: تازہ ترین

تازہ ترین ویڈیو

محکمہ ایکسائز اینڈ ٹیکسیشن سندھ نے اپریل تک 64418.812 ملین روپے ٹیکس وصول کیا۔


excise and taxation government of sindh May 15, 2020 | 11:10 PM

لاک ڈان کی وجہ سے ٹیکسز کی وصولی میں کمی کا سامنا رہا۔ مکیش کمار چالہ
کراچی۔ :( نیوزآن لائن) محکمہ ایکسائز اینڈ ٹیکسیشن و انسداد منشیات سندھ نے رواں مالی سال میں جولائی 2019 سے اپریل 2020 تک مجموعی طور 64418.812 ملین روپے ٹیکس وصول کیا گیا جبکہ گزشتہ مالی سال میں اسی مدت تک کے لئے 60547.924 ملین روپے ٹیکس وصول کیا گیا تھا۔ تفصیلات کے مطابق موٹر وہیکل ٹیکس کی مد میں 5337.790 ملین روپے، انفراسٹرکچر سیس کی مد میں 52411.278 ملین روپے اور پروفیشنل ٹیکس کی مد میں 487.165 ملین روپے وصول کئے گئے۔کاٹن فیس کی مد میں 203.200 ملین روپے، جائیداد ٹیکس کی مد میں 1822.619 ملین روپے ، انٹرٹینمنٹ ڈیوٹی کی مد میں 59.977 ملین روپے اور باقی رقم دیگر ٹیکسز کی مد میں وصول کی گئی۔ دریں اثنا صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چالہ نے اپنے ایک بیان میں کہا ہے کہ لاک ڈان کے باعث ٹیکسز کی وصولی میں کمی کا سامنا ہے اور محکمہ ایکسائز سندھ نے ٹیکس جمع کروانے والوں کی سہولت کے لئے آن لائن مینجمنٹ سسٹم متعارف کروا دیا۔ مکیش کمار چالہ نے مزید کہا کہ آن لائن مینجمنٹ سسٹم کورونا وائرس سے تحفظ فراہم کرنے کے لئے متعارف کروایا گیا ہے۔اس سسٹم کے تحت گاڑی کی رجسٹریشن، ٹرانسفر اور دیگر ٹیکسز جمع کراوئے جاسکتے ہیں۔ انہوں نے کہا کہ محکمہ ایکسائز سندھ کے دفاتر میں کورونا وائرس سے بچا کے لئے حکومت سندھ کی جاری کردہ ہیلتھ ایڈوائزری پر سختی سے عمل ہورہا ہے،اس کے علاوہ صوبائی وزیر مکیش کمار چالہ نے کہا کہ ٹیکس جمع کروانے کے خواہشمند فوری طور پر آن لائن مینجمنٹ سسٹم سے فائدہ اٹھائیں۔