: تازہ ترین

تازہ ترین ویڈیو

ہماری جدوجہد ناانصافی کی چکی میں پسے نیم طبی عملے کیلئے ہے’ نیاز احمد خاصخیلی


all sindh peoples paramedical February 5, 2020 | 5:33 PM

ہم نے شہید ذوالفقار علی بھٹو، شہید محترمہ بینظیر بھٹو کے فلسفے اور سوچ کے مطابق مریضوں کی خدمت کا بیڑہ اٹھایا
طبی سہولتوں کی فراہمی میں سندھ حکومت دوسرے صوبوں سے بہتر کام کررہی ہے ، پنجاب سے آئے وفد سے گفتگو
کراچی: (نیوزآن لائن) طبی سہولتوں کی فراہمی میں سندھ حکومت دوسرے صوبوں سے بہتر کام کررہی ہے ، حکومت سندھ نے” صحت سب کے لیے ”کے نعرے کے تحت عوام کو سستے یا مفت علاج کی سہولیات فراہم کرنے کے لیے کئی عشرے پہلے سے عملدرآمدی منصوبہ تشکیل دیا اور ضلعی سطح پر سول اسپتال ، تعلقہ سطح پر تعلقہ اسپتال سے لے کر یونین سطح تک بنیادی صحت مراکز (بیسک ہیلتھ یونٹس)قائم کئے ۔قومی ادارہ برائے امراض قلب(این آئی سی وی ڈی)،ایس آئی یو ٹی، گمبٹ انسٹیٹویوٹ آف میڈیکل سائنسز، سائبر نائف روبوٹک سرجری و دیگر بین الاقوامی طرز کے ہسپتال قائم کرنے کے بعد سندھ حکومت نے صوبے کے پہلے سرکاری بون میرو یونٹ کا افتتاح بھی ہو چکا۔ ان خیالات کا اظہار انہوں نے اپنے دفتر میں پنجاب سے آئے کل پاکستان خضری برادرز تنظیم کے وفد سے گفتگو کرتے ہوئے کیا۔ سید منیر شاہ، جاوید اختر شیخ، قادر اقبال چنہ، احسان کلہوڑو، عباس مہر، انور شیخ، ممتاز میمن ودیگر بھی موجود تھے۔ نیاز احمد خاصخیلی کا کہنا تھا کہ ہماری تنظیم نے گزشتہ کئی سالوں سے شہید ذوالفقار علی بھٹو، شہید محترمہ بینظیر بھٹو کے فلسفے اور سوچ کے مطابق مریضوں کی خدمت کا بیڑہ اٹھایا اور ناانصافیوں کی چکی میں پسے نیم طبی عملے کے حقوق کی آواز اٹھائی اور ہماری جدوجہد کے پیش نظر گاؤ ی ویکسینٹرز کو مستقل کیا گیا ، پیرامیڈیکل کے ہیلتھ الاؤنس کی سمری پروسیس میں ہے جلد یہ معاملہ بھی حل ہوجائے گا۔ شہاب الدین غوری کی صدارت میں وفد نے آل سندھ پیپلز پیرامیڈیکل اسٹاف کراچی کے قائد کی خدمات کو سراہا اور نیک خواہشات کا اظہار کیا۔