: تازہ ترین

تازہ ترین ویڈیو

جماعت اسلامی ناموس مصطفیۖ کے تحفظ کیلئے اپنا سب کچھ قربان کر دینے کا عزم کئے ہوئے ہے، محمد یوسف


Jamaat e Islami Pic. March 23, 2016 | 8:31 PM

تحفظ ناموس رسالتۖ کی مہم آگے بڑھے گی، جنرل سیکریٹری ضلع وسطی
کا زون لیاقت آباد کے اجتماع کارکنان سے خطاب
کراچی:(نیوزآن لائن) جنرل سیکریٹری جماعت اسلامی ضلع وسطی محمد یوسف نے کہا ہے کہ ممتاز قادری نے ناموس رسالتۖ پر جان قربان کرکے ہمارے عزم کو توانا کیا ہے۔ ممتاز قادری شہید کا خون رائیگاں نہیں جائے گا۔ جماعت اسلامی دستور پاکستان اور اس کی شقوں کو تبدیل نہیں ہونے دے گی۔ ان خیالات کا اظہار انہوں نے جماعت اسلامی زون لیاقت آباد کے اجتماع کارکنان سے خطاب کرتے ہوئے کیا۔ انہوں نے کہا کہ ممتاز قادری شہید کی پھانسی ایک طویل منصوبہ بندی کی پہلی کڑی ہے۔ جماعت اسلامی ناموس مصطفیٰ ۖ کے تحفظ کے لئے اپنا سب کچھ قربان کر دینے کا عزم کئے ہوئے ہے۔ تحفظ ناموس رسالتۖ کی مہم مزید آگے بڑھے گی۔ جماعت اسلامی کے کارکنان گھر گھر جا کر عوام سے رابطہ مضبوط کریں۔ بعد ازاں اجتماع سے امیر زون اسحق تیموری و دیگر نے بھی خطاب کیا۔