: تازہ ترین

تازہ ترین ویڈیو

وفاقی حکومت نظام تعلیم کو جدید تقاضوں کے مطابق ڈھالنے کے لئے کو شاں ہے ۔ میاں بلیغ الر حمٰن


bahawalpur April 27, 2015 | 3:41 PM

بہاول پور :( نیوزآن لائن) وزیر مملکت برائے تعلیم و داخلہ امور میاں بلیغ الر حمٰن نے کہا کہ وفاقی حکومت نظام تعلیم کو جدید تقاضوں کے مطابق ڈھالنے کے لئے کو شاں ہے ۔ اس سلسلے میں سول سوسائٹی کی تجاویز اور سفارشات کو بھی مد نظر رکھا جا رہا ہے ۔ اس کے علاوہ تمام صوبوں کی مشاورت سے یکساں نصاب کی تیاری کے لئے بھی کام جاری ہے ۔وزیر مملکت نے گزشتہ روز چولستان ڈویلپمنٹ کونسل کے چیف ایگزیکٹیو ڈائریکٹر فاروق احمد خان سے بھاولپور ضلع میںانسانی تحفظ کے حوالے سے رپورٹ کی کاپی وصول کرتے ہوئے مزید کہا کہ چولستان ڈویلپمنٹ کونسل نے امن میرا حق مہم کے سٹیزن فرسٹ پروگرام کے تحت جو رپورٹ تیار کی ہے اس کی بہت زیادہ اہمیت ہے خاص طور پر تعلیم کے حوالے سے جو جا ئزہ ، تجاویز اور سفارشات شامل ہیں ان سے بھر پور استفادہ کیا جائے گا۔ اور اس رپورٹ کو وزارت تعلیم کے تحت ہونے والی قومی تعلیمی کانفرنس میں بھی زیر بحث لایا جائے گا ۔جبکہ اس رپورٹ کی روشنی میں بھاولپور ضلع میں بھی ہر ممکنہ اصلاحی اقدامات عمل میں لائے جائیں گے ۔اس موقع پر ایگزیکٹیو ڈائریکٹر چولستان ڈویلپمنٹ کونسل فاروق احمد خان نے کہا کہ اس رپورٹ کی تیاری میں تعلیم اور صحت کے شعبوں پر خصوصی توجہ دی گئی ہے تاکہ بہاولپور ضلع میں عوام کو مذکورہ شعبوں میں زیادہ سے زیادہ سہولیات فراہم کی جاسکیں ۔ انہوں نے وزیرمملکت سے کہا کہ وہ رپورٹ کو حکومت کے پالیسی ساز اداروں تک پہنچا ئیں تاکہ فیصلہ سازی کے دوران اس میں موجود سفارشات کو زیر غور لایا جا سکے ۔خاص طور پر ضلع بھاولپور کے لئے تعلیم کا بجٹ بہت کم ہے ،جس کا محکمہ کی کارکردگی پر منفی اثر پڑتا ہے اس کے علاوہ اساتذہ کو عصری ضروریات کے مطابق تربیت دی جائے مزیدیہ کہ سکولوں تک رسائی کو بھی بہتر بنایا جائے۔ اس موقع پر معروف سماجی کارکن محترمہ رضیہ ملک بھی موجود تھیں۔