: تازہ ترین

تازہ ترین ویڈیو

حضرت محمدۖ کو سراپا معجزہ اور تمام جہانوں کیلئے رحمت بناکربھیجاہے، ملک محمدفیاض


12-Rabi-ul-Awal-12 November 10, 2019 | 11:02 PM

کراچی:(نیوزآن لائن) چیئرمین بلدیہ جنوبی ملک محمدفیاض نے کہاہے کہ اللہ تعالی نے رہبر انسانیت حضرت محمدۖ کو سراپا معجزہ اور تمام جہانوں کیلئے رحمت بناکربھیجاہے اور حضور اکرم ۖ کی تشریف آوری کائنات کے تمام انسانوں پر اللہ تعالی کا احسان عظیم ہے ہمیں چاہیے کہ ہم رہبرومحسن انسانیت ۖ کے یوم ولادت پر یہ عہدکریں کہ حضوراکرم ۖ کی تعلیمات کے تحت امّت مسلمہ کی سا لمیت اور بقاء کیلئے متحد ہوکرایثاراور قربانی کے جذبے کے تحت اپنی زندگی بسرکریں گے ان خیالات کا اظہارانہوں نے وائس چیئرمین یو سی ١ محمد گھانچی ،وائس چیئرمین یوسی 2 محمدعثمان عطاری، اور وائس چیئرمین یوسی 23 محمدوسیم قادری کے ہمراہ ، بولٹن مارکیٹ اور جامع کلاتھ ایم اے جناح روڈپر بلدیہ جنوبی کیجانب سے قائم استقبالیہ کیمپس پر جشن عیدمیلاالنبی ۖ کے موقع پر نکلنے والے مرکزی جلوس اور ریلیوں میں شریک علماء دین و مشائخ کے استقبال کے موقع پر کیا چیئرمین ملک محمدفیاض نے اس موقع پر تمام عالم اسلام کو نبی آخرالزماں حضرت محمدۖ کے یوم ولادت کی مبارکباد دیتے ہوئے کہاکہ اطاعت رسول ۖ میں ہی دنیاوآخرت کی بھلائی ہے اور جولوگ اپنے دلوں میں عشق رسول ۖرکھتے ہیں اللہ تعالی بھی انکو محبوب رکھتاہے ملک محمدفیاض کامزید کہنا تھا کہ عوام کوبنیادی سہولیات کی فراہمی کے ساتھ ساتھ ہرقومی ومذہبی تہواروںاور دیگر مواقع پر عوام کو تمام تر بلدیاتی سہولیات کی فراہمی ہمارانصب العین ہے واضح رہے کہ بلدیہ جنوبی کی انتظامیہ کی جانب سے جشن عیدمیلاالنبی ۖ کے موقع پربہترین انتظامات کئے گئے ہیں جلوسوں اور ریلیوں کی گزرگاہوں ، مساجدومحافل اوروعظ کے مقامات پر صحت وصفائی اور روشنی کے خصوصی انتظامات کے ساتھ ساتھ چونے کا چھڑکائو بھی کیاگیا لفٹر کے ذریعے جلوس کے شرکاء پر عرق گلاب کا چھڑکائواور گل پاشی کی گئی مرکزی دفتر سمیت مختلف مقامات پر چراغاں اور مبارکباد کے بینرزآویزاں کئے گئے ۔