: تازہ ترین

تازہ ترین ویڈیو

این جی اوز منقولہ اور غیر منقولہ ملکیت پر مکمل رجسٹریشن نمبر درج کریں ۔صوبائی وزیر سماجی بہبود شمیم ممتاز


Karachi-Sindh September 2, 2016 | 9:01 PM

کراچی:(نیوزآن لائن) صوبائی وزیر سماجی بہبود شمیم ممتازنے محکمہ سماجی بہبود سے رجسٹرڈ غیر سرکاری تنظیموں (این جی اوز)کو مشورہ دیا ہے کہ وہ اپنی منقولہ اور غیر منقولہ ملکیتوں پر مکمل رجسٹریشن نمبر درج کریں تاکہ جعلی این جی اوز  اور ملک دشمن عناصر کی حوصلہ شکنی کی جاسکے ۔صوبائی وزیر نے کہا کہ این جی اوز اپنی گاڑیوں ،دفاتر ،لیٹر ہیڈ ،  بینرز ،دعوت ناموں ،ویزیٹنگ کارڈز اور آئی ای سی (انفارمیشن ،ایجوکیشن اور کمیونیکیشن )میٹریل پر رجسٹریشن اتھارٹی کے نام کے ساتھ مکمل رجسٹریشن نمبر درج کریں ۔انہوں نے کہا کہ اس مشورے پر عمل نہ کرنے والی این جی اوز کی رجسٹریشن نہ صرف منسوخ کردی جائے گی بلکہ ان کے خلاف قانونی کا رروائی بھی کی جائے گی ۔صوبائی وزیر سماجی بہبود شمیم ممتازنے ڈائریکٹر سوشل ویلفیئر سندھ اختر علی قریشی کو سختی سے ہدایت کی ہے کہ وہ این جی اوز کواس بات پر عملدرآمدکے لئے پابند بنائیں ۔انہوں نے افسران کو ہدایت دی ہے کہ این جی اوز کی سرگرمیوں کی سختی سے نگرانی کریں اور سماجی فلاح وبہبود کے نام پر دھوکہ دینے اور فنڈز جمع کرنے والے افراد کے خلاف ضلعی انتظامیہ اور پولیس کی مدد سے کارروائی عمل میں لائیں ۔انہوں نے محکمہ سوشل ویلفیئر کے فیلڈ افسران کو بھی  ہدایت دیں  کہ سندھ میں کام کرنے والی والینٹری سوشل ویلفیئر ایجنسیز کو  اس سلسلے میں پابند کریں ۔صوبائی وزیر سماجی بہبود شمیم ممتازنے کہا کہ اس معاملے پر کسی قسم کی سستی اور کوتاہی برداشت نہیں کی جائے گی ۔