: تازہ ترین

تازہ ترین ویڈیو

الخدمت‘ مسلم ایڈاورقدوائی ویلفیئر ٹرسٹ کے تحت مستحق خاندانوں میں راشن کی تقسیم


1234 (8) July 1, 2014 | 7:34 PM

الخدمت کے تحت امسال20ہزارسفید پوش خاندانوںمیں راشن اور عید گفٹ تقسیم کئے جائیں گے
رمضان المبارک نیکیوں اور برکتوں کا مہینہ ہے ،ہمیں اس ماہ مبارک میں مستحق افراد کا بھر پور خیال رکھنا چاہیے ، مظفر احمد ہاشمی
کراچی : (نیوزآن لائن)الخدمت ویلفیئر سوسائٹی کراچی نے اپنی روایت کو برقرار رکھتے ہوئے رمضان المبارک کی آمد کے ساتھ ہی سفید پوش اور مستحق خاندانوں کی امداد کا عمل شروع کردیا ہے اس سلسلے میں مسلم ایڈ کے تعاون سے فاران کلب گلشن اقبال میںسیکڑوں مستحق خاندانوں میں راشن تقسیم کیا گیا ،امسال 20ہزار خاندانوںمیں راشن اور عید گفٹ تقسیم کئے جائیں گے ، راشن بیگ میں آٹا، چاول، چینی، چائے کی پتی، دال چنا، دال مسور، بیسن ،گھی ، صابن اور دیگر روزمرہ استعمال کی اشیاء شامل ہیں۔واضح رہے کہ الخدمت ہرسال رمضان المبارک میں نہ صرف بیوہ ، اوریتیم بچوں کی کفالت کے لیے بلکہ کم آمدنی والے مستحق خاندانوں میں راشن تقسیم کرتی ہے ،راشن تقسیم کرنے کی تقریب کے موقع پر جماعت اسلامی کراچی کے نائب امیر مظفر احمد ہاشمی نے خطاب کرتے ہوئے کہا کہ رمضان المبارک نیکیوں اور برکتوں کا مہینہ ہے ،ہمیں اپنی حیثیت کے مطابق مستحق افراد اور خاندانوںکی بھر پور مدد کرنی چاہئے ، رمضان المبارک میں اللہ نے اپنے ایک نیکی کے بدلے 70گنازیادہ اجر دینے کا وعدہ کیا ہے،الخدمت سفید پوش مستحق افراد کے لئے ہمیشہ سب سے آگے رہی ہے او ر راشن تقسیم کا انعقاد بھی اسی سلسلے کی کڑی ہے ۔ الخدمت کراچی کے جنرل سیکرٹری انجینئر عبدالعزیز نے ا س موقع پرکہاکہ الخدمت دکھی انسانیت کی خدمت پر یقین رکھتی ہے ، معاشرے کے مجبور، بے کس اور بے سہارا افراد کوراشن کی فراہمی کا سلسلہ جاری ہے اورامسال ہم 20ہزار سے زائد مستحق خاندانوں کو راشن فراہم کریں گے تاکہ غریب و نادارخاندان نا صرف رمضان المبارک سکون سے گزارسکیں بلکہ عید کے موقع پر ان کے گھروں میں خوشیوں کا سما ہو۔ انہوں نے کہا کہ الخدمت رمضان المبارک میں بڑے پیمانے پر مستحق خاندانوں میں راشن کی فراہمی، کراچی کے مضافاتی علاقوں اورسڑکوں پر مسافروں کے لیے افطارکا اہتمام، یتیم اور بے سہارابچوں کو عیدگفٹ تقسیم کرتی ہے ۔ انہوں نے کہا کہ کراچی کے عوام الخدمت پر بھر پوراعتماد کرتے ہیں یہی وجہ ہے کہ ہم اتنے بڑے پیمانے پر فلاحی کام انجام دیتے ہیں، انجینئرعبدالعزیز نے مخیر حضرات سے اپیل کی کہ وہ د کھی انسانیت کی خدمت کے کام کو آگے بڑھانے اوربے کس وبے آسرا لوگوں کے چہروں پر خوشیاں بکھیرنے کے لیے الخدمت سے تعاون کریں اوراپنی زکوٰة اورعطیات الخدمت کو دیں ،اس موقع پر مسلم ایڈ کے بلال احمد صدیقی’قدوائی ویلفیئر ٹرسٹ کے آفتاب علوی اور دیگرنے خطاب کیا۔جماعت اسلامی کراچی کے سیکریٹری اطلاعات زاہد عسکری ،الخدمت کراچی کے سینئر منیجر منظر عالم و دیگر بھی موجود تھے ۔#