: تازہ ترین

تازہ ترین ویڈیو

معاشرے میں جگہ جگہ انسانی حقوق کی بدترین پامالیاں ہورہی ہیں جن کو اجاگر کرنا ازہد ضروری ہے،انیلا محمد انصاری


ppp flag December 8, 2014 | 5:34 PM

لاہور(نیوزآن لائن) پاکستان پیپلز پارٹی انسانی حقوق ونگ پنجاب اور پی پی پی ہیومن رائٹس سیل پیپلز سیکریٹریٹ سندھ کے درمیان اشتراکِ عمل سے سرگرمیوں کی انجام دہی کا فیصلہ کیا گیا ہے۔ پاکستان پیپلز پارٹی ہیومن رائٹس سیل پیپلز سیکریٹریٹ سندھ کی انچارج انیلا محمد انصاری کے اعزا زمیں لاہور میں پاکستان پیپلز پارٹی انسانی حقوق ونگ پنجاب اور لاہور کے عہدے داروں کی جانب سے عشائیہ دیا گیا۔ اس موقع پر شرکاء سے خطاب کرتے ہوئے انیلا محمد انصاری نے کہا کہ پاکستان پیپلز پارٹی سندھ و پنجاب کے انسانی حقوق ونگ اشتراکِ عمل سے آئندہ سرگرمیوں کو انجام دینگے تاکہ حقوقِ انسانی سے متعلق معاملات کو نمایا انداز میں اجاگر کیا جا سکے اور اس حوالے سے عوامی شعور کی بیداری ہو۔ انہوں نے کہا کہ انسانی حقوق ونگ پارٹی کی پالیسی میں رہتے ہوئے عوامی خدمت کی بہترین مثال قائم کرسکتا ہے۔ انیلا محمد انصاری نے مزید کہا کہ معاشرے میں جگہ جگہ انسانی حقوق کی بدترین پامالیاں ہورہی ہیں جن کو اجاگر کرنا ازہد ضروری ہے اور ہم مل کر یہ فریضہ انجام دینگے۔انہوں نے مزید تجویز پیش کی کہ انسانی حقوق ونگ مدر تنظیم سمیت زیلی تنظیموں سے بھی روابط کو استوار کرے تاکہ پارٹی فعال انداز میں احسن کردار ادا کرسکے۔ پیپلز پارٹی انسانی حقوق ونگ پنجاب کے سینیئر نائب صدر خاور کھٹانہ ایڈوکیٹ، لاہور ڈویژن کے صدر نصیر ملک، سیکریٹری اطلاعات مسرت صدیقی سمیت دیگر نے سندھ سے آنے والے رہنماؤں کو خوش آمدید کہتے ہوئے انیلا محمد انصاری کی تجاویز کو مثبت قرار دیا اور کہا کہ پنجاب اور سندھ کے انسانی حقوق ونگ اشتراکِ عمل سے حقوق ِ انسانی کی سرگرمیوں کو فروغ دینگے اور انسانی حقوق کی پامالیوں سے متعلق واقعات اور معاملات کو ملک گیر سطح پر اجاگر کیا جائیگا اور متاثرین کو ریلیف کی فراہمی کے لئے ہر ممکن اقدامات کئے جائینگے۔اس موقع پر انیلا محمد انصاری کو پاکستان پیپلز پارٹی انسانی حقوق ونگ لاہور کی یک سالہ کارکردگی مشتمل تفصیلی رپورٹ بھی پیش کی گئی۔ عشائیہ میں پیپلز پارٹی سینٹرل سیکریٹریٹ کراچی کے انچارج اظفر صدیقی اور پیپلز سیکریٹریٹ سندھ کے ترجمان منصور کھوکھر بھی موجود تھے۔