: تازہ ترین

تازہ ترین ویڈیو

جشن ِ آزادی کے موقع پر ملک سے تھیلے سیمیا کے خاتمے کا عزم کرنے کی ضرورت ہے،ڈاکٹر ثاقب انصاری


umair sana foundation 1 August 12, 2016 | 4:52 PM

جشن آزادی کے موقع پر عمیر ثناء فائونڈیشن کے تحت جامعہ کراچی میںتھیلے سیمیا آزادی کرکٹ ٹورنامنٹ کا انعقاد
کراچی:(نیوزآن لائن)عمیر ثناء فائونڈیشن کے تحت جشن ِ آزادی کے حوالے سے جامعہ کراچی کے ولیکا گرائونڈ میں منعقدہ تھیلے سیمیا آزادی کرکٹ ٹورنامنٹ کا میدان جناح سندھ میڈیکل یونیورسٹی نے مار لیا۔ پزہ ہٹ (ایم سی آر)رنر اپ رہی ۔صبح سے شام تک جاری رہنے والے اس ٹورنامنٹ میں پزہ ہٹ،برگرکنگ(ایم سی اآر)،ٹی جی آئی ایف،میزان بینک،اے جے ایم فارما،جناح سندھ میڈیکل یونیورسٹی،نیشنل انسٹیٹیوٹ آف بلڈ ڈیزیز کی ٹیموں نے حصہ لیا۔بعدازاں انعامات کی تقسیم کی تقریب منعقد کی گئی،جس میںعمیر ثناء فائونڈیشن کے جنرل سیکریٹری ڈاکٹر ثاقب انصاری ، فنانس سیکریٹری تحسین اختر ،انصار برنی ٹرسٹ کی ڈائریکٹر شگفتہ برنی،عبید ہاشمی،ڈاکٹر راحت حسین ،امتیاز اے ملک ،تھیلے سیمیا کے بچے ،ان کے والدین،جامعہ کراچی کے طلبہ و طالبات،اساتذہ کے علاوہ زندگی کے مختلف شعبوں سے تعلق رکھنے والے افراد نے بڑی تعداد میں شرکت کی اور ٹورنامنٹ کے انعقاد پر عمیر ثناء کی تحسین کی ۔اس موقع پر خطاب کرتے ہوئے ڈاکٹر ثاقب حسین انصاری نے کہا کہ ہم تھیلے سیمیا آزادی ٹورنامنٹ میں شرکت پر تمام ٹیموں کے شکر گزار ہیں،ان ٹیموں نے میچ میں حصہ لے کر دراصل ہمارے مقصد اور جدوجہد کا ساتھ دیا ہے ۔ہم تھیلے سیمیا سے محفوظ پاکستان کی جدوجہد کر رہے ہیں۔اس طرح کی سرگرمیوں کا واحد مقصد یہ ہوتا ہے کہ تھیلے سیمیا کا مرض جس شدت سے پھیل رہا ہے اس سے متعلق آگاہی فراہم کی جا سکے اور نئی نسل کو اس بات پر آمادہ کیا جا سکے کہ وہ شادی سے قبل تھیلے سیمیا کا ٹیسٹ کرا لیں تاکہ آنے والی نئی نسل کو اس مہلک مرض سے بچایا جا سکے۔انہوں نے کہا کہ تھیلے سیمیا کے بچوں کی زندگی کا انحصار انتقال خون پر ہوتا ہے اور ہمارے معاشرے میں عطیہ خون کا رجحان نہ ہونے کے برابر ہے ایسے میں ضرورت اس امر کی ہے کہ نوجوان بڑی تعداد میں اپنے خون کا عطیہ کریں تاکہ تھیلے سیمیا کے مریض بچوں کی جان بچائی جا سکے۔اس طرح کی سرگرمیوں سے اگر کچھ لوگ عطیہ خون دینے پر آمادہ ہو جائیں تو یہی ہماری کامیابی ہے۔شگفتہ برنی نے کہا کہ عمیر ثنا فائونڈیشن کی جدوجہد قابل قدر اور لائق تحسین ہے،تھیلے سیمیا کے بچوں کو صحت مندانہ سرگرمیوں کی فراہمی کے لیے اس نوع کے پروگرامات تواتر سے ہونے چاہئیں۔انہوں نے کہا کہ تھیلے سیمیا سے آگاہی فراہم کرنا ہم سب کی ذمہ داری ہے۔
ٹورنامنٹ کا آغاز صبح 9:30بجے ولیکا گرائونڈ جامعہ کراچی میں ہوگا۔ٹورنامنٹ کا افتتاح جامعہ کراچی کے وائس چانسلر ڈاکٹر محمد قیصر، ڈیپارٹمنٹ آف فزیکل ایجوکیشن کی ڈائریکٹر انجم عزیز اورعمیر ثنا فائونڈیشن کے سیکریٹری ڈاکٹر ثاقب حسین انصاری کریں گے۔ٹورنامنٹ میں8 ٹیمیں حصہ واضح رہے کہ تھیلے سیمیا کے بچوں کو صحت مندانہ اور تفریحی سرگرمیوں کی فراہمی کے لیے عمیر ثناء فائونڈیشن کے تحت ہر سال قومی ایام اور مذہبی تہواروں کی موقع پر اس نوع کی سرگرمیوں کا انعقاد کیا جاتا ہے۔