: تازہ ترین

تازہ ترین ویڈیو

اجتماع عام میں نوجوانوں کی بڑی تعداد میں شرکت سے ثابت ہوجائے گا کہ وہ اسلامی پاکستان چاہتے ہیں۔سیف الدین


karachi October 27, 2014 | 8:20 PM

شہرکراچی جماعت اسلامی کا گڑھ ہے،اجتماع عام میں کراچی سے ہزاروں نوجوان شرکت کریں گے
کراچی بھر میں وال چاکنگ،بینرز،کیمپس لگائے جائیں گے،15نومبرکو خوشحال اسلامی پاکستان ریلی نکالی جائے گی۔شباب ملی
کراچی(نیوزآن لائن) شباب ملی کراچی کے صدر سیف الدین نے کہا ہے کہا ہے کہ اجتماع عام فرسودہ نظام کے تابوت میں آخری کیل ثابت ہوگا،اجتماع عام میں نوجوانوں کی بڑی تعداد میں شرکت سے ثابت ہوجائے گا کہ وہ سیکولر یا سوشلسٹ پاکستان نہیں بلکہ اسلامی پاکستان چاہتے ہیں،کراچی شہرروز اول سے جماعت اسلامی کا گڑھ ہے،اجتماع عام میں کراچی سے ہزاروں نوجوان شرکت کریں گے،ان خیالات کا اظہار انہوں ادارہ نورحق میں کراچی کونسل کے اجلاس سے خطاب کرتے ہوئے کیا،اجلاس میں ڈپٹی جنرل سیکرٹری اسمعٰیل بلوچ،سیکرٹری اطلاعات معاذلیاقت،اورضلعی صدور بھی شریک تھے،اجلاس میں اجتماع عام کے سلسلے میں اب تک کی گئی تیاریوں کا جائزہ لیا گیا،اجلاس میں طے کیا گیا کہ کراچی بھر میں وال چاکنگ،بینرز،اورکیمپس لگائے جائیں گے اوراجتماع عام کے سلسلے میں 15نومبر کو خوشحال اسلامی پاکستان ریلی نکالی جائے گی،بعدازاں اجلاس سے خطاب میں سیف الدین نے مذید کہا کہ کچھ عناصر عوام کو سیکولر پاکستان کی طرف لے کرجانا چاہتے ہیں لیکن آج بھی عوام کے دل اسلام کے لئے دھڑکتے ہیں اور آج بھی کروڑوں پاکستانیوں کا ایک ہی نعرہ ہے پاکستان کا مطلب کیا لا الہ الااللہ۔اجتماع عام تحریک پاکستان کی یاد تازہ کردے گا اور اب اسلامی اور خوشحال پاکستان کی تحریک شروع ہوگی سازشی عناصر کوجان لینا چاہئے کہ اس ملک کی بنیاد لاالہ الااللہ پر رکھی گئی تھی اب عوام کومذید جھوٹے وعدوں اور لالی پاپس کی سیاست کے زریعے گمراہ نہیں کیا جاسکتا عوام جاگ چکے ہیں اور اجتماع عام میں دنیا بھی دیکھ لی گی کہ عوام کس کے ساتھ ہیں اور کونسا پاکستان چاہتے ہیں۔