: تازہ ترین

تازہ ترین ویڈیو

جامعہ کراچی: شعبہ کمپیوٹر سائنس میں بی ایس سی ایس ،بی ایس ایس ای اور اپلائیڈفزکس ایوننگ پروگرام کا داخلہ ٹیسٹ


karachi univserity entry test December 29, 2019 | 7:33 PM

کراچی:(نیوزآن لائن)جامعہ کراچی کے شعبہ کمپیوٹر سائنس میں بی ایس سی ایس،بی ایس ایس ای اور اپلائیڈ فزکس ایوننگ پروگرام کا داخلہ ٹیسٹ اتوار29 دسمبر2019 ء کو صبح 10:30 بجے کلیہ فنون و سماجی علوم میں منعقد ہوا۔
مذکورہ شعبہ جات میں داخلوں کے لئے 854فارم جمع کرائے گئے، جبکہ709طلبا وطالبات نے شرکت کی ۔پروفیسر ڈاکٹر انیلا امبر ملک،پروفیسر ڈاکٹر عبدالوحید اور انچارج ڈائریکٹوریٹ آف ایڈمیشنزجامعہ کراچی ڈاکٹر صائمہ اخترنے امتحانی مراکز کی مانیٹرنگ کا فریضہ انجام دیا۔
وائس چانسلر پروفیسر ڈاکٹر خالد محمود عراقی نے ڈائریکٹر ایوننگ پروگرام جامعہ کراچی پروفیسر ڈاکٹر نبیل زبیری کے ہمراہ امتحانی مراکز کا دورہ کیااور داخلہ ٹیسٹ کے انتظامات پر اطمینان کا اظہارکیا ۔
ڈاکٹر صائمہ اختر کے مطابق داخلہ ٹیسٹ میں شرکت کرنے والے امیدواروں اور ان کے والدین کی رہنمائی کے لئے شیخ الجامعہ پروفیسر ڈاکٹرخالد محمود عراقی کی خصوصی ہدایت پر(واچ اینڈوارڈ ) کے عملے کو داخلی راستوں اور فیکلٹی کے اطراف تعینات کیا گیا تھا۔ داخلہ ٹیسٹ کے نتائج جانچ کر کامیاب ہونے والے امیدواروں کی فہرست جامعہ کراچی کی ویب سائٹ پر اَپ لوڈ کردی گئی ہے جبکہ حتمی فہرست05 جنوری2020 کو جامعہ کراچی کی ویب سائٹ پر اَپ لوڈ کردی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: یکم جنوری 2020 ء کو یوم الجامعہ کا انعقاد کیا جارہاہے۔
نوواردان جامعہ کے لئے تعارفی کلاسز کا انعقادبھی یکم جنوری کو صبح 11:00 بجے کیا جارہاہے
رجسٹرار جامعہ کراچی پروفیسر ڈاکٹر سلیم شہزاد کے مطابق یکم جنوری 2020 ء کو یوم الجامعہ کا انعقاد کیا جارہاہے۔تمام اساتذہ،غیرتدریسی عملے اور طلبہ کو ہدایت کی جاتی ہے کہ وہ صبح 08:30 بجے جامعہ کراچی کے سلور جوبلی گیٹ پر مجتمع ہوجائیں اور اس جلوس کا حصہ بنیں جس میں حفاظ کرام تلاوت قرآن فرماتے ہوئے جامعہ کراچی میں داخل ہوں گے۔شیخ الجامعہ پروفیسر ڈاکٹرخالد محمود عراقی ،روئسائے کلیہ جات سابق وائس چانسلرز ،اراکین سنڈیکیٹ و اراکین سینیٹ جامعہ کراچی، یونی کیرئینز انٹرنیشنل کے صدرپروفیسر اعجاز احمد فاروقی اور عمائدین شہر ،بھی شریک ہوں گے ۔یوم الجامعہ کی سرگرمیوں کا آغاز جامعہ کراچی کے سلور جوبلی گیٹ سے تلا وت کلام پاک سے ہوگا اور اختتام پر تمام افرادانتظامی عمارت کی سبزہ زارپر جمع ہوں گے جہاں تقاریر ہوگی۔واضح رہے کہ نوواردان جامعہ کے لئے تمام شعبہ جات میں تعارفی کلاسز کا انعقاد بھی یکم جنوری 2020 ء کو صبح 11:00 بجے کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: نیشنل نیماٹولوجیکل ریسرچ سینٹر کے زیر اہتمام دوروزہ سیمینار کم ورکشاپ کی افتتاحی تقریب آج ہوگی
نیشنل نیماٹولوجیکل ریسرچ سینٹر جامعہ کراچی کے زیر اہتمام دوروزہ پندرہویں سیمینار کم ورکشاپ بعنوان: ” بہتر مینجمنٹ کے لئے نیماٹوڈ کی شناخت کی اہمیت ” کی افتتاحی تقریب آج بروز پیر 30 دسمبر 2019 ء کو صبح 10:00 بجے سینٹر ہذا میں منعقد ہوگی۔شیخ الجامعہ پروفیسر ڈاکٹر خالد محمود عراقی صدارت کریں گے جبکہ ڈائریکٹر نیشنل نیماٹولوجیکل ریسرچ سینٹر جامعہ کراچی ڈاکٹر صبوحی خطبہ استقبالیہ پیش کریں گی۔صدر ایکوسائنس فائونڈیشن ڈاکٹر منظور حسین سومرو اوررئیسہ کلیہ علوم جامعہ کراچی پروفیسر ڈاکٹر تبسم محبوب خطاب کریں گی۔