: تازہ ترین

تازہ ترین ویڈیو

ہیش ان کراچی مرکزی نوعیت کا حامل تکونہ


baldiyate news January 12, 2020 | 5:17 PM

پی ایس ایل کے اگلے ایڈیشن سے قبل اسے مزید خوبصورت بنانے کیلئے بلدیہ شرقی کی جانب سے اقدامات شروع
موسمی دل کش پھولوں سے سنوارنے کے ساتھ مزید بیوٹیفیکیشن کے کام کئے جا رہے ہیں، چئیرمین بلدیہ شرقی معید انور
کراچی:(نیوزآن لائن)چئیرمین بلدیہ شرقی معید انور نے کہا ہے کہ پی ایس ایل کا مکمل طور پر پاکستان میں انعقاد کرکٹ کے شیدائیوں کیلئے خوشی کی خبر ہے، بلدیہ شرقی جس طرح ماضی میں پی ایس ایل کیلئے اپنے تئیں خدمات پیش کرتی رہی ہے اسی طرح خدمات فراہم کرنے کیلئے کوشاں ہے ان خیالات کا اظہار انہوں نے ہیش ٹیک تکونہ پارک اسٹیڈیم روڈ کو خوبصورت بنانے کے حوالے سے ہونے والے کاموں کا معائینہ کرتے ہوئے کیا انہوں نے افسران سے بات چیت کرتے ہوئے مزید کہا کہ ہیش ان کراچی تکونہ پارک پی ایس ایل کے حوالے سے مرکزی نوعیت کا حامل ہے اس کی خوبصورتی کو برقرار رکھنے کیلئے یہاں موسمی پھولوں سمیت مزید بیوٹیفیکیشن کے کام کئے جارہے ہیں لہذا ان کاموں کی ازخود نگرانی کریں پی ایس ایل سے قبل ہیش ٹیک کراچی کو خوبصورت کرنے کیلئے اقدامات کو حتمی شکل دے دی جائے انہوں نے اس موقع پر اسٹیڈیم روڈ کا بھی تفصیلی معائینہ کیا اور ہدایت کی کہ اسٹیڈیم روڈ اور اسٹیڈیم سے ملحقہ شاہراہوں کو بھی خوبصورت پودوں سے آراستہ کیا جائے کراچی کرکٹ سے محبت کرنے والوں کا شہر ہے اور ان کی محبت کا عکس پی ایس ایل میں نمائندگی کرنے والے بین الاقوامی کرکٹرز تک پہنچانے میں بلدیہ شرقی اپنا کردار ادا کرے گی اس موقع پر ان کے ہمراہ محکمہ پارکس کے افسران بھی موجود تھے۔