: تازہ ترین

تازہ ترین ویڈیو

ن لیگ پاور پراجیکٹ کے نا م پر عوام سے جھوٹے وعدے کر رہی ہے ،صدر نصیر احمد


PPP-FLAG December 5, 2015 | 6:09 PM

لاہور:(نیوزآن لائن)پاکستان پیپلز پارٹی انسانی حقوق ونگ لاہور کے صدر نصیر احمد ، شیخ علی سعید، یامین خان آزاد، شبانہ اظہر چوہدری، اخترشاہ، رانا منیر احمد، حسن ایوب نقوی، نے اپنے مشترکہ بیان میں کہا کہ ن لیگ پاور پراجیکٹ کے نا م پر عوام سے جھوٹے وعدے کر رہی ہے مسلم لیگ(ن) کے لیڈروں نے اقتدار میں آنے سے پہلے دعویٰ کیا تھا کہ وہ چھ ماہ میں لوڈ شیڈنگ کے بحران کو حل کر دینگے اور حل نہ کر سکنے کی صورت میں اپنا نام تبدیل کر لیں گے مسلم لیگ (ن) توانائی بحران سے نمٹنے کے لیے اب تک جتنے منصوبے بنائے ہیں وہ کاغذی ہیں اور ابھی تک ان پر عمل درآمد شرو ع نہیں کیا گیا ساڑھے تین سال میں ایک یونٹ بھی پیدا نہیں کیا چند پراجیکٹ پر افتتاح کیا گیا ہے اور ان پر کام ابھی شروع نہیں ہوا اور ان افتتاحی منصوبوں کی تشہیر پر کروڑوں روپے خرچ کر دیئے گئے ہیں ۔ ساڑھے تین سال میں ایک منصوبہ جس کا لاگت 18 ارب روپے سے کم تھی لیکن اسے 54 ارب روپے سے زائد لاگت لگا کر مکمل کیا گیا لیکن وہ بھی چند دن چلنے کے بعد بند ہو گیا نندی پور پاور پراجیکٹ پاکستان کا میگا سکینڈل پراجیکٹ ہے پانی سے چلنے والی مشینری کو ڈیزل پر چلا کر خراب کر دیا گیا پھر اس پراجیکٹ کو ڈیزل پر منتقل کرنے کے لیے اربوں روپے خرچ کر دیئے گئے نا اہل اوراقربا پروری کے ذریعے لگائے گئے افسروں کی بدولت یہ پراجیکٹ پھر بند ہو گیا ہے اربوں روپے نندی پور کی نہر میں بہا دیئے گئے ہیں پاکستانی میڈیا اور غیر جانبدار حلقے اس پراجیکٹ میں اربوں روپے کی کرپشن پر شور مچا رہے ہیں لیکن نیب اور حکومتی اداروں کی خاموشی معنی خیز ہے نندی پور پاور پراجیکٹ بند ہونے سے سینکڑوں تیل لانے والے ٹرک کئی دنوں سے سڑک پر کھڑے ہیں اور ان کا روزانہ کروڑوں روپے کا کرایہ خزانے سے ادا کیا جا رہا ہے انہوں نے نیب سے مطالبہ کیا کہ نندی پور پاور پراجیکٹ اور کاغذی منصوبوں کی تحقیقات کی جائے۔