: تازہ ترین

تازہ ترین ویڈیو

چئیرمین بلدیہ شرقی معید انور کا سڑکوں کی استرکاری کا معائینہ


23.2.2020 February 23, 2020 | 7:25 PM

یوسی 22 گلشن اقبال بلاک 19 میں سڑکوں کی استرکاری کے کام تیزی سے تکمیل کی جانب گامزن
ضلع شرقی میں ترقیاتی لحاظ سے بہتری لانے کیلئے اپنا کردار ادا کر رہے ہیں،چاہتے ہیں شہریوں کو زیادہ سے زیادہ ریلیف فراہم کریں، چئیرمین بلدیہ شرقی معید انور
کراچی:(نیوزآن لائن). چئیرمین بلدیہ شرقی معید انور نے کہا ہے کہ وسائل، مسائل سے کم صحیح لیکن بلدیاتی خدمات کی جہاں تک ممکن ہو رہا ہے خدمات کی فراہمی کو یقینی بنا رہے ہیں، سڑکوں کی درستگی کیلئے خطیر رقم درکار ہے مرحلہ وار اہم شاہراہوں کو درست کرنے کے ساتھ جہاں تک ممکن ہوتا ہے علاقوں میں بھی کام کر رہے ہیں ان خیالات کا اظہار انہوں نے یوسی 22 بلاک 19 میں سڑکوں کی استرکاری کے کاموں کے معائینے کے دوران کیا اس موقع پر انہوں نے سڑک کی تعمیر کے دوران استعمال ہونے والے میٹیریل کا بھی جائزہ لیا اور موجود افسران کو ہدایت کی کہ معیاری کام کو ترجیح دی جائے ان کامزید کہنا تھا کہ ضلع شرقی میں ترقیاتی لحاظ سے بہتری لانے کیلئے اپنا کردار ادا کر رہے ہیں کیونکہ کوشش ہے کہ ضلع شرقی کے مکینوں کو زیادہ سے زیادہ بلدیاتی سہولیات پہنچائی جائیں پارکوں کے کئی منصوبے تکمیلی مراحل میں ہیں جو صحت مندانہ اور تفریحی سرگرمیوں میں اضافہ ثابت ہونگے اس موقع پر ان کے ہمراہ یوسی 22 کے چئیرمین عبدالسلام وبلدیہ شرقی کے افسران بھی موجود تھے۔