: تازہ ترین

تازہ ترین ویڈیو

سندھ حکومت کشمیری بھائیوں کی آزادی کی جد وجہد میں ان کے ساتھ ہے۔ غلام مرتضی بلوچ۔


Ghulam-Murtaza February 5, 2020 | 5:53 PM

کراچی۔ (نیوزآن لائن )صوبائی وزیر برائے انسانی بستیوں اور خصوصی ترقی غلام مرتضی بلوچ نے کہا ہے کہ سندھ حکومت اور عوام آزادی کی جد وجہد میں اپنے کشمیری بھائیوں کے ساتھ کھڑے ہیں اور کشمیری بیگناہ مسلمانوں پر قابض بھارتی فوج کے ظلم و ستم کی سخت الفاظ میں مذمت کرتے ہیں اور اقوام عالم سے اس ظلم و بربریت کا نوٹس لینے کا مطالبہ کرتے ہیں۔ یہ بات آج انہوں نے آزاد کشمیر میں کوہلو کے مقام پر یوم کشمیر کے سلسلے میں منعقد ایک تقریب سے خطاب کرتے ہوئے کہی۔ واضح رہے کہ سندھ کے وزیر برائے انسانی بستیوں غلام مرتضء بلوچ سندھ کی نمائندگی کرنے کے لئے آزاد جموں کشمیر کوہلو پہنچے ہیں۔ انہوں نے چیئرمین بلاول بھٹو زرداری اور وزیر اعلء سندھ سید مراد علی شاھ کی ہدایت پر یوم یکجہتی کشمیر پروگرامز میں شرکت کی۔ صوبائی وزیر غلام مرتضی بلوچ نے کوہلو برج پوائنٹ پر کشمیری بھائیوں سے اظھار یکجہتی کے طور پر انسانی زنجیر سمیت ریلی میں بھی شریک ہوئے۔ اس موقع پر خطاب کرتے ہوئے صوبائی وزیر غلام مرتضی بلوچ نے کہا کہ سندھ حکومت کشمیری بھائیوں کے ساتھ ہے ، وزیر اعلء سندھ سید مراد علی شاھ کا یوم کشمیر پر پیغام لے کر کوہلو آیا ہوں ۔ انہوں نے مزید کہا کہ کشمیر ہماری شہہ رگ ہے مسئلہ کشمیر پر سندھ سمیت پورے ملک کی عوام یک زبان اور متحد ہے ۔۔ صوبائی وزیر غلام مرتضی بلوچ نے کہا کہ مودی حکومت نہتے کشمیریوں پر جتنے بھی ظلم کر لے بہت جلد آزاد کشمیر کے لوگوں کی طرح جموں کشمیر کے بہن بھائی بھی آزاد فضا میں سانس لیں گے۔ انہوں نے کہا کہ بھارتی جارحیت سے کشمیریوں کے حوصلے پست نہیں ہو سکتے, کشمیر جنت ہے اور جنت کبھی کسی کافر کو نہیں ملی گی ۔ صوبائی وزیر غلام مرتضی بلوچ نے کہا کہ پاکستان پیپلز پارٹی کا کشمیر پر موقف بلکل واضع ہے چیئرمین بلاول بھٹو زرداری کشمیر کی آواز بن کر کھڑے ہوئے ہیں۔ انہوں نے کہا کہ مسلسل بھارتی ظلم و جبر کا مقابلہ کرنے پر کشمیری بھائیوں کی تحریک آزادی کو سلام پیش کرتے ہیں کشمیر بن کر رہے گا پاکستان ۔ صوبائی وزیر غلام مرتضی بلوچ نے کہا کہ کشمیریوں پر ہونے والے ظلم و ستم پر عالمی برادری کو جاگنا ہوگا اور بھارتی ظالم حکومت کو کشمیریوں کو ان کا حق دینا ہوگا۔