: تازہ ترین

تازہ ترین ویڈیو

پاکستانی قوم غیور کشمیری عوام کے شانہ بشانہ کھڑی ہے، سید ناصر حسین شاہ


Nasir Shah photo February 5, 2020 | 5:50 PM

ظلم و ستم کا بہادری و دلیری سے مقابلہ کرنے والی قوم کو دنیا کی کوئی بھی طاقت حق خودارادیت سے روک نہیں سکتی، سید ناصر حسین شاہ
کراچی :( نیوزآن لائن)صوبائی وزیر بلدیات، اطلاعات و جنگلات سندھ سید ناصر حسین شاہ نے کہا ہے کہ پوری پاکستانی قوم کشمیری عوام کی جدوجہد میں برابر کی شریک ہے، جانوں کا نذرانہ پیش کرنے والے کشمیری ملک کا فخر ہیں۔ یہ بات آج انھوں نے یوم یکجہتی کشمیر کے موقع پر ایک بیان میں کہی۔ اپنے تہنیتی بیان میں ناصر حسین شاہ نے کہا کہ غیور کشمیری عوام کی قربانیاں وجدوجہد رائیگاں نہیں جائیں گی اور یوم یکجہتی کشمیر پورے پاکستان میں غیر معمولی جوش و جذبے کے ساتھ منائی جارہی ہے۔ انھوں نے کہا کہ یوم یکجہتی کشمیر تاریخی اہمیت کا حامل دن ہے، پاکستانی قوم ہر قدم پر کشمیری عوام کے شانہ بشانہ ہے۔ سید ناصر حسین شاہ نے کہا کہ حق خودارادیت کی جدوجہد میں دنیا بھر کے پاکستانی کشمیری عوام کے ساتھ ہیں۔ انھوں نے کشمیری عوام کو خراج تحسین پیش کرتے ہوئے کہا کہ وہ ظلم و ستم کا بہادری و دلیری سے مقابلہ کررہے ہیں اور دنیا کی کوئی بھی طاقت کشمیری عوام کو حق خودارادیت کی جدوجہد سے نہیں روک سکتی۔ انھوں نے تمام شہید کشمیریوں کو بھی خراج عقیدت پیش کرتے ہوئے کہا کہ پانچ فروری کا غیر قانونی اقدام دنیا کا سیاہ ترین اقدام ہے۔