: تازہ ترین

تازہ ترین ویڈیو

بے باک صحافت ہی جمہوریت کی اصل طاقت ہے’ نیاز احمد خاصخیلی


all sindh peoples paramedical December 29, 2019 | 7:54 PM

امید ہے کراچی پریس کلب کے نومنتخب عہدیدار صحافیوں کے مسائل کے حل کیلئے جدوجہد کرینگے، صدر کراچی ڈویژن
اتنے یخ بستہ موسم میں بی بی کی برسی میں شرکت کرنے کیلئے دور دراز سے آنیوالے جیالوں کو سلام پیش کرتا ہوں’ گفتگو
کراچی: (نیوزآن لائن) آل سندھ پیپلز پیرا میڈیکل اسٹاف کراچی کے صدر نیاز احمد خاصخیلی نے کراچی پریس کلب کے الیکشن میں ڈی ڈیموکریٹس پینل کی کامیابی سمیت تمام منتخب عہدیداران کو مبارکباد دیتے ہوئے کہا کہ صحافی صحت مند معاشرہ کی تعمیر میں ایک اہم کردار ادا کرتے ہیں۔ جری اور بے باک صحافت اور نظامِ عدل ہی جمہوریت کی اصل طاقت ہیںامید ہے پریس کلب کے تمام نو منتخب اراکین صحافیوں کے مسائل کے حل کیلئے جدوجہد کریں گے۔ سوشل میڈیا پر جس طرح حقائق کو منفی اور توڑ مروڑ کر پیش کیا جاتا ہے ایسے میں صحافیوں کی ذمہ داری ہے کہ وہ اصل حقائق سامنے لائیں۔ وہ بی بی شہید کی برسی میں شرکت کے بعد راولپنڈی سے کراچی روانگی کے وقت میڈیا سے گفتگو کررہے تھے۔عباس مہر، فرمان علی سولنگی، سید منیر شاہ، ممتاز میمن، فرحان چھیپا ودیگر بھی اس موقع پر موجود تھے۔ نیاز احمد خاصخیلی کا کہنا تھا کہ میڈیا کا بنیادی کام اپنے قارئین کو اطلاع پہنچانا اور پوری دنیا کے احوال سے انہیں باخبر رکھنا ہے دنیاکے کون سے حصے میں کیا واقعات ظہور پذیر ہورہے ہیں۔ کیا تبدیلیاں آرہی ہیں اور مختلف شعبوں میں کیا ترقیات ہورہی ہیں یہ معلومات بہتر طور پرمیڈیا کے ذریعہ ہی لوگوں تک پہنچتی ہے۔ آل سندھ پیپلز پیرا میڈیکل اسٹاف نیم طبی عملے کے حقوق کی نمائندہ جماعت ہے لیکن اس کے ساتھ ہم معاشرے میں سماجی و فکری شعور اجاگر کرنے کیلئے مختلف پروگرامز کا انعقاد کرتے رہتے ہیں۔ گزشتہ دنوں سندھ کلچر ڈے پریس کلب میں منانے کا مقصد یہ تھا کہ صحافیوں کیساتھ مل کر سندھ کلچر ڈے کو اجاگر کریں۔انہوں نے بی بی شہید کی برسی کے موقع پر انتظامات کو خراج تحسین پیش کرتے ہوئے کیا کہ لاکھوں کے مجمے کو جس طرح سے سنبھالا گیا وہ قابل تحسین ہے ۔میں بی بی کی برسی میں شرکت کرنے کیلئے دور دراز سے آنیوالے جیالوں کو سلام پیش کرتا ہوں جو کہ اتنے سرد موسم میں بھی اپنی محبوب قائد سے عہد وفا نبھانے آئے۔ ایک سوال کے جواب میں ان کا کہنا تھا کہ کراچی پہنچ کر ورکنگ کمیٹی کا اجلاس بلائیں گے اور نیم طبی عملے کے مسائل پر گفتگو کے بعد آگے کا ایجنڈا میڈیا کے سامنے رکھیں گے۔