: تازہ ترین

تازہ ترین ویڈیو

ایدھی سینٹر میں موجود بچوں کے اہل خانہ کی تلاش میں محکمہ انسانی حقوق ہر ممکن جدوجہد جاری رکھے گا۔ نادیہ گبول


SID-2 - Nadia Gabol - 2-12-13 December 2, 2013 | 7:49 PM

محکمہ انسانی حقوق سندھ اور ایدھی سینٹر کی مشترکہ کاوشوں کے نتیجہ میں 4 بچوں
کے اہل خانہ کو تلاش کرکے بچوں کو ان کے والدین کے حوالے کردیا گیا۔
کراچی(نیوزآن لائن ) وزیر اعلیٰ سندھ کی کوآرڈینیٹر برائے انسانی حقوق نادیہ گبول نے آج اپنے دفتر میں ایدھی سینٹر ”اپنا گھر“ میں موجود چار بچوں کے والدین کو تلاش کرکے بچوں کو ان کے والدین کے سپرد کردیا۔انہوں نے کہا کہ محکمہ انسانی حقوق سندھ‘ ایدھی سینٹر میں موجود بچوں کے اہل خانہ کی تلاش میں اپنا کردار ادا کرتا رہے گا۔ نادیہ گبول نے بتایا کہ گھروں سے لاپتہ بچوں کی بازیابی اور ان کے والدین کو رہنمائی فراہم کرنے میں محکمہ انسانی حقوق اپنا کردار ادا کررہا ہے۔ انہوں نے کہا کہ محکمہ انسانی حقوق اور ایدھی سینٹر کی مشترکہ کاوشوں کے باعث بچوں کے والدین کی تلاش کا کام پایہ تکمیل تک پہنچا ہے اور مزیدبچوں کے والدین کی تلاش کا کام بھی جاری ہے۔
اس موقع پر ثناء عمر 9 سال دومہینہ قبل ضیاء کالونی کورنگی سے لا پتہ‘ ثمینہ عمر 5 سال دو سال سے منگھوپیر سے لاپتہ‘ نور عمر 8 سال ایک سال سے مچھر کالونی سے لاپتہ اور رابعہ عمر 22 سال جو کہ دماغی توازن کی خرابی کے باعث آگرہ تاج کالونی سے ایک ماہ سے لاپتہ تھی‘ ان چاروں کو ایدھی سینٹر ” اپنا گھر“ کی انچارج ڈاکٹر فرحانہ کی موجودگی میں ان کے والدین کے سپرد کردیا گیا۔