: تازہ ترین

تازہ ترین ویڈیو

پاکستان کی ترقی اور تعمیر میں نوجوان ہی ہراول دستہ ثابت ہوسکتے ہیں


Pic Cricket December 9, 2018 | 6:18 PM

کراچی یونیورسٹی کے شعبۂ سیاسیات کی جانب منعقدہ سیمینار میں مقررین کا خطاب
کراچی:(نیوزآن لائن)پاکستان کی ترقی ، خوشحالی اور تعمیر میں سب سے اہم کردار نوجوان ہی اداکرسکتے ہیں۔ آج پاکستان کو اپنی حیثیت منوانے کے لئے دنیا میں جس شئے کی سب سے زیادہ ضرورت ہے وہ جذبہ اور خلوص ہے ، اور تاریخ گواہ ہے کہ نوجوانوں میں حُبّ الوطنی، جوش اور ترقی کرنے کا جذبہ بہت زیادہ ہوتاہے۔ کراچی یونیورسٹی کے شعبۂ سیاست کے زیرِاہتمام” نویں سالانہ ٹِپنگ پوائنٹ کانفرنس ” میں مقررین نے اظہارِ خیال کرتے ہوئے نوجوانوں کو پاکستان کا حقیقی مستقبل اور ترقی کا ضامن قراردیا۔کراچی یونیورسٹی کے شعبۂ فنون کے آڈیٹوریم میں منعقدہ سیمنار میںوائس چانسلر پروفیسر ڈاکٹر محمد اجمل خان نے طلبا و طالبات سے خطاب کرتے ہوئے کہ پاکستان قدرتی وسائل سے مالا مال ہے اگر ہم ایمانداری سے کام کریں تو پاکستان دنیا کا سب سے زیادہ ترقی یافتہ ملک بن سکتاہے ۔مگر ضروری ہے کہ تعلیم عام ہو ۔انہوں نے طلبا و طالبات کو نصیحت کی کہ وہ خود کو پاکستان کا محب وطن سپاہی بنائیں اور پاکستان کو ترقی یافتہ ملک بنانے کے لئے ایک بہادر سپای کا کرداراداکریں ۔ اس موقع پر چیئرمین ضلع وسطی ریحان ہاشمی نے طلبا و طالبات سے خطاب کرتے ہوئے پاکستانی نوجوانوں کو پاکستان کی خوشحالی ،ترقی اور تعمیر کے لئے ہراول دستہ قراردیا۔انہوں نے کہا کہ افرادی قوت کسی بھی ملک کی ترقی کے لئے اہم عنصر کی حیثیت رکھتی ہے ۔ انہوں نے کراچی یونیورسٹی کے نوجوان طلبا و طالبات کو تعمیری سوچ کے مظہر پروگرام کے انعقاد پر خراجِ تحسین پیش کیا۔مذکورہ سیمنار میں ”ینگ سوشل رفارمرز” کے نمائندے پورے پاکستان سے شرکت کے لئے آئے تھے۔بعد ازاں انّو بھائی پارک ناظم آباد میں چیئرمین ضلع وسطی الیون اور ینگ سوشل رفارمرز الیون کے درمیان ایک نمائشی کرکٹ میچ بھی کھیلا گیا۔جس میں وائی ایس آر کی ٹیم نے فتح حاصل کی۔ ریحان ہاشمی کی جانب سے خصوصیعشائیہ کا بھی اہتمام کیا گیا۔