: تازہ ترین

تازہ ترین ویڈیو

جامعہ کراچی: بیچلرز، ماسٹرز مارننگ پروگرام میں اوپن میرٹ کی بنیاد پر ہونے والے داخلوں اور بی اے / ایل ایل بی کی داخلہ فہرستیں جاری


karachi unversity jpg December 9, 2019 | 1:49 AM

جامعہ کراچی: بیچلرز، ماسٹرز مارننگ پروگرام میں اوپن میرٹ کی بنیاد پر ہونے والے داخلوں اور بی اے / ایل ایل بی کی داخلہ فہرستیں جاری
داخلہ فیسیں13 دسمبر2019 ء تک جمع کرائی جاسکتی ہیں جبکہ کلیم فارم 11 دسمبر تک جمع کرائے جاسکتے ہیں۔
کراچی:(نیوزآن لائن)انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطا بق بیچلرز ،ماسٹرز مارننگ پروگرام میں اوپن کی میرٹ کی بنیاد پرہونے والے دخلوں اور بی اے / ایل ایل کی داخلہ فہرستیں جاری کردی گئیں ہیں۔ایسے طلباوطالبات جن کے نام جاری کردہ داخلہ فہرستوں میں آچکے ہیں وہ اپنی داخلہ فیس13 دسمبر2019ء تک صبح9:30 تاشام 4:00بجے تک جمع کراسکتے ہیں۔
طلبہ اپنے آن لائن پورٹل سے انرولمنٹ فیس وائوچراور انرولمنٹ فارم کا پرنٹ لینے کے بعد متعلقہ دستاویزات کی جامعہ کراچی کے جمنازیم ہالمیں قائم داخلہ کمیٹی کائونٹرز سے تصدیق کرانے کے بعد بینک کائونٹرپر اپنی داخلہ فیس جمع کراسکتے ہیں ۔واضح رہے کہ داخلہ فیس صرف یوبی ایل جامعہ کراچی کے مین کیمپس برانچ میں جمع کرائی جاسکتی ہے اس کے علاوہ کوئی اور بینک داخلہ فیس وصول کرنے کا مجاز نہیں ہوگا۔
علاوہ ازیں ایسے طلباوطالبات جو جاری کردہ داخلہ فہرستوں سے مطمئن نہیں ہیں وہ 11 دسمبر 2019 ء تک اپنے آن لائن پورٹل سے کلیم فارم داخل کرسکتے ہیں۔طلباوطالبات کو ہدایت کی جاتی ہے کہ وہ جامعہ کراچی کی جانب سے جاری کردہ کلوزنگ پرسنٹیج کو مد نظر رکھتے ہوئے کلیم فارم جمع کرائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: ایک روزہ سیمینار بعنوان: ”ریسرچ پروپوزلز کیومسترد ہوتے ہیں” 11 دسمبر کو ہوگا
جامعہ کراچی کے شعبہ تعلیم کے ایم فل کے طلباوطالبات کے زیر اہتمام ایک روزہ سیمینار بعنوان: ”ریسرچ پروپوزلز کیومسترد ہوتے ہیں” بروز بدھ 11 دسمبر 2019 ء کو دوپہر ایک بجے آڈیویژول سینٹر جامعہ کراچی میں منعقد ہوگا۔سیمینار سے جامعہ کراچی کی مجلس برائے اعلیٰ تعلیم وتحقیق کی رکن وسابق سربراہ شعبہ نفسیات جامعہ کراچی پروفیسر ڈاکٹر انیلا امبر ملک اور انسٹی ٹیوٹ آف بزنس مینجمنٹ کراچی کے شعبہ تعلیم کی سربراہ پروفیسر ڈاکٹر نسرین حسین کلیدی خطاب کریں گی۔