: تازہ ترین

تازہ ترین ویڈیو

وزیراعظم کی بہن کا نہ کوئی کاروبار ہے نہ جدی پشتی کسی جاگیر کی مالک’ وقار مہدی


527500-ppp-1364415145-852-640x480 December 23, 2018 | 9:25 PM

عمران کے باقول والدہ کے علاج کے پیسے بھی نہ تھے مگر بھائی نے آف شور کمپنیاں بنا لی اور بہن نے دوبئی میں جائیدادیں
کراچی: (نیوزآن لائن)پاکستان پیپلز پارٹی سندھ کے جنرل سیکریٹری وقار مہدی، ضلع شرقی کے صدر اقبال ساند اور قائم مقام جنرل سیکریٹری ضلع شرقی عبدالرحیم نے اپنے مشترکہ بیان میں فواد چوہدری کی پریس کانفرنس پر ردعمل دیتے ہوئے کہا کہ فواد چوہدری آصف علی زرداری کی فکر کرنے کے بجائے اپنی حکومت اور اپنی وزارت کی فکر کریں۔ پی ٹی آئی کہنے کو وفاقی حکومت ہے مگر ان کے مشن اور باتوں سے تو یہ احساس ہورہا ہے کہ انہوں نے بلوچستان ، خیبرپختوانخواہ اور پنجاب میں دودھ کی نہریں بہا دی ہے اور وہاں کی عوام کو مریخ پر پہنچا دیا ہے ۔ انہوں نے کہا کہ پورا پاکستان جانتا ہے کہ پی ٹی آئی کو پلیٹ میں رکھ کر ملنے والی حکومت ہضم نہیں ہورہی ، آمروں کی گود میں پلنے والے اور ہمیشہ چور دروازے پر کھڑے رہنے والے عوام کو جواب دینے کے بجائے اپنی توپوں کا رخ مخالفین پر رکھ کر اپنی نااہلی کو نظر انداز کرنے کی کوشش کررہے ہیں۔ انہوں نے کہا کہ کرپشن اور احتساب کا نعرا لگانے والے پہلے علیمہ خان اور عمران نیازی سے زکوة اور چندہ کے پیسوں پر عیاشیاں اور جائیدادیں بنانے کاحساب لیں ۔ وزیراعظم کی بہن کا نہ کوئی کاروبار ہے نہ جدی پشتی کسی جاگیر کی مالک ہے ۔ خود عمران نیازی نے کہا کہ ان کے پاس والدہ کے علاج کرانے کے پیسے بھی نہ تھے مگر بھائی نے آف شور کمپنیاں بنا لی اور بہن نے دوبئی میں جائیدادیں ‘ ہونے کو تو احتساب سب کا ہونا چاہئیں مگر ریاست پاکستان میں لاڈلوں کو استثنیٰ حاصل ہے۔