: تازہ ترین

تازہ ترین ویڈیو

سندھ حکومت متعلقہ اسٹیک ہولڈرز کے ساتھ مل کر صحت کی سہولیات مہیا کررہی ہے۔ مرتضی بلوچ


Karachi-Sindh February 16, 2020 | 8:00 PM

کراچی:(نیوزآن لائن) صوبائی وزیر برائے انسانی بستیوں غلام مرتضی بلوچ نے کہا ہے کہ حکومت سندھ متعلقہ اسٹیک ہولڈرز کے ساتھ مل کر صوبے کے عوام کو صحت کی بہتر سہولیات فراہم کرنے کے لیے کوشاں ہے اور ترجیحی بنیادوں پر اس شعبے میں بہتری لائی جارہی ہے۔ یہ بات انہوں نے
سندھ حکومت اور آغا خان یونیورسٹی ہسپتال کے مشترکہ تعاون سے “پاکستان لائف سیورز پروگرام ” کے عنوان پر منعقد ہونے والے ایک سیمینار میں خطاب کرتے ہوئے کہی۔
سیمینار میں پارلیمانی سیکریٹری بلدیات رکن سندھ اسمبلی سلیم بلوچ ، آغا خان یونیورسٹی کے پروفیسرز سمیت ڈاکٹرز کی بڑی تعداد نے شرکت کی۔ سیمینار میں زندگی بچانے (پیشنٹ لائف سیونگ) مریض کو فرسٹ ایڈ دینے کے لئے سندھ سمیت پورے پاکستان کے میڈیکل کالجز اور یونیورسٹیز میں تربیت دینے پر بریفنگ دی گئی۔ صوبائی وزیر برائے انسانی بستیوں غلام مرتضی بلوچ نے مذید کہا کہ سندھ حکومت صوبے بھر کی عوام کے لئے صحت کے شعبے میں نمایاں کام کر رہی ہے، آغا خان سمیت دیگر اداروں سے معاونت کرتے ہوئے سندھ حکومت صحت کے شعبے میں عوام کی خدمت میں مصروف عمل ہے ۔ انہوں نے کہا کہ سندھ حکومت کی ہر ممکن کوشش ہے کہ صوبے کے کم ترقیاتی علاقوں میں بھی صحت کی سہولیات مہیا کی جائیں اور اس مقصد کے حصول کے لئے حکومت سندھ متعدد غیر سرکاری تنظیموں کے ساتھ مل ان سہولیات کی فراہمی کو یقینی بنارہی ہے۔