: تازہ ترین

تازہ ترین ویڈیو

سینٹرل آء لینڈ و دیگر خالی دستیاب جگہوں کو پودے لگا کر بھرا جا رہا ہے ،چئیرمین بلدیہ شرقی معید انور


baldiyate news November 3, 2019 | 5:53 PM

کراچی:(نیوزآن لائن)چئیرمین بلدیہ شرقی معید انور کی ہدایت پر نیپا فلائی اوور واطراف میں بیوٹیفیکیشن و شجرکاری کے کام تیزی سے سر انجام دئیے جارہے ہیں اس سلسلے میں سینٹرل آء لینڈ و دیگر خالی دستیاب جگہوں کو پودے لگا کر بھرا جا رہا ہے چئیرمین بلدیہ شرقی معید انور نے گزشتہ دنوں اپنے دورے کے دوران افسران کو ہدایت دی تھی کہ وہ نیپا وملحقہ جگہوں کو خوبصورت بنانے کیلئے اپنا کردار ادا کریں یونیورسٹی روڈ کو خوبصورت بنایا جائے جس کے پہلے مرحلے میں پودے لگانے کے کام تیزی سے جاری ہیں جبکہ مرحلہ وار دیگر بیوٹیفیکیشن کے کاموں کو بھی یقینی بنایا جائیگا چئیرمین بلدیہ شرقی معید انور کا کہنا ہے کہ ضلع شرقی میں ماہ ربیع الاوّل کے حوالے سے کاموں کو تیزی سے حتمی شکل دیجارہی ہے جبکہ دستیاب وسائل میں رہتے ہوئے شاہراہوں کی بیوٹیفیکیشن کے کام بھی سر انجام دئیے جا رہے ہیں،کوشش کر رہے ہیں کہ دستیاب وسائل میں رہتے ہوئے زیادہ سے زیادہ بلدیاتی خدمات فراہم کی جاسکیں،یوسیز میں بھی مسائل حل کرنے کیلئے ہر ممکن اقدامات بروئے کار لا رہے ہیں جبکہ بلدیہ شرقی اپنے طور پر بھی نائیٹ سوئپنگ اور علاقوں کو آوارہ کتوں سے پاک کرنے کے سلسلے میں اقدامات بروئے کار لا رہی ہے یہ عمل مرحلہ وار یوسیز میں سر انجام دیا جا رہا ہے .