: تازہ ترین

تازہ ترین ویڈیو

پنجاب حکومت نے عوام دشمن پالیسیوں کے ساتھ ساتھ تعلیم دشمن پالیسیوں پر بھی تیزی سے عمل درآمد شروع کر دیا ہے ، صدر نصیر احمد


PPP-FLAG1 February 9, 2015 | 6:15 PM

کراچی:(نیوزآن لائن)پاکستان پیپلز پارٹی انسانی حقوق ونگ لاہور کے صدر نصیر احمد، عمر حیات تبسم، شیخ علی سعید، ڈاکٹر نوین بخاری ، عثمان الحق قریشی ، اختر حسین شاہ نے پی پی 137شاہدرہ میں نائب صدر لاہور میاں راشد کی رہائش گاہ پر اجلاس سے خطاب کر تے ہوئے کہا کہ پنجاب حکومت نے عوام دشمن پالیسیوں کے ساتھ ساتھ تعلیم دشمن پالیسیوں پر بھی تیزی سے عمل درآمد شروع کر دیا ہے ، شاہدرہ میں بس سٹینڈ بنانے کی خاطر کئی تعلیمی اور تاریخی تعلیمی اداروں کو نیست و نابودکیا جارہاہے ، تعلیمی اداروں کی اپ گریڈیشن اور سہولتیں فراہم کرنے کی بجائے انہیں گرایا جارہا ہے ، شاہدرہ جو کہ مسلم لیگ ن کی وجہ سے پہلے ہی پسماندگی کی صف میں شمار ہو رہا ہے اور اتنی بڑی آبادی کو تعلیم کی سہولتیں میسر نہ ہیں ، تعلیمی اداروں کا فقدان ہے ، ہزار وں لڑکے اور لڑکیاں صرف تعلیم حاصل کرنے کی خاطر شاہدرہ سے دور کئی کلو میٹر کا فاصلہ طے کرنے پر مجبور ہیں ، مسلم لیگ ن نے ہمیشہ شاہدرہ سے الیکشن جیت کر اسے پسماندہ رکھنے کی کوشش کی ہے ، پنجاب حکومت کے مشیر حکومت کو غلط گائیڈ کرکے اسے عوام میں غیر مقبول کر رہے ہیں ، تعلیمی اداروں کو گرا کر بچوں کے مستقبل کو دائو پر لگانا قابل مذمت فعل ہے، پاکستان پیپلز پارٹی انسانی حقوق ونگ لاہور شاہدرہ میں تعلیمی اداروں کو ختم کرکے بس اسٹینڈ بنانے کی مذمت کر تی ہے اور مطالبہ کر تی ہے کہ ان تعلیمی اداروں کو نہ گرایا جائے ان کی اپ گریڈیشن کی جائے اور بس اسٹینڈ کے لئے کوئی اور جگہ مختص کی جائے ، رہائشی علاقے میں بس اسٹینڈ بننے سے ماحولیاتی آلودگی اور ٹریفک کے بے شمار مسائل بھی پیدا ہو نگے انہوں نے وزیر اعلیٰ پنجاب اور دیگر مسلم لیگ ن کی قیادت کو کہا کہ وہ شاہدرہ کے عوام کے ساتھ سوتیلی ماں جیسا سلوک بند کردیں اور شاہدرہ کو بھی لاہور میں شمار کرکے ترقیاتی فنڈ دیئے جائیں تاکہ شاہدرہ کے عوام بھی سکھ کا سانس لے سکیں اور علاقہ کی پسماندگی کا خاتمہ ممکن ہوسکے۔