: تازہ ترین

تازہ ترین ویڈیو

عوام کو ریلیف دینے کے لیے شہر میں جاری اور نو تکمیل شدہ ترقیاتی منصوبے چیئرمین بلاول بھٹو زرداری کے وزن کے عین مطابق ہیں، وزیراعلی سندھ کریڈٹ کے مستحق ہیں، وزیر بلدیات سید ناصر حسین شاہ کی مختلف وفود سے بات چیت


Nasir Shah photo December 9, 2019 | 2:52 AM

کراچی :( نیوزآن لائن) صوبائی وزیر بلدیات سندھ سید ناصر حسین شاہ نے کہا ہے کہ شہید ملت روڈ پر طارق روڈ سگنل انڈر پاس، ٹیپو سلطان فلائی اور روڈ اور اسٹیڈیم روڈ سمیت شہر کی دیگر ترقیاتی اسکیموں کی تکمیل موجودہ حکومت کی جانب سے عوام کے لیے کیئے گئے وعدوں کی جانب اہم پیش رفت ہے۔ ان خیالات کا اظہار انھوں نے آج علی ہاس کراچی میں مختلف وفود اور مسائل کے حل کے سلسلے میں آنے والے افراد سے بات چیت کرتے ہوئے کیا۔ وزیر بلدیات نے اس موقع پر کہا کہ عوام کو ریلیف دینے کے لیے شہر میں جاری اور نو تعمیر شدہ ترقیاتی منصوبے چیئرمین بلاول بھٹو زرداری کے وزن کے عین مطابق ہیں جبکہ ان تکمیل شدہ اور جاری منصوبوں کا کریڈٹ وزیراعلی سندھ مراد علی شاہ کو جاتا ہے جوکہ عوام کو ریلیف دینے کے سلسلے میں دن رات کاوشوں کے ذریعے بلاول بھٹو زرداری کے وزن کی تکمیل میں مصروف ہیں۔ وزیر بلدیات نے کہا کہ حکومت نے عوام کو زیادہ سے زیادہ ریلیف دینے اور پورے صوبے سندھ کے لوگوں کی زندگی میں آسانیاں اور سہولیات پہنچانے کے لیے صوبے میں ترقیاتی کاموں کا جال بچھا دیا ہے۔ اور اس وقت بھی 171 ترقیاتی منصوبوں پر تیزی سے کام جاری ہے اور ہماری پوری پوری کوشش ہے کہ یہ تمام ترقیاتی منصوبے وقت مقررہ پر مکمل کرلئے جائیں۔ ان منصوبوں کی نگرانی اور وقت مقررہ پر مکمل کرنے کے سلسلے میں وزیراعلی سندھ مختلف اوقات میں دورہ کرتے رہتے ہیں جبکہ میں بھی متعلقہ افسران کے ساتھ اچانک دورہ کرکے کام کی رفتار کو بڑھانے کے سلسلے میں ہدایات جاری کرتا رہتا ہوں۔ بہت سارے پروجیکٹ ایسے ہیں جوکہ ساتھ ساتھ چل رہے ہیں۔ ہماری کوشش ہے کہ ان منصوبوں سے جو بچت ہوئے ان سے عوام کے مزید ترقیاتی منصوبے بنائیں اور انھیں وقت مقررہ پر مکمل کیئے جائیں۔ وزیر بلدیات نے کہا کہ یہ تمام منصوبے ماسٹر پلان کے تحت مکمل کیئے جارہے ہیں جوکہ سندھ کی تاریخ کی ایک مثال ہے کیوں کہ اس سے قبل ماسٹر پلان کے تحت کبھی بھی منصوبے مکمل نہیں کیئے گئے۔ جلد ہی ملیر ایکسرپیس وے پر بھی کام مکمل ہونے جارہا ہے۔