: تازہ ترین

تازہ ترین ویڈیو

کو ملالہ یوسف زئی کی کتاب کی تقریب رونمائی روکنے پر عمران خان بر ہم


221627-iammalalabookfreedownload-1390898522-581-640x480 January 28, 2014 | 2:34 PM

پشاور (نیوزآن لائن)خیبرپختونخوا حکومت نے پشاور یونیورسٹی میں ملالہ یوسف زئی کی کتاب کی تقریب رونمائی رکوا دی ہے جبکہ عمران خان نے صوبائی حکومت کے اقدام پر عمران خان بر ہم ہو گئے۔ تحریک انصاف کے چیئرمین عمران خان نے فیصلے پر برہمی کا اظہار کردیا ہے۔تفصیلات کے مطا بق ملالہ یوسف زئی کی کتاب ”آئی ایم ملالہ“ کی تقریب رونمائی پشاور یونیورسٹی میں ہونا تھی اور اس کا اہتمام باچا خان ایجوکیشن فاونڈیشن اورایک غیر سرکاری تنظیم نے مشترکہ طور پر کیا تھا۔ تمام تیاریاں مکمل کرلی گئی تھیں تاہم عین وقت پر صوبائی وزیراطلاعات شاہ فرمان اور جماعت اسلامی سے تعلق رکھنے والے وزیر بلدیات عنایت اللہ خان نے تقریب روکنے کے احکامات جاری کردیئے۔اس کا مقصد کتاب پر طلبا کے درمیان بحث و مباحثہ تھا تاہم صوبائی حکومت نے اس کتاب کی تقریب رونمائی رکوادی جبکہ پولیس نے بھی تقریب کے لئے سیکیورٹی دینے سے بھی انکارکردیا۔دوسری جانب تحریک انصاف کے چیئرمین عمران خان نے اپنی ہی جماعت کی حکومت کے اس اقدام پر افسوس کا اظہار کرتے ہوئے کہا ہے کہ صوبائی حکومت آزادی اظہار پر یقین رکھتی ہے اور وہ سمجھنے سے قاصر ہیں کہ کتاب کی رونمائی پر پابندی کیوں لگائی گئی ہے۔اس سلسلے میں صوبائی وزیر اطلاعات شاہ فرمان کا کہنا ہے کہ کتاب کا یونیورسٹی کی نصابی سرگرمیوں سے کوئی تعلق نہیں اگر ہم نے کتاب کی رونمائی کی اجازت دی تو ایک نیا پینڈورا بکس کھل جائے گا، پشاور یونیورسٹی میں کتاب کی تقریب پر پابندی نہیں لگائی گئی، وہ جہاں چاہیں اور جب چاہیں کتاب کی رونمائی کرلیں لیکن کسی تعلیمی درسگاہ کو اس کے لئے استعمال نہ کیا جائے، انہوں نے کہا کہ عمران خان کو سیاق و سباق کا علم نہیں تھا اس لئے انہوں نے اظہار افسوس کیا ہے لیکن اب انہیں تمام صورتحال کے بارے میں آگاہ کردیا گیا ہے۔