: تازہ ترین

تازہ ترین ویڈیو

بلدیہ شرقی میں ربیع الاوّل کے حوالے سے انتظامات کیلئے اقدامات شروع


27.10 (1) October 27, 2019 | 4:12 PM

چئیرمین بلدیہ شرقی معید انور کا عید میلاد النبیۖ کے حوالے سے بلدیاتی خدمات فراہم کرنے کیلئے دورے
عید میلاد النبیۖ پر بلدیاتی خدمات سر انجام دینا اعزاز سے بھی بڑھ کر ہے،معید انور
کراچی:(نیوزآن لائن)چئیرمین بلدیہ شرقی معید انور نے کہا ہے کہ ربیع الاوّل بالخصوص عید میلاد النبیۖ پر بلدیاتی خدمات سر انجام دینا باعث اعزاز ہے کسی بھی ایونٹ پر بلدیاتی خدمات اپنی جگہ مگر آقائے دوجہاںۖ کے حوالے سے بلدیاتی خدمات روحانی تسکین کا سبب ہوتی ہیں ان خیالات کا اظہار انہوں نے بلدیہ شرقی و دیگر محکموں کیافسران کے ہمراہ لائینز ایریا،جیکب لائین اور خداداد کالونی و مرکزی جلوس کے روٹس کا بلدیاتی خدمات کی فراہمی کے حوالے سے تفصیلی دورہ کرنے کے دوران کیا اس موقع پر انہیں مذہبی شخصیات وجلوس منتظمین نے درپیش بلدیاتی مسائل سے آگاہ کیا جس پر چئیرمین بلدیہ شرقی معیدانور نے کہا کہ بلدیہ شرقی کے دائرہ اختیار میں آنے والے کاموں کیلئے مکمل تعاون کیا جائیگا جبکہ جو خدمات دیگر اداروں کی ہیں انہیں بھی آن بورڈ لے کر خدمات کی فراہمی کو یقینی بنائیں گے اور پوری کوشش ہوگی کہ جشن عیدمیلادالنبیۖ سے قبل سہولیات کی فراہمی کو یقینی بنا دیا جائے انہوں نے افسران کو اس سلسلے میں اقدامات کرنے اور روزانہ کی بنیاد پر رپورٹ پیش کرنے کی ہدایت کی اس موقع پر ان کے ہمراہ چئیرمین بی اینڈ آر کمیٹی و وائس چئیرمین یوسی 9 جاویداحمد یوسی 10 کے چئیرمین محمد مرسلین،وائس چئیرمین ندیم خواجہ ودیگر بلدیاتی نمائندگان بھی موجود تھے۔