: تازہ ترین

تازہ ترین ویڈیو

تھر کے قحط متاثرین میں مفت گندم کی تقسیم کا کام روزانہ کی بنیاد پر جاری ہیں۔ڈپٹی کمشنرضلع تھرپارکر


sindh information  logo January 6, 2019 | 7:42 PM

کرا چی :( نیوزآن لائن)ڈپٹی کمشنرضلع تھرپارکر نے محکمہ اطلاعات حکومت سندھ کو ایک اعلامیہ بھیجا ہے ۔ اس اعلامیہ میں ڈپٹی کمشنرضلع تھرپارکر محمد آصف جمیل نے کہا ہے کہ تھر کے قحط متاثرین کے لیے امدادی سرگرمیوں کے بارے میں تفصیلی رپورٹ میں بتایا ہے کہ تھر کے قحط متاثرین میں مفت گندم کی تقسیم کا کام روزانہ کی بنیاد پر جاری ہیں۔جس میں گندم کی تقسیم کا تیسرا مرحلہ قریبی مراکز سے شروع کیا جائے گا۔پہلے مرحلے میں اس وقت تک2 لاکھ 47 ہزار 63 خاندانوں ،دوسرے مرحلے میں 2لا کھ 49ہزا ر 602 متاثرہ خاندانوں میں پچاس کلو کے حساب سے مفت گندم فراہم کی گئی ہے۔ڈپٹی کمشنر تھرپارکر کی رپورٹ کے مطابق تھر کی حاملہ اور دودھ پلانے والی خواتین کو دوسرے مرحلے میں اب تک62 ہزار 836 راشن بیگ تقسیم کیے گئے ہیں۔جبکہ مختلف ہسپتالوں میں پانچ سال اور اس سے کم عمر 346 بچوں کی اوپی ڈی کی گئی جن میں سے 35 بچوں کو علاج کے لئے اسپتال میں داخل کیا گیا تھا جن میں سے 33 بچو ںکو صحتیابی کے بعد اسپتال سے فارغ کر دیا گیا۔رپورٹ میں مزید بتایا گیا ہے کہ پی پی ایچ آئی کے زیر نگرانی 31 بنیادی صحت کے مراکز اور 18 گورنمنٹ ڈسپنسریوں کی مدد سے 685 بچوں کا علاج کیا گیا۔اس کے علاوہ محکمہ لائیو اسٹاک تھرپارکر کی جانب سے ڈپٹی ڈائریکٹر لائیو اسٹاک کی سربراہی میں روزانہ کی بنیاد پر سات گاؤں میں وٹنری کیمپوں کے ذریعے جانورو ں کی ویکسی نیشن اور بیمار جانوروں کا علاج کیا جا رہا ہے۔جن میں گذشتہ دنوں میں 7 بیمار جانوروں کا علاج کیا گیا اور 87 ہزار 643 جانوروں کی ویکیسی نیشن کی گئی ہے۔ اسی طرح مجموعی طور پر محکمہ لائیو اسٹاک کی جانب سے 01 جنوری 2018 سے 03 جنوری 2019 تک 21 لاکھ 11 ہزار 111 چھوٹے اور بڑے جانوروں کی ویکسینیشن ، 97 ہزار 414 جانوروں کا علاج اور 2 لاکھ 76 ہزار 846 ریج(دست) کی بیماری میں مبتلا جانوروں کا علاج کیا گیا۔