: تازہ ترین

تازہ ترین ویڈیو

عید الضحیٰ پر اعلیٰ کارکردگی کا مظاہرہ کرکے صحت و صفائی عوام کی دہلیز تک فراہم کی ہیں:جان محمد بلوچ


16-09-2016 Chairman, MC after Eid-ul-Azha Safaee visit September 16, 2016 | 3:34 PM

کراچی:(نیوزآن لائن)چیئرمین بلدیہ ملیر جان محمد بلوچ نے کہا کہ جس طرح آفسران و ملازمین نے عید الضحیٰ پر اعلیٰ کارکردگی کا مظاہرہ کرکے عوام کو صحت و صفائی ان کی دہلیز تک فراہم کی ہیں امید کر تا ہوں کے آئندہ بھی مذہبی تہوار پر دل جمی سے کام کریں گے،بلدیہ ملیر میں عید الضحیٰ پر آلائشیں اٹھاکر دفنانے کے کام کی مثال نہیں ملتی ،عوام کی جانب سے بھی ضلعی انتظامیہ ملیر کی بہترین کاردگی کو سراہا گیا ہے، عید کے بعد بھی بلدیہ ملیر کی تمام یوسیز کی مرکزی و ذیلی شاہراہوں اور کچرا کنڈیوں کی روزانہ کی بنیاد پر صفائی کو یقینی بنائیںجائے۔ میونسپل کمشنر منظور حسین عباسی نے کہا کہ عید الضحیٰ کے موقع پر بلدیاتی نمائندوں کی جانب سے آلائشوں کی بروقت اطلاع ملنے کی وجہ سے یوسیز کی سطح پر آلائشیں اٹھانے میں بہت آسانی ہوئی ،سینی ٹیشن آفسران و ملا زمین روٹین کے کام پر بھر پور توجہ رکھیں۔ان خیالات اظہار چیئرمین بلدیہ ملیر جان محمد بلوچ نے میونسپل کمشنر منظور حسین عباسی کے ہمراہ بلدیہ ملیر کی مختلف یوسیز کے دورے کے موقع پر صفائی ستھرائی کے کام کا معائنہ کرتے ہوئے کیا۔ میونسپل کمشنر بلدیہ ملیر نے موقع پر موجود افسران کو ہدایت دیتے ہوئے کہاکہ اپنے محکمے کے ملازمین کی وقت پر حاضر ی کو یقینی بنائیں، بلخصوص صفائی ستھرائی کے حوالے سے یوسیز چیئرمین و دیگر بلدیاتی نمائندوں سے تجاویز لی جائیں تاکہ بلدیہ ملیرکی عوام کو پہلے سے بھی بہتر اور صحت مندانہ ماحول فراہم کرنے میں ہم اپنے حق ادا کرسکیں ۔ اس موقع پر سپرنٹنڈنٹ انجینئر نصراللہ میمن، ڈائریکٹر انفارمیشن جمال ناصر،ڈائریکٹر سالیڈ ویسٹ واثق ظفر اور دیگر بلدیاتی افسران بھی موجود تھے۔#