: تازہ ترین

تازہ ترین ویڈیو

جمہوریت میں عوام کی مرضی کے بغیر کوئی بھی حکومت قائم نہیں رہ سکتی’ محمد رفیق تنولی


UC chairman February 5, 2020 | 5:37 PM

یوسی 36کے پمپنگ اسٹیشنزپر مافیا قابض تھا جس کیلئے ہم نے ہر فورم پر آواز اٹھائی بالاخر عدلیہ کا دروازہ کھٹکھٹانا پڑا
قائم خانی کالونی میں عائشہ مسجدکے اطراف سیوریج کی نئی لائن، سڑک پر مین ہولز کا کام جلد کردیا جائے گا، وفد سے گفتگو
کراچی :( نیوزآن لائن) حکومت ، انتظامیہ اور عوام کو چولی دامن کا ساتھ ہے، عوام کو بہتر سہولتیں فراہم کرنے کیلئے انتظامیہ کو سیاسی مفادات سے بالاتر ہو کر فیصلے کرنا چاہئے، جمہوریت میں عوام کی مرضی کے بغیر کوئی بھی حکومت قائم نہیں رہ سکتی اسی فلسفے پر عمل پیرا ہو کر ہم عوام کو بہترین سہولتوں کی فراہمی کیلئے دن رات کام کررہے ہیں ، بلدیہ ٹاؤن میں کام زیادہ اور فنڈز نہ ہونے کے برابر ہیں ان خیالات کا اظہار یوسی 36کے چیئرمین محمد رفیق تنولی نے کل پاکستان خضری برادرز تنظیم کے وفد سے گفتگو کرتے ہوئے کیا، وفد میں سینئر ممبر دین محمد، جنرل سیکریٹری محمد رمضان، احسان بیگ ودیگر شامل تھے۔ یوسی چیئرمین محمد رفیق کا کہنا تھا کہ ہماری یوسی کے پمپنگ اسٹیشنزپر مافیا قابض تھا جس کیلئے ہم نے ہر فورم پر آواز اٹھائی بالاخر عدلیہ کا دروازہ کھٹکھٹانا پڑا، ہماری یو سی میں 70فیصد سے زائد علاقوں کے مین ہولز کے ڈھکن نہیں جبکہ سیوریج کے بہت سے مسائل ہیں جتنا ممکن ہوسکتا ہے اس کیلئے ہم کوشش کررہے ہیں۔وفد نے قائم خانی کالونی میں عائشہ مسجدکے اطراف سیوریج کی نئی لائن اور اس سے آگے سڑک جو مین ہولز کھلے پڑے ہیں اور جو علاقے کے مسائل یو سی چیئرمین کے سامنے رکھے جس پر محمد رفیق نے جلد مسئلہ ختم کرنے کا وعدہ کیا۔ یوسی چیئرمین محمد رفیق کا کہنا تھا کہ میرا تعلق مسلم لیگ ن سے ہے لیکن اس کے باوجود میں بلاتفریق پوری یو سی 36میں کام کیا اور کر رہا ہوں، قائم خانی کالونی میں پانی کی لائن ڈالنا میرے بس میں نہیں لیکن میں آپ لوگوں کیلئے آواز اٹھا سکتا ہوں، وہاں کے علاقے کے لوگ اپنے حق کیلئے نکلتے ہیں نہیں انہیں جاگنا ہوں اور اپنے حقوق کیلئے نکلنا ہوگا۔ یوسی چیئرمین محمد رفیق کا کہنا تھا کہ میرے دائر کار میں آنے والے علاقے کے لوگوں کیلئے دروازے ہر وقت کھلے ہیں