: تازہ ترین

تازہ ترین ویڈیو

مہاجر قاتل اور مقتول کی سیاست ختم کریں: ڈاکٹر سلیم حیدر


dr saleem haider mit March 6, 2016 | 6:54 PM

مہاجروں کو پستی ،رسوائی اور بے بسی سے نکالنے کا عملی وقت آگیا ہے
ایم آئی ٹی مہاجروں کو متبادل قیادت فراہم کرے گی ، ہماری جدوجہد اس کی گواہ ہے
کراچی:(نیوزآن لائن)مہاجر اتحاد تحریک کے چیئرمین ڈاکٹر سلیم حیدر نے کہا ہے کہ اب مہاجر قاتل اور مقتول کی سیاست ختم کرکے مہاجروں کے مستقبل کیلئے کام کیا جائے۔ مہاجر آج اس پستی اور کسمپرسی کا شکار ہیں اس کی تاریخ میں مثال نہیں ملتی۔ تعلیم سے لے کر ملازمت تک مہاجروں کو دیوار سے لگادیا گیا ہے جبکہ سب سے محب وطن مہاجر قوم کو دہشت گردی اور ملک دشمنی جیسے القاب کا سامنا ہے۔ انہوں نے کہاکہ ایم آئی ٹیمہاجر حقوق کی بانی جماعت ہے اور ہم روز اول سے ان حالات کی نشاندہی کرتے رہے ہیںلیکن مہاجروں کی قیادت کے دعویداروں نے مہاجروں سے ووٹ تو لئے لیکن ہر آنے والے دن کے ساتھ مہاجر پستی اور بے بسی کا شکار ہوتے چلے گئے ہیں۔ انہوں نے کہاکہ اب وقت ہے کہ مہاجروں کی پسماندگی کو دور کرتے ہوئے اس تہذیب یافتہ قوم کو اس کے پاؤں پر کھڑا کیا جائے ۔ غلط فیصلوں کے بجائے مہاجروں کے مستقبل کو تابناک بنانے کیلئے فیصلے کئے جائیں ۔ ہم ہزاروں مہاجروں کی قربانیوں اور برسوں کی جدوجہد کو ضائع نہیں ہو نے دیں گے۔ مہاجر اتحاد تحریک مہاجروں کو متبادل قیادت فراہم کرے گی ۔ کیونکہ ہماری تاریخ شائد ہے کہ ہم نے کبھی نہ مہاجروں حقوق سے غداری کی اور نہ ہی مہاجر حقوق کا سودا کیا۔ اپنے لوگوں میں رہ کر ان کے حقوق کی جدوجہد کرتے رہے جس کی پاداش میں ہمیں جیلوں کی صعوبتیں اور جسمانی اذیتوں کا سامنا کرنا پڑا لیکن ہم نہ پہلے مہاجر قوم کو چھوڑ کر بھاگے تھے اور نہ اب انہیں تنہا چھوڑیں گے۔