: تازہ ترین

تازہ ترین ویڈیو

والدین کی شفقت سے محروم بچوں کی پرورش کرنے کے ساتھ معاشرے کا کار آمد شہری بنانا نہایت مشکل کام ہوتا ہے۔سید قائم علی شاہ


SOS VILLAGE C.M PHOTO 28 FEB 2016 February 28, 2016 | 7:01 PM

خیرپور:(نیوزآن لائن) وزیر اعلیٰ سندھ سید قائم علی شاہ نے شاہ عبدالطیف یونیورسٹی کے قریب قومی شاہراہ پر ایس او ایس چلڈرن ولیج پاکستان کی جانب اور سندھ حکومت کے مالی تعاون سے یتیم اور لاوارث بچوں کی تعلیم ، دیکھ بھال کے لیے تعمیر کیے گئے شیلٹر ہائوس کا افتتاح کیا۔سادہ و پر وقار افتتاحی تقریب سے خطاب کرتے ہوئے وزیر اعلیٰ سندھ سید قائم علی شاہ نے کہا کہ سماجی طور پر والدین کی شفقت سے محروم اور نظر انداز کیے جانے والے بچوں کی دیکھ بھال اور پرورش کرنے کے ساتھ معاشرے کا کار آمد شہری بنانا نہایت مشکل کام ہوتا ہے اس سلسلے میں ایس او ایس کی جانب سے ایس او ایس چلڈرن ولیج پاکستان قائم ہونا اور بہتر تعلیم ،ہنر مندی اور تربیت فراہم کرنا قابل ستائش عمل ہے انہوں نے یقین دہانی کرائی کے اس سلسلے میں سندھ حکومت نیک مقاصد کے لیے اپنا بھرپور تعاون پیش کرتی رہے گی تقریب سے خطاب کرتے ہوئے مشاروتی کونسل کے چیئرمین سابق سینیٹر جاوید جبار نے بتایا سماج کے نظر انداز کیے جانے والے اور رشتہ داروں کی شفقت سے محروم بچوں کو یتیم پکارنے سے ان میں احساس محرومی جنم لیتی ہے ہم سب کو مشترکہ طور پر ایسے بچوں میں اعتماد پیدا کرنا ہے انہوں نے خیرپور چلڈرن ولیج قائم کرنے میں سندھ حکومت کے علاوہ رکن قومی اسمبلی ڈاکٹر سیدہ نفیسہ شاہ ، کمشنر سکھر ڈویژن محمد عباس بلوچ کی ذاتی دلچسپی اور کوششوں کو سراہا انہوں نے مزید بتایا کہ ایس او ایس گزشتہ چار دہائیوں سے معزز اور نامور شخصیات اور مختلف اداروں کے تعاون سے اپنی خدمات سرانجام دے رہا ہے اس وقت ملک کے 17 شہروں میں 52 مراکز میں کام جاری ہے انہوں نے کہا کہ اس ادارے سے بیشتر بچے تعلیم اور تربیت کے بعد مختلف شعبوں میں کامیابی کے ساتھ زندگی گزاررہے ہیں جاوید جبار نے مزید بتایا کہ اس ادارے نے نہ صرف خیرپور بلکہ دیگر اضلاع سے وابستہ 150 بچوں کو میرٹ کی بنیاد پر داخلہ دیا جائے گا انہوں نے بتایا کہ ہر گھر پر پچاس لاکھ روپے لاگت آرہی ہے انہوں نے مخیر حضرات اور اداروں سے اپیل کی کہ وہ اس نیک کام میں مشن کو کامیاب بنانے کے لیے مالی مدد فراہم کریں تقریب سے ایس او ایس چلڈرن ولیج پروگرام پاکستان کی صدر ثریا انور اور دیگر نے خطاب کیا۔اس موقع پر وزیر اعلیٰ سندھ کے پولیٹیکل سیکریٹری لعل بخش منگی، ڈی آئی جی سکھراظہر رشید خان، وزیر اعلیٰ سندھ کے پرنسل سیکریٹری مظہر خان، ڈی سی خیرپور فیاض احمد جتوئی ،نظر محمد گاہو، ڈاکٹر یار محمد پھلپوٹو، غلام حسین مغل ، امام ڈنو ملاح اور دیگر موجود تھے۔