: تازہ ترین

تازہ ترین ویڈیو

انجیرنگ کالج اور میڈیکل کمپلیکس کی تعمیر جلد مکمل کی جائے گی۔ مرتضیٰ بلوچ


MU PIC 2 (1) October 27, 2019 | 4:19 PM

کراچی :( نیوزآن لائن) صوبائی وزیر برائے انسانی بستیوں اور خصوصی ترقی غلام مرتضیٰ بلوچ نے کہا ہے کہ انجینرنگ کالج اور میڈیکل کمپلیکس کی تعمیر کی جلد تکمیل کے لئے وزیر اعلیٰ سندھ سے رکے ہوئے فنڈز فراہم کرنے کے لئے درخواست کی جائے گی تاکہ ان کی تکمیل سے علاقے میں تعلیم کا فروغ ہوسکے۔ یہ بات انہوں نے ایجویکشن سٹی میں تعمیر ہونیوالے شھید ذوالفقار علی بھٹو انجنئیرنگ کالج میں جاری کام کا جائزہ لینے کے موقع پر کہی۔ دورے کے موقع پرایجوکیشن ورکس کے انجنئیرز حبیب اللہ میمن سمیت دیگر افسران نے کالج کے ترقیاتی کام اور فنڈز کے متعلق صوبائی وزیر کو آگاہی دی۔ صوبائی وزیر برائے انسانی بستیوں اور خصوصی ترقی غلام مرتضیٰ بلوچ نے مذید کہا کہ وہ جلد وزیر اعلء سندھ سید مراد علی شاھ سے ملاقات کر کے انجنیئرنگ کالج اور میڈیکل کمپلیکس کے رکے ہوئے فنڈز جاری کرنی کی درخواست کریں گے۔ دورے کے موقع پر جنرل سیکریٹری ملیر ایم پی اے محمد ساجد جوکیو، انفارمیشن سیکریٹری انفارمیشن میر عباس تالپور، صدر پی ایس 130 امداد جوکیو، مرتضء یار محمد، میمبر ضلع کونسل مجاھد جوکیو، عبدالستار جوکیو، حسین بخش جوکیو سمیت دیگر پارٹی ذمیداران اور کارکنان بھی موجود تھے۔ صوبائی وزیر غلام مرتضیٰ بلوچ نے کہا کہ اعلیٰ پروفیشنل تعلیم کے ذریعے متوسط طبقے کے بچے اپنی زندگیوں میں بڑی مثبت تبدیلی لاسکتے ہیں اور حکومت سندھ اعلیٰ تعلیم کے مواقع مہیا کرنے میں گہری دلچسپی رکھتی ہے اور اس کو تمام طبقوں کے لئے آسان بنا رہی ہے۔