: تازہ ترین

تازہ ترین ویڈیو

انجمن طلباء اسلام کے وفد کی سابق وفاقی وزیر حاجی حنیف طیب اور رکن سندھ اسمبلی قاسم فخری سے ملاقات۔


350bcdf3-e8f3-48d0-98bc-00976065a193 December 25, 2019 | 5:32 PM

یوم قائد کے موقع پر مزار قائد پر حاضری و تقریب کا اہتمام بھی کیا جائیگا۔
کراچی:(نیوزآن لائن) انجمن طلباء اسلام کے مرکزی سیکرٹری جنرل محمد اکرم رضوی تنظیمی دورہ پر سندھ پہنچ گئے ۔ انہوں نے گزشتہ روز مختلف پروگرامز میں شرکت کے علاوہ اہم سیاسی و مذہبی رہنمائوں سے ملاقاتیں کیں ۔سابق وفاقی وزیر بانی صدر اے ٹی آئی ڈاکٹر حاجی حنیف طیب اور پارلیمانی لیڈر سندھ اسمبلی مفتی قاسم فخری سے ملاقات کرتے ہوئے سندھ اسمبلی میں طلباء یونین بحالی بل پر تفصیلی تبادلہ خیال کیا گیا ۔ رہنمائوں نے گفتگو کرتے ہوئے کہا کہ طلباء یونین کی بحالی موجودہ حالات میں ناگزیر ہوچکی ہے ، لسانی و علاقائی طلباء تنظیموں کی بجائے نظریاتی سیاست کو فروغ دیا جانا چاہیے ۔لڑائی جھگڑے کی سیاست سے باز رہنا طلباء کی بھی ذمہ داری ہے ، جامعات میں قیام امن کیلئے مشترکہ تعلیمی امن پلان دے رہے ہیں ،سندھ اسمبلی کا یونین بحالی کا بل پاس کرنا خوش آئند ہے مگر انتخابات یقینی بنائے جائیں ۔ اس موقع پر مرکزی جوائنٹ سیکرٹری مبشر حسین ، سابق سیکرٹری جنرل تنویر حسین اسدی بھی انکے ہمرا ہ تھے جبکہ آج انجمن طلباء اسلام کراچی کا وفد مزار قائد پر حاضری دیگا اور مختصر تقریب کا بھی اہتمام کیا جائیگا ۔