: تازہ ترین

تازہ ترین ویڈیو

بلدیہ وسطی کے زیر انتظام چلنے والے اسکولوں میں جدید علوم کی فراہمی کو ممکن بنارہے ہیں ۔ریحان ہاشمی


Pic January 12, 2020 | 5:19 PM

طلباء کی صلاحیتوں کو نکھارنے میں اساتذہ کا اہم کردار ہوتا ہے ۔محمد اسلم خان
کراچی: (نیوزآن لائن)بلدیہ وسطی کے اسکولوں میں تعلیم کی فراہمی کو عصر حاضر کے تقاضوں سے ہم آہنگ کرنے کو یقینی بنانے کے لئے محکمہ تعلیمات بلدیہ وسطی کا مثبت قدم۔تفصیلات کے مطابق بلدیہ وسطی کے زیر انتظام چلنے والے اسکول سید اصغر اشفاق انگلش میڈیم اسکول میں سفید بورڈز کو پہلی مرتبہ تدریسی عمل کا حصہ بنادیا گیا ۔ مذکورہ اسکول کی ہیڈمسٹریس محترمہ حمیرہ ،موجودہ اور سابقہ ٹیچنگ اسٹاف نے مشترکہ کوششوں، ذاتی دلچسپی، و امداد باہمی کے اصولوں کو اپناتے ہوئے اسکول کی تمام کلاسوں میںکی فراہمی وتنصیب کو ممکن بنایا ۔چیئر مین بلدیہ وسطی ریحان ہاشمی نے اسکول اساتذہ کی کاوشوں اور بے مثال جذبے کو سراہتے ہوئے اسے علم سے محبت اور مستقبل کے معماروں کی تعلیمی استعداد کوجدید خطوط پر استوار کرنا قرار دیا ۔ڈائریکٹر ا یجوکیشن محمد اسلم خان نے ڈپٹی ڈائریکٹر گلبرگ زون محترمہ خدیجہ تسلیم،محترمہ حمیرہ کے ہمراہ وائٹ بورڈز کی فراہمی اور افتتاح کے موقع پرطلبا و اساتذہ سے گفتگو کرتے ہوئے کہا کہ دور جدیدکے چیلنجز سے نبرد آزما ہونے کے لئے ہمیں اپنے طلباء و طالبات کو جدید علوم و ٹیکنا لوجی سے آراستہ کرنا ہوگا ،تاکہ مستقبل میں جدید تعلیم سے لیس طلباء و طالبات پاکستان کا نام دنیا میں روشن کر سکیں انہو ں نے مزید کہا کہ بچوں کی تعلیمی صلاحیتوں کا نکھارنے میں اساتذہ کا کردار اہمیت کا حامل ہے انہوں نے امید ظاہر کی کے اساتذہ اپنی ذمہ داری ایمانداری سے سرانجام
دینگے ،بعد ازاں ڈائریکٹر ایجوکیشن نے اسکول کے تمام اساتذہ کو ان کی کاوشوں پر خراج تحسین پیش کیا ۔