: تازہ ترین

تازہ ترین ویڈیو

الخدمت کراچی آرفن کئیر پروگرام کے تحت یوم حیاء منایا گیا


February 14, 2016 | 8:29 PM

فحاشی برائیوں کی جڑ ہے ،ہمیں اپنی نسلوں کو اس سے بچانا ہوگا ،یاسمین آصف
کراچی :( نیوزآن لائن)الخدمت کراچی آرفن کئیر پروگرام کے تحت کراچی کے دو مقامات پر یوم حیاء عنوان سے پروگرامات کا انعقاد کیا گیا ،پروگرامات میں اسکولوں کی آرفن بچیوں کے ساتھ دیگر لڑکیوں نے بھی شرکت کی ، نائب الخدمت کراچی خواتین یاسمین آصف نے گفتگو کرتے ہوئے کہاکہ فحاشی برائیوں کی جڑ ہے اور ہمیں اپنی نسلوں کو اس سے بچانا ہوگا ،انھوں نے کہا کہ ہماری نسلوں پر مغربی ثقافت مسلط کی جارہی ہے ،ہمیں اپنی ثقافت سے مغربی تہذیب کو دور رکھنا ہوگا ،میڈیا ہمارے ملک کا ایک اہم جز ہے میڈیا کو اس بے حیائی کو روکنے کے لئے اپنا کردار ادا کرنا چاہئے ،الخدمت کراچی آرفن کئیر شعبہ کا یوم حیاء کا انعقاد کرانا خوش آئندہ ہے ،انھوں نے بچیوں سے مخاطب ہو کر کہا کہ حیاء و شرم عورت کا زیور ہے ،ہمیں قرآن سنت کے مطابق اپنی ذندگی گزارنی چاہئے ہمیں ایسا بننا ہے کہ لوگ ہمارے پیچھے ہماری حیاء کی تعریف کریں ہمیں اس مغربی تہوار کی جگہ یوم حیاء منانا چاہئے تاکہ ہم مغرب کو بتا سکے کہ ہماری حیاء اور شرم کے آگے ان کی بے حیائی کے تہوار کوئی معنی ٰ نہیں رکھتے ،اس موقع پر نائب امیرضلع جنوبی خواتین نظم شہناز کمال اور خواتین کی ایک بڑی تعداد بھی موجود تھی ،پروگرام کے آخر میں بچیوں میں اسکارف بھی تقسیم کئے گئے ۔