: تازہ ترین

تازہ ترین ویڈیو

تاجر برادری ماہ رمضان کے صدقے قیمتوں کو اعتدال میں رکھے تاکہ غریب لوگ بھی عید کی خریداری با آسانی کر سکیں۔ فاروق احمد خان


Rashan Bags July 15, 2015 | 3:45 PM

بہاول پور:(نیوزآن لائن) رمضان المبارک انسانیت ،رواداری اور پیار محبت کا درس دیتا ہے مسلمان اس ماہ مقدس میں عبادت کے ساتھ ساتھ ایک دوسر ے کا دکھ درد بھی بانٹیں خاص طور پر کم وسیلہ لوگوں کی دامے درجے سخنے قدمے مدد کرنے میں کوئی کسر اٹھا نہ رکھیں ان خیالات کا اظہار چولستان ڈویلپمنٹ کونسل آف پاکستان کے ایگزیکٹو ڈائریکٹر فاروق احمد خان نے کچی بستی کے مستحق لوگوں میں پندرہ دنوں کے راشن پر مشتمل عید گفٹ بیگز تقسیم کرنے کے موقع پر کیا انہوں نے کہا کہ مخیر خواتین و حضرات ماہ مقدس اور عید الفطر کے حوالے سے ایسے لوگوں کی بڑھ چڑھ کر مدد کریں جو ضروری وسائل کی استطاعت نہیں رکھتے اسی میں اللہ کی رضا اور خوشنودی شامل ہے ۔ فاروق احمد خان نے مزید کہا کہ تاجر برادری ماہ رمضان کے صدقے قیمتوں کو اعتدال میں رکھے تاکہ غریب لوگ بھی عید کی خریداری با آسانی کر سکیں اور ان کے بچے بھی عید کی خوشیاں منا سکیں ۔دریں اثناء چولستان ڈویلپمنٹ کونسل آف پاکستان کی ڈائریکٹر محترمہ رضیہ ملک نے نیو سنٹرل جیل بہاول پور میں قید خواتین اور بچوں میں کپڑے،چوڑیاں اور ہائی جینک کٹس تقسیم کرتے ہوئے کہا کہ قیدیوں کو بھی عید منانے کا پورا پورا حق حاصل ہے جس کے لئے نہ صرف حکومتی سطح پر انتظامات کئے جانے چائیے بلکہ سول سوسائٹی کو بھی قیدیوں کی عید پر مسرت بنانے میں بھر پور معاونت کرنی چاہئے ۔ خاص طور پر قیدی خواتین اور بچے خصوصی توجہ کے مستحق ہیں ۔ انہوں نے کہا کہ معاشرے کو اپنے رویوں میں تبدیلی لاتے ہوئے سزا بھگت کر رہا ہونے والی خواتین کے ساتھ مثبت طریقے سے پیش آئے اور رہائی پانے والوں کی حوصلہ افزائی کر کے انہیں ایک بار پھر معاشرے کا مفید حصہ بننے میں مدد کریں۔