: تازہ ترین

تازہ ترین ویڈیو

ویمن رائٹرز فورم کے تحت خواتین رائٹرز میں یادگاری شیلڈز اور اسناد کی تقسیم


women writes September 15, 2014 | 7:00 PM

آرٹس کونسل میں رائٹرز کنونشن کا انعقاد ،حجاب کے عنوان پر مشاعرہ ، خواتین شعراء نے اپنا کلام پیش کیا 2013-14کی انعام یافتہ تحریروں کا اعلان ۔فرحانہ اورنگزیب ،عالیہ شمیم ،دردانہ صدیقی اور دیگر نے انعامات تقسیم کیے
کراچی:(نیوزآن لائن )ویمن رائٹرز فورم کراچی نے قلم کو ایک امانت و عبادت بناتے ہوئے ہمیشہ خواتین لکھاریوں کے لیے بامقصد نشستوں کا اہتمام کیا ہے ، خواتین لکھاریوں کی تحریروں کو سنوارنا ، بامقصد بنانا اور سچ کے ابلاغ کی روایت کو زندہ رکھنا فورم کا اولین مقصد ہے ،اسی روایت کو آگے بڑھاتے ہوئے سال 2013-14کے لیے ویمن رائٹرزفورم کراچی نے آرٹس کونسل میں رائٹرز کنوشن کا انعقاد کیا ۔کنونشن میں خواتین شعراء کے لیے حجاب کے عنوان پر مشاعرے کا بھی اہتمام کیا گیا ۔ مختلف شعبہ زندگی سے تعلق رکھنے والی خواتین نے شرکت کی ۔خواتین شعراء نے اپنی نظموں اور شاعری کے ذریعے حجاب اور حیا کو اپنا فخر اور زیور قرار دیا ۔ مشاعرے کی نظامت کے فرائض روبینہ فرید نے انجام دیے ،مشاعرے میں حجاب عباسی ، سعدیہ حریم ، حاجرہ منصور ، اسماء صدیقہ ،ذکیہ فرحت ، حبیبہ فریال انصاری ، ساجدہ فرحین فرحی ،رومیصہ عبدالوہاب اور شمیم فاطمہ نے اپنا کلام پیش کیا ۔ کنونشن میں سال 2013-14کی انعام یافتہ تحریروں کا اعلان کیا گیا ،خواتین مصنفات میں یادگاری شیلڈز اور اسناد تقسیم کی گئیں ،معروف سماجی رہنما فرحانہ اورنگزیب ، عالیہ شمیم ،دردانہ صدیقی ،سحر حسن ، شہناز فیضی ،عقیلہ اظہر اور ثمرین احمد نے تحریری مقابلے میں کامیاب ہونے والی خواتین میں اسناد اور شیلڈز تقسیم کیں ، کہانی نویسی میں پہلا انعام نصرت یوسف ،دوسرا فرحی نعیم ،تیسرا فوزیہ خلیل نے حاصل کیا ، مضمون نگاری میں پہلا انعام حمیرا خالد ،دوسرا منیرہ عادل اور تیسرا ذکیہ فرحت نے حاصل کیا جبکہ شاعری میں شمیم فاطمہ کو خصوصی انعام دیا گیا ۔