: تازہ ترین

تازہ ترین ویڈیو

قائم علی شاہ سچا ہے تو پھر اس کو کنفیڈریشن کا نعرہ لگا کر میدان میں آنا چاہئے۔ ممتاز علی خان بھٹو


Karachi-Sindh September 16, 2016 | 3:31 PM

میرپور بھٹو:(نیوزآن لائن)سندھ نیشنل فرنٹ کے چیئرمین سردار ممتاز علی خان بھٹو سے عید الاضحی کے چوتھے روز بھی سندھ بھر سے عید مبارک دینے والے وفود کی میرپور بھٹو آمد کا سلسلہ جاری رہا، اس موقعے پر گفتگو کرتے ہوئے ممتاز علی بھٹو نے کہا کہ قائم علی شاہ اب بیان دے رہا ہے کہ مرکز ہمیشہ سندھ سے زیادتیاں کرتا آ رہا ہے تاہم خود اس نے تین بار اور 12 سال سندھ پر حکمرانی کی ہے مگر اس قسم کی شکایت اس نے کبھی نہیں کی اور اب جاگ پڑا ہے اگر مرکز کی سندھ سے زیادتی ہے اور قائم علی شاہ سچا ہے تو پھر اس کو کنفیڈریشن کا نعرہ لگا کر میدان میں آنا چاہئے کیونکہ اصل صحیح راستہ اور قائد اعظم محمد علی جناح رحہ کی دیے گئے پروگرام کے تحت کہ پاکستان میں صوبے خودمختیار اور مقتدر ہونگے اور مرکز کے پاس بہت محدود اختیارات ہونگے یہ ہی پاکستان کے لئے صحیح راستہ ہے۔ ممتاز علی بھٹو نے مزید کہا کہ پاکستان بننے کے چند ماہ بعد قائد اعظم محمد علی جناح رحہ اللہ پاک کو پیارے ہوگئے اس کے بعد 10 سالوں میں 8 حکومتیں آئیں اور گئیں جس کے بعد جرنل ایوب خان کا 10 سالہ دؤر حکومت آگیا اور قائد اعظم محمد علی جناح رحہ کا دیا گیا کنفیڈریشن کا پروگرام سب نے بھلا دیا اور اس لئے پاکستان ٹوٹ گیا اور جو بچہ کچہ ملک ہے اس میں بھی علحدگی کی تحریکیں چل رہی ہیں، ایسی صورتحال میں یہ ہی راستہ پاکستان کو بچا سکتا ہے جو پروگرام قائد اعظم محمد علی جناح رحہ نے خود قرارداد پاکستان میں دیا ہے آؤ تو اس پر عمل کرتے ہوئے مل جل کر ملک کو مزید تباہی سے بچالیں۔