: تازہ ترین

تازہ ترین ویڈیو

جامعہ کراچی: ایوننگ پروگرام میں بیچلرز ،ماسٹرزاورپوسٹ گریجویٹ پروگرامز کی کلیم فارمز کی فہرستیں جاری


Karachi_University_logo January 12, 2020 | 5:33 PM

جامعہ کراچی: ایوننگ پروگرام میں بیچلرز ،ماسٹرزاورپوسٹ گریجویٹ پروگرامز کی کلیم فارمز کی فہرستیں جاری
داخلہ فیس جمع کرانے کی تاریخ میں دودن کی توسیع
کراچی:.(نیوزآن لائن) انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق ایوننگ پروگرام میں بیچلرز/ ماسٹرز اور پوسٹ گریجویٹ پروگرامزکے داخلے برائے سال 2020 ء کی کلیم فارمز کی فہرستیں جاری کردی گئیں ہیں ۔ایسے طلباوطالبات جن کے نام جاری کردہ داخلہ فہرستوں میں آچکے ہیں وہ اپنی داخلہ فیس 14 جنوری 2020 ء تک صبح9:30 تاشام6:00بجے تک جمع کراسکتے ہیں۔علاوہ ازیں بیچلرز ،ماسٹرز اور پوسٹ گریجویٹ ایوننگ پروگرمز کے ایسے طلباوطالبات جو تاحال اپنی فیس جمع نہیں کراسکے ہیں وہ بھی 14 جنوری تک اپنی داخلہ فیس جمع کراسکتے ہیں۔
طلبہ اپنے آن لائن پورٹل سے انرولمنٹ فیس وائوچراور انرولمنٹ فارم کا پرنٹ لینے کے بعد متعلقہ دستاویزات کی جامعہ کراچی کے ڈائریکٹوریٹ آف ایڈمیشنز کے دفتر واقع ایڈمنسٹریشن بلڈنگ تیسری منزل کمرہ نمبر54 سے سے تصدیق کرانے کے بعد یوبی ایل بینک کائونٹرپر اپنی داخلہ فیس جمع کراسکتے ہیں ۔واضح رہے کہ داخلہ فیس صرف یوبی ایل جامعہ کراچی کے مین کیمپس برانچ میں جمع کرائی جاسکتی ہے اس کے علاوہ کوئی اور بینک داخلہ فیس وصول کرنے کا مجاز نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: سیمینار بعنوان: ”شرح پیدائش میں اضافے اور ماحولیاتی نقصانات کی روک تھام کے لئے پائیدارحل” 14 جنوری کو ہوگا
وزیر اعلیٰ سندھ کے مشیر برائے ماحولیات سینیٹرمرتضیٰ وہاب مہمان خصوصی ہوں گے
کراچی:.(نیوزآن لائن)جامعہ کراچی کے شعبہ عمرانیات اور انوائرمینٹل اسٹڈیز کے زیر اہتمام اور گلوبل گرین کے اشتراک سے ایک سیمینار بعنوان: ”شرح پیدائش میں اضافے اور ماحولیاتی نقصانات کی روک تھام کے لئے پائیدارحل” بروزمنگل 14 جنوری 2020 ء کو صبح 10:30 بجے کلیہ فنون وسماجی علوم جامعہ کراچی کی سماعت گاہ میں منعقد ہوگا۔وزیر اعلیٰ سندھ کے مشیر برائے ماحولیات سینیٹرمرتضیٰ وہاب مہمان خصوصی ہوں گے جبکہ جامعہ کراچی کے وائس چانسلر پروفیسر ڈاکٹر خالد محمودعراقی صدارت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ کراچی: کتاب بعنوان: ”پاکستان کی سیاسی ومعاشی صورتحال اور طبقاتی وسماجی تبدیلی” کی تقریب رونمائی 14 جنوری کو ہوگی
کراچی:.(نیوزآن لائن)اپلائیڈ اکنامکس ریسرچ سینٹر جامعہ کراچی کے زیر اہتمام کتاب بعنوان: ”پاکستان کی سیاسی ومعاشی صورتحال اور طبقاتی وسماجی تبدیلی” کی تقریب رونمائی بروز منگل 14 جنوری 2020 ء کو صبح 11:00 بجے سینٹر ہذا کی سماعت گاہ میں منعقد ہوگی۔ڈین فیکلٹی آف آرٹس اینڈ سوشل سائنسز اینڈ ایجوکیشن شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی پروفیسر ڈاکٹر ریاض احمد شیخ اور ڈان کے سینئر جرنلسٹ خرم حسین تقریب سے خطاب کریں گے۔