: تازہ ترین

تازہ ترین ویڈیو

پاکستان پیپلز پارٹی انسانی حقوق ونگ لاہور کا اجلاس ابو احمر ہاشمی کی رہائش گاہ پر منعقد


PPP-FLAG August 27, 2016 | 4:18 PM

لاہور:(نیوزآن لائن)پاکستان پیپلز پارٹی انسانی حقوق ونگ لاہور کا اجلاس ابو احمر ہاشمی کی رہائش گاہ پر منعقد ہو ا۔ اجلاس سے خطاب کرتے ہوئے لاہور کے رہنماء نصیر احمد ، شیخ علی سعید، عبدالکریم میو، رانا محمد منیر، نصیر احمد، ارشد لودھی، وقاص پرنس، سیدہ حمیرا،تنزیلہ نذر، عاصمہ اکرم نے کہا کہ لاہور کو پیرس بنانے کا دعوی ٰ کرنے والوں نے وینس میں تبدیل کر دیا ہے پنجاب حکومت نے تمام اداروں کے فنڈ روک کر اورنج ٹرین پر لگا دیے ۔ 165 ارب سے زائد لاگت سے 27 کلومیٹر طویل اورنج ٹرین تعمیر کی جا رہی ہے اور اس کے 27 اسٹیشن ہیں ہر اسٹیشن کا خرچہ 6 ارب سے زائد ہے لاہور کے تمام ایم این ایس،ایم پی ایس کے فنڈز بھی جاری نہیں کیے جا رہے اورنج ٹرین کے صرف ایک اسٹیشن کا خرچہ لاہور کے نکاسی آب اور پینے کے پانی پر لگا دیئے جائیں تو لاہور کی عوام ہر سال بارش سے متاثر ہونے سے بچ سکتی ہیں۔ اور اہلیان لاہو رکو بیماریوں سے پاک پینے کا پانی مل سکتا ہے۔ لاہور کے 50 سالہ پرانے نکاسی آب نظام کو بدلنے کے لیے کوئی منصوبہ بندی نہیں کی جا رہی ۔ محکمہ موسمیات کے ماہرین کی اس پیشن گوئی کے بعد اس سال مون سون بارشیں زیادہ ہونگی ۔ حکومت نے بچائوں کے لیے کوئی ٹھوس منصوبہ بندی نہیں کی لاہور میں شدید بارشیوں سے تباہی پھیلائی ہوئی ہے جبکہ خادم اعلیٰ سے لے کر لاہور کے تمام ایم پی ایز اور سرکاری افسران بیرونی دوروں پر ہیں یہ پھر لاہور سے باہر ضمنی الیکشن میں ڈیوٹیاں سرانجام دے رہے ہیں ۔  اور لاہور کو لاوارث چھوڑ دیا گیا ہے ۔ انہوںنے مطالبہ کیا کہ پنجاب حکومت لاہور کے 50سالہ نکاسی آپ پروگرام کو بدلنے کے لیے ترجیحی بنیادوں پر فنڈ جاری کرے تاکہ بارشیوں سے کم سے کم نقصان ہو۔