: تازہ ترین

تازہ ترین ویڈیو

وفاقی اردو یونیورسٹی میں کرپشن اور کالعدم تنظیم کے افراد اہم عہداوں پر فائز ہیں، محمد عباس صدر آئی ایس او کراچی


iso news karachi October 20, 2019 | 10:42 PM

ہم وائس چانسلر الطاف حسین کی جانب سے طلبہ پر لگائے جانے والے الزامات کی مذمت کرتے ہیں، محمد عباس
کرپشن کیس میں نیب کو مطلوب متعصب رجسٹرار ڈاکٹر محمد صارم کوملازمت سے برخاست کیا جائے ، آئی ایس او
ڈاکٹر الطاف حسین ،ڈین سائنس محمد زاہد ، ایڈیشنل رجسٹرار شاہ جی محمد ، کیمپس افسر آصف علی ، اسٹوڈنٹ ایڈوائزر محمد افضل کو فوری برطرف کیا جائے ،آئی ایس او
جامعہ اردو میںمحفل موسیقی کا انعقاد کیا جاتا ہے لیکن مذہبی پروگرامات پر پابندی ہے، خرم خان ناظم اعلی آل سندھ کالجز یونیوسٹی
تعلیمی اداروں میں فرقہ واریت کو فروغ دیا جانا افسوسناک اور تشویشناک ہے ، خرم خان
کراچی :( نیوزآن لائن)وفاقی اردو یونیورسٹی میں ایک مخصوص طبقہ جس میں ایسے افراد شامل ہیں جو نہ صرف کرپشن کیس میں نیب کو مطلوب ہیں بلکہ ایسے افراد بھی شامل ہیں جو کالعدم تنظیموں کے آلہ کار ہیں اور معلومات فراہم کرتے ہیں، ایسے افراد جامعہ میں اہم عہدوں پر فائز ہیں۔ رجسٹرار ڈاکٹر محمد صارم (نیب کو مطلوب)، ڈین کلیہ سائنس سمیت ایک خاص لابی قومی یکجہتی کو نقصان پہنچانے کے لیے مسلکی بنیادوں پر بھیانک کھیل کھیلنے میں مصروف ہیںاور اسی سلسلے کو جاری رکھتے ہوئے اس سال جامعہ کی انتظامیہ کی جانب سے یومِ حسین کے انعقاد پر بھی پابندی عائد کردی گئی۔ہم وائس چانسلر جامعہ اردو الطاف حسین کی جانب سے طلبہ پر لگائے جانے والے منگھڑت الزامات اور اس کی بنیاد پر پرامن طلبہ کو گرفتار کرنے، ان پرتشدد کرنے اور ان کے خلاف جھوٹ پر مبنی ایف آئی آرکی بھرپور مذمت کرتے ہیں اور ایف آئی آر کو فوری ختم کرنے کا مطالبہ کرتے ہیں۔ ان خیالات کا اظہار آئی ایس ا وپاکستان کراچی ڈویژن کے صدر محمد عباس نے پریس کانفرنس سے خطاب کرتے ہوئے کیا۔ اس موقع پر انجمن طلبااسلام کراچی کے جنرل سیکرٹری محمد حسان الرحمن ، ناظمِ اعلی آل سندھ کالجز اور یونیورسٹی محمد خرم خان ، جنرل سیکرٹری آئی ایس او کراچی ریحان اکبر، صدر آئی ایس او کراچی وفاقی اردو یونیورسٹی یونٹ محمد فاضل بھی ان کے ہمراہ موجود تھے ۔ محمد عباس کا کہنا تھا کہ وفاقی اردو یونیورسٹی کی انتظامیہ کا تعصبانہ رویہ اور وفاقی اردو یونیورسٹی کے ڈپٹی رجسٹرار کی جانب سے یومِ حسین کے منتظمین کو فون کال پر سنگین نتائج کی دھمکیاں دینا ، اس عمل کو بغض کے علاوہ اور کیا سمجھا جائے ؟۔ اس موقع پرانجمن طلبااسلام کے ناظم ِ اعلی آل سندھ کالجز اور یونیورسٹی محمد خرم خان کاکہنا تھا کہ وائس چانسلر ڈاکٹر الطاف حسین رقص و سرور کی محفلوں کا انعقاد کو بڑے جذبے سے کرتے ہیں لیکن یوم مصطفیۖ اور یوم حسین پر پابندی عائد کرتے ہیں جو ان کے یزیدی آلہ کار ہونے کا واضح ثبوت ہے۔ محمد خرم خان کا مزید کہنا تھاکہ تعلیمی اداروں میں فرقہ واریت کو فروغ دیا جائے گا، تعصبانہ رویہ اختیار کیا جائے گا تو ملک کا نظام کیسے بڑھے گا ملک ترقی کیسے کرے گا ۔مقررین نے مطالبہ کرتے ہوئے کہا کہ جامعہ کی انتظامیہ طلباو طالبات اور تدریسی و غیر تدریسی عملے کے بارے میں اپنا موقف واضح کرے۔ جامعہ میں میرٹ کی پامالی کو بند کیا جائے اور مسلکی بنیادوں پر ملازمتوں غیر اعلانیہ پابندی کو ختم کیا جائے اور متعصب، فرقہ پرست رجسٹرار جو کہ کرپشن کے کیس میں نیب کو مطلوب ہیں فوری برطرف کر کے کسی اہل شخص کو رجسٹرار تعینات کیا جائے۔