: تازہ ترین

تازہ ترین ویڈیو

عالمی طاقتوں اور عالمی اداروں کی مسئلہ کشمیر پر مجرمانہ خاموشی اور متعصبانہ روش پر شدید مذمت کرتے ہیں: مولانا ناصر خالد محمود سومرو


jui February 5, 2020 | 5:42 PM

کشمیر میں مظلوم کشمیریوں پر بدترین ظلم پر اقوام متحدہ خاموش تماشائی کا کردار ادا کر رہی ہے: محبت علی کھڑو
لاڑکا نہ:(نیوزآن لائن ) جمعیت علمائے اسلام ضلع لاڑکانہ کے امیر مولانا ناصر خالد محمود سومرو اور محبت علی کھڑو نے کہا ہے کہ کشمیر کے مظلوم مسلمانوں پر بھارت کے بدترین ظلم اور تشدد پر عالمی طاقتوں اور عالمی اداروں کی مسئلہ کشمیر پر مجرمانہ خاموشی اور متعصبانہ روش اختیار کرنے پر شدید دکھ اور افسوس کا اظہار کرتے ہوئے کہا کہ ہم کشمیری مظلوم مسلمانوں کے ساتھ شابہ بشانہ کھڑے ہیں، پاکستانی عوام کشمیر کی آواز بن کر دنیا کو بھارت کی بربریت سے آگاہ کیا ہے، کشمیر پاکستان کی شہ رگ ہے، انہوں نے کہا کہ کشمیر کی سرزمین پر بھارت کی درندہ صفت فوجیں اتنی بڑی تعداد میں نہتے کشمیریوں کی نسل کشی پر مامور ہیں، کہ اس کی کوئی مثال دنیا کی تاریخ میں نہیں ملتی، اپنے کشمیری بھائیوں کے ساتھ اظہار یکجھتی کرتے ہوئے نہتے کشمیری بھائیوں اور بہنوں سمیت بچوں اور بوڑھوں کو بیگناہ شہید کیا جارہا ہے، کشمیریوں کا خون رائیگان نہیں جائیگا، انہوں نے مزید کہا کہ ہم بھارت کو بتادینا چاہتے ہیں کہ تمہارے ناپاک ارادے خاک میں مل جائینگے، جبر کا دور ختم ہوجائیگا، اور وہ دن دور نہیں کہ کشمیر پاکستان کا حصہ بن جائیگا۔