: تازہ ترین

تازہ ترین ویڈیو

عالم کفر مسلمانوں کے خلاف دہشتگردی کا بازار گرم کر رکھا ہے،جمعیت علمائے اسلام ضلع لاڑکانہ


jui January 12, 2020 | 5:39 PM

لاڑکانہ:(نیوزآن لائن)جمعیت علمائے اسلام ضلع لاڑکانہ کے امیر مولانا ناصر خالد محمود سومرو، محبت علی کھہڑو، مولانا حمیداللہ سیال، مولانا محمد الیاس چنہ، آصف علی مگسی نے اس موقع پر جمعیت علمائے اسلام کے عہدیداروں نے بار ایسوسیئیشن کے نئے منتخب صدر اطہر عباس سولنگی اور مکمل باڈی کو مبارکباد پیش کرتے ہوئے کہا کہ ملک دشمن قوتیں پھر متحرک ہوچکی ہیں، عالم کفر مسلمانوں کے خلاف دہشتگردی کا بازار گرم کر رکھا ہے، قائد جمعیت حضرت مولانا فضل الرحمن قومی اداروں کی خودمختاری اور آئین کی بالادستی کی جنگ لڑ رہا ہے، انہوں نے مزید کہا کہ کشمیر، فلسطین اور بھارت میں مسلمانوں پر ظلم وستم ڈھائے جارہے ہیں ، کشمیر میں کئی دنوں سے مظلوم کشمیریوں کا قتل عام ہورہا ہے، انہوں نے کہا کہ مسلم دنیا ایک ہو اور اپنے دشمن کو پہچانے، اسلام دشمن قوتیں مسلمانوں کو تقسیم کرکے اپنے ناپاک عزام کے تکمیل کیلئے کام کر رہی ہیں، افسوس کا اظہار کرتے ہوئے کہا کہ حکمران امریکی مفادات کے محافظ بنے ہوئے ہیں، انہوں نے مزید کہا کہ تبدیلی سرکار عوام کی زندگی میں تبدیلی نہیں لاسکی ملک میں مہنگائی، بیروزگاری عروج پر ہے لوگ دو وقت روٹی کیلئے پریشان ہیں، بجلی، گیس اور ضروریات زندگی کی اشیا کی قیمتیں آسمانوں سے باتیں کر رہی ہیں، حکمران عوام دشمنی پالیسیاں بنا رہے ہیں، انہوں نے مزید کہا کہ تبدیلی سرکار غریبوں سے زندگی چھین رہی ہیں، تبدیلی سرکار مسلسل قوم کے ساتھ جھوٹ بول رہی ہے،موجودہ سلیکٹیڈ حکمران مہمان ہیں، عوام دشمن حکومت کسی بھی دن ختم ہوسکتی ہے۔