: تازہ ترین

تازہ ترین ویڈیو

پاکستان مسلم لیگ ن ڈسٹرکٹ سکھر کے زیر اہتمام یوم کشمیر کے موقع پر کارکنان کی کثیر تعداد نیسکھر پریس کلب تک کشمیر بنے گا پاکستان ریلی نکالی


pml n  sukkur February 5, 2020 | 5:23 PM

سکھر:(نیوزآن لائن )پاکستان مسلم لیگ ن ڈسٹرکٹ سکھر کے زیر اہتمام یوم کشمیر کے موقع پر کارکنان کی کثیر تعداد نے ڈسٹرکٹ سکھر کے صدر خورشید میرانی و دیگر کی قیادت میں مظلومین کشمیر سے اظہار یکجہتی کیلئے انور پراچہ تا سکھر پریس کلب تک کشمیر بنے گا پاکستان ریلی نکالی اور پریس کلب کے سامنے مظاہرہ کرتے ہوئے بھارتی جارحیت کے خلاف شدید نعریبازی کی کارکنان نے ہاتھوں میں پاکستانی اور کشمیری پرچم ، پلے کارڈ اور بینرز اٹھا رکھے تھے مظاہرے میں پاکستان مسلم لیگ ن ڈسٹرکٹ سکھر کے سینیئر نائب صدر سعید حسین مغل، جنرل سیکریٹری محمد اعظم خان ، نائب صدر آغا عارف درانی، نائب صدر احمد حسین بھٹی، کوآرڈینیٹر عبدالفتاح ابڑو ، انفارمیشن سیکریٹری گل حسن کھوسو ، جوائنٹ سیکریٹری شیخ نظام جان، تعلقہ روھڑی کے صدر فھیم گرگیج ، سینیئر نائب صدر بابو کھوسو، نائب صدر اخلاق ھاشمی، جنرل سیکریٹری الاھی بخش سولنگی ، انفارمیشن سیکریٹری وزیرعلی شیخ ، سکھر سٹی کے رھنما خالد آرائیں، عدنان راجپوت ، چوہدری مجاھد، کاشف عباسی اور دیگر عھدیداران بھی شریک تھے،کارکنان سے خطاب کرتے ہوئے پی ایم ایل ن ڈسٹرکٹ سکھر کے صدر خورشید میرانی و دیگر رہنماں کا کہنا تھا کہ آج پوری پاکستانی قوم نے بھرپور طریقے سے یومِ یکجہتی منا کر دنیا کو بتا دیا ہے کہ وہ کل بھی اپنے کشمیری بھائیوں کے ساتھ تھے اور ہمیشہ رہے گے، حکومت پاکستان کشمیر کے مسئلے پر بھرپور طریقے سے مسلمان ممالک کے ساتھ بات چیت کرے تاکہ تمام مسلمان ممالک یکجا ہوکر کشمیر سمیت دیگر مسلمان ممالک میںہونیوالے ظلم و ستم کے خلاف بھرپور آواز بلند کر سکیں بھارتی درندے جس قدر کشمیروں پر ظلم و ستم کرتے ہیں اسی قدر جذبہ آزادی اور شوق شہادت بڑھتا جا رہا ہے۔پاکستانی قوم کشمیریوں کی اخلاقی اور سفارتی حمایت جاری رکھے گی اور پوری قوم کشمیری بھائیوں کیساتھ کھڑی ہے۔