول اورنگی ٹائون، لیاری، کیماڑی و خدا کی بستی سمیت دیگر علاقہ جات سے میٹرک پاس بے روزگار نوجوانوں کو 23روزہ تربیتی پروگرام کے تحت نظری و عملی تربیت فراہم کی جارہی ہے ۔ 23روزہ تربیتی پروگرام 39گھنٹے کلاس روم اور70گھنٹے آن جاب ٹریننگ پر مشتمل ہے جس میں کمیونیکشن، سیلنگ اسکلز، ریٹیل آپریشن ، تعمیر شخصیت، ٹیم ورک سمیت متعدد موضوعات کا احاطہ کیا گیا ہے جبکہ زیرِ تربیت نوجوانوں کو فی کس 25000روپے مشاہرہ بھی ادا کیا جارہا ہے۔ تربیتی پروگرام کے اختتام پر کامیاب شرکاء میں یواین ڈی پی کی جانب سے خصوصی اسناد تفویض کی جائیں گی۔
23روزہ تربیتی پروگرام کے ابتدائی سیشن سے خطاب کرتے چیزاپ شاپنگ سٹی کے چیف ایگزیکٹوجناب سلمان بشیر نے کہا کہ پاکستان میں ریٹیل سیکٹر ایک ابھرتا ہوا شعبہ ہے جو ملک میںمعاشی فروغ کے ساتھ ساتھ روزگارکے ان گنت مواقع پیدا کرنے میں کلیدی کردار ادا کررہا ہے ۔ اپنے خطاب میںچیزاپ کے ڈائیریکٹر مصطفی بشیرنے کہا کہ چیزاپ ریٹیل ایجوکیشن کے فروغ کے لیے کراچی کے بزنس اسکولز اورفنی تعلیمی اداوں سے رابطہ کرکے انہیں متعلقہ تربیتی پروگراموں کے انعقاد کیلیے آمادہ کرنے کی کوشش کررہاہے۔ اس موقع پر چیز اپ کے سربراہ برائے شعبہِ افرادی قوت جناب محمد ریحان صدیقی نے کہا کہ یو این ڈی پی اور چیزاپ شاپنگ سٹی کے اشتراک سے شروع کردہ یوتھ ڈویلپمنٹ پروگرام ریٹیل کریئر سے متعلق آگاہی کے ساتھ ساتھ روزگار کے حصول میں معاون ثابت ہوگا۔

پاکستان پیپلزپارٹی کراچی کوروشنی اور امن کا شہربنانے کیلئے بھرپور اقدامات کررہی ہے، محمد فیاض اعوان


Street Lights March 17, 2019 | 4:52 PM

کراچی:(نیوزآن لائن) چیئرمین بلدیہ جنوبی ملک محمد فیاض اعوان نے کہاہے کہ پاکستان پیپلزپارٹی کراچی کوروشنی اور امن کاشہربنانے کیلئے بھرپوراقدامات کررہی ہے ہماری پارٹی کامنشورعام آدمی کی زندگی میں خوشحالی لاناہے بلدیہ جنوبی میں جاری ترقیاتی منصوبوں کے تیزرفتار سفرکے ثمرات عوام تک پہنچناشروع ہوگئے ہیں اس مقصد کیلئے مجھے میرے تمام کونسل اراکین کابھرپورتعاون حاصل ہے ان خیالات کااظہارانہوں نے لیاری زونل آفس میں بلدیہ جنوبی کیجانب سے خریدی گئی اسٹریٹ لائٹس کی دونئی گاڑیوں کی چابیاں محکمہ مکینیکل اینڈ الیکڑک (ایم اینڈ ای) کے ڈرائیورزکے حوالے کرنے کے موقع پر کیا چیئرمین الیکڑک کمیٹی امین میمن ، چیئرمین مکینیکل کمیٹی احمدگھانچی، ایس ای ایم اینڈ ای شکیل مغل، ایکسین دلبرماتیلو، میکینیکل آفیسرمحمداقبال ودیگر بھی اس موقع پر موجود تھے چیئرمین ملک محمد فیاض اعوان نے کہا کہ پیپلزپارٹی کاہرنمائندہ عوامی خدمت کیلئے منتخب ہواہے دستیاب وسائل اور افرادی قوت کومربوط پالیسی ذریعے ضلع جنوبی کو مثالی ڈسڑکٹ بنانے کیلئے ہرممکن اقدامات کررہے ہیںہمارایقین ہے کہ عوامی خدمت کا جذبہ اور اپنے فرائض کی ادائیگی نیک نیتی سے کی جائے تو وسائل کی کمی مقاصد کے حصول میں رکاوٹ نہیں بن سکتی ہم سب عوام کی خدمت پرمامور ہیں اور عوام کو بلدیاتی سہولیات کی فراہمی کیلئے دستیاب وسائل کو مربوط حکمت عملی کے تحت استعمال کررہے ہیں چیئرمین ملک محمد فیاض کامزیدکہنا تھا کہ دونئی گاڑیوں کی آمدسے محکمہ ایم اینڈ ای کی کارکردگی میں مزیدبہتری آئی گی اور شاہرائوں ، سڑکوں اور رائونڈ ابائوٹس میں اسٹریٹ لائٹس کوروشن رکھنے میں بہت مددملے گی ہماری بھرپور کوشش ہے کہ اسٹریٹس لائٹس کی مزید نئی گاڑیوں کے فلیٹ کومحکمہ ایم اینڈ ای میں شامل کیا جائے ۔

ایف بی آر نے سندھ حکومت اور دیگر امیراور پر تعیش زندگی گزارنے والے سرکاری افسران کے خلاف تحقیقات شروع کردی


FBR logo March 10, 2019 | 6:27 PM

اسلام آباد:(نیوزآن لائن)ایف بی آر نے سندھ حکومت اور دیگر امیراور پر تعیش زندگی گزارنے والے سرکاری افسران کے خلاف گھیرا تنگ کر دیا۔تفصیلات کے مطابق فیڈرل بورڈ آف ریونیو (ایف بی آر) نے سندھ حکومت کے سو غیر رجسٹرڈ افسران کو ٹیکس نیٹ میں لانے کے لئے نوٹس تیارکر لیے اور سرکاری افسران کی پراپرٹی اور دیگر املاک ایف بی ار کے ریڈار پر آگئی ہے۔ایف بی آر ذرائع کا کہنا ہے شہر بھر میں کروڑوں کمانے والے پراپرٹی مالکان کے لئے بھی نوٹس تیارکر لیے ہیں ، پہلے مرحلے میں بڑے دو ہزار پراپرٹی مالکان کو نوٹس ارسال کئے جارہے ہیں۔

بورڈ آف روینیو کی جانب سے جی پی آئی نظام کے مربوط ہونے سے نیب ، ایف آئی اے و دیگر متعلقہ محکموں کو زمینوں پر ناجائز تجاوزات کے معاملے میں حقائق سے آگاہی ملے گی


sindh board of revenue March 3, 2019 | 6:29 PM

کراچی :( نیوزآن لائن): سندھ بورڈ آف ریوینیو نے عوام کو آگاہی دیتے ہوئے بتایا ہے کہ انکے تیار کردہ جیو گرافک معلوماتی نظام کے انتظامی یونٹ نے سیٹلائیٹ کے سروے کے بعد وقت بوقت زمینوں پر ناجائز تجاوزات کے حوالے سے سرکاری زمینوں پر مختلف اوقات میں تجاوزات قائم ہوئے تھے، جن پر غیر قانونی مالکان یا درخواست کنندہ اور لیز ہولڈر کا رکارڈ مرتب کیا جا رہا ہے۔سندھ بورڈ آف ریونیو کے مطابق جیوگرافک معلوماتی نظام کے انتظامی یونٹ کی اس سرگرمی سے ایف آئی اے، نیب ، اینٹی انکرو]مینٹ سیل اور دیگر تفتیشی ادارے اس قابل ہوجائیں گے کہ وہ سرکاری زمین پر ناجائز تجاوزا ت کی بنیاد ی اہمیت کی معلومات بورڈ آف ریوینیو سے حاصل کر سکتے ہیں۔

حکومت کا ملک بھر میں موجود439 یوٹیلٹی اسٹورز بند کرنے کے احکام جاری


utility store February 24, 2019 | 6:13 PM

اسلام آباد :( نیوزآن لائن)حکومت نے حکومت کے439 یوٹیلٹی اسٹورز بند کرنے کے احکام جاری کردیے ،اطلاعات کے مطابق موجودہ حکومت نے یوٹیلٹی اسٹورز کو مکمل طور پر ختم کرنے کا فیصلہ کیا تو یوٹیلیٹی اسٹور ملازمین کی جانب سے احتجاجی مظاہرہ کیا گیا جس پر حکومت نے اپنا فیصلہ واپس لے لیا اور یو ٹیلٹی اسٹور کارپوریشن کو20ارب کا بیل آٹ پیکیج دینے کا فیصلہ کیا جس پر ملا زمین کی جانب سے احتجاج ختم کر دیا گیا لیکن کئی ماہ گزر جانے کے بعد بھی بیل آٹ پیکیج کی رقم کی ادائیگی نہ ہو سکی جس پر یوٹیلٹی اسٹورز کے حالات مزید خراب ہوتے گئے تاہم اب حکومت نے 439 یوٹیلٹی اسٹورز بند کرنے کے احکام جاری کر دیے ہیں۔

ایف بی آر نے مبینہ طور پراربوں روپے کی ٹیکس چوری میں ملوث200 بلڈرز، اداروں و ٹیکس دہندگان کیخلاف کاروائی شروع


fbr-pak February 17, 2019 | 6:22 PM

اسلام آباد:(نیوزآن لائن)ایف بی آر نے مبینہ طور پراربوں روپے کی ٹیکس چوری میں ملوث200 بلڈرز، اداروں و ٹیکس دہندگان کیخلاف کاروائی شروع کر دی ہے۔ پہلے مرحلے میں ایف بی آر کے ماتحت ادارے ریجنل ٹیکس آفس اسلام آبا کی ٹیم نے 5 بڑے اداروں کے دفاتر پر چھاپے مار کر ریکارڈ قبضے میں لے لیا ہے اور ابتدائی تحقیقات کے دوران 2 درجن کے قریب بے نامی بینک اکاونٹس کا انکشاف ہوا ہے۔ذرائع کے مطابق ریجنل ٹیکس آفس اسلام آباد کی ٹیم نے ریئل اسٹیٹ ڈویلپرریڈ سن، ٹاپ سٹی، نیو سٹی کے علاوہ ڈپلومیٹک انکلیو میں قائم گرین اسکول، مدینہ کیش اینڈ کیری کے ہیڈ آفس پر چھاپے مار کر تمام ریکارڈ قبضے میں لے لیا ہے اور ان کیخلاف باقاعدہ تحقیقات شروع کردی گئی ہیں۔ ذرائع کا کہنا ہے کہ ریئل اسٹیٹ کے کاروبار سے منسلک ریڈ سن نامی کمپنی کے دفتر پر چھاپہ مار کر قبضے میں لیے جانے والے ریکارڈ کی چھان بین کے دوران ٹھوس شواہد سامنے آئے ہیں۔ذرائع کے مطابق ایف بی آرنے ریڈ سن کے 23 خفیہ و ان ڈکلیئرڈ بینک اکاونٹس بھی پکڑ لیے ہیں جن میں 12 ارب روپے سے زائد کی ٹرانزیکشن ہوئی ہے،قبضے میں لیے جانے والے ریکارڈ کے مطابق ریڈ سن کے مالک نے اپنے اور اپنی کمپنی کے 5 بینک اکاونٹس ڈکلئیر کررکھے تھے جن کے ذریعے لین دین ہورہی تھی جبکہ 2 ارب روپے کے لگ بھگ ریونیو ڈکلیئر کررکھا تھا ، کیس کی تحقیقات کے دوران مذکورہ بلڈرز کی جانب سے 3 ارب روپے کے لگ بھگ ٹیکس چوری سامنے آئی ہے اور مزید تحقیقات جاری ہیں۔

محکمہ ایکسائز سندھ نے گزشتہ سات ماہ میں 43017 ملین روپے سے زائد ٹیکس وصول کرلیا۔ مکیش کمار چاولہ۔


excise-taxation_lpic-0408 February 10, 2019 | 8:44 PM

کراچی :( نیوزآن لائن) صوبائی وزیر برائے ایکسائز اینڈ ٹیکسیشن و انسدادِ منشیات اور پارلیمانی امور مکیش کمار چاولہ نے کہا ہے کہ محکمہ ایکسائز اینڈ ٹیکسیشن و انسدادِ منشیات نے رواں مالی سال کے دوران جولائی 2018 سے جنوری 2019 تک مختلف ٹیکسز کی مد میں مجموعی طور پر 43017.962 ملین روپے ٹیکس وصول کیا ہے جبکہ گزشتہ مالی سال کے دوران اسی مدت میں 36764.592 ملین روپے ٹیکس وصول کیا گیا تھا۔ یہ بات انہوں نے اپنے دفتر میں منعقد ہونے والے ایک اجلاس کی صدارت کرتے ہوئے کہی۔ اجلاس میں سیکریٹری ایکسائز اینڈ ٹیکسیشن و انسدادِ منشیات عبد الرحیم شیخ ڈائریکٹر جنرلز شبیر احمد شیخ ، شعیب احمد صدیقی اور دیگر ڈائریکٹرز نے بھی شرکت کی۔ اجلاس کو بریفننگ دیتے ہوئے ڈائریکٹر جنرل ایکسائز اینڈ ٹیکسیشن شبیر احمد شیخ نے بتایا کہ موٹر وہیکل ٹیکس کی مد میں مجموعی طور 4483.533 ملین روپے وصول کئے گئے جبکہ انفراسٹرکچر سیس کی مد میں 33557.127 ملین روپے وصول کئے گئے۔ انہوں نے مذید بتایا کہ پروفیشنل ٹیکس کی مد میں 270.363 ملین روپے ، کاٹن فیس کی مد میں 154.771 ملین روپے ، جائیداد ٹیکس کی مد میں 1455.407 ملین روپے اور انٹرٹینمنٹ ڈیوٹی کی مد میں 37.146 ملین روپے وصول کئے گئے جبکہ دیگر رقم دیگر ٹیکسز کی مد میں وصول کی گئی۔ اجلاس سے خطاب کرتے ہوئے صوبائی وزیر برائے ایکسائز اینڈ ٹیکسیشن و انسدادِ منشیات اور پارلیمانی امور مکیش کمار چاولہ نے جائیداد ٹیکس کی وصولی کی صورتحال کو بہتر بنانے کی ہدایت کی اور کہا کہ اس شعبے پر خصوصی توجہ کی ضرورت ہے۔ اس موقع پر ڈائریکٹر جنرل ایکسائز اینڈ ٹیکسیشن شبیر احمد شیخ نے صوبائی وزیر برائے ایکسائز اینڈ ٹیکسیشن و انسدادِ منشیات اور پارلیمانی امور مکیش کمار چاولہ کو بتایا کہ جائیداد ٹیکس کی وصولی کے لئے حکمت عملی طے کر لی گئی اور اس سلسلے میں ٹیمیں بھی تشکیل دیدیں گئیں اور جلد اس کے مثبت نتائج سامنے آئیں گے۔ صوبائی وزیر مکیش کمار چاولہ نے مذید کہا کہ ان افسران کے خلاف قانون کے مطابق کارروائی کی جائے جو ٹیکس اہداف کی وصولی میں ناکام ہورہے ہیں۔

اوور سیز پاکستانیوں کی جانب سے بھجوائی جانیوالی ترسیلات زر میں 10 فیصد اضافہ اور غیر ملکی سرمایہ کاری میں سترہ فیصد اضافہ


Dollars January 20, 2019 | 8:18 PM

اسلام آباد:(نیوزآن لائن) رواں مالی سال کے 6 ماہ کے دوران اوور سیز پاکستانیوں کی جانب سے بھجوائی جانیوالی ترسیلات زر میں 10 فیصد اضافہ اور غیر ملکی سرمایہ کاری میں سترہ فیصد اضافہ ہوا ہے اورملک کے اقتصادی اعشاریے حکومت کی بہتر کارکردگی اور درست سمت کا اظہار ہے۔
وزارت خزانہ کی جانب سے گذشتہ روز یہاں سے جاری کردہ اعلامیہ کے مطابق ان خیالات کا اظہار وزارت خزانہ کے ترجمان خاقان نجیب نے گذشتہ چھ ماہ کی اقتصادی صورتحال کے حوالے سے یہاں سے جاری کردہ اپنے بیان میں کیا۔ترجمان وزارت خزانہ کا مزید کہنا ہے کہ موجودہ حکومت کے گذشتہ چھ ماہ کے دوران ملک میں اقتصادی اعشاریئے بہتر ہوئے ہیں جو حکومت کی بہتر کارکردگی اور درست سمت کی عکاسی کرتے ہیں انھوں نے کہا کہ رواں ماالی سال 2018-19 کے پہلے چھ ماہ کے دوران بیرون ممالک میں مقیم پاکستانیوں کی جانب سے بھجوائی جانیوالی ترسیلات زر میں دس فیصد اضافہ ہے جبکہ غیر ملکی سرمایہ کاری کی شرح میں 17فیصد اضافہ ہوا ہے۔اس کے علاوہ رواں مالی سال کی پہلی ششہاہی کے دوران تجارتی خسارے میں پانچ فیصد کمی واقع ہوئی ہے جبکہ ملکی برآمدات میں دو فیصد اضافہ اور درآمدات میں دو فیصد کمی واقع ہوئی ہے۔

سو نا مہنگا ، فی تولہ سونے کی قیمت میں دوسو روپے کا اضافہ


increase price in gold January 6, 2019 | 9:09 PM

کراچی:(نیوزآن لائن)بین الاقوامی بلین مارکیٹ میں فی اونس سونے کی قیمت4 ڈالر کے اضافے سے 1291 ڈالر کی سطح پرپہنچنے کے باعث مقامی صرافہ مارکیٹوں میں بھی جمعے کو فی تولہ اور فی 10 گرام سونے کی قیمتوں میں بالترتیب200 روپے کا اضافہ ہو گیا ہے جبکہ صرافہ مارکیٹوں میں فی تولہ سونے کی قیمت 67700 روپے اور فی 10 گرام سونے کی قیمت 58042 روپے ہوگئی۔

گیس کے کم پریشر سے ایکسپورٹ مصنوعات کی تیاری بری طرح متاثر ہو ر ہی ہے ،یوسف یعقوب پر نس


gas pressure slow in pakistan December 30, 2018 | 6:56 PM

گیس پریشر میں کمی جاری رہی تو کئی ایکسپورٹرز خسارے کی وجہ سے انڈسٹریز بند کرنے پر مجبور ہو جائیں گے
گیس کے کم پریشر کی وجہ سے کراچی کی ٹیکسٹائل انڈسٹریز ایک بحرانی کیفیت کا سامنا کر رہی ہے
پاکستان وونگ ملز ایسوسی ایشن کے موجودہ سینئر صدر اورسائٹ ایسوسی ایشن آف انڈسٹری کے سابق وائس چیئرمین کا اظہار خیال
کراچی: (نیوزآن لائن)پاکستان وونگ ملز ایسوسی ایشن کے موجودہ سینئر صدر اورسائٹ ایسوسی ایشن آف انڈسٹری کے سابق وائس چیئرمین یوسف یعقوب پر نس نے روزانہ گیس کے کم پریشر کی وجہ سے ایکسپورٹ مصنوعات کی تیاری بری طرح متاثر ہو ر ہی ہے ،اگر اس سنگین بحرانی صورتحال پر قابو نہ پایا گیا اور گیس پریشر میں کمی جاری رہی تو کئی ایکسپورٹرز بڑے خسارے کی وجہ سے اپنی انڈسٹریز کو بند کرنے پر مجبور ہو جائیں گے۔گزشتہ روز اپنے ایک جاری کردہ بیان میں یوسف یعقوب پر نس نے کہا کہ دسمبر میں گیس کی بندش کے علاوہ روزانہ گیس کے کم پریشر کی وجہ سے ایکسپورٹ مصنوعات کی تیاری بری طرح متاثر ہوئی ہے، گیس کے کم پریشر کی وجہ سے کراچی کی ٹیکسٹائل انڈسٹریز ایک بحرانی کیفیت کا سامنا کر رہی ہے۔انہوں نے کہا کہ خطے میں مسابقتی ممالک کی نسبت پاکستان میں منیوفیکچرنگ کی لاگت میں ہوشربا اضافے کی وجہ سے پاکستانی ایکسپورٹرز پہلے ہی انتہائی کم منافع پر کام کررہے ہیں۔ گیس کے کم پریشر کی وجہ سے بجلی پیدا کرنے والی جنریٹرز بار بار بند ہو جاتے ہیں جس کی وجہ سے مشینری اور دیگر الیکٹریکل و الیکٹرونک آلات میں خرابی پیدا ہو جاتی ہے اور کئی آلات کو شدید نقصان پہنچتا ہے اور اکثر ناقابل استعمال ہو جاتے ہیں جس سے ایکسپورٹرز کی سرمایہ کاری پر شدید ضرب پڑتی ہے اورنقصانات کئی گنا بڑھ جاتے ہیں۔ مشینری اور آلات میں خرابی کے باعث لیبر بیکار بیٹھتی ہے اور اس طرح ایک شفٹ اور کئی مرتبہ دو شفٹیں متاثر ہو رہی ہیں۔

عالمی مارکیٹ میںسو نے کی قیمتوں میں کمی،فی تولہ 67000 کا ہوگیا


gold December 23, 2018 | 9:42 PM

کراچی:(نیوزآن لائن) عالمی مارکیٹ میںسو نے کی قیمتوں میں کمی،فی تولہ 67000 کا ہوگیا،بین الاقوامی بلین مارکیٹ میں فی اونس سونے کی قیمت4ڈالرکی کمی سے 1256 ڈالر کی سطح پر پہنچنے کے باعث مقامی صرافہ مارکیٹوں میں بھی ہفتے کوفی تولہ اور فی 10 گرام سونے کی قیمتوں میں بالترتیب 800روپے اور686روپے کی کمی واقع ہوئی۔پاکستان کی صرافہ مارکیٹوں میں فی تولہ سونے کی قیمت گھٹ کر 67000 روپے اور فی 10گرام سونے کی قیمت گھٹ کر 57442 روپے ہوگئی۔

سپریم کورٹ کے احکامات کی غلط تشریح پر چیئرمین بلدیہ وسطی اور میونسپل کمشنر کیخلاف چیف جسٹس سپریم کورٹ کاروائی کریں۔ یونائیٹڈ آفیسرز فورم


appeal for supreme court karachi December 9, 2018 | 6:55 PM

انیسوں ستاسی سے 2018تک مختلف ادوار میں کے ایم سی اور ڈی ایم سی ایک ہی سروس کے حامل رہے ۔ ملازمین میونسپل سروس میں آتے ہیں ۔ لازمی سروس اور سول سرونٹ کے زمرے میں نہیں آتے۔ کے ایم سی اور چھ کی چھ ڈی ایم سیز سیمی گورنمنٹ اور خود مختار ادارے ہیں ۔ سپریم کورٹ کے احکامات کی الف ب سے چیئرمین اور میونسپل کمشنر واقف نہیں
چھ ماہ کے بقایا جات جو اب تک تنخواہوں میں ادا نہیں کئے گئے انکی طلبی پر تبادلے کئے گئے۔ ملازمین کے پیسے ٹھیکیداروں کو دے دیئے گئے۔ نیب بلدیہ وسطی میں گورکھ دھندوں کا نوٹس لے ۔ عدنان آرائیں ۔ صدریونائیٹڈ آفیسرز فورم کراچی
اسامہ قادری کے سالے نعمان کو کے ایم سی سے تین گریڈ میں سے 16گریڈ بلدیہ وسطی سے دیا گیا۔ فہیم قائم خانی جو انیس قائم خانی کے کزن ہیں اسے بلدیہ شرقی سے لاکر5گریڈ سے 11گریڈ کیا گیا۔ گریڈ 18کی رضوانہ نذیر کو شرقی سے وسطی لایا گیا۔خالد ریاض کو کے ایم سی سے وسطی لایا گیا ۔اسلم خان کے ایم سی سے لایا گیا۔ کیا ان پر قانون کا اطلاق نہیں ہوتا۔ صدر یو او ایف
وسیم سومرو جس کا ایجنٹ ہے وہ بات ڈھکی چھپی نہیں ۔ ریحان ہاشمی کرپشن چھپانے کے لئے وسیم سومرو کے طابع ہیں ۔ سارے کھیل کے پیچھے جعلی تعینات 18گریڈ کا لوکل گورنمنٹ کے جعلی آرڈر پر تعینات اسلم خان ہے۔ آئینی پیٹیشن دائر کرنے جا رہے ہیں ۔ فوری تبادلے منسوخ کئے جائیں ۔ بلدیہ وسطی کے تمام گورکھ دھندے سامنے لائیں گے۔یو او ایف
۔۔۔۔۔۔۔۔۔۔۔۔۔۔۔۔۔۔۔۔
کراچی:(نیوزآن لائن)یونائیٹڈ آفیسرز فورم پاکستان کے صدر کراچی عدنان آرائیں نے چیف جسٹس آف پاکستان ، نیب کراچی اور اینٹی کرپشن سے مطالبہ کیا ہے کہ وہ بلدیہ وسطی میں اقربا پروری ، جعلسازیوں ، ملازمین کے فنڈز کی ٹھیکیداروں کی ادائیگی سمیت سپریم کورٹ کے احکامات کی غلط تشریح پر کئے جانے والے انتقامی تبادلوں پر چیئرمین بلدیہ وسطی اور میونسپل کمشنر کیخلاف کاروائی کریں۔ سالہا سال کے بعد متعصب افسر وسیم سومرو جنہیں انکی حرکات کی بنیاد پر بلدیہ کورنگی نے چارج نہیں دیا تھا۔ دوبارہ اپنی مخصوص ذہنیت اور سازش فارمولے کے تحت فنڈز کی خرد برد میں احتجاج کرنے والے افسران کو تبادلہ کرنے کی سخت مذمت کی ہے۔ عدنان آرائیں نے کہا کہ سے 2018تک مختلف ادوار میں کے ایم سی اور ڈی ایم سی ایک ہی سروس کے حامل رہے ۔ ملازمین میونسپل سروس میں آتے ہیں ۔ لازمی سروس اور سول سرونٹ کے زمرے میں نہیں آتے۔ کے ایم سی اور چھ کی چھ ڈی ایم سیز سیمی گورنمنٹ اور خود مختار ادارے ہیں ۔ سپریم کورٹ کے احکامات کی الف ب سے چیئرمین اور میونسپل کمشنر واقف نہیں ۔چھ ماہ کے بقایا جات جو اب تک تنخواہوں میں ادا نہیں کئے گئے انکی طلبی پر تبادلے کئے گئے۔ ملازمین کے پیسے ٹھیکیداروں کو دے دیئے گئے۔ نیب بلدیہ وسطی میں گورکھ دھندوں کا نوٹس لے ۔ عدنان آرائیںنے مذید کہا کہ اگر سپریم کورٹ کا حکم نامہ کی تشریح درست مان لی جائے تو پھر اسامہ قادری کے سالے نعمان کو کے ایم سی سے تین گریڈ میں سے 16گریڈ بلدیہ وسطی سے دیا گیا۔ فہیم قائم خانی جو انیس قائم خانی کے کزن ہیں اسے بلدیہ شرقی سے لاکر5گریڈ سے 11گریڈ کیا گیا۔ گریڈ 18کی رضوانہ نذیر کو شرقی سے وسطی لایا گیا۔خالد ریاض کو کے ایم سی سے وسطی لایا گیا ۔اسلم خان کے ایم سی سے لایا گیا۔ کیا ان پر قانون کا اطلاق نہیں ہوتا؟ اسی طرح محکمہ تعلیم ، صحت ، دیگر محکموں میں دوسری ڈی ایم سیز سے آنے والوں کی بہت بڑی تعداد موجود ہے ۔ محکمہ تعلیم ، صحت ۔ لوکل ٹیکسز سے آنے والوں کو بھی کیا اسکے زمرے میں لاکر فارغ کردیا جائے گا۔ چیف جسٹس سپریم کورٹ کے احکامات کو مزاق اور غلط تشریح پر میونسپل کمشنر وسیم سو،مرو کو قانون کے کٹہرے میں لائیں ۔ یہ شخص عدالتوں سے وارننگ پر ہے ۔ سیم سومرو جس کا ایجنٹ ہے وہ بات ڈھکی چھپی نہیں ۔ ریحان ہاشمی کرپشن چھپانے کے لئے وسیم سومرو کے طابع ہیں ۔ سارے کھیل کے پیچھے جعلی تعینات 18گریڈ کا لوکل گورنمنٹ کے جعلی آرڈر پر تعینات اسلم خان ہے۔ آئینی پیٹیشن دائر کرنے جا رہے ہیں ۔ فوری تبادلے منسوخ کئے جائیں ۔ بلدیہ وسطی کے تمام گورکھ دھندے سامنے لائیں گے۔ سازشی ذہن اور کسی اور کے پے رول پر کام کرنے والا یہ افسر جوائننگ نہ ملنے پر نیب کے ساتھ ملکر بلدیہ کورنگی کے فنڈز سیز کراچکا ہے۔ عدنان آرائین نے کہا کہ ریحان ہاشمی فاروق ستار گروپ کی سیاست کرنے کے بجائے تبادلے منسوخ اور وسیم سومرو سے بلیک میل ہونا بند کریں ورنہ عدالت اور ایف آئی آر انکا مقدر ہوگی۔ نیب کو بھی خط لکھنے کی تیاری کر رہے ہیں ۔ افسران کو ترنوالہ نہ سمجھا جائے ۔ صوبائی وزیر بلدیات سعید غنی بھی نوٹس لیں ۔

رواں مالی سال میں نومبر تک ٹیکسز کی مد میں 20213 ملین روپے وصول کئے گئے۔ مکیش کمار چاولہ


excise-taxation_lpic-0408 December 9, 2018 | 6:48 PM

کراچی:(نیوزآن لائن) صوبائی وزیر برائے ایکسائز اینڈ ٹیکسیشن و انسدادِ منشیات اور پارلیمان امور مکیش کمار چاولہ نے کہا ہے کہ رواں مالی سال کے دوران جولائی 2018 سے نومبر 2018 تک محکمہ ایکسائز اینڈ ٹیکسیشن نے مختلف ٹیکسز کی مد میں مجموعی طور پر 30213.342 ملین روپے وصول کئے جبکہ گزشتہ مالی سال کے دوران اسی مدت میں 24934.605 ملین روپے وصول کئے گئے تھے۔ یہ بات انہوں نے اپنے دفتر میں منعقد ہونے والے ایک اجلاس کی صدارت کرتے ہوئے کہی۔ اجلاس میں سیکریٹری ایکسائز اینڈ ٹیکسیشن و انسدادِ منشیات عبد الرحیم شیخ ، ڈائریکٹر جنرلز شبیر احمد شیخ ، شعیب احمد صدیقی اور دیگر ڈائریکٹرز نے بھی شرکت کی۔ اجلاس کو بریفننگ دیتے ہوئے ڈائریکٹر جنرل شبیر احمد شیخ نے بتایا کہ موٹر وہیکل ٹیکس کی مد میں 3033.051 ملین روپے ، انفراسٹرکچر سیس کی مد میں 23389.312 ملین روپے اور پروفیشنل ٹیکس کی مد میں 229.265 ملین روپے وصول کئے گئے۔ انہوں نے مذید بتایا کہ کاٹن فیس کی مد میں 124.525 ملین روپے ، جائیداد ٹیکس کی مد میں 1296.424 ملین روپے ،انٹرٹیمنٹ ڈیوٹی کی مد میں 26.982 ملین روپے اور باقی رقم دیگر ٹیکسز کی مد میں وصول کئے گئے۔ ٹیکسز کی وصولی کی صورتحال پر اپنے اطمینان کا اظہار کرتے ہوئے صوبائی وزیر برائے ایکسائز اینڈ ٹیکسیشن و انسدادِ منشیات اور پارلیمانی امور مکیش کمار چاولہ نے افسران کو ٹیکسز کی وصولی کی رفتار کو مزید بہتر بنانے کی ہدایت دی۔ انہوں نے ڈائریکٹر جنرل ایکسائز اینڈ ٹیکسیشن کو ٹیکس نادہندہ گان گاڑیوں کو ٹیکس کے دائرے میں لانے کے لئے روڈ چیکنگ مہم شروع کرنے کے لئے جامع پلان بنانے کی بھی ہدایت کی۔اس موقع پر صوبائی وزیر برائے ایکسائز اینڈ ٹیکسیشن و انسدادِ منشیات اور پارلیمانی امور مکیش کمار چاولہ نے ٹیکس نادہندہ گان گاڑیوں کے مالکان سے بھی درخواست کی کہ وہ روڈ چیکنگ مہم شروع ہونے سے قبل اپنے ٹیکسز جمع کروادیں۔

ایم ڈی کے کارپوزیشن کی جانب سے ڈیلرز میں تحائف تقسیم


Pic with Cap September 16, 2016 | 3:44 PM

کراچی:(نیوزآن لائن)ایم ڈی کے کارپوزیشن کی جانب سے ڈیلرز میں تحائف تقسیم کی تقریب منعقد ہوئی ،تقریب میں ایم ڈی کے کارپوزیشن کے سی ای او اشد محمود اعوان نے ڈیلرز میں تحائف تقسیم کئے۔

آبادی کے دباؤ پر کنٹرول کے لئے خود رو آبادیوں اور غیر منظم نقل مکانی پر قابو پانا ہو گا۔ میر ممتاز حسین جاکھرانی


unnamed September 10, 2016 | 6:35 PM

کراچی:(نیوزآن لائن)سند ھ کے وزیر بہبود آبادی میر ممتاز حسین جاکھرانی نے کہا ہے کہ آبادی کے دباؤ پر کنٹرول اور شہروں کے غیر منظم پھیلاؤ کو روکنے کے لئے خود رو آبادیوں کے قیام اور بغیر منصوبہ بندی کے نقل مکانی کو روکنا ہو گا۔ کیونکہ غیر منظم اور غیر مربوط نقل مکانی کے سبب شہر بے ترتیبی سے پھیلتے جا رہے ہیں۔ اور شہر میں بنیادی ضررویات کی فراہمی مشکل تر ہوتی جارہی ہے ۔ان خیالات کا اظہار انہو ں نے آج مقامی ہوٹل میں یونائٹیڈ نیشن پاپولیشن فنڈ)کی رپورٹ” پاکستان میں اندرونی نقل مکانی ۔سندھ کے کیس کا مطالعہ’کی تقریب  رونمائی سے بحیثیت مہمان خصوصی خطاب کرتے ہوئے کیا۔ انہوں نے کہا کہ صنعتی ترقی کے باعث شہروں کی جانب لوگوں کی نقل مکانی بڑے پیمانے پر ہونے سے شہری مسائل پیدا ہو رہے ہیں ۔ سندھ پاکستان کا معاشی مرکز ہے لہذاسندھ کے شہروںپر آبادی کا بے پناہ دباؤ ہے جس کی وجہ سے یہاںپینے کے صاف پانی کی فراہمی ، نکاسی آب ، ماحولیاتی ، صحت ، تعلیم اور دیگر شعبوں میں بے پناہ مسائل جنم لے رہے ہیں ۔ انہوں نے کہا کہ شہروں پر آبادی کے دباؤ کو روکنے کے لئے آگاہی کو فروغ دنیاہوگا اور لوگوں کو ان کے گھر کے نزدیک صحت،تعلیم اور روزگار کی فراہمی کرنی ہوگی  جس کے لئے حکومت بھرپور کو شیش کر رہی ہے ۔ انہو ں نے بہبود آبادی کے شعبے میں گراں قدر خدمات پر رکن قومی اسمبلی  ڈاکٹر عذرافضل پیچوہو کی خدمات کو سراہا انٹر نیشنل پروگرام کوآرڈنیٹر برائے سندھ شرتی دھرتر یپاتھی رکن قومی اسمبلی محترمہ شہناز وزیر علی ، سیکریٹری بہبود آبادی سندھ سلیم رضا کھوڑو ، ڈائریکٹر سید اشفاق شاہ اور دیگر مقررین نے بھی خطاب کیا۔

تر ک کمپنیو ں کے لئے پا کستا نی ما رکیٹ میں سر ما یہ کا ر ی کے وسیع موا قع مو جو د ہیں ۔ ایس بی آئی


sbi September 8, 2016 | 8:03 PM

چیئر پر سن ایس بی آئی نا ہید میمن کی تر ک قو نصل جنرل سے ملاقا ت کے دورا ن گفتگو
کرا چی: (نیوزآن لائن) چیئر پر سن سندھ بو ر ڈ آف انویسٹمنٹ نا ہید میمن نے آج تر ک قو نصل خا نے میں تر ک قو نصل جنر ل مرا ت مصطفی او نا ر ٹ سے ملا قا ت کی اور با ہمی دلچسپی کے امو ر با لخصو ص تر کی اور پا کستا ن کے در میا ن تجارتی و کا رو با ر ی روا بط کو بڑ ھا نے کے مو ضو ع پر تفصیلی تبا دلہ خیا ل کیا ،نا ہید میمن نے کہا کہ تر کی کی بڑ ی بز نس کمپنیو ں کے زیا دہ تر دفا تر کرا چی میں ہیں ۔ایس بی آئی ان تر ک کمپنیو ں کو اپنا بز نس بڑ ھا نے اور یہا ں صنعتیں لگا نے میں ہر ممکن تعا ون فرا ہم کر نا چا ہتی ہے ۔انہو ں نے کہا کہ حا ل ہی میں تر ک کمپنی آر ک یک نے یہا ں 215ملین امریکن ڈالر ز کی سر ما یہ کا ر ی کی ہے جس سے تر ک کمپنیو ں کے لئے سر ما یہ کا ر ی کے پر کشش موا قعو ں کا اندا زہ کیا جا سکتا ہے ۔چیئرپر سن ایس بی آئی نا ہید میمن نے کہا کہ پا کستا ن با لخصو ص سندھ میں شہر ی آبا دیو ں میں بہت تیزی سے اضا فہ ہو رہا ہے لہذا یہا ں ویسٹ مینجمنٹ ،ٹرا نسپو ر ٹ سسٹم ،رو ڈ نیٹ ورک ، ہا ئو سنگ ،ما حو لیا ت ،صحت اور دیگر شعبو ں با لخصو ص تیز تر استعما ل کی اشیا ء میں سر ما یہ کا ر ی کے مفید موا قع ہیں جبکہ انویسٹمنٹ بینکنگ اور پرا جیکٹ فنا نسنگ بھی پر کشش شعبے ہیں ۔انہو ں نے کہا کہ سندھ کے سیا حتی مرا کز مو ہنجو دڑو ،گو ر کھ ہل، مکلی ،بھنبھور ،چو کنڈی اور کینجھر جھیل جہا ں پر ہر سال رو س اور سا ئبریا سے لا کھو ں پر ندے ہجر ت کر کے آتے ہیں یہا ں ہو ٹل اور ریزور ٹ کے شعبو ں میں سر ما یہ کا ر ی کے بہت پر کشش موا قع مو جو د ہیں ۔تر ک قو نصل جنر ل نے چیئر پر سن ایس بی آئی سے اتفا ق کر تے ہو ئے کہا کہ وہ تر ک کمپنیو ں کے ساتھ روا بط مستحکم کر نے کے لئے تر کی اور پا کستا نی کمپنیو ں کے ما بین تجا ر تی روا بط اور وفو د کے تبا دلو ں کے لئے ہر ممکن تعا ون کریں گے ۔

حافظ نعیم الرحمن کی نیپرا کے اجلاس میں شرکت،بجلی کی قیمتوں میں اضافے کی مخالفت


Nepra Ijlas Pic September 8, 2016 | 7:57 PM

نیپرا کے الیکٹرک کی ظلم و زیادتی سے کراچی کے عوام کو نجات دلائے،کے الیکٹرک نے قبلہ درست نہ کیا تو دھرنا دیں گے
مقامی ہوٹل میں نیپرا کے سہ ماہی اجلاس میں شرکت کے بعد میڈیا کے نمائندوں سے گفتگو
کراچی :( نیوزآن لائن)جماعت اسلامی کراچی کے امیر حافظ نعیم الرحمن نے جمعرات کے روز مقامی ہوٹل میں کراچی کے عوام کی نمائندگی کرتے ہوئے نیپرا کے اجلاس میں شرکت کی۔کے الیکٹرک کے خلاف عوام کا مقدمہ پیش کیا اور بجلی مہنگی کرنے کے مطالبے کو رد کرتے ہوئے حقائق پیش کیے۔ انہوں نے کے الیکٹرک کی جانب سے بجلی کے نرخوں میں اضافے کے حوالے سے عوامی احساسات و جذبات پر مبنی اپنا مؤقف پیش کیا ۔واضح رہے کہ نیپرا نے حافظ نعیم الرحمن کی کراچی کے نمائندے کی حیثیت سے کے الیکٹرک کے خلاف فریق بننے کی درخواست منظور کی تھی۔ اجلاس کے بعد حافظ نعیم الرحمن نے میڈیا کے نمائندوں سے گفتگو کرتے ہوئے کہا کہ ایسا محسوس ہوتا ہے کہ نیپرا کے الیکٹرک کی پشت پناہی کررہی ہے اسی وجہ سے کے الیکٹرک پرلگائے گئے جرمانے کے باوجود اور سپریم کورٹ میں مقدمہ دائر کرنے کے باوجود عوامی مسائل حل نہیں کیے جارہے،انہوںنے کہا کہ 5ارب روپے کی سبسیڈی کے فوائد کو عوام تک نہیں پہنچایا گیا ، عوام پر بجلی کی قیمت میں اضافے کا مطالبہ عوام کے ساتھ سراسر ناانصافی ہے ۔ انہوں نے کہا کہ جماعت اسلامی کراچی کے عوام کے ساتھ ہے اورکراچی کے عوام کا مقدمہ لڑرہی ہے ۔انہوںنے کہا کہ کے الیکٹرک بجلی زیادہ تر گیس سے بنا رہا ہے۔ وفاق کی طرف سے 650 میگا واٹ سستی بجلی ،پانی سے پیدا کرکے،کے الیکٹرک کو فراہم کی جاتی ہے،کے الیکٹر ک آئی پی پی ایس سے بھی سستی بجلی خرید کر صارفین کو مہنگے ریٹ پر بیچتا ہے۔ تین ماہ سے زائد عرصہ گزر جانے کے بعد بھی کے الیکٹرک کے 52 صارفین جنہوں نے اس کے کے خلاف اوور بلنگ کے حوالے سے نیپرا میں درخواستیں دی تھیںآج تک انکا فیصلہ نہیں سُنایا گیا جبکہ قانون کے مطابق نیپراسماعت کے 15 دن تک فیصلہ سُنانے کا پابند ہے۔ پرانا ملٹی ایئر ٹیرف جس کی معیاد30 جون2016ء کو ختم ہوگئی ہے ۔نئے ملٹی ائیر ٹیرف پر نیپرا ہیرنگ میں کیوں تاخیر کر رہی ہے۔ کے الیکٹرک کراچی کی صارفین سے 15 پیسے فی یونٹ اضافی ملازمین کے نام پر آج تک اربوں روپے وصول کر رہی ہے۔ جبکہ کے۔ الیکٹرک نے اپنے ملازمین کی چھانٹی کر کے تعداد17 سے 10ہزار کر دی ہے ۔انہوں نے کہا کہ کے الیکٹرک کراچی کی عوام سے ڈبل بینک چارجز اور ناجائز میٹر رینٹ کے نام پر اربوں روپے کی وصولی کر رہا ہے۔نیپرا جو فیصلے صارفین کے حق میں کرتا ہے اس پر عمل درآمد نہیں ہوتا اور جو فیصلے کے۔الیکٹرک کے حق میں ہوتے ہیں اس پر فوراً عملدرآمد ہوجاتاہے۔انہوں نے کہا کہ کے الیکٹر ک کی نجکاری کا بنیادی مقصد اس کی کارکردگی کو بہتر بنانا اورعوام کو بلا تعطل بجلی کی فراہمی کو یقینی بنانا تھالیکن کراچی کے عوام بجلی کی لوڈ شیڈنگ ،اوور بلنگ اور بوگس بلنگ سے تنگ آچکے ہیں۔ بجلی کے بریک ڈاؤن سے کراچی کوپانی کی فراہمی بھی معطل ہو جاتی ہے ۔اس طرح کراچی کے شہری شدید گرمی سے دوہرے عذاب کا شکار ہو جاتے ہیں۔ ہم نے سپریم کورٹ میں کے الیکٹرک کے خلاف مقدمہ درج کرایا ہے، لیکن اس کے باوجود عوام کے مسائل حل نہیں کیے جارہے اور عوام کو ریلیف نہیں دی جارہی ۔انہوں نے کہا کہ اگر عوامی مسائل حل نہیں کیے گئے توہم دھرنا دیں گے اور کے الیکٹرک کے عذاب سے عوام کو چھٹکارا دلائیں گے ۔ اس موقع پر جماعت اسلامی کراچی کے ،کے الیکٹرک صارفین حقوق کے انچارج عمران شاہد اور سکریٹری اطلاعات زاہد عسکری اور دیگر بھی موجود تھے ۔

محکمہ کے تحت جاری ترقیاتی منصوبوں میں کسی بھی قسم کی تاخیر اور غفلت برداشت نہیں کی جائے گی۔ ڈاکٹرکھٹومل جیون


dr khatumal September 4, 2016 | 12:58 PM

علاج معالجے ، شادی بیاہ اور دیگر ترقیاتی فندز کی فراہمی ضلعی اقلیتی آبادی کے تناسب سے کی جائے۔
وزیراعلی سندھ کے معاون خصوصی ڈاکٹرکھٹومل جیون
کراچی:(نیوزآن لائن) وزیراعلی سندھ کے معاون خصوصی ڈاکٹرکھٹومل جیون نے کہا ہے کہ محکمہ کے تحت جاری ترقیاتی منصوبوں میں کسی بھی قسم کی تاخیر اور غفلت برداشت نہیں کی جائے گی۔ تمام جاری ترقیاتی اسکیموں کو رواں سال دسمبر تک ہر صورت میں مکمل کیا جائے ۔ ان خیالات کا اظہار انہوں نے اپنے دفتر میں بلائے گئے ایک اجلاس کی صدارت کر تے ہوئے کیا ۔اجلاس میں سیکریٹری اقلیتی امور عبدالحلیم شیخ ، ڈائریکٹر اقلیتی امور صادق راجر اور دیگر افسران بھی موجود تھے۔ ڈاکٹرکھٹومل جیون نے کہا کہ اقلیتی برادری کو علاج معالجے کے لیے دی جانے والی امداد کی فراہمی یقینی بنائی جائے تاکہ مستحق اور ضرورت مند غریب عوام کو یہ سہولت با آسانی میسر آسکے۔انہوں نے کہا کہ اس سال جو پالیسی بنائی گئی ہے اس تحت اقلیتی برادری کو ترقیاتی فندزضلعی اقلیتی آبادی کے تناسب سے جاری کئے جائے گے تاکہ انصاف کے تقاضے پورے ہو سکے اور اقلیتی آبادی والے اضلاع کو اس کی مناسبت سے ترقیاتی فندز مل سکے۔معاون خصوصی نے مزید کہا کہ محکمہ کے تحت غریب اور نادار غیر مسلم خاندان کو شادی کی مدد میں بھی فندز فراہم کئے جاتے ہیں تاکہ غریب لڑکیوں کی شادی بھی با عزت طریقے سے ممکن ہو سکے۔ ڈاکٹرکھٹومل جیون نے کہا کہ موجودہ حکومت کی اولین تر جیح ہے کہ غیر مسلموں کو قانون کے مطابق انکے جائز حقوق کی فراہمی میں کسی بھی قسم کی کوتاہی نہیں کی جائے ۔انہوں نے کہا کہ غیر مسلم بھی پاکستان کی معیشت کی بہتری میں اپنا مثبت اور موثر کردار ادا کر رہے ہیں ضرورت اس امر کہ ہے کہ قانون کے مطابق ان کو فراہم کی جانے والی سہولیات کو یقینی بنایا جائے۔

تجارتی و فود سرمایہ کاری مواقع کے حصول میں مددگار ہوتے ہیں۔ فرزانہ سلیم


fpcci September 2, 2016 | 9:07 PM

پاکستان و چینی تاجر اقتصادیات کومضبوط تر بنانے کیلئے سچے دوستوں کی طرح ایک دوسرے کے ساتھ روابط استوار رکھیں
چینی بزنس کمیونٹی کے وفد سے ایف پی سی سی ائی کی اسٹینڈنگ کمیٹی برائے رئیل اسٹیٹ کنسلٹنٹ کے ارکان کی ملاقات
کراچی: (نیوزآن لا ئن) تجارتی وفود نہ صرف اقتصاری و تجارتی تعلقات بڑھانے کا باعث بنتے ہیں بلکہ سرمایہ کاری کے بہترین مواقع کے حصول میں بھی مدد گار ہوتے ہیں۔ چین پاکستان کا محافظ اور سچا دوست ہے۔ پاک چین اقتصادی راہداری سی پی ای سی) منصوبہ کی تکمیل سے دونوں ملکوں کے مابین تجارتی سرگرمیاں تیز ہوں گی اور دنیا کے دیگر ممالک کے ساتھ پاکستان کے اقتصادی روابط میں اضافہ ہوگا۔ ان خیالات کا اظہار فیڈریشن آف پاکستان چیمبر آف کامرس اینڈ انڈسٹری (ایف پی سی سی ائی) کی اسٹینڈنگ کمیٹی برائے رئیل اسٹیٹ کنسلٹنٹ کی چیئر پرسن فرزانہ سلیم نے گذشتہ روز چین سے آئے ہوئے بزنس کمیونٹی کے وفد کے ارکان سے ملاقات میںگفتگو کرتے ہوئے کیا ۔ اس موقع پر چینی وفد سے دو طرفہ تجارتی تعلقات کراچی اور گوادر کے اہم رئیل اسٹیٹ منصوبوں پر تفصیلی بات چیت کی گئی۔ فرزانہ سلیم نے کہا کہ سی پیک وزیر اعظم میاں محمد نواز شریف کی بہت بڑی کامیابی ہے ۔ اس سے پاکستان کی برآمدات میں اضافہ ہوگا ۔ اقتصادی راہداری منصوبے سے تین ارب لوگ مستفیض ہوں گے۔ منصوبے میں انڈسٹریل اسٹیٹ کے قیام سے ملک میں مختلف قسم کی انڈسٹریز قائم ہوں گی ۔ ان صنعتوں کے قیام سے روزگار کے لاکھوں مواقع میسر آئیں گے ۔ انہوں نے کہا کہ پاکستان با صلاحیت انسانی وسائل سے مالا مال ہے۔ غیر ملکی سرمایہ کاروں کا پاکستان پر اعتماد اس دور میں بڑھا ہے۔ فرزانہ سلیم نے کہا کہ پاکستان اور چین یک جان دو قالب ہیں ۔ تاریخ گواہ ہے کہ چین نے ہر مشکل وقت میں پاکستان کی مدد کی اور کبھی تنہا نہیں چھوڑا۔ انہوں نے پاکستانی اور چینی تاجروں پر زور دیتے ہوئے کہا کہ وہ اپنی اقتصادیات کو مضبوط تر بنانے کے لئے ایک دوسرے سے سچے دوستوں کی طرح روابط استوار رکھیں ۔ رئیل اسٹیٹ کنسلٹنٹ کمیٹی نے چینی وفد کو گوادر آنے کی دعوت دیتے ہوئے بتایا کہ عنقریب (ایف پی سی سی ائی) کی اسٹینڈنگ کمیٹی برائے رئیل اسٹیٹ کنسلٹنٹ کا ایک وفد سی پی ای سی اور گوادر کے حوالے سے چین کا دورہ کرے گا۔

جعلی منرل واٹر کمپنیوں پر پابندی عائد کی جائے حاجی شریف الدین


fake mineral water company August 27, 2016 | 4:23 PM

کراچی:(نیوزآن لائن)بتول ویلفیئر ٹرسٹ کے چیئرمین حاجی شریف الدین نے وزیر اعلیٰ سندھ،وزیر بلدیات اور ایم ڈی کراچی واٹر اینڈ سیوریج بورڈ سے مطالبہ کرتے ہوئے کہا ہے کہ جعلی منرل واٹر کمپنیوں پر فوری پابندی عائد کی جائے کراچی کے شہریوں کو پانی کی شدید قلت کاسامنا ہے جبکہ جعلی منرل واٹر بنانے والی کمپنیاں عوام کوچور ی شدہ پانی بوتلوں میں بھر کر فروخت کر رہی ہیںانہوں نے کہا کہ کراچی کے شہریوں کے ساتھ کھلا ظلم ہو رہا ہے گھر وں کی آدھے انچ کی لائن میں پانی نہیں آرہا اور شہری بوند بوند کو ترس رہے ہیں مگر سینکڑوں منرل واٹر کی جعلی کمپنیاں اوردس ہزار سے زائد ٹینکر ز کروڑوں روپے یومیہ کا پانی جو گھروں میں نلوں کے ذریعے آنا چاہئے تھا وہی پانی چوری کر کے عوام کو بھاری قیمت میں فروخت کر رہے ہیں حاجی شریف الدین نے کہا کہ اس مکروہ دھندے میں کراچی واٹر بورڈکے افسران اور عملہ شامل ہے انہوں نے کہا کہ کراچی کو کوفہ نہ بنایا جائے اورجتنے بھی وال مینزہیںانہیں پانی کی مصنوعی قلت پیدا کرنے اور بھاری رشوتیں وصول کرکے عوام کو پانی فراہم کر نے کے جرم میں سخت ترین سزائیں دی جائیںحاجی شریف الدین نے کہا کہ جان بوجھ کر عوام کے لئے مسائل پیدا کئے جا رہے ہیں اور ا نہیں سیاسی بنیادوں پر الجھایا جا رہا ہے انہوں نے کہا کہ کراچی کے شہریوں کے پینے کے پانی کے منصوبوں کو فوری طور پر مکمل کیا جائے اور پانی فراہم کرنے کی تمام تنصیبات کو تحفظ فراہم کیا جائے حاجی شریف الدین نے کہا کہ دفعہ 144کے تحت کراچی بھر میں جعلی منرل واٹرفروخت کرنے والی گاڑیوں اورتمام پانی کے ٹینکرز کی نقل و حمل پر پابندی عائد کی جائے انہوں نے کہا کہ پانی کی تقسیم کے نظام کو رینجرز کے حوالے کردیا جائے تا کہ کراچی کے شہریوں کے لئے مصنوعی قلت آب کا مسئلہ حل ہو سکے

ایس بی سی اے کی ٹیکنیکل کمیٹی برائے خطرناک عمارت کامختلف عمارتوں کے سروے کاسلسلہ جاری


SBCA Logo Site August 21, 2016 | 9:23 PM

کراچی :( نیوزآن لائن( سندھ بلڈنگ کنٹرول اتھارٹی کی ٹیکنیکل کمیٹی برائے خطرناک عمارت کے حالیہ سروے کے نتیجے میں عبداللہ کمپلیکس واقع پلاٹ نمبر ایف ایل-15سیکٹر5-1 ،نیوکراچی ٹائون کو خطرناک عمارت قرار دیتے ہوئے مکینوں کواسے فوری خالی کرنے کاکہاہے ۔تفصیلات کے مطابق ڈائریکٹرجنرل آف سندھ بلڈنگ کنٹرول اتھارٹی نور محمد لغاری کی ہدایات پرماہرتعمیرات اورانجینئرز پر مشتمل ایس بی سی اے کی ٹیکنیکل کمیٹی برائے خطرناک عمارت کامختلف عمارتوں کے سروے کاسلسلہ جاری ہے۔ اس سلسلے میں گرائونڈ پلس چار منزلہ عمارت عبداللہ کمپلیکس کے معائنہ کے بعد جاری کردہ رپورٹ میںکہاگیاہے کہ عمارت کابنیادی ڈھانچہ تباہی کاشکار ہے اور عمارتی بوجھ سنبھال نہیں سکتا جس کی وجہ سے عمارت کے کسی بھی وقت حادثاتی طورزمین بوس ہونے کااندیشہ ہے جس کے نتیجے میں قیمتی انسانی جانوں اور املاک کونقصانات کاخدشہ ہے اس لئے عمارت کوفوری مکینوں سے خالی کروایاجائے۔اس سلسلے میں ایس بی سی اے کی جانب سے مذکورہ عمارت کے مکینوں وقابضین کو انتباہی نوٹس جاری کرتے ہوئے متعلقہ دیگرمحکموں کو مطلع کردیا گیا ہے ۔

قائد آباد کی قانونی دوکانیں مسمار کی گئیں تو نیشنل ہائی وے بلاک کر دیں گے ۔ محمو د حامد


small traders pic 11-08-2016 August 11, 2016 | 9:05 PM

پیتیس دوکانوں کی انہدامی وزیر اعلیٰ سندھ کی صفائی مہم کے خلاف سازش ہے ۔شوکت ربانی
چودہ اگست کے مو قع پر 250دوکانوں کو مسمار کر کے ہزاروں لوگوں کو بے روز گار اور فاقہ کشی کر نے کی سازش شر مناک ہے ۔ کراچی :( نیوزآن لائن)آل پاکستان آرگنائزیشن آف اسمال ٹریڈر اینڈ کاٹیج انڈسٹریز کراچی کے صدر محمود حامدنے قائد آباد بسم اللہ مارکیٹ میں 35قانونی دکانوں کو مسمار کرنے اور اس کا سامان تباہ کرنے کی پرزور مذمت کی ہے اٍنہوں نے مطالبہ کیا کہ تاجروں کو روزگار سے محروم کرنے کی سازشیں بند نہ ہوئیں تو پورے شہر کے تاجر سراپا احتجاج بن جائیں گے ،انہوں نے کہا کہ صفائی مہم کی آڑ میں قانونی اور الاٹ شدہ دکانوں کو تجاوزات قرار دیکر مسما رکرنا بدعنوان اور راشی عناصر کی سازش ہے ،چند ماہ قبل بھی تجاوزات کے نام پر آپریشن کرکے درجنوں دکانوں کو مسمار کر کے سامان لوٹا جاچکا ہے مگر اب تاجر اس ظلم کو بر داشت نہیں کر یں گے ۔قائد آبا دمیں تاجروںکو بے روز گار کر نے کی سازشیں بند نہ کی گئی تو نیشنل ہائی وے پردھر نہ دے کر بلاک کر دیں گے ۔وہ آج کراچی پریس کلب پر تاجرانِ قائد آباد سے احتجاجی مظاہرے سے خطاب کر رہے تھے ۔مظاہرے سے قائد آباد کے صدر شوکت ربانی ،صاحب زمان ،حیدر خان ،خادم حسین ،خورشید بٹگرامی نے بھی خطاب کیا ۔محمود حامد نے کہا کہ کراچی گندگی اور کچرے کا ڈھیر بن چکا ہے ۔عوام اورتاجر شہر کی صفائی کے مطالبات کر رہے ہیں ۔نئے وزیر اعلیٰ سندھ مراد علی شاہ نے اپنی نگرانی میں صفائی مہم کا آغا ز کیا تھا جس سے یہ امید ہو ئی تھی کہ شہر کی حالت بہتر ہو جائے گی لیکن سازشی عناصر نے صفائی مہم کا رُخ قانونی مارکیٹوں کی طرف موڑ دیا اور 250 سے زائد دوکانوں کے غیر قانونی قرار دے کر مسمار کر نے کا ناپاک منصوبہ بنا یا گیا ہے جس کے نتیجے میں ہزاروں لوگ فاقہ کشی کا شکار ہو جائے گے ۔یہ وہی سازشی عناصر ہیں جو سالوں سے عوامی و سائل پر عیاشیاں کر رہے ہیں اور عوام کے ٹیکسوں کو عوام پر خرچ ہو نا نہیں دیکھنا چاہتے ۔انہوں نے اس بات پر حیرت کا اظہار کیا کہ 20سے 25سال سے قائم مارکیٹیں اچانک غیر قانونی کیسے ہو گئیں ۔جبکہ ان کے قانونی کاغذات تاجروں کے پاس موجود ہیں اور ڈی ایم سی نے یہ دوکانیں خود تاجروں کو فروخت کی ہیں ۔محمود حامد نے کہا کہ تاجر متحد ہیں اور ہر قسم کی سازشوں کو اپنے اتحاد کے بل پر ناکام بنائیں گے ۔تاجرانِ قائد آباد کے صدر شوکت ربانی کے نے کہا کہ ڈی ایم سی قائد آباد کی سڑ کوں پر لگے ٹھیلوں ،بس اڈوں اور دیگر تجاوزات جو ٹریفک کی روانی میں روکاوٹ ہیں کے خلاف کو ئی کاروائی نہیں کر تی مگر سالوں سے قائم قانونی مارکیٹوں کو مسمار کر رہی ہے ۔انہوں نے مطالبہ کیا کہ دوکانیں مسمار کر نے کے غیر قانونی احکامات دینے والوں کے خلاف کاروائی کی جائے اور تاجروں کو مکمل تحفظ دیا جائے۔

سول ہسپتال کوئٹہ میں بم دھماکہ قابلِ مذمت ہے ۔ محمود حامد


apostci August 9, 2016 | 8:00 PM

دشمن گوادر پورٹ اور معاشی راہداری کو سبو تاژ کر نا چاہتا ہے/ دہشت گردوں کو اپنے اتحاد کے بل پر شکست دیں گے
ڈان نیوز اور آج نیوز کے کیمرہ مینوں کی شہادت پر بھی اظہار ِ افسوس ۔تمام شہداء کے لیے مغفرت اور زخمیوں کی جلد صحت یابی کی دعا

کراچی:(نیوزآن لائن) آل پاکستان آرگنائزیشن آف اسمال ٹریڈرز اینڈ کاٹیج انڈسٹریز کراچی کے صدر محمود حامد ،نائب صدور عثمان شر یف ،عبدالماجد نے کوئٹہ سول ہسپتال کے باہر بم دھماکے کو قابلِ مذمت اور بزدلانہ کاروائی قرار دیتے ہوئے دہشت گردی کے ذمہ داروں کو کیفر کردار تک پہنچانے کا مطالبہ کیا ہے ۔انہوں نے کہا کہ دہشت گردوںکی کاروائی کے نتیجے میں 73افراد کی ہلاکت افسوسناک ہے ۔تاجر راہنمائوں نے کہا کہ کراچی کے عوام اور تاجروں کی ہمدردیاں کوئٹہ کے متاثرہ عوام اور وکلاء کے ساتھ ہیں ۔غیر ملکی طاقتیں اور ملک دشمن عناصر گوادر پورٹ اور اکنامک کاریڈور کو ناکام بنانے کے لیے بے گناہ شہریوں کے خون سے ہولی کھیل رہے ہیں ۔اسمال ٹریڈرز کے راہنمائوں نے کہا کہ دہشتگردانہ کاروائیوں کے خلاف ہم متحد ہیں اور ہم بزدل دشمن کو اپنے اتحاد کے بل پر شکست دیں گے ۔تاجر راہنمائوں نے ڈان نیوز اور آج نیوز کے کیمرہ مینوں کی شہادت پر بھی اظہار ِ افسوس کیا ۔انہوں نے شہید ہو نے والوں کے لیے مغفرت اور درجات کی بلندی اور زخمیوں کی جلد صحت یابی کی دعا کی ۔