: تازہ ترین

تازہ ترین ویڈیو

مہاجر چہرے بدل کر آنے والوں کا احتساب کریں: ڈاکٹر سلیم حیدر


dr saleem haider mit September 12, 2016 | 6:15 PM

پاکستان زندہ باد کہنے سے ماضی کے گناہ اور بداعمالیاں نہیں دھل سکتیں، قوم کو حساب دینا ہوگا
کراچی میں 20سال سے بیٹھ کر اقتدار کے مزے لینے والوں نے مہاجروں کے کتنے مسائل حل کروائے
کراچی:(نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے اہل وطن کو عید کی مبارکباد دیتے ہوئے تمام مہاجروں سے اپیل کی ہے کہ وہ عید کی خوشیوں میں ان کو بھی شریک رکھیں جو ہم سے بچھڑ گئے ہیں۔ انہوں نے کہاکہ عید کا مفہوم خود احتسابی بھی ہے ۔ مہاجروں کو اپنے آپ کا بھی احتساب کرنا چاہئے کہ وہ 30 سالوں سے مہاجر نام پر کن بازی گروں اور شعبدے بازوں کے ہاتھ مضبوط کرتے رہے اور اب بھی ان کے سہولت کار بہروپیوں کے بہکاوے میں آرہے ہیں۔ انہوں نے کہاکہ پاکستان زندہ باد کا نعرہ لگانے سے ماضی کے گناہ اور مہاجروں کو دیئے جانے والے فریب دھوئے نہیں جاسکتے۔ مہاجر قوم اچھی طرح جانتے ہیں کہ کل کے یہ سہولت کار آج پارسائی اور بے گناہی کے کتنے ہی دعوے کریں لیکن یہ سر سے پاؤں تک جرائم اور مہاجر دشمنی میں ڈوبے ہوئے ہیں۔ اب ایک بار پھر روپ تبدیل کرکے قوم کو پھر نئے سرے سے دھوکہ دینے کی کوشش کررہے ہیں لیکن اس بار مہاجران کے اصل چہروں کو پہچان چکے ہیں کیونکہ جس طرح مہاجر نام کو ان بازی گروں نے اپنے ذاتی مفادات کیلئے استعمال کیا وہ کسی سے پوشیدہ نہیں۔ انہوں نے کہا کہ مہاجر قوم کو ان سے سوال کرنا چاہئے کہ 20 سال سے یہ کراچی میں بیٹھ کر اقتدار کے مزے لوٹ رہے ہیں اس دوران انہوں نے کتنے مہاجر بیروزگار نوجوانوں کو ملازمتیں دلوائیں، مہاجروں کے کتنے مسائل حل کرائے ، کتنی مرتبہ مہاجر حقوق کیلئے ایوانوں میں آواز اُٹھائی ، کتنی مرتبہ مہاجر حقوق کیلئے سڑکوں پر احتجاج کیا ۔ انہوں نے کہاکہ شخصیت پرستی سیاست کو فروغ دینے والے آج چہرے بدل بدل کر پارسائی کے دعوے کررہے ہیں ۔