: تازہ ترین

تازہ ترین ویڈیو

بھارتیوں کشمیر میں ظلم بند کرو ظلم جب حد سے بڑھتا ہے تو مٹ جاتا ہے : جان محمد بلوچ


05-02-2020 Youm-e-Kashmir February 5, 2020 | 2:17 PM

بلدیہ ملیر : کشمیری بھائیوں سے اظہار یکجہتی کیلئے ریلی نکالی گئی
کرا چی: (نیوزآن لائن) مقبوضہ کشمیر میں بھارتی مظالم و بربریت کے خلاف اور کشمیر کی عوام سے اظہار یکجہتی کے سلسلے میں بلدیہ ملیر کی جانب سے ملیر ریور برج سے ملیر 15 نیشنل ہائی وے تک ریلی نکالی گئی ، ریلی کی قیادت چیئرمین بلدیہ ملیر جان محمد بلوچ کر رہے تھے ، ان کے ہمراہ رکن کونسل لیاقت بلوچ، ڈائریکٹر ایڈ منسٹریشن واثق ظفر، ڈائریکٹر کونسل محمد سلیم پراچہ، ڈائریکٹر انفارمیشن سلیم خان ، علاقائی رہنماء پاکستان پیپلز پارٹی آغاکریم، سیاسی و سماجی رہنمائ،اسکولوں کے اساتذہ ، بچوں ، پاکستان رینجرز و پولیس اور عوام کی بڑی تعداد نے بینرز ، پاکستان اور کشمیری جھنڈے اٹھارکھے تھے، ریلی کے شرکاء سے چیئرمین بلدیہ ملیر جان محمد بلوچ نے خطاب کرتے ہوئے کہا کہ کشمیری بھائیوں قدم بڑھائو ہم تمہارے ساتھ ہیں ، ہم تمہیں یقین دلاتے ہیں کہ کشمیر بنے گا پاکستان، ہم آزادی تحریک میں کشمیری عوام کے شانہ بشانہ کھڑے ہیں ، اہل کشمیر کے حق خودارادیت کیلے کردار ادا کرتے رہیں گیں ، چیئرمین بلدیہ ملیر نے کشمیر میں بھارتی وحشت و بربریت کی شدید مذمت کرتے ہوئے کہا کہ خطہ کشمیر ، ارض فلسطین کی طرح دھرتی کا مظلوم ترین گوشہ ہے، پون صدی سے زائد عرصہ کشمیری مظلومین نے مسلح بھارتی فوج کی سنگینیوں میں گزارا ہے اگست 2019 سے درندہ صفت نریندر مودی نے دستور ہند کی دفعہ 370 اور 35 اے کو ختم کر کے کشمیر کی خصوصی حیثیت کا خاتمہ کردیا اس دن سے آج تک کم و بیش دو سودن بیت چکے ہیں کہ کشمیر میں بدترین کرفیوہے، کشمیری پوری دنیا سے ابلاغی طور پر کٹ چکے ہیں ایک لاکھ سے زائد بے گناہ کشمیری جانوں کے نظرانے پیش کرچکے ہیں اس سے کہیں زیادہ زخمی اور معذور ہو چکے ہیں ، انہوں نے مزید کہا بھارتیوں کشمیر میں ظلم بند کرو ظلم جب حد سے بڑھتا ہے تو مٹ جاتا ہے، وہ دن دور نہیں جب کشمیر بنے گا پاکستان ۔